جەلال تاڵەبانی دەگەڕێتەوە

ئاڕمانی ئێمروز

نەجمەدین كەریم، پزیشكی تایبەتی سەرۆك كۆماری عێراق رایگەیاندوە، كە رەوشی تەندروستی جەلال تاڵەبانی زۆر باشە و لە داهاتوویەكی زۆر نزیكدا دەگەڕێتەوە. تیمی پزیشكی تاڵەبانی لەبارەی كاتی گەڕانەوەی گوتوویانە تاڵەبانی لە چەند رۆژی داهاتوودا و پێش بەڕێوەچوونی هەڵبژاردنەكانی ئەنجوومەنی نوێنەرانی عێراق و ئەنجوومەنی پارێزگاكانی هەرێمی كوردستان دەگەڕێتەوە.

ریفۆڕمخوازان یەكگرتوو بن

ئافتابی یەزد

جەلال جەلالیزادە، نوێنەری پێشووی سنە لە پەرلەمانی ئێران و چالاکوانی سیاسی داوا لە لایەنە ریفۆرمخوازەكانی ئێران دەكات پێكەوە یەكگرتووبن.

بە گوتەی ئەو چالاكوانە سیاسییە، دوایین هەڵبژاردنی سەرۆك كۆماری ئێران دەریخست ئەگەر ریفۆرمخوازان پێكەوە لە یەك بەرەدابن و ناكۆكییەكانیان بەلاوە بنێن، سەركەوتوو دەبن و دەتوانن دەنگی متمانەی خەڵك بەدەست بهێنن.

كچانی شیناوێ لەبیریان ناچێتەوە

شەهرووەند

١٧ مانگ بەسەر ئاگرگرتنی سۆبەی قوتابخانەی كچانی شیناوێی پیرانشار تێدەپەڕێ، كە تێیدا ٢٩ قوتابی سووتان و ٢ـی دیکەش گیانیان لەدەست دا. لەو رووداوەدا حكومەت بەپێی پێویست فریای قوربانیان نەكەوت، بەڵام خەڵك و دامەزراوە مەدەنییەكان هەرچییان لەدەست هات كردیان. هێشتا حكومەت هەوڵی جدی بۆ نۆژەنكردنەوەی قوتابخانەكان بە پێی پێوەرە ستانداردەكان نەداوە، بۆیە تاوەكو بیمەی تەواوی قوربانیانی شیناوێ نەدرێ و قوتابخانەكان بە باشی نۆژەن نەكرێتەوە، كچانی شیناوێ بیرەوەری خۆیان لەبیر ناچێتەوە.

ئاگاداركردنەوەیەک بۆ رۆحانی

كەیهان

حەسەن رۆحانی، سەرۆك كۆماری ئێران لە كاتێكدا كە داوا لە خەڵك دەكات واز لە وەرگرتنی یارانەكان بێنن و لەو رێگەوە یارمەتی باشبوونی رەوشی ئابووری ئێران بكەن، بۆخۆی و خێزانەكەی لە كۆشكی سەرۆك كۆماریدا میوانداری شایانە بەڕێوە دەبەن و تێچووەكەی لە ماڵی خەڵك دەدەن. سەرۆكێك كە داوا لە خەڵك دەكات كەمتر خەرج كەن، دەبێ بۆخۆشی دەست پێوەبگرێت.

پەرلەمانتاران رەخنە لە وەزیری داد دەگرن

شەرق

٩ نوێنەری پەرلەمانی ئێران لەبارەی هێرش بۆسەر بەندی و زیندانیانی سیاسی گرتووخانەی ئەڤینی تاران رەخنەیان لە وەزیری دادی ئەو وڵاتە گرتووە و داوایان لێكردووە هێرشی هێزە ئەمنییەكان بۆسەر ئەو زیندانییانە لە كۆمیسیۆنی ئاسایشی نەتەوەیی ئێران تاوتوێ بكرێت و چاو لە فیلمی رووداوەكە بكەن. ئەو 9 پەرلەمانتارە دەڵێن، وەزیری داد دەبێ بەرپرسیارێتی خۆی بەجێ بێنێ و لەو بارەیەوە لێكۆڵینەوە بكات.

25/04/2014

^{لە ژمارەی ئەمرۆی هەفتەنامەی رووداوی چاپی ئەوروپادا، سەلاحەددین چەلیک وتارێکی نوسیووە  بەناونیشانی "رۆژەڤی بێ بەرنامە". لەم وتارەیدا چەلیک دەڵێت وشەکانی پێڤاژوو و چارەسەری ئێمەی ماندوو کرد ، ئێمە دیلی پێڤاژووی ئەمساڵی هەڵبژاردنی سەرۆک کۆماری و ساڵی داهاتووی پەرلەمانین ئیتر رۆژەڤی تورکیا بۆماوەی ساڵ و نیوێک پڕە هیچ بۆشایی تێدا نییە . سەلاحەدین چەلیک لە درێژەی گۆتارەکەیدا نووسیویەتی من لە شوێنی بەڕێوەبەرانی پەکەکە بم لە ئێستاوە لیستی ناوی ئەندامانی پەرلەمان بۆ ساڵی 2015 ئامادە دەکەم ، کارکردن باشترە لە رەخنەگرتن . لە بەشێکی دیكەی وتارەکەیدا سەلاحەدین چەلیک رەخنە لە دامەزراندنی هەدەپە دەگرێت و دەپرسێت ئایا کورد لەبەر سۆسیالیستبوونی دەنگی بە بەدەپە داوە یان لەبەر دیموکراتبوون ؟ دواتر وەڵام دەداتەوە و دەڵێت نەخێر لەبەر وەڵاتپارێزییان دەنگیان بە بەدەپە داوە . سەلاحەدین چەلیک زیاتر دەڵێت ئەم هێنان و بردنە حیزب دامەزراندنە وەک یاری منداڵانی لێهاتووە چاڵێک دەکۆڵیت و دواتر پڕدەکرێتەوە، بە ئۆجەلان بێت کێشەی کورد بە سیاسەتی راکێشانی ناو میساقی میللی دەکات. ئەگەر رووداوەکە ئەمە بێت تەڵەیەکی گەورەیە.}

^{رۆژنامەی (الشرق الاوسط) (ئایا بەشار دەیكات و هەڵبژاردنەكان دەدۆڕێنێت ؟)، ئەوە ناونیشانی وتاری (عەبدولڕەحمان راشد)ە لە ژمارەی ئەمڕۆی رۆژنامەی (الشرق الاوسط)دا ، كە تێیدا پرسیاری ئەوە دەكات ، دەبێ ئەسەد هەڵبژاردنەكە بكاتە دەروازەیەك بۆ دەركەوتنی خۆی لە تەنگژەكە بەشێوەیەكی شەرعی ؟ ، نووسەر دەڵێ یەكێك لە گەشبینە هەمیشەییەكان ئەوەی لێپرسیوە. بەڵام لە وتارەكەیدا ئەو ئەگەرە بە تەواوی وەلادەنێت و دەڵێ " ئەو پیاوە دەیەوێ بەزۆری زۆرداری وەك سەرۆكی سووریا بمێنێتەوە بەهەموو رێگەیەك ، لە كوشتنی خەڵك بە بۆمبە بەرمیلییەكان تاوەكو دەگاتە یاری سندوقەكانی هەڵبژاردن". هەروەها دەنووسێت " ئەسەد پسپۆڕە لە رێكخستنی هەڵبژاردنەكان ، چونكە پێشتر هەڵبژاردنی حیزبیی و پەرلەمانی تەزویركردووە ، هەروەك چۆن باوكیشی بەدرێژایی نیوەی تەمەنی خۆی تەزویری كرد ".}

^{رۆژنامەی ( زە دیپلۆمات) زاك كیك وتارێكی لە رۆژنامەی (زە دیپلۆمات)دا نووسیوە بە ناونیشانی (رەتكردنەوەی ئەفسانەی تەوەری ئەتۆمی ئێران و كۆریای باكوور) ، وتارەكە پشت بە راپۆرتێكی كۆنگرێسی ئەمریكی دەبەستێت كە ئاماژە بە پەیوەندی ئەتۆمی نێوان ئێران و كۆریای باكوور دەكات . پەیوەندی نێوان ئێران و كۆریای باكووری بە "ئەفسانە" ناو دەبات و دەنووسێت پەیوەندی ئەتۆمی ئەو دوو وڵاتە هیچ مانایەكی نییە. هەڵۆكان لە تاران بۆیە ئەم لێدوانانە دەدەن تاوەكو ئەو وێنەیە بە جیهان بدەن كە ئێرانیش هەمان ئاكاری سیاسی كۆریای باكووری دەبێت و هەوڵە دیپلۆماسییەكان بۆ چارەسەری دۆسیەی ئەتۆمی لاواز بكەن. زاك دەنووسێت "ئەمەش وەك ئەوەیە كە بڵێت لەبەرئەوەی رووسیا كریمیای داگیركرد ، كەواتە كوباش ویلایەتی فلۆریدا داگیردەكات". ئێران و كۆریای باكوور لەڕووی كولتووری ، مێژوویی و جیوگرافی جیاوازن ، تەنیا شتێك پێكەوەیان دەبەستێتەوە كە ئەویش دوژمنداری ئەمریكایە. دواتر زاك كیك ئاماژە بە راپۆرتێكی دەزگای هەواڵگری ئەمریكا دەكات و دەنووسێت هیچ بەڵگەیەك نییە كە ئەو دوو وڵاتە لە بواری ئەتۆمیدا هاریكاری یەكتربن ، بەڵام تاكە شتێك كە پیونگ یانگ بە تارانەوە ببەستێتەوە ، بریتییە لە زانیاری چۆنیەتی ئەنجامدانی تاقیكردنەوەی چەكی ئەتۆمی .}

^{رۆژنامەی (واشنتن پۆست) دەستەی نووسەرانی رۆژنامەی (واشنتۆن پۆست) سەروتارێكی بە  ناونیشانی ( بەشار ئەسەد و متمانەی بانگهێشتكردن بۆ ئەنجامدانی هەڵبژاردن) بڵاوكردووەتەوە . تێیدا باس لەوەكراوە كە بەشار ئەسەد ئەوەندە متمانەی بەخۆیە، لە ماوەی شەش هەفتەی داهاتوودا هەڵبژاردنی سەرۆكایەتی ئەنجامبدات و لەبەشێكی سەروتارەكەدا هاتووە " هەر لە ئێستاوە ئەسەد حەوت ساڵی دیكە ماوەی سەرۆكایەتی درێژدەكاتەوە". دواتر دەپرێست بۆچی نا؟ ئەوە سووریا سێ ساڵە بەدەست شەڕی ناوخۆوە دەناڵێنێت و هێزەكانی ئەسەدیش لە پێشڕەویدان بەرامبەر چەكدارەكان . ئەو هەفتەیە هێزەكانی حكومەتی سووریا نزیكدەبنەوە لە كۆنتڕۆڵكردنی پایەتختی بەرگری ئۆپۆزیسیۆن ، كە شاری حومسە . هاوكات ئەمریكا تاكە هێزە كە ئامرازەكانی رێگاگرتنی لە تاوانی دژی مرۆڤایەتی بەدەستەوەیە و پێدەچێ هیچ ستراتیژیەتێكی لە سووریا نەبێت. "لە سەرووی هەموو ئەمانەشەوە رژێمی سووریا جارێكی دیكە چەكی كیمیایی دژی} هاووڵاتییەكانی بەكارهێنا و رێگەش نادات هاوكاری مرۆیی بگاتە دەست چوار ملیۆن كەس لە سووریا ".

رۆژنامەی (گاردیان) رۆژنامەی (گاردیان )راپۆرتێكی بە ناونیشانی (تۆنی بلێر داوا لە حكومەتی بەریتانیا دەكات دژی ئیسلامییە تووندڕەوەكان بجوڵێتەوە) بابەتێكی بڵاوكردووەتەوەو تێیدا هاتووە كە بۆ بنبڕكردنی ئیسلامییە تووندڕەوەكان رۆژئاوا دەبێ ستراتیژیەتێكی فراوان دابڕێژێت ، كە فرە رەهەند بێت و لایەنی ئابووری سیاسی و كۆمەڵایەتی و سەربازی لەخۆبگرێت . لە راپۆرتەكەدا هاتووە ، بە گوتەی بلێر شكستی ئەمریكا لە هەردوو جەنگی ئەفغانستان و عێراقدا وایكردووە كە رۆژئاوا دوودڵ بێت لە مامەڵەكردن لەگەڵ ئیسلامییە تووندڕەوەكان . نەبوونی ئیرادە بۆ بەرنگاربوونەوەی ئیسلامیزم وایكردووە لە سەدەی بیستویەكدا پێكدادانی گەلانی سەر بە كولتوورە جیاوازەكان رووبدات. لە بەشێكی دیكەی بابەتەكەدا هاتووە " پابەندبوون و رووبەڕووبوونەوە ، دوو وشەن زۆر بەكاردەهێنرێن ، بەڵام هیچ رووبەڕووبوونەوەیەك نییە بەبێ چوونە دەرەوەی سنوور ، هیچ پابەندبوونێكیش نییە بەبێ ریسك و مەترسی" .  

^24/4/2014

^{لە كۆماری ئەفریقیای ناوەڕاست، بە هۆی شەڕ و پێكدادانی نێوان مسوڵمان و كریستیانەكان، هەزاران كەس ئاوارەبوون و بەشێکی زۆریش لەو ئاوارانە، روویان لە كەنیسەیەك لە  رۆژئاوای  ئەو وڵاتە کردووە و بووەتە پەناگە بۆیان. ئەوان لە شاری كارۆنۆتەوە  لە ترسی میلیشیاكانی  دژە-بەلاكە ئاوارەبوون، كە نزیكەی 500 كیلۆمەتر لە كەنیسەكەوە دوورە .  ئەم كەنیسەیە، كەنیسەیەكی كاسۆلیكییە و لە نزیك سنووری كامیرۆنە. زۆربەی ئاوارەكان لە نەتەوەی پیلوسن و چەند مانگێكە چاوەڕێن و دەیانەوێت بچنە ئەودیو سنوور و بگەنە كامیرۆن. جگە  لە كەنیسەكە، كریستیانەكانی ئەو شارە  هاوكاری ئەو خەڵكە دەكەن، بەڵام هێشتا مسوڵمانەكان دەترسن كەنسیەكە  بەجێبهێڵن، ئەمەش لەترسی ئەوەی رەنگە میلیشیا كریستیانەكان بیانكوژن، هەندێك لەسەركردە كرستیانەكانیش دەڵێن، جەنگ كۆتاییهاتووە و مسوڵمانەكان دەتوانن بگەڕێنەوە  بۆ سەر ماڵ  و حاڵی خۆیان. جەنگی ناوخۆیی ئەفریقای ناوەڕاست كاتێك  سەریهەڵدا، كە گرووپی میلیشیایی بەلەكە،  كە موسڵمانن، بە كودەتایەك دەسەڵاتیان گرتەدەست و  كرستیانەكانیان پەراوێزخست،  بەڵام  دواتر كرستیانەكان میلیشای دژە بەلاكەیان دامەزراند و توانیان بانگۆی پایتەخت كۆنتڕۆڵ بكەن.   ئەمەش وایكردوو، كە هێشتا  كرستیانەكان بیر لە تۆڵەكردنەوە بكەنەوە، چونكە  گومانیان لە دووبارەنەبوونەوەی ئەزموونی رابردوو هەیە. بەپێی  ئاماری نەتەوە  یەكگرتووەكان، نزیكەی 500 هەزار كەس بەهۆی شەڕەوە ئاوارەبوون، دوو ملیۆن  كەسیش پێویستی بە هاریكاری مرۆیی هەیە. هەفتەی  رابردووش ئەنجوومەنی ئاسایشی نەتەوە یەكگرتووەكان بڕیاریدا، 12 هەزار سەربازی هێزی ئاشتیپارێز رەوانەی ئەفریقیای ناوەڕاست بكات، ئەمە وێرای ئەوەی هێزیكی تایبەتی فەرەنسی و یەكێتی ئەفریقیا چاودێری رەوشەكە دەكەن.}

^24/4/2014

سه‌رۆك وه‌زیرانی توركیا ره‌جه‌ب ته‌یب ئه‌ردۆغان رایگه‌یاند، ژماره‌ی ئه‌و هاووڵاتیییه‌ سوریایانه‌ی له‌ ولاته‌كه‌یانه‌وه‌ به‌ره‌و توركیا ئاواره‌ بوونه‌ گه‌یشته‌ ملیۆنێك كه‌س.

دادگای مافی مرۆڤی ئەوروپا، بەھۆی ئەوەی لە ماوەی زیندانیان رێگەیان پێنەدراوە بە زمانی کوردی لە پەیوەندیە تەلەفونیەکاندا لەگەڵ خێزانەکانیان قسە بکەن سزای قەرەبوویی  به‌سه‌ر تورکیایدا سه‌پاند.

 دوای دانیشتن بۆ ھەڵسەنگاندنی سکاڵای هەریەک لە زیندانییەکان نوسرەت کایا، ئەحمەد گێرێز، مەحمەد شیرین بۆزچەلی، مەسعود یوت سەڤەر، مەحمەد نوری ئۆزەن. کە لە ساڵی ٢٠٠٨ و ٢٠٠٦ پێشکەش بە دادگای مافی مرۆڤی ئەوروپایان کردبوو، بەپێی مادەی ھەشتی مافی مرۆڤی ئەوروپا تورکیا بە پێشێلکردنی مافی خێزان و تاکی زیندانیی تاوانبارکرا، کە رێگریان لێکراوە بە زمانی کوردی لە پەیوەندیە تەلەفۆنییەکاندا قسەبکەن.

بەپێی بڕیارەکە،"دەبێ تورکیا بە بڕی ٥٠٠ یۆرۆ قەرەبوویی زیندانییەکان بکاتەوە و خەرجیی دادگاییەکە بدات"، تەنیا یەکێک لە زیندانییەکان، نوسرەت کایا، بەھۆی ئەوەی دوای قەرەبووی لە تورکیا نەکردووە، بریاری قەرەبووکردنەوەی بۆ دەرنەچوو.

دادوەرێکی تورک بە ناوی ئیشیل کەرەکاش شرۆڤەی بۆ بڕیارەکەی دادگای مافی مرۆڤی ئەوروپا کرد و رایگەیاند، بەپێی مادەی ٨ ی گرێبەستی دادگای مافی مرۆڤی ئەوروپا، تورکیا یاسای پێشێل نەکردووە.

ھەریەک لە نوسرەت کایا، ئەحمەد گێرێز، مەحمەد شیرین بۆزچەلی، مەسعود یوت سەفڤەر، مەحمەد نوری ئۆزەن. سکاڵای پێشێلکردنی مافەکانیان لە لایەن بەرپرسانی زیندانەکەوە لە تورکیا پێشکەش بە دادگای مافی مرۆڤی ئەوروپا کرابوو.

23/04/2014

^{پەرلەمانتارێکی دەوڵەتی یاسا رایدەگەیەنێ، سوننە لە عێراق پەراوێز نەخراوە و ئەوەی داوای هەرێم دەکات مەبەستی دابەشكردنی عێراقە. محەممەد سهیود، پەرلەمانتاری دەوڵەتی یاسای سەر بە نووری مالیکی سەرۆک وەزیرانی عێراق، رەتیدەکاتەوە سوننە پەراوێزخرابێت و دەڵێت، لایەنە سوننەكان لەسەرجەم دامودەزگاکانی عێراق بوونیان هەیە و بەهیچ شێوەیەک پەراوێز نەخراون. ئەو پێیوایە داواکاری ئەنجوومەنی زانایانی عێراق بۆ هەڵبژاردنی ئەوکاندیدانەی کە بەرنامەی هەڵبژاردنەکەیان دەگونجێ لەگەڵ پڕۆژەی هەرێمەکان "دابەشکردن"ی عێراقە لەسەر بنەمای پێکهاتەکان و نەتەوەكان. ناوبراو  بۆ (سۆمەرییە نیوز) زیاتر روونیکردەوە، لە سەرۆکایەتی کۆمار دوو سوننە و یەک شیعە، لە سەرۆکایەتی پەرلەمان دوو سوننە و شیعەیەک و لە سەرۆکایەتی ئەنجوومەنی وەزیران دوو شیعە و دوو سوننە هەن. ئەو لێدوانە دوای ئەوە دێت کە ئەنجوومەنی زانایانی عێراق هۆشداریدا لە هەڵبژاردنی کەسانی "ستەمکار و گەندەڵ"، داواشیکرد ئەو کەسانە هەڵبژێرن کە پڕۆژەی "هەرێمی بوون"یان هەیە. ئاماژەشی بە زوڵم و ستەم و جیاکاری تائیفی لەدژ بە سوننە دابوو.}

^23/4/2014

وەزیزی وزەی تورکیا رایدەگەیەنێ، کە بەغدا و هەولێر بگەنە رێکەوتن یان نا، ئەوان ناچارن نەوتی عەمبارکراوی کوردستان لە تورکیا هەناردەی بازاڕە جیهانییەکان بکەن، لەبەر ئەوەی چیدی شوێنی عەمبارکردنی نەوتەکەیان نامێنێت. هەر وەک هیوای خواست کە حکومەتی هەرێمی كوردستان و حکومەتی ناوەندیی بە زووترین کات بگەنە رێکەوتنێک.

<sup>تانەر یڵدز، وەزیری وزەی تورکیا لە وەڵامی پرسیارێکدا سەبارەت بە لێدوانەکانی نێچیرڤان بارزانی کە گوتبووی "پشوودرێژی هەرێمی کوردستان لەگەڵ بەغدا سنووری هەیە" رایگەیاند، کە سەرجەم لایەنەکان بە قۆناخێکی ناسەقامگیردا تێدەپەڕن و جاروبار لە یەک نزیک دەبنەوە و جاروباریش زۆر دووردەکەونەوە.

یڵدز پێی وابوو، کە دواجار ئەو نەوتە هی هەموو عراقییەکانە و کە بەرهەمهێنرا و نێردرا بۆ تورکیا، ئەو وڵاتەش ناچار دەبێت کە هەناردەی بازاڕە جیهانییەکانی بکات. چونکە توانایەکی سنورداریان هەیە بۆ عەمبارکردنی نەوت. 

هاوکات ئاشکرایکرد کە ئێستا یەك ملیۆن و نیو بەرمیل نەوتی هەرێمی كوردستان لە تورکیا عەمبارکراوە و کاتێک ئەم رێژەیە گەیشتە 2 ملیۆن و نیو بەرمیل، تورکیا دەست دەکات بە هەناردەکرنی ئەم نەوتە.

تانەر یڵدز باسی لەوەشکرد، کە عەبدولکەریم لعێبی، وەزیری نەوتی عراق لە کاتی سەردانەکەیدا بۆ تورکیا، پێی راگەیاندوون کە عیراق رێگرنابێت لەبەردەم هەناردەکردنی نەوتی هەرێم بە مەرجێک رۆاژانە لە 100 هەزار بەرمیل کەمتر نەبێت. یڵدز نەیشاردەوە کە ئەم وتەیەی لعێبی بە بنەما وەردەگرن و لەمەودوا بیرلەوەدەکەنەوە کە دەستبکەن بە خستەڕووی نەوتی هەرێم لە بازاڕە جیهانییەکان.

وەزیری وزەی تورکیا باسی لە گرنگی غازی سروشتی کوردستانیش کرد بۆ وڵاتەکەی و رایگەیاند، کە تورکیا بە روون و ئاشکرایی هەمیشە لە گەڕاندایە بۆ دۆزینەوەی سەرچاوەی زیاتری غازی سروشتی و هەرێمی کوردستانی بە سەرچاوەیەکی زۆر گرنگی غازی سروشتی ناوبرد.

هاوکات ئەوەشی ئاشکراکرد کە گرێبەستەکانیان لەگەڵ هەرێمی کوردستان، غازی سروشتیش دەگرێتەوە.

دەربارەی بۆڕی نەوتی کەرکووک- جیهان، یڵدز خستیەڕوو کە ئەم بۆڕییە بە هۆی کۆمەڵێک هێرشەوە لە نێو خاکی عراق لە کار کەوتووە و درەنگ کەوتنی حکومەتی ناوەندی لە چارەسەرکردنی زیان بە ئابووری عراق دەگەیەنێت.</sup>

^23/4/2014

^{زۆربەی هونەرمەندانی سەردەمی کۆماری کوردستان و هەروەها ئەو هونەرمەندە کوردانەی رۆژهەڵاتی کوردستان کە نەیانتوانیوە لە ژێر دەسەڵاتی حکومەتی ئێراندا درێژە بە کاری هونەری و نەتەوەیی خۆیان بدەن و پەراوێزی وڵاتانی دەرەوە بوون، هەندێکیشیان لە باشووری کوردستان نیشتەجێن، گەڕانەوە بۆ باوەشی شار و زێدیان خەونی زۆربەی ئەو هونەرمەند و پەناخوازانەی رۆژهەڵاتی کوردستانە.}

^22/4/2014

^{دوای ئەوەی ئایەتوڵڵا خامنەیی رێبەری کۆماری ئیسلامی ئێران جەختی لەسەر ئەوە کردەوە کە دەبێ رێژەی دانیشتووانی ئێران بۆ 150 ملیۆن کەس بەرزبێتەوە، پەرلەمانی ئێران بە پەسەندکردنی چەندین یاسا هەوڵی جێبەجێکردنی ئەو داوایەی رێبەری ئێرانی داوە، ئەمجارەش فراکسیۆنی ژنانی ئێران گەڵاڵەیەکی پێشنیازکردووە کە خولی فێرکاری هاوسەرگیری، کە بۆ بووک و زاواکان دادەنرێت، کۆبکرێتەوە . ئایەتوڵڵا خامنەیی، رێبەری کۆماری ئیسلامی ئێران چەندین جار جەختی لەسەر ئەوە کردووەتەوە کە رێژەی دانیشتووانی ئێران دەبێ بگاتە 150 ملیۆن کەس ، دوای ئەوە پەرلەمانی ئێران گەڵاڵەیەکی پەسەند کرد کە بەپێی ئەو گەڵاڵەیە پروپاگەندە بۆ منداڵی کەمتر و نەزۆکبوون بەرەو رووی سزای زیندانی دوو تا پێنج ساڵ دەبێتەوە . "بە یەک گوڵ بەهار نایەت" ، "منداڵی زیاتر ژیانی باشتر"، ئەوە ناوەرۆکی بیلبۆرد گەلێکن کە لە شوێنە گشتییەکان هەڵواسرابوون بە مەبەستی پروپاگەندەکردن بۆ منداڵی زیاتر . بە پێی یاسای نوێ کە لە پەرلەمانی ئێران پەسەندکراوە هەر جۆرە پروپاگەندەیەک بۆ "هەر کردەوە یا ویستێک کە ببێتە هۆی لەبارچوونی کۆرپە، نەزۆکی لە رێی قازکتۆمی، توبکتۆمی و هەر جۆرە پروپاگەندەیەک بۆ منداڵی کەمتر، تاوانە" . بە لەبەرچاوگرتنی ئەو یاسایە  فراکسیۆنی ژنانی پەرلەمانی ئێران رایگەیاندووە "خولی فێرکاری هاوسەرگیری" بە مەبەستی بەرزبوونەوەی رێژەی دانیشتووانی ئێران کۆدەکرێتەوە . لەو خولەدا بووک و زاواکان پێش گواستنەوە تێیدا بەشدار دەبن و رێگاکانی پێشگیری لە دووگیانبوون و شێوەکانی هاوسەرگیری بە بووک و زاواکان دەگوترێتەوە. فراکسیۆنی ژنانی پەرلەمانی ئێران لە درێژەدا دەڵێت "هەندێک نارەزاییان دەربڕیبوو کە بۆچی تا ئێستاش ئەو خولە بۆ بووک و زاواکان بەرێوە دەچێت، هەر بۆیە ئەو گەڵاڵە پێشنیاز دەکرێت لەلایەن ئێمەوە". چالاکڤانانی کۆمەڵایەتی و بواری ژنان لەسەر ئەو باوەڕەن کە ئەو سنووردارکردنە دەبێتە هۆی دووگیانبوونی نەخوازراو بە پێچەوانەوە ویستی بنەماڵە و زیادبوونی شێوە ناتەندروستەکانی منداڵ لەباربردن . چالاکڤانانی ژنان کە لە رەخنەگرانی ئەو گەڵاڵەیەن دەڵێن ئەو یاسا گەلە ژنان دەکات بە شارومەندی پلە دوو . تا ئێستاش چەندین یاسا لە پەرلەمانی ئێران پەسەند کراون،  کە بە پێی ئەوان سنووردارێتی بۆ ژنان لە بواری کار و خوێندن لە زانکۆکان دروستکردووە و لە هەوڵی ئەوەدان ژنان لە چوارچێوەی ماڵدا  بهێڵنەوە .}  

^22/4/2014

به‌رپرسێكى باڵاى نه‌ته‌وه‌ يه‌كگرتووه‌كان رايگه‌ياند، پرۆسه‌ى داماڵينى سوريا له‌ چه‌كى كيميايى گه‌يشتووه‌ته‌ قۆناغى كۆتايى.