به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
کۆماریخواز/ ناوەندی هەوال/ هەۆلێر: رۆژی دووشەمە رێکەۆتی ٣١ ئادار، شاندێکی بزوتنەوەی کۆماریخوازی رۆژهەلاتی کوردستان بە سەرپەرشتی هیوا کوردستانی نوێنەری بزوتنەوە لە هەۆلێر، و کاک سالە برناس و کاک ژیلوان مستەفا چاڵاکوانانی بەشی پەیوەندی بزوتنەوەی کۆماریخوازانی رۆژهەلات، سەردانی ناۆچەی خانزاد پارتی دێموکراتی کوردستانیان لەشاری هەۆلێرکرد کە لە لایان مەسئولی ناۆچە ماموەستا زامناک و مسئولی ڕیکخراوەکانی سەربە ناۆچە زۆر بە گەرمی پێشوازیان لێ کرا
لەسەرەتای دیدار و دانێشتنەکەدا، شاندی بزووتنه‌وه باسێکی سه‌باره‌ت به ئیستراتێژی، پرۆژه‌ی ئاشته‌وانی و سیاسەتەکانی بزووتنەوە، وه هه‌روه‌ها شیواز و مێتۆدی خه‌بات، له‌گه‌ل مکانیزمه‌کانی گوونجا و کارا بۆ ده‌سته‌به‌رکردنی ئامانجی ئیستراتێژێکی بزووتنه‌وه، روو له‌شاندی خانەخوێ ئاراستەکرد، که له‌م په‌یوه‌ندییه‌دا شاندی پارتی دێمۆکراتی کوردستان، له‌گه‌ل به ئیجابی و سەردەمیانە نرخاندنی پرۆژه‌ی ئاشته‌وانی بزووتنه‌وه، ئیستراتێژی بزووتنەوەی کۆماریخوازانیان لەگەل ئەندیشەی ئیستراتێژیکی بەرێز سەرۆکی هەرێم کاک مەسعود بارزانی، لەمەر سوودوەرگرتن لە مکانیزمەکانی دیالۆگ و دانووستاندن بۆ بەئاشتی کردنی کێشەی کوردانی بەشەکانی دیکەی کوردستان، هاۆتەریب نەرخاند، و هێواخوازبوون کە گشت لایه‌نه‌کانی کوردستانی بە گەرمی پێشوازی و پشتگیری لەم پرۆژه‌ی ئاشتەوانی بزووتنەوە بکه‌ن.
لە تەوەرێکی دیکەی دانێشتنەکەدا، ماموەستا زامناک زۆر بە شێوەیەکی زانستیانە لێکدانەوەیەکی سەبارەت بە مێژوویی پەر لە نەهامتی کورد ئاراستەکرد، و لەدرێژەی ئاخەفتنەکەیدا، هەۆلی گشت لایەنەکانی ناۆ گۆرەپانی خەباتی بۆ رێکخستنەوەی ناۆمالی کوردی، وەک پێویستێکی هەرە گرینگ و هەنووکەیی نرخاند، و لەم پەیوەندیەشدا هێوای خواست کە حیزبەکانی رۆژهەلات زیاتر هەۆلی لەیەک نێزیکبوونەوە بدەن، چونکە ئەۆ لێکدابرانە بۆوت بە هۆی ڵاۆازی حیزبەکان و بی هیوابوونی گەڵی کورد لە رۆژهەلـات ..
لە دریژی دانێشتنەکاندا نوێنەری بزووتنەوە چالاکوان هیوا کوردستانی باسی لە دوخی هەنووکەیی کۆردستانی، ناۆچەیی، و جیهانی کرد، و لەم پەیوەندییە بە تایبەت تیشکی خستە سەر رۆلی پارتی دیمۆکراتی کوردستان کە بە درێژایی مێژوو هەۆلی ئەوەێ داوە ناۆ مالی کورد ڕێکبخات و لە هەمان کاتدا دەست خوشی لە رولی پارتی کرد کە بوتە هوێ حەوانەوەی هەموو بەشەکانی کوردستان بە تایبەت براو خوشکە ئاوارەکانی رۆژئاوەی کوردستان.
شایانی باسە دیدارەکە زیاتر لە یەک سەعاتی خایاند و دوولایەن بریاریاندا کە بتوانن ئاستی هاریکاری و پیوەندییە دێپلۆماسی و دووقۆلیەکانیان پەرە پێ‌بدەن، و بەم مەبەستەش دیدار و سەردانی بەردەوامیان وەک مکانیزمی گوونجاۆ و کارا بۆ پاراستن و بەهێزکردنی پەیوەندی دووقۆلی بە پێویست دەستنیشان کرد.
31/03/2014
له هه‌ڵبژاردنی شاره‌وانییه‌كان له باكوری كوردستان، پارتی ئاشتی و دیموكراسی به‌ده‌په، ئامه‌د و ماردین و دێرسیم و وان ده‌باته‌وه و ئۆرفاش به ئاكه‌په ده‌دۆڕێنێت.
به‌پێی دواین ئه‌نجامه‌كانی هه‌ڵبژاردنی شاره‌وانییه‌كان له باكوری كوردستان، پارتی ئاشتی و دیموكراسی توانی رێژه‌ی ده‌نگه‌كانی به به‌راورد به هه‌ڵبژاردنه‌كانی 2009 به‌رزتر بكاته‌وه و جگه له گه‌وره‌شاری ئامه‌د، ماردین و وان، دێرسیمیش بباته‌وه و له به‌رامبه‌ریشدا ئۆرفای به پارتی داد و گه‌شه‌پێدان دۆڕاند.
ئاژانسی هه‌واڵی دیجله بڵاویكرده‌وه به‌ده‌په له‌م هه‌ڵبژاردنه‌دا توانیویه‌تی له كۆی 81 گه‌وره‌ی شاری توركیا 10 شاره‌وانی بباته‌وه.
به‌پێی هه‌واڵه‌كه به‌ده‌په توانیویشیه‌تی شاره‌كانی بدلیس و ماردین و ئاگری له ئاكه‌په و شاری دێرسیمیش له پارتی گه‌لی كۆماری جه‌هه‌په بباته‌وه.
شاری ئۆرفاش سه‌ره‌ڕای ئه‌وه‌ی كه به‌ده‌په هه‌وڵێكی زۆری بۆ بردنه‌وه‌یدا، به‌ڵام ئاكه‌په بۆ جارێكی دیكه تێیدا سه‌ركه‌وت.
به‌ده‌په بۆ بردنه‌وه‌ی شاری ئۆرفا له ئاكه‌په، له سه‌ر داوای عه‌بدوڵڵا ئۆجه‌لان، عوسمان بایده‌میری كاندید كرد به‌ڵام به پێی دواین ئه‌نجامه‌كان له‌و شاره به‌ده‌په ته‌نها له سه‌دا 21ی ده‌نگه‌كانی به ده‌ستهێناوه.
31/03/2014
سه‌رۆكی هه‌رێمی كوردستان رایگه‌یاند كه له‌سێداره‌دانی پێشه‌وا قازی محه‌مه‌د و هاوڕێیانی هه‌ستی كوردایه‌تی و ئازادیخوازی له ناخی تاكی كورددا به‌هێزتر كرد، په‌یامی ئاشتی و ره‌وایه‌تیی دۆزی گه‌له‌كه‌مانیشی دووپاتكرده‌وه.
ئه‌مڕۆ مه‌سعود بارزانی سه‌رۆكی هه‌رێمی كوردستان له په‌یجی تایبه‌تی خۆی له تۆڕی كۆمه‌ڵایه‌تی فه‌یسبووك په‌یامێكی به‌بۆنه‌ی ساڵیادی له‌سێداره‌دانی پێشه‌وا قازی محه‌مه‌د و هاوڕێیانی بڵاوكرده‌وه.
مه‌سعود بارزانی نووسیویه‌تی: "له ساڵیادی له‌سێداره‌دانی پێشه‌وا قازی محه‌ممه‌د سڵاو بۆ گیانی پاكی قازی و گشت شه‌هیدانی ڕێگه‌ی ئازادی ده‌نێرین".
بارزانی ده‌ڵێت: "مه‌رگ و فیداكاریی پێشه‌وا قازی له پێناو به‌رده‌وامیی خه‌باتی گه‌لی كورد بوو".
ئاماژه‌شی به‌وه‌داوه كه "له‌سێداره‌دانی قازی و هاوڕێیانی هه‌ستی كوردایه‌تی و ئازادیخوازی له ناخی تاكی كورددا به‌هێزتر كرد".
سه‌رۆكی هه‌رێمی كوردستان ده‌ڵێت: "له‌م یاده‌دا په‌یامی ئاشتی و ڕه‌وایه‌تیی دۆزی گه‌له‌كه‌مان دووپات ده‌كه‌ینه‌وه و گه‌لی كورد به هیوایه‌كی زۆر مه‌زنتر سه‌یری داهاتوو ده‌كات".
له 30ی ئازاری 1947دا پێشه‌وا قازی محه‌مه‌د سه‌رۆكی یه‌كه‌م كۆماری كوردستان له‌لایه‌ن دادگای سه‌ربازی ئێرانه‌وه مه‌یدانی چوارچرای شاری مه‌هاباد له‌سێداره‌درا.
30/03/2014
ئەحمەد چەلەبی، سەرۆكی حیزبی ئەنجوومەنی نیشتمانی عێراق رایدەگەیەنێ، فشاری ئێران بۆ سەر جەلال تاڵەبانی، سەرۆك كۆماری عێراق هۆكاری سەرەكی لێنەسەندنەوەی متمانە بوو لە نوری مالیكی، سەرۆك وەزیرانی عێراق لە ساڵی 2011. ئەحمەد چەلەبی دەڵێت "لە ساڵی 2011 كاتێك بەرەی هەولێر- نەجەف كە هاوپەیمانی كوردستانی و هاوپەیمانی عێراقییە و رەوتی سەدری لە خۆگرتبوو و ویستیان لە پەرلەمان متمانە لە نووری مالیكی بسەننەوە، بەڵام ئێران شكستی بە هەوڵەكانی ئەو بەرەیە هێنا". سەرۆكی حیزبی ئەنجوومەنی نیشتمانی عێراق ئاماژە بۆ ئەوەدەكات، ئێران فشاری خستەسەر سەرۆك كۆماری عێراق و وایكرد تاڵەبانی نووسراوی لێسەندنەوەی متمانە لە مالیكی نەنێرێ بۆ پەرلەمان و لە ساتە هەستیارەكان بكشێتەوە و شكست بە هەوڵەكانی بەرەی هەولێر و نەجەف بهێنێ. هاوكات حیزەت شابەندەر، سەركردەی پێشووی هاوپەیمانی دەوڵەتی یاسا كە مالیكی سەرۆكایەتی دەكات، لەبارەی هەوڵەكانی لێسەندنەوەی متمانە لە مالیكی و پێكهێنانی حكومەتی كاربەڕێكەر تاوەكو كاتی ئەنجامدانی هەڵبژاردن، رایگەیاند "ئەو هەوڵانە دواكەوتن و لەم بارودۆخەی ئێستای عێراق لایەنە سیاسییەكان پێشوازی لێناكەن". ئەمە لەكاتیكدایە ململانێی نێوان نووری مالیكی بە نوێنەرایەتی حكومەتی عێراق و ئوسامە نوجەیفی بە نوێنەرایەتی پەرلەمانی عێراق پێی ناوەتە قۆناخێكی سەختەوە دوای ئەوەی مالیكی پەرلەمان و سەرۆكایەتی پەرلەمان بە پیلانگێڕی لە دژی حكومەت تومەتباركرد. لە بەرامبەردا ئوسامە نوجەیفی، مالیكی بە تاكڕەوی لە دەركردنی بڕیارەكان و كۆكردنەوەی دەسەڵاتەكان و وەزارەتە هەستیارەكان لە دەستی خۆی تۆمەتباردەكات و چاودێران دەڵێن خەڵوزی ئاگری ئەم ململانێیەی نێوان هەردوو دەسەڵاتی یاسادانان و جێبەجێكردن، گەلی عێراقە.
28/3/2014
نووری ئەبو سەهمەین، سەرۆكی كۆنگرەی نشتمانی كە خاوەنی گەورەترین دەسەڵاتە لە لیبیادا، بەهۆی ئەو كەیسەی كە میدیاكانی ئەو وڵاتە ناویان ناوە "كەیسی لەشفرۆشی" لێكۆڵینەوەی لەگەڵدا دەكرێت. عەبدولقادر رەزان-ی، داواكاری گشتی لیبیا داوای ڵكۆڵینەوەی كردووە لە گرتەیەكی ڤیدیۆیی، كە رۆژی سێشەممە 25-3-2014 لە تۆڕە كۆمەڵایەتییەكان و هەندێك لە كەناڵە تەلەفزیۆنییەكانی ئەم وڵاتە بڵاوكرایەوە. لە گرتە ڤدۆییكەد ناوی چەند ژنێك دەهێندرێت و ئەوانیش لێكۆڵینەوەیان لەگەڵ دەكرێت، عەلی ئەبو سەهمەینیش بە پەشۆكاوی و نیشانەكانی شەرمكردن لە رووخساریدا دەردەكەوێت و ئەو هۆكارە رووندەكاتەوە كە بەهۆیەوە دەبوایە لەگەڵ ژنەكە بێت. ئۆفیسی داواكاری گشتیش رۆژی چوارشەممە لەم بارەیەوە رایگەیاندووە، ئەوان لێكۆڵینەوە لە دەستبەسەركردنی نایاساییانەی تۆمەتبار و تاوانە نا ئەخلاقییەكانی ئەبو سەهمەینیش دەكەن ئەگەر بوونیان هەبێت. سەدیق سوور، سەرۆكی بەشی لێكۆڵینەوەكان لە ئۆفیسی داواكاری گشتی دەڵێت "لێكۆڵینەوە لە هەموو كەیسەكە دەكرێت و رەنگیشە ئەو كەیسە زیان بە ئەبو سەهمەین بگەیەنێت، كە سەرۆكی باڵای سوپایە و دەسەڵاتێكی نیمچە سەرۆكی هەیە، ئەمەش لە لەكاتێكدایە كە لیبیا رووبەڕووی چەندین كێشە دەبێتەوە". لە هەندێك بەشی ئەو گرتە ڤیدۆییەدا ئەبوسەهمەین لەگەڵ ژنێك بە جلوبەرگی خەوتنەوە لە شوقەی ژنەكە دەردەكەوێت و كاری نەشیاودەكەن، هەر لە ڤیدیۆكەدا دەردەكەوێت چۆن گەنجانی لیبی ئەبو سەهمەینیان رفاندووە و لێكۆڵینەوەیان لەگەڵ كردووە، ئەمەش لە كاتێكدا ئەو هەمیشە رەتیدەكاتەوە ئەو پێشتر رفێندرابێت، لە بەشی دووەمی ڤیدیۆكەدا دەردەكەوێت چۆن ئەبو سەهمەین لەو گەنجانە دەپاڕێتەوە، كە رفاندویانە بۆ ئەوەی ئاشكرای نەكەن. بەگوێرەی سەرچاوە لیبیەكان ڤیدیۆكە بۆ مانگی كانوونی دووەمی رابردوو دەگەڕێتەوە.
28/3/2014
سه‌ڵاحه‌دین ده‌میرتاش، هاوسه‌رۆكی پارتی ئاشتی و دیموكراسی ( به‌ده‌په) داوا ده‌كات كورد بیر له سیسته‌مێكی ئابووری و بازرگانی تایبه‌ت به خۆی بكاته‌وه‌و له سه‌ر ئاستی رۆژهه‌ڵاتی ناوه‌ڕاستدا بازاڕێكی گه‌وره‌ی ئابوری دروست بكات.
به‌پێی هه‌واڵێكی ئاژانسی دیجله سه‌لاحه‌دین ده‌میرتاش له میانه‌ی كۆبوونه‌وه‌یه‌كی جه‌ماوه‌ریدا له شاری بدلیسی باكوری كوردستان رایگه‌یاندووه له ئێستادا كورد ده‌توانێت هه‌ر له باشوری كوردستانه‌وه تا ده‌گاته باكور و رۆژئاوای كوردستان سیسته‌می ئابوری و بازاڕێكی گه‌وره له‌سه‌ر ئاستی رۆژهه‌ڵاتی ناوه‌ڕاست دروست بكات.
ده‌میرتاش راشیگه‌یاندووه چیتر نابێ بهێڵین 40 ملیۆن كورد له هه‌ژاریدا بمێننه‌وه به‌وپێیه‌ی سیاسه‌ت و حیزبی كوردی له سه‌ر ئاستی ناوچه‌كه‌دا به‌هێزبوون، به‌هه‌مان شێوه‌ش ده‌كرێت كورد ببێته خاوه‌ن ئابوورییه‌كی به‌هێز و كورد خۆی بڕیار له سیاسه‌تی ئابوری خۆی بدات.
26/03/2014
وه‌زیری وزه‌ی توركیا ڕایگه‌یاند، وڵاته‌كه‌ی ئاماده‌یه نه‌وتی هه‌رێمی كوردستان هه‌نارده‌ی بازاره‌كانی جیهان بكات له‌گه‌ڵ پڕبونی عه‌مباره‌كانی هه‌ڵگرتنی نه‌وت .
ئاژانسی ڕۆیته‌رز بڵاویكرده‌وه، تانه‌ر یه‌ڵدز وه‌زیری وزه‌ی توركیا له چاوپێكه‌وتنێكدا له‌گه‌ڵ ته‌له‌فزیۆنی NTV توركی ڕایگه‌یاندووه، كاتێك عه‌باره‌كانی هه‌ڵگرتنی نه‌وت پربوون، زیاده‌ی نه‌وت ده‌بێت، ئه‌وكاته‌ش زیاده‌كه ڕه‌وانه‌ی بازاڕه‌كانی جیهانی ده‌كه‌ن بۆ فرۆشتن و حكومه‌تی عێراقیش له‌وه ئاگادارده‌كه‌نه‌وه.
له 24 ئه‌م مانگه‌ش تانه‌ر یڵدز، له‌كاتی سه‌ردانیكردنی به‌ڕێوه‌به‌رایه‌تیی گواستنه‌وه و بۆڕییه‌كانی نه‌وت له شارۆچكه‌ی جه‌یهانی سه‌ر به پارێزگای ئه‌ده‌نه‌ی توركیا رایگه‌یاند، توركیا رۆژانه كرێی تێپه‌ڕبوونی 750 هه‌زار به‌رمیل له‌سه‌ر عێراق حیساب ده‌كا بۆیه وا چاكتره نه‌وته‌كه ره‌وانه بكرێ.
پێشتریش تانه‌ر یه‌ڵدز رایگه‌یاندبوو، نزیكه‌ی ملیۆنێك و 350 هه‌زار به‌رمیل نه‌وت له ئه‌مباری (یومورتالك)خه‌زن كراوه و به‌رده‌وامیش زیاتر ده‌بێت‌و، له سه‌روبه‌ندی ئه‌وه‌یه ڕه‌وانه‌ی بازاڕه‌كان بكرێت.
26/03/2014
مۆسكۆ: سه‌رۆكی روسیا ڤلادیمێر پۆتین، رایگه‌یاند، راپرسییه‌كه‌ی خه‌ڵكی قرم هاوڕێك بووه له‌گه‌ڵ هه‌موو پێوه‌ره‌كانی دیموكراسی و یاسای نێوده‌وڵه‌تی و خه‌ڵكی قرمیش وه‌ك كۆسۆڤۆییه‌كان مافی خۆیانه بڕیار له باره‌ی چاره‌نووسیانه‌وه بده‌ن.
له‌نێو هۆڵی په‌رله‌مانی روسیا له مۆسكۆ، په‌یماننامه‌ی لكاندنی نیمچه‌دوورگه‌ی قرم به ڕوسیاوه له نێوان سه‌رۆكی ڕوسیا و هه‌ریه‌ك له ڤلادیمێر قسته‌نتینوفی سه‌رۆكی په‌رله‌مان‌و سێرگی ئه‌كسیونوف سه‌رۆك وه‌زیرانی قرم ئیمزاكرا.
كه‌مێك پێش ئێستا له‌به‌رده‌م ئه‌نجومه‌نی نوێنه‌رانی و ئه‌ندامانی ئه‌نجومه‌نی ئیتحادی روسیا، ناسراو به ئه‌نجومه‌نی "دۆما" سه‌رۆكی روسیا وتارێكی پێشكه‌شكرد.
له‌و وتاره‌یدا پۆتین رایگه‌یاند، وه‌ك ئه‌وه‌ی خۆرئاواییه‌كان بۆ كۆسۆڤۆ كردییان، ئێمه‌ش بۆ خه‌ڵكی قرم به ره‌وای ده‌زانیین بڕیار له باره‌ی چاره‌نووسی خۆیانه‌وه بده‌ن.
وتیشی: "له‌سه‌دا 82ی ده‌نگده‌ران به‌شدارییان له راپرسییه‌كه‌ی قرم كردووه و زیاتر له 96 له‌سه‌دی به‌شداران ژیانیان له‌گه‌ڵ روسیا هه‌ڵبژاردووه، ئێمه‌ش پێشوازی له‌و بڕیاره‌یان ده‌كه‌ین وه‌ك چۆن خۆرئاواییه‌كان پشتیوانییان له كۆسۆڤۆ و چه‌ندین هه‌رێمی دیكه كرد.
دواتر هه‌ریه‌ك له سه‌رۆكی روسیا و سه‌رۆكی هه‌رێمی قرم پرۆتۆكۆڵی په‌یوه‌ستبوونی قرمیان به روسیای ئیتحادییه‌وه ئیمزا كرد و بڕیاره له چه‌ند كاتژمێری داهاتوودا، پرۆتۆكۆله‌كه بخرێته به‌رده‌ست دامه‌زراوه ره‌سمییه‌كانی ئه‌و وڵاته بۆ ئه‌وه‌ی كار له‌سه‌ر جێبه‌جێكردنی پرۆسه‌ی په‌یوه‌ستبوونه‌كه‌ی قرم به روسیاوه بكه‌ن.
په‌رله‌مانی قرم ئه‌مڕۆ داوای له روسیا كرد وه‌ك یه‌كه‌یه‌كی كارگێڕی قرم له چوارچێوه‌ی روسیای فیدراڵ قبوڵ بكات، ئه‌وه‌ش دوای ئه‌وه‌ی دوێنی په‌رله‌مانی قرم به پشتبه‌ستن به ڕاپرسیه‌كه بڕیاریدا به جیابوونه‌وه‌ی نیمچه دوورگه‌كه له ئۆكرانیا‌و چوونه پاڵ ڕوسیا وه‌ك كۆمارێكی سه‌ربه‌خۆ و خاوه‌ن سه‌روه‌ریی.
به‌ڵام بۆ شاری سیفاستوبول ستراتیژیی قرم بارودۆخێكی تایبه‌ت له به‌چاو گیراوه له ئیداره‌كردنی له چوارچێوه‌ی كۆماری قرمدا.
له دانیشتنه‌كه‌ی ئه‌مرۆی په‌رله‌مانی ڕوسیا ئه‌لیكسی چارلی پارێزگاری شاری سیفاستوبول ئاماده‌بوو، ئه‌ویش ئیمزای له‌سه‌ر په‌یماننامه‌ی لكاندنی قرم به ڕوسیاوه كرد.
25/03/2014
واشنتن: نووسه‌ری ئه‌مریكایی دانا میلبانك له وتارێكدا كه له رۆژنامه‌ی "واشنتن پۆست" بڵاویكردووه‌ته‌وه، رایگه‌یاندووه، داستانی ده‌ستگرتنی روسیا به‌سه‌ر نیمچه دوورگه‌ی قرم و ونبوونی فرۆكه مالیزیاییه‌كه به‌ڵگه‌ن بۆ پاشه‌كشێ و لاوازی ئه‌مریكا و سنوورداربوونی ده‌سه‌ڵاتی.
ئه‌و نووسه‌ره ئه‌وه‌شی نووسیوه: "درك كردن به راسته‌قینه زۆر جار ئه‌سته‌مه پاساو و بیانووی بۆ بدۆزرێـته‌وه. هه‌رچه‌نده ئه‌مریكا دژی لكاندنی قرم بوو به روسیاوه، به‌ڵام ئه‌مریكا نه‌یتوانی رێگری له مۆسكۆ بكات و به‌مه‌ش ده‌ركه‌وت چیدیكه جیهان موڵكی ئه‌مریكا نییه".
میلبانك، نووسیویه‌تی: "له‌لایه‌كی دیكه‌وه ونبوونی فڕۆكه مالیزیاییه‌كه‌ش به‌ڵگه‌یه‌كی دیكه‌یه له‌سه‌ر لاوازبوونی ئه‌مریكا و كورتهێنانی هه‌ژموونی به‌سه‌رجیهاندا".
روونیشیكردووه‌ته‌وه، "ونبوونی فرۆكه‌یه‌كی مالیزیایی ئه‌وه پیشانده‌دات، ده‌گونجێت هه‌ر فڕۆكه‌یه‌كی دیكه له جیهاندا دیار نه‌مێنێت و هیچ شوێنه‌وارێكیشی به‌جێنه‌مێنێت".
ئه‌و نووسه‌ره له باره‌ی فڕۆكه‌كه‌وه وتویه‌تی: "په‌نهانی له رووداوی یه‌كه‌مدا و ده‌سته‌پاچه‌یی ئه‌مریكاش له باره‌ی رووداوی لكاندنی قرم به رووسیاوه له هه‌زاره‌ی نوێدا ده‌ریده‌خات، ده‌سه‌ڵاتی ئه‌مریكا سنوور دار بووه، تا ئه‌و راده‌یه‌ی به‌رپرسانی باڵای مۆسكۆ گاڵته‌یان به هه‌ڕه‌شه‌كانی ئه‌مریكا دێت".
25/03/2014
بان كیمۆن ئه‌مینداری گشتی نه‌ته‌وه یه‌كگرتووه‌كان، هه‌ردوو لایه‌نی به‌شه‌ڕهاتوی سوریای به‌وه تۆمه‌تباركرد كه بوونه‌ته ڕێگر له گه‌یاندنی هاوكارییه‌كان به لێقه‌وماوانی ئه‌و ولاَته.
له‌یه‌كه‌م ڕاپۆرتدا كه له‌باره‌ی جێبه‌جێكردنی بڕیاره‌كه‌ی ئه‌نجومه‌نی ئاسایش بۆ گه‌یاندنی هاوكارییه مرۆییه‌كانه‌وه ئاماژه به‌وه‌دراوه، كه تائێستاش هێزه‌كانی حكومه‌تی سوریا به‌رده‌وامن له ئابڵوقه‌دانی 175 هه‌زار كه‌س، هاوكات هێزه‌كانی ئۆپۆزسیۆنیش له‌ناوچه‌یه‌كی تر 45 هه‌زار كه‌سیان ئابڵوقه‌داوه.
بان كیمۆن وتویه‌تی" تا ئێستا نیوه‌ندگیری تر نه‌كراوه بۆ فه‌راهه‌مكردنی ئاگربه‌ستێكی تر له سوریا، ته‌نانه‌ت هه‌ندێك جار ئه‌و ئاگربه‌سته‌ی ئێستا هه‌یه له‌و ناوچانه پێشێلده‌كرێت".
به پێی راپۆرته‌كه، له‌ئێستادا نۆملیۆن‌و 300 هه‌زار كه‌س پێویستیان به‌هاوكاری مرۆیی هه‌یه‌‌و دوو ملیۆن‌و 600 هه‌زار كه‌سی تریش له‌ترسی جه‌نگ زێدی خۆیان جێهێشتووه‌و ئاواره بوون.
له ئێستادا ئه‌نجومه‌نی ئاسایش به‌نیازه له‌كاتی جێبه‌جێنه‌كردنی بڕیاره‌كانی پێشوویدا ڕێوشوێنی نوێ بگرێته به‌ر، به‌ڵام ژماره‌یه‌ك دیبلۆماتكار ڕایانگه‌یاند پێناچێت ڕوسیا ره‌زامه‌ندی نیشانبدات و ڕێگه بدات ئه‌نجومه‌نی ئاسایش هیچ بڕیارێك له‌دژی حكومه‌تی سوریا ده‌ربكات، ئه‌گه‌ر هات‌و ده‌ركه‌وت حكومه‌ت ده‌ستی هه‌یه له‌و ڕێگرییه‌دا.
25/03/2014
سه‌رۆكایه‌تی هه‌رێمی كوردستان له‌به‌یاننامه‌یه‌كدا "نیگەرانی و دڵتەنگیی" خۆی بۆ گیان لەدەستدانی رۆژنامەنووس دکتۆر محمد بدێوی رادەگەینێت کە لە رۆژی ٢٢/٣/٢٠١٤ لە شاری بەغدا بووە قوربانی و وه‌لامی وته‌كانی نوری مالیكی سه‌رۆك وه‌زیرانی عێراقیشی دایه‌وه.
پێش نیوه‌ڕۆی شه‌ممه 22ی ئازار – مارسی 2014، له ناوچه‌ی جادرییه‌ی به‌غدای پایته‌خت رۆژنامه‌وان و مامۆستای به‌شی راگه‌یاندن دكتۆر محه‌ممه‌د بدێوی شه‌ممه‌ریی كوژرا.
بدێوی به‌ڕێوبه‌ری نووسینگه‌ی رادیۆی عێراقولحوڕ بوو، دوای كوژرانی، ماڵپه‌ڕی رادیۆی عێراقولحوڕی ئه‌مریكایی بڵاویكرده‌وه، به‌ڕێوبه‌ری نووسینگه‌كه‌یان له به‌غدا، له لایه‌ن هێزێكی سه‌ر به فه‌وجی پاسه‌وانی سه‌رۆكایه‌تی كۆمار كوژراوه.
نوری مالكی رۆژی رووداوه‌كه خۆی ته‌رمی محه‌مه‌د بدێوی دایه‌وه كه‌سوكاره‌كه‌ی و به‌ڵێنی پێدان بكوژه‌كه‌ی راده‌ستی دادگا بكات و وتی "سزای ئه‌و تاوانه خوێن به خوێنه"، ئه‌و لێدوانه‌ش كاردانه‌وه‌ی لێكه‌وته‌وه.
سه‌رۆكایه‌تی هه‌رێم له‌به‌یاننامه‌كه‌دا هیوای خواست دادگایەکی عادیلانە رێوشوێنی یاسایی پێویست بگرێتە بەر بۆ لێکۆڵینەوە لە رووداوەکە و یەکلاکردنەوەی ئەم دۆسیەیە.
سه‌رۆكایه‌تی هه‌رێم ئاماژه‌ی به‌وه‌شكرد لەم چەند ڕۆژەدا بەهۆی بەدواداچوونی وردی ڕووداو و لێدوانەكان هیوامان دەخواست ئەم بابەتە لە سنووری یاسایی خۆی دەرنەچێت و پێمان باشە یاسا و دەسەڵاتی قەزایی دوور لە دەستێوەردانی سیاسییەكان ڕۆڵی بێلایەنانەی خۆی بگێڕێت.
ئه‌وه‌شی خستووه‌ته‌ڕوو "دوای ڕووداوەکە لێدوان و هەڵوێستی هەندێ کەسایەتیی سیاسیی عێراقی بوونەتە هۆی نیگەرانیی شەقامی عێراقی و دەچنە چوارچێوەی هەڕەشە لە ئاشتی و پێکەوەژیانی پێکهاتەکانی عێراق و فراوانکردنی ئاڵۆزییەکان و نانەوەی ئاژاوە و دووبەرەکی لەنێوان هاووڵاتییاندا. لێرەدا بە پێویستی دەزانین رای گشتی عێراقی ئاگادار بکەینەوە کە نابێت رێگا بە هیچ کەس و لایەنێک بدرێت درز بخاتە ناو برایەتیی پێکهاتەکانی عێراق و بازرگانیی بە گیانی دکتۆر محمد بدێوی بکرێت".
له‌به‌یاننامه‌كه‌دا هاتووه "جێگەی داخە لە دوای ڕوودانی ئەم كارەساتە سەرۆك وەزیرانی عێراقی وشەی نامۆ و ناشرینی خوێن لەبەرانبەر خوێنی بەكار هێناوە كە دوورە لە بنەماكانی باڵادەستیی یاسا و دەوڵەتداری و كولتووری پێكەوەژیان و دیموكراسی. لە سایەی زێدەڕۆیی هەندێ لایەن و ئەم دۆخە ئەمنییە نالەبارەی لە عێراقدا هاتووەتە ئاراوە خەڵكێكی زۆر كوژراوە و لەم چەند ساڵەدا 400 مامۆستای زانكۆ لە عێراقدا تیرۆر كراون و كەس خۆی نەكردە خاوەنی خوێنیان و دەسەڵاتی بەغدا هیچ هەوڵێكی نەدا بۆ دۆزینەوەی تاوانباران. ئێستا كە هاووڵاتییەكی كورد لایەنێكی ئەم ڕووداوە نەخوازراوەیە دەیانەوێت لەڕووی سیاسییەوە ئیستغلالی بكەن و بیكەنە بابەتێكی زۆر مەترسیدار و هەوڵێك بۆ نانەوەی فیتنەی نێوان نەتەوە و پێكهاتەكانی عێراق. بۆیە بەرپرسیارێتیی هەر ڕووداو و کاردانەوەیەکی ئەم ڕەوشە دەکەوێتە ئەستۆی ئەوانەی دەیانەوێ ڕووداوەکە بۆ مەرامی سیاسی بەکار بهێنن".
سه‌رۆكایه‌تی هه‌رێم پرسیاری ئه‌وه‌ده‌كات "ئەگەر دەستەڵاتدارانی عێراقی بەم لۆژیكە سەیری ڕووداوەكان دەكەن پرسیار ئەوەیە كێ خوێنی 5000 شەهیدی هەڵەبجە و 182000 ئەنفال و 8000 بارزانی و 12000 فەیلی دەداتەوە؟ سەرباری ئەم قوربانییە مەزنە گەلی كورد لەپێناو بنیاتنانی ژیانێكی تازە و هیوایەكی نوێ هیچكات ئامادە نەبوو بڵێ: " خوێن لەبەرانبەر خوێن".
جه‌ختیشده‌كاته‌وه "پێویستە لەم كەیسەدا قەزا دوور لە حەزی ناڕەوای سیاسییەكان ئەم كێشەیە یەكلایی بكاتەوە و چیتر ڕێگە نەدرێ دەنگی ناقۆڵا بەرز ببێتەوە و ئیستغلالی ئەم ڕووداوە بكەن. گەلی كوردستان بڕیاری داوە بە برایەتی و تەبایی و پێكەوەژیان لەگەڵ عێراقدا بژییت. ئەگەر دەستەڵاتدارانی بەغدا ئەم برایەتییەیان نەوێت و هەر ڕۆژێك بە بیانوویەك كێشە دروست بكەن با بێن و پێكەوە دانیشین و كۆتایی بەم پەیوەندییە پڕكێشەیە بێنین".
25/03/2014
بە تۆمەتی هاندانی خەڵكی بۆ گردبوونەوە لەبەردەم فەرمانگەیەكی حكومیدا، دادگایەكی سعودیە، بڕیاریدا 10 ساڵ زیندانی بەسەر بەكارهێنەرێكی تۆڕێكی كۆمەڵایەتی بسەپێنێت.
بە پێی هەواڵێكی پێگەی ئەلیكترۆنی(بەعس میدیا) دادگای سعودیە بڕیاریداوە 10 ساڵ زیندانی بەسەر بەكارهێنەرێكی تۆڕی كۆمەڵایەتی (تویتەر) بسەپێنێت، چونكە لە رێگەی تویتەرەوە داوای كردووە، خەڵكی لەبەردەم نوسینگەكانی كاركردن كۆببێتەوە و هەروەها وێنەیەكی سوكایەتی پێكردنی موفتیەكی پێوە گیراوە.
ئەو دادگایە بڕیاری ئەوەشیداوە كە بڕی 25 هەزار دۆلار سزای دارایی ئەو كەسە بدات و پاش ئەوەی كە لە زیندانیش دەردەچێت بۆ ماوەی 10 ساڵ گەشتی دەرەوەی وڵات نەكات.
لای خۆشیەوە، وتەبێژی وەزارەتی دادی سعودیە، فەهد بن عەبدوڵا بەكران رایگەیاندووە" ئەو كەسە لەگەڵ ریفۆرمخوازان پەیوەندی هەبووە".
25/03/2014
به‌رگری ئاسمانی توركیا توانییان فڕۆكه‌یه‌كی جه‌نگی سوریی بخه‌نه خواره‌وه كه به‌شداربوو له شه‌ڕكردن دژ به سوپای ئازاد، كه ده‌یانه‌وێـت ده‌ست بگرن به‌سه‌ر ده‌روزه‌یه‌كی سنووری له ریف لازقییه، وه‌ك روانگه‌ی مافه‌كانی مرۆڤی سوریا رایگه‌یاند.
سه‌رچاوه‌كان به كه‌ناڵی عه‌ره‌بییه‌یان راگه‌یاند: "توركیا فڕۆكه‌یه‌كی جۆری میگ_ی سه‌ر به رژێمی سوریای كه هاتبووه ئاسمانی ئه‌و وڵاته، خسته خواره‌وه".
سه‌رچاوه‌كان ته‌ئكیدده‌كه‌نه‌وه، فڕۆكه‌كه له ناوچه‌ی سه‌مه‌نده‌های سنووری له‌گه‌ڵ ئه‌نتاكیا كه‌وتووه‌ته خواره‌وه.
روونشیده‌كه‌نه‌وه، فڕۆكه میگه‌كه به گوللـه‌ی به‌رگری ئاسمانی توركیا سووتاوه.
لای خۆیه‌وه، سه‌رچاوه توركییه‌كان ته‌ئكید له‌سه‌ر كه‌وتنه خواره‌وه‌ی فڕۆكه‌یه‌كی جۆری میگ ده‌كه‌نه‌وه، به‌ڵام به بێ ئه‌وه‌ی ئه‌و لایه‌نه ئاشكرا بكه‌ن، كه فڕۆكه‌كه‌ی خستووه‌ته خواره‌وه.
هه‌ر له‌و چوارچێوه‌یه‌دا، رامی عه‌بدولره‌حمان، به‌ڕێوه‌به‌ری روانگه‌ی سوری بۆ مافه‌كانی مرۆڤ، به فرانس پرێسی راگه‌یاند: "له كاتێكدا فڕۆكه‌یه‌كی جه‌نگی سوری بۆمبارانی ناوچه‌ی ریفی لازقیه‌ی ده‌كرد، له لایه‌ن به‌رگری ئاسمانی توركیاوه كرایه ئامانج و خرایه خواره‌وه".
ئاماژه‌ی به‌وه‌شدا، كه ئه‌وه‌ش بینراوه فڕۆكه‌كه به سووتاوی كه‌وتووه‌ته خواره‌وه، به‌ڵام كه‌وتووه‌ته سنووری سوریاوه.
هه‌روه‌ها ئه‌ردۆغان سه‌رۆك وه‌زیرانی توركیا دوپاتی كرده‌وه كه هێزه‌كانیان فرۆكه‌یه‌كی سه‌ربازی سوریایان خستۆته خواره‌وه.
له كۆبونه‌وه‌یه‌كی جه‌ماوه‌ری لایه‌نگرانی ئه‌ردۆغاندا ئه‌ردۆغان رایگه‌یاند: فرۆكه‌یه‌كی سوری ئاسمانی توركیای به‌زاندووه‌و فرۆكه‌كانی F16 توركی توانیویانه بیخه‌نه خواره‌وه.
له عه‌ره‌بییه‌وه: سۆران كه‌ریم
24/03/2014
لەگەڵ نزیكبوونەوەی هەڵبژاردنی شارەوانییەكانی توركیا كە بڕیارە 30ی ئازاری 2014 بەڕێوەبچێت بانگەشەی هەڵبژاردن لەلایەن پارت و لایەنە سیاسییەكانەوە چڕدەبێتەوە و ڕەجەب تەیب ئەردۆغانی سەرۆكی پارتی داد و گەشەپێدان "ئاكەپە" و سەرۆك وەزیرانی توركیا لە چوارچێوەی بانگەشەی هەڵبژاردن سەردانی ئامەد دەكات.
بڕیارە ئەردۆغان لە 27 مانگدا و سێ ڕۆژ بەر لە هەڵبژاردن سەردانی ئامەد بكات و پارتەكەشی ئامادەكاری دەكات بۆ ئەوەی لە 27ی ئازاردا لە مەیدانی ئیستاسیۆن لە ئامەد كۆبوونەوەیەكی جەماوەری بە ئامادەبوونی ئەردۆغان ڕێكبخات.
لەو چوارچێوەیەدا ئاكەپە لە شاری ئامەد و دەوروبەری دەستیكردووە بۆ ئامادەكاری بۆ كۆبوونەوەكە و داوا لە خەڵكی دەكات بەشداربن.
24/03/2014
دەسەڵاتدارانی رووسیا لە وەڵامی بەرپرسانی كەنەدا كە چەندین كەسیان خستبووە لیستی رەشەوە، هەستان بە سەپاندنی سزا بەسەر 13 كەسایەتی كەنەدی، بەوەی دەخرێنە لیستی رەشەوە و سەرجەم پارەكانیان لە بانكەكاندا بڵۆك دەكرێن.
لە بەیاننامەیەكدا وەزارەتی دەرەوەی رووسیا بڵاویانكردۆتەوە، سزای 13 كەسایەتی كەنەدیان داوە، بەوەی سەرجەم ئەژمارە بانكیەكانیان بڵۆك بكرێن.
رۆژی 17ی ئازاری ئەمساڵ، لە راگەێنراوێكی كۆشكی سپیدا هاتووە، سەرۆك كۆماری ئەمریكا باراك ئۆباما بڕیاریدا حەوت هاوڵاتی رووسی لەبەر قەیرانی دورگەی كریمە، سزا بدات.
هەروەها ئەوەش هاتووە، باراك ئۆباما فەرمانی داوە بە بلۆككردنی پارەكانیان و قەدەغەكردنی پێدانی ڤیزا، بۆ ئەو حەوت كەسە.
ئەم سزادانە ئەو كەسانەی گرتۆتەوە كە دووانیان راوێژكاری ڤلادیمێر پوتین، ئەندامی دۆما و جێگری سەرۆك وەزیرانی روسیا و، ڤیكتۆر یانكۆڤیچ سەرۆكی پێشووی ئۆكرانیا و لەگەڵ سێ هاوڵاتی ئۆكرانی دیكەدا كە دەستیان وەرداوەتە ناو كاروبارەكانی دورگەی كریمەوە.
25/03/2014
- داواکاری گشتیی کرماشان: لێکۆڵینەوە لەبارەی لێدانی قوتابیان دەکەین
- هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد
- گفتوگۆكانی ئێران و ئەمریكا لە عومان دوای دو کاتژمێر کۆتایی هات
- ئێران شەڕو دانوستانی ناڕاستەوخۆی پێ باشە!
- داواکارییەکانی ئێران و ئەمریکا لەیەکتریی چیە؟
- وەزیری بەرگریی ئیسرائیل هۆشداری دەداتە ئەحمەد شەرع
- وادەی هێرشی ئەمریکا بۆ سەر ئێران ئاشکرا کرا
- دەستووری کاتی سوریا نیگەرانی لایەن کوردییەکان و چاودێرانی لێدەکەوێتەوە
- بارودۆخی نالەباری ئابووریی ئێران پێدەچێت کۆماری ئیسلامی ناچار بکات لەگەڵ سەرۆک ترامپ ڕێککەوتن بکات
- عڕاقچی: هێشتا نامەکەی ترەمپ بە دەستمان نەگەیشتووە
- وەزیری دەرەوەی ئێران دەڵێت بڕیارە نامەکەی ترامپ لە لایەن نێردراوێکی وڵاتێکی عەرەبیەوە بگەیەنرێتە تاران
- مەزڵوم عەبدی و ئەحمەد ئەلشەرع بە ڕێکەوتن دەگەن
- 8ی مارس.. شۆڕشێك لەپێناو مافی ژنان
- سری سورەییا ئۆندەر: باخچهلی پێی گوتم، ڕۆژێک دێت پێکەوە هەڵپەڕکێی ئاشتیی دەکەین
- حكوومهتی ئێران : له‌گه‌ڵ ئهورووپا درێژه به گفتوگۆ ئهتۆمییهكان دهدهین
- عەلی باپیر، سەرۆکی کۆمەڵی دادگەری کوردستان سەبارەت بە پەیامی ئۆجەلان"هیوادارم هەردوولا بە کردەوە بەدەم بانگەوازەکەوە بچن."
- ئەمینداری گشتیی یەکگرتوو پەیامی ئۆجەلان "پەیامێکی پڕ لە بەرپرسیاریەتی و بایەخ و واقعیەتە"
- سەرۆك بافڵ جەلال تاڵەبانی: پێشوازی لە پەیامەکەی بەڕێز عـ.ـەبدوڵا ئـ.ـۆجەلان دەکەین
- سەرۆک بارزانی: هیوادارین پەیامەکەی ئۆجەلان دەستپێکێک بێت بۆ ئەوەی پڕۆسەی ئاشتی رێی خۆی بگرێت
- زەینەب جەلالیان لە 17هەمین ساڵی زیندانیکردنیدا لە ناو زیندانەوە باس لە ئازارەکانی دەکات
- بزووتنەوەی کۆماریخوازانی ڕۆژهەڵاتی کوردستان ٢ی ڕێبەندان، ٧٩هەمین سالرۆژی دامەزرانی یەکەم کۆماری کوردستان، لە نەتەوەی کورد پیرۆزدەکات
- پەیامی پیرۆزبایی کۆماریخوازان بۆ بەرێز مەسعوود پزیشکیان
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
