سه‌لاحه‌ددین ده‌میرتاش نابێته ڕێبه‌ری "پارتی دیموکراتیکی گه‌لان" و پارتی ئاشتی و دیموکراسی ناوی خۆی ده‌گۆڕێت
به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
وەزیری دەرەوەی یۆنان لە چاوپێکەوتنێکیدا رایدەگەیەنێت لەبەرامبەر هەڵوێستێکیدا لەلایەن سەرۆک وەزیرانی ئەو کاتەی یۆنانەوە دەستی لە کارپێكێشراوەتەوە .
سایتی حورییەتی تورکی بڵاویکردووەتەوە تیودورۆس پانگۆلاس وەزیری پێشووتری یۆنان لە چاوپێکەوتنێکیدا ڕایگەیاندووە لە کاتێکدا لە ساڵی 1999 عەبدوڵا ئۆجەلان لە کینیا لەلایەن دەزگای هەواڵگری میتی تورکییەوە دەستگیرکرا، لەو کاتەدا بە تۆمەتی هاندانی تیرۆر لە پۆستی وەزیری دەرەوەی یۆنان لەلایەن کۆستاس سیمیتیس سەرۆک وەزیرانی پێشووتری یۆنانەوە دەستی لەکارپێكێشراوەتەوە.
هەروەها پانگۆلاس دەڵێت لە پۆست دوورخستنەوەکەی بەهۆی فشاری ئەمریکاوە بووە .
دەشڵێت لەسەردەمی ئیدارەی بیل کلینتۆندا بەهۆی هەڵوێستەکانی لە ڕووداوەکانی ئۆجەلاندا وەکو کارمەندی هەواڵگری مامەڵەی لەگەڵدا کراوە و دوابەدوا ی هاتنی جورج بوش هەڵوێستیان گۆڕاوە.
بە پێی ویکیپێدیاش لە ساڵی 1999 پانگۆلاس یەکێک بووە لەوانەی بە یارمەتی چەند کەسێکی دەزگای هەواڵگری یۆنان ڕێگەیانداوە بە عەبدوڵا ئۆجەلان سەرۆکی زیندانیکراوی پارتی کرێکارانی کوردستان تاوەکو بچێتە کینیا .
سەرچاوە: حورییەت
29/04/2014
وەزیری دەرەوەی توركیا ئەحمەد داود ئۆغلۆ لە كۆنگرەیەكی ڕۆژنامەوانیدا داوای لە وڵاتانی جیهان كرد لەسەر میسر بێنە دەنگ .
كەمێك پێش ئێستا ئەحمەد داودئۆغلۆ وەزیری دەرەوەی توركیا لە كۆنگرەیەكی ڕۆژنامەوانیدا داوای لە جیهان كرد بێنە سەرخەت بەرامبەر ئەو بڕیاری لە سێدارەدانانەی لەلایەن دادگای میسرەوە دەركراون بۆ ئەو كەسانەی كە تۆمەتباردەكرێن بەنزیكییان لە ئیخوان موسلیمین و سەرۆكی پێشووی میسر محمد مورسی.
وەزارەتی دەرەوەی توركیا لە داواكەیدا دەڵێت "ئەو بڕیارەی ئەمڕۆ كە دەرچووە و تێیدا بڕیاری لە سێدارەدان بۆ 37 كەس دەركراوە و 492كەسی تریش زیندانی هەتا هەتایی و لە بڕیارێكی تردا دەركردنی سزای لە سێدارەدان بۆ 683 كەسی تر ، سەرەتا ئەوە دەسەلمێنێت كە ئەمە بڕیارێكە لە سەروو دادگایكردنێكی دادوەرانە و مافی ژیانەوەیە .
هەروەها دەڵێت، ئەم بڕیارانە بە ئاشكرا پێشێلی مافە جیهانییەكانی مرۆڤ و ئازادییەكانی كردووە و لەگەڵ یاسادا یەك نایەتەوە.
دەشڵێت، ئەم جۆرە بڕیارانە زیان بە پێگەی نێودەوڵەتی میسر دێنن بۆیە داوا لە كۆمەڵگەی نێو دەوڵەتی دەكەین كە بێنە دەنگ لەسەر ئەم بڕیارانە.
ئەمەش دوای ئەوەی ئەمڕۆ لەلایەن دادگای میسرەوە بڕیاری لە سێدارەدان بۆ 683كەسی تر دەرچوو.
سەرچاوە: حورییەت
29/04/2014
مه‌سعود بارزانی سه‌رۆكی هه‌رێمی كوردستان په‌یامێكی به‌بۆنه‌ی هه‌ڵبژاردنی پارێزگاكانی هه‌رێم‌و ئه‌نجومه‌نی نوێنه‌رانی عێراق بڵاوكرده‌وه، تێیدا داواده‌كات هاوڵاتیان به‌فراوانترین شێوه به‌شداری ئه‌م هه‌ڵبژاردنه بكه‌ن، ده‌نگ به‌و كه‌سانه بده‌ن كه ده‌توانن به‌باشترین شێوه خزمه‌تی وڵاته‌كه‌یان بكه‌ن.
ماڵپه‌ڕی سه‌رۆكایه‌تی هه‌رێمی كوردستان په‌یامێكی (مه‌سعود بارزانی)بڵاوكرده‌وه كه تێیدا هاتوه، هاوڵاتیانی ئازیزی هه‌رێمی كوردستان‌و ناوچه كوردستانییه‌كانی ده‌ره‌وه‌ی ئیداره‌ی هه‌رێم سوپاس بۆ خوداو ئێوه‌ی ئازیز جارێكی دی ئه‌و ده‌رفه‌ته هاته ئاراوه، كه خه‌ڵكی له‌ڕێی سندوقه‌كانی ده‌نگدانه‌وه بڕیار له‌ژیانی سیاسی‌و به‌ڕێوه‌بردنی خۆیان بده‌ن، له‌م قۆناغه‌دا به‌شداریكردنتان له‌هه‌ڵبژاردنی ئه‌نجومه‌نی نوێنه‌رانی عێراق گرنگییه‌كی تایبه‌ت‌و مێژویی هه‌یه، سه‌نگی سیاسی كورد له‌عێراق به‌هێزتر ده‌كات، بۆ به‌رگریكردن له‌مافه‌كانی گه‌لی كوردو ڕوبه‌ڕوبونه‌وه‌ی ناحه‌زانی گه‌لی كورد له‌پرۆسه‌ی سیاسی عێراقدا داواتان لێده‌كه‌م به‌جۆش‌و خرۆشه‌وه به‌شداربن‌و نوێنه‌ره‌كانتان له‌ئه‌نجومه‌نی نوێنه‌رانی عێراق هه‌ڵبژێرن.
هه‌ر به‌گوێره‌ی هه‌واڵه‌كه، هه‌ڵبژاردنی ئه‌نجومه‌نی پارێزگاكانی هه‌رێمی كوردستان كاریگه‌ری ڕاسته‌وخۆی له‌سه‌ر باشتربونی به‌ڕێوه‌بردنی شارو شارۆچكه‌كان‌و خزمه‌تگوزاری بۆ هاوڵاتیان، هه‌روه‌ها قوڵتربونی كه‌لتوری دیموكراسی له‌نێو كۆمه‌ڵگه‌دا ده‌بێت، داواتان لێده‌كه‌م به‌فراوانترین شێوه به‌شداری ئه‌م هه‌ڵبژاردنه بن‌و ده‌نگ به‌و كه‌سانه بده‌ن كه ده‌توانن به‌باشترین شێوه خزمه‌ت بكه‌ن.
به‌پێویستیشی ده‌زانێت داوا له‌لایه‌نه‌په‌یوه‌ندیداره‌كان‌و ده‌زگاكانی ئاسایش‌و كۆمسیۆنی هه‌ڵبژاردن‌و گشت هاوڵاتی بكات، هه‌وڵبده‌ن هه‌ڵبژاردنه‌كانی ڕۆژی (30) نیسان به‌باشترین شێوه به‌ڕێوه‌بچێت‌و،وێنه‌ی شارستانیی‌و سه‌رده‌مییانه‌ی كوردستان پێشانی جیهان بده‌ن.
ئه‌ڵوه‌ن ساڵح-NNA
28/04/2014
به‌رهه‌م ساڵح به ئاماده‌بونی مامۆستا نازم نوێنه‌ری حكومه‌تی هه‌رێمی كوردستان له ئێران له شاری هه‌ولێر پێشوازی كرد له روسته‌م قاسمی به‌رپرسی كۆمیته‌ی په‌ره‌پێدانی ئابوری بازرگانی و پیشه‌سازی كۆماری ئیسلامی ئێران و عیراق و وه‌زیری نه‌وتی پێشووی ئێران و وه‌فدێكی یاوه‌ری و باس له دواین پێشهاته‌كانی كوردستان و عیراق و ناوچه‌كه كرا.
له به‌شێكی دیكه‌ی دیداره‌كدا باس له‌و په‌یوه‌ندییه ئابورییه‌كانی نێوان هه‌رێمی كوردستان و كۆماری ئیسلامی ئێران كرا. كه په‌ره‌سه‌ندنێكی باشی به خۆییه‌وه بینیوه، ئه‌وه‌ش له چاو ساڵی پار به هوَی ئه‌و هه‌مه‌هانگییه‌ی له نێوان هه‌ردوولادا هه‌یه، به تایبه‌تی له بواره‌كانی ئابوری و بازرگانی و ئاسان كردنی مه‌رزه‌كان به‌رژه‌وه‌ندی هاوبه‌شه‌كانی هه‌ردوولا وا ده‌خوازێت ئه‌و په‌یوه‌ندیه بازرگانییه باشتر بكرێت.
له كۆتایی دیداره‌كه‌دا چۆنیه‌تی په‌ره‌پێدانی ئه‌و په‌یوه‌ندییه دۆستانه‌ی هه‌رێمی كورستان و كۆماری ئیسلامی ئێران خرایه‌به‌ر باس و ته‌ئكید كرایه‌وه ئه‌و په‌یوه‌ندییه ببێته مایه‌یی خوشگوزه‌رانی نێوان هه‌ر دوو گه‌لی دراوسێ.
28/04/2014
مەرجی ئاینی ئایەتوڵا شێخ بەشیر نەجەفی لە فتوایەكیدا رایدەگەێنێت دەنگدان بە سەرۆك وەزیرانی عیراق نوری مالیكی حرامە و رەتیشدەكاتەوە ویلایەتەكەی تازە بكرێتەوە.
سەرچاوەیەك بە خەندانی راگەیاند" شێخ نەجەفی دەنگدانی بۆ هەڵبژاردنی داهاتووی حەرامكردووە بۆ ئەوانە موڵكوماڵی گشتی بەكار دەهێنن و ئاسایش و خۆشیان بۆ وڵات بەدینەهێناوە، حكومەتی ئێستا كە نوری مالیكی سەركردایەتی دەكات بەرامبەر بە گەلی عیراق كەمتەرخەمە".
وتیشی، ئەو مەرجەعە ئاینییە دەنگدانی بە مالیكی حەرامكردووە و هەروەها رەتیشدەكاتەوە ولایەتەكەی نوێ بكرێتەوە.
ئەو سەرچاوەیە لە درێژەی قسەكانیدا وتیشی" لە گرتەیەكی ڤیدیۆیدا ئەو مەرجەعە ئاینییە قسە بۆ چەندین كەس دەكات سەبارەت بە هەڵبژاردن و ئەو گرتە ڤیدیۆیە بەسەر چەند كەناڵێكی ئاسمانی دابەش دەكرێت تاوەكو خەڵكی ئاگادار بن."
لە درێژەی وتەكانیدا دەڵێت" مالیكی داوای 100 رۆژی كرد بۆ ئەوەی چاكسازی و خزمەت و باری ئەمنی بپارێزێت، بەڵام ئەوە چەندین رۆژ و مانگ و ساڵی بەسەردا تێپەڕی و عیراق وەكو خۆیەتی"
لە كۆتایدا ئەو سەرچاوەیە ئاماژەشی بەوەكردووە"مالیكی گەلی عیراقی هەژاركردووە، بەڵام لە كاتی نزیكبوونەوەی هەڵبژاردن هاوكاری بەسەریاندا دابەش دەكات."
28/04/2014
به‌پێی ڕۆژنامه‌ی ڕادیکاڵی تورکیا: سه‌لاحه‌ددین ده‌میرتاش، ڕێبه‌ری پارتی ئاشتی و دیموکراسی ڕایگه‌یاند: به تێکه‌ڵ بوونی BDP و HDP ئه‌ویش وه‌ک دیکه‌ی نوێنه‌رانی کوردی نێزیک له په‌که‌که ده‌چێته ڕیزی هه‌ڤاڵانی به‌ڵام نایه‌وێت بۆ سه‌رۆکایه‌تی کردنی پارتی دیموکراتیکی گه‌لان کاندید بێت.
هه‌روه‌ها ڕۆژنامه‌ی ئۆزگور گوندوم ده‌زگای ڕاگه‌یێنه‌ریی نێزیک له په‌که‌که ڕایگه‌یاندووه که پارتی ئاشتی و دیموکراسی له بواری چالاکی په‌رله‌مانی و سیاسه‌تی گشتی خۆیدا تێکه‌ڵ به پارتی دیموکراتی گه‌لان ده‌بێت به‌ڵام به‌شێک له سه‌رکرده‌کانی ئه‌م حزبه ڕێکخراوێکی دیکه‌ی حزبی به ناوی پارتی ناوچه دیموکراتیکه‌کان DBP داده‌مه‌زرێنن و به‌رده‌وام ده‌بن له ژیان و چالاکی سیاسی خۆیان.
ئه‌م ڕێکخراوه نوێیه بڕیاره به‌ڕێوه‌به‌رایه‌تی ئیداره‌ی 103 شاره‌وانی وه‌ده‌ستهاتوو له‌لایه‌ن کاندیده‌کانی نێزیک له ئۆجه‌لان بکات و هه‌روه‌ها له بواری فه‌رهه‌نگی، ئابووری و سیاسیدا هاوپێوه‌ند به باسی خۆبه‌ڕێوه‌به‌ریش چالاکی بکات.
27/4/2014
ئه‌ندامی کۆمیسیۆنی ئاوه‌دانی مه‌جلیسی شۆرای ئیسلامی ئێران ڕایگه‌یاند که زیاتر له 1500 پڕۆژه‌ی ته‌واو نه‌بوو له پارێزگای کوردستاندا هه‌یه و ڕێژه‌ی بێکاری له‌م پارێزگایه‌شدا دوو ئه‌وه‌نده‌ی ڕێژه‌ی مامناوه‌ندییه له ئاستی وڵاتدا.
به‌پێی هه‌واڵی کوردپرێس، حامد قادرمه‌رزی، نوێنه‌ری شاره‌کانی قوروه و دێولان له مه‌جلیسی شۆرای ئیسلامی ئێران له لێدوانێکدا بۆ ماڵپه‌ڕی مه‌جلیس (خانه‌ی میلله‌ت) ڕایگه‌یاند که ڕێژه‌ی بێکاری له پارێزگای کوردستاندا دوو ئه‌وه‌نده‌ی ڕێژه‌ی مامناوه‌ندییه له ئاستی وڵاتدا.
ناوبراو هۆکاری پێشنه‌که‌وتن له پارێزگای کوردستان له چاو دیکه‌ی ناوچه‌کانی ئێرانی بۆ له‌بار چوونی ده‌رفه‌رتی سه‌رمایه‌دانه‌ری له ده ساڵه‌ی یه‌که‌می شۆڕشی ئیسلامی له‌به‌ر شه‌ڕی سپێندراو به سه‌ر ئێراندا و هه‌روه‌ها دابه‌ش نه‌بوونی دادپه‌روه‌رانه‌ی بودجه له نێوان پارێزگاکان بۆ ئاوه‌دان کردنه‌وه له قۆناغی پاش شه‌ڕی هه‌شت ساڵه ڕاگه‌یاند.
دوکتۆر قادرمه‌رزی به ئاماژه به‌وه‌ی که پێشتر له پارێزگای کوردستاندا زیاتر له 850 یه‌که‌ی وه‌به‌رهێنان و پیشه‌یی چالاکیان ده‌کرد ڕایگه‌یاند له ماوه‌ی ساڵانی دواییدا زیاتر له 350 یه‌که له‌به‌ر داڕمانی ئابووری؛ یان داخراون یان به نیوه‌داخراوی چالاکی ده‌که‌ن.
ئه‌و نوێنه‌ره کورده‌ی مه‌جلیسی شۆرای ئیسلامی ئێران کارگه‌ی فوولادی زاگرۆس غه‌ربی به یه‌کێک له‌و کارگه‌یانه ناوبرد و ڕایگه‌یاند که پێش ساڵی 1384 و له‌و کاته‌ی که هێشتاکه ده‌وڵه‌تی نۆهه‌م (ده‌وڵه‌تی ئه‌حمه‌دی نه‌ژاد) نه‌هاتبووه سه‌ر کار، له یه‌که نموونه‌یه‌کانی وڵات بووه، به‌ڵام پاش هاتنه سه‌رکاری ده‌وڵه‌تی نۆهه‌م به‌ڕێوه‌به‌رانی پسپۆڕ له‌و کارگه‌یه له سه‌رکار لابراون و ئه‌وانه‌ی که شاره‌زاییه‌کی ئه‌وتۆیان له‌و کاره‌دا نه‌بووه له به‌ر نێزیک بوونه‌وه‌یان به جێگری یه‌که‌می ئه‌و کاته‌ی سه‌رۆک کۆمار، به‌ڕێوه‌به‌رێتی کارگه‌که‌یان پێسپێردرا که بووه‌هۆی داخرانی کارگاکه و خه‌سارگه‌یشتن به بواری کار و ڕه‌خساندنی هه‌لی کار له پارێزگای کوردستاندا.
ڕاشیگه‌یاند که ئه‌و ئیمکاناته‌ی له کارگه‌ی فوولادی زاگرۆسی غه‌ربدایه به‌هاکه‌‌ی زیاتر له 100 میلیارد تمه‌نه و ده‌وڵه‌ت ده‌توانێت سه‌رمایه‌کانی که‌رتی تایبه‌ت له‌و کارگه‌یه‌دا بخاته گه‌ڕ بۆ چالاک کردنه‌وه.
دوکتۆر قادرمه‌رزی له به‌شێکی دیکه‌ی لێدوانه‌که‌یدا به ئاماژه به‌وه‌ی که زیاتر له 1500 پڕۆژه‌ی ناته‌واو له پارێزگای کوردستاندا هه‌یه، ڕایگه‌یاند: ژماره‌یه‌ک له‌و پڕۆژانه به‌ره‌وپێش چوونی که‌متر له 50 له سه‌دیان هه‌یه بۆ ته‌واوبوون و هه‌ندێکیشیان 80 له سه‌د به‌ره‌و‌پێشچوونیان بووه و بۆ ته‌واو کردنی ئه‌و پڕۆژانه گوژمه‌یه‌کی 700 میلیارد تمه‌نی پێویسته.
ڕاشیگه‌یاند که له سه‌فه‌ری ئه‌م دواییه‌ی ئه‌ندامانی کۆمیسیۆنی ئاوه‌دانی مه‌جلیسی شۆرای ئیسلامی و ژماره‌یه‌ک له جێگرانی وه‌زیرانی ده‌وڵه‌ت بۆ پارێزگای کوردستان بڕیاری باش بۆ ته‌رخاندانی بودجه به مه‌به‌ستی ته‌واوکردنی ئه‌و پڕۆژانه ده‌رکراوه که کۆمه‌ڵه‌ی نوێنه‌رانی پارێزگای کوردستان له مه‌جلیس به جیددییه‌ته‌وه به‌دواداچوون بۆ ئه‌و بڕیارانه ده‌که‌ن تا کاتی جێبه‌جێ بوونیان.
27/4/2014
له حوکمێکدا له‌لایه‌ن پارێزگاری ئیلام، مه‌ریه‌م شادیوه‌ند، وه‌ک یه‌که‌مین ژن له پارێزگای ئیلام بۆ سه‌رپه‌رشتی فه‌رمانداری ده‌ره‌شار دیاری کرا.
مه‌ریه‌م شادیوه‌ند پێشتر ڕاوێژکاری کاروباری ژنانی فه‌رمانداری شاری ده‌ره‌شار بووه و ئێستا بۆ سه‌رپه‌رشتی فه‌رمانداریی ئه‌و شاره‌ی ڕاسپێردراوه.
پارێزگاری ئیلام له ڕێوڕه‌سمێکدا که به بۆنه‌ی پیرۆزبایی ڕۆژی ژن له ئیلام به‌ڕێوه‌چوو ڕایگه‌یاندبوو که له ده‌فرایه‌تی و توانایی ژنانی ئه‌و پارێزگایه بۆ ئیداره‌ی کاروباری به‌ڕێوه‌به‌رایه‌تی ئیلام که‌ڵک وه‌رده‌گرێت.
وتیشی: هه‌ر له‌و پێناوه‌دا بڕیاری داوه به ده‌ستنیشان کردنی مه‌ریه‌م شادیوه‌ند وه‌ک فه‌رمانداری نوێ شارستانی ده‌ره‌شار که وه‌زیری ناوخۆیش ڕه‌زامه‌ندی له‌سه‌ر ئه‌و بڕیاره ده‌ربڕیوه.
شیاوی ئاماژه‌یه له ڕۆژانی داهاتوودا له ڕێوڕه‌سمێکدا ڕێز له خزمه‌ت و چالاکییه‌کانی عه‌لی ڕه‌شیدی فه‌رمانداری پێشووی ده‌ره‌شار ده‌گیردرێت.
kurdpres
27/4/2014
نه‌ته‌وه یه‌كگرتوه‌كان ئیدانه‌ی گرتنه‌وه‌و به‌ردانه‌وه‌ی ئاوی ڕوباری فوراتی كرد له‌لایه‌ن چه‌كداره‌كانی داعشه‌وه، كه‌به‌هۆیه‌وه ناوچه‌كانی ده‌وروبه‌ری فه‌لوجه‌ی كردوه به‌ژێر ئاوه‌وه‌‌و به‌هۆیه‌وه سه‌دان خێزان ناچار بون شوێنه‌كانی خۆیان جێبهێڵن.
نیكۆلای ملادینۆف نوێنه‌ری سكرتێری گشتی نه‌ته‌وه یه‌كگرتوه‌كان له عێراق رایگه‌یاند، نه‌ته‌وه یه‌كگرتوه‌كان له ئاماده‌باشی ته‌واودایه بۆ ئه‌وه‌ی به هه‌مانگی له‌گه‌ڵ حكومه‌تی عێراقدا كار بكات بۆ پێشكه‌ش كردنی هاوكاری‌و كۆمه‌ك به‌و خێزانانه‌ی كه‌به‌هۆی لافاوه‌وه له‌ناوچه‌كانی فه‌لوجه‌و ئه‌بوغرێب ماڵ وحاڵی خۆیان جێهشتوه.
له‌لایه‌كی دیكه‌وه پارێزگای به‌غدا ڕایگه‌یاند،به‌هۆی داخستنی ده‌روازه ئاویه‌كانی به‌نداوی فه‌لوجه له‌لایه‌ن داعشه‌وه له ناوچه‌كانی قه‌زای ئه‌بوغرێب‌و ده‌وروبه‌ری 4 هاوڵاتی خنكاون‌و زیاتر له 60 هه‌زار دۆنم له كشتوكاڵ خه‌سار بوه‌و نزیكه‌ی 700 خێزانیش ده‌ربه‌ده‌ربون.
هاوكات سه‌رۆكی ئه‌نجومه‌نی پارێزگای به‌غدا داوای له حكومه‌ت كرد ڕێوشوێنی به‌په‌له‌و پێویست له‌ئاست ئه‌وكاره‌سانه بگرێته به‌رو ، له ڕێگه‌ی هێزی سه‌ربازیه‌وه كۆنتڕۆڵی به‌نداوی فه‌لوجه بكاته‌وه‌‌و له ده‌ستی چه‌كداره‌كانی داعشی ده‌ربهێنێت.
له ئێستاشدا حكومه‌ت هه‌مو هه‌وڵه‌كانی خستۆته‌گه‌ڕ بۆ ئه‌وه‌ی ناوچه‌كانی ده‌وروبه‌ری به‌غدای پایته‌خت نه‌بێت به‌ژێر ئاوی لافاوه‌وه‌و كاره‌ساته‌كه گه‌وره‌تر ببێت.
27/04/2014
نه‌ته‌وه یه‌كگرتوه‌كان سه‌رقاڵی ئاماده‌كارییه بۆ كاركردن له‌گه‌ڵ كانتۆنه‌كانی خۆرئاوای كوردستان‌و به‌نیازه به‌مزوانه بچێته خۆرئاوا، هاوسه‌رۆكی ئه‌نجومه‌نی گه‌لی خۆرئاوای كوردستانیش ئاشكرایكردوه، ئه‌وان له‌گه‌ڵ شاندێكی باڵای نه‌ته‌وه یه‌كگرتوه‌كان دیداریان ئه‌نجامداوه.
(سینه‌م محه‌مه‌د) هاوسه‌رۆكی ئه‌نجومه‌نی گه‌لی خۆرئاوای كوردستان كه ماوه‌یه‌ك به‌ر له‌ئێستا سه‌ردانی ئه‌وروپای كردبو ڕایگه‌یاندوه، دیداریان له‌گه‌ڵ زۆرێك له‌لایه‌نی نێوده‌وڵه‌تی ئه‌نجامداوه، ئاشكراشیكردوه، ڕۆژی (5)ی نیسان له‌گه‌ڵ شاندێكی باڵای نه‌ته‌وه‌یه‌كگرتوه‌كان له‌پارێزگای (دیلۆك)ی توركیا كۆبونه‌ته‌وه.
سینه‌م ئه‌وه‌شی وتوه، كه ئه‌وان پێشتریش له‌نه‌رویژ له‌گه‌ڵ به‌رپرسانی نه‌ته‌وه یه‌كگرتوه‌كان چاوپێكه‌وتنیان ئه‌نجامداوه‌و نه‌ته‌وه یه‌كگرتوه‌كانیش پرسیاری ئه‌وه‌یان لێكردون، كه ئاخۆ خۆرئاوای كوردستان ده‌یانه‌وێت نه‌ته‌وه یه‌كگرتوه‌كان هاوكارییان بكات، له‌وه‌ڵامیشدا شانده‌كه‌ی خۆرئاوا وه‌ڵامیان داونه‌ته‌وه‌و وتویانه خۆرئاوا پێویستی به‌هاوكای (UN) هه‌یه، هه‌ربۆیه ئه‌وان له‌كۆبونه‌وه‌یه‌كی خۆیاندا له‌توركیا بانگهێشتی خۆرئاوای كوردستانیان كردوه.
به‌گوێره‌ی ئه‌و زانیاریانه‌ی ئاژانسی هه‌واڵی (فورات) بڵاویكردونه‌ته‌وه، نه‌ته‌وه یه‌كگرتوه‌كان بۆئه‌وه‌ی هاوكاری خۆرئاوای كوردستان بكه‌ن چه‌ند مه‌رجێكیان هه‌بوه له‌وانه؛ ژیانیان پارێزراوبێت له‌كوردستانداو هه‌روه‌ها بشتوانن به‌ئاسانی له‌كوردستانه‌وه بچنه شاره‌كانی تری سوریاو ژیانیشیان بپارێزرێت، له‌و ڕوه‌شه‌وه كانتۆنه‌كانی خۆرئاوا گره‌نتی ئه‌وه‌یان به‌نه‌ته‌وه‌یه‌كگرتوه‌كان داوه له‌هه‌مو ئه‌و سنورانه‌ی له‌ژێر كۆنترۆڵی ئه‌واندایه پارێزراوده‌بن.
به‌گوێره‌ی سه‌رچاوه‌كانی هه‌واڵ، به‌رپرسانی نه‌ته‌وه یه‌كگرتوه‌كان ڕایانگه‌یاندوه، ده‌یانه‌وێت هاوكاری خۆرئاوای كوردستان بكه‌ن‌و له‌و ڕوه‌شه‌وه به‌فه‌رمی ناوی (ڕۆژئاوا)یان به‌كارهێناوه له‌دانوستانه‌كانیانداو ڕایانگه‌یاندوه، پرۆژه‌یه‌كی تایبه‌تیان بۆ خۆرئاوای كوردستان هه‌یه.
----------------------------------------------------------------
و: هێرش شۆڕش (/)
26/04/2014
ماوەی چەند رۆژێکە بازاڕەکانی دراو لە ئێران و رۆژهەڵاتی کوردستان قەرەباڵغییەکی زۆرتریان بەخۆوە بینیوە، هۆکارەکەشی دەگەرێتەوە بۆ دابەزینی نرخی تمەن لە بەرامبەر دراوەکانی دیکەدا.
بازاڕی دراوەکان لە رۆژهەڵاتی کوردستان و ئێران ئەو رۆژانە پڕە لە هاتوهاوار ، هەندێک مۆبایل بە دەست دێن و دەڕۆن و هەندێکیش لەسەر سەکۆکان وەستاون و هاوار دەکەن "دۆلار 3280 تمەن"، بەڵام نە کەس کڕیارەو نە کەس فرۆشیار، یەک دراوەکانی راگرتووە بۆ گرانبوون و یەکیش لە ترسی هەرزانبوون ناوێرێ خۆ لە گرێوی بەرز و نزمی مامەڵە بدات .
ئەوەی مامەڵەشی کردووە خۆی بە زەرەرمەند دەبینێ ،یەک دەڵێ ئیستا کاتی کڕین نییە و یەک دەڵی ئێستا کاتی فرۆشتن نییە.
دەڵاڵانی دۆلار پێیانوایە لە رۆژانی داهاتوودا نرخی دۆلار بەرزدەبێتەوە ، چوون دۆلارە نوستووەکان لەخەو هەڵدەستن ، دۆلارە نوستووەکان بە پاشکەوتی دۆلاری دانیشتووانی ئێران و رۆژهەڵاتی کوردستان دەگوترێ و مەزەندە دەکرێ زیاتر لە 50 ملیار دۆلار بێت.
ئەوان دەڵێن ئەگەر بێت و دۆلار گران بێت ، مامەڵە خۆش دەبێت ، چونکە خەڵک دۆلارەکانیان لە ناو بازار دێننە دەرێ و لە بازاری دەکەن و ئەوەش خۆی دەبێتە هۆکاری گرانبوونی دوئەوەندەی دۆلار.
بازاڕی دراوەکان لە رۆژهەڵاتی کوردستان و ئێران ئەو رۆژانە پڕە لە هاتوهاوار ، هەندێک مۆبایل بە دەست دێن و دەڕۆن و هەندێکیش لەسەر سەکۆکان وەستاون و هاوار دەکەن "دۆلار 3280 تمەن"، بەڵام نە کەس کڕیارەو نە کەس فرۆشیار، یەک دراوەکانی راگرتووە بۆ گرانبوون و یەکیش لە ترسی هەرزانبوون ناوێرێ خۆ لە گرێوی بەرز و نزمی مامەڵە بدات .
ئەوەی مامەڵەشی کردووە خۆی بە زەرەرمەند دەبینێ ،یەک دەڵێ ئیستا کاتی کڕین نییە و یەک دەڵی ئێستا کاتی فرۆشتن نییە.
دەڵاڵانی دۆلار پێیانوایە لە رۆژانی داهاتوودا نرخی دۆلار بەرزدەبێتەوە ، چوون دۆلارە نوستووەکان لەخەو هەڵدەستن ، دۆلارە نوستووەکان بە پاشکەوتی دۆلاری دانیشتووانی ئێران و رۆژهەڵاتی کوردستان دەگوترێ و مەزەندە دەکرێ زیاتر لە 50 ملیار دۆلار بێت.
ئەوان دەڵێن ئەگەر بێت و دۆلار گران بێت ، مامەڵە خۆش دەبێت ، چونکە خەڵک دۆلارەکانیان لە ناو بازار دێننە دەرێ و لە بازاری دەکەن و ئەوەش خۆی دەبێتە هۆکاری گرانبوونی دوئەوەندەی دۆلار.
26/4/2014
کۆماریخواز/ ناوەندی هەوال/ لەندەن: رۆژی هەینی، شاندێک لە نوێنەرایەتی بزووتنەوەی کۆماریخوازی رۆژهەلاتی کوردستان لە دەرەوەی وەلات، پێکهاتوو لە چالاکوانانی هێژا کاک ئیبراهیم بایەزیدی و کاک رێبوار ورمەیی، دەگەل سێ شاندی پێکهاتوو لە: رێزدار ئیحسان قادر گووتەبێژی کۆمیتەی حیزبەکوردستانیەکان لە لەندەن، بەرێز کاک ئیبراهیم مستەفا نوێنەری پارتی یەکییەتی دیمۆکراتی کوردی سوریە، وە بەرێز کاک مستەفا تاشکان لە پارتی سوسیالیستی کوردستان، دیداریان کرد.
لەسەرەتای دیدارەکەدا، شاندی بزووتنەوە دوابەدوای بەخێرهاتنکردنی لایەنەکان، باسێکی کورتی پێناسەیی سەبارەت بە ئیستێراتیژی، ئامانجی ئیستراتێژیک و مێتود و شێوازی خەباتی نەرم و ئاشتیانەی بزووتنەوەی کۆماریخوازانی، روو لەهەر سێ شاند ئاراستەکرد، کە لە ئەنجامدا هەرسێ شاند، پرۆژەی ئاشتەوانی بزووتنەوە و رێکارەکانی خەبات لە پێناۆ دەسبەرکردنی ئاشتی و ئازادی لە رێگای دیالۆگ و دانووستاندا، بەرز و سەردەمیانە، وە شیاویی پشگیری و هاریکاری گشت لایەنی و گشت رەهەندی نرخاند.
لەدرێژەی باس و ئاخفتنەکاندا، لایەنەکان چوار قۆلی سەبارەت بە بارودۆخی جیهانی، ناۆچەیی، و کوردستانی، وە رەۆتی گۆرانکارییەکانی ناۆچەیی و کارگەری و کارتێکەری ئەم رەۆتە لەسەر گۆرەپان و ساحەی سیاسی کوردی دووان، و لەسەر پێویستی خۆتەیاری و هاۆتەریبی رەوشی کار و سیاسەتی حیزبەکانی کوردستانی، دەگەل شەپۆلی گۆران و گۆرانکارییەکان کۆک و هاۆدەنگ بوون، لەتەوەرێکی دیکەی باسەکاندا، بارودۆخی گشت رەهەندی کوردستان لە هەموو بەشەکانیدا، خرایە بەر باس و تاۆتوێ و هەلسەنگاندن، و چوار لایەن لەسەر پێویستی ساغکردنەوەی هاۆدەنگی، یەکریزی و هاریکاری نیشتیمانپەروەرانەی کوردان، پێداگریان کردەوە.
لە کۆتایی دیدارەکەدا هەر سێ شاند، پشتگیری سیاسی و مەعنەویی خۆیان لە بزووتنەوەی کۆماریخوازی رۆژهەلاتی کوردستان دووپات کردوە و چوارلایەن لەسەر درێژەی دیدارەکان و رەخساندنی دەرفەت بۆ دیدار لە ئاستی رێبەرایەتی و قایم‌راگرتننی پەیوەندی دوو قۆلیان پێداگریان کرد
25/4/2014
له چوارچێوه‌ی ڕێزگرتن له کلتوری گه‌لی ئێزیدیان له ڕۆژئاوی کوردستان و به بۆنه‌ی جه‌ژنی چواره‌شه‌مه سوور، په‌یکه‌رێکی فه‌یله‌سوف( زه‌رده‌شت) پێشكه‌ش به گه‌لی ئیزیدیان كراو له عه‌فرینی خۆرئاوای كوردستان په‌رده‌ی له‌سه‌ر لادرا.
له‌و مه‌راسیمه‌دا كه ژماره‌یه‌ك له ئه‌ندامانی گه‌لی ئێزیدی و ئه‌ندامانی ئه‌نجومه‌نی چاند و هونه‌ر و ئه‌نجومه‌نی مافی مرۆڤی کانتۆنی عه‌فرین ئاماده بوون، په‌رده له سه‌ر په‌یکه‌ری ( زه‌رده‌شت) له شاری عه‌فرین لادرا .
له مه‌ڕاسمه‌که‌دا هه‌ریه‌ک له یه‌حیا بریم، شوکری ناسر و عیسمه‌ت ڕه‌شید که په‌یکه‌ره‌که‌یان دروست کردبوو خه‌ڵات کران. ئاژانسی هه‌واڵی فورات نیوزی وا بڵاویكرده‌وه.
مه‌ڕاسمه‌که به پێشکه‌شکردنی گورانی و ئاهه‌نگ گێران له لایه‌ن گروپی چاندی ئێزیداین کۆتایی پێهات.
زه‌رده‌شت له سه‌ده‌ی چواری پێش زاینی ژیاوه و جگه له‌وه‌ی پێشه‌وای خه‌ڵكی خۆی بووه، هاوكات وه‌ك فه‌یله‌سوفێك ناوبانگی هه‌بووه لای به‌شێك له گه‌لانی جیهان.
سێ وته به‌ناوبانگه‌كه‌ی زه‌رده‌شت كه (بیری چاك، كرداری چاك، وته‌ی چاك)، رێگای رۆشنی بۆ ژیانی مرۆڤایه‌تی دیاری ده‌كات و ئه‌و پێی وایه ئه‌گه‌ر مرۆڤ بیری چاكی هه‌بێت ئه‌وا وته‌كانی چاك ده‌بن و دواجار ره‌نگدانه‌وه‌ی له كرداریدا ده‌بێت.
سروده‌كانی زه‌رده‌شت، به‌شێكی زۆری له‌كاتی جه‌نگه‌كان له‌ناوبرا، به‌تایبه‌ت له‌كاتی فتوحاتی ئیسلام بۆ خۆرهه‌ڵاتی كوردستان و ئیران، زۆرینه‌ی ئه‌و سرودانه سوتێنران، به‌لام به‌هۆی ئه‌وه‌ی كه موغه‌كانی زه‌رده‌شت له "خود ناسنكیان"، ئه‌و سرودانه‌یان له بیریاندا هه‌ڵگرتبوو، بۆجارێكی تر نوسرانه‌وه.كه به‌شێكی كه‌می ده‌كرد.
25/04/2014
جێگری سكرتێری حزبی شیوعی كوردستان دەڵێ، ئەو شاندەی لە چینەوە سەردانی هەرێمی کوردستانیان کرد، هەرێمی کوردستانیان لە عێراق بە جیاواز دەبینی.
ناوەڕاستی ئەم مانگە شاندێكی حزبی و حكومی له وڵاتی چینەوە، له‌سه‌ر داوەتی پارتی دیموكراتی كوردستان، سه‌ردانی هه‌رێمی كوردستانیان كرد.
شانده‌كه جێگری سەرۆکی ئاسیای رۆژئاوا و باكووری ئه‌فریقا له مه‌كته‌بی په‌یوه‌ندییه نێوده‌وڵه‌تییه‌كانی لیژنه‌ی مه‌ركه‌زیی (پارتی كۆمۆنیسی چین)جیانگ جیانهوا، سه‌رۆکایەتیی ده‌كرد.
بێجگە لە پ.د.ک شاندەکەی چین، سەردانی بارەگای سەرەکی حزبی شیوعی کوردستانیان کرد.
جێگری سكرتێری گشتی حزبی شیوعی كوردستان كاوه مه‌حمود، بۆ ئاژانسی ئانادۆڵو باسی سەردانی ئەو شاندە و په‌یوه‌ندی نێوان چین و هه‌رێمی كوردستان ده‌كا.
ئەو گوتی: "كۆماری چین و حزبی ده‌سه‌ڵاتداری ئه‌و وڵاته، به گرنگی ده‌زانن په‌یوه‌ندی سیاسی و ئابووریی و دیپلۆماسی له‌گەڵ هه‌رێمی كوردستان و عێراقدا هه‌بێ."
کاوە زیاتر گوتی: "شاندی چین باسی ئه‌وه‌یانكرد كه چۆن هه‌نگاو بنێن بۆ په‌یوه‌ندییه‌كی باشتر له نێوان ئێمه و خۆیاندا، چونكه وڵاتی چین ئه‌زموونێكی باشی هه‌یه کە موڵكی ته‌نیا چینییەکان نییه به‌ڵكو په‌یوه‌ندی به هه‌موو جیهانه‌وه هەیه. ئەو وڵاتە توانیویه‌تی له داڕووخانی ئابووریی جیهان، چین به به‌رنامه و به‌و ژماره زۆره‌یدانیشتوانەکەی، توانی ئابووریی خۆی به‌ره‌وپێش ببا. خه‌ونی چین ئەوەیە ده‌یانه‌وێ كۆمه‌ڵگەیه‌كی به‌خته‌وه‌ر له سایه‌ی گه‌شه‌ی ئابووریی و وه‌به‌رهێنان و ئاشتی به‌دی بێنن تا ساڵی 2020."
ئه‌و شانده چینیه ته‌نیا لایه‌نی سیاسی نه‌بوو، كۆمه‌ڵێك كۆمپانیا له بواره جیاحیاكاندا هاتبوونه هه‌رێمی كوردستان، بۆ ئه‌وه‌ی له نزیكه‌وه، ژینگه‌ی كاركردن له هه‌رێمی كوردستان تاقیبكه‌نه‌وه.
كاوه مه‌حمود ئاماژەی پێدا، بە کۆپمانیاکانیان گوتووە پێویسته بچنە دهۆك و سلێمانیش.
كاوه مه‌حمود کە وەزیری رۆشنبیریی و لاوانی هەرێمی کوردستانیشە گوتی: "په‌یوه‌ندی سیاسی نێوان هه‌رێم و چین. بۆ ئێمه گرنگه له‌به‌ر ئه‌وه‌ی چین وڵاتێكی زلهێزه و له‌سه‌ر ئاستی دنیا به هێمنی كار ده‌كا. هه‌روه‌ها ئه‌ندامی هه‌میشه‌یی نه‌ته‌وه یه‌كگرتووه‌كانه و كورد ده‌توانی په‌یوه‌ندی ئابووریی به‌كاربێنی بۆ به‌رژه‌وه‌ندییه سیاسیه‌كانی هه‌رێمی كوردستان. به پێویستی ده‌زانین له هه‌رێمی كوردستان بایه‌خ به‌و په‌یوه‌ندییانه بدرێ و کاتی نەبن یان له‌سه‌ر ئاستی تاكه حزبی و شه‌خسیدا نه‌بن، به‌ڵكو له‌سه‌ر ئاستی دیپلۆماسی نێوان هه‌رێم و چیندا بێ. سه‌ردانی شاندێكی باڵای چین له‌و ئاسته‌دا، زه‌مینه خۆشكردنه بۆ كردنه‌وه‌ی نوێنه‌رایه‌تی چین له هه‌رێم یان سه‌رۆكی هه‌رێم سه‌ردانی چین بكا، ئه‌مانه هه‌نگاوی گرنگن و ده‌توانین به‌رژه‌وه‌ندی هاوبه‌ش دروست بكه‌ین به قازانجی هه‌ردوولا."
کاوە بەو جۆرە هەڵسەنگاندنی بۆ شادنەکەی چین کرد: " ئه‌وه‌ی له شاندی چین ده‌خوێنرایه‌وه، چین پێیوایه نابێ هه‌رێمی كوردستان له چوار چێوه‌ی عێراقدا حیسابی بۆ بكرێ. چین ده‌یه‌وێ هه‌رێم له عێراق جیابكاته‌وه له مامه‌ڵه‌كردن، بێگومان ئه‌مه په‌یوه‌ندی به‌وه هه‌یه هه‌رێمی كوردستان بووه به ناوه‌ندێك وڵاتانی دیکە باردۆخی عێراق و هه‌رێمی كوردستان له یه‌ك جیاده‌كه‌نه‌وه، بۆیه ده‌توانین بڵێین جیهان به دوو ده‌سته‌واژه مامه‌ڵه ده‌كه‌ن، یه‌كه‌م شوێنێك هه‌یه به ناوی كوردستان، هه‌روه‌ها عێراق. به‌گشتی ده‌سته‌واژه‌ی هه‌رێمی كوردستان خه‌ریكه ده‌چێته ناو ده‌سته‌واژه‌ی سیاسی نێوده‌وڵه‌تییه‌وه، ئه‌مه‌یش خزمه‌ت به ئه‌زموونی سیاسی وڵاته‌كه‌مان دهکا. بەڵا هێشتا زووه چین پشتگیری له ده‌وڵه‌تی كوردی بکا، چونكه په‌یوه‌ندی هه‌رێمی كوردستان و وڵاتی چین له سه‌ره‌تادایه و پێویسته بزانن چین به‌رژه‌وه‌ندی چیه له هه‌رێم."
25/04/2014
وەزارەتی فەرهەنگ و ئیرشادی ئیسلامی پێشنیازەکانی نوێنەرانی ئەو شارە لە پەرلەمانی ئێران بۆ بەدەستگرتنی بەڕێوەبەرایەتی گشتی فەرهەنگ و ئیرشادی ئیسلامی ئەو پارێزگایە رەتدەکاتەوە. نوێنەری شارەکانی سنە، دیواندەرە و کامیاران لە پەرلەمانی ئێران دەڵێت ئەوان چەندین کەسیان بۆ وەرگرتنی ئەو پۆستە پێشنیازکردووە، بەڵام وەزارەتی فەرهەنگ و ئیرشادی ئیسلامی ئێران دەیەوێ، بەڕێوەری گشتییەکەی لە کوردستان، کوردستانی نەبێت. ئەو خەڵکە 8 مانگە چاوەڕێی جێبەجێکردنی لانیکەمی بەڵێنەکانی سەرۆک کۆماری ئێران دەکەن، رۆحانی لە بانگەشەی هەڵبژاردنەکاندا رایگەیاند خەڵک هەر هیچیان نەبێ، دەبێ بەرپرسانی ئیداری ناوچەکە لە خەڵکی خۆجێیی هەڵبژێردرێن. دانیشتن لەسەر کورسییەکانی ئەنجوومەنی وەزیران بە کورد رەوا نەبینرا، بۆ هەڵبژاردنی پارێزگارەکانی رۆژهەڵاتی کوردستانیش، بە گوتەی وەزیری ناوخۆی ئێران، کەس نەبوو لە ئاست ئەو بەرپرسیارێتییەدا بێ. ئەو فەرماندارانەش کە تاوەکوو ئێستا گۆڕدراون، زۆر کەمیان خۆجێیین. ئەو رەوتە خەریکە بەرۆکی بەڕێوەبەرە گشتییەکانیش دەگرێتەوە. بۆ نموونە تاوەکوو ئێستا چەندین کەس بۆ بەڕێوەبەرایەتی گشتی فەرهەنگ و ئیرشادی ئیسلامی پارێزگای سنە لە لایەن خەڵک و نوێنەرانی ئەو پارێزگایە لە پەرلەمانی ئێران پێشنیازکراون، بەڵام هیچکامیان ئەو بەرپرسیارێتییەیان پێ نەدراوە. ئەوەش بووەتە هۆی دوودڵی و دڵەڕاوکێ. سالار مورادی نوێنەری شارەکانی سنە، دیواندەرە و کامیاران لە پەرلەمانی ئێران دەڵێت ئەوان چەندین کەسیان بۆ وەرگرتنی ئەو پۆستە پێشنیاز کردووە، بەڵام وەزارەتی فەرهەنگ و ئیرشادی ئیسلامی ئێران دەیەوێ، بەڕێوەری گشتییەکەی کوردستانی نەبێت. بە گوتەی ئەو نوێنەرەی پەرلەمان، سنە پارێزگایەکی کەلتوورییە و دەبێ بەرپرسانی کەلتووری ئەو پارێزگایە لە خەمی کەلتووری ئەو ناوچەدابن. ئەوەش بە خەڵکی خۆجێیی دەکرێ و حکومەتیش دەبێ ئەو مافەی خەڵک لەبەرچاو بگرێت. سالار مورادی رەخنەش لە حکومەتی رۆحانی دەگرێت و دەڵێت دانەنانی بەڕێوەبەرە گشتییەکان لە خەڵکی خۆجێیی پێچەوانەی بەڵێنەکانی حکومەت بە خەڵکی کوردستانە و بۆ هەڵبژاردنی بەرپرسانی دەبێ لەپێشدا، هێزە ناوخۆیی و هەڵکەوتەکانی کورد لەبەرچاوی حکومەت بن. بە گوێرەی زانیارییەکانی تۆڕی میدیایی رووداو، بەرپرسانی حکومی ئێران نزیکەی دوو مانگ پێش ئێستا بە جیا لەگەڵ چەند کەسایەتییەکی کورد لە تاران کۆبوونەتەوە و سپاردنی بەرپرسیارێتی پارێزگاکان وەکو جێگری پارێزگار و بەڕێوەبەری گشتییان لەگەڵ تاوتوێ کردوون، بەڵام تاوەکوو ئێستا پێشنیازێکی روون و فەرمییان لەو بارەوە پێنەکردوون.
26/4/2014
- داواکاری گشتیی کرماشان: لێکۆڵینەوە لەبارەی لێدانی قوتابیان دەکەین
- هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد
- گفتوگۆكانی ئێران و ئەمریكا لە عومان دوای دو کاتژمێر کۆتایی هات
- ئێران شەڕو دانوستانی ناڕاستەوخۆی پێ باشە!
- داواکارییەکانی ئێران و ئەمریکا لەیەکتریی چیە؟
- وەزیری بەرگریی ئیسرائیل هۆشداری دەداتە ئەحمەد شەرع
- وادەی هێرشی ئەمریکا بۆ سەر ئێران ئاشکرا کرا
- دەستووری کاتی سوریا نیگەرانی لایەن کوردییەکان و چاودێرانی لێدەکەوێتەوە
- بارودۆخی نالەباری ئابووریی ئێران پێدەچێت کۆماری ئیسلامی ناچار بکات لەگەڵ سەرۆک ترامپ ڕێککەوتن بکات
- عڕاقچی: هێشتا نامەکەی ترەمپ بە دەستمان نەگەیشتووە
- وەزیری دەرەوەی ئێران دەڵێت بڕیارە نامەکەی ترامپ لە لایەن نێردراوێکی وڵاتێکی عەرەبیەوە بگەیەنرێتە تاران
- مەزڵوم عەبدی و ئەحمەد ئەلشەرع بە ڕێکەوتن دەگەن
- 8ی مارس.. شۆڕشێك لەپێناو مافی ژنان
- سری سورەییا ئۆندەر: باخچهلی پێی گوتم، ڕۆژێک دێت پێکەوە هەڵپەڕکێی ئاشتیی دەکەین
- حكوومهتی ئێران : له‌گه‌ڵ ئهورووپا درێژه به گفتوگۆ ئهتۆمییهكان دهدهین
- عەلی باپیر، سەرۆکی کۆمەڵی دادگەری کوردستان سەبارەت بە پەیامی ئۆجەلان"هیوادارم هەردوولا بە کردەوە بەدەم بانگەوازەکەوە بچن."
- ئەمینداری گشتیی یەکگرتوو پەیامی ئۆجەلان "پەیامێکی پڕ لە بەرپرسیاریەتی و بایەخ و واقعیەتە"
- سەرۆك بافڵ جەلال تاڵەبانی: پێشوازی لە پەیامەکەی بەڕێز عـ.ـەبدوڵا ئـ.ـۆجەلان دەکەین
- سەرۆک بارزانی: هیوادارین پەیامەکەی ئۆجەلان دەستپێکێک بێت بۆ ئەوەی پڕۆسەی ئاشتی رێی خۆی بگرێت
- زەینەب جەلالیان لە 17هەمین ساڵی زیندانیکردنیدا لە ناو زیندانەوە باس لە ئازارەکانی دەکات
- بزووتنەوەی کۆماریخوازانی ڕۆژهەڵاتی کوردستان ٢ی ڕێبەندان، ٧٩هەمین سالرۆژی دامەزرانی یەکەم کۆماری کوردستان، لە نەتەوەی کورد پیرۆزدەکات
- پەیامی پیرۆزبایی کۆماریخوازان بۆ بەرێز مەسعوود پزیشکیان
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
