به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
حه‌وته‌مین خولی فیستیڤاڵی نێوده‌وڵه‌تی فیلمی سه‌ربه‌خۆی (ئۆف پلووس كامێرا) له شاری (كراكۆف) كرایه‌وه و ده‌رهێنه‌ری كورد به‌همه‌نی قوبادی شه‌ره‌فی به‌خشینی خه‌ڵاته‌كه‌ی پێدرا بۆ به‌شداربوان .
له‌چه‌ند ڕۆژی ڕابردوو دا و له وڵاتی (پۆلۆنیا) و له‌سه‌ر پێشنیاری حوكومه‌تی هه‌رێمی كوردستان له (پۆلۆنیا) ده‌رهێنه‌ری به‌ناوبانگی كورد (به‌همه‌نی قوبادی) وه‌ك ئه‌ندامی لیژنه‌ی ناوبژیوانی فیستیڤاڵی نێوده‌وڵه‌تی فیلمی كامێرا پلۆش به‌شداری كرد.
سینه‌ماكاری كورد به هاوڕێیه‌تی له‌گه‌ڵ (مارك ئدمس)ی ڕخنه‌گری سینه‌مایی وڵاتی به‌ریتانیا و خاتو (كیم یۆتانی) به‌ڕێوه‌به‌ری هونه‌ری له وڵاتی ئه‌مریكا و ئه‌كته‌ری به‌ناوبانگی جیهانی (كیم كارتڵ) بونه لیژنه‌ی هه‌ڵسه‌نگاندنی فیلمه‌كان له و فیستیڤاڵه‌دا .
فیستیڤاڵی (ئۆف پلووس كامێرا) فیستیڤاڵێكی ساڵانه‌ی نێو ده‌وڵه‌تیه كه له وڵاتی (پۆلۆنیا) ئه‌نجام ده‌درێت و تێیدا چه‌ندین فیلم خه‌ڵات ده‌كرێت
14/05/20104
هیومان رایتس وۆچ نه‌ڕه‌زایی خۆی به‌رامبه‌ر به ره‌وشی مافی مرۆڤ له عێراق ده‌ربڕی و داوای له ده‌سه‌ڵاتدارانی عێراق كرد له پێناو له‌ناوبردنی تیرۆریزمدا خه‌ڵكی بێتاوان نه‌كه‌نه قوربانی.
محه‌مه‌د شاهین ئه‌مین، سه‌رۆكی كۆمسیۆنی رێكخراوی چاودێری نێوده‌وڵه‌تی مافی مرۆڤ له عێراقله كۆنگره‌یه‌كی رۆژنامه‌وانیدا، له ره‌وشی مافه‌كانی له عێراق رازی نیم و پاراستن و پیشتیوانیكردن له مافی مرۆڤ له عێراق كاتێكی زۆری ده‌وێت.
به‌رپرسه‌كه‌ی هیومان رایتس وۆچ سه‌باره‌ت به ره‌وشی فه‌لوجه داوای له به‌رپرسانی عێراق كرد گرنگی زیارت به‌و قه‌زایه بده‌ن و ته‌ئكئدیشی كرده‌وه كه به‌نیازه له‌گه‌ڵ نوری مالیكی كۆببێته‌وه و پێی رابگه‌یه‌نێت كه ناكرێت له پێناو بنه‌بڕكردنی گروپه چه‌كداره‌كان خه‌ڵكێكی زۆری بێتاوان ببنه قوربانی.
نیگه‌رانییه‌كه‌ی هیومان رایتس وۆچ دوای ئه‌وه هاته ئاراوه كه ده‌نگۆی به‌كارهێنانی چه‌كی قه‌ده‌غه كراو له شاری فه‌لوجه بڵاو كرایه‌وه.
14/05/2014
سه‌رۆكى هه‌رێمى كوردستان مه‌سعود بارزانى له ديدارێكى له‌گه‌ڵ ئاژانسى هه‌واڵده‌رى رۆيته‌رز رايگه‌ياند، مالكى وڵات به‌ره‌و ديكتاتۆرى ده‌بات و هه‌ڕه‌شه‌ى ئه‌وه‌شى كرد، كۆتايى به هاوبه‌شى هه‌رێمى كوردستان له حكومه‌تى ئيتيحادى ده‌هێنێت و له باره‌ى بودجه‌وه وتى ئه‌وانى بودجه‌يان بڕى ده‌بێت باجه‌كه‌ى بده‌ن و دواتريش هه‌ڕه‌شه‌ى ئه‌نجامدانى راپرسى بۆ سه‌ربه‌خۆى كوردستان كرد.
بارزانى له باره‌ى پرسى به‌شداريكردنى لايه‌نه كوردييه‌كان له پرۆسه‌ى سياسى عێراق رايگه‌ياند، به‌م نزيكانه حزبه كوردييه‌كان له‌گه‌ڵ راگه‌ياندنى ئه‌نجامى ره‌سمى پرۆسه‌ى هه‌ڵبژاردن كۆده‌بنه‌وه بۆ تاوتوێكردنى هه‌ڵوێستيان له‌باره‌ى دانووستانه‌كانى پێكهێنانى حكومه‌تى داهاتووى عێراقه‌وه.
"ده‌كشێينه‌وه"
بارزانى هيچ زانيارييه‌كى له باره‌ى هه‌ڵوێستى كورده‌وه نه‌وتووه و ئاماژه‌ى بۆ ئه‌وه كردووه، ناكرێت ره‌وشه‌كه به‌و شێوه‌يه به‌رده‌وام بێت و كشانه‌وه‌ى كورد له پرۆسه‌ى سياسى و حكومه‌تى عێراق يه‌كێك له ئه‌گه‌ره‌كان ده‌بێت ئه‌گه‌ر ده‌رچه‌يه‌ك بۆ گۆڕانكارى نه‌يێته ئاراوه.
بارزانى له‌و ديداره‌يدا وتووشيه‌تى: "هه‌موو ئه‌گه‌ره‌كان له‌سه‌ر مێز به كراوه‌يى ئاماده‌ن و ئێستا كاتى بڕيارى كۆتاييه، چاوه‌ڕوانى ده‌يه‌يه‌كى ديكه ناكه‌ين و جارێكى ديكه ئه‌زموونى رابردوو دووباره ناكه‌ينه‌وه و ئه‌گه‌ر پرۆسه‌كه‌مان بايكۆت كرد، هه‌موو شتێك به په‌رله‌مان و حكومه‌تيشه‌وه بايكۆت ده‌كه‌ين.
مالكى
سه‌باره‌ت به سه‌رۆك وه‌زيرانى عێراق نورى كامل مالكى، بارزانى رايگه‌ياندووه، هه‌رچه‌نده مالكى ته‌نيا كه‌س نييه كه لۆمه بكرێت، به‌ڵام ئه‌و دواجار به‌رپرسيارێتييه‌كه‌ى له ئه‌ستۆيه به‌و پييه‌ى سه‌رۆك وه‌زيران و فه‌رمانده‌ى گشتى هێزه چه‌كداره‌كانه.
له باره‌ى حكومه‌تى چوار ساڵى رابردووى عێراقيشه‌وه، مه‌سعود بارزانى وتويه‌تى: "ئه‌وه شه‌راكه‌ت نه‌بوو، به‌ڵكو حوكمه تاكلايه‌نه بوو".
هه‌روه‌ها وتوويه‌تى: "ده‌سه‌ڵاتداران له به‌غدا ده‌يانه‌وێت ده‌ست به‌سه‌ر هه‌موو شتێكدا بگرن، ئه‌مه‌ش لاى ئێمه جێگاى قبوڵ نييه، ده‌مانه‌وێت شه‌ريك بين و نامانه‌وێت ژێر ده‌سته بين".
بارزانى له‌و ديداره‌شيدا ره‌تيكردووه‌ته‌وه، كێشه‌كانى له‌گه‌ڵ سه‌رۆك وه‌زيران نورى مالكى كێشه‌ى "شه‌خسى" بن، به‌ڵام رايگه‌ياندووه، "مالكى دواى ئه‌وه‌ى بووه‌ته سه‌رۆك وه‌زيران گۆڕاوه".
زياتر باسى مالكى كردووه و وتويه‌تى: "ئه‌و مالكييه‌ى پێشتر ئێمه ده‌مانناسى جياواز بوو له‌و مالكييه‌ى له ده‌سه‌ڵاتدا بوو".
بودجه
سه‌باره‌ت به كێشه‌ى بودجه و نه‌ناردنى موچه‌ى فه‌رمانبه‌رانى هه‌رێم له لايه‌ن به‌غداوه بارزانى هه‌ڵوێستى خۆى بۆ ئاژانسه‌كه ده‌ربڕيوه و رايگه‌ياندووه، ئه‌وه‌ى بڕيارى كه‌مكردنه‌وه‌ى بودجه بدات، ده‌بێت باجه‌كه‌شى بدات، ئه‌وانه‌ى واده‌زانن به بڕينى بودجه و ئيبتيزار كردنمان كورد له داواكانى خۆى ناپرسێته‌وه به هه‌ڵه‌داچوون.
وتووشيه‌تى: "به گوێره‌ى ده‌ستوور كورد مافى خۆيه‌تى به مه‌رجى تايبه‌تى خۆى نه‌وت هه‌نارده بكات و ئه‌و بڕياره گه‌ڕانه‌وه‌ى بۆ نييه".
هه‌روه‌ها رايگه‌ياندووه، "ئێمه بڕيارى سياسى خۆمان داوه به فرۆشتنى نه‌وت به شێوه‌ى سه‌ربه‌خۆ، به‌رده‌واميش ده‌بين له ده‌رهێنان و هه‌نارده‌كردن و فرۆشتنى، ئه‌گه‌ر به‌رامبه‌رمان رێچكه‌ى توندى بگرێته به‌ر ئێمه‌ش لاى خۆمانه‌وه توند ده‌بين".
راپرسى
هه‌ر له‌و چاوپێكه‌وتنه‌دا، سه‌رۆكى هه‌رێمى كوردستان مه‌سعود بارزانى روونيكردووه‌ته‌وه كه كورد راپرسى له‌سه‌ر سه‌ربه‌خۆيى ئه‌نجامده‌دات، ئه‌گه‌ر به‌غدا جارێكى ديكه ئه‌و جۆره هه‌ڕه‌شانه له كورد بكاته‌وه.
بارزانى وتوويه‌تى: "ئه‌گه‌ر ئه‌وان ناخوازن له‌گه‌ڵيان بين، با پێمان بڵێن و ئێمه‌ش رێگه‌ى خۆمان ده‌گرينه به‌ر و راپرسى ئه‌نجام ده‌ده‌ين و پرسيار له گه‌لى خۆمان ده‌كه‌ين، بۆ ئه‌وه‌ى بزانين گه‌له‌كه‌مان چ بڕيارێك".
14/05/2014
كه‌سێكی نزیكی تاڵه‌بانی، رایده‌گه‌یه‌نێت تا مانگێكی دیكه جه‌لال تاڵه‌بانی سكرتێری گشتی یه‌كێتی نیشتمانی كوردستان و سه‌رۆك كۆماری عێراق بۆ كوردستان ده‌گه‌ڕێته‌وه.
رۆژنامه‌ی شه‌رقولئه‌وسه‌تی له‌نده‌نی له زاری كه‌سێكی نزیكی تاڵه‌بانی رایگه‌یاندووه چاوه‌ڕوان ده‌كرێت له ئێستاوه تا مانگێكی دیكه جه‌لال تاڵه‌بانی سكرتێری گشتی یه‌كێتی نیشتمانی كوردستان و سه‌رۆك كۆماری عێراق بۆ كوردستان بگه‌ڕێته‌وه. ئه‌و كه‌سه نزیكه‌ی تاڵه‌بانی ئه‌وه‌شی به رۆژنامه‌كه گوتووه: ده‌بوو تاڵه‌بانی له‌سه‌ر ویستی خۆی چه‌ند مانگێك له‌مه‌وبه‌ر بگه‌ڕایه‌ته‌وه بۆ كوردستان، به‌ڵام چه‌ند پرسێكی سیاسی كه ئاشكرا نه‌كراون، هۆكاری دواكه‌وتنی گه‌ڕانه‌وه‌ی سه‌رۆك كۆماری عێراق بووه.
له لایه‌كی دیكه‌وه به‌شداریكردنی سه‌رۆك تاڵه‌بانی له پرۆسه‌ی هه‌ڵبژاردنه‌كانی ئه‌م دواییه‌ی كوردستان و عێراق ده‌كرێ به هێمایه‌ك دابنرێ كه له‌و ماوه دیاریكراوه‌دا بۆ كوردستان بگه‌ڕێته‌وه.
14/05/2014
حكومه‌تی به‌ریتانیا سه‌رجه‌م ئه‌و ده‌نگۆیانه‌ی ره‌تكرده‌وه كه گوایه سوپاكه‌ی له دوای پرۆسه‌ی عیراق پێشێلكاریی كردبێت
له سه‌روبه‌ندی ده‌ستكردن به لێكۆڵینه‌وه سه‌ره‌تاییه‌كانی دادگای تاوانی نێوده‌وڵه‌تی سه‌باره‌ت به تاوانی هێزه‌كانی به‌ریتانیا له عیراق، دۆمینیك گریف، داواكاری گشتیی دادگای به‌ریتانیا له به‌یاننامه‌یه‌كدا به‌ناوی حكومه‌تی وڵاته‌كه‌ی سه‌رجه‌م ئه‌و ده‌نگۆیانه‌ی ره‌تكرده‌وه كه گوایه سوپاكه‌یان له‌دوای پرۆسه‌ی ئازادی، به‌شێوه‌یه‌كی به‌رنامه بۆداڕێژراو، پێشێلكاریی كردبێت.
داواكاری گشتیی به‌ریتانیا رایگه‌یاندووه كه سوپای وڵاته‌كه‌ی له‌كاتی به‌جێگه‌یاندنی ئه‌ركه‌كانیدا، له یاسا ناوخۆییه‌كانی عیراق و یاسا نێوده‌وڵه‌تییه‌كان لای نه‌داوه، ته‌ئكیدیشی كرده‌وه كه سوپاكه‌یان له باشترینی سوپاكانی جیهانه كه وای لێ چاوه‌ڕوان ده‌كرێت به‌پێی به‌رزترین پێوه‌ری به‌ها نێوده‌وڵه‌تییه‌كان، ئه‌ركه‌كانی خۆی به‌جێ بگه‌یه‌نێت.
لێدوانه‌كانی داواكاری گشتیی به‌ریتانیا و لێكۆڵینه‌وه‌كانی دادگای تاوانی نێوده‌وڵه‌تی له پێشێلكارییه‌كانی سوپای ئه‌و وڵاته له عیراق، دوای ئه‌وه دێت كه تیمێك له گه‌وره لێكۆڵه‌رانی پۆلیسی خانه‌نشینكراوی به‌ریتانیا دامه‌زراوه‌یه‌كی سه‌ربه‌خۆیان پێكهێنا بۆ لێكۆڵینه‌وه له‌و پێشێلكارییانه‌ی كه گوایه سوپای وڵاته‌كه‌یان له‌دژی هاوڵاتیانی مه‌ده‌نیی عیراق و ده‌ستگیركراوی ناو گرتووخانه‌كان ئه‌نجامی داوه.
تیمه‌كه له 145 كه‌س پێكهاتووه و چاوه‌ڕوان ده‌كرێت ساڵی 2016 له لێكۆڵینه‌وه‌ی زیاتر له هه‌زار سكاڵا و داوا له‌سه‌ر سوپای وڵاته‌كه‌یان ببنه‌وه كه له‌نێوانیاندا 45 سكاڵا تایبه‌ته 81 حاڵه‌تی گیانله‌ده‌ستدانی ده‌ستگیركراوه عیراقییه‌كان له گرتووخانه‌كانی ژێر ده‌سه‌ڵاتی ئه‌وكاته‌ی هێزه‌كانی به‌ریتانیا.
14/05/2014
وەزیری ناوخۆی ئێران دەڵێ. لەهەولی ئەوەداین کە دابەشبونی جوگرافیای ئێران لە نوێوە دارێژینەوە بۆ چەند ناوچەی بەرێوەبەری جیا لەوەی ئێستا کە هەیە.
رەحمان فەزلی وەزیری ناوخۆی ئێران لە لێدوانێک‌دا بۆ ناوەندەکانی راگەیاندن دەڵێ لەجیاتی ئەو دابەشکردنەی ئێستا کە بە شێوەی پارێزگایە، دەکرێ چەندین ناوچەمان هەبێ‌و هەرناوچەش لە ٤ یان ٥ پارێزگا پێکبێ‌و ئەو ناوچەیە بەشێکی زۆر لە کارو بارەکانی خۆی بەرێوەبەرێ‌و سەرۆک ناوچەش هەبێ‌و لە ئاستی میللیشدا سەرۆکی ناوچە دەتوانێ بەشداری کۆبوونەوە و بریاردان بێ.
فەزلی دەڵێ: دەکرێ لە جیاتی ٣١ پارێزگا شەش ناۆچەمان هەبێ، وەزیری ناوخۆی ئێران لە درێژەدا دەڵێ. بەشداریی کردنی خەڵک لە دەسەڵات‌داو دابەشکردنی دەسەڵات لەگەڵ خەڵکی ناوچەکان و دانی بەشێک لە بەرێوەبەریی ناوچەکان بە خەڵکی خودی ئەو ناوچانە بێگومان دەبێتە مایەی پێشکەتن‌و بەهێزبونی پێگەی سیاسی‌و ئابووریی ئێران بەگشتی‌و بەشێکی زۆر لە کێشەکان لە جێدا چارەسەر دەبن.
ناوبراو هەروەها وتی: ئێستا پارێزگایەک بەناوی سیستان‌و بەلووچستان هەیە کە دوو میلیۆن‌و پێنجسەد هەزار کەس دانیشتووی ئەو ناوچەیەن کە ١١ کارگەی لێیە کە تەنیا ١٠٠ کرێکار کاری تێدا دەکەن، بۆیە ناکرێ چاوەرێری پاراستنی ئاسایش‌و تەناهی لەوێ بین، خەڵکەکە ناچارن بۆ بژێوی خۆیان پەنابەرنە ئەوەی ئێمە ناومان لێناوە "قاچاخ". ئەو کێشەیەمان لە کوردستان، ئیلام، خوراسانی باشوورو هورموزگانیش هەیە.
13/5/2014
بەمەبەستى گەیاندنى ناڕەزایی حکومەتى هەرێمى کوردستان بە کۆمارى ئیسلامى ئێران سەبارەت بە بڵاوکردنەوەى بابەتێک لە ماڵپەرى فەرمى کونسوڵگەرى ئێران لە شارى سلێمانى، ئەمڕۆ فەلاح مستەفا بەرپرسى پەیوەندیەکانى دەرەوەى حکومەت و سەفین دزەیى ووتەبێژى حکومەتى هەرێم، بانگهێشتى محسن بەوەفا کونسوڵى گشتى کۆمارى ئیسلامى ئێران بە وەکالەت کرد.
لە میانەى کۆبوونەوەکەدا بە فەرمى نیگەرانى و ناڕەزایی حکومەتى هەرێم بە کونسوڵى گشتى کۆمارى ئیسلامى ئێران بە وەکالەت لە هەولێر راگەیەندراو داواى روونکردنەوەى فەرمیان لە کۆمارى ئیسلامى ئێران کرد سەبارەت بە بڵاوکردنەوەى ئەو بابەتە لە ماڵپەرى فەرمى کونسوڵگەرى ئێران لە شارى سلێمانى.
هاوکات جەخت کرایەوە لەوەى کە سیاسەتى کاروبارى دەرەوەى حکومەت لە لایەن کاربەدەستانى باڵاو دامەزراوە تایبەتمەندەکانى حکومەت دادەڕێژرێت، هەربۆیە کونسوڵ ئەو مافەى نیە کە ئەو جۆرە دەربڕینانە بەکاربهێنێت و زێدەڕۆییە لە دەسەڵاتى خۆى. بۆیە بە پێویست زانرا کە لایەنى حکومەتى کۆمارى ئیسلامى ئێران بە فەرمى روونکردنەوە دەربارەى ئەم بابەت بدات.
هەر لە کۆبوونەوەکەدا باس لە خەبات و مێژووى گەلى کوردستان و بزووتنەوەى رزگاریخوازى کورد کرا، جەخت لەوەش کرایەوە کە گەلى کوردستان خاوەنى خاک و زمان و کەلتورى تایبەتى بەخۆیەتى و شانازى پێوەدەکات و هەر لەم پێناوەشدا گەلێک قوربانى داوە. هاوکات تیشک خرایە سەر ئەزمونى حکومڕانى هەرێمى کوردستان کە فاکتەرى سەرەکى سەقامگیرى بووە لە ناوچەکەى پڕ لە ململانێ، ئەمەش وێڕاى ئەوەى کە دەستى هاوکارى و هەماهەنگى بۆ هەموولایەک درێژکردووە لەسەر بنەماى رێزلێکگرتن و بەرژەوەندى هاوبەش.
هەرچەندە محسن بەوەفا گووتى کە ئەوە سیاسەت و هەڵویستى کۆمارى ئیسلامى ئێران نیە، بەڵام داواى لێ کرا کە ئەم پەیامە بگەیەنێتە لایەنە پەیوەندارەکان لە حکومەتى ووڵاتەکەى لە تاران تاوەکو بە فەرمى وەڵامى حکومەتى هەرێم بدەنەوە. بۆیە لەبەرامبەردا گووتى کە ئەو نیگەرانى و هەڵوێست و ناڕەزاییانە دەگەیەنێتە وەزارەتى دەرەوەى ئێران و هاوکات حکومەتى هەرێم لە وەڵامى فەرمى حکومەتى کۆمارى ئیسلامى ئێران ئاگادار دەکاتەوە.
13/05/2014
http://www.krg.org/a/d.aspx?s=010000&l=13&a=515حکومەتى هەرێم ناڕەزایی فەرمى گەیاندە کاربەدەستانى کۆمارى ئیسلامى ئێران15
ئوسامە نوجەیفی، سەرۆكی پەرلەمانی عێراق جەختدەكاتەوە كە ئەوان لە دژی پێكهێنانی حكومەتی زۆرینەی سیاسین لە عێراق. ئاماژەی بەوەشكرد پرسی بودجەی فیدراڵی و پەیوەندییەكانی هەولێرو بەغدایان لەگەڵ یاریدەدەری بریكاری وەزارەتی دەرەوەی ئەمریكا تاوتوێ كردووە. نووسینگەی ئوسامە نوجەیفی، سەرۆكی هاوپەیمانی موتەحیدون، كە دیارترین لایەنی سیاسیی سوننەیە لە عێراق لە بەیاننامەیەكدا رایگەیاند:"وەك هاوپەیمانی موتەحیدون بۆ چاكسازی دژی پێكهێنانی حكومەتی زۆرینەی سیاسین لە عێراق، بەڵكو داوای پێكهێنانی حكومەتی شەراكەتی نیشتمانی دەكەین بە بەشداری هەموو پێكهاتەو لایەنەكان، بۆ ئەوەی توانای بەدیهێنانی هیواكانی گەلی عێراقی هەبێ". ئوسامە نوجەیفی گوتیشی "لە دیدارێكدا پرسی بودجەی فیدراڵی و پەیوەندییەكانی نێوان هەولێرو بەغداو پێشهاتە سیاسییەكانی عێراق ئەنجامی هەڵبژاردنی پەرلەمانی داهاتوومان لەگەڵ بێرت مكێرك، یاریدەدەری بریكاری وەزارەتی دەرەوەی ئەمریكا تاوتوێ كرد". ئەمە لەكاتێكدایە ماوەی چەند مانگێكە پرۆژە یاسای بودجەی فیدراڵی ساڵی 2014 بەهۆی ناكۆكییەكانی نێوان حكومەتی هەرێمی كوردستان و حكومەتی عێراق لەسەر میكانیزمی هەناردەكردنی نەوتی كوردستان و خەرجكردنی داهاتی ئەو نەوتە لە پەرلەمان چەقی بەستووە.
13/5/2014
ئەم بابەتە رۆژانەیەو هەموو بەیانییەك كورتەی چەند وتارێكی نێو رۆژنامە كوردی، عەرەبی و بیانییەكان دەخەینە بەرچاوی خوێنەر.
رۆژنامەی كوردستانی نوێ لە ژمارە 6379ی رۆژنامەی كوردستانی نوێدا بابەتێك به ناویشانی "گەڕانەوە بۆ یاسای خۆپیشاندان" بە پێنووسی فەرید ئەسەسەرد بڵاوكراوەتەوەو نووسەر هەمواركردنەوەی یاساكە بە پێویست دەزانێ، بەتایبەتی لە پرسی مۆڵەت وەرگرتندا و دەنووسێت "لەماوەی چوار ساڵی رابردوودا مشتومڕە خەستەكە لەسەر ئەوەبوو كە بۆچی دەبێ خۆپیشاندان پێویستی بە مۆڵەت بێ، لەكاتێكدا خودی یاساكە خۆپیشاندانی به مافێكی ئاسایی هاووڵاتی ناسیوە؟ لەپراكتیكدا شێوەی جێبەجێكردنی یاساكە لەماوەی چوار ساڵی رابردوودا زۆرجار ناوەڕۆكی یاساكەی لە «رێكخەری» خۆپیشاندانەوە كردووە بە «قەدەغەكەری» خۆپیشاندان، چونكە یاساكە مافی قەدەغەكردنی خۆپیشاندانی به دەسەڵات داوەو له دۆخێكی وادا مافی خۆپیشاندان هیچ مانایەكی نامێنێ و پوچەڵ دەبێتەوە".
رۆژنامەی حەیات عیسام خوفاجی، نووسەرێكی عێراقییە لە رۆژنامەی حەیاتی لەندەنی لە بابەتێكدا بە ناونیشانی (موفتی و ئەمیری پێكهاتەیەك) نووسیویەتی: "پێش چەند رۆژێك لە بەڕێوەچوونی هەڵبژاردنی پەرلەمانی داهاتووی عێراق، گرتەیەكی ڤیدیۆیی لە یوتیوب بڵاوكرایەوە 33 هەزار بینەری هەبوو، تێیدا بەشیر نەجەفی، یەكێك لە چوار گەورە مەرجەعییەتی شیعە لە حەوزەی عیلمی نەجەف هەڵوێستی خۆی لە دژی مالیكی بەرامبەر هەڵبژاردنی پەرلەمانی عێراق راگەیاند، ئەم هەنگاوەی نەجەفیش بێوێنە بوو، چونكە مەرجەعییەتی شیعە بەردەوام بانگەشە بۆ ئەوە دەكات كە گوایە دەست لە سیاسەت وەرنادات، هەنگاوێكی بێوێنە بوو لەلایەن مەرجەعییەتێكەوە لە دژی سەرۆك وەزیرانێك كە لەهەمانكاتدا سەرۆكی حیزبێكی شیعە مەزهەبەو خاوەنی زۆرترین دەسەڵات و پێگەی جەماوەرییە لە نێو شیعە لە عێراق". دەشڵێ "بەڵام كۆمێنتە ئەرێنییەكانی سەر ئەو لاپەڕەی كە گرتە ڤیدیۆییەكەی تێدا بڵاوكراوەتەوە ئاشكرای دەكات، كە ئەوانەی ئەو گرتەیان بڵاوكردووەتە ویستیان پەنا بەرنە بەر كەسێك لە پێگەی مەرجەعییەتی نەجەفی بۆ هاندانی خەڵكی لە دژی مالیكی كە زۆرن ئەوانەی دەیانەوێ لە دەسەڵاتی دوور بخەنەوە".
رۆژنامەی شەرقولئەوسەت مشاری زایدی، نووسەرێكی سعودییە لە رۆژنامەی شەرقولئەوسەت لە بابەتێكدا بە ناونیشانی (داعش گوتی.. ئێمە دژی ئێران نین) نووسیویەتی:"رێكخراوی چەكداری دەوڵەتی ئیسلامی لە عێراق و شام (داعش) بە زمانی خۆی رایگەیاند "تیرۆری ئێمەو (قاعیدە) بە مەبەستەوە لە دژی ئێران نییە". ئەبو محەممەدی عەدنانی، گوتەبێژی (داعش) لە گرتەیەكی ڤیدیۆییدا كە تێیدا هێرشی تووندی كردە سەر ئەیمەن زەواهری، رابەری رێكخراوی (قاعیدە) زیاتر رایگەیاند "ئێمە وەك پابەندبوون بە فەرمانەكانی قاعیدە بە درێژایی چەند ساڵی رابردوو هێرشمان نەدەكردە سەر ئێران و لێگەڕاین شیعە لەوێ لە نیعمەتی ئاسایش و سەقامگیری بحەسێنەوە، هەرچەندە داعش لە سەرەتای دروستبوونییەوە دەیتوانی ئێران بكاتە جۆگەلەیەكی خوێن، ئێمە پابەندی فەرمانەكانی قاعیدە بووین لەكاتێكدا بە سیخوڕی بۆ ئێران تۆمەتبار دەكراین، چونكە ئێرانمان بە ئامانج نەدەكرد، بۆئەوەی قاعیدە سەرچاوەی پشتگیری لەدەست نەدات. نووسەر دەڵێ"ئەوە هاوپەیمانییەكە لێی تێدەگەین، چونكە ئێران دەستناپارێزێ بۆ بەكارهێنانی هەر كارتێك بۆ تۆقاندنی ركابەرانی لە ناوچەی رۆژهەڵاتی ناوەڕاست، و قاعیدەش لایەنێكی دەوێ پشتگیری بكات، ئەگەر چی ئەو لایەنە خودی شەیتانیش بێ، بۆ بەئامانجكردنی وڵاتانی عەرەبی لە ناوچەكە لەپێش هەمووشیانەوە سعودییەو عێراق و میسر".
رۆژنامەی واشنتن پۆست جیمی كارتەر 39هەمین سەرۆكی ویلایەتە یەكگرتووەكانی ئەمریكا لە ساڵانی 1977 بۆ 1981 لەسەر لیستی دیموكراتەكان، بابەتێكی بەناونیشانی" حكومەتی یەكگرتووی فەلەستین پێدەچێت هەلێكی نوێ بۆ ئاشتی بەدەستەوە بدات" لە ژمارەی ئەمڕۆی واشینتۆن پۆستدا بڵاوكردووەتەوە و تێیدا باس لەوە دەكات، كە هەرچەندە هەوڵەكانی جۆن كیری وەزیری دەرەوەی ئەمریكا لەپێناو ئاشتی رۆژهەڵاتی ناوەڕاستدا سەركەوتوو نەبوون و هیچ رێككەوتنێكی لێنەكەوتەوە، بەڵام فەلەستینییەكان كارێكی دیكەیان دەستپێكردووە و هێشتا دەتوانن دەستكەوتی باش بەدەستبهێنن. كارتەر پێیوایە، هەردوو لایەنی فەلەستینی و ئیسرائیلی بەرژەوەندییان لە دامەزراندنی دوو دەوڵەتی یاساییدا هەیە، بەگوێرەی یاسا نێودەوڵەتییەكان و بڕیارەكانی نەتەوە یەكگرتووەكان، بەڵام كێشەكان ئێستا ئاڵۆزتربوون و پرسی ئاسایشی سنوورەكان و گەڕانەوەی ماف بۆ فەلەستینییەكان و كێشەی رۆژهەڵاتی ئۆرشەلیم، كۆمەڵێك رێگرن لەبەردەم ئەم بەرژەوەندییە هاوبەشەدا. كارتەر دەنووسێت : پلانی فەلەستینییەكان بۆ چەند مانگی داهاتوو لە پرۆسەی ئاشتیدا روونە: دامەزراندنی حكومەتێكی نوێی یەكگرتوو، هەروەها فراوانكردنی بەشداری نەتەوە یەكگرتووەكان لە پرسەكەدا، هەرچەندە ئەم پلانەی فەلەستین لەسەر بڕیاری سەركردەكانی رێكخراوی سەربەخۆیی فەلەستین و بزووتنەوەی حەماس، لەلایەن هەندێك لایەنەوە ئیدانە دەكرێت، بەڵام ئەوان بەو بڕیارە دەتوانن لایەنە جیاوازەكانی ئەو وڵاتە ئاشت بكەنەوە و بەرەو هەڵبژاردن بڕۆن كە توانای دەستكەوتی باشی دەبێت.
رۆژنامەی دی ڤێڵت "لاوازیی ئەوروپا تەنها پوتین سوودی لێوەردەگرێت"، ئەمە ناونیشانی بابەتێكی رۆژنامەی دی ڤێڵتی ئەڵمانییە، كە لەلایەن نووسەری ئەڵمانی كریستۆڤ شیڵتز- ەوە نووسراوە و تێیدا باس لەوە دەكات نەبوونی كۆدەنگی و هاوڕایی لەنێوان وەزیرانی دەرەوەی یەكێتی ئەوروپا و ئەنجامدانی كۆبوونەوەكان بەبێ گەیشتن بە بڕیارێكی هاوبەش، وایكردووە ئەوەی لەم بۆشاییە سوودمەند بێت، تەنها رووسیای ڤلادیمێر پوتین بێت. شێڵتز ئاماژە بەوە دەكات، ئەوروپا تا ئێستا رۆڵێكی تەواو لاوازی گێڕاوە لە مامەڵەكردن لەگەڵ پرسی ئۆكراینادا، ڤلادیمیر پوتین بەهیچ جۆرێك مامەڵەی ئەوروپای بە گرنگ نەزانیوە، چونكە لاوازییەكەی بە ئاشكرا دیارە، بە بڕوای شێڵتز یەكێك لە هۆكارەكانی لاوازی ئەوروپا، نەبوونی كۆدەنگییەكەی لەناو یەكێتی ئەوروپادا، چونكە تا ئێستا هیچكام لە وەزیرانی دەرەوەی یەكێتی ئەوروپا رۆڵێكی وەهای نەگێڕاوە تا دەنگە جیاوازەكان كۆبكاتەوە. شیڵتز دەڵێت: "پوتین دەزانێت، كۆدەنگی لە ئەوروپا بوونی نییە، ئەو سەرقاڵی كارە دیپلۆماسییەكانی خۆیەتی، ئەوەی دەیەوێت تا ئێستا بەدەستی هێناوە، بەبێ ئەوەی یەك میلیمەتر لەجێگەی خۆی بجووڵێت، بەڵام هەموو شت بەو ئاراستەیدا روودەدات كە ئەو دایناوە، رۆژهەڵاتی ئۆكراینا قوت دەدرێت، ئەوروپاش هەر تەماشا دەكات، لەهەمان كاتیشدا گەلی رووسیا ئێستا لە پشت سەرۆكەكەی خۆیان زیاتر كۆدەبنەوە"
13/5/2014
شاندێکی پاکستانی بە سەرۆکایەتی محەممەد نەواز شەریف، سەرۆک وەزیرانی ئەو وڵاتە بە سەردانێک گەیشتە تارانی پایتەختی ئێران و چەند رێککەوتتنامەی ئابووری و ئەمنییان واژۆ کردووە. ئێران رەخنەی لە پاکستان گرتووە کە چاودێری سنوورەکانی ناکات و بە گوتەی بەرپرسانی ئێرانی، گرووپە تووندڕەوە ئیسلامییەکان لە پاکستانەوە دەچنە ناو خاکی ئێران و کردەوەی تووندوتیژی ئەنجام دەدەن.
13/5/2014
به‌هۆی په‌ره‌سه‌ندن و پێشكه‌وتنی بواری ته‌كنه‌لۆجیای ڕۆبۆت، له‌ئێستادا گفتوگۆیه‌كی زۆر له‌باره‌ی مه‌ترسییه‌كانی ڕۆبۆت و ئامێره زیره‌كه‌كانی دیكه‌وه ده‌كرێت له‌سه‌ر داهاتووی مرۆڤایه‌تی، له‌نوێترین توێژینه‌وه‌شدا، به‌ریتانییه‌كان نیگه‌رانی خۆیان له‌وباره‌وه ده‌رده‌بڕن و ڕایده‌گه‌یه‌نن، له‌داهاتوودا ڕۆبۆته‌كان هه‌ڕه‌شه‌ی ڕاسته‌قینه له‌سه‌ر ڕه‌گه‌زی مرۆڤ دروستده‌كه‌ن.
ده‌رئه‌نجامی ئه‌و توێژینه‌وه‌یه له‌ڕۆژنامه‌ی (ده‌یلی ستار)دا بڵاوكراوه‌ته‌وه‌و ئاماژه به‌وه ده‌دات، سێیه‌كی به‌ریتانییه‌كان باوه‌ڕیان وایه ته‌كنه‌لۆجیای ڕۆبۆت هه‌ڕه‌شه‌ی ڕاسته‌قینه‌یه له‌سه‌ر داهاتووی مرۆڤایه‌تی و جێگه‌ی ئه‌رك و فه‌رمانه‌كانی مرۆڤ ده‌گرێته‌وه.
به‌گوێره‌ی توێژینه‌وه‌كه، له‌سه‌دا 10 ی به‌ریتانییه‌كان پێشبینی ده‌كه‌ن به‌كارهێنانی ڕۆبۆت له‌لایه‌ن پۆلیسی وڵاته‌كه‌یانه‌وه هاوشێوه‌یی فیلمی ڕۆبۆكۆپی لێبێت ، له‌سه‌دا 42 یان پێشبینی ده‌كه‌ن ڕۆبۆته‌كان شوێنی مامۆستاكانی پڕۆسه‌ی خوێندن بگرنه‌وه، له‌سه‌دا 10 یان ئاره‌زوویانه منداڵێكی ڕۆبۆتئاسا په‌روه‌رده بكه‌ن، له‌به‌رامبه‌ردا له‌سه‌دا 5 ی به‌شداربووانیش جه‌خت له‌سه‌ر ئه‌وه ده‌كه‌نه‌وه كه ئاژه‌ڵه ماڵییه‌كانیان ده‌گۆڕن بۆ ڕۆبۆت.
ئه‌م توێژینه‌وه‌یه له‌كاتێكدایه، زاناكان له‌ماوه‌ی ڕابردوودا مه‌ترسی خۆیان له‌سه‌ر پێشكه‌وتنی ڕۆبۆته‌كان نه‌شارده‌وه‌وه هه‌ندێكیان ڕایانگه‌یاند، له‌داهاتوودا شۆڕشی ڕۆبۆت به‌سه‌ر مرۆڤایه‌تیدا به‌دوور ناگیرێت.
1/05/2014
شێخ له‌تیفی كوڕی شێخ مه‌حمودی حه‌فیدی مه‌لیكی كوردستان، كۆچی دوایی كردووه
- ڕۆژی 11ی ئایاری ساڵی 330ی زاینی، شاری (قوسته‌نتینییه) كه له‌لایه‌ن سوپای ڕۆمه‌كانه‌وه داگیركرابوو، وه‌كو پایته‌ختی ئیمپراتۆرییه‌تی ڕۆمانی ناسێنرا‌و ناویشی لێنرا (ڕۆمای نوێ).
- له‌ڕۆژێكی وه‌كو ئه‌مڕۆ‌و له‌ساڵی 1304ی زاینیدا، (مه‌حمود غازان) كۆچی دوایی كردووه، كه یه‌كێك بووه له‌سوڵتانه‌كانی ئیلخانی‌‌و هه‌وڵی زۆریداوه بۆ فراوانكردنی ده‌سه‌ڵاتی ئیلخانییه‌كان.
- له‌ساڵی 1832و له‌ڕۆژی 11-5دا، له‌شاری مهابادی خۆرهه‌ڵاتی كوردستان، شه‌ڕێكی گه‌وره له‌نێوان هێزه‌كانی میرنشینی سۆران‌و سوپای ئێراندا ڕوویدا، به‌ڵام سوپای قاجاری به‌پشتیوانیی ئه‌رده‌ڵانییه‌كان به‌توندی به‌رپه‌رچی هێزه‌كانی سۆرانیان دایه‌وه‌‌و ژماره‌یه‌كی زۆریان لێكوشتن.
- له‌ڕۆژێكی وه‌كو ئه‌مڕۆ‌و له‌ساڵی 1874دا، یه‌كه‌م هێڵی شه‌مه‌ندۆفێر له‌ژاپۆندا كه‌وته كار، كه درێژییه‌كه‌ی نزیكه‌ی 33 كیلۆمه‌تر بوو له‌نێوان شاره‌كانی كۆبه‌‌و ئۆساكادا بنیاتنرابوو.
- له‌ساڵی 1891و له‌ڕۆژێكی وه‌كو ئه‌مڕۆدا، له‌میانی سه‌ردانێكی جێنشینی ئیمپراتۆرییه‌تی ڕوسیا بۆ ژاپۆن، پاسه‌وانێكی ژاپۆنی هێرشی كرده سه‌ر (نیكۆڵا ئه‌لیكسه‌نده‌رۆفیچ) به‌مه‌به‌ستی تیرۆركردنی، به‌و هۆیه‌شه‌وه كێشه‌یه‌كی گه‌وره كه‌وته نێوان ڕوسیا‌و ژاپۆن.
- له‌میانی شاڵاوی جینۆسایدكردنی ئه‌رمه‌نه‌كان له‌لایه‌ن سوپای ده‌وڵه‌تی عوسمانییه‌وه، ڕۆژی 11ی ئایاری ساڵی 1904، عوسمانییه‌كان به‌توندی په‌لاماری ئه‌رمه‌نه‌كانیاندا‌و 900 كه‌سیان لێكوشتن.
- له‌ساڵی 1904و له‌ڕۆژێكی وه‌كو ئه‌مڕۆدا، وێنه‌كێش‌و هونه‌رمه‌ندی به‌ناوبانگی ئیسپانیا‌و جیهان (سلڤادۆر دالی) له‌دایك بووه.
- له‌ڕۆژێكی وه‌كو ئه‌مڕۆ‌و له‌ساڵی 1915دا، هێزه‌كانی ڕوسیا هێرشیان كرده سه‌ر شاری ورمێی خۆرهه‌ڵاتی كوردستان‌و داگیریان كرد.
- له‌ساڵی 1926و له‌ڕۆژێكی وه‌كو ئه‌مڕۆدا، دوایین ژماره‌ی هه‌فته‌نامه‌ی (دیاری كوردستان) بڵاوكرایه‌وه، كه ژماره 16 بوو.
- وێڕای ناڕه‌زایه‌تی زۆری وڵاتانی عه‌ره‌بی، له‌ساڵی 1949و له‌ڕۆژێكی وه‌كو ئه‌مڕۆدا، ئیسرائیل وه‌كو ئه‌ندامی ڕێكخراوی نه‌ته‌وه یه‌كگرتووه‌كان وه‌رگیرا.
- ڕۆژی 11ی ئایاری ساڵی 1949، ناوی وڵاتی سیام به‌شێوه‌یه‌كی ڕه‌سمی گۆڕدرا بۆ تایلاند.
- له‌ساڵی 1953و له‌ڕۆژێكی وه‌كو ئه‌مڕۆدا، شانشینی به‌ریتانیا ڕه‌خنه‌یه‌كی توندی له‌ئه‌مریكا گرت به‌وه‌ی، كه له‌ژێر ناوی (ستراتیژی دۆمینۆ)دا، ده‌یه‌وێت پاساو بۆ ده‌ستوه‌ردان له‌كاروباری وڵاتاندا بهێنێته‌وه‌‌و به‌و هۆیه‌شه‌وه ده‌ست به‌سه‌ر وڵاتانی جیهاندا بگرێت.
- پاش خۆحه‌شاردانی بۆ ماوه‌ی 15 ساڵ، ڕۆژی 11-5ی ساڵی 1960، چوار سیخوڕی ده‌زگای هه‌واڵگریی ئیسرائیل (مۆساد)، له‌شاری (بۆینس ئایرس)ی پایته‌ختی ئه‌رجه‌نتین، (ئه‌دۆڵف ئایخمان)ی سه‌ركرده‌ی نازییان ده‌ستگیركرد‌و ڕفاندیان بۆ ئیسرائیل، كه له‌میانی جه‌نگی دووه‌می جیهانیدا ده‌ستی هه‌بوو له‌كوشتنی ده‌یان هه‌زار جوله‌كه‌دا.
- له‌ساڵی 1967و له‌ڕۆژێكی وه‌كو ئه‌مڕۆدا، ئه‌دیب‌و نوسه‌ر‌و شاعیری ناوداری گه‌لی كورد مامۆستا (ئه‌وڕه‌حمان به‌گی بابان) كۆچی دوایی كردووه.
- له‌ڕۆژێكی وه‌كو ئه‌مڕۆ‌و له‌ساڵی 1972دا، كه‌سایه‌تی ناوداری گه‌لی كورد‌و تێكۆشه‌ر، شێخ له‌تیفی كوڕی شێخ مه‌حمودی حه‌فیدی مه‌لیكی كوردستان، كۆچی دوایی كردووه.
- ڕۆژی 11-5ی ساڵی 1977، هێزه ئه‌منییه‌كانی عێراق له‌چه‌ند پرۆسه‌یه‌كی پشكنین‌و بۆسه‌دا، ژماره‌یه‌ك له‌ئه‌ندامانی كۆمه‌ڵه‌یان له‌باشوری كوردستان ده‌ستگیركرد، كه هه‌ندێكیان له‌سێداره دران‌و ژماره‌یه‌كشیان حوكم دران.
- له‌ساڵی 1978و له‌ڕۆژێكی وه‌كو ئه‌مڕۆدا، سوپای عێراق له‌ناوچه‌ی برادۆست په‌لاماری هێزێكی یه‌كێتیی نیشتمانیی كوردستانی دا، كه به‌مه‌به‌ستی چه‌كهێنان بۆ هێزی پێشمه‌رگه چووبوونه ئه‌و ناوچه‌یه، به‌هۆیه‌وه ژماره‌یه‌ك پێشمه‌رگه كوژران‌و چه‌ند پێشمه‌رگه‌یه‌كیش بریندار بوون.
- ڕۆژی 11ی ئایاری ساڵی 1982، له‌گوندی حه‌مكی ناوچه‌ی جه‌باره، شه‌ڕێكی قورس له‌نێوان هێزه‌كانی سوپای عێراق‌و كه‌رتی چواری جه‌باریدا به‌فه‌رمانده‌یی مامه‌ڕیشه ڕوویدا، كه تێیدا پێشمه‌رگه زیانێكی زۆریان له‌سوپای عێراقدا.
- له‌ڕۆژێكی وه‌كو ئه‌مڕۆ‌و له‌ساڵی 1984دا، یاریزانی هه‌ڵبژارده‌ی تۆپی پێی ئیسپانیا (ئه‌ندرێس ئه‌نێستا) له‌دایك بووه، كه ساڵی 2010 ڕۆڵی باشی بینیوه له‌به‌ده‌ستهێنانی جامی مۆندیالدا بۆ وڵاته‌كه‌ی.
- ڕۆژی 11-5ی ساڵی 1987، هێزه ئه‌منییه‌كانی سوپای عێراق ده‌ستیان به‌ڕاگواستنی ده‌یان گوندی سنوری شاره‌زوور كرد، له‌ناوچه‌كانی عه‌ربه‌ت‌و خورماڵ‌‌و سه‌یدسادق‌و سیروان، تێیدا ده‌یان هاوڵاتی ده‌ستگیركران.
- له‌ساڵی 1989و له‌ڕۆژێكی وه‌كو ئه‌مڕۆدا، (جۆرج بوش)ی سه‌رۆكی ئه‌مریكا ئاشكرایكرد، به‌نیازن هێرش بكه‌نه سه‌ر په‌نه‌ما‌و (مانوێل نۆرێگا)ی سه‌رۆكی ئه‌و وڵاته ده‌ستگیر بكه‌ن، به‌و تۆمه‌ته‌ی كه ده‌ستی هه‌یه له‌ئاودیوكردنی ماده‌ی هۆشبه‌ر له‌كۆڵۆمبیاوه بۆ خاكی ویلایه‌ته یه‌كگرتووه‌كان.
- ڕۆژی 11ی ئایاری ساڵی 1989، له‌میانی كۆنگره‌یه‌كی نێوده‌وڵه‌تیدا كه له (كینیا) ئه‌نجامدرا، وڵاتانی جیهان پێكهاتن له‌سه‌ر ئه‌وه‌ی بازرگانیكردن به‌ماده‌ی (عاج) قه‌ده‌غه بكرێت، چونكه له‌شفره‌ی فیل دروستده‌كرێت‌و به‌و هۆیه‌شه‌وه بانده‌كانی ڕاوكردن له‌كیشوه‌ری ئه‌فریقا، ساڵانه هه‌زاران فیل له‌ناو ده‌به‌ن.
- له‌ڕۆژێكی وه‌كو ئه‌مڕۆ‌و له‌ساڵی 1996دا، (نامدی ئه‌زیكیۆی) سه‌رۆكی نێجیریا كۆچی دوایی كردووه.
- له‌ساڵی 1998و له‌ڕۆژێكی وه‌كو ئه‌مڕۆدا، هندستان یه‌كه‌م تاقیكردنه‌وه‌ی ئه‌تۆمیی له‌ژێر خاكدا ئه‌نجامدا، ئه‌وه‌ش بووه مایه‌ی نیگه‌رانی لای زۆربه‌ی وڵاتانی جیهان.
- له‌ڕۆژێكی وه‌كو ئه‌مڕۆ‌و له‌ساڵی 1999دا، وه‌فدێكی هاوبه‌شی یه‌كێتیی نیشتمانیی كوردستان‌و پارتی دیموكراتی كوردستان، گه‌یشتنه شاری نیویۆرك‌و له‌گه‌ڵ به‌رپرسانی ڕێكخراوی نه‌ته‌وه‌یه‌كگرتووه‌كان كۆبوونه‌وه‌‌و تاووتوێی چه‌ند پرسێكی ناوخۆیی عێراق‌و ناوچه‌كه‌‌و دۆزی كورد كرا.
- دوای مانگرتنی 5 په‌نابه‌ری كورد له‌هۆڵه‌ندا بۆ ماوه‌ی زیاتر له‌سێ مانگ، سه‌رئه‌نجام ڕۆژی 11-5ی ساڵی 2001، حكومه‌تی هۆڵه‌ندا مافی په‌نابه‌رێتی پێبه‌خشین، مانگرتووه‌كانیش مانه‌كه‌یان شكاند.
- له‌ساڵی 2001و له‌ڕۆژێكی وه‌كو ئه‌مڕۆدا، نوسه‌ر‌و ئه‌دیب‌و ڕۆماننوسی ناوداری ئینگلیزی، (دۆگلاس نۆیڵ ئاده‌مز) له‌ته‌مه‌نی 49 ساڵیدا كۆچی دوایی كردووه، كه وێڕای كاره ئه‌ده‌بییه‌كانی، له‌بواری میوزیك‌و درامای ڕادیۆییشدا كاری زۆری كردووه‌‌و زنجیره‌یه‌ك درامای به‌رهه‌مهێناوه.
- دوای ڕوخانی ڕژێمی به‌عس له‌عێراق، له‌ساڵی 2003و له‌ڕۆژێكی وه‌كو ئه‌مڕۆدا، گۆڕێكی به‌كۆمه‌ڵ له‌ناوچه‌ی (شنافییه)ی نێوان نه‌جه‌ف‌و كه‌ربه‌لا دۆزرایه‌وه، كه ڕوفاتی هه‌زاران كه‌سی تێدا بوو، دواتر ده‌ركه‌وت سه‌رجه‌میان كوردی ئه‌نفالكراون‌و زۆربه‌شیان ژن‌و منداڵ بوون.
- له‌ڕۆژێكی وه‌كو ئه‌مڕۆ‌و له‌ساڵی 2004دا، ویلایه‌ته یه‌كگرتووه‌كانی ئه‌مریكا بڕیاریدا، گه‌مارۆی ئابوری بخاته سه‌ر ڕژێمه‌كه‌ی (به‌شار ئه‌سه‌د) له‌سوریا، به‌هۆی پابه‌ندنه‌بوونی به‌بڕیاره‌كانی كۆمه‌ڵی نێوده‌وڵه‌تییه‌وه.
- ڕۆژی 11-5ی ساڵی 2004، ڕێكخراوی قاعیده له‌گرته‌یه‌كی ڤیدیۆییدا وێنه‌ی سه‌ربڕینی هاوڵاتییه‌كی ئه‌مریكایی پیشاندا به‌ناوی (نیك بێرگ)، كه پێشتر له‌لایه‌ن ئه‌و ڕێكخراوه‌وه ده‌ستگیركرابوو، ئه‌وه‌ش وه‌كو تۆڵه‌سه‌ندنه‌وه‌یه‌ك له‌سوپای ئه‌مریكا كه به‌رامبه‌ر به‌هاوڵاتیانی عێراقی ئه‌نجامی ده‌دا له‌گرتووخانه‌ی ئه‌بوغرێبدا.
- له‌ڕۆژێكی وه‌كو ئه‌مڕۆ‌و له‌ساڵی 2008دا، له‌شاری سلێمانی یه‌كه‌م كۆنفرانسی مه‌كته‌بی ڕێكخراوه دیموكراتییه‌كانی یه‌كێتیی نیشتمانی ده‌ستی پێكرد.
- له‌ساڵی 2009و له‌ڕۆژێكی وه‌كو ئه‌مڕۆدا، (خه‌لیفه بن زاید ئال نهه‌ییان)ی سه‌رۆكی ئیمارات، گۆڕانكاریی له‌كابینه‌ی حكومه‌تی ئه‌و وڵاته‌دا كرد‌و دوان له‌براكانی له‌پۆسته‌كانیان دوورخسته‌وه، كه ئه‌وانیش (سوڵتان‌و حه‌مدان بن زاید ئال نهه‌ییان) بوون، له‌شوێنی ئه‌وانیش، هه‌ریه‌كه له (مه‌نسور‌و سه‌یف بن زاید ئال نهه‌ییان) كه ئه‌وانیش برای بوون دانران.
- له‌ڕۆژێكی وه‌كو ئه‌مڕۆ‌و له‌ساڵی 2010دا، (گۆردن براون)ی سه‌رۆك وه‌زیرانی به‌ریتانیا ده‌ستی له‌پۆسته‌كه‌ی كێشایه‌وه، شاژنه (ئه‌لیزابێسی دووه‌م)ی پاشای به‌ریتانیاش، (ده‌یڤد كامیرۆن)ی سه‌ركرده‌ی پارتی پارێزگارانی ڕاسپارد بۆ پێكهێنانی كابینه‌یه‌كی نوێ.
- له‌ساڵی 2012و له‌ڕۆژێكی وه‌كو ئه‌مڕۆدا، له‌شاری هه‌ولێری پایته‌ختی هه‌رێمی كوردستان یه‌كه‌م كۆنگره‌ی جوڵانه‌وه‌ی هاوڵاتی ئازاد‌و یه‌كسان ئه‌نجامدرا، كه ماوه‌ی یه‌ك ڕۆژی خایاند‌و زیاتر له 450 گه‌نج وه‌كو نوێنه‌ری هه‌ر چوار پارچه‌كه‌ی كوردستان به‌شدارییان تێدا كرد.
- ئه‌مڕۆ له‌هه‌نگاریا به‌ڕۆژی یادی بنیاتنانی شاری میسكۆلچ له‌قه‌ڵه‌م ده‌درێت، هه‌ر ئه‌مڕۆش به‌ڕۆژی ده‌سته‌سڕ هه‌ژمار ده‌كرێت، وه‌ك ڕێزلێنانێك بۆ گیانی نوسه‌ری ئینگلیزی (دۆگلاس ئاده‌مز)، نوسه‌ری زنجیره كتێبی (ڕێبه‌ری كۆچبه‌ر بۆ گه‌لئه‌ستێره)یه‌‌و له‌ناو ئه‌و زنجیره كتێبه‌دا ده‌سته‌سڕ واتایه‌كی تایبه‌تی هه‌بووه، هه‌ر ئه‌مڕۆش به‌ڕۆژی جیهانیی ئه‌و زینده‌وه‌رانه له‌قه‌ڵه‌م ده‌درێت، كه مه‌ترسیی له‌ناوچوونیان لێده‌كرێت.
----------------------------------------------------------------
NNA
11/05/2014
به‌پێی رێكه‌وتنێك هێزه‌كانی حكومه‌تی سوریا چوونه ناو شاری حمسه‌وه‌و هاوڵاتیانی ئاواره‌ش سه‌رقاڵی گه‌ڕانه‌وه‌ن بۆ ناو ماڵ و حاڵی خۆیان له‌كاتێكدا به‌هۆی شه‌ڕوپێكادانه‌وه دوێنێوه لانی كه‌م 67 كه‌س له‌چه‌ند ناوچه‌یه‌كی سوریا كوژران.
به‌وته‌ی ئۆپۆزسیۆن هێزه ئاسمانییه‌كانی حكومه‌تی سوریا دووجار بۆردومانی شاری حه‌له‌بیان كردووه، هه‌روه‌ها 8 سه‌ربازی سوپای حكومه‌ت له‌لایه‌ن چه‌كدارانی ئۆپۆزسیۆنه‌وه به‌دیل گیراون و شه‌قامێكی سه‌ره‌كیشیان له‌ناوه‌ڕاستی شاره‌كه كۆنتڕۆڵكردووه.
له ڕیفی لازقیه‌ش شه‌ڕوپێكدانی توند له‌لایه‌ن سوپای حكومه‌ت و چه‌كدارانی ئۆپۆزسیۆن به‌رده‌وامه.
ئه‌وه‌ش له‌كاتێكدایه كه له‌دوای 2 ساڵ كۆنتڕۆڵكردنی شاری حمس له‌لایه‌ن ئۆپۆزسیۆنه‌وه، سوپای حكومه‌ت به‌پێی ڕێكه‌وتنێك چووه ناوه‌ڕاستی شاره‌كه‌و هاوڵاتیانیش سه‌رقاڵی گه‌ڕانه‌وه‌ن بۆ ناو ماڵ و حاڵی خۆیان.
11/05/2014
یاریدەدەری وەزیری ئابووری ئێران ڕایدەگەیەنێت تورکیا باشترین ڕێڕەوە بۆ گەیاندنی غازی ئێران بە بازاڕەکانی ئەوروپا
ئاژانسی هەواڵی فارس بڵاویکردووەتەوە عەلی مەجیدی یاریدەدەری وەزیری ئابووری ئێران ڕایگەیاندووە ئێران تورکیا وەکو گونجاوترین ڕێڕەو دەبینێت بۆ گواستنەوەی غازی ئێران بۆ ئەوروپا ،هەروەها دەشڵێت ئەم بابەتەمان لەگەڵ بەرپرسانی تورکیاشدا باسکردووە.
ئاماژەشی بەوەشداوە " لە ڕێگەی بۆرییەکی 640 کیلۆمەترییەوە زیادکردنی هەناردەکردنی غازی ئێران بۆ تورکیا گونجاوە"، دەشڵێت ئەوروپا تا ساڵی 2030 بەکارهێنانی غاز زیاد دەکات ، بۆیە ئێران و شەش وڵاتی تر دەمانەوێت بەشمان هەبێت لە دابینکردنیا.
11/05/2014
ئیهود باراكی سه‌رۆك وه‌زیران و وه‌زیری به‌رگری پێشووی ئیسرائیل، گه‌وره‌ترین هه‌ڕه‌شه‌ی له ئێران كرد و رایگه‌یاند، حكومه‌تی واشینگتۆن ده‌توانێت له ماوه‌ی كه‌متر له یه‌ك شه‌ودا گشت پڕۆژه‌كانی وزه‌ی ئه‌تۆمی ئێران له‌ناوببات.
هاوكات باراك ره‌خنه‌ی توندی ئاڕاسته‌ی حكومه‌تی ئه‌مریكا و ئۆبامای سه‌رۆكی ئه‌و وڵاته كرد به‌هۆی ئه‌وه‌ی كه رێگه به ئێران ده‌ده‌ن له‌سه‌ر پڕۆژه ئه‌تۆمیه‌كه‌ی كاربكات، باراك وتیشی: "حكومه‌ته‌كانی پێشووتری ئه‌مریكا ئه‌و ئازادیه‌یان به ئێران نه‌ده‌دا".
هه‌روه‌ك له‌درێژه‌ی قسه‌كانیدا وتی: "ئێستا وه‌ك وڵاتێك له ئه‌مریكا ده‌ڕوانێت كه لاواز بوبێت، به‌تایبه‌ت له‌م ساڵانه‌ی دواییدا".
ئه‌م لێدوانانه‌ی ئه‌یهود باراك پاش دوو رۆژ له لێدوانه‌كانی بنیامین ناتنیاهۆ، سه‌رۆك وه‌زیرانی ئیسرائیل دێت كه وتی "ئێران هه‌وڵی له‌ناوبردنی ئیسرائیل ده‌دات" ئه‌وه‌ش له‌ڕێگه‌ی ده‌ستكه‌وتنی چه‌كی ئه‌تۆمیه‌وه".
جێ ئاماژه‌یه هه‌ریه‌ك له ئێران و وڵاته گه‌وره‌كانی وه‌ك ئه‌مریكا و روسیا و به‌ریتانیا و فه‌ره‌نسا و چین و ئه‌ڵمانیا، له مانگی تشرینی دووهه‌می ساڵی رابردوودا گه‌یشتنه رێككه‌وتنێك سه‌باره‌ت به كه‌مكردنه‌وه‌ی چالاكیه‌كانی ئێران له به‌رهه‌مهێنانی وزه‌ی یۆرانیۆمدا به‌رامبه‌ر به كه‌مكردنه‌وه‌ی سزاكانی سه‌ر ئه‌و وڵاته.
12/05/2014
- داواکاری گشتیی کرماشان: لێکۆڵینەوە لەبارەی لێدانی قوتابیان دەکەین
- هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد
- گفتوگۆكانی ئێران و ئەمریكا لە عومان دوای دو کاتژمێر کۆتایی هات
- ئێران شەڕو دانوستانی ناڕاستەوخۆی پێ باشە!
- داواکارییەکانی ئێران و ئەمریکا لەیەکتریی چیە؟
- وەزیری بەرگریی ئیسرائیل هۆشداری دەداتە ئەحمەد شەرع
- وادەی هێرشی ئەمریکا بۆ سەر ئێران ئاشکرا کرا
- دەستووری کاتی سوریا نیگەرانی لایەن کوردییەکان و چاودێرانی لێدەکەوێتەوە
- بارودۆخی نالەباری ئابووریی ئێران پێدەچێت کۆماری ئیسلامی ناچار بکات لەگەڵ سەرۆک ترامپ ڕێککەوتن بکات
- عڕاقچی: هێشتا نامەکەی ترەمپ بە دەستمان نەگەیشتووە
- وەزیری دەرەوەی ئێران دەڵێت بڕیارە نامەکەی ترامپ لە لایەن نێردراوێکی وڵاتێکی عەرەبیەوە بگەیەنرێتە تاران
- مەزڵوم عەبدی و ئەحمەد ئەلشەرع بە ڕێکەوتن دەگەن
- 8ی مارس.. شۆڕشێك لەپێناو مافی ژنان
- سری سورەییا ئۆندەر: باخچهلی پێی گوتم، ڕۆژێک دێت پێکەوە هەڵپەڕکێی ئاشتیی دەکەین
- حكوومهتی ئێران : له‌گه‌ڵ ئهورووپا درێژه به گفتوگۆ ئهتۆمییهكان دهدهین
- عەلی باپیر، سەرۆکی کۆمەڵی دادگەری کوردستان سەبارەت بە پەیامی ئۆجەلان"هیوادارم هەردوولا بە کردەوە بەدەم بانگەوازەکەوە بچن."
- ئەمینداری گشتیی یەکگرتوو پەیامی ئۆجەلان "پەیامێکی پڕ لە بەرپرسیاریەتی و بایەخ و واقعیەتە"
- سەرۆك بافڵ جەلال تاڵەبانی: پێشوازی لە پەیامەکەی بەڕێز عـ.ـەبدوڵا ئـ.ـۆجەلان دەکەین
- سەرۆک بارزانی: هیوادارین پەیامەکەی ئۆجەلان دەستپێکێک بێت بۆ ئەوەی پڕۆسەی ئاشتی رێی خۆی بگرێت
- زەینەب جەلالیان لە 17هەمین ساڵی زیندانیکردنیدا لە ناو زیندانەوە باس لە ئازارەکانی دەکات
- بزووتنەوەی کۆماریخوازانی ڕۆژهەڵاتی کوردستان ٢ی ڕێبەندان، ٧٩هەمین سالرۆژی دامەزرانی یەکەم کۆماری کوردستان، لە نەتەوەی کورد پیرۆزدەکات
- پەیامی پیرۆزبایی کۆماریخوازان بۆ بەرێز مەسعوود پزیشکیان
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
