به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
مەسعود بارزانی، سەرۆكی هەرێمی كوردستان لە هەڤپەیڤینێكدا لەگەڵ كەناڵی سكای نیوز جەختیكردەوە "بە دڵنیاییەوە دەوڵەتی كوردستان بەڕێوەیە". بارزانی سنووری ئەو دەوڵەتەشی دیاریكردو گوتی "لە ئێستادا تەنیا لە هەرێمی كوردستان دەبێت".
مەسعود بارزانی رایگەیاند فیدراڵییەت لە عێراق كۆتایی هاتووە‌و كۆنفیدراڵییەتی بە باشترین بژاردە زانی و گوتی "دەبێ هەڵەكانی رێككەوتنی سایكس بیكۆ چارەسەر بكرێت و خودی ئەو رێككەوتنە هەرەسی هێناوە، دەبێت دووبارە ناوچەكە بگەڕێتەوە سرو‌وشتی راستەقینەی خۆی، چونكە بەشێك لە نەتەوەكان بە زۆر بەیەوە لكێنراون".
سەرۆكی هەرێمی كوردستان دەڵێت "كەس ناتوانێ رێگریمان لێبكات بۆ راگەیاندنی دەوڵەتی كوردستان، بەڵام ئێمە دەمانەوێ بە دیالۆگ و لێكگەیشتن بێت نەك شەڕ و خوێنڕشن".
بێژەری كەناڵەكە پرسیاری لەبارەی كاتی راگەیاندنی ئەو دەوڵەتە لێكردو بارزانیش لە وەڵامدا گوتی "دیاریكردنی وادەیەك بۆ دەوڵەتی كوردی قورسە، بەڵام دڵنیام لە ئایندەدا كورد دەوڵەتی سەربەخۆی دەبێت". ئاماژەی بەوەشكرد، كە رەوشەكە پەرەی سەندووە و گۆڕانكاری زۆر روویداوە بۆیە ماف و خواستی كورد گۆڕانكاری بەسەر هاتووە.
بارزانی داوایكرد كورد لە پارچەكانی دیكەش مافی تەواوی خۆیان پێبدرێ و گوتی "لە توركیا و ئێران بەشێوەیەكی راستەقینە دان بە مافی كورددا نەنراوە، لەكاتێكدا بەهێز بەو وڵاتانەوە لێكێندراوە".
سەبارەت بە پەیوەندییەكانیشی لەگەڵ عەبدوڵڵا ئۆجەلان، رێبەری زیندانیكراوی پارتی كرێكارانی كوردستان، بارزانی گوتی "نامەم ئاراستە كردووە". ئاماژەی بەوەشكرد كە ئەو هەموو هەوڵێك دەدات بۆ ئازادكردنی.
گوتیشی "ئێمە رۆڵەكانی چیاین و شانازی پێوەدەكەین، ئەوەی گاڵتە بەچیا دەكات لە نێو چاڵدایە و هیچ شتێك نابینێت و هیچی پێناكرێت".
بارزانی باسی لە پەیوەندییەكانی نێوان هەولێر و بەغدا كردو گوتی "ئەوان باوەڕیان بە هاوبەشی نییە و ئێمەش نامانەوێ پاشكۆ بین".
سەبارەت بە خودی نووری مالیكی، سەرۆك وەزیرانی عێراقیش، كە كورد پێشتر پشتگیریی لە هەڵبژاردنەوەی كردو ئێستا لەكێشەدان لەگەڵی، گوتی "چاوەڕێمان دەكرد بەبێ ئێمە بەرگری لە كورد بكات‌و بە شایستەترین كەسمان زانی بۆ بەرگریكردن لە مافەكانی كورد، بەڵام بە داخەوە پێچەوانە دەرچوو". سەرسوڕمانی خۆیشی دەربڕی لەوەی ئەمریكا و ئێران لەسەر هەمووشێك ناكۆكن، كەچی لەسەر مالیكی كۆكن.
پەیوەندییەكانی نێوان حكومەتی هەرێمی كوردستان و كانتۆنەكانی رۆژئاوای كوردستان، بەتایبەت لەگەڵ پەیەدە تەوەرێكی دیكەی هەڤپەیڤینەكە بوو. لەو بارەیەوە سەرۆكی هەرێمی كوردستان ئاماژەی بەوەكرد "بەشێكی دیاریكراو لە رێكخستنێكی دیاریكراو پشتگیری لە رژێمی بەشار ئەسەد دەكەن، لەكاتێكدا هیچ رێككەوتنێك لەنێوان ئەوان و ئەسەد نییە كە مافەكانی كورد دەستەبەر بكات، ئێمە دەمانەوێ كورد یەكگرتوو بێت، بەڵام ئێستا دابەشبووە".
گوتیشی "ئێمە گوتوومانە كورد لە رۆژئاوا هەركاتێك پێكەوە بڕیار بدەن و یەكگرتوو بن ئێمە پێشوازیی لە بڕیارەكانیان دەكەین".
14/04/2014
سه‌رۆكى هه‌رێمى كوردستان مه‌سعود بارزانى رايگه‌ياند، ده‌وڵه‌تى كورديى مافى ره‌واى كورده و پێويسته ئه‌وه به ئاشتى بێته دى، له باره‌ى سنوورى ده‌وڵه‌ته‌كه‌يشه‌وه، بارزانى روونيكرده‌وه، له "لە ئێستادا تەنیا لە كوردستانى عێراق دەبێت".
له ميانه‌ى به‌شداريكردنى له به‌رنامه‌ى (بصراحة)ى كه‌ناڵى ئاسمانى سكاى نيوزدا، بارزانى باسى له درووستبوونى ده‌وڵه‌تى كوردى كرد و وتى: "به‌دڵنياييه‌وه ده‌وڵه‌تى كوردستان به‌ڕێوه‌يه".
سه‌باره‌ت به داهاتووى په‌يوه‌ندييه‌كانى هه‌رێم به عێراقه‌وه، سيستمى فيدراڵيه‌ت كاتى به‌سه‌ر چووه و باشترين بژار هه‌ڵبژاردنى سيستمى كۆنفيدراڵييه.
له باره‌ى واده‌ى ده‌وڵه‌ته كوردييه‌كه‌شه‌وه، بارزانى هيچ واده‌يه‌كى ديارى نه‌كرد و ته‌نيا وتى: "به‌ڕێوه‌يه و كه‌س ناتوانێت رێگريمان لێبكات و ده‌ستنيشانكردنى واده‌يه‌ك بۆ راگه‌ياندنى ئه‌و ده‌وڵه‌ته قورسه".
سه‌باره‌ت به هه‌ڵبژاردنى به‌يه‌كه‌وه ژيان له‌گه‌ڵ به‌غدا، بارزانى وتى: "ئه‌گه‌ر ئه‌وان پابه‌ندى ده‌ستوور بن، به‌يه‌كه‌وه ژيانمان هه‌ڵبژاردووه و ئه‌گه‌ر فيدراڵيه‌تمان قبوڵ نه‌بوايه ده‌نگمان پێنه‌ده‌دا، به‌ڵام ئێستا به‌غدا پابه‌ندى ده‌ستوور نييه".
له به‌شى دووه‌مى به‌رنامه‌كه‌دا، كه‌ناڵى سكاينيوز ميواندارى چه‌ند كه‌سايه‌تييه‌كى كردبوو بۆ خستنه‌ڕووى كۆمێنتيان له باره‌ى ده‌قى چاوپێكه‌وتنه‌كه‌وه.
له‌و ميانه‌يه‌دا، يه‌حيا ئه‌لكوبه‌يسى راوێژكارى سه‌نته‌رى عێراقى بۆ توێژينه‌وه ستراتيژييه‌كان رايگه‌ياند، دامه‌زراندنى ده‌وڵه‌تى كوردى خه‌ونى هه‌موو كوردێكه، به‌ڵام ئه‌و مه‌سه‌له‌يه هه‌ر به خه‌ون ده‌مێنێته‌وه، چونكه ئيمكانيه‌تى پێكهێنانى ئه‌و ده‌وڵه‌ته په‌يوه‌ندى به سياسه‌تى نێوده‌وڵه‌تى و ئاماده‌كارى پێشوه‌خته‌وه هه‌يه.
ئه‌و شاره‌زايه وتيشى: "ئيداره‌ى كوردى له ماوه‌ى 10 ساڵى رابردوودا شكستى هێناوه له يه‌كخستنه‌وه‌ى ئيداره‌ى هه‌ولێر و سلێمانى، بۆيه له رووى كرده‌وه‌وه، ئه‌سته‌مه له ئێستادا كورد بتوانێت ده‌وڵه‌ت رابگه‌يه‌نێت".
كوبه‌يسى ئه‌و پرسياره‌شى كرد، سنوورى ئه‌و ده‌وڵه‌ته كوردييه كوێيه، له كاتێكدا له پارێزگاكانى نه‌ينه‌وا، كه‌ركووك، سه‌لاحه‌دين كێشه‌ى سنوور و ماده‌ى 140ى ده‌ستوورى عێراقى فيدراڵ هه‌يه و به چاره‌سه‌ر نه‌كراوى ماوه‌ته‌وه.
باسكردن له درووستبوونى ده‌وڵه‌تى كوردى له سنوورى هه‌رێمى كوردستان، كه سنووره‌كه‌ى له سێ پارێزگاى هه‌ولێر و سلێمانى و دهۆك تێپه‌ڕ ناكات، وه‌ك شاره‌زايان بۆى ده‌ڕوانن ره‌نگه چاره‌نووسى كه‌ركووك و ناوچه دابڕاوه‌كان بۆ هه‌ميشه به ناديارى بهێڵێته‌وه.
14/04/2014
راپۆرتێكى ئه‌مريكايى، كه بۆ كۆنگرێس به‌رزكراوه‌ته‌وه، گومانى له‌سه‌ر ئه‌نجامى پرۆسه‌ى هه‌ڵبژاردنى خۆجێى توركيا درووستكردووه و به نموونه هۆكاره‌كانى ئه‌و گومانانه‌ى روونكردووه‌ته‌وه.
پرۆسه‌ى هه‌ڵبژاردنه خۆجێيه‌كانى توركيا، رۆژى 30ى ئازار – مارسى 2014، ئه‌نجامدران و پارتى داد و گه‌شه‌پێدانى توركى ناسراو به "ئاكپارتى" براوه‌ى پرۆسه‌كه بوو.
راپۆرته ئه‌مريكاييه‌كه، له لايه‌ن سه‌نته‌رى سياسه‌تى ديموكرات و كۆمارييه‌كانى ئه‌مريكاوه ئاماده كراوه و به‌رز كراوه‌ته‌وه بۆ هه‌ردوو ئه‌نجوومه‌نى پيران و نوێنه‌ران (كۆنگرێس)ى ئه‌مريكا.
به گوێره‌ى راپۆرته‌كه، كه رۆژنامه‌ى "راديكاڵ"ى توركيا پوخته‌يه‌كى بڵاو كردووه‌ته‌وه، هه‌ڵبژاردنه‌كه‌ى 30ى ئازارى توركيا، بێخه‌وش نه‌بووه و ئه‌نجامه‌كانى جێگه‌ى گومانن.
ئه‌و راپۆرته له لايه‌ن ژماره‌يه‌ك كه‌سايه‌تى ئه‌مريكا، كه له ناويان باڵيۆزى پێشووى ئه‌مريكا له ئه‌نقه‌ره "جيمس جيفرى" ئاماده كراوه.
به گوێره‌ى راپۆرته‌كه، گومانه‌كان له‌وه‌وه سه‌رچاوه ده‌گرن، پارتى داد و گه‌شه‌پێدان به ماوه‌يه‌ك پێش هه‌ڵبژاردن، ئاستى جه‌ماوه‌رى دابه‌زيوه، به‌ڵام له هه‌ڵبژاردن ئه‌وه ده‌رنه‌كه‌وتووه.
له راپۆرته‌كه‌دا هاتووه: "به به‌راورد له‌گه‌ڵ هه‌ڵبژاردنى 2011، ئاستى جه‌ماوه‌رى ئه‌ردۆغان كه‌متر بووه‌ته‌وه، به‌ڵام ئه‌مساڵ سه‌ره‌ڕاى ئاشكرابوونى دۆسييه‌كانى گه‌نده‌ڵى، بڵاوبوونه‌وه‌ى تۆماره ده‌نگييه‌كان؛ به‌ڵام هيچ كاريگه‌رييه‌كى نه‌رێنى له‌سه‌ر ئه‌نجامى ده‌نگه‌كانى ئاكپارتى درووست نه‌بووه".
ئه‌و ليژنه‌يه‌ى راپۆرته‌كه‌يان ئاماده كردووه، ئاماژه‌يان به‌وه‌شداوه، ئاستى هۆشيارى تاكى توركيا به‌رز بووه‌ته‌وه، به تايبه‌تى دواى رووداوه‌كانى ساڵى رابردووى ئه‌سته‌نبوڵ و سه‌رهه‌ڵدانى خۆپيشاندانه‌كان، ئه‌مساڵ ئاستى به‌شدارى هه‌ڵبژاردن زياتر بووه، كه‌چى ئه‌نجامه‌كان نه‌گۆڕاوون.
ئه‌و راپۆرته سه‌رنجى بۆ ئه‌وه‌ش راكێشاوه، كه ده‌بێت، پارتى گه‌لى كۆمارى ئۆپۆزسيۆن به سياسه‌تى خۆيدا بچێته‌وه و بزانێت بۆچى ده‌نگى پێويستى نه‌هێناوه.
له به‌شێكى ديكه‌ى راپۆرته‌كه‌دا، ئه‌وه روونكراوه‌ته‌وه، كه له هه‌ڵبژاردنه‌كه‌ى توركيادا، له كاتى جياكردنه‌وه‌ى ده‌نگه‌كان كاره‌با بڕاوه، كارتى ده‌نگدان به مۆركراوى له ناو زبڵدان دۆزراونه‌ته‌وه، زۆربه‌ى كۆنووس و كاغه‌زى ليژنه‌كانى هه‌ڵبژاردن ونكراوون، له بنكه‌كاندا وه‌ڵامى سكاڵاى پاڵێوراوانى ئاكپارتى دراوه‌ته‌وه و داواكارى لايه‌نه ئۆپۆزسيۆنه‌كان فه‌رامۆشكراوه، هه‌موو ئه‌مانه‌ش وايكردووه، گومانه‌كان له‌سه‌ر پرۆسه‌كه زياتر بن.
س:جيهان
13/04/2014
دادگای شاری ئامه‌دی باكوری كوردستان بڕیاری ئازادكردنی 48 به‌ندكراوی دۆسیه‌ی ناسراو به دۆسیه‌ی كه‌جه‌كه‌ی ده‌ركرد و 137 به‌ندكراوی دیكه‌ی هه‌مان دۆسیه له چاوه‌ڕوانی ده‌ركردنی بڕیاری ئازاد كردنیاندان.
دادگای شاری ئامه‌د، له كۆی 175 به‌ندكراوی دۆسیه‌ی كه‌جه‌كه، بڕیاری ئازادكردنی 48 به‌ندكراوی ده‌ركردوه. ئه‌و به‌ندكراوانه ساڵی 2009 له پرۆسه‌یه‌كدا له ژێر ناوی ئۆپه‌راسیۆنی ده‌سگیركردنی ئه‌ندامانی كۆما جڤاكێن كوردستان ده‌سگیركران.
ئازاد كردنی به‌ندكراوانی دۆسیه‌ی كه‌جه‌كه دوای ئه‌وه دێت كه به پێی ماده‌ی 10ی یاسای به‌ره‌نگاربوونه‌وه‌ی تیرۆر دادگا تایبه‌ته‌كان هه‌ڵوه‌شانه‌وه و له ماوه‌ی دوو مانگی رابردووشدا نزیكه‌ی سه‌د به‌ندكراوی كه‌جه‌كه ئازاد كراون.
پارتی كرێكارانی كوردستان( په‌كه‌كه) پێشتر رایگه‌یاندوه ئازاد كردنی سه‌رجه‌م به‌ندكراوانی سیاسی كورد له باكوری كوردستان و توركیا مه‌رجێكی سه‌ره‌كییه بۆ به‌ره‌وپێشچوونی پرۆسه‌ی ئاشتی و له ئێستاشدا به سه‌دان كه‌س و له ناویشیاندا چه‌ند سه‌رۆك شاره‌وانی سه‌ر به پارتی ئاشتی و دیموكراسی هێشتا بڕیاری ئازادكردنیان بۆ ده‌رنه‌چووه.
13/04/2014
گوتەبێژی كۆشكی سپی رایدەگەیەنێ، بە نەتەوە یەكگرتووەكانمان راگەیاندووە كە ڤیزا بە حامد ئەبو تاڵیبی، باڵیۆزی نوێی ئێران نادەین.
حامد ئەبو تاڵیبی كە دیپلۆماتكارێكی ئێرانی بەناوبانگە، بڕیاربوو وەك باڵیۆزی ئێران لە نەتەوە یەكگرتووەكان دەستبەكاربێت. بەڵام واشنتۆن پێواییە لە ساڵی 1979حامد رۆلی سەرەكی هەبووە لە قەیرانی بارمتەكانی ئەمریكا لە تاران.
بەم هۆیەوە جای گارنی، گوتەبێژی كۆشكی سپی دەڵێت "بە نەتەوە یەكگرتووەكانمان راگەیاندووە كە ڤیزا بە حامد ئەبو تاڵیبی نادەین".
سەبارەت بەم ئاكارە سیاسییە بێ پێشینەیە، هەندێك لە دیپلۆماتكارەكان نیگەرانی خۆیان دەردەبڕن لەوەی رەنگە ئەمریكا ئاكاری هاوشێوە لە ئایندەدا دووبارەبكاتەوە.
جێفری لۆرێنتی، دیپلۆماتاكار لە نەتەوە یەكگرتووەكان دەڵێت "رەنگە ئیدی وڵاتانی دیكە هەوڵی ئەوە بدەن كە مافی پێنەدانی ڤیزا بە دیپلۆماتكارەكانی نەتەوە یەكگرتووەكان لە ئەمریكا وەربگرنەوە". بەڵام بە دووریشی زانی ئەمریكا بە ئاسانی ئەمە قبووڵ بكات.
12/04/2014
گوتەبێژی كۆشكی سپی رایدەگەیەنێ، بە نەتەوە یەكگرتووەكانمان راگەیاندووە كە ڤیزا بە حامد ئەبو تاڵیبی، باڵیۆزی نوێی ئێران نادەین.
حامد ئەبو تاڵیبی كە دیپلۆماتكارێكی ئێرانی بەناوبانگە، بڕیاربوو وەك باڵیۆزی ئێران لە نەتەوە یەكگرتووەكان دەستبەكاربێت. بەڵام واشنتۆن پێواییە لە ساڵی 1979حامد رۆلی سەرەكی هەبووە لە قەیرانی بارمتەكانی ئەمریكا لە تاران.
بەم هۆیەوە جای گارنی، گوتەبێژی كۆشكی سپی دەڵێت "بە نەتەوە یەكگرتووەكانمان راگەیاندووە كە ڤیزا بە حامد ئەبو تاڵیبی نادەین".
سەبارەت بەم ئاكارە سیاسییە بێ پێشینەیە، هەندێك لە دیپلۆماتكارەكان نیگەرانی خۆیان دەردەبڕن لەوەی رەنگە ئەمریكا ئاكاری هاوشێوە لە ئایندەدا دووبارەبكاتەوە.
جێفری لۆرێنتی، دیپلۆماتاكار لە نەتەوە یەكگرتووەكان دەڵێت "رەنگە ئیدی وڵاتانی دیكە هەوڵی ئەوە بدەن كە مافی پێنەدانی ڤیزا بە دیپلۆماتكارەكانی نەتەوە یەكگرتووەكان لە ئەمریكا وەربگرنەوە". بەڵام بە دووریشی زانی ئەمریكا بە ئاسانی ئەمە قبووڵ بكات.
گوتەبێژی كۆشكی سپی رایدەگەیەنێ، بە نەتەوە یەكگرتووەكانمان راگەیاندووە كە ڤیزا بە حامد ئەبو تاڵیبی، باڵیۆزی نوێی ئێران نادەین.حامد ئەبو تاڵیبی كە دیپلۆماتكارێكی ئێرانی بەناوبانگە، بڕیاربوو وەك باڵیۆزی ئێران لە نەتەوە یەكگرتووەكان دەستبەكاربێت. بەڵام واشنتۆن پێواییە لە ساڵی 1979حامد رۆلی سەرەكی هەبووە لە قەیرانی بارمتەكانی ئەمریكا لە تاران.
بەم هۆیەوە جای گارنی، گوتەبێژی كۆشكی سپی دەڵێت "بە نەتەوە یەكگرتووەكانمان راگەیاندووە كە ڤیزا بە حامد ئەبو تاڵیبی نادەین".
سەبارەت بەم ئاكارە سیاسییە بێ پێشینەیە، هەندێك لە دیپلۆماتكارەكان نیگەرانی خۆیان دەردەبڕن لەوەی رەنگە ئەمریكا ئاكاری هاوشێوە لە ئایندەدا دووبارەبكاتەوە.
جێفری لۆرێنتی، دیپلۆماتاكار لە نەتەوە یەكگرتووەكان دەڵێت "رەنگە ئیدی وڵاتانی دیكە هەوڵی ئەوە بدەن كە مافی پێنەدانی ڤیزا بە دیپلۆماتكارەكانی نەتەوە یەكگرتووەكان لە ئەمریكا وەربگرنەوە". بەڵام بە دووریشی زانی ئەمریكا بە ئاسانی ئەمە قبووڵ بكات. - See more at: http://rudaw.net/sorani/world/110420145#sthash.qrFb4OxJ.dpuf
وەزارەتی خەزێنەی ویلایەتە یەكگرتووەكانی ئەمریكا جەختی لەوەكردەوە، كە ئیدارەی كۆشكی سپی نیازی زیادكردنی سزاكانی سەر رووسیای هەیە، ئەگەر رووسیا هەوڵی زیاتر ئاڵۆزكردنی دۆخی ئۆكراینا بدات.
لەو بارەیەوە جاكۆب لیو، وەزیری خەزێنەی ئەمریكا ئاشكرای كرد، كە لە گفتوگۆكردنیدا لەگەڵ ئانتۆن سیلونۆڤ، وەزیری دارایی رووسیا پێی راگەیاندووە، كە ویلایەتە یەكگرتووەكانی ئەمریكا دەیەوێت لە زیادكردنی سزاكانی سەر رووسیا بەردەوام بێت.
ئەم لێدوانەی وەزیری خەزێنەی ئەمریكا لەكاتێكدایە، كە وەزیرانی دارایی و ئابووری وڵاتانی ئەندام لە گروپی G20 و سەرۆكی بانكی جیهانی، سەبارەت بە وڵاتانی خاوەنی وزەی ئابووری و دەوڵەمەندكردنی بازاڕەكانی جیهان لە واشنتن دەستیان بە كۆبوونەوەكان كردووە و رووسیاش یەكێكە لە بەشداربووانی كۆبوونەوەكە.
جاكۆب لیو دووپاتیشی كردەوە، كە وڵاتانی گرووپی G7، كە پێشتر رووسیا ئەندام بووە لەو گرووپە، هاوڕان لەسەر زیادكردنی سزاكانی سەر رووسیدا
12/04/2014
وەزیری وزە و سەرچاوە سروشتییەکانی تورکیا ئاشكرایكرد تورکیا تەنیا نەوتی هه‌رێمی كوردستان ناگوازێتەوە، بەڵکو ھەوڵدەدا خۆی بکاتە شەریک لە کێڵگە نەوتییەکاندا.
تانەر یڵدز لە میانی بەشداریکردن لە ١٥مین بەرنامەی نێو دەوڵەتی وزە کە لە لایەن ناوەندی لێکۆڵینەوەی ستراتیژیکی تەکنیکی و ئابورییەوە له شاری ئیسته‌نوڵ رێكخراوه وته‌یه‌كی پێشكه‌شكرد و وتی "ئامانجەکانی تورکیا بۆ ساڵی ٢٠٢٣ ھەر وەکو خۆیانن و ئەو ١١٨ ملیار دۆلارە کە تورکیا بۆ گەیشتن بە ئامانجەکانی خۆی لە ١٠ ساڵی داھاتوودا ته‌رخانی کردووە، ھەر وەکو خۆیە و کەم نەکراوەتەوه".
یڵدز لە بەشێکی دیکەی قسەکانیدا باسی نەوتی ھەرێمی کوردستانی کرد و ئاشكرایكرد "تەنیا گواستنەوەی نەوتی ھەرێمی کوردستان بۆ تورکیا بەس نییە، بەڵکو تورکیا بۆ ئەوەی ببێتە ھاوبەشی کێڵگە نەوتییەکان لە ھەوڵی بەردەوامدایە".
رونیشیكرده‌وه "تورکیا بۆ ئەوەی بگاتە سەرچاوەکانی نەوت و غازی سروشتی ھاوکات لەگەڵ پاراستنی سنورە سیاسییەکان، ھەوڵ بۆ فراوانکردنی بازنەی سنوری وزەی خۆی دەدا. چونکە ئەمە گەورەترین سەرچاوەیە بۆ تورکیا. تورکیا ناتوانێ لە بەرامبەر رووداو و پێشھاتەکانی ده‌ریای ڕەش بەبێ ھەڵوێست بێ. تورکیا بەبێ خراپ بەکار ھێنانی سەرچاوەکانی ناوچەکە و دراوسێکانی خۆی درێژە بە ھەڵوێستی ئەرێنی خۆی دەدا".
یڵدز جه‌ختیشیكرده‌وه ئه‌وان دەستبەرداری دانوستانەکانیان بۆ تایبەتی کردنی کەرتی وزە نابن و دەیانەوێ ئەو کەسانەی لەو کەرتەدا کار دەکەن سوودمەند بن تا بەو جۆرە کۆمپانیا و سەرمایەگوزارەکانی دیکەیش روو لەو کەرتە بکەن.
12/04/2014
لەكاتێكدا هیلاری كلنتن ، وەزیری دەرەوەی پێشووی ئەمریكا لە بەردەم هەزار كەس لە لاس ڤێگاس وتاری دەخوێندەوە، لە كۆنفرانسی دووبارە بەكارهێنانەوەی کانزاكاندا، ژنێك تاكە پێڵاوێكی تێگرت . هیلاری كلنتن، دوێنێ لە هۆتێلێكی لاس ڤێگاس وتارەكەی دەخوێندەوە، كە ئەو پێلاوەی بۆچوو، كەمێك خۆی نەویكرد و بەردەوامبوو لە وتاردان و بە گاڵتەوە گوتی " ئەرێ ئەو كەسە شتێكم تێدەگرێت ؟ ئایا ئەوە بەشێكە لە سێركی خۆر؟". جۆرج ئۆجفیلی ، گوتەبێژی دەزگای ئاسایشی سەرۆكایەتی لە ئەمریكا رایگەیاند، كە ئەو ژنەی تاكە پێڵاوەكەی گرتە هیلاری كلنتن ، داوەتنامەی ئامادەبوونی لە وتارەكەی هیلاری كلنتندا نەبوو، پاسەوانەكانی هوتێل و چەند كەسێكی دەزگای پاراستنی سەرۆكایەتی ژنەكەیان دیاریكرد پێش رووداوەكە بە چەند چركەیەك ، بەڵام لەگەڵ ئەوەشدا توانی تاكە پێڵاوێكی لە هیلاری كلنتن بگرێت و دوای ئەوە دەستگیركرا . پێڵاو گرتنە سەرۆك و بەرپرسەكان لە ساڵی 2008ەوە دەستیپێكرد ، كاتێك رۆژنامەنووسی عێراقی مونتەزر زەیدی جووتە پێڵاوەكەی گرتە جۆرج بوش ، ئەوكاتەی لە كۆنفرانسێكی رۆژنامەڤانیدا بوو لەگەڵ مالیكی لە بەغدا .
11/4/2014
رۆژنامەیەكی توركی ئاشكرای دەكات، گرووپی فەتحوڵڵا گیولەن لە سەروبەندی ئەوەدان كە كەسایەتییەك دیاری بكەن بۆ كێبڕكێكردن لەگەڵ پاڵێوراوی پارتی داد و گەشەپێدان لە هەڵبژاردنی سەرۆكایەتی كۆمار لە مانگی ئابی ئەمساڵدا. بە پێی هەواڵێكی تایبەتی رۆژنامەی جمهوریەتی توركی، رەجەب تەییب ئەردۆغان، سەرۆك وەزیرانی توركیا لە ئەنجامی شیكاری و بەدواداچوونێكی فراوان بۆی روونبووەتەوە، كە گرووپی فەتحوڵڵا گیولەن پشتگیری لە كاندیدكردنی هاشم كڵچ، سەرۆكی دادگای دەستووری ئەو وڵاتە دەكات بۆ پۆستی سەرۆكایەتی كۆمار. دوای درووستبوونی گرژی لەپەیوەندییەكانی پارتی داد و گەشەپێدان و گرووپی فەتحوڵڵا گیولەن، ئەم گرووپە لە هەڵبژاردنی شارەوانییەكانی توركیا پشتگیرییان لە ركابەرەكانی ئاكەپە كرد. ئەردۆغان كە لە ئامادەكاریدایە بۆ بڕیاردان سەبارەت بە خۆپاڵاوتنی بۆ پۆستی سەرۆكایەتی كۆمار، لێكۆڵینەوەیەكی شیكاری ئەنجامداوە بۆ دۆزینەوەی ئەوەی ئایا گرووپی فەتحوڵڵا گیولەن پشتگیری لە چ كاندیدێك دەكەن بۆ ئەم هەڵبژاردنە. هەفتەی پێشوو ئەردۆغان لە كۆبوونەوەیەكی تایبەتدا لەگەڵ میدیاكانی نزیك لە حكومەتەكەی رایگەیاندبوو، گومانی لەوە هەیە كە "دەوڵەتی هاوتەریب" كە مەبەست لێی گرووپی فەتحوڵڵا گیولەنە دزەیان كردبێتە نێو دادگای دەستوورییەوە. ئەم وتەیەی ئەردۆغان لەگەڵ ئەو گرژییانەی بەم دواییە كەوتە نێوانی لەگەل سەرۆكی دادگای دەستووری، وەك سەرەداوێك دەبینرێت بۆ ئەوەی كە گرووپی فەتحوڵڵا گیولەن لە ئامادەباشی ئەوەدابن زەمینە خۆشبكەن بۆ كاندیدكردنی هاشم كڵچ، سەرۆكی دادگای دەستووری توركیا. بەپێی زانیارییەكان، گرووپی فەتحوڵلا گیولەن لە هەوڵی ئەوەدایە، پشتگیری لە كڵچ بكات ببێتە كاندیدی یەكێك لە پارتە بەرهەڵستكارەكان و لەم رێیەوە ركابەرێكی بەهێز رووبەڕووی كاندیدی پارتی داد و گەشەپێدان بكاتەوە بۆ كۆشكی كۆماری. هاشم كڵچ، كەسایەتییكی بێلایەنە و دوای ئەوەی كە هەریەك لە سەرۆكانی پارتە بەرهەڵستكارەكان ئاشكرایانكرد كە لایەنگری ئەوەن كەسانی بێلایەن كاندیدبكەن بۆ سەرۆكایەتی كۆمار، ئەگەری دەستنیشانكردنی كڵچ وەك پاڵێوراوی سەرۆك كۆمار بەهێزتربووە. لێكۆڵینەوە شیكارییەكە ئاشكرایكردووە، كە گرووپی فەتحوڵڵا گیولەن بۆ یەكلاكردنەوەی پشتگیرییان بۆ كڵچ، چاوەڕێی بڕیارەكانی دادگاكەی دەكەن سەبارەت بە یاسای بەكارهێنای ئینتەرنێت و یاسای پێكهاتەی ئەنجوومەنی قەزا. مانگی ئابی ئەمساڵ، دانیشتوانی توركیا دەچنە سەر سندووقەكانی دەنگدان بۆ هەڵبژاردنی سەرۆك كۆماری نوێ بۆ 5 ساڵی داهاتوو. تا ئێستاش یەكلایی نەبووەتەوە كە ئایا، رەجەب تەییب ئەردۆغان خۆی كاندید دەكات بۆ ئەو پۆستە، یان عەبدوڵڵا گیول دووبارە كاندیدی پارتی داد و گەشەپێدان دەبێت.
11/4/2014
هەردوو وەزارەتی دادی عێراق و ئێران لە بەغدا رێككەوتننامەیەك واژۆدەكەن بۆ ئاڵوگۆڕكردنی زیندانیانی نێوانیان. حەسەن شەممەری، وەزیری دادی عێراق لە كۆنگرەیەكی رۆژنامەوانی هاوبەشدا لەگەڵ مستەفا پور محەممەدی، وەزیری دادی ئێران لە بەغدا رایگەیاند: "عێراق و ئێران رێككەوتننامەیەكیان واژۆكرد بۆ ئاڵوگۆڕكردنی زیندانی نێوانیان و ژمارەی ئەو زیندانیانە لە عێراق و ئێران دەگاتە 280 زیندانی". شەممەری گوتیشی "واژۆكردنی ئەم رێككەوتننامە دوای پەسەندكردنی یاسای ئاڵوگۆردنی زیندانیان هات لە نێوان عێراق و ئێران لەلایەن پەرلەمانی عێراقەوە و دوای تەواوكردنی ئامادەكارییەكان ئەم رێككەوتننامەیە دەچێتە واری جێبەجێكردنەوە". وەزیری دادی عێراق راشیگەیاند "ژمارەی زیندانیانی عێراقی لە بەندیخانەكانی ئێران دەگاتە 130 زیندانی و ژمارەی زیندانیانی ئێرانیش لە هەرێمی كوردستان دەگاتە 150 زیندانی". هاوكات نەریمان تاڵیب، گوتەبێژی وەزارەتی داد بە تۆڕی میدیایی رووداوی راگەیاند: "رێككەوتننامەی ئاڵوگۆڕكردنی زیندانیان لە نێوان عێراق و ئێران رێككەوتننامەیەكی سەروەرییە لە نێوان دوو وڵات و لەبەر ئەوەی هەرێمی كوردستان بە شێكە لە عێراقی فیدراڵ ئەو رێككەوتننامە كوردستانیش دەگرێتەوە، چ لەبارەی زیندانی كوردستان بێ لە بەندیخانەكانی ئێران و چ لەبارەی زیندانیانی ئێران بێ لە بەندیخانەكانی كوردستان".
11/4/2014
ئایه‌توڵا عه‌لی خامنه‌یی رێبه‌ری ئێران رایگه‌یاند دروستكردن و راگرتنی چه‌كی ئه‌تۆمی بۆ ئێران كارێكی مه‌ترسیداره‌و هه‌رگیز چه‌كی ئه‌تۆمی دروست ناكه‌ین.
به‌پێی هه‌واڵێكی ئاژانسی فه‌رمی ئێران ( ئیرنا) عه‌لی خامنه‌یی رێبه‌ری ئێران له دانیشتنێكدا له‌گه‌ڵ زانایانی ئه‌تۆمی وڵاته‌كه‌یدا رایگه‌یاندوه ئێمه ده‌زانین دروستكردن و راگرتنی چه‌كی ئه‌تۆمی كارێكی بێ سودو مه‌ترسیداره‌و هه‌رگیز ئه‌و چه‌كه دروست ناكه‌ین.
سه‌باره‌ت به كێشه ئه‌تۆمییه‌كه‌ی وڵاته‌كه‌ی له‌گه‌ڵ وڵاتانی خۆرئاواش، خامنه‌یی رایگه‌یاند هیچ گومانم له‌وه نیه ناوه‌نده بڕیارده‌ره‌كانی ئه‌و وڵاتانه دڵنیان كه ئێران مه‌به‌ستی نییه چه‌كی ئه‌تۆمی دوست بكات، به‌ڵام ئه‌وان دوژمنی ئێرانن و چه‌كی ئه‌تۆمیان كردوه‌ته بیانویه‌ك بۆ ئه‌وه‌ی پێش به پێشكه‌وتنه‌كانی ئێران له ڕووی زانستییه‌وه بگرن.
خامنه‌یی راشیگه‌یاند له ئێستادا چیتر بوونی چه‌كی ئه‌تۆمی هێز به وڵاتان نابه‌خشێت و ئێران ده‌توانێ به توانا زانستی و مرۆڤییه‌كانی خۆیه‌وه هێزی وڵاتانی خاوه‌ن چه‌كی ئه‌تۆمی تێك بشكێنێت.
ئه‌و لێدوانانه‌ی عه‌لی خامنه‌یی له كاتێكدایه كه هه‌ر ئه‌مڕۆ له ڤییه‌نای پایته‌ختی نه‌مسا دانوستانه ئه‌تۆمییه‌كانی ئێران و خۆرئاوا به‌رده‌وامه و جێگری وه‌زیری ده‌ره‌وه‌ی ئێرانیش گه‌شبینی خۆی بۆ ئه‌و خوله‌ی دانوستانه‌كان ده‌ربڕیوه.
10/04/2014
له پێكدادانه‌كانی نێوان داعش و هێزه‌كانی پاراستنی گه‌ل له هه‌رێمی كۆبانی له ماوه‌ی یه‌ك مانگدا زیاتر له 400 چه‌كداری داعش كوژراون و به‌هۆی گه‌مارۆی ئابوری سه‌ر هه‌رێمی كۆبانییه‌وه برسیه‌تی هه‌ڕه‌شه له دانیشتوانه‌كه‌ی ده‌كات.
فه‌رمانده‌یی یه‌كینه‌كانی پاراستنی (یه‌په‌گه) له راگه‌یه‌نراوێكدا ئاشكرایكرد، له پێكدادانه‌كانی مانگی رابردووی هه‌رێمی كۆبانی 419 چه‌كداری داعش كوژراون و 10 چه‌كداریش ده‌ستگیر كراون و بڕێكی زۆر چه‌ك و ته‌قه‌مه‌نیش ده‌ستیان به‌سه‌ردا گیراوه.
ته‌ئكیدیشی كردوه‌ته‌وه كه سه‌رجه‌م هێرشه‌كان له لایه‌ن چه‌كدارانی داعشه‌وه بۆ سه‌ر هه‌رێمی كۆبانی ئه‌نجامدراوه‌و ئه‌وان ته‌نها به‌رگریان كردوه.
فه‌رمانده‌یی یه‌په‌گه ئه‌وه‌شی خستوه‌ته‌ڕوو به‌هۆی ئه‌و هێرشانه‌وه 13 ئه‌ندامی یه‌كینه‌كانی پاراستنی گه‌ل یه‌كینه‌كانی پاراستنی ژنان كوژراون.
له لایه‌كی دیكه‌وه به‌هۆی ئه‌و گه‌مارۆ ئابورییه‌ی كه سه‌رجه‌م لایه‌نه ئۆپۆزسیۆنه‌كانی سوریا به سوپای سوریای ئازادیشه‌وه خستویانه‌ته سه‌ر هه‌رێمی كۆبانی له ئێستادا ئه‌و هه‌رێمه رووبه‌ڕووی كه‌می خۆراك و ده‌رمان بووه‌ته‌وه
09/04/2014
رۆژی 20ی ئاداری رابردوو، شارەوانی شاری سان سباستیان لە هەرێمی باسكی ئیسپانیا بە مەبەستی پیرۆزبایی جەژنی نەورۆز لە گەلی كورد، ئاڵایەكی كوردستانی بە باڵەخانەی شارەوانییەكەدا شۆڕ كردەوە.
هەڵكردنی ئەو ئاڵایە لەلایەن رۆژنامەكانی ئیسپانیا و هەندێك لە حیزبەكانەوە، بە تایبەتیش حیزبی فەرمانڕەوا وا لێكدرایەوە كە پشتگیری گەلی باسكی ئیسپانیایە بۆ گەلی كورد.
هەر لەو رۆژەدا، ئیناكی ئازكونا، سەرۆكی شارەوانی شاری بلباو كە خەڵاتی باشترین سەرۆك شارەوانی جیهانی وەرگرتبوو، كۆچی دوایی كرد، بەڵام ئاڵای كوردستان لەسەر دیواری شارەوانی سان سباستیان مایەوە و پرسە رانەگەیەنرا.
ئەوە لە كاتێكدا زۆربەی شارەوانییەكانی ئیسپانیا پرسەیان بۆ گێڕا و ئاڵای وڵاتیان نزم كردەوە.
چاپەمەنییەكانی ئیسپانیا هیچ قسەیەكیان لەسەر ئەو شارەوانییە نەكرد تاوەكو رۆژی خۆی هات، رۆژی 23ی ئادار كە هاوكاتە لەگەڵ كۆچی دوایی ئەدۆلفۆ سوارێز، یەكەم سەرۆك وەزیرانی ئیسپانیای دوای ژەنەراڵ فرانكۆی دیكتاتۆری پێشووی ئەو وڵاتە.
سوارێز لەلای ئیسپانییەكان بە ئەندازیاری گواستنەوەی سیستمی سیاسی ئیسپانیا دادەنرێت، كە توانی كۆتایی بە سیستمی دیكتاتۆری بهێنێت و سیستمێكی دیموكراتی بۆ وڵات بچەسپێنێ. هەموو ساڵێك لە یادی "باوكی دیموكراسی"دا لە ئیسپانیا ئاڵای وڵات لە سەرجەم داوودەزگاكانی دەوڵەت تاوەكو نیوە دادەگیرێت، بەڵام شارەوانی سان سباستیان گوێی بەو رۆژە نەدا و ئاڵای هەرێمەكەی لە تەك ئاڵای كوردستان هەر بە بەرزی هێشتەوە.
ئەم هەڵوێستەی خوان كارلۆس، سەرۆكی شارەوانی سان سباستیان بووە جێی ناڕەزایی پارتەكانی ئۆپۆزیسۆن لەنێو ئەنجومەنی شارەوانی و هێرشێكی توندیان كردە سەر خۆی و پارتەكەی (بیلدۆ)ی نزیك لە بزووتنەوە نەتەوەییەكانی هەرێمی باسك.
پارتی گەلی سۆسیالیست (پارتی دەسەڵاتدار) لە ئیسپانیا، داوای لە بیلدۆ كرد یادی مردنی سوارێز بكاتەوە كە بە فەرمی لەلایەن حكومەتی ئیسپانیاوە ئەو رۆژە كراوەتە رۆژی ماتەمگێڕی، بەڵام بیلدۆ گوێی بەو داواكارییەی پارتی دەسەڵاتدار نەداو پشتگوێی خست.
رۆژنامەی ئیسپانی (El Correo) لەوبارەیەوە هەواڵێكی بەو ناونیشانە بڵاوكردەوە "شارەوانی سان سباستیان كوردستانی لەبیرە، ئازكونا و سوارێزیش لەبیر دەكات".
لە درێژەی هەواڵەكەی رۆژنامە ئیسپانییەكەدا هاتووە "پارتی سۆسیالیستی باسك رەخنەی لە هەڵوێستی سەرۆكی شارەوانی سان سباستیان گرتووە كە لەلایەك پشتگیری لە گەلی كورد دەكات بەناوی پیرۆزكردنی رۆژی نەتەوەییان و ئاڵاكەیان لە شارەوانی هەڵدەواسێت، لەلایەكی دیكەوە هیچ نیشانەیەكی خەمگینی لە شارەوانییەكەدا بەدی ناكرێت بەبۆنەی كۆچی دوایی سەرۆكی شارەوانی بلباو".
هەڵواسینی ئاڵای كوردستان بە باڵاخانەی شارەوانی سان سباستیاندا بووە مژاری زۆربەی رۆژنامەكانی ئەو وڵاتە. ئەوە جاری یەكەم نییە چاپەمەنییەكانی ئیسپانیا هێرش دەكەنە سەر هەڵوێستەكانی سەرۆكی شارەوانی سان سباستیان و پارتەكەی بەهۆی پشتگیریی لە گەلی كورد.
مانگی تشرینی یەكەمی رابردووش، رۆژنامەی ABC كە بە رۆژنامەی راستڕەوەكانی ئەو وڵاتە ناسراوە، هەواڵێكی لەسەر بەستنی "كۆنفرانسی نێونەتەوەیی شارەوانییەكان بۆ ئاشتی" بڵاوكردبووەوە بە ناونیشانی "بلدۆ لە رۆژێكدا 100 هەزار یۆرۆ بۆ شارەوانییەكانی كوردستان و فەلەستین خەرج دەكات".
لەو كۆنفرانسەدا سەرۆكی شارەوانی پێشووی ئامەد عوسمان بایدەمیر، سەرۆكی پێشووی شارەوانی باتمان سەرحەد تەمەل، هەروەها هاوسەرۆكی ئەنجوومەنی گەلی رۆژئاوای كوردستان سینەم محەممەد بەشدارییان كردبوو. رۆژنامەكە بە شێوەیەكی نێگەتیڤ باسی كۆنفرانسەكەی كردبوو.
ئەوە دووەم ساڵە شارەوانی سان سباستیان یادی نەورۆزی گەلی كورد دەكاتەوە. ساڵی رابردووش شارەوانی ناوبراو چوار كوردی نیشتەجێی ئیسپانیای داوەت كرد كە هەر یەكێكیان لە بنەڕەتدا خەڵكی پارچەیەكی كوردستان بوون.
09/04/2014
ئه‌میری كۆمه‌ڵی ئیسلامیی كوردستان پرۆژه‌یه‌كی ئاماده كردووه بۆ راگه‌یاندنی ده‌وڵه‌تی كوردی، بۆ ئه‌مه‌ش بڕیاره سبه‌ی ( 9ی نیسانی 2014 ) له كۆنگره‌یه‌كی رۆژنامه‌نووسیدا ئه‌و پرۆژه‌یه رابگه‌یه‌نێت.
سه‌رچاوه‌یه‌ك له به‌شی راگه‌یاندنی كۆمه‌ڵی ئیسلامی به خه‌ندانی راگه‌یاند: بڕیاره سبه‌ی له‌شاری هه‌ولێر له كۆنگره‌یه‌كی رۆژنامه‌نوسیدا، مامۆستا عه‌لی باپیر، ئه‌میری كۆمه‌ڵی ئیسلامی كوردستان پرۆژه‌یه‌ك راده‌گه‌یه‌نێت كه په‌یوه‌ندیی به ده‌وڵه‌تی كوردییه‌وه هه‌یه .
سه‌چاوه‌كه وتیشی: جگه له‌و پرۆژه‌یه، ئه‌میری كۆمه‌ڵی ئیسلامی باس له چۆنێتی به‌رێوه‌چوونی دانیشتنی لایه‌نه‌كان بۆ پێكهێنانی كابینه‌ی هه‌شته‌می حكومه‌ت و ده‌ستبه‌كاربونی په‌رله‌مانی كوردستان ده‌كات، له‌گه‌ڵ چه‌ند پرسێكی دیكه‌ی تایبه‌ت به هه‌رێمی كوردستان و عێراق.
راگه‌یاندنی پرۆژه‌كه‌ی ئه‌میری كۆمه‌ڵی ئیسلامیی كوردستان له‌كاتێكدایه كه مه‌سعود بارزانی سه‌رۆكی هه‌رێمی كوردستان له‌دیدارێكیدا له‌گه‌ڵ كه‌ناڵی سكای نیوزی عه‌ره‌بی راگه‌یاند: "ده‌وڵه‌تی كوردی به‌رێوه‌یه و هه‌نگاو به‌ره‌و ئه‌وه ده‌نرێت كه كۆنفیدراڵی رابگه‌یه‌نین."
09/04/2014
ونبوونی فڕۆكه مالیزیاییه‌كه، وه‌ك مه‌ته‌ڵێكی هه‌ڵنه‌هاتووی لێهاتووه و له‌و چوارچێوه‌یه‌دا، ئه‌مڕۆ كارمه‌ندانی تۆڕی گه‌ڕان و به‌دواداچوونی زانیاری نوێ له باره‌ی فڕۆكه ونبووه‌كه‌وه ئاماژه‌یان به زانیارییه‌كی نوێ داوه له باره‌ی هێمایه‌كه‌وه كه گومانده‌كرێت له سندوقی ره‌شی فڕۆكه ونبووه‌كه‌وه ناردرابێت.
فڕۆكه ونبووه‌كه، له گه‌شتی ژماره 370دا بوو، له كوالامپووره‌وه به‌ره‌و په‌كینی پاته‌ختی چین ده‌فڕی، له هه‌شتی ئازار – مارسی 2014، له ناوچه‌كانی باشووری خۆرهه‌ڵاتی زه‌ریای هیندی په‌یوه‌ندی به ناوه‌ندی فڕۆكه‌وانی وڵاته‌كه‌یه‌وه پچڕا و له‌و رۆژه‌وه هیچ شوێنه‌وارێكی نه‌دۆزراوه‌ته‌وه و تا ئێستا وێڕای پێشكه‌وتنه ته‌كنۆلۆژییه‌كان نه‌توانراوه سۆراغی بكرێت.
زانیارییه نوێیه‌كان ئاماژه بۆ ئه‌وه ده‌كه‌ن، ئاماژه‌یه‌كی نوێ به‌دیكراوه، كه گومانده‌كرێت له سندوقی ره‌شی فڕۆكه‌كه‌وه نێردرابێت.
شاره‌زایان له باره‌ی ئه‌و ئاماژه‌یه‌وه، ئه‌و بڕوایه‌یان لا درووستبووه، ئاماژه‌كه له سندوقی ره‌شی فڕۆكه‌كه‌وه ناردراوه.
گومانده‌كرێت ئاماژه‌كه، كه ئه‌مڕۆ چوارشه‌ممه 9ی نیسان – ئه‌پریلی 2014، به‌دیكراوه، له ئامێری ده‌ستنیشانكردنی شوێن، كه له سندووقی ره‌شی فڕۆكه‌كه به‌ستراوه، ناردرابێت و پێشتریش هه‌مان ئاماژه له ناوچه‌كانی گه‌ڕان به‌دوای فڕۆكه‌كه‌دا تۆمار كراوه.
به‌دیكردنی ئه‌و ئاماژه‌یه، له كاتێكدایه، كه پێشتر راگه‌یه‌ندرابوو، به هۆی له‌ده‌ستدانی وزه‌ی پاتری سندووقه ره‌شه‌كه‌وه ئه‌سته‌مه هیچ ئاماژه‌یه‌كی ئه‌لیكترۆنی له سندووقه ره‌شه‌كه‌وه به‌دیبكرێت.
ئه‌مڕۆ 33 رۆژ به‌سه‌ر ونبوونی فڕۆكه‌كه‌دا تێپه‌ڕ ده‌بێت و پاتری سندووقه ره‌شه‌كه‌ش ته‌نیا بۆ ماوه‌ی 30 رۆژ وزه‌ی تێدا بووه.
10/04/2014
- داواکاری گشتیی کرماشان: لێکۆڵینەوە لەبارەی لێدانی قوتابیان دەکەین
- هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد
- گفتوگۆكانی ئێران و ئەمریكا لە عومان دوای دو کاتژمێر کۆتایی هات
- ئێران شەڕو دانوستانی ناڕاستەوخۆی پێ باشە!
- داواکارییەکانی ئێران و ئەمریکا لەیەکتریی چیە؟
- وەزیری بەرگریی ئیسرائیل هۆشداری دەداتە ئەحمەد شەرع
- وادەی هێرشی ئەمریکا بۆ سەر ئێران ئاشکرا کرا
- دەستووری کاتی سوریا نیگەرانی لایەن کوردییەکان و چاودێرانی لێدەکەوێتەوە
- بارودۆخی نالەباری ئابووریی ئێران پێدەچێت کۆماری ئیسلامی ناچار بکات لەگەڵ سەرۆک ترامپ ڕێککەوتن بکات
- عڕاقچی: هێشتا نامەکەی ترەمپ بە دەستمان نەگەیشتووە
- وەزیری دەرەوەی ئێران دەڵێت بڕیارە نامەکەی ترامپ لە لایەن نێردراوێکی وڵاتێکی عەرەبیەوە بگەیەنرێتە تاران
- مەزڵوم عەبدی و ئەحمەد ئەلشەرع بە ڕێکەوتن دەگەن
- 8ی مارس.. شۆڕشێك لەپێناو مافی ژنان
- سری سورەییا ئۆندەر: باخچهلی پێی گوتم، ڕۆژێک دێت پێکەوە هەڵپەڕکێی ئاشتیی دەکەین
- حكوومهتی ئێران : له‌گه‌ڵ ئهورووپا درێژه به گفتوگۆ ئهتۆمییهكان دهدهین
- عەلی باپیر، سەرۆکی کۆمەڵی دادگەری کوردستان سەبارەت بە پەیامی ئۆجەلان"هیوادارم هەردوولا بە کردەوە بەدەم بانگەوازەکەوە بچن."
- ئەمینداری گشتیی یەکگرتوو پەیامی ئۆجەلان "پەیامێکی پڕ لە بەرپرسیاریەتی و بایەخ و واقعیەتە"
- سەرۆك بافڵ جەلال تاڵەبانی: پێشوازی لە پەیامەکەی بەڕێز عـ.ـەبدوڵا ئـ.ـۆجەلان دەکەین
- سەرۆک بارزانی: هیوادارین پەیامەکەی ئۆجەلان دەستپێکێک بێت بۆ ئەوەی پڕۆسەی ئاشتی رێی خۆی بگرێت
- زەینەب جەلالیان لە 17هەمین ساڵی زیندانیکردنیدا لە ناو زیندانەوە باس لە ئازارەکانی دەکات
- بزووتنەوەی کۆماریخوازانی ڕۆژهەڵاتی کوردستان ٢ی ڕێبەندان، ٧٩هەمین سالرۆژی دامەزرانی یەکەم کۆماری کوردستان، لە نەتەوەی کورد پیرۆزدەکات
- پەیامی پیرۆزبایی کۆماریخوازان بۆ بەرێز مەسعوود پزیشکیان
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
