به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
محەممەد حاجی مەحموود لەبارەی گۆڕانكاری لە سكرتێری گشتی حیزبەكەی ئاشكاریدەكات، داوای لە حیزبی زەحمەتكێشان كردووە كەسێكیان ببێتە سكرتێری گشتیی حیزبی سۆسیالیست دیموكراتی كوردستان ، ئەو دەشڵێت "داوام لە خەڵكی سەربەخۆ و لایەنەكانی دیكەش كردووە ئەو پۆستە وەربگرن".
محەممەد حاجی مەحموود، سكرتێری حیزبی سۆسیالیست دیموكراتی كوردستان بەشداری بەرنامەی (رووداوی ئەمڕۆ)ی تەلەفزیۆنی (رووداو)ی كرد و رایگەیاند: "مەسەلەی دواكەوتنی حكومەت ئەوە نییە كە ئەو هەموو هەرایەی لەسەر دروستبووە، گۆڕینی نەخشەی پەرلەمانی كوردستان لە هەڵبژاردنی 21/9/2013 وایكرد كە حكومەت دوابكەوێت".
ئەو هۆكاری دیكە دەخاتەڕوو و پێیوایە، لەبەر ئەوەی هاوپەیمانەكەی پارتی دیموكراتی كوردستان نەیتوانی ببێتەوە هێزی دووەم، بۆیە ئەمە بووەتە هۆكارێك كە پارتی ورد بێت لە مەسەلەی هەڵبژاردنی شەریكێك لەنێوان بزووتنەوەی گۆڕان و یەكێتیی نیشتیمانيی كوردستاندا، بۆ ئەوەی لە چوار ساڵی داهاتوودا لەگەڵیدابێت.
لەبارەی بژاردەی پارتی بۆ دیاریكردنی هاوبەشێك بۆ حكومكردنی چوار ساڵی داهاتوو، سكرتێری حیزبی سۆسیالیست دیموكراتی كوردستان گوتی: "پارتی دەیەوێ گۆڕان كە هێزی دووەمی كوردستانە هەڵبژێرێت، لە هەمانكات نایەوێ دۆستە كۆنەكەشی لەدەستبدات كە لە هەموو جومگەكانی ئەم وڵاتەدا شەریكن".
ئاماژەی بۆ ئەوەشكرد، بە سەردانەكەی رۆژی 13/2/2014 ی نەوشیروان مستەفا، رێكخەری گشتیی بزووتنەوەی گۆڕان كۆتایی بە زۆر مەسەلە هاتووە بۆ پێكهێنانی حكومەت و لەسەر پۆست و وەزارەتەكان رێككەوتوون.
سەبارەت بە داواكاری حیزبی سۆسیالیست دیموكراتی كوردستان و ئەو پۆستانەی لە كابینەی هەشتەمی حكومەتی هەرێمی كوردستان داوای دەكەن، محەممەد حاجی مەحموود گوتی"خراپترین حكومەتی هەرێمی كوردستانمان لە باشترین حكومەتی دونیا پێباشترە، داوای هیچ پۆستێكمان نەكردووە، ئەگەر لە ناو حكومەت بین یان نەبین پشتیوانی لەو حكومەتە دەكەین، بەڵام حكومەت سەردانیان كردووین و داوایان لێكردووین پشتیوانیان لێ بكەین و بەشدایری حكومەت بكەین".
جەختیشیكردەوە، پێدانی وەزارەتێك بە مافی خۆیان دەزانن و ئەگەر پێیان نەدرێ، مافەكەیان خوراوە. سەبارەت بەوەی هێزە ئیسلامییەكان كە لە هەڵبژاردنی 2009 لەگەڵ حیزبی سۆسیالیست دیموكراتی كوردستان لەبەرەیەكدا بەشداری هەڵبژاردنیان كرد و ئاماژە بەوەدەكەن لە فەزڵی ئەوان سۆسیالیست 2 كورسی هێنا، محەممەد حاجی مەحموود گوتی "ئەگەر بەهۆی ئەوانەوە بێت 2 كورسیمان هێنابێ، خوا جەزای خێریان بداتەوە".
سەبارەت بەو كورسییەش كە لە هەڵبژاردنی 21/9/2013 بەدەستیانهێنا گوتی: "ئەو كورسیەی بەدەستمانهێناوە دەنگی خۆمانە، نە دەنگی پارە، نە دەنگی هەڕەشە، نە دەنگی پارەی دەوڵەتانە".
لەگەڵ ئەوەشدا بە گرینگییەوە باسی لە پەیوەندی نێوان حیزبی سۆسیالیست و كۆماری ئیسلامی ئێران كرد و پێیوابوو شتێكی گرنگە پەیوەندیان لەگەڵ كۆماری ئیسلامی ئێران هەبێت، "خۆی قارەیەكە لە رووسیاوە تا وڵاتانی عەرەبی درێژدەبێتەوە، ئێمە سوپاسیان دەكەین كە پەیوەندیان لەگەڵ ئێمەدا هەیە".
لەبارەی ئەو رەخنانەی لەنێوخۆی حیزبەكەوە لە سۆسیالیست دەگیرێن، بەوەی لە ماوەی 20 ساڵی رابردوودا 43 سەركردە و زیاتر لە 2 هەزار كادر وازیان هێناوە، محەممەدی حاجی مەحموود رایگەیاند، ئێستا هیچ حیزبێك لە كوردستان 2 هەزار كادری نییە، حیزبەكانیش هەر وان خەڵكیان لێ جیادەبێتەوە، ئەو حیزبانەی دیكە هەموو لە پارتی دروستبوون، هەموویان پارتی بوون.
سەبارەت بە گۆڕانكارییش لە سكرتێری گشتی لەو حیزبەدا ئاشكرایكرد "وەك چۆن خەڵكی دێیەك لە گوندەكانی دیكە دەگەڕان كوێخایەك بۆخۆیان پەیدا بكەن، منیش دەگەڕام كوێخایەك پەیدا بكەم بۆ ئەوەی ببێتە سكرتێری حیزب، داوام لە زەحمەتكێشان كرد بێن سكرتێری حیزبی سۆسیالیست بن، داوام لە خەڵكی سەربەخۆ و لایەنەكانی دیكەش كردووە".
14/2/2014
لە كۆبوونەوەی نێوان مەسعود بارزانی، سەرۆكی هەرێمی كوردستان و نەوشیروان مستەفای رێكخەری گشتیی بزووتنەوەی گۆڕان باسی پێكهێنانی حكومەت و یەكخستنی هەڵوێست بەرامبەر حكومەتی مالیكی كراوە، لەو گرفتانەی كە ئێستا لەنێوان هەرێمی كوردستان و حكومەتی عێراقدا هەن .
ئەو كۆبوونەوەیە كە رۆژی 13/ 2/ 2014 لە پیرمام بەڕێوەچوو، تێیدا نەوشیروان مستەفا، شاندی دانووستاندنكاری بزووتنەوەی گۆڕانی بۆ مەسەلەی پێكهێنانی حكومەت بە سەرۆكی هەرێمی كوردستان ناساند، كە پێكهاتبوون لە عومەری سەید عەلی، مستەفا سەید قادر، جەلال جەوهەر، محەممەد حاجی، ئارام شێخ محەممەد و د.ئاكۆ حەمە كەریم.
بەپێی زانیارییەكانی سەرچاوەكانی تۆڕی میدیایی رووداو، لەو كۆبوونەوەیەدا نەوشیروان مستەفا باسی ئەوەیكردووە كە پێكهێنانی حكومەت زۆر دواكەوت، هەرچەندە ئەوان بەوەش رازیبوون، كە دەستبەرداری جێگری سەرۆك وەزیران ببن، لەپێناو دروستكردنی حكومەتێكی نیشتمانی و دروستكردنی تەوافوقێك لەبەردەم ئەو گرفت و كێشانەی رووبەڕووی كورد دەبنەوە.
هەروەها نەوشیروان مستەفا ئەوەشیگوتبوو، كە ئەوان دەیانەوێت حكومەت زوو پێكبێت و ئەگەر بەهۆی ئەوانەوە دوابكەوێت، ئەوان ئامادەن ببنە ئۆپۆزیسیۆن و نەبنە كۆسپ لەبەردەم پێكهێنانی حكومەتدا.
هەروەها بەپێی زانیارییەكانی سەرچاوەكانی تۆڕی میدیایی رووداو، مەسعود بارزانی بە نەوشیروان مستەفای راگەیاندووە، كە ئەو زۆر پێی باشە گۆڕان بەشداری لە حكومەتدا بكات و كورد یەكهەڵوێست بێت بۆ چارەسەركردنی كێشەكانی لە بەغدا، هەروەها پرسیاری ئەوەیكردووە كە بۆچی گۆڕان دەیەوێ وەزارەتی ناوخۆ وەربگرێت و پێداگیری لەسەردەكات . هەروەها باسی ئەو سەردانانە كرا كە سەرۆكی هەرێمی كوردستان لە سەردانەكەی بۆ وڵاتانی ئەوروپایی ئەنجامیدابوو.
د.فوئاد حوسێن سەرۆكی دیوانی سەرۆكایەتی هەرێمی كوردستان لە لێدوانێكی فەرمیدا رایگەیاند، كە هەردوولا جەختیان لەوە كردەوە، پێویستە هەموو كۆسپێك لە پڕۆسەكەدا لابدرێت، بۆ ئەوەی بە زووترین كات پڕۆسەی دانوستاندنی نێوان لایەنەكان ئەنجامی لێبكەوێتەوە بۆ پێكهێنانی حكومەت .
سەرۆكی هەرێم و رێكخەری گشتیی بزووتنەوەی گۆڕان لەسەر ئەوە هاوڕابوون كە پێویستە پەیوەندی و دانوستاندنی بەردەوام لەگەڵ هەموو لایەنەكاندا هەبێت.
هەر لەو كۆبوونەوەیەشدا مەسعود بارزانی، سەرۆكی هەرێمی كوردستان گوتوویەتی بۆ پەلەكردن لە پێكهێنانی حكومەت رۆژی شەممە لەگەڵ یەكێتیی نیشتمانیی كوردستانیش كۆدەبێتەوە .
rudaw
14/2/2014
لە سەردانەکەی ئەمڕۆیدا، نەوشیروان مستەفا، رێکخەری گشتی بزووتنەوەی گۆڕان، ناوی کاندیدی گۆڕان بۆ پۆستی وەزیری ناوخۆ، بە مەسعود بارزانی، سەرۆکی هەرێمی کوردستان رادەگەیەنێت. بە پێی زانیارییەکانی تۆڕی میدیایی رووداو، کاندیدی گۆڕان بۆ پۆستی وەزیری ناوخۆی حکومەتی هەرێمی کوردستان لە کابینەی هەشتەمدا، مستەفای سەید قادرە. چاوەڕواندەکرێ بارزانی و نەوشیروان مستەفا رەزامەندی خۆیان بۆ رێککەوتنی پارتی و گۆڕان رابگەیەنن، کە پێشتر رێککەوتبوون لەسەر ئەوەی، پۆستی سەرۆکی پەرلەمان و وەزارەتی ناوخۆ بدرێ بە گۆڕان. لەبەرامبەر ئەوەی پۆستی جێگری سەرۆکی حکومەت، بدرێ بە یەکێتی.
rudaw
13/2/2014
سەید عەزیم حوسێنی، کونسوڵی کۆماری ئیسلامی ئێران لە هەولێر بەشداری بەرنامەی (رووداوی ئەمڕۆ)ی تەلەفزیۆنی (رووداو)ی کرد و باسی شۆڕشی ئیسلامی ئێران و چەند پرسێکی دیکەی رۆژهەڵاتی ناوەڕاستی کرد و لەبارەی درەنگکەوتنی پێکهێنانی کابینەی هەشتەمی حکومەتی هەرێمی کوردستان، گوتی، " شتێکی سروشتییە تاوەکو ئێستا پێکنەهاتووە". کونسوڵی ئێران لە بارەی ئامانجەکانی شۆڕشی ئیسلامی ئێران رایگەیاند: "هەردوو ئامانجەکەی شۆڕشی ئیسلامی ئێران، کە ئیستیقلال و ئازادی بوون، تاڕاددەیەکی زۆر بەدیهاتووە و ئێستا ئێران یەکێکە لە سەربەخۆترین وڵاتەکانی دونیا". سەبارەت بە بەشداری کورد لە هەڵبژاردنەکانی کۆماری ئیسلامی ئێران و کاریگەری حیزبە کوردییەکانی رۆژهەڵاتی کوردستان، سەید عەزیم گوتی: "زۆربەی ئەو حیزبانەی ئێوە پێتانوایە نوێنەرایەتی گەلی کورد دەکەن و ئێمە پێمان قەبوڵ نییە، بایکۆتی هەڵبژاردنیان کرد، بەڵام بەشداری کورد لە هەڵبژاردنی ساڵی رابردووی ئێمە، زۆر زیاتر بوو لە پێشووتر". لەبارەی رەوشی سووریاوە، بە بۆچوونی حوسێنی ئێستا هەموو وڵاتانی ئەوروپا و ئەمریکاش هاتوونەتە سەر تێڕوانینی سێ ساڵ پێش ئێستای کۆماری ئیسلامی ئێران، کە چارەسەری رەوشی سووریا دەبێ بە رێگەی چارەسەری سیاسی بێت. هەروەها لەبارەی راگەیاندنی کانتۆنەکانی رۆژئاوای کوردستان، کونسوڵی ئێران لە هەولێر بۆچوونی کۆماری ئیسلامی ئێرانی خستەڕوو و گوتی: "ئێمە رێز لە بژاردەی خەڵک دەگرین، بە هەمان شێوەی عێڕاق، کە لە رێگەی فیدڕاڵیەتەوە یاسای جیاوازیان نووسیوەتەوە، لە سووریاش خەڵک چۆن بڕیار بدات کۆماری ئیسلامی ئێران رێزی لێدەگرێ و پەیوەندی باشی دەبێت و بەشێوەیەکی گشتی پشتیوانی لەخەڵکی سووریا دەکەین". سەید عەزیم لەبارەی ئامادەنەبووونی سەرۆکی هەرێمی کوردستان لە مەرسیمی 35 ساڵەی سەرکەوتنی شۆڕشی گەلانی ئێران، گوتی: "ئێمە لێرە خۆمان میوانی کوردی عێڕاقین، بڕیار نییە ئێمە، کە میوانین، میوانداری بکەین، ئەوە بەرپرس و کاربەدەست و سەرۆکەکانی ئێرەن، کە دەبێ مەراسیم رێکبخەن و میوانداری لە ئێمە بکەن، ئێمە دەستوورنادەینە ئەوەی کێ بەشداری دەکات و کێ بەشداری ناکات، ئێمە پێمان خۆشە هەموو لایەک بێن، بەڵام ئەو کەسانە خۆیان بڕیار دەدەن بێن یاخود نەیەن، بێگومان بۆ نەهاتنیشیان هۆیەکیان هەیە". سەبارەت بە بانگهێشتی شاندێكی یەکێتی نیشتیمانی کوردستان لە پەیوەندیدا لەگەڵ پێکهێنانی کابینەی هەشتەمی حکومەتی هەرێمی کوردستان و کاریگەریییەکانی ئێران لەسەر بڕیارە نێوخۆییەکانی ئەو حیزبە، کونسوڵی ئێران لە هەولێر گوتی: "پەیوەندییەکانی ئێمە مشاوەرەیەکی دۆستانە و ئیسلامیانەیە، ئێران دەرگاکانی بەرووی هەموو لایەکدا کراوەتەوە". سەید عەزیم حوسێنی قسەی لەبارەی پێکنەهێنانی کابینەی هەشتەمی حکومەتی هەرێمی کوردستانیشەوە هەبوو و گوتی: "شتێکی زۆر سروشتییە، کە تاوەکو ئێستا حکومەت پێکنەهاتووە، چونکە پێشتر حیزبەکان کەمتر بوون و زووتر پێکدەهاتن، ئێستا حیزبەکان زیاترن و بیروبۆچوونەکانیش رەنگاوڕەنگن".
rudaw
13/2/2014
پەرلەمانی ئەوروپا سبەی كۆبوونەوەیەكی تایبەت بە پرسی جینۆسایدی كورد دەبەستێ و شاندێكی حكومەتی هەرێمی كوردستانیش ئامادەی كۆبوونەوەكە دەبێت.
بەگوێرەی هەواڵێكی ماڵپەڕی حكومەتی هەرێمی كوردستان، دوای سەردانی مەسعود بارزانی، سەرۆكی هەرێمی كوردستان بۆ پەرلەمانی ئەوروپا لە رێككەوتی 2014/1/21 و داوای بارزانی لە پەرلەمانی ئەوروپا بۆ بەفەرمی ناساندنی جینۆسایدی كورد. پەرلەمانی ئەوروپا رۆژی پێنجشەممە 2014/2/13 كۆبوونەوەیەكی تایبەت بە پرسی جینۆسایدی كورد دەبەستێ، كە بۆ ئەو مەبەستە شاندێكی باڵای حكومەتی هەرێمی كوردستانیش لە وەزارەتی كاروباری شەهیدان و ئەنفالكراوان بانگهێشتكراوە.
پاش تاوتوێكردنی پرسی جینۆسایدی كورد لە كۆبوونەوەی گشتیی پەرلەمانی ئەوروپا كە هەفتەی رابردوو لە ستراسبورگ بەڕێوەچوو، ئەم هەفتەیە كۆبوونەوەكانی پەرلەمانی ئەوروپا سەبارەت بەو پرسە بەردەوامدەبن و لە برۆكسل كۆوونەوەیەكی تایبەت لە لایەن لیژنەی پەیوەندییەكانی عێراق لە پەرلەمانی ئەورپا لە ژێر ناونیشانی ''جینۆسایدی كورد لە سەردەمی سەددام'' دەبەسترێ.
بڕیارە كۆبوونەوەكە بە ئامادەبوونی پەرلەمانتارانی ئەوروپی و كۆمسیۆنی ئەوروپا بێ و هەروەها وەزیری كاروباری شەهیدان و ئەنفالكراوان و شاندێكی یاوەری لە راوێژكارانی وەزارەتی ناوبراویش بەشداری ئەو كۆبوونەوەیە دەبن.
دلاوەر ئاژگەیی، نوێنەری حكومەتی هەرێمی كوردستان لە یەكێتی ئەوروپا رایگەیاند، پاش داواكەی سەرۆكی هەرێمی كوردستان پەرلەمانی ئەوروپا جدیتر لەگەڵ ئەو پرسە مامەڵە دەكات و لەو چوارچێوەیەشدا نوێنەرایەتی حكومەتی هەرێمی كوردستان لە پەیوەندی و هەماهەنگی بەردەوامدایە لەگەڵ پەرلەمانی ئەوروپا و لایەنە پەیوەندیدارەكانی حكومەتی هەرێمی كوردستان و لە هەوڵەكانی بەردەوام دەبێ تا ئەو كاتەی كە پەرلەمانی ئەوروپا بڕیارێكی فەرمی لەو بارەیەوە دەردەكات.
13/02/2014
سەرۆكی دەستەی گشتيی هێزە سەربازییەكانی ئێران، لێدوانی بەرپرسانی ئەمریكا لەسەر بەكارهێنانی گورزی سەربازی بۆ سەر وڵاتەكەی لە ئەگەری شكستهێنانی دانوستاندنە ئەتۆمییەكان بە درۆی سیاسی دەزانێت و ئامادەیی ئێرانیش دەردەبڕێت بۆ شەڕ لەگەڵ ئەمریكا و ئیسرائیل.
حەسەن فیروزئابادی رایگەیاند، بۆ شەڕكردن لەگەڵ ئەمریكا و ئیسرائیل چەندین ساڵە خۆمان ئامادەدەكەین و پلانمان بۆی داڕشتووە و مانۆڕی جۆراوجۆرمان ئەنجامداون، ئێستاش هێزەكانمان ئامادەن.
فیروزئابادی گوتیشی "ئەگەڕ شەڕ لە دژی ئێران رووبدات، مەیدانێك بۆ دوژمن ناهێڵینەوە و خۆشیان ئاگاداری ئەوەن."
لە كاتێكدا كە بەشێك لە بەرپرسانی ئەمریكا دەڵێن هەموو ئەگەرەكان سەبارەت بە ئێران لەسەر مێزن، سەرۆكی دەستەی گشتیی هێزە سەربازییەكانی ئێران دەڵێت " لە 10 ساڵی رابردوودا ئەوان پرسی هێرشی سەربازیان بۆ سەر ئێران تاوتوێكرد، هێزیشیان رەوانەكرد، بەڵام گەییشتنە ئەو دەرەنجامەی كە ناتوانن شەڕ دژی ئێران بكەن و وازیان هێنا، ئەم قسانەش كە دەیكەن تەنها درۆیەكی سیاسییە".
ساڵی رابردوو ئەحمەد وەحیدی، وەزیری بەرگری ئێران رایگەیاند، هێزە سەربازییەكانی ئێران بۆ شەڕێكی گەورە خۆیان ئامادەدەكەن.
هەر دوێنێش حەسەن رۆحانی، سەرۆكی ئێران لە مەراسیمی ساڵیادی سەركەوتنی شۆڕشی ئێران جەختیكردەوە، لەسەر هیچ مێزێك لە جیهاندا، هەڕەشەی سەربازی بۆ سەر ئێران نییە.
رۆحانی گوتیشی "200 ساڵە وڵاتی ئێمە دەستدرێژی نەكردووەتە سەر هیچ وڵاتێك و تەنها لەبەرامبەر دەستدرێژیكاران پارێزگاریی لەخۆی كردووە، ئەگەر ئەمڕۆش كەسێك بیەوێت دەستدرێژی بكات، میللەتی ئێران بە هەموو هێزێكەوە لەبەرامبەریاندا دەوەستێت."
ئاماژەی بۆ ئەوەشكرد، ئەوانەی هەڕەشە لە ئێران دەكەن، با بزانن كە هەڕەشەكردن وەستانە لەبەرامبەر گەورەیی مێژووێك.
13/02/2014
لەیلا زانا لە كۆنگرەیەكی رۆژنامەوانیدا رایگەیاند، پرۆسەی ئاشتی و كۆنگرەی نەتەوەیی لەیەكدی جیاناكرێنەوە و بۆچوونەكانی بارزانی و ئۆجەلانیش لەیەكدی نزیكبوون.
دوای كۆبوونەوە لەگەڵ نێچیرڤان بارزانی، سەرۆك وەزیرانی هەرێمی كوردستان، لەیلا زانا، پەرلەمانتاری سەربەخۆی ئامەد و سری سورەییا ئۆندەر، جێگری هاوسەرۆكی پارتی دیموكراتی گەلان HDP لە لەبارەگای پارتی ئاشتيی و دیموكراسی BDP، كۆنگرەیەكی رۆژنامەوانیان سازكرد.
لە كۆنگرە رۆژنامەوانییەكدا لەیلا زانا گیرانی عەبدوڵڵا ئۆجەلانی لە مانگی شوبات بۆ گەلی كورد بە مانگێكی رەش وەسفكرد و ئاماژەی بەوەشدا لە زەمانی شێخ سەعیدەوە تاوەكو ئێستا مانگی شوبات مانگی ئازار و خەم بووە بۆ كورد.
لەیلا زانا باسی لە پرۆسەی ئاشتیش كرد و رایگەیاند، لەماوەی ساڵی رابردوو و راگەیاندنی پەیمانی ئاگربەست لە نەورۆزدا كۆتایی بە خوێن رێژیەك هێنا كە چەندین ساڵ بەردەوامبوو. جەختیشیكردەوە، كە پرۆسەی ئاشتی و كۆنگرەی نەتەوەیی لەیەكدی جیاناكرێنەوە.
لەبارەی سەردانەكەشیان بۆ هەرێمی كوردستان گوتی "هاتنی ئەوان بۆ باشووری كوردستان بۆ كورد و بۆ ئەوان مێژووییە".
پەرلەمانتاری سەربەخۆی ئامەد راشیگەیاند، كە ئەمڕۆ كورد لە هۆشیاری دەژی و خەباتی گەلی كوردیش بۆ ئاشتیی بۆ خۆی و بۆ ناوچەكەیە، گوتیشی، دوێنێ لە ئەمڕۆ باشتر بوو و سبەینێش لە ئەمڕۆ باشتر دەبێت.
لە كۆنگرە رۆژنامەوانییەكەدا لەیلا زانا هیوای تەندروستیەكی باشی بۆ مام جەلال خواست و لەبارەی رۆڵی ئەویش لە رابردوودا گوتی "مام جەلال پەنجەرەیەك بوو بۆ كورد بەڕووی جیهاندا".
گوتیشی "من شایەتی خەباتی بارزانیم لەباكوور بۆ ئاشتی و بۆچوونەكانی بارزانی و ئۆجەلان لەیەكتری نزیكبوون".
رۆژی دووشەممە 10/2/2014، لەیلا زانا و سری سورەییا ئۆندەر گەیشتنە هەرێمی كوردستان، دوێنێش نامەی عەبدوڵڵا ئۆجەلان، رێبەری زیندانیكراوی پارتی كرێكارانی كوردستان PKK یان گەیاندە مەسعود بارزانی، سەرۆكی هەرێمی كوردستان و دواتر سەردانی قەندیلیان كرد.
13/02/2014
ئەمڕۆ سەرۆکی داواکاری گشتی لە ئامەد، بڕیاریدا سەرجەم ئەو پۆستەرانەی عەبدوڵا ئۆجەلان کۆبکرێنەوە کە لەلایەن پارتی ئاشتی و دیموکراسی "بەدەپە" وەک بانگەشەی چالاکی بۆ ئیدانەکردنی دەستگیرکردنی ئۆجەلان هەڵیانواسیبوون.
زوبەیدە زومروت، سەرۆکی لقی ئامەدی بەدەپە بە خەندانی ڕاگەیاند؛ لەژێر دروشمی (بە سەرۆکی ئازاد، بەرەو ژیانی ئازاد) بەبۆنەی ساڵیادی دەستگیرکردنی عەبدوڵا ئۆجەلانی ڕێبەری پەکەکە، دەستمان بە ئامادەکاری کردووە بۆ ئەنجامدانی چالاکی و خۆپیشاندانی بەفراوان لە ڕۆژانی ١٣ و ١٤ی شوبات لە ئامەد لە دژی پیلانگێڕی نێودەوڵەتی دژی ئۆجەلان، ووتیشی لەو چوارچێوەیەدا لە چەندین ناوچەی ئامەد پۆستەرەکانی ئۆجەلانمان هەڵواسیوە و بانگی گەلمان کردووە کە بەشداری بکەن و پیلانگێڕی نێودەوڵەتی لە دژی ئۆجەلان ئیدانە بکەن.
زومروت ڕاشیگەیاند؛ لەکاتێکدا ئامادەکارییەکانمان بەردەوامن، ئەمڕۆ سەرۆکی داواکاری گشتی بڕیاریداوە پۆستەرەکانی بەڕێز ئۆجەلان لێبکرێنەوە، بەتۆمەتی ئەوەی ئەو پۆستەرانە بانگەشە بۆ کۆبوونەوەی خەڵک دەکەن لە دژی دەستگیرکردنی ئۆجەلان، ئەوەش بەپێی یاسا وەک خۆیان دەڵێن قەدەغەیە. بەڵام ئێمە چالاکییەکانی خۆمان بەو بۆنەیەوە ئەنجام دەدەین بەو شێوەیەی پلانمان بۆ داناوە.
لە ١٥ی شوباتی ١٩٩٩ لە پیلانگێڕییەکی نێودەوڵەتیدا، لە نەیروبی پایتەختی کینیاوە، عەبدوڵا ئۆجەلانی ڕێبەری پەکەکە ڕادەستی تورکیا کرایەوە و لەو کاتەوە لە زیندانی ئیمڕاڵیدا ژیان بەسەر دەبات حوکمی زیندانی هەتاهەتایی بەسەردا سەپێنراوە.
12/02/2014
دوێنێ دووشه‌ممه قۆناغی دووه‌می كۆنگره‌ی جنێڤ 2 له شاری مۆنترۆی سویسرا بۆ چاره‌سه‌ری پرسی سوریا ده‌ستیپێكرد و ئه‌مڕۆش به‌رده‌وامه، كۆنگره‌كه به‌سه‌رپه‌رشتی نه‌ته‌وه یه‌كگرتووه‌كان و به به‌شداری شاندی هاوپه‌یمانی نیشتیمانی سوریا و حكومه‌تی سوریا به‌ڕێوه‌ده‌چێت، به‌ڵام تا ئێستا باسی كورد نه‌كراوه.
هه‌رچه‌نده پێنج ئه‌ندامی ئه‌نجومه‌نی نیشتیمانی كوردی سوریا له‌چوارچێوه‌ی هاوپه‌یمانی نیشتیمانی سوریا به‌شدارن، به‌ڵام تائێستا له كۆنگره‌كه‌دا ناوی كورد نه‌هاتووه و له به‌رنامه‌ی كاری كۆبوونه‌وه‌كانیش باسی كورد بوونی نییه.
كه‌ریم میرانی، نوێنه‌ری پارتی ئازادی كورد له هه‌رێمی كوردستان كه پارته‌كه‌ی یه‌كێكه له ئه‌ندامانی ئه‌نجومه‌نی نیشتیمانی كوردی به خه‌ندانی راگه‌یاند: ئه‌وان له چوارچێوه‌ی هاوپه‌یمانی نیشتیمانی به‌شدارییان كردووه، وتیشی: "ئه‌مڕۆ سێشه‌ممه هه‌ریه‌كه له شاندی حكومه‌تی سوریا و شاندی ئۆپۆزسیۆن له‌گه‌ڵ ئه‌خزه‌ر ئیبراهیمی نوێنه‌ری نه‌ته‌وه یه‌كگرتووه‌كان و سه‌رپه‌رشتیاری دانوستانه‌كانی نێوان حكومه‌ت و ئۆپۆزسیۆنی سوریا به‌جیا كۆبوونه‌ته‌وه و هه‌ریه‌كه‌یان پڕۆژه و داواكاری خۆیان خستۆته‌ڕوو".
راشیگه‌یاند: له كۆبوونه‌وه‌كه‌دا هاوشانی شاندی ئۆپۆزسیۆن، ئه‌ندامانی ئه‌نجومه‌نی نیشتیمانی كوردیش به‌شداربوون و داواكارییان پێشكه‌ش به ئیبراهیمی كردووه بۆ ئه‌وه‌ی ڕێگه‌یان پێ بدرێت وه‌ك شاندێكی سه‌ربه‌خۆی كورد به‌شداربن له كۆنگره‌دا و بابه‌تی كوردیش گفتوگۆی له‌سه‌ر بكرێت.
میرانی پشتڕاستی كرده‌وه كه له كۆنگره‌كه‌دا هه‌تا ئێستا ناوی كوردان نه‌هاتووه و باسی پرسی كورد له ڕۆژئاوای كوردستان نه‌كراوه.
12/02/2014
سكرتێری مەكتەبی سیاسی پارتی دیموكراتی كوردستان داوا لە كۆماری ئیسلاميی ئێران دەكات وەك یەك مامەڵە لەگەڵ پێكهاتەكانی عێراق بكات و هەنگاویش بنێت بۆ چارەسەری پرسی كورد لەو وڵاتەدا.
فازڵ میرانی، سكرتێری مەكتەبی سیاسی پارتی دیموكراتی كوردستان لە میانی مەراسیمی 35 مین ساڵیادی شۆڕشی ئیسلامی ئێران، كە رۆژی سێشەممە لەلایەن كۆنسوڵگەری ئێران لە هەولێر و بە لێدانی سروودی ئەی رەقیب بەڕێوە چوو، ئاماژەی بۆ ئەوەكرد، خەڵكی عێراق بە گشتی و خەڵكی كوردستان بە تایبەتی چاوەڕوانن كە ئەو ئاشتی و ئازادیيەی كۆماری ئیسلاميی ئێران لە ناوخۆی وڵاتەكەی فەراهەمی دەكات، بۆ عێراق بە گشتی و بۆ كوردستانیش پشتیوانی بێت.
میرانی گوتیشی "ئەو پێكەوەژیان و ئەو پڕەنسیپانەی رۆژ بە رۆژ لە ئێران لە پێشكەوتندان بەتایبەت پرسی خوێندنی زمانی كوردی كە بۆ جاری یەكەمە بەشێوەیەكی فەرمی باسی لێوەدكرێت و ئەو هەنگاوانەی ئێران دەیانهاوژێت ببنە مایەی ئاشتی و بەرقەراری و ئاسایش لە عێراقدا".
سكرتێری مەكتەبی سیاسی پارتی دیموكراتی كوردستان داوای لە كۆماری ئیسلامیی ئێران كرد كە بە بێ جیاوازی مامەڵە لەگەڵ خەڵكی عێراق بكات و رایگەیاند: " ئومێدەوارین ئێران وەك یەك مامەڵە لەگەڵ سەرجەم پێكهاتەكانی عێراق، كورد، شیعە، سوننە، توركمان، مەسیحی، ئێزدی و ئەرمەن بكات، كە ئەمە درووشمی شۆڕشی ئیسلامیی ئێران و ئیمام خومەینی بووە، كە نەتەوەكانی ستەملێكراو هەموویان دەبێت سوود وەرگرن لە دەستاوردەكانی شۆڕشی میللەتی ئێران و شۆڕشی ئیسلامیی."
میرانی، هیوای خواست كۆماری ئیسلامی ئێران لە چوارچێوەی لە یەكتر تێگەییشتن و بە شێوەیەكی ئاشتیانە هەنگاوی پێشوەتر بهاوێژێت بۆ دۆزینەوەی چارەسەرێك بۆ پرسی كورد، نەك تەنها لە كوردستانی عێراق و ئێران، بەڵكو لە ناوچەكەدا وەك هەموو دەسپێشخەرییەكانی دیكەی.
لە كۆتایی قسەكانیدا میرانی جەختیكردەوە، كە دەبێت نەتەوەكان پێكەوە بە ئازادی و ئاسوودەیی بژین، "ناكرێت هەندێكیان لە خۆشیدابن و هەندێكیشیان لە شەڕ بن، هەندێكیان لە ستەمدا بن و هەندێكیان ستەمكەر، چونكە خودا هەموومانی بە ئازادی خولقاندووە و دەبێت بە ئازادی لە وڵاتەكانی خۆماندا بژین."
شۆڕشی گەلانی ئێران لە رۆژی 11-2-1979 سەركەوت و كۆتاییهێنا بە دەسەڵاتی پاشایەتی محەممەد رەزا پەهلەوی، شای ئێران و دوای ماوەیەك لەرێی ریفراندۆمەوە كۆماری ئیسلامی ئێران هەڵبژێردرا.
رووداو- هەولێر
12/2/2013
کەمپینی" مافی خوێندن بە زمانی دایک لە ئێران"دا ، دامەزرا
ژمارەیەک لە چالاکانی ئێرانی پێکهاتوو لە نەتەوەکانی " تورکی ئازەری، کورد ، بەلووچ ، عەڕەب و تورکمەن" بە مەبەستی پشتیوانی لە زمانی دایک ، کەمپینێکیان پێکهێناوە کە لەودا داوا لە خەڵک دەکەن ناو و واژۆی خۆیان بۆ پشتیوانی لەو کەمپینە بنووسن . ئەم کەمپینە تا ڕێکەوتی ٢١ی فێڤریە ( رۆژی نێونەتەوەیی زمانی دایک )درێژە دەکێشێ و لە کۆتاییدا و لە شێوەی نامەیەک بۆ ڕێکخراوەکان و ناوەندەکانی پەیوەندیدار و مافی مرۆڤ ، دەنێردرێ.
دەقی کەمپینی " مافی خوێندن بە زمانی دایک لە ئێران" دا بە شێوەی خوارەوەیە
بزووتنەوەی خوێندن بە زمانی دایک لە ئێراندا بە پێی کۆنوانسیۆنەکانی جیهانیی تایبەت بە مافی زمان ، مافی خوێندن بە زمانی دایک مافی سروشتی و دێمۆکراتیکی سەرجەم مناڵانە. بزووتنەوەی خوێندن بە زمانی دایک لە ئێراندا روو لە گەشەسەندنە . بە ڕۆژانە ژمارەیەکی زیاتر لە دایکان و باوکان لە ناوچەکانی ئێرانەوە پەیوەست بەم بزووتنەوە دەبن و خوازیاری خوێندنی منداڵەکانیان بە زمانی دایک لە قوتابخانەکان دان . بێبەش کردنی خوێندن بە زمانی دایک ، وێرای ئەوەی خەسار لە باری دروونی مناڵان ئەدات ، پپێشێلکردنی ئاشکرای مافی وەک یەکی شارومەندانی ئێرانیشە . بۆ ئەوەی بزووتنەوەی " خوێندن بە زمانی دایک " بتوانێ هەنگاو گەلێکی کاریگەرتر هەڵێنێتەوە پێویستی بە پشتیوانی خەڵکی ئازادیخواز و ناوەندە سیاسی و مەدەنییەکان هەیە . هاوکات لەگەڵ پەرەساندنی ئەم بزووتنەوەیە ، بناژۆخوازانی کۆماری ئیسلامی لە یەکێک لە ناوەندەکانی فەرهەنگی ( فەرهەنگستانی زمان و ئەدەبی فارسی) نیگەرانی خۆیان لە خوێندن بە زمانەکانی دایک ڕاگەیاند . هێندێک لە ئەندامانی ئەم ناوەندە گوتیان کە: خوێندنی نەتەوەکان بە زمانی دایکیان بۆنی پیلان لێدێت و دەبێتە هۆی لاواز بوونی زمانی فارسی . ناسیۆنالیست و ئیسلامگەرا توندڕەوەکانی کۆماری ئیسلامی بە هێنانەوەی ئەم بیانووە ناتەواو و نادێمۆکراتیکە هەوڵ ئەدەن تا لە وەدیهاتنی مافی دێمۆکراتی خوێندنی مناڵان بە زمانی دایک ڕێگری بکەن . ئێمە هەڵوێستی ئەم دواییەی " فەرهەنگستانی زمان و ئەدەبی فارسی" بە دژی بنەماکانی نێونەتەوەیی مافی مرۆڤ و ڕاگەیەنراوی جیهانی مافی زمان دەزانین ، ئەم هەڵوێستانە لە خزمەت بە سیاسەتی تاکڕەویی و سەرکوتکەرانە دایە کە منداڵانی غەیرە فارسی کردۆتە ئامانجی خۆی . بە بڕوای ئێمە " بزووتنەوەی خوێندن بە زمانی دایک" نەتەنیا دژی هیچ نەتەوە و تاقمی قەومی و زمانی نییە ، بگرە لە راستای بەهێز کردنی یەکیەتی مرۆیی لە هەموو ئێراندایە . پێوسیترین خواستی ئەم بزووتنەوەیە لە هەلومەرجی ئێستادا دەست پێکردنی خێرای خوێندنی مناڵان بە زمانی دایک وەک تورکی، کوردی ، بلووچی ، عەرەبی ، تورکەمەنی و لە ناوچەکانی نەتەوەیی خۆیاندایە . حکوومەتی کۆماری ئیسلامی ئێران بەرپرسیارە تا خواستی دێمۆکراتی " خوێندن بە زمانی دایک"ی مناڵانی غەیرە فارس جێبەجێ بکات . ئەم خواستەی گەلانی ئێران کاتێک وەدی دێ کە کەشی فەرهەنگی وڵات کرانەوە بە خۆیەوە ببینێ و دەرماڵەی کولتووری خوێندنی هەموو منالان بە زمانی دایک بە شێوازێکی یەکسان دابەش بکرێ . گوێ پێنەدانی حکوومەتی کۆماری ئیسلامی ئێران بەم خواستە بەرهەقانەی گەلان ، ڕێگایەک بێجگە لە دەربرینی نارەزایەتی لەهەمبەر سیاسەتەکانی دەوڵەت و گواستنەوەیان بۆ ناوەندە نێونەتەوەییەکان ( یۆنسکۆ و ڕێکخراوی مافی مرۆڤی نەتەوە یەکگرتووەکان) بە دەستەوە ناهێڵێتەوە . هەوڵدان بۆ وەدیهاتنی خواستی " خوێندن بە زمانی دایک" ڕێگە بۆ یەکیەتی سەرتاسەری گەلانی ئێران پێک دێنێ.
بۆ ناونووسی و واژۆ کردنی کەمپەین لەو لینکەی خوارەوە دا ناوی خۆتان تۆمار بکەن
https://www.facebook.com/groups/625528974181464
وەزارەتی بەرگریی كۆماری ئیسلامی ئێران مووشەكی دوورهاوێژی وڵاتەكەی تاقیكردەوەو وەزیری بەرگریی ئەو وڵاتەش دەڵێ مووشەكەكە سەركەوتووە. حوسێن دەهقان، وەزیری بەرگریی كۆماری ئیسلامیی ئێران، رایگەیاند ئەو مووشەكە دوورهاوێژانە خاوەنی توانایەكی زۆرن لە پێكانی ئامانجی دیاریكراودا، كە پشت بە رادار دەبەستن. دەهان لە لێدوانێكیدا بۆ تەلەڤزیۆنی حكومی وڵاتەكەی ئاماژەی بەوەداوە، كە تاقیكردنەوەی مووشەكی جۆری زەمین بە زەمینی دوورهاوێژ بە سەركەوتوویی ئەنجامدراوە، كە كڵاوەی ئەتۆمی لەخۆ دەگرێت. جگە لەو مووشەكە وەزارەتی بەرگریی ئێران هەروەها مووشەكی جۆری بینای تاقیكردو‌وەتەوە، كە ئەمەیان بە لیزەر ئاراستە دەكرێت. بە گوتەی دەهقان مووشەكی بینا توانای پێكانی ئامانجی دیرایكراوی وەك پرد و تانك و بنكەی سەربازی بچو‌وك هەیە، چونكە بەهۆی بوونی ئاراستەكردنی لیزەرییەوە دەتوانرێت بەگوێرەی ئامانجەكە ئاراستە بكرێت.
11/2/2014
ئەنجوومەنی دەرەوەی یەكێتیی ئەوروپا لە راپۆرتێكدا رەخنە لە سیاسەتەكانی ئەم‌دوایەی حكومەتی عێراق دەگرێت و رایدەگەیەنێت كە سیاسەتەكانی بەغدا بووەتە هۆی سەرهەڵدانەوەی ناسەقامگیریی لە وڵاتەكە.
بەپێی راپۆرتێكی ئەنجوومەنی دەرەوەی یەكێتیی لەسەر بارودۆخی ئێستای عێراق، گەڕانەوەی رێكخراوی ئەلقاعیدە و شەڕ و كوشتار بەتایبەتی لە پارێزگای ئەنبار دەرئەنجامی ئەو سیاسەتە تایفەگەرییەیە كە حكومەتەكەی نوری مالیكی لەم چەند ساڵەی رابردوودا پەیڕەوی كردووە.
ئەو ئەنجوومەنە ئاشكرای كرد كە ئەوان لەسەر هاوكاریكردنی عێراق بۆ گەیشتن بە دیموكراسییەكی كامڵ سوورن.
لەو راپۆرتەدا هاتووە، "یەكێتیی ئەوروپا پێیوایە كە ناكۆكییە ناوخۆییەكان و گرژییە تایفەگەرییەكان، هۆكارێكی سەرەكی لە خراپبوونەوەی بارودۆخی ئەمنی عێراقن."
هەروەها ئەنجومەنەكەی یەكێتی ئەوروپا داوای لە حكومەتی عێراق كرد كە بۆ گەڕانەوەی سەقامگیریی بۆ ناوچەكە زیاتر لەگەڵ عەشیرەتە سوننەكانی پارێزگای ئەنبار كار بكات.
هاوار/م.ا
pna
11/2/2014
دوای نزیكەی 20 كۆبوونەوە بۆ پێكهێنانی كابینەی هەشتى حكومەتی هەرێمی كوردستان، پارتی دیموكراتی كوردستان و بزووتنەوەی گۆڕان دەگەنە رێككەوتنێك لەسەر دابەشكردنی پۆستەكان.
بەپێی ئەو زانیارییانەی تۆڕی میدیایی رووداو دەستیكەوتوون، بزووتنەوەی گۆڕان رازیبووە پۆستی سەرۆكی پەرلەمان وەربگرێت و پۆستی جێگری سەرۆكی حكومەت كە گرێكوێرەی پێكهێنانی كابینەی هەشتەم بوو بدرێتە یەكێتیی نیشتمانیی كوردستان، لە بەرامبەریشدا وەزارەتی ناوخۆی پێبدرێت.
هەروەها پارتی دیموكراتی كوردستانیش رازیبووە وەزارەتی ناوخۆ بداتە بزووتنەوەی گۆڕان، بەڵام بەمەرجێك ئەو كاندیدەی گۆڕان دیاریدەكات بۆ پۆستی وەزیری ناوخۆ، رەزامەندی لەسەربێت.
هەروەها پارتی دیموكراتی كوردستانیش رازیبووە وەزارەتی ناوخۆ بداتە بزووتنەوەی گۆڕان، بەڵام بەمەرجێك ئەو كاندیدەی گۆڕان دیاریدەكات بۆ پۆستی وەزیری ناوخۆ، رەزامەندی لەسەربێت.
رۆژی 18/11/2013 یەكەم هەنگاو بۆ پێكهێنانی حكومەتی داهاتوو دەستیپێكرد كاتێك نێچیرڤان بارزانی، راسپێردراوی پێكهێنانی كابینەی هەشتەم سەردانی شاری سلێمانی كرد و لەگەڵ هەر یەك لە یەكێتی و بزووتنەوەی گۆڕان كۆبووەوە. دواتریش چەندین كۆبوونەوە لەگەڵ ئەو دوو حیزبە و لایەنەكانی دیكەش كران، بەڵام جگە لە باسكردنی پۆستی جێگری سەرۆكی حكومەت هیچ بابەتێك یەكلایی نەبووەوە.
بزووتنەوەی گۆڕان، براوەی دووەمی هەڵبژاردنی پەرلەمانی كوردستان لە یەكەمین رۆژی دەستپێكردنی دانوستاندنەكانی پێكهێنانی حكومەتەوە، هەرلیستێكی دابێتە پارتی بۆ وەرگرتنی پۆستەكانی كابینەی هەشتەم، وەزارەتی ناوخۆی تێدا بووە. بەشێكی زۆری ئەمە بۆ ئەو سزادانە دەگەڕێتەوە كە لە چوار ساڵی رابردوودا چەشتی. چونكە بەدرێژایی ئەو ماوەیە لیستێكی درێژی بەدەستەوە بوو كە ناوی نابوو "نانبڕاوەكان" و زۆربەی ناوەكانی نێو لیستەكەش لە نێو وەزارەتی پێشمەرگە و ناوخۆدا بوون.
رووداو- هەولێر
11/2/2014
ئاهەنگی ساڵیادی شۆڕشی كۆماری ئیسلاميی ئێران لەشاری هەولێر دەستیپێكرد و بۆ یەكەمجاریش سروودی ئەی رەقیب لێدراو هەموو ئامادەبوانیش بە كونسوڵی ئێرانیشەوە هەستانە سەرپێ.
سەنگەر عەبدولرەحمان، پەیامنێری تۆڕی میدیایی رووداو رایگەیاند، كە ئەمساڵ مەراسیمەكە جیاوازە و میوانێكی زۆر و نوێنەری زۆربەی لایەنەكان ئامادەن، بەڵام نە مەسعود بارزانی، سەرۆكی هەرێمی كوردستان و نە نێچیرڤان بارزانی، سەرۆك وەزیرانی هەرێمی كوردستان ئامادەی مەراسیمەكە نين.
گوتیشی "بۆ یەكەمجار لە ئاهەنگی ساڵیادی شۆڕشی كۆماری ئیسلاميی ئێران سروودی ئەی رەقیب لێدراو هەموو ئامادەبوانیش بە كونسوڵی ئێرانیشەوە هەستانە سەرپێ".
11/02/2014
- داواکاری گشتیی کرماشان: لێکۆڵینەوە لەبارەی لێدانی قوتابیان دەکەین
- هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد
- گفتوگۆكانی ئێران و ئەمریكا لە عومان دوای دو کاتژمێر کۆتایی هات
- ئێران شەڕو دانوستانی ناڕاستەوخۆی پێ باشە!
- داواکارییەکانی ئێران و ئەمریکا لەیەکتریی چیە؟
- وەزیری بەرگریی ئیسرائیل هۆشداری دەداتە ئەحمەد شەرع
- وادەی هێرشی ئەمریکا بۆ سەر ئێران ئاشکرا کرا
- دەستووری کاتی سوریا نیگەرانی لایەن کوردییەکان و چاودێرانی لێدەکەوێتەوە
- بارودۆخی نالەباری ئابووریی ئێران پێدەچێت کۆماری ئیسلامی ناچار بکات لەگەڵ سەرۆک ترامپ ڕێککەوتن بکات
- عڕاقچی: هێشتا نامەکەی ترەمپ بە دەستمان نەگەیشتووە
- وەزیری دەرەوەی ئێران دەڵێت بڕیارە نامەکەی ترامپ لە لایەن نێردراوێکی وڵاتێکی عەرەبیەوە بگەیەنرێتە تاران
- مەزڵوم عەبدی و ئەحمەد ئەلشەرع بە ڕێکەوتن دەگەن
- 8ی مارس.. شۆڕشێك لەپێناو مافی ژنان
- سری سورەییا ئۆندەر: باخچهلی پێی گوتم، ڕۆژێک دێت پێکەوە هەڵپەڕکێی ئاشتیی دەکەین
- حكوومهتی ئێران : له‌گه‌ڵ ئهورووپا درێژه به گفتوگۆ ئهتۆمییهكان دهدهین
- عەلی باپیر، سەرۆکی کۆمەڵی دادگەری کوردستان سەبارەت بە پەیامی ئۆجەلان"هیوادارم هەردوولا بە کردەوە بەدەم بانگەوازەکەوە بچن."
- ئەمینداری گشتیی یەکگرتوو پەیامی ئۆجەلان "پەیامێکی پڕ لە بەرپرسیاریەتی و بایەخ و واقعیەتە"
- سەرۆك بافڵ جەلال تاڵەبانی: پێشوازی لە پەیامەکەی بەڕێز عـ.ـەبدوڵا ئـ.ـۆجەلان دەکەین
- سەرۆک بارزانی: هیوادارین پەیامەکەی ئۆجەلان دەستپێکێک بێت بۆ ئەوەی پڕۆسەی ئاشتی رێی خۆی بگرێت
- زەینەب جەلالیان لە 17هەمین ساڵی زیندانیکردنیدا لە ناو زیندانەوە باس لە ئازارەکانی دەکات
- بزووتنەوەی کۆماریخوازانی ڕۆژهەڵاتی کوردستان ٢ی ڕێبەندان، ٧٩هەمین سالرۆژی دامەزرانی یەکەم کۆماری کوردستان، لە نەتەوەی کورد پیرۆزدەکات
- پەیامی پیرۆزبایی کۆماریخوازان بۆ بەرێز مەسعوود پزیشکیان
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
