به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
حكومەتی ئێران داوای رادەستكردنەوەی ئەندامانی موجاهدین دەكات و حكومەتی عێراقیش دەڵێ بە هەماهەنگی لەگەڵ نەتەوە یەكگرتووەكان هەنگاوی پێویست دەگرینەبەر. سەرۆكی دەسەڵاتی دادوەری ئێران لە دیدارێكدا لەگەڵ مەدحەت مەحموود مەندەلاوی، سەرۆكی ئەنجوومەنی باڵای دادوەری عێراق داوای رادەستكردنەوەی ئەندامانی موجاهدینی خەڵقی كرد. سادق لاریجانی بە ئاماژەكردن بە بوونی ئەندامانی رێكخراوی موجاهدینی خەڵق لە عێراق رایگەیاند "ئەوانە زیاتر لە 17 هەزار شارۆمەندی ئێرانی و لەنێویشیاندا سەرۆكی ئەوكاتی دەسەڵاتی دادوەریان كوشتووە. زۆربەی ئەو كەسانە دانیان بە تاوانەكانی خۆیاندا ناوە و ئێمە چاوەڕوانین وڵاتی دۆست و برامان ئەو كەسانە لە چوارچێوەی یاسا رادەستی ئێمە بكات تا بەشێوەیەكی دادپەروەرانە دادگایی بكرێن". لاریجانی دادگایینەكردنی ئەندامانی موجاهدینی بە پێچەوانەی بنەماكانی دادوەری ناوبردووە. سەدان ئەندامی رێكخراوی موجاهدینی خەڵق لە عێراق و لە كەمپی لیبێرتی (لە بەغدا) ژیان بەسەر دەبەن. رێكخراوی موجاهدینی خەڵق دوای رووخانی رژێمی بەعس چەك و جبەخانەكانیان لێسەندرایەوە. لەو ساڵانەدا ژمارەیەك لە ئەندامانی ئەو رێكخراوە لە هێرشكردنە سەر كەمپەكانیان كوژران و ژمارەیەكیشیان چوونە وڵاتانی ئەوروپی و ژمارەیەكیشیان خۆیان رادەستی ئێران كردەوە. ئێران پێشتریش داوای رادەستكردنەوەی ئەندامانی ئەو رێكخراوەی لە عێراق كردبوو. سەرۆكی ئەنجوومەنی باڵای دادوەری عێراق دەربارەی ئەو داوایەی ئێران رایگەیاند "ئەو بابەتە زیاتر رەهەندێكی سیاسی هەیە، بەڵام حكومەتی عێراق هەوڵدەدات تا بە هەماهەنگی لەگەڵ رێكخراوی نەتەوە یەكگرتووەكان هەنگاوی پێویست لەو بارەوە بهاوێژێت". پەیوەندییەكانی تاران و بەغدا و پرسی ئەو ئێرانیانەی لە زیندانەكانی عێراقدان، تەوەرێكی دیكەی كۆبوونەوەكەی ئەو دوو بەرپرسە دادوەرییەی ئێران و عێراق بوو. سەرۆكی دەسەڵاتی دادوەری ئێران پەیوەندی نێوان عێراق و وڵاتەكەی بە "پەیوەندییەكی سەرووی سنوورە هاوبەشەكان" ناوبرد و گوتی "من لەدایكبووی شاری نەجەفم، هەرچەندە شانازی بە ئێرانیبوونی خۆم دەكەم، بەڵام لەنێوان خۆم و عێراق دۆستایەتی و خۆشەویستی دەبینم". لاریجانی دەربارەی ئەو ئێرانیانەی كە لە عێراق دەستگیركراون، رایگەیاند "زۆربەی ئەو كەسانە لە رۆژ و بۆنە تایبەتەكانی وەك ئەربەعین و عاشوورا بەهۆی هاتووچۆی نایاسایی دەستگیركراون و تەنیا ئامانجیان سەردانكردنی زیارەتگاكانبووە. ئێمە داواتان لێدەكەین لەچوارچێوەی یاسا، بەڵام بە بەزەیی و بە سەرنجدان بە نیەتی ئەو كەسانە، مامەڵەیان لەگەڵ بكرێت". مەدحەت مەحموود ئەو داوایەی ئێرانی بە رەوا ناو برد و گوتی "لەو بارەوە پڕۆژەیاسایەكمان رادەستی پەرلەمان كردووە. هەروەها سەرۆكایەتی كۆمارمان بڕیاریداوە بە بەزەییەوە مامەڵە لەگەڵ ئەو كەسانە بكرێت و بەر لێخۆشبوون بكەون. ئێمەش هەوڵدەدەین ئەو بڕیارە جێبەجێ بكەین و خێرایی پێببەخشین".
19/5/2014
نوێنەری رێبەری ئێران لە پارێزگای سنە رایگەیاند "ئێران روانگەیەكی تایبەت و پشتیوانكەرانەی بۆ كورد هەیە و وەك دەرفەت دەڕوانینە كورد". رۆژی یەكشەممە 2014/5/18، سەید محەممەد حوسێنی شاهروودی، نوێنەری تایبەتی ئایەتوڵڵا عەلی خامنەیی، رێبەری ئێران لە پارێزگای سنە لە كۆبوونەوەیەكدا لەگەڵ بنەماڵەی قوربانیانی كیمیابارانی هەڵەبجە، پەیوەندی نێوان كۆماری ئیسلامی ئێران و كوردی بە پەیوەندییەكی "سۆزداری" ناو برد و گوتی "كورد هەمیشە خۆیان بە ئێرانی و مسوڵمان زانیوە". حوسێنی شاهروودی دەربارەی كیمیابارانكردنی هەڵەبجە رایگەیاند "سەدام بە فەرمانی گەورەكانی شەڕی بەسەر ئێران و كورددا سەپاند و زۆر لە بنەماڵەكانی كوردی داخدار كرد. كوردی ئێرە پێش هەڵەبجە لە سەردەشت كیمیابارانكران و ئەوە دەربڕی ئەو ژانە هاوبەشەیە كە لەنێوان گەلی مسوڵمانی ئێران و عێراقدا هەیە". لەدوای كیمیابارانكردنی هەڵەبجە لە 1988/3/16، ژمارەیەك لە بریندارەكان بە مەبەستی چارەسەركردن بۆ نەخۆشخانەكانی رۆژهەڵاتی كوردستان و ئێران گوازرانەوە، كە نزیكەی 700 كەسیان هەر لەوێ گیانیان لەدەستدا و زۆربەیان لە رۆژهەڵاتی كوردستان بەخاك سپێردران. دوای ئەوەی حكومەتی هەرێمی كوردستان پارە و ئاسانكاری پێویستی بۆ سەردانكردنیان دابین كرد، هەفتەی رابردوو 61 كەس لە بنەماڵەی قوربانیانی كیمیابارانی هەڵەبجە بە مەبەستی سەردانكردنی گۆڕی كەسوكاریان سەردانی رۆژهەڵاتی كوردستانیان كرد و لە ماوەی سەردانەكەشیان لەگەڵ ژمارەیەك لە نوێنەران و بەرپرسانی سیاسی و ئیداری ناوچەكە كۆبوونەوە.
19/5/2014
ئاژانسەكانی هەواڵی ئێران بڵاویانكردەوە، كە بیژەن زەنگەنە وەزیری نەوتی ئەو وڵاتە، داوای لە هەردوو كۆمپانیای شێڵ و بریتش پترلیۆمی نەوتیی بەریتانیا كردووە كە بگەڕێنەوە بۆ ئێران. شێڵ و بریتش پترۆلیۆم دوو گەورەترین كۆمپانیای نەوتی بەریتانین لە جیهاندا كە قەرزاری ئێرانن و رایانگەیاندووە، بەمەرجێك دەگەڕێنەوە بۆ ئەو وڵاتە كە رێگەی قەدەغەكردنیان بۆ ئێران لەسەر هەڵبگیرێت. بیژەن زەنگەنە لەپەراوێزی كۆبوونەوەی رێكخراوی ئۆپێك كە مانگی رابردوو لە ڤیەننا بەسترا داوای لە كۆمەڵێك لە كۆمپانیاكانی نەوت و گازی ئەوروپا وەكو ستات ئۆیڵی نەرویجی و ئینی ئیتاڵی و تۆتاڵی فەرەنسی و ئیكسۆن مۆبیل و كۆنۆكۆ فیلیپسی ئەمریكی و ئۆ ئێم وی نەمسایی و ڤیتۆڵی سویسری كرد گفتوگۆ بكەن یاخود بەمەبەستی هاوكاریكردن پێشنیازی نوێ بخەنەڕوو. لۆرد لامونت، سەرۆكی ژووری هاوبەشی بازرگانی نێوان بەریتانیاو ئێران لەپەراوێزی گفتوگۆكان لەگەڵ جاكسترۆو سەرۆكی ژو‌ورە بازرگانییەكانی ئێران رایگەیاند، كە وەزیری نەوتی ئێران بانگهێشتنامەی ئاراستەی هەردوو كۆمپانیای شێل و بریتش پترۆلیۆمی بەریتانی كردووە بگەڕێنەوە بۆ ئێران و روونیشیكردەوە چاوەڕێ دەكرێت وەزیری نەوتی ئێران سەردانی لەندەن بكات بۆ ئەوەی دانوستاندن لەگەڵ كۆمپانیاكانی نەوت و گازی ئەوروپا بەتایبەتی كۆمپانیا بەریتانییەكان بكات بۆ ئەوەی بچنە ئێران. لەهەمانكاتیشدا، مەهدی حوسێنی سەرۆكی بەشی هەمواركردنی گرێبەستە نەوتییەكان لە وەزارەتی نەوتی ئێران رایگەیاند: وۆركشۆپی دووەم ساز دەكەن بۆ ناساندنی ئەو گرێبەستە نەوتییانەی كە بەهاری رابردوو لە لەندەن هەمواركرانەوەو گەشبینی خۆشی نیشاندا بەوەی كە ئەو وۆركشۆپە لە ئەوروپا ساز بكرێت. پاوڵ ئیسكرۆن، بەڕێوبەری جێبەجێكاری كۆمپانیای ئینی ئیتاڵی لەكاتی كۆبوونەوەی مانگی رابردووی لەگەڵ بیژەن زەنگەنە رایگەیاندبوو هاوكاریكردن لەگەڵ ئێران لە بواری نەوتدا پەیوەستە بە لابردنی ئەو قەدەغەیەی لەسەر ئەو وڵاتەیە، بەڵام كۆمپانیای ئینی هیوادارە بەم نزیكانە ئەو قەدەغە هەڵبگیرێت. ئێران دوو ملیار دۆلار پارەی نەوتی لای كۆمپانیای شێڵی بەریتانییەو لە مانگی تشرینی یەكەمی رابردووش حكومەتی بەریتانیش رایگەیاندبوو كە سەرەڕای دەستپێكردنەوەی بەرهەمهێنانی گاز لە كێڵگەی رومی هاوبەشی نێوان بەریتانیاو ئێران لە دەریای باكوور، بەڵام داهاتی كۆمپانیای نەوتی نیشتمانی لە فرۆشی گاز دەچێتە حسابێكی بانكی بلۆككراوەوە.
18/5/2014
خولی چوارەمی دانوستانە ئەتومییەکان ،لە نێوان ئێران و ولاتانی پێنج کۆی یەک ، رۆژی چوارشەممە دەستی پێکردووە . دانیشتووانی ئێران بە هیواوە دەروانە ئەو دانوستانانە و ئومێدوارن کە لە دەرەنجامی ئەو دانوستانانە گەمارۆ ئابورییەکان لەسەر ئێران لابردرێن ، ئەوە لە کاتێک دایە کە بناژۆخوازەکان گوشاریان خستۆتە سەر تیمی دانوستانکاری ئێران . دانوستانکاران لە هەوڵی ئەوەدان بگەنە رێککەوتنێکی کۆتایی ،کە تەیدا توانا ئەتۆمییەکانی ئێران لە ژێر چاودێری وڵاتانی رۆژئاوایی بێت و گوشاری گومارۆ ئابورییەکان لەسەر ئێران کەم بکرێنەوە . لە دانیشتنی پیشوودا ئێران بەڵێنی ئەوەی دا کە ئاستی چالاکییە ئەتۆمییەکانی دابەزێنێت و وڵاتانی رۆژئاوایی بەشێک لە داراییە بلوک کراوەکانی ئێران ئازاد کەن و لە گوشاری گەمارۆکان کەم کەنەوە . بە گوتەی کارناسان تا ئێستا هەردووک لا، پابەند بوون بە بەڵێنییەکانیان ، بۆیە دانیشتووانی ئێران هیوادارم بەم خولەی دانوستانە ناوەکییەکان . حەسەن رۆحانی سەرۆک کۆماری ئێران رایگەیاندووە کە وڵاتەکەی نایهەوێ مل بۆ بریارەکانی وڵاتانی رۆژئاوایی لە دژی بەرنامەی ناوەکی ئێران کەچکات ، بەلام بناژۆخوازەکانی ئێران لەو حەوتەی رابردوودا چەند خۆپیشاندانیان کردووە لە دژی سازان لەگەڵ ولاتانی رۆژئاوایی و رایانگەیاندووە کە نامانهەوێ زانا ئەتۆمییەکانمان رەنج بە خەسار بچێت ، بەڵام لایەنی بەرامبەر دەڵیت کە ئەوان سود دەکەن لە گەمامۆرۆکان بۆیە لە دژی هەر جۆرە رێککەوتنێکن . رێککەوتنی ئێران و ولاتانی رۆژئاوایی و گەیشتن بە ئەنجامی کۆتایی دژبەری زۆرە ، دو لایەنی بناژۆخوازی ئێران و لۆبییەکانی نزیک لە ئیسرائیل لە وڵاتی ئامریکا لە دژی ئەو رێککەوتنەن . وڵاتانی رۆژئاوایی ساڵهایە کە نیگەرانی بەرنامە ناوەکییەکانی ئێرانن و لەسەر ئەو باوەرەن کە ئامانجی شەڕخوازانەی لەپشتە ،ئێران بەردەوام ئەوەی رەد کردۆتەوە و دەڵێت کە بەرنامەی ناوەکی ئێمەئامانجی ئاشتی خوازانەو زانستی لەپشتە
17/5/2014
قەبارەی ئاڵوگۆڕی بازرگانی لەنێوان عێراق و ئێران، لەماوەی یەک ساڵدا گەیشتووەتە 12 ملیار دۆلار. بەمەبەستی برەودان بە پەیوەندی و ئاڵوگۆڕی بازرگانی نێوان عێراق و ئێران، شاندێكى عێراقى به‌سه‌رۆكایه‌تى رۆژ نووری شاوه‌یش، جێگری سه‌رۆك وه‌زیران بۆ كاروبارى ئابووریی و 23 به‌رپرسی دیكه‌ى ئابووریی و بازرگانى و سیاسى عێراقى له‌ئێرانن و تاوەکو ئێستاش چه‌ندین دیدارو كۆبوونه‌وه‌یان له‌گه‌ڵ به‌رپرسانى ئه‌و وڵاته ئه‌نجامداوه. عه‌لی ته‌یب نیا، وه‌زیرى ئابووریی و دارایی ئێران رایگه‌یاندووە، "قه‌باره‌ى هاوكارى ئابووری و بازرگانى نێوان عێراق و ئێران له‌ماوه‌ى ساڵى رابردوودا زیاتر له 12 ملیار دۆلار بووه". عەلی تەیب نیا گوتیشی: ئه‌و هاوكارییه‌ش ترانزێت و هه‌نارده‌كردنى كاره‌با و گاز له ئێرانه‌وه بۆ عێراق و هه‌نارده‌كردنى خزمه‌تگوزارییه هونه‌ریی و ئه‌ندازیارییه‌كان له خۆده‌گرێت. وه‌زیرى ئابووریی و دارایی ئێران له‌میانى پێشوازىكردنى له شاندە بازرگانى و ئابوورییەکەی عێراق، رایگه‌یاند: تاران هیچ به‌ربه‌ستێك ناخاته به‌رده‌م په‌ره‌پێدانى په‌یوه‌ندییه‌كانى ئێران له‌گه‌ڵ وڵاتانى دراوسێ و قه‌باره‌ى ئاڵوگۆڕى بازرگانى كه‌ره‌سته‌كانى دیكه جگه له نه‌وت له‌نێوان هه‌ردوو وڵاتدا، له‌ماوه‌ى ساڵى رابردوودا زیاتر له 6 ملیار دۆلار بووە. هه‌ردوو شاندی عێراقی و ئێرانى گفتوگۆیان له‌سه‌ر هاوكارى هاوبه‌شى نێوان هه‌ردوولا بۆ پته‌وكردنى په‌یوه‌ندییه بازرگانییه‌كانى نێوانیان و په‌ره‌پێدانیان کردەوە. رۆژ نووری شاوه‌یس ئاماژه‌ى به ره‌هه‌نده ستراتیژییه‌كانى په‌یوه‌ندی نێوان تاران و به‌غدا كرد و سووربونى عێراقیشی بۆ پته‌وكردنى په‌یوه‌ندییه‌كانى له‌سه‌رجه‌م بواره‌كاندا له‌گه‌ڵ ئێراندا کردەوە. شانده‌كه‌ى حكومه‌تى عێراقى پێكهاتووه له سه‌فائه‌دین سافى، وه‌زیری دارایی به‌وه‌كاله‌ت و سامى ئه‌عره‌جی، سه‌رۆكى ده‌سته‌ى وه‌به‌رهێنان و حه‌مدیه جاف، به‌رێوەبه‌رى گشتى بانكى عێراقى بۆ بازرگانیی و باڵیۆزى عێراق له تاران.
17/5/2014
دوێنێ لە گرتەیەكی ڤیدیۆیدا دەردەكەوێت سەرۆك وەزیرانی توركیا بە زلـلە لە هاوڵاتیەكی وڵاتەكەی دەدات، ئەو كەسەش كە هێرشەكەی كراوەتە سەر پاش ئەو رووداوە بۆ ئاژانسەكانی هەواڵ دەدوێت.
بە پێی هەواڵێكی ئاژانسی (حوڕییەت دەیلی نیوز) تانەر كوروكا ئەو پیاوەیە كە زلـلەكەی لێدراوە، لە لێدوانێكیدا دەڵێت" من لەو شوێنەدا جگە لەوەی كڕیارێك بووم نەك خۆپیشاندەر ، ئەو ساتەی خەڵكی هاواریان دەكرد و هوتافیان دەكێشا من خەریكی شت كڕین بووم".
لەدرێژەی قسەكانیدا وتی"لەو كاتەدا ئەردۆغان هاتە ماركێتەكەوە بە بێ ویستی خۆی لێیدام و دیاربوو نەیدەتوانی بەسەر خۆیدا زاڵ بێـت، بۆیە هیچ سكاڵایەك لەسەر ئەردۆغان تۆمار ناكەم بەڵام پێشبینی ئەوەم دەكرد داوای لێبوردنم لێبكات".
پاش ئەوەی ئەردۆغان زلـلەكە لەو كەسە دەدات، دوو كەس لە پاسەوانەكانی هێرش دەكەن سەر تانەر و لێیدەن، بەڵام رۆژنامەی (دەیلی ئەیڤەرنسال) ئاماژەی بەوەكردووە كە لە ناو ماركێتەكەدا ژنێك بە رووی ئەردۆغان هاواری كردووە" چی دەكەی لێرە بكوژەكەی باوكم" ئەردۆغان زلـلەیەكیشی لەو داوە.
دوێنی بە پێێ هەواڵێكی پێگەی(رایكاڵ)ی توركی سەرۆك وەزیرانی توركیا رەجەب تەیب ئەردۆغان لە كاتی سەردانیكردنیدا بۆ كانە خەڵوزی سۆما، خەڵكێكی زۆر لەبەردەم كانەكە دەستیان بە هوتاف كێشان كردووە لە دژی و دواتر ئەردۆغان و پاسەوانەكانی رۆیشتوونەتە ناو ماركێتێكەوە، بەڵام سەرۆك وەزیرانی توركیا توڕە دەبێت و بە زلـلە لە كەسێكی نەناسراو دەدات.
دوو رۆژ لەمەوبەر به‌هۆی ته‌قینه‌وه‌ی كانه خه‌ڵوزی سۆما له‌توركیا 287 كەس گیانیان لە دەستدا و به‌ده‌یانی دیكه‌ش برینداربوون هه‌روه‌ك ژماره‌یه‌كی دیكه له‌ناو كانه‌كه‌دا گیریان خواردووه كه به 200 كرێكار مه‌زه‌نده ده‌كرێن.
17/05/2014
راپۆرتێكی پەنتاگۆن ئەوەی خستەڕوو كە هەزارو 300 سكاڵای لاقەكردنی سێكسی بەدەستگەیشتووە لەسەرجەم ریزەكانی سوپای ئەمریكا و گاردی نیشتمانیی لەماوەی ساڵی رابردوو.
لەراپۆرتەكەدا كە سكاڵا رەسمی و ناڕەسمیەكان لەخۆدەگرێت، زیاتر لەنیوەی ئەو سكاڵایانە ساغ بوونەتەوەو زۆربەشیان لەناو دەزگا سەربازییەكاندا ئەنجامدراون.
بەپێی راپۆرتەكە زۆربەی ئەو سكاڵایانە لەلایەن ئەو ژنانە خراونەتەڕوو كە لەكەرتی سوپادا كاردەكەن لەدژی ئەو كارمەندە پیاوانەی لەگەڵیان لەهەمان یەكەی سەربازیدان.
ئەم راپۆرتە لەدوای دوو هەفتەیە لەئاشكراكردنی زیادبوونی دیاردەی لاقەكردنی سێكسی لەمساڵدا بەبەراورد بەساڵانی پێشووتر، ئەمەش وایكردووە كۆنگرێسی ئەمریكا بكەوێتەخۆ بۆ بەرەنگاربوونەوەی ئەو دیاردەیە.
سەرچاوەیەكی سەربازی بەرپرس رایگەیاند،" هێشتا زۆرمان لەبەردەمدا ماوە بۆ چاكبوون تا ژمارەی سكاڵاكانی لاقەكردنی سێكسی دەگاتە سفر"، وتیشی: تا سكاڵایەك هەبێت لەوبارەیەوە ئێمە ناتوانین یڵێین سەركەوتووین.
17/05/2014
رۆژنامه‌ى هائارتيسى ئيسرائيلى بڵاويكرده‌وه، هه‌ريه‌ك له ئه‌مريكا و ئيسرائيل به رێگه‌ى "ناياسايى" نه‌وتى كێڵگه نه‌وتييه‌كانى هه‌رێمى كوردستانيان كڕيوه.
به گوێره‌ى راپۆرتێكى رۆژنامه‌كه، ئه‌مريكا دوو هه‌فته له‌مه‌و به‌ر يه‌كه‌م كاروانى تانكه‌رى نه‌وتى خاوى عێراقى له رێگه‌ى هه‌رێمى كوردستانه‌وه كڕيوه و هه‌روه‌ها ئيسرائيليش له سه‌ره‌تاى ئه‌مساڵه‌وه دوو كاروانى تانكه‌رى نه‌وتى خاوى پێگه‌يشتووه، دواى ئه‌وه‌ى له هاوينى رابردووشدا دوو كاروانى ديكه‌ى تانكه‌رى نه‌وتى خاوى به‌ده‌ستگه‌يشتبوو.
له لايه‌ن خۆيه‌وه حكومه‌تى عێراق، چه‌ندين جار كۆمپانيا نه‌وتييه‌كان و وڵاتانى كڕيارى نه‌وتى هه‌رێمى كوردستانى له مه‌ترسى كڕينى نه‌وتى هه‌رێم به شێوه‌ى "ناياسايى" ئاگادار كردووه‌ته‌وه و رايگه‌ياندووه، رێككارى ياسايى له دژيان ده‌گرێته به‌ر ئه‌گه‌ر به بێ گه‌ڕانه‌وه بۆ به‌غدا نه‌وتى هه‌رێم بكڕن.
هائارتسى ئيسرائيلى نووسيويه‌تى: "سه‌ره‌ڕاى هۆشدارييه‌كانى حكومه‌تى عێراق، هه‌ندێك له كۆمپانيا ئه‌وروپاييه‌كان به‌رده‌وامن له كڕينى نه‌وتى خاوى سووك و قورس له هه‌رێمى كوردستان".
رۆژنامه‌كه ئه‌وه‌شى نووسيوه: حكومه‌تى عێراق وه‌ك هه‌ندێك وڵاتى ديكه‌ى عه‌ره‌بى ره‌تيده‌كاته‌وه نه‌وت به ئيسرائيل بفرۆشێت".
سه‌باره‌ت به‌و پرسه وه‌زاره‌تى وزه‌ى ئيسرائيل ره‌تيكردووه‌ته‌وه قسه له‌سه‌ر ئه‌و مه‌سه‌له‌يه بۆ رۆژنامه‌كه بكات.
وه‌زاره‌تى وزه‌ى ئيسرائيل به رۆژنامه‌كه‌ى راگه‌ياندووه، "پێويست به‌وه ناكات ناوى ئه‌و سه‌رچاوانه بدركێنين كه نه‌وتيان لێوه‌رده‌گرين".
رۆژنامه‌كه، له سه‌ر زمانى به‌رپرسێكى باڵاى وه‌زاره‌تى نه‌وتى عێراقيشه‌وه به بێ ئه‌وه‌ى ناوى ئاشكرا بكات ئه‌وه‌ى گواستووه‌ته‌وه، كه "به‌غدا هه‌ندێك زانيارى له‌به‌ر ده‌سته له باره‌ى ئه‌و جۆره بازرگانى و گرێبه‌ستانه و له ئێستادا لێكۆڵينه‌وه‌يان له باره‌وه ده‌كات".
به‌رپرسه عێراقييه‌كه ئه‌وه‌شى وتووه: "ساغبوونه‌وه‌ى راستى ئه‌و راپۆرته رۆژنامه‌وانييانه سزاى توندى به‌دوادادێت".
هه‌ولێر له كانوونى دووه‌مى رابردووه‌وه، ده‌ستى به هه‌نارده‌كردنى نه‌وتى خاو بۆ به‌نده‌رى جه‌يهانى توركيا كردووه، به‌ڵام به‌هۆى رازى نه‌بوونى به‌غدا له‌سه‌ر فرۆشتنى نه‌وت، تا ئێستا نه‌يتوانييوه له رێگه‌ى بۆرييه‌وه نه‌وته‌كه‌ى بفرۆشێت".
چاوه‌ڕوانده‌كرێت، "هه‌نارده‌كردنى نه‌وت بۆ ئيسرائيل" و فرۆشتنى به شێوه‌ى "ناياسايى" به ئه‌مريكا، به‌رپرسانى هه‌رێمى كوردستان رووبه‌ڕووى فشارى به‌غدا بكاته‌وه و ئاڵۆزى زياتر له نێوان هه‌ردوولا بێنێته‌ئاراوه.
تا ئێستا به ره‌سمى وه‌زاره‌تى نه‌وتى حكومه‌تى هه‌رێم وه‌ڵامى ئه‌و راپۆرته‌ى رۆژنامه ئيسرائيليه‌كه‌ى نه‌داوه‌ته‌وه.
پێشتر راپۆرته رۆژنامه‌وانييه‌كان باسى هه‌نارده‌كردنى نه‌وتيان به تانكه‌ر بۆ به‌نده‌ر عه‌باسى ئێران و ئه‌فغانستان و توركيا ده‌كرد.
ئه‌مه يه‌كه‌مجاره پرسى ناردنى نه‌وتى خاوى سوك و قورسى هه‌رێمى كوردستان بۆ ئيسرائيل بێته ئاراوه.
له ساڵى 1948ه‌وه و له ساته‌وه‌ختى راگه‌ياندنى ده‌وڵه‌تى ئيسرائيل له‌سه‌ر خاكى فه‌له‌ستين، ده‌وڵه‌تى عێراق ئاماده نه‌بووه، دان به بوونى ئيسرائيلدا بنێت و مامه‌ڵه‌ى ئابوورى و سياسى و ديبلۆماتى له‌گه‌ڵ بكات.
له ماوه‌ى 60 ساڵى رابردوودا و له ساڵانى 1948، 1967، 1973 به جياوازى ده‌سه‌ڵاتدارانى به‌غدا، به‌ڵام سوپاى عێراق به‌شدارى شه‌ڕه‌كانى دژ به ئيسرائيلى له به‌ره‌ى سوپاى وڵاتانى عه‌ره‌بى سوريا، ميسر، ئه‌رده‌ن، فه‌له‌ستين كردووه.
راپۆرته‌كه‌ى رۆژنامه‌ى هائارتسى ئيسرائيلى دواى ئه‌وه دێت، كه دوێنێ ئاژانسى هه‌واڵده‌رى رۆيته‌رز بڵاويكرده‌وه، هه‌ريه‌ك له ئيسرائيل و ئه‌مريكا بوونه‌ته كڕيارى نه‌وتى هه‌رێمى كوردستان به شێوه‌ى "ناياسايى".
17/05/2014
گوتەبێژی کۆمپانیایەکی گشتیی هێڵی ئاسنین رایدەگەیەنێت "کۆمپانیاکەیان گرێبەستی لەگەڵ چەندین کۆمپانیای بیانی کردووە بۆ هێنانی شەمەندفەری پێشکەوتوو". ستار جەبار، گوتەبێژی کۆمپانیای گشتی هێڵی ئاسنین ئاشکرایدەکات، کە کۆمپانیاکەیان لەهەوڵی پێشخستنی کەرتی گواستنەوەیە لە هەرێمی کوردستان و بۆ ئەو مەبەستەش گرێبەستیان لەگەڵ چەندین کۆمپانیای گواستنەوە کردووە، بۆ هێنانی ژمارەیەک شەمەندەفەری نوێ بۆ گواستنەوەی سەرنشین و کەلوپەل لەناوخۆی عێراق و بۆ دەرەوەی وڵات. گوتەبێژی کۆمپانیای گشتی هێڵی ئاسنین جەختیشی لەوە کردووەتەوە "کۆمپانیای گشتی هێڵی ئاسنین توانای پێشخستنی هێڵەکانی گواستنەوەی لەتوانادا هەیە لە پارێزگاکانی هەرێمی کوردستان و سەرانسەری عێراق، ئەو ئالیەتەش کاری لەسەر کراوە و ئامادەی جێبەجێکردنی پڕۆژەکەیە". لەبارەی بایەخی هێڵی ئاسنینیش، گوتەبێژی کۆمپانیاکە دەڵێت "هێڵی ئاسنین کاریگەری زۆر لەسەر گەشەی ئابووری وڵات دادەنێت، چونکە ئاسانکاری زۆر لەبارەی گواستنەوە دەکات"، ئاماژەش بۆ ئەوەدەکات چەندین گرێبەستیان لەگەڵ کۆمپانیاکانی دەرەوە کردووە بۆ هێنانی شەمەندەفەری نوێ و پێشکەوتوو بۆ گواستنەوەی سەرنشین و کەلوپەل لەناوخۆ و بۆ دەرەوەش". پێشتریش کۆمپانیای گشتی هێڵەکانی ئاسنین ئاشکرایکردبوو، دوو شەمەندەفەر لەکۆی ئەو 12 شەمەندەفەرە نوێیانە گەیشتوون، کە عێراق بەبڕی 138 ملیۆن دۆلار لە کۆمپانیایەکی چینی کڕیوون.
16/5/2014
سەرۆکی دەستەی پەرەپێدانی پەیوەندییە ئابوورییەکانی ئێران و عێراق رەخنە لە ئاستی هەناردەکردنی وڵاتەکەی بۆ هەرێمی کوردستان دەگرێت و دەڵێت "بەدواداچوون بۆ ئەو بابەتە دەکرێت". رۆستەم قاسمی کە هاوکات راوێژکاری جێگری یەکەمی سەرۆک کۆماری ئێرانیشە، رایگەیاند "ئاستی هەناردەکردنمان بۆ هەرێمی کوردستان تەنیا 4 ملیار دۆلارە کە ئەو رێژەیە بەهیچ شێوەیەک پەسەند نییە. بەپێی پەیوەندی زۆر باشی برایانی کورد لەگەڵ ئێران، ئاستی هەناردەکردنمان (بۆ هەرێمی کوردستان) زۆر کەمە و بڕیاردرا بەدواداچوون بۆ ئەو بابەتە بکرێت". رۆژی 26/4/2014، شاندێکی ئابووری ئێران بە سەرۆکایەتی قاسمی سەردانی هەولێریان کرد و لەگەڵ سەرۆک وەزیران و وەزیری سامانە سرووشتییەکان کۆبوونەوە و وەک بەرپرسانی ئێرانی رایانگەیاند "هەردوولا رێككەوتن هەرێمی كوردستان نەوتی رەش رەوانەی ئێران بكات و بەرامبەری ئەو نەوتە رەشە، ئێران گازواییل بۆ هەرێمی كوردستان بنێرێت. هەروەها رێککەوتوون دوو بۆری گاز لە ئێرانەوە بۆ هەرێمی كوردستان رابكێشرێ". قاسمی کە پێشتر وەزیری نەوت بووە، رۆژی 2014/5/14 راپۆرتی سەردانەکەی بۆ هەولێر و کۆبوونەوەی لەگەڵ بەرپرسانی باڵای هەرێمی کوردستان لە کۆبوونەوەیەکی تایبەتی جێگری یەکەمی سەرۆک کۆماری ئێران لەگەڵ پارێزگارەکانی ورمێ، سنە، کرماشان، ئیلام و خوزستان و وەزیرانی کاروباری دارایی و ئابووری، پیشەسازی و بازرگانی و کانزاکان خستەڕوو. جێگری سەرۆک کۆماری ئێران لەژێر رۆشنایی ئەو راپۆرتە، داوای لە پارێزگارەکانی رۆژهەڵاتی کوردستان و خوزستان کرد بۆ نەهێشتنی کێشە و بەربەستە سنوورییەکان بڕیاری پێویست دەربکەن و لە ماوەی 15 رۆژدا، بەرنامەی جێبەجێکردنی بخەنەڕوو.
خه‌ڵكی روانسەر له‌خۆرهه‌ڵاتی كوردستان بۆ رزگارکردنی گیانی لاوێک، ئه‌مرۆ دەچنە سەرگڵکۆی ئومێد مورادی و پێکەوە داوا لەبنەماڵەکەی دەکەن کە لە تاوانی عادل موحەممەدی هاوڕێی خۆش بن.
ئەم چیرۆکە دەگەڕێتەوە بۆ شه‌ش ساڵ له‌مه‌وبه‌ر کاتێک ئومێد‌و عادل کە دوو هاوڕێی نزیکی یەکبوون دەبێتە دەمەقاڵەیان و لە رووداوێکی نەخوازراو ئومێد گیانی لەدەست دەدات دوای ئه‌وه‌ی هاوڕێكه‌ی چه‌ند چه‌قۆیه‌كی لێده‌دات.
دواتر عادل لەلایەن دەزگای دادوەری کرماشانەوە سزای سێدارەی بەسەردا سەپا و ئێستا پاش ٦ ساڵ راگیران لە بەندیخانەی دێزڵ‌ئابادی کرماشان، بڕیار وایە سزای سێدارەکەی بەڕێوە بچێت.
بڕیاره خه‌ڵكی روانسه‌ر ئه‌مرۆ كاتژمێر 3 بچنه گۆڕستانی پشت قولەی شاره‌كه‌‌و داوا له‌بنه‌ماڵه‌ی كوژراوه‌كه بكه‌ن له بكوژ خۆشبێت.
له‌چه‌ند رۆژی رابردوشدا له‌ئێران چه‌ند خوله‌كێك پێش له‌سێداره‌دانی بكوژێك، دایكی كوژراوه‌كه له‌تاوانباره‌كه خۆش بوو به‌وه‌ش گیانی له‌مردن رزگار كرد.
16/05/2014
بە تۆمەتی پەیوەندی هەبوونی بە دەزگا راگەیاندنەكانی دەرەوەی ئێران، كوڕە كوردێك كە خوێندكاری زانكۆییە ساڵێك و شەش مانگ زیندانی بەسەردا سەپێنرا.
بە پێی هەواڵێكی ئاژانسی(فورات نیوز) خوێندکارێکی کورد خه‌ڵکی شاری جوانڕۆ به ناوی "محه‌مه‌د ئه‌مین قادری" که ساڵی پار ، له لایه‌ن هێزکانی ئیداره‌ی ئیتلاعات ده‌ستبه‌سه‌ر کرابوو، له لایه‌ن دادگای ئینقلابی شاری کرماشان به ( 18) مانگ سزای زیندان سزا دراوه.
لە درێژەی ئەو هەواڵەدا هاتووە، ئه‌مه له کاتێکدایه که ناوبراو خوێندکاری زانکۆی شاری ڕه‌وانسه‌ر بووه و به تۆمه‌تی په‌یوه‌ندی له‌گه‌ڵ ماڵپه‌ڕ و میدیاکانی ده‌روه‌ی وڵات ئه‌و سزایه‌ی بۆ بڕاوه‌ته‌وه و ئێستاش له زیندانی شاری کرماشان دایه .
"محه‌مه‌د ئه‌مین قادری" ماوه‌ی (33 ) ڕۆژ له ژوره‌کانی تاکه‌که‌سی هێزه‌کانی ئیتلاعاتدا ماوه‌ته‌وه و ڕووبه‌ڕووی لێدان و ئەشكەنجە كراوەتەوە.
15/05/2014
له‌كاتێكدا كه‌ده‌سه‌ڵاتدارانی تاران سه‌رقاڵی چاره‌سه‌ركردنی دۆسیه‌ی ئه‌تۆمی ئێرانن له‌گه‌ڵ وڵاتانی جیهان، بنیامین ناتنیاهۆ، سه‌رۆكی حكومه‌تی ئیسرائیل له‌دیدارێكیدا بۆ رۆژنامه‌یه‌كی ژاپۆن رایگه‌یاند، ئێران هاوكاریی كۆریای باكور ده‌كات له‌بورای ئه‌تۆمدا.
له‌سه‌ردانێكیدا بۆ كۆبوونه‌وه له‌گه‌ڵ شینزۆ ئابی، سه‌رۆكی ژاپۆن، ناتنیاهۆ ئه‌وه‌ی خسته‌ڕوو كه،" ئێران سه‌رقاڵی ئاڵوگۆڕكردنی ئه‌و ته‌كنۆلۆجیا ئه‌تۆمیه‌یه كه‌ده‌ستیكه‌وتووه له‌گه‌ڵ كۆریای باكور".
له‌وه‌ڵامی پرسیارێكی رۆژنامه‌ی ماینیشی شیمبۆن، چاپی ژاپۆن، سه‌باره‌ت به‌وه‌ی كه حكومه‌تی پیۆنگ یانگ ته‌كنۆلۆجیای چه‌كی ئه‌تۆمی و موشه‌ك له‌ئێرانه‌وه ده‌ستده‌خات، ناتنیاهۆ وتی: به‌ڵی به‌ته‌واوی وایه.
به‌رنامه ئه‌تۆمیه‌كه‌ی كۆریای باكور بۆ ده‌ستخستنی چه‌ك و موشه‌كی ئه‌تۆمی، به‌لای وڵاتانی جیهان به‌تایبه‌ت ژاپۆن، گه‌وره‌ترین مه‌ترسیه بۆسه‌ر ناوچه‌كه.
چاودێران باس له‌وه‌ده‌كه‌ن كه كۆریای باكور ئاماده‌كاریی ده‌كات بۆ ئه‌نجامدانی خولی چواره‌می تاقیكردنه‌وه ئه‌تۆمیه‌كانی، سه‌رباری سزا نێوده‌وڵه‌تیه‌كان بۆ سه‌ری له‌لایه‌ن وڵاتانی جیهانه‌وه.
15/05/2014
سەرۆك كۆماری ئەمریكا لە كۆبوونەوەی لەگەڵ ئیئتیلافی ئۆپۆزسیۆنی سوریا ئاماژەی بەوەكردوە كە سەرۆك كۆماری سوریا لە ئایندەدا جێگای لە سوریا نابێتەوە.
بە پێی هەواڵێكی ئاژانسی(فرانس پرێس) سەرۆك كۆماری ئەمریكا باراك ئۆباما لە كۆبوونەوەیەكیدا لەگەڵ سەرۆكی ئیئتیلافی ئۆپۆزسیۆنی سوریا ئەحمەد جەربا كە لە كۆشكی سپی ئەنجامدرابوو، رایگەیاندووە سەرۆك كۆماری سوریا بەشار ئەسەد لە ئایندەدا لە وڵاتەكەی جێگەی نابێتەوە.
لە درێژەی ئەو هەواڵەدا هاتووە، لە ماوەی پێشوودا یارمەتیەكانی خۆی بۆ ئۆپۆزسیۆنی سوریا زیادكرد و ئەوەش لە رێگەی بەیاننامەكەی كۆشكی سپییەوە راگەیانرا.
لای خۆشیەوە، ئەحمەد جەربا سوپاسی خۆی بۆ ئەمریكا و ئۆباما دەربڕی كە بە بڕی 287 ملیۆن دۆلار یارمەتی درابوون.
پێشتر لە رۆژنامەی(دەیلی بیست) بڵاوكراییەوە كە وەزیری دەرەوەی ئەمریكا جۆن كیری رایگەیاندبوو كە ماوەی ساڵێك وڵاتەكەی و هاوپەیمانەكانی بێهودە لە سوریا كاتی خۆیان بە ڕێكردووە چونكە نەیاتوانی ئەسەد لە ناو بەرن.
15/05/2014
تۆمه‌تباری دۆسیه‌ی كوشتنی 3 ژنه چالاكوانه كورده‌كه له پاریس، هه‌وڵده‌دات له زیندان هه‌ڵبێت، به‌ڵام له‌لایه‌ن پۆلیسی فه‌ره‌نساوه، شكستی پێده‌هێنرێت.
ئاژانسی هه‌واڵی ئه‌ی ئێف پی فه‌ره‌نسی بڵاوی كردوه‌ته‌وه: عومه‌ر گونه‌ی- تۆمه‌تباری سه‌ره‌كی‌و ده‌ستگیركراو له‌سه‌ر دۆسیه‌ی كوشتنی سێ ژنه چالاكوانه كورده‌كه‌ی پاریس (ساكینه جانسز‌و فیدان دۆغان‌و له‌یلا سۆیله‌مه‌ز)، هه‌وڵی داوه به به‌كارهێنانی چه‌ك‌و ته‌قه‌مه‌نی، له زیندان هه‌ڵبێت‌و له‌لایه‌ن پۆلیسی فه‌ره‌نساوه، شكستی پێهێنراوه.
سه‌رچاوه‌كه، ئاماژه‌ی به‌وه‌ش كردوه، پلانی هه‌ڵهاتنی تۆمه‌تبار عومه‌ر گونه‌ی، دوای چاوپێكه‌وتنی له‌گه‌ڵ كه‌سێك كه دانیشتووی وڵاتی ئه‌ڵمانیایه، ده‌ستی پێكردوه، به‌پێی سه‌رچاوه‌كه‌ش، گومانده‌كرێت ئه‌و كه‌سه ئه‌ندامی ده‌زگای هه‌واڵگریی توركیا (میت) بێت‌و به‌تایبه‌ت بۆ ئه‌و مه‌به‌سته ڕه‌وانه‌ی پاریس كرابێت، پۆلیسی فه‌ره‌نساش له ڕێگه‌ی چاودێریكردنی په‌یوه‌ندییه ته‌له‌فۆنییه‌كانی ئه‌وكه‌سه‌وه، پلانی هه‌ڵاتنی عومه‌ر گونه‌یی، پشتڕاست كردوه‌ته‌وه.
له 9ی كانوی دوه‌می 2013 دا له پاریسی پایته‌ختی فه‌ره‌نسا، هه‌ریه‌ك له ساكینه جانسز، فیدان دۆغان‌و له‌یلا سۆیله‌مه‌ز، تێرۆ كران‌و كه‌سێك به‌ناوی عومه‌ر گونه‌ی به تۆمه‌تی كوشتنیان، ده‌ستگیر كراوه.
16/05/2014
- داواکاری گشتیی کرماشان: لێکۆڵینەوە لەبارەی لێدانی قوتابیان دەکەین
- هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد
- گفتوگۆكانی ئێران و ئەمریكا لە عومان دوای دو کاتژمێر کۆتایی هات
- ئێران شەڕو دانوستانی ناڕاستەوخۆی پێ باشە!
- داواکارییەکانی ئێران و ئەمریکا لەیەکتریی چیە؟
- وەزیری بەرگریی ئیسرائیل هۆشداری دەداتە ئەحمەد شەرع
- وادەی هێرشی ئەمریکا بۆ سەر ئێران ئاشکرا کرا
- دەستووری کاتی سوریا نیگەرانی لایەن کوردییەکان و چاودێرانی لێدەکەوێتەوە
- بارودۆخی نالەباری ئابووریی ئێران پێدەچێت کۆماری ئیسلامی ناچار بکات لەگەڵ سەرۆک ترامپ ڕێککەوتن بکات
- عڕاقچی: هێشتا نامەکەی ترەمپ بە دەستمان نەگەیشتووە
- وەزیری دەرەوەی ئێران دەڵێت بڕیارە نامەکەی ترامپ لە لایەن نێردراوێکی وڵاتێکی عەرەبیەوە بگەیەنرێتە تاران
- مەزڵوم عەبدی و ئەحمەد ئەلشەرع بە ڕێکەوتن دەگەن
- 8ی مارس.. شۆڕشێك لەپێناو مافی ژنان
- سری سورەییا ئۆندەر: باخچهلی پێی گوتم، ڕۆژێک دێت پێکەوە هەڵپەڕکێی ئاشتیی دەکەین
- حكوومهتی ئێران : له‌گه‌ڵ ئهورووپا درێژه به گفتوگۆ ئهتۆمییهكان دهدهین
- عەلی باپیر، سەرۆکی کۆمەڵی دادگەری کوردستان سەبارەت بە پەیامی ئۆجەلان"هیوادارم هەردوولا بە کردەوە بەدەم بانگەوازەکەوە بچن."
- ئەمینداری گشتیی یەکگرتوو پەیامی ئۆجەلان "پەیامێکی پڕ لە بەرپرسیاریەتی و بایەخ و واقعیەتە"
- سەرۆك بافڵ جەلال تاڵەبانی: پێشوازی لە پەیامەکەی بەڕێز عـ.ـەبدوڵا ئـ.ـۆجەلان دەکەین
- سەرۆک بارزانی: هیوادارین پەیامەکەی ئۆجەلان دەستپێکێک بێت بۆ ئەوەی پڕۆسەی ئاشتی رێی خۆی بگرێت
- زەینەب جەلالیان لە 17هەمین ساڵی زیندانیکردنیدا لە ناو زیندانەوە باس لە ئازارەکانی دەکات
- بزووتنەوەی کۆماریخوازانی ڕۆژهەڵاتی کوردستان ٢ی ڕێبەندان، ٧٩هەمین سالرۆژی دامەزرانی یەکەم کۆماری کوردستان، لە نەتەوەی کورد پیرۆزدەکات
- پەیامی پیرۆزبایی کۆماریخوازان بۆ بەرێز مەسعوود پزیشکیان
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
