به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
فوئاد حوسێن سەرۆكی دیوانی سەرۆكایەتی هەرێمی كوردستان ، كە ئەمرۆ بە مەبەستی راوێژ لەگەڵ بەرپرسانی وەزارەتی دەرەوەی ئەمریكا كۆبووەوە و دواتر رووی ئەنجومەنی ئاسایشی نەتەوەیی ئەمریكا كرد و لەوێ رایگەیاند" ئەگەر من لە جیاتی نوری مالیكی بوومایە دەچوومە پەرلەمان و دوای لێبوردنم دەكرد لەوەی نەمتوانیووە وڵات بەرێوە و بەرم و دەردەچووم."
فوئاد حوسێن ئاماژەی بوونی دەوڵەتێكی دیكە لە عیراق كردووە كە ئەویش دەوڵەتی ئیسلامیە، كوردستان چیتر درواسێی بەغدا نییە، بەڵكو لە نێوان هەولێر و بەغدا وەكو دوو وڵاتی جیاواز مامەڵە دەكەین.
سەرۆكی دیوانی سەرۆكایەتی بە دوورزانی ئێران بۆ شەڕكردن لە دژی داعش روو لە ناوچە سوننە نیشینەكان بكات و وتی" ئەوان شەڕ لە پێناو پاراستنی بەغدا و سامەڕا دەكەن نەك بۆ پاراستنی عیراق."
داواشی لە ئەمریكا كرد بۆ ئەوەی بەرووی وەرگرتنی نەوتی هەرێمی كوردستان بكرێنەوە تاوەكو ژیانی حەوت ملیۆن كەس باشتر بكرێت.
فوئاد حوسێن باسلەوەشدەكات كە بەغدا پێویستی بە دامەزراندی هەیكەلی سیاسەتێكی تازەی هەیە، بەڵام ئەو كارەش لە بارێكی نارێكی ئەمنی وەكو ئێستادا ناكرێت و وتی" ئەمرۆ عیراق سوپای نییە ئەوەش دوای رووخانی 80% سوپای عیراق و میلیشیا شیعەكان
بەرپرسیارن لە باری ئەمنی ئێستای بەغدا.
ئەم چاوپێكەوتنەی خوارەوەش، لەگەڵ كەناڵێ (حوڕە) فوئاد حوسێن ئەنجامیداوە كە لە پەراوێزی راوێژكردنی كورد لەگەڵ واشینتۆن بووە.
03/07/2014
ولیام گلاستۆن لە ناوەندی بیر و دەستەڵاتدا جێگای لێوردبوونەوە و گوێلێگرتنه. رەخنەی راستەوخۆ و زۆر توندی لە سیاسەتەکانی هەردوو حکوومەتی جۆرج بوش و ئۆباما گرتووە. دەیەوێت حکوومەتی ئەمریکا بەخۆیدا بچێته‌وه رای ده‌گه‌یه‌نێ كه "ئێستا کاتی پێداگریە لەسەر فاکتەکان بۆ داڕشتنی دیپڵۆماسیمان نەوەک بیرۆکەی ڕزیو و مانۆڕی تاکتیکی. سەدەیەک پاش رووخانی ئیمپڕاتۆریەتی عوسمانی ئێستا دەبێت هەڵسوکەوت لەگەڵ دەرەنجامەکان بکەین، ئەو هێلکارییەی دیپلۆماتە فەرەنسی و بریتانییەکان کردوویانە لەسەر نەخشە لە ساڵی ١٩١٦ هەرگیز وەڵامدەرەوەی واقعی ئیتنی و پێکهاتەیی نەبووە لە راستیدا. هێلکاری رێککەوتنی ساکس-پیکۆ جێگای رەزامەندی نین و "عێراق" و "سووریا" دوو ناون نەک دوو نەتەوە".
گلاستۆن له وتارێكدا كه له "وۆڵ ستریت جۆرناڵ" بڵاوی كردووه‌ته‌وه ده‌ڵێ "کوردەکان خەڵکێکی زۆر جیاوازن و زمان و کولتوور و مێژووی خۆیان هەیە، لەلایەن هەموو ئەو وڵاتانەی کە بەزۆری کوردی وەک کەمینە تێ پەستێندراون، چەوسێندراونەتەوە. و زەحمەتە خەڵکانێک هەبن زیاتر لە کوردەکان شایەنی دەوڵەتی خۆیان بن".
گلاستۆن ئاماژه‌ی به‌وه‌یش داوه "پرسی دەوڵەتی کوردی لە مەسەلەی مۆڕالی زیاترە، سەرەڕای گەندەڵی لە عێراق، کورد بە شێوەیەکی کاریگەر حوکمی خۆیان کردووە و بەشێکی بەرچاوی وەبەرهێنانی دەرەوەیان بۆ لای خۆیان راکێشاوە، هه‌روه‌ها سوپاکەیان کاریگەر بووە و دیسپلینی نیشانداوە بە گرتنەوەی شاری کەرکووک کە بە پایتەختی خۆیانی دەزانن و بە "قودس" ناوی دەبەن و به پەیماننامە نەوتییەکەیان لەگەل تورکیا بەبێ هاوکاری بەغدا، سەربەخۆیی ئابووری خۆیان بەدەست هێناوە".
"واشنتۆن هەمیشە دژ بە ناردە دەرەوەی نەوتی هەرێمی کوردستان بەبێ رەزامەندی بەغدا وەستاوەتەوە و بە هەڕەشە لەسەر یەکێتی عێراق وەسفی دەکا، ئێستا کاتی ئەوەیە ئەمه‌ریکا رێک ئەو سیاسەتە هەلگێڕێتەوە و پێویستە ئەمه‌ریکا رای بگەیەنێت کە ناتوانرێ سنوورەکانی ئێستای عێراق بپارێزرێن و ساکس-پیکۆ نامەیەکی سووتاوە. رێکخستنەوەی ئاسایشی نوێ و دروستکردنی سنووری نەتەوەیی کە کارەکتەرە هەرێمییەکان پێی رازی بن بەرزترین و باشترین کاریگەری ئەمه‌ریکایە لەسەر رۆژهەڵاتی ناوەڕاست" گلاستۆن وای نووسیوه.
ولیام گلاستۆن ئەندامی ئینستیتۆی برۆکینس و پێشتر لە زانکۆی مێریلاند مامۆستا بووە و چەندین پۆستی حکوومی هەبووە، هاوكات یاریده‌ده‌ری بیل کلینتۆن بووە بۆ سیاسەتی ناوخۆ له كاتی سه‌رۆكایه‌تییدا، بەرێوەبەری کامپەینی هەڵبژاردنی سەرۆکایەتی ئێ‌لگۆر و مۆندەیل بووە. چەندین پۆستی باڵای هەبووە لە رێکخراوە مەدەنییەکان وچەندین پۆستی باڵای پێ سپێردراوە لە دامەزراوەکانی خوێندنی باڵا.
پێشتیوانی ولیام گلاستۆن لە دروستبوونی دەوڵەتی کوردی دەنگدانەوەی ناوخۆیی لە ئەمه‌ریکا دەبێت و بیرمەندانی ستراتیجی و سیاسی پشتگیری لێ دەکەن، گلاستۆن پسپۆڕی سیاسەتی ناوخۆیە و شارەزای کامپەینە سیاسییەکان و هەلبژاردنەکانە. لە ئێستادا لێکۆڵینەوەکانی تیشک دەخەنە سەر هێلکاری کۆنتراکتی کۆمەڵایەتی نوێ و تیشکخستنە سەر بە قوتببوونی سیاسەت.
02/07/2014
اوكات له‌گه‌ڵ ئه‌و مشتومڕه‌ی كه له‌باره‌ی دابه‌شكردنی عێراقه‌وه سه‌ریهه‌ڵداوه، میدیای ئه‌مریكی به‌پێویستی ده‌زانێت عێراق دابه‌شبكرێت، بۆ ئه‌وه‌ی كۆتایی به‌و ئاڵۆزیه بهێنرێت، كه ماوه‌ی سه‌ده‌یه‌كه له‌عێراقدا هه‌یه.
ڕۆژنامه‌ی (واشنتۆن پۆست) 3ی ئه‌مریكی نوسیویه‌تی: بۆ كورد وا باشه له‌عێراق جیاببێته‌وه‌‌و وه‌ك ده‌وڵه‌تێكی سه‌ربه‌خۆ مامه‌ڵه بكات، ئه‌وه‌ش له‌به‌ر چه‌ند هۆكارێك، له‌وانه عێراق ده‌رفه‌تی پێكه‌وه‌ژیانی تێدا نه‌ماوه‌‌و هه‌رێمی كوردستانیش وه‌ك ئه‌مری واقیع بۆته ده‌وڵه‌تێكی سه‌ربه‌خۆ، جگه له‌وه‌ش، ئه‌وه‌ی ڕووده‌دات ئاماژه‌یه بۆ هه‌ڵوه‌شاندنه‌وه‌ی په‌یماننامه‌ی سایكس ـ بیكۆ.
هاوكات ڕۆژنامه‌ی (یو ئێس ئه‌ی توده‌ی) ئه‌مریكی نوسیویه‌تی: باشتره عێراق بۆ سێ هه‌رێمی كورد، شیعه‌‌و سوننه دابه‌ش بكرێت.
ئه‌و ڕۆژنامه ئه‌مریكیه ته‌ئكیدی له‌وه‌شكردۆته‌وه، دابه‌شكردنی عێراق ته‌نها ڕێگه‌یه بۆ هێنانه‌ئارای ئاشته‌وایی له‌عێراقدا.
له‌لایه‌كی تره‌وه، ڕۆژنامه‌ی (هه‌فینگتۆن پۆست)ی ئه‌مریكی له‌ڕاپۆرتێكدا ئاماژه‌ی به‌مێژووی پێكهێنانی عێراق كردوه، كه سه‌ده‌یه‌ك له‌مه‌وبه‌ر له‌ڕێگه‌ی پێكه‌وه‌لكاندنی سێ ویلایه‌تی به‌سره، به‌غدا‌و موسڵه‌وه پێكهێنرا.
ئه‌و ڕۆژنامه ئه‌مریكیه ڕه‌خنه‌ی له‌و پێكهێنانه‌ی عێراق گرتوه‌‌و په‌یماننامه‌ی سایكس ـ بیكۆی به‌هه‌ڵه‌یه‌كی مێژوویی وه‌سفكردوه.
02/07/2014
جامعه‌ی عه‌ره‌بی راپرسیه‌كه‌ی هه‌رێمی كوردستان له‌باره‌ی سه‌ربه‌خۆییه‌وه ره‌تده‌كاته‌وه‌و رایده‌گه‌یه‌نێت ئه‌وه‌ی مه‌سعود بارزانی باسی ده‌كات ته‌نیا قسه‌ی راگه‌یاندنه.
فازل جه‌واد یارده‌ده‌ری ئه‌مینداری گشتی بۆ كاروباری سیاسی جامعه‌ی عه‌ره‌بی رایگه‌یاند: راگه‌یاندنه‌كه‌ی سه‌رۆكی هه‌رێم له‌باره‌ی راپرسیه‌وه بۆ سه‌ربه‌خۆیی هه‌رێم قسه‌ی راگه‌یاندنه‌و ده‌ستوری عیراقی رێگه به‌وه نادات چونكه كورد به‌شێكه له عیراق.
وتیشی: ده‌ستوری عیراق رێگه‌ی نه‌داوه به جیابوونه‌وه به‌ڵكو ته‌نیا باس له دروستكردنی هه‌رێمه‌كان ده‌كات.
وتیشی: قسه‌كردن له‌باره‌ی راپرسیه‌وه بۆ هه‌رێمك نییه به‌تیا به‌لكو ده‌بێ گه‌لی عیراق راپرسی له‌سه‌ر بكات، ئه‌وه‌شی دركاند كه كورد ده‌بێ ئاگاداری بارودۆخی خۆی بێت كه عیراق و ئێران و توركیا دراوسیه‌تی و ئه‌وان رێگه به‌مه ناده‌ن.
جێگه‌ی ئاماژه‌یه پێشتر مه‌سعود بارزانی سه‌رۆكی هه‌رێم رایگه‌یاندبوو كه له‌ماوه‌ی مانگێكدا راپرسی ئه‌نجام بدرێت بۆ ئه‌وه‌ی گه‌لی كورد خۆی بڕیار له چاره‌نوسی خۆی بدات.
02/07/2014
شاندێكی هەرێمی كوردستان، كە ماوەی دوو رۆژە بە سەردانێك لە ویلایەتە یەكگرتووەكانی ئەمریكان، لەگەڵ بەرپرسانی ئاسایشی نەتەوەیی و پەیوەندییەكانی دەرەوەی كۆنگرێس و سەنات-ی ئەو وڵاتە كۆبوونەوە.
شاندی هەرێمی كوردستان پێكهاتووە لە فوئاد حوسێن سەرۆكی دیوانی سەرۆكایەتی هەرێمی كوردستان و فەلاح مستەفا بەرپرسی پەیوەندییەكانی دەرەوەی حكومەتی هەرێمی كوردستان.
بەپێی راگەیەنراوێكی حكومەت، ئەو شاندە لەگەڵ ژمارەیەكی بەرچاوی كەرتی پیشەسازیی ئەمریكا كۆبوونەتەوە‌و تاوتوێی باردۆخی ئەمڕۆی هەرێمی كوردستان و عێراق بە گشتی كراوە.
شاندی هەرێمی كوردستان سوپاسی ئەو كۆمپانیانەی كردووە كە لە كارەكانیان بەردەوامن و متمانەیان بە حكومەتی هەرێمی كوردستان و ئارامی كوردستان هەیە، وەك لە راگەیەنراوەكەشدا هاتووە "بۆ بەشداربووانیان روونكردەوە كە هەرێمی كوردستان لە سایەی هێزی پێشمەرگەی كوردستان ئارامە".
لە راگەیەنراوەكەدا باس لە كۆبوونەوەی شاندی هەرێمی كوردستان و بەرپرسانی ئاسایشی نەتەوەیی و پەیوەندییەكانی دەرەوە لە هەردوو نو‌وسینگەكانی كۆنگرێس و سەنات كراوەو لەو بارەیەوە دەڵێ "باسیان لە رەوشی ناسەقامگیری عێراق و تێكشكانی سوپای عێراق بە ماوەیەكی زۆر كەم كرد، هەروا باس لە چۆنیەتی بەرەنگاربوونەوەی تیرۆر و هۆكارەكانی ئەم بارودۆخەی ئێستای عێراق و دۆزینەوەی رێگەچارەی گونجاو كرا، كە ببێتە هۆكار بۆ ئارامبوونەوەی بارودۆخەكە".
02/07/2014
لە شاری کەربەلای باشووری عێراق، شەڕ لەنێوان لایەنگرانی ئیمام مەحموود ئەلحەسەنی ئەلسەڕخی، مەرجەعێکی شیعەکان و هێزە ئەمنییەکان دروستبوو.
بە پێی زانیارییە سەرەتاییەکان، 5 کەس، کە لەنێویاندا چوار ئەفسەری هێزە ئەمنییەکان هەن، کوژراون.
پێشتر سەڕخی فەتواکەی ئایەتوڵڵا عەلی سیستانی، مەرجەعی باڵای شیعەکانی لەبارەی پێویستیی جیهادکردن لەسەر شیعەکان دژی چەکدارانی داعش، رەتکردەوە.
02/07/2014
گرووپی (احرار السنه) له لوبنان له‌گه‌ڵ رێبه‌ری داعش، ئه‌بووبه‌كر به‌غدادی په‌یمان ده‌به‌ستێ و پاڵپشتی ده‌وڵه‌تی ئیسلامی له عێراق ده‌كات.
(احرارالسنه - بعلبك) كه گرووپێكی سونه‌ی لوبنانه له لاپه‌ره‌ی تویتری خۆی بڵاوی كرده‌وه به شانازییه‌وه به‌یعه‌ت به ئه‌بووبه‌كر به‌غدادی ده‌ده‌ن كه وه‌كوو خه‌لیفه‌ی موسوڵمانه‌كانی جیهان سه‌یری بكه‌ن.
ماڵپه‌ری رۆژنامه‌ی قودسی عه‌ره‌بی بلاویشی كرده‌وه ئه‌و گرووپه چه‌كداره و تا ئێسته چه‌ندین هێرشی له لوبنان گرتووه‌ته ئه‌ستۆ.
بڵاویشی كرده‌وه دوایین چالاكی ئه‌و گرووپه ته‌قینه‌وه له هوتێلێكی به‌یرووت بوو كه تێیدا 7 كه‌سی سڤیل و 4 هێزی ئه‌منی بریندار بوون.
02/07/2014
دوای ئەوەی بە فەرمی خۆی بۆ پۆستی سەرۆکایەتی کۆماری تورکیا کاندید کرد، رەجەب تەییب ئەردۆغان لە هەوڵی ئەوەدایە دەنگی کورد لە تورکیا بەدەست بێنێت، بۆ ئەو کارەشی پرۆژەیەکی بەناوی پرۆژەیاسای پرۆسەی ئاشتی یان کۆتاییهاتنی تیرۆر و بەهێزکردنی خاک ئامادەکردووە و بۆ پەرلەمانی تورکیایشی ناردووە.
گرنگترین ئاماژەی ئەوەی ئەردۆغان چاوی لە دەنگەکانی کوردە، قسەکانی ئەردۆغان خۆی بوو کاتێک گوتی "ئەگەر خودا رێگە بدات ، هەرگیز رێگە نادەین پرۆسەی ئاشتی لەماوەی سەرۆکایەتی ئێمە بوەستێت".
بەو قسانەی ئەردۆغان جارێکی دیکە دەستیکردەوە بۆ پروپاگەندەیەکی هەڵبژاردنی بەهێز لە تورکیا، هەڵبژاردنێک پێدەچێت ئەو جارە شێوەی کورسییەکەی ئەردۆغان بەرزتر بکاتەوە بۆ کورسی سەرۆکی وڵات.
کەجەکە و پارتە کوردییەکان و بەرپرسانی ئەو پارتانە بەردەوام رەخنە لە حکومەتی تورکیا دەگرن، کە هەنگاوی پێویست بۆ پرۆسەی ئاشتی نانێت، بەڵام ئەو جارە پارتە کوردییەکان دەبێت لە لەدەستدانی دەنگیان بۆ کاندیدە کوردە گەنجەکەیان کە دەمیرتاشە بترسن، چونکە ئەردۆغان زیرەکانە مامەڵە لەگەڵ پرۆسەی ئاشتی و دەنگی کورد دەکات و هەر کات بیەوێت بۆ بەرژەوەندی ئاکپارتی و خۆی هەنگاو بۆ پرۆسەکە دەنێ. هەڵبژاردنی رابردووش لەگەڵ ئەو هەڵبژاردنەی داهاتوو و ئامادەکردنی پرۆژە یاسایەک بۆ پرۆسەی ئاشتی باشترین بەڵگەی ئەو قسانەن.
شارەزیان باس لەوە دەکەن کە وێستگەی ئەمجارەی ئەردۆغان ئەوەندە گران نییە بۆ سەرکەوتن، چونکە ئەردۆغان تەنیا پێویستی بە سەدا 50ی دەنگەکانە بۆ ئەوەی لە خولی یەکەمی هەڵبژاردنەکە سەربکەوێت، بۆیەکەم جاریش لە مێژووی تورکیا 10ی مانگی داهاتوو، هەڵبژاردنی سەرۆکایەتی بە دوو خولی جیاواز دەبێت.
ئەگەر ئەردۆغان سەرکەوتوو بێت لە بەدەستهێنانی دەنگی کورد لە تورکیا، کە پێنج یەکی دانیشتووانەکەی پێکدێنن، ئەوا هەر لە خولی یەکەمی هەڵبژاردن دەیباتەوە و پێویست بە پەڕینەوە بۆ خولی دووەم ناکات، کە پێشبینی دەکرێت 24ی مانگی ئاب ئەنجام بدرێت.
بۆیە باسی پشتیوانیی کورد دەکرێت بۆ ئەردۆغان ، چونکە ئاکپارتی لە هەڵبژاردنی 30 ئازاردا سەرکەوتوو بوو، بەو پێیەی لە بەشێکی باکووری کوردستان دەنگەکانی بەشێوەیەکی بەرچاو بەرزبووەوە. هەروەها لە سەردانیشی بۆ چەند شارێکی کوردی دەردەکەوێت کە ئەردۆغان خاوەنی جەماوەرێکی زۆرە لە هەندێک ناوچە، بەڵام دەبێت ئەوەش بگوترێت کە لە باکووری کوردستان هێشتا پارتە کوردییەکان لەو ئاستەن کە بتوانن بە ماوەیەکی کەم جەماوەرێکی زۆر بۆ خۆیان رابکێشن.
شارەزایان باس لەوە دەکەن، کە رێژەی بەرچاوی کورد لە تورکیا دەنگیان بۆ ئاکپارتی داوە لە هەڵبژاردنی رابردوودا، هێشتاش لەو رێژەیە زیاتر باوەڕیان وایە کە ئەردۆغان دەتوانێت ببێتە هۆی ئەوەی پرۆسەی ئاشتی بە ئامانجێک بگات، بەتایبەت کە ئێستا پرۆژە یاسای پرۆسەی ئاشتی لە پەرلەمانە. بۆیە باوەڕوایە کە ئەردۆغان ئێستا لە هەموو کات زیاتر پێویستی بە دەنگی کوردە، چونکە کورد دەتوانێت بڕیاری لەسەر چارەنووسی ئەردۆغان بدات بۆ چوون بۆ کۆشکی چانکایا، چونکە ئەگەر دەنگی کورد بۆ ئەردۆغان بێت هەر لە جەولەی یەکەمەوە تورکیا سەرۆکێکی نوێی دەبێت و پێویست بە چوون بۆ جەولەی دووەم ناکات.
02/07/2014
دوای ئەوەی لایەنەكان بەدەم داواكەی سەرۆكایەتی كۆماری عێراقەوە چوون و وەك بڕیاری لێ درا، ئەمڕۆ سێشەممە 1-7-2014 یەكەم دانیشتنی خولی سێیەمی ئەنجوومەنی نوێنەرانی عێراق دەستیپێكرد، بەڵام هەر دوای سوێندخواردنی پەرلەمانتاران شەڕ دەستیپێكرد. پێش ئەوەی پەرلەمانتاران پشوو وەربگرن، نەجیبە نەجیب پەرلەمانتاری فراكسیۆنی هاوپەیمانی كوردستانی دەنگی بەرزكردەوە و داوایكرد نووری مالیكی، سەرۆك وەزیرانی عێراق، كە ئامادەی دانیشتنەكە بوو، بودجەی هەرێمی كوردستان رەوانە بكات. پەرلەمانتارێكی دەوڵەتی یاساش لەسەر داوای ئەو پەرلەمانتارە كوردە هاتە وەڵام و هەرێمی كوردستانی بە داڵدەدانی سەركردەكانی داعش تۆمەتباركرد.
01/06/2014
ناوه‌ندێكی توێژینه‌وه‌ی ئه‌مریكا ئاماری هاووڵاتیانی ئه‌مریكی و ئه‌ورووپی و وڵاتانی عه‌ره‌بی له‌ناو گرووپی چه‌كداری ده‌وڵه‌تی ئیسلامی عێراق و شام ناسراو به داعش، ئاشكرا ده‌كات.
ناوه‌ندی ’سوفان گرووپ’ له نیویۆرك له راپۆرتێكدا ژماره‌ی ئه‌ندامانی داعشی بڵاوكرده‌وه كه له ولاتانی تره‌وه رۆیشتوونه‌ته ناو ئه‌و گرووپه و ئاشكرای كردووه له ماوه‌ی 3 ساڵی رابردوودا 12 هه‌زار كه‌س له وڵاتانی تره‌وه رۆیشتوونه‌ته سوریا تا له‌به‌ره‌كانی داعشدا شه‌ڕ بكه‌ن.
به‌گوێره‌ی ئه‌و راپۆرته، وڵاتانی سعودیه و تونس له‌ناو وڵاته عه‌ره‌بییه‌كان هه‌ركامه‌یان به زیاتر له 2500 بۆ 3000 كه‌س زیاترین كه‌سیان له‌ناو چه‌كدارانی داعش هه‌یه.
ئه‌م ئاماره ژماره‌ی داعشه‌كانه له سێ هه‌فته‌ی رابردوو له عێراق و سێ ساڵی رابردوو له سوریا.
ئه‌ندامانی داعش له 81 وڵات و له هه‌ر 5 كیشوه‌ری جیهان یه‌كیان گرتووه.
له‌ناو ولاتانی ئه‌ورووپیش، روسیا به 800 و فه‌ره‌نسه به 700 كه‌س زیاترین ئه‌ندامیان له‌و ناو داعش هه‌یه.
ئاماره‌كه كه له سه‌رچاوه سیخوڕییه‌كانی ئه‌مریكاوه ده‌ست كه‌وتووه بریتیه‌له:
روسیا 800 كه‌س
فه‌ره‌نسه 700كه‌س
به‌ریتانیا 400كه‌س
به‌لجیكا 280 كه‌س
ئوسترالیا 150 كه‌س
كوزۆئۆ 120 كه‌س
هوله‌ندا 120كه‌س
دانمارك 100 كه‌س
ئاڵمان 70 كه‌س
ئه‌مریكا 70 كه‌س
ئیسپانیا 51 كه‌س
كه‌نه‌دا، فه‌نلاند و سوید هه‌ركامه‌یان 30كه‌س
به گوێره‌ی ئه‌و سه‌رچاوه‌یه 6%ی ئه‌و كه‌سانه پێشتر باوه‌ڕیان به ئیسلام نه‌بووه و پاش گه‌یشتنیان به داعش بوون به موسوڵمان، 94%یشیان پێشتر موسوڵمان بوون.
01/06/2014
حوسێن ئەمیر عەبدولەهیان رایدەگەیەنێ، کۆماری ئیسلامیی ئێران جەختدەكاتەوە لەسەر رێزگرتن لەسەروەری و یەکپارچەیی عێراق لەچوارچێوەی ئەو دەستوورەی هاووڵاتیانی ئەو وڵاتە دەنگیان بۆ داوە .
عەبدولەهیان دەڵێت "رێبەرانی تێگەیشتووی هەرێمی کوردی عێراق ئامانجیان سەربەخۆیی نییە و پابەندی دەستووری عێراقن"
سەبارەت بە راگەیاندی دەوڵەتی كوردیش عەبدولەهیان گوتی ''هەرکەسێک باس لە دابەشبوونی عێراق بکات ئەوە لە دەرهاوێشتەکانی ناگات و نازانێت ئەو دۆخە بەرەو چ ئاقارێک دەڕوات''.
دوێنی 29/6/2014 بنیامین نەتەنیاهۆ، سەرۆکوەزیرانی ئیسرائیل لەمیانەی پێشکەشکردنی وتارێک لە تەلئەبیب پشتگیری خۆی بۆ دامەزراندنی دەوڵەتێکی کوردی راگەیاند، ئەو پێیوایە کورد خاوەنی کیان و زمان و کولتووری جیاوازن لەگەڵ پێکهاتەکانی دیکە و هاوکات ئاماژەی بە ناکۆکییە قووڵەکانی نێوان شیعە و سوننە کرد لە رۆژهەڵاتی نێوەڕاست.
01/06/2014
موقتەدا سەدر، رێبەری رەوتی سەدر ئامۆژگاری نووری مالیکی دەکات کە خۆی بۆ ویلایەتی سێیەم کاندید نەکاتەوە.
هاوکات جەخت لەوەدەکاتەوە کە پێویستە شکۆی پەرلەمانی عێراق بپارێزرێت لە یەکەم دانیشتنی پەرلەماندا کە بڕیارە سبەی سێشەممە ئەنجام بدرێت و سەدر بە "چارەنووساز" وەسفی دەکات.
موقتەدا سەدر داواش لە کوتلە سیاسییەکان دەکات کاندیدی هەرسێ سەرۆکایەتییەکە پێشکەش بکەن و دەشڵێت مافی هیچ کوتلەیەک نییە دەست وەربداتە کاندیدی کوتلەیەکی دیکە، گەر لە دەرەوەی چوارچێوەی یاسا نەبێت.
30/06/2014
لەكاتێكدا پێشمەرگە لە بەرەكانی پێشەوەی جەنگدا شەڕی داعش دەكەن، دوو پاڵەوانی نەناسراوی كورد لەناو جەرگەی هەولێرەوە ئەوپەڕی توانای خۆیان بەكاردەهێنن بۆ بەرگری كردن لە كوردستان.
ئیمان عەبدولڕەزاق حەسەن و داستان عوسمان حەسەن، دوو قوتابی ئامادەیین تەمەنیان 18 ساڵە، ئەوان سیستمێكی ئاشكراكردنی تەقینەوەیان دروستكردووە، كە دەتوانێت خەڵكی لە مەترسیی تیرۆریزم بپارێزێت.
ئەوان دەڵێن دوو تەقینەوەكەی بەردەم وەزارەتی ناوخۆ لە سێپتەمبەری رابردوودا هانی داون ئەو ئامێرە دروستبكەن.
"لە ناوەڕاستی تاقیكردنەوەكانی كۆتاییدا بووین" ئیمان وا دەڵێت "هەموو خەڵكی تووڕە و دوودڵ بوون، تەلەفۆن فشارێكی زۆری لەسەر بوو. نەماندەتوانی سەرنج بدەینە وانەكانمان".
ئەو دووانە حەوت ساڵ لەمەوبەریش هەر قوتابی بوون، كاتێك تەقینەوەیەكی دی لە بەردەم وەزارەتی ناوخۆ روویدا و بووە هۆی گیان لەدەستدانی 19 كەس. ئەوان بەبیریان دێت كە تۆقیبوون و قەڵەمەكانیان لەدەست كەوت و مامۆستاكان هەواڵی سەلامەتی كەسوكاریان دەپرسی لە سەروبەندی تەقینەوەكەدا.
ئەوان وەك بەشدارییەك لە پێشەنگای زانستی قوتابخانەدا، ئامێرێكیان پیشانی بەشداربووان دا كە دەتوانێت رێگە لە دووبارەبوونەوەی ئەو تەقینەوانە بگرێت.
وەك سەرنجیان دەدا، هێزی ئاسایشی كوردی لە توانایاندا نییە هەموو ئۆتۆمبێلەكان بپشكنن، بۆیە بیریان لە دروستكردنی ئامێرێك كردەوە كە لە ماوەیەكی كورتدا بتوانێت ژمارەیەكی زۆری ئوتومبیل بپشكنێت. بۆ ئەو بیرۆكەیەیان مامۆستایەكیان سەرپەرشتی دەكردن و سەردانی نەوزاد هادی پارێزگاری هەولێریشیان كردبوو بە مەبەستی راوێژكردن. پارێزگار پێیگوتبوون زۆربەی ئەو تەقینەوانەی روو لە دەڤەرەكە دەكەن لە جۆری (C4) ن، بەڵام ئامێرەكەی ئەوان چەندین جۆری تەقینەوە ئاشكرا دەكات لەوانە چەكی كیمیایی.
ئەوكاتەی پێیانگوترا لە هەرێمی كوردستاندا تاقیگەی پێشكەوتووی ئەوتۆ نییە ئامێری وەهای تێدا دروست بكرێت، تووشی نائومێدییەك هاتن، بەڵام لەبری كۆڵدان و سڵەمینەوە سەرنجیان دایە سەر رێوشوێنێكی دی.
"پشكنینی ئۆتۆمبێلێك كاتێكی زۆری دەوێت، جا بە تاكە ئامێرێك بێت، یان بە سەگی راهێنراو، ئەمە جگە لەوەی رەوتی هاتووچۆش خاو دەكاتەوە". ئەمە گوتەی داستانە بۆ (رووداو). بۆیە "بیرمان لەوە كردەوە دەتوانن بەهۆی ئەم ئامرازە تەكنۆلۆژیانەی ئێستا هەن، سیستمێك دروست بكەین كە چەندین ئۆتۆمبێل لە یەككاتدا بپشكنێت، بێ ئەوەی ترافیك راوەستێنێت، بێئەوەی تەنانەت شۆفێریش هەست بكات ئۆتۆمبێلەكەی دەپشكنرێت".
ئەوان مۆدێڵكیان دروستكردووە كە تێیدا دوو ئامێری پشكنەر لە زبڵدانی هەردوولای شەقامەكەدا جێگیر دەكرێن، ئامێرێكیش بە هێمای هاتوچۆكەی سەرەوەوە دەبەسترێت، كاتێك ئوتومبیلەكە بەهۆی تاسەی شەقامەكەوە خێراییەكەی كەمدەكاتەوە، هەر سێ ئامێرەكە دەیپشكنن. بەهۆی ئەوەش كە فیزیای رووناكییان خوێندووە، سیستمەكەیان وا رێكخستووە كە لە شەواندا لەسەر بنەمای پشكنینی ئەو تیشكە سەروو وەنەوشەییەی لە ئامێرە لەیزەرییەكەوە دەردەچێت وێنەی ئۆتۆمبێلەكە دەاتە كامێرای بازگەكە.
هەرچەندە ئیمان و داستان پارەی كڕینی ئامێرەكەیان نییە (نرخی یەك دانە لەو ئامێرەكان بە 240 هەزار دۆلار دەفرۆشرێت لەلایەن كۆمپانیای LSDی ئیسرائیلییەوە)، كۆمپانیاكە دەڵێت راستە ئەو سیستمەی ئەو دوو كچە كار دەكات. ئەوان دەڵێن سیستمەكەیان رۆژانە دەتوانێت 64 هەزار ئۆتۆمبێل بپشكنێت، لەكاتێكدا پشكنینی ئەو ژمارە زۆرەی ئۆتۆمبێل بە ئامێرەكە بە تەنیا ساڵێكی دەوێت.
بەرزترین خەڵاتی پیشانگا زانستییەكە درایە ئیمان و داستان، هەروەها لە پێشبڕكێی نێودەوڵەتی INESPO كە لە هۆڵەندا لە مانگی حوزەیران میدالیایان پێبەخشرا.
ئیمان نەیتوانی ڤیزای ئەوروپا بەدەس بهێنێت. بەڵام دوای ئەوەی داستان باسی ئەوەی بۆ دادوەرەانی پێشبڕكێ نێودەوڵەتییەكە كرد كە ژیان لە سایەی هەڕەشەی تیرۆریزمدا چۆنە، فرمێسك بە چاوانیاندا هاتە خوارەوە و بڕیاریاندا بازنەی پێشبڕكێكە فراوان بكەن تا ئەو كارەی ئەوانیش بگرێتەوە، دەنا پێشبڕكێكە تەنیا بۆ بابەتە ژینگەییەكانە.
ئەو دوو قوتابییە دەڵێن پۆلیسی هۆڵەندا و 21 كۆمپانیاش پەیوەندییان پێوە كردوون بۆ بەكارهێنانی سیستمەكەیان. رێكخەرانی پێشبڕكێكەش تووشی شۆك هاتوون كە بۆیان دەركەوتووە تا ئێستا سیستمەكەیان نەفرۆشتووە بە حكومەتی هەرێمی كوردستان.
ئەو دووانە ئۆفەری كۆمپانیاكانیان رەتكردووەتەوە و بڕیاریان داوە سەرەتا بە خۆڕایی سیستمەكە پێشكەشی حكومەتەكەی خۆیان بكەن. ئیمان دەڵێت "مەبەستی سەرەكی ئەوەیە ژیانی خەڵكی رزگار بكەیت".
ئەوان خەڵاتەكەشیان رەتكردەوە، كە گەشتێك بوو بۆ بەرازیل، چونكە گەشتەكە كاری لە خوێندنەكەیان دەكرد. هەموو تێچووی پڕۆژەكە و گەشتەكەی ئەوروپاشیان لە ئەستۆ گرت. ئەوان گەلێك خاكی و رووگەشن، لەگەڵ ئەوەی دوو ئەندازیاری گەنجی هیممەتبەرزن، لەسەر رەزامەندی باوك و دایكیان ئەو بەشەی زانكۆ هەڵدەبژێرن كە تێیدا خوێندن تەواو دەكەن.
30/6/2014
بیری داعش له‌ناو گه‌نجانی هوله‌ندا بڵاوبووه‌ته‌وه و كچانی ئه‌و وڵاته خۆیان ده‌گه‌یه‌ننه ناو به‌ره‌كانی شه‌ڕ له عێراق و سوریا.
به‌م دواییه 130 گه‌نج له هوله‌ندا ماڵ و حاڵی خۆیان به‌جێ هێشتووه كه ژماره‌یه‌كیان كچن و رۆیشتوونه‌ته ناو چه‌كدارانی ده‌وڵه‌تی ئیسلامی عێراق و شام ناسراو به داعش.
رۆژنامه‌ی هوله‌ندی Gooi ampersand Eemlander بڵاوی كرده‌وه، كچێكی 15 ساڵی هوله‌ندی دانیشتووی شاری هیلفرسوم، هه‌فته‌ی رابردوو ماڵی به‌جێهێشتووه و له‌ناو یادداشتێكی دا نووسیویه‌تی ده‌چێته سوریا.
پۆلیس توانی ئه‌و كچه له‌ناو فرۆكه‌خانه ده‌ستگیر بكات.
به گوێره‌ی زانیارییه‌كانی ئه‌و رۆژنامه‌یه به‌م دواییه 130 گه‌نجی هوله‌ند بۆ ئه‌وه‌ی ببن به داعش رۆیشتوونه‌ته سوریا و عێراق.
ئه‌و ژماره گه‌نجه له شه‌ڕه سه‌خته‌كان و كوشتنی خه‌ڵكی بێ تاوان به‌شداریان كردووه، 30 له‌و گه‌نجانه گه‌ڕاونه‌ته‌وه بۆ هوله‌ندا و هۆشداریان له‌باره‌ی بوونی گه‌نجه هوله‌ندییه‌كان له‌ناو به‌ره‌كانی داعش داوه.
به گوێره‌ی هه‌واڵی شینهوا، ئه‌و كچه ته‌مه‌ن 15 ساڵه كه له لایه‌ن پۆلیسه‌وه ده‌ستگیر كراوه، له لایه‌ن دژه‌تیرۆری نیشتمانی لێكۆڵینه‌وه‌ی له‌گه‌ڵدا ده‌كرێ و تا ئێسته نه‌یانهێشتووه بگه‌رێته‌وه قوتابخانه‌كه‌ی.
30/06/2014
حه‌سه‌ن ڕۆحانی، فه‌رمانی جێبه‌جێكردنی پلانی ڕزگاركردنی ده‌ریاچه‌ی ورمێی ده‌ركردو بڕیاره هه‌فته‌ی داهاتوو پلانه‌كه جێبه‌جێ بكرێت.
حه‌سه‌ن رۆحانی سه‌رۆكی ئێران، له‌به‌یاننامه‌یه‌كدا فه‌رمانی جێبه‌جێكردنی پلانی ڕزگاركردنی ده‌ریاچه‌ی ورمێی ده‌ركردو رایگه‌یاند: حكومه‌ت به‌گوێره‌ی پێویست، بودجه بۆ رزگاركردنی ده‌ریاچه‌كه ته‌رخانده‌كات‌و ئه‌ندامانی گروپی رزگاركردنی ورمێی راسپارد بۆ لێكۆڵینه‌وه‌ی چڕوپڕ سه‌باره‌ت به ده‌ره‌نجامه‌كانی وشكبوونی ده‌ریاچه‌ی ورمێ‌‌و بڕیاره هه‌فته‌ی داهاتوو، پلانی ڕزگاركردنه‌كه بخرێته بواری جێبه‌جێكردنه‌وه.
وشكبوونی ده‌ریاچه‌ی ورمێ، تا دێت خێراتر ده‌بێت‌و به وته‌ی به‌رپرسانی ناوچه‌كه، ته‌نها رێژه‌ی له 6%ی ئاوی ده‌ریاچه‌كه ماوه‌ته‌وه.
هۆكاره‌كانی وشكبوونی ده‌ریاچه‌كه‌ش بۆ دروستكردنی 52 به‌نداو له نزیك ده‌ریاچه‌كه و به‌كارهێنانی له راده‌به‌ده‌ری سه‌رچاوه‌كانی ئاوی ده‌ریاچه‌كه بۆ كشتوكاڵ‌و دروستكردنی پردێك له ناوه‌ڕاستی ده‌ریاچه‌كه‌دا كه خۆرئاوا‌و خۆرهه‌ڵاتی ده‌ریاچه‌كه پێكه‌وه ده‌به‌ستێته‌وه.
30/06/2014
- داواکاری گشتیی کرماشان: لێکۆڵینەوە لەبارەی لێدانی قوتابیان دەکەین
- هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد
- گفتوگۆكانی ئێران و ئەمریكا لە عومان دوای دو کاتژمێر کۆتایی هات
- ئێران شەڕو دانوستانی ناڕاستەوخۆی پێ باشە!
- داواکارییەکانی ئێران و ئەمریکا لەیەکتریی چیە؟
- وەزیری بەرگریی ئیسرائیل هۆشداری دەداتە ئەحمەد شەرع
- وادەی هێرشی ئەمریکا بۆ سەر ئێران ئاشکرا کرا
- دەستووری کاتی سوریا نیگەرانی لایەن کوردییەکان و چاودێرانی لێدەکەوێتەوە
- بارودۆخی نالەباری ئابووریی ئێران پێدەچێت کۆماری ئیسلامی ناچار بکات لەگەڵ سەرۆک ترامپ ڕێککەوتن بکات
- عڕاقچی: هێشتا نامەکەی ترەمپ بە دەستمان نەگەیشتووە
- وەزیری دەرەوەی ئێران دەڵێت بڕیارە نامەکەی ترامپ لە لایەن نێردراوێکی وڵاتێکی عەرەبیەوە بگەیەنرێتە تاران
- مەزڵوم عەبدی و ئەحمەد ئەلشەرع بە ڕێکەوتن دەگەن
- 8ی مارس.. شۆڕشێك لەپێناو مافی ژنان
- سری سورەییا ئۆندەر: باخچهلی پێی گوتم، ڕۆژێک دێت پێکەوە هەڵپەڕکێی ئاشتیی دەکەین
- حكوومهتی ئێران : له‌گه‌ڵ ئهورووپا درێژه به گفتوگۆ ئهتۆمییهكان دهدهین
- عەلی باپیر، سەرۆکی کۆمەڵی دادگەری کوردستان سەبارەت بە پەیامی ئۆجەلان"هیوادارم هەردوولا بە کردەوە بەدەم بانگەوازەکەوە بچن."
- ئەمینداری گشتیی یەکگرتوو پەیامی ئۆجەلان "پەیامێکی پڕ لە بەرپرسیاریەتی و بایەخ و واقعیەتە"
- سەرۆك بافڵ جەلال تاڵەبانی: پێشوازی لە پەیامەکەی بەڕێز عـ.ـەبدوڵا ئـ.ـۆجەلان دەکەین
- سەرۆک بارزانی: هیوادارین پەیامەکەی ئۆجەلان دەستپێکێک بێت بۆ ئەوەی پڕۆسەی ئاشتی رێی خۆی بگرێت
- زەینەب جەلالیان لە 17هەمین ساڵی زیندانیکردنیدا لە ناو زیندانەوە باس لە ئازارەکانی دەکات
- بزووتنەوەی کۆماریخوازانی ڕۆژهەڵاتی کوردستان ٢ی ڕێبەندان، ٧٩هەمین سالرۆژی دامەزرانی یەکەم کۆماری کوردستان، لە نەتەوەی کورد پیرۆزدەکات
- پەیامی پیرۆزبایی کۆماریخوازان بۆ بەرێز مەسعوود پزیشکیان
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
