به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
هاوپەیمانی نیشتیمانی سووریا، نێوبژیوانی ئێران رەتدەکاتەوە و سەرۆکەکەی دەڵێت"گفتوگۆ لەگەڵ رژێمی تاوان ناکەین".
ئەحمەد جەربا، سەرۆکی هاوپەیمانی نیشتیمانی سووریا، لە کۆنگرەیەکی رۆژنامەوانییدا کە لە ئەستەمبۆلی وڵاتی تورکیا ئەنجامیدا، داوای زەمانەتی لە وڵاتانی عەرەبی و ئیسلامی کرد بەتایبەتی سعودیە، قەتەر، ئوردەن و تورکیا بۆ سەرکەوتنی کۆنگرەی جنێف2.
سەرۆکی هاوپەیمانی نیشتیمانی سووریا دەڵێ، بەشداریکردنی کۆنگرەکە رەت ناکەینەوە، بەڵام هەندێ هەوڵدەدەن پابەندمان بکەن بەوەی بەشداری کۆنگرەکە بکەین.
ئەحمەد جەربا راشیگەیاند، گفتوگۆ و دانووستان لەگەڵ رژێمی "تاوان" ناکەین، چونکە دیالۆگی نیشتمانی تەنیا لە نێوان نیشتماپەروەرەکان دەکرێت. ناوبراو هەر چەشنە دیالۆگێکی لەگەڵ ئەسەد بە دیالۆگ لەگەڵ دووژمن وەسف کرد.
لە بەشێکی دیکەی کۆنگرە رۆژنامەوانییەکەیدا سەرۆکی هاوپەیمانی نیشتیمانی سووری رایگەیاند، زەمانەتی پێویستمان وەرگرتووە و ئەمەش دەخەینە بەردەم دەستەی ئەرکان، بەمەبەستی گفتوگۆکردن لەسەری.
جەربا، ئاماژەی بۆ ئەوەكرد بەشدارییکردنی ئێران وەک نێوبژیوان رەتدەکەینەوە، چونکە "ئێران خاکی سووریای داگیرکردووە".
رووداو- ئاژانسەکان
8/10/2013
دەوڵەتی ئیسلامی لە عێراق و شام بە فەرمی بەرپرسیارێتی خۆی راگەیاند لە هێرشكردنە سەر بارەگای ئاسایشی هەولێر‌و لە بەیاننامەیەكدا نووسیویەتی ماوەی مانگێك ئامادەكارییان بۆ ئەو هێرشە كردووە. لە بەیاننامەیەكدا، كە لەسەر ماڵپەرەكانی نزیك لە دەوڵەتی ئیسلامی لە عێراق و شام و هەروەها فرانس پرێس و سكای نیوزیش بڵاوكراوەتەوە، دەوڵەتی ئیسلامی لە عێراق و شام بە فەرمی بەرپرسیارێتی خۆی لە تەقینەوەكەی ئاسایشی هەولێر راگەیاندووەو تێیدا هاتووە "ماوەی مانگێك خەریكی ئامادەكاریی بووین بۆ ئەنجامدانی ئەم هێرشە". هۆكاری هێرشەكەشی خستووەتەڕوو و دەڵێ "ئەمەش وەكو كاردانەوەیەك بوو لەبەرامبەر هەڕەشەكانی مەسعود بارزانی بۆ رووبەڕووبوونەوەی موجاهیدەكانمان لە سووریا". 29-9-2013 لە ئەنجامی هێرشێكی خۆكوژی بۆسەر بارەگای ئاسایشی شاری هەولێر 7 ئەندامی سەر بە هێزەكانی ئاسایش كوژران و 62 كەسی دیكەش، كە زۆربەیان سەر بە هێزە ئەمنییەكان بوون، برینداربوون". ئەمەش یەكەم هێرشە لەدوای هێرشەكەی ساڵی 2007 كاتێك ئۆتۆمبێلێكی بارهەڵگری بۆمبڕێژكراو لەبەردەم هەمان بارەگا تەقێنرایەوەو بەهۆیەوە 14 كەس كوژران. پێشتر مەسعود بارزانی، سەرۆكی هەرێمی كوردستان، هەڕەشەی ناردنی هێزی پێشمەرگەی كرد بۆ رۆژئاوای كوردستان لەپێناو پاراستنی سەروماڵی هاووڵاتیانی مەدەنی ئەگەر بێت و لەلایەن گرووپە چەكدارە توندڕەوەكانی سووریاوە دەستدرێژییان بكرێتەسەر. لە بەیاننامەكەی دەوڵەتی ئیسلامی لە عێراق و شام هاتووە "ئەم هێرشە دوای راگەیاندنی هەڵوێستی بارزانی دێت بۆ یارمەتیدانی چەكدارانی كوردی سووریا و پشتگیریكردنی حكومەتی شیعە
7/10/2013
دوابەدوای بڵاوبوونەوەی ئەنجامی کۆتایی هەڵبژاردنی پەرلەمانی کوردستان هەندێک قەوارەی سیاسی داوا لە کۆمسیۆن دەکەن کە دووبارە دەنگەکان هەژمار بکرێنەوە بەرپرسێکی کۆمسیۆنی هەڵبژاردنەکانیش دەڵێت با قەوارەکان داوا پێشکەشی دادگا بکەن، نەک کۆمسیۆن، چونکە دادگا بڕیار لە سەر دووبارە هەژمارکردنەوە و نەکردنەوەی دەنگەکان دەدات.
هندرێن محمد ساڵح بەرپرسی ئۆفیسی هەولێری کۆمسیۆنی باڵای سەربەخۆیی هەڵبژاردن لە لێدوانێکدا بۆ ماڵپەڕی فەرمی پارتی دیموکراتی کوردستان گوتی"ئێمەش ئاگاداری ئەوەین کە رۆژانە هەندێک قەوارەی سیاسی لە رێگەی راگەیاندنەکانەوە یاخود لە رێگەی ترەوە داوا لە کۆمسیۆن دەکەن کە دووبارە دەنگی قەوارە سیاسییە بەشداربووەکانی هەڵبژاردن هەژمار بکرێتەوە، بەڵام بەپێی یاسا و رێنماییەکان هەر قەوارەیەکی سیاسی تانەی لە ئەنجامەکە هەیە، دەتوانێت داوا و بەڵگە پێشکەش بەو دادگایە تایبەتە بکات کە لە هەرێمی کوردستان بۆ ئەو مەبەستە دامەزراوە".
سەبارەت بە وادەی بڕیاری دادگا لەبارەی هەژمارکردنەوە و نەکردنەوەی دەنگەکان ناوبراو گوتی: بەپێی یاسا 10 رۆژ دوای پێشکەش کردنی تانەی قەوارە سیاسییەکان، دادگا بەپێی رەچاوکردنی ئەو بەڵگە و تانانەی کە پێشکەشی کراوە بڕیار لە بارەی هەژمارکردنەوە و نەکردنەوەی دەنگەکان دەدات.
د.ع
7/10/2013
ساڵانێکە بە فەرمی خوێندنی زمانی کووردی و دانانی لە بەرنامەی وەزارەتی پەروەردەی کۆماری ئێسلامی ئێراندا مایەی مشتومڕی کابینە جیاجیاکانی کۆماری ئێسلامی ئێرانە.
سەرەڕای بانگەشەکانی هەڵمەتی هەڵبژاردن، تاوەکو ئێستا بە کردار هەنگاوی بۆ نەنراوە. حەسەن رووحانی سەرۆک کۆماری نوێی ئەو وڵاتە بڕیاری داوە لە چوارچێوەی هەوڵەکانی بۆ پاراستنی مافی گەلان و کەمە ئایینییەکان، ئەم کارە جێبەجێ بکات. -
6/10/2013
پەرلەمانتارێکی لیستی هاوپەیمانی کوردستانی هۆشداری دەداتە لایەنەکانی ناو ئەنجومەنی نوێنەرانی عێراق و دەڵێت ئەگەر لە پڕۆژە بودجەی ساڵی ٢٠١٤دا داوا و خواستەکانی کورد پەرواوێز بخرێن ئێمە ئامادەنین دەنگی پێ بدەین.
ئەندامی ئەنجومەنی نوێنەرانی عێراق لەلیستی هاوپەیمانی کوردستانی، ئازاد زەینەڵ، لەلێدوانێکی تایبەت بۆئاژانس و ڕادیۆی پەیامنێر، گوتی:"تا ئێستا پڕۆژە بودجەی ساڵی ئایندە نەهاتووەتە ئەنجومەنی نوێنەرانی عێراق، بۆیە ناکرێت لەئێستادا قسەی لەسەر بکرێت".
ئازاد زەینەڵ، گوتیشی:"لەهەموو بارەکاندا ئەگەر داواکانی کورد لەم پڕۆژە بودجەیەدا جێگیر نەکرێت، ئێمە ئامادەنین وەکو کورد دەنگ بە پڕۆژەیەک بدەین کە لەبەرژەوەندیماندا نییە".
ڕاشیگەیاند:"ئێمە پێشتر لەکۆنگرەیەکی ڕۆژنامەوانیدا داواکاریەکانمان خستووەتە ڕوو، بۆیە جەخت لەو داواکاریانە دەکەینەوە".
کورد داوادەکات بودجەی پێشمەرگە و پێدانی پارەی کۆمپانیا نەوتیەکان و چەند داواکاریەکی دیکە لە بودجەی عێراقدا جێگیر بکرێن.
زیرەک عەبدولڕەحمان/م.ش
pna
6/10/2013
به‌رێوه‌به‌رایه‌تی گشتی رۆشنبیری و هونه‌ر وه‌رزش لاوانی گه‌رمیان، یه‌كه‌مین فێستیڤاڵی كورته شیعر بۆ شاعیرانی چوار پارچه‌ی كوردستان له شارۆچكه‌ی كفری ساز ده‌كات.
به‌رێوه‌به‌ری رۆشنبیری كفری و رێخه‌ری فێستیڤاڵه‌كه، نه‌جم حه‌مید، به ئاژانس و رادیۆی په‌یامنێری راگه‌یاند، له رۆژانی 8 _9ـی ئه‌م مانگه، له هۆلی رۆشنبیری كفری یه‌كه‌مین فێستیڤاڵی كورته شیعر بۆ 24 شاعیری هه‌ر چوار پارچه‌ی كوردستان ساز ده‌كرێت.
ئه‌وه‌شی خسته روو، له‌و 24 شاعیره، سێ شاعیری به‌شداربوو له باكووری كوردستانه‌وه دێن و له رۆژئاوا و رۆژهه‌لاَتی كوردستانیش چوار شاعیر به‌شداری ده‌بن، ئه‌وه‌شی ده‌مێنێته‌وه له شارو شارۆچكه‌كانی هه‌رێمی كوردستانن.
حه‌مید روونیشی كرده‌وه، له فێستیڤاڵه‌كه‌دا پێشبڕكێ ناكرێت بۆ باشترین شیعر، به‌ڵكو ئامانج لێی ته‌نها بۆ پته‌وكردنی په‌یوه‌ندی نێوان شاعیرانی هه‌ر چوار پارچه‌ی كوردستانه، له ئێستاشدا ئاماده‌كارییه‌كان بۆ ده‌ستپێكردنی فێستیڤاڵه‌كه ته‌واوه.
سیروان حه‌سه‌ن/ پ. ف
6/10/2013
سەرۆكی گشتی پارتی بزووتنەوەی نەتەوەپەرست بەردەوامە لە رەخنەكانی بەرامبەر پاكێجی دیموكراسی، دوایین رەخنەشی لە هەڵگرتنی وشەی "توركم"ە لەنێو سروودی نیشتمانیی ئەو وڵاتە.
دەولەت باخچەلی، سەرۆكی گشتی پارتی بزووتنەوەی نەتەوەپەرست MHP ناڕەزایی لە بەرامبەر لادانی سروودی پەیمان نوێكردنەوەی خوێندنگەكانی توركیا دەردەبڕێ و دەڵێت "ئەگەر وشەی "توركم" چیتر لە خوێندنگەكان نەگوترێتەوە، ئەوكاتە نازناوی (ئەحمەد تورك) چی بەسەردێ؟".
پێوایە دەبێ ئەحمەد تورك، پەرلەمانتاری پارتی ئاشتی و دیموكراتی BDP نازناوی خۆی بگۆڕێ‌و دەڵێ "ئەگەر سروودی "توركم" دەوڵەت بێزار دەكات، دەبێ نازناوی ئەحمەد توركیش بێزاركەر بێت".
راگەیاندنی پاكێجی دیموكراسی لە 30/9/2013 لەلایەن رەجەب تەیب ئەدۆغان، سەرۆك وەزیرانی توركیا كاردانەوەی جیاجیای لێكەوتەوە، بەتایبەتی هەردوو پارتی ئۆپۆزیسیۆنی ئەو وڵاتە ، پارتی گەلی كۆماری CHP و پارتی بزووتنەوەی نەتەوەپەرست MHP بە هۆكارێكیان زانی بۆ پارچەكردنی دەوڵەتی توركیا و كردنەوەی رێگە لەبەردەم خوێندن بە زمانی دیك و لادانی سروودی نوێكردنەوەی پەیمانی (توركم) بە تووندی رەخنەی لێ گیرا.
لە دوایین كاردانەوەشدا دەولەت باخچەلی، سەرۆكی گشتی پارتی بزووتنەوەی نەتەوەپەرست MHP لە بەردەم بینای سەرەكی پارتەكەیدا پۆستەری "پەیمانەكەمان"ی هەڵواسی‌و بە رۆژنامەنووسانی راگەیاند "(توركم) پەیمانی ئێمەیە، بە راگەیاندنی ئەو پاكێجە هەنگاوێكی دیكە لە خواستی چەند ساڵەی پارتی كرێكارانی كوردستان نزیك بوونەوە كە سەربەخۆیی كوردستانە".
5/10/2013
دوو رۆژ دوای نوقم‌بوونی کەشتیەکی هەڵگری کۆچبەرانی نایاسایی لە باشووری ئیتالیا، مەلەوانان هەوڵەکانی خۆیان بۆ دۆزینەوەی زیاتر لە ٢٠٠ سەرنیشینی دیکەی ئەم کەشتییە دەست پێکردەوە.
رۆژی پێنجشەممەی رابردوو، کەشتییەکی نەفەرهەڵگر کە سەدان پەناخوازی بە شێوەی نایاسایی لە باکووری ئەفریقیاوە بەرەو ئیتاڵیا دەگواستەوە، لە دوڕگەی "لامپیدووسیا"ی دەریای نێوەڕاست ئاگری گرت و نوقمی دەریا بوو.
تا ئێستا ١٥٥ کەس لە سەرنشینانی کەشتیەکە رزگاریان بووە و ١١١ تەرمیش لە ئاو دەرهێنراونەتەوە.
وەزیری ناوخۆی ئیتاڵیا دوای سەردانی دوڕگەی لامپیدووسیا، رایگەیاند: لێخوڕی کەشتییە ٢٠ مەتریەکە کەسێکی تۆنسیە، تەمەنی ٣٥ ساڵە و لە ئەپریلی رابردوودا لە ئیتاڵیا دەرکراوە.
ئەم کەشتییە، لە شاری مسراتەی لیبیاوە بەڕێکەوتووە و لە نزیک دوڕگەی لامپیدووسیا مۆتۆڕەکانی لە کار کەوتووە و ئاو چووەتە ناوی.
بەپێی هەواڵەکان، دوای ئەم رووداوە، دانیشتووانی ناو کەشتیەکە بە مەبەستی راکێشانی سەرنجی یارمەتیدەران قوماشیان ئاگر داوە و ئاگەرەکە بووتە هۆی گڕگرتنی کەشتیەکە. دواتر کۆبوونەوەی دانیشتووانی کەشتییەکە لە گۆشەیەکدا بووتە هۆی ئەوەی کەشتیەکە ئاوژوو بێتەوە و سەرنشینەکانی نوقم ناو دەریابن.
سەرۆک وەزیرانی ئیتاڵیا، ئەم رووداوەی وەک خراپتریی رووداوی ساڵانی رابردووی وڵاتەکەی ناسادووە.
بە پێی راپۆرتی بی.بی.سی، لەم سەروبەندەی ساڵدا بەهۆی ئارام بوونەوەی ئاوەکانی دەریای نێوەڕاست، رۆژانە کەشتییەکی زۆر پەناخوازان بە قاچاخ لە رۆژهەڵاتی نێوەڕاستەوە بەرەو ئەوروپا دەگوازنەوە و زۆربەی کەشتیەکانی نەفەری زیاتر لە رادەی خۆیان بار دەکەن.
بە پێی لێدوانێکی رێکخراوی نەتەوە یەکگرتووەکان، تا کۆتایی مانگی رابردوو زیاتر لە ٣٠ هەزارکەس بە قاچاخ گەیشتوونتە ئیتاڵیا کە زۆربەیان خەڵکی وڵاتانی سوریا، ئەریتریا و سۆمالین.
ئاژانسەکان/ م. ش
5/10/2013
له‌گه‌ڵ ئه‌وه‌ی تائێستا هه‌ڵبژاردنی چوار خولی په‌رله‌مانی كوردستان ئه‌نجامدراوه، به‌ڵام هێشتا یاسایه‌ك نییه بۆ رێكخستنی بودجه‌ی حزبه‌كان و به‌وهۆیه‌شه‌وه چه‌ندین حزب كه له هه‌ڵبژاردندا ئه‌نجامێكی ئه‌وتۆیان به‌ده‌ست نه‌هێناوه، بڕێكی زۆر بودجه له حكومه‌تی هه‌رێمی كوردستان وه‌رده‌گرن كه له‌گه‌ڵ ژماره‌ی ده‌نگه‌كانیان یه‌كنایه‌ته‌وه.
ماڵپه‌ڕی ره‌سمی یه‌كگرتووی ئیسلامی كوردستان (كوردیو) بڵاویكرده‌وه كه "هه‌ڵبژاردنی په‌رله‌مانی كوردستان قه‌باره‌ی زۆرێك له هێزه سیاسیه‌كانی ئاشكراكرد به‌جۆرێك هه‌ندێك له‌و حزبه سیاسیانه لای چاودێران به دوكانی سیاسی داده‌نرێن و له‌كۆی پێنج حزب كه ته‌نها چوار كورسی په‌رله‌مانیان هێناوه زیاتر له 10 ساڵه مانگانه یه‌ك ملیار و نیو دینار له حكومه‌ت وه‌رده‌گرن".
كوردیو ئاماژه‌ی به‌وه‌داوه كه له ساڵی 2005دا پارته سیاسیه‌كان بۆ هه‌ر كورسییه‌كی په‌رله‌مان، بڕی 50 ملیۆن دیناریان بۆ ته‌رخان كرا وه‌ك بودجه‌ی مانگانه كه یه‌كێتی و پارتی به‌ده‌ربوون له یاساكه".
ئه‌وه‌ش خراوه‌ته‌ڕوو كه "ئه‌و كاته یه‌كگرتووی ئیسلامی خاوه‌نی نۆ كورسی په‌رله‌مان بوو (450) ملیۆن دیناری بۆ ته‌رخان كرا و كۆمه‌ڵی ئیسلامیش 350 ملیۆن دینار كه خاوه‌نی شه‌ش كورسی په‌رله‌مان بوو له‌گه‌ڵ زیاد كردنی 50 ملیۆن وه‌ك خه‌باتی شاخ".
كوردیو رایگه‌یاندووه كه "هه‌ر یه‌ك له‌یه‌كێتی نیشتیمانی كوردستان وپارتی دیموكراتی كوردستان مانگانه بڕی 3 ملیار و 854 ملیۆن دینار وه‌رده‌گرن و بزوتنه‌وه‌ی گۆڕانیش مانگانه 600 ملیۆن دینار وه‌رده‌گرێت".
به گوێره‌ی ماڵپه‌ڕه‌كه‌ی یه‌كگرتووه "به‌ده‌ر له یاساكان، پارته بچوكه‌كانی نزیك له ده‌سه‌ڵات بودجه‌یه‌كی زه‌به‌لاحیان بۆ ته‌رخان كراوه كه هه‌ندێكیان له‌م هه‌ڵبژاردنه‌دا نه‌یانتوانی یه‌ك كورسی په‌رله‌مان به‌ده‌ست بهێنن و به‌هێزترینیشیان ته‌نها یه‌ك كورسی به‌ده‌ست هێناوه، له‌و چوارچێوه‌یه‌دا هه‌ر پێنج حزبی كوردستانی كه ته‌نها چوار كورسیان به‌ده‌ست هێناوه بریتین له ( سۆسیالیست، شیوعی، زه‌حمه‌تكێشان، بزووتنه‌وه‌ی ئیسلامی، ئاینده) تێكڕا مانگانه له بودجه‌ی حكومه‌ت یه‌ك ملیار و 530 ملیۆن دینار وه‌رده‌گرن.
ئه‌مه‌ش ئه‌و بودجه‌یه‌یه كه حزبه‌كان له حكومه‌تی وه‌رده‌گرن:
*پارتی دیموكراتی كوردستان بودجه‌ی مانگانه‌ی 3 ملیار و 854 ملیۆن دیناره.
* یه‌كێتی نیشتمانی كوردستان بودجه‌ی مانگانه‌ی 3 ملیار و 854 ملیۆن دیناره.
*بزووتنه‌وه‌ی گۆڕان بودجه‌ی مانگانه‌ی 600 ملیۆن دیناره.
* یه‌كگرتووی ئیسلامی كوردستان بودجه‌ی مانگانه‌ی 450 ملیۆن دیناره.
* كۆمه‌ڵی ئیسلامی كوردستان بودجه‌ی مانگانه‌ی 400 ملیۆن دیناره.
*حزبی سۆسیالست دیموكراتی كوردستان بودجه‌ی مانگانه‌ی (350) ملیۆن دیناره.
*بزوتنه‌وه‌ی ئیسلامی كوردستان بودجه‌ی مانگانه‌ی (200) ملیۆن دیناره.
* حزبی زه‌حمه‌تكێشانی كوردستان بودجه‌ی مانگانه‌ی (280 )ملیۆن دیناره.
*حزبی ئاینده بودجه‌ی مانگانه‌ی (120) ملیۆن دیناره.
*حزبی شیوعی كوردستان بودجه‌ی مانگانه‌ی بڕی (580) ملیۆن دیناره.
xendan
4/10/2013
رۆژی پێنجشەممە پەرلەمانی توركیا پاش گفتوگۆ لەسەر بابەتی درێژكردنەوەی مۆڵەتدان بە سوپای توركیا بۆ چوونە دەرەوەی سنوور، بە زۆرینەی دەنگ مۆڵەتپێدانەكەی بۆ ماوەی ساڵێكی دیكە درێژكردەوە.
سوپای توركیاش لە راگەیەنراوێكیدا سەبارەت بە ژمارەی ئەفسەر و سەربازەكانی ئاشكرای كرد، بەگشتی 647 ھەزار و 583 ئەندامی (سەربازی و مەدەنی) ھەیە، لەوانە 347 ژەنڕاڵ و 39 ھەزار و 451 ئەفسەر و ھەزار و 893 سەرئەفسەر.
بەپێی ئەو ڕاگەیاندنە كە سەرۆكایەتیی ئەركانی سوپای توركیا بڵاویكرد‌ووەتەوە، سوپای توركیا زانیاریی لەبارەی ژمارەی ئەندامانی سوپا لە ھەرسێ ھێزی وشكانی و دەریایی و ئاسمانی بڵاوكردووەتەوە.
بەوپێیە ھێزی فەرماندەیی ئەركانی سوپا 314 ژەنراڵی ھێزی وشكانی و ئاسمانی و دەریایی ھەیە، 32 ژەنراڵی جەندرمە و 1 ژەنراڵ لە فەرماندەیی ئاسایشی كەنار دەریا، كۆی گشتی 347 ژەنراڵ و ئەمیراڵ ھەن.
ھێزی فەرماندەیی بەھەر سێ بەشیەوە لە 259 ھەزار و 282 توخمی سەربازی پێكدێ، لەگەڵ 118 ھەزار و 270 كەس لە ھێزی فەرماندەیی جەندەرمە، 1800 كەس لە ئاسایشی كەنار دەریا، كۆی گشتی دەبێتە 379 ھەزار و 352 كەس.
ھەروەھا لە سوپاشدا ھەزار و 893 سەر ئەفسەر بەگرێبەست كار دەكەن.
سوپای توركیا بە توخمە سەربازی و مەدەنیەكانیەوە لە 647 ھەزار و 583 كەس پێكدێ.
4/10/2013
یاسایەكی نوێی ئێران، كە بەهۆیەوە رێگا بە پیاوان دەدرێت دەتوانن ئەو كچانە بهێنن كە لەخۆیان گرتوون، كاتێك كچەكان دەگەنە تەمەنی 13 ساڵ.
پەرلەمانتارانی ئێران لەسەر یاساكە رازی بوون و شادی سەدر كە پارێزەرێكە بۆ گرووپی عەدالەت بە رۆژنامەی "گاردییەن"ی راگەیاندووە "ئەم یاسایە بریتییە لە بەیاساكردنی سێكس لەگەڵ منداڵان".
هەرچەندە هاوسەرگیریكردن لەگەڵ منداڵە لەخۆگرتووەكان لە كەلتو‌وری ئێرانییەكاندا نییە، بەڵام وەك پەرلەمانتارە ئێرانییەكە دەڵێ "ئەم یاسا نوێیە وادەكات كاری تاوانكاری و سێكس لەگەڵ منداڵان ئاسایی بێت".
حكومەتی ئێرانیش گفتوگۆ لەسەر ئەوە دەكەن ئەگەر بێت و ئەو یاسایە بەكارببرێت، دەبێت كچان لەبەر چاوی ئەو پیاوانەی كە لەخۆیان گرتوون و ژنانیش لەبەر چاوی كوڕە لەخۆگرتووەكانیان لەچك بكەن.
ئەگەرێك هەیە كە لیژنەی بەڕێوەبردن لەسەر ئەم یاسایە رازی نەبێت، یاساكەش بەگشتیی چالاكوانانی توڕەكردووە .
4/10/2013
دوای ماوەیەك لە راگرتنی كارەكانی لیژنەی ئامادەكاری كۆنگرەی نەتەوەیی، بڕیارە رۆژی هەشتی ئەم مانگە دیسان لیژنەكە دەست بە كۆبوونەوەكانی بكاتەوە.
لە كۆبوونەوەكانی داهاتووی ئەو لیژنەیەدا، گفتوگۆ لەسەر مۆدێلی كۆنگرە و چۆنێتی كاركردنی ئەو هەشت كۆمیسیۆنە دەكرێت كە درووستكراون، لە كاتێكدا لە كۆبوونەوەكانی پێشووتری ئەو لیژنەیەدا باسكرابو‌ون، بەڵام نەگەیشتبوونە هیچ رێككەوتنێك.
كۆنگرەی نەتەوەیی جگە لە میوانانی بیانی، 600 ئەندامی لە هەرچوار پارچەكەی كوردستان دەبێت، بەڵام تاوەكو ئێستا یەكلایی نەكراوەتەوە كە هەر پارچەیەك چەند ئەندامی دەبێت، بەڵكو ئەوەی یەكلایی كراوەتەوە ئەوەیە كە هەر پارچەیەك خۆی ئەندامانی خۆی دەست نیشان دەكات.
یەكێكی دیكە لەو بابەتانەی دەبێتە تەوەری گفتوگۆی كۆبوونەوەكانی داهاتوو، دەستنیشانكردنی سەرۆكایەتی كۆنگرەیە، ئەوەی دەگووترێ PKK و ئەو حزبانەی كە باس دەكرێن باڵی سەر بەو پارتەن داوایان كردووە پەیڕەوی سیستەمی هاوسەرۆكی بكرێت بۆ سەرۆكایەتیكردنی كۆنگرە.
پێشتر بریار بوو كۆنگرەی نەتەوەیی رۆژی 24-8-2013 ببەسترێت، بەڵام دواتر دواخرا بۆ رۆژی 15ی ئەیلول، جارێكی دیكە لەو بەروارەش دواخرا و ئێستا بڕیارە لە رۆژانی 25 تاوەكو 27ی مانگی تشرینی دووەمی ئەمساڵ ببەسترێت.
3/10/2013
پەرلەمانی كۆریای باشور كۆمەڵكوژییەكانی رژێمی بەعسی دژ بەكورد بەجینۆساید ناساند و نوێنەرێكی كوردیش لەپەرلەمانی عێراق داوا دەكات وەك دۆكۆمێنتێكی فەڕمی بناسێنرێ لەلایەن پەرلەمانی عێراقەوە.
ئەشواق جاف ئەندامی لیژنەی مافی مرۆڤی عێراق ئەمڕۆ بەكۆكردنەوەی 52 واژۆی پەرلەمانتارانی عێراق ئەو بڕیارەی خستە ناو خشتەی كارەكانی كۆبونەوەی ژمارە 24ی لە 2ی تشرینی دووەمی 2013دا.
ئەشواق جاف، بە سایتی هاوڵاتی وت “ئەمڕۆ لەناو هۆڵی ئەنجومەنی نوێنەرانی بڕیاری ئەنجومەنی نیشتمانی پەرلەمانی كۆریای باشورم خوێندەوە لەبارەی بەجینۆساید ناساندنی قوربانیانی گۆڕە بەكۆمەڵەكانی عێراق كە رژێمی بەعس لە پرۆسەی ئەنفالدا دژ بەنەتەوەی كوردی ئەنجامدابوو”.
ئەشواق جاف دەڵێت “داوامكرد لە سەرۆكایەتی ئەنجومەنی نوێنەرانی عێراق كە یەكەم ئەو بڕیارەی پەرلەمانی كۆریای باشور بە دۆكۆمێنتێكی فەڕمی هەژمار بكرێ بۆ پەرلەمانی عێراقی و بیپارێزێ وەكو دۆكۆمێنتێكی فەڕمی”.
25ی حوزەیرانی 2013 پەرلەمانی كۆریای باشور گۆڕە بەكۆمەڵەكانی عێراقی لەشاڵاوەكانی ئەنفالدا دژ بەگەلی كورد پێكهاتون كە رژێمی بەعس دژ بەگەلی كورد ئەنجامیدابوو بەتاوانی دژ بەمرۆڤایەتی و جینۆساید ناساند.
هاولاتی
3/10/2013
بە بۆنەی سەركەوتنی پارتی دیموكراتی كوردستان لە هەڵبژاردنی په‌رلەمانی كوردستان، سه‌رۆك بارزانی له په‌پامێكدا پیرۆزبایی و سوپاسی خۆی ئاڕاستەی ئەندام و كادر و لایەنگر و هەوادارانی پارتی كرد، رایگه‌یاند، بۆ ئەوەی بگەینە ئامانج و سەركەوتنی كوردستان، دەبێ هەوڵی چارەسەركردنی كەموكورتییەكان بدەن، دەبێ لەگەڵ هەموو لایەنە سیاسییەكانی كوردستان كراوە بن و ڕێزی هەموو لایەك بگرن.
ئه‌مه‌ش ده‌قی په‌یامه‌كه‌یه;
بەناوی خودای بەخشندە و میهرەبان
پڕ بە دڵ پیرۆزبایی و سوپاس و پێزانینی خۆم ئاڕاستەی یەكە بە یەكەی ئەندام و كادر و لایەنگر و هەوادارانی پارتی دیموكراتی كوردستان دەكەم بە بۆنەی سەركەوتنی پارتی لە هەڵبژاردنی پارلەمانی كوردستان و هەروەها بۆ ئەو هەوڵ و پابەندییەی لە بانگەشەی هەڵبژاردن و پڕۆسەی هەڵبژاردن نیشانیان دا و بە بڕوا و خۆبەخشییەوە كاریان بۆ سەرخستنی پارتەكەیان كرد.
ڕێبازەكەتان پڕە لە سەروەری و دەستكەوت و ڕێگە پیرۆزەكەتانیش هەوراز و نشێوی زۆری تێدایە. زۆر سوپاستان دەكەم كە بڕوابەخۆبوون و بڕوا بە سەركەوتنتان لەدەست نەدا و بە دڵ و بە جۆشەوە كارتان بۆ ڕێبازەكەتان كرد. ئێستا ڕێگەیەكی دوورودرێژتان لەبەردەمە و پێویستە بەیەكەوە هەنگاوی مەزنتر لەپێناو سەربڵندیی وڵاتەكەتان بنێن. با ئەم وتەیەی بارزانیی نەمر بكەینە سەرمەشقی كارەكانمان كە لەسەركەوتندا مەغروور نەبن و لە شكستیشدا نائومێد نەبن. پێویستە ئێوە هەمیشە لەناو جەماوەری كوردستاندا بن و خزمەتیان بكەن و گوێ لە ئێش و ئازار و داخوازییەكانیان بگرن و ڕێزیان لێ بگرن. بۆ ئەوەی بگەینە ئامانج و سەركەوتنی كوردستان، دەبێ كار لەسەر ئەوە بكرێت خاڵە بەهێز و لاوازەكان دەستنیشان بكرێت و هەوڵی چارەسەركردنی كەموكورتییەكان بدەن. دەبێ لەگەڵ هەموو لایەنە سیاسییەكانی كوردستان كراوە بن و ڕێزی هەموو لایەك بگرن.
خۆشبەختانە كوردستان كەوتووەتە سەر ڕێگەیەكی ڕاست و دیموكراسی لە وڵاتەكەمان ڕیشەدار بووە. خۆشترین سات و گەورەترین دەستكەوتمان ئەوەیە كە میللەت لە ڕێگەی سندووقی دەنگدانەوە خۆی چارەنووسی خۆی دەستنیشان بكات و پەرەپێدانی ئەم نەهجە ئەركی سەرەكیی سەرشانی ئێوەیە.
مسعود بارزانی
سەرۆكی پارتی دیموكراتی كوردستان
3ـی 10ـی 2013
- داواکاری گشتیی کرماشان: لێکۆڵینەوە لەبارەی لێدانی قوتابیان دەکەین
- هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد
- گفتوگۆكانی ئێران و ئەمریكا لە عومان دوای دو کاتژمێر کۆتایی هات
- ئێران شەڕو دانوستانی ناڕاستەوخۆی پێ باشە!
- داواکارییەکانی ئێران و ئەمریکا لەیەکتریی چیە؟
- وەزیری بەرگریی ئیسرائیل هۆشداری دەداتە ئەحمەد شەرع
- وادەی هێرشی ئەمریکا بۆ سەر ئێران ئاشکرا کرا
- دەستووری کاتی سوریا نیگەرانی لایەن کوردییەکان و چاودێرانی لێدەکەوێتەوە
- بارودۆخی نالەباری ئابووریی ئێران پێدەچێت کۆماری ئیسلامی ناچار بکات لەگەڵ سەرۆک ترامپ ڕێککەوتن بکات
- عڕاقچی: هێشتا نامەکەی ترەمپ بە دەستمان نەگەیشتووە
- وەزیری دەرەوەی ئێران دەڵێت بڕیارە نامەکەی ترامپ لە لایەن نێردراوێکی وڵاتێکی عەرەبیەوە بگەیەنرێتە تاران
- مەزڵوم عەبدی و ئەحمەد ئەلشەرع بە ڕێکەوتن دەگەن
- 8ی مارس.. شۆڕشێك لەپێناو مافی ژنان
- سری سورەییا ئۆندەر: باخچهلی پێی گوتم، ڕۆژێک دێت پێکەوە هەڵپەڕکێی ئاشتیی دەکەین
- حكوومهتی ئێران : له‌گه‌ڵ ئهورووپا درێژه به گفتوگۆ ئهتۆمییهكان دهدهین
- عەلی باپیر، سەرۆکی کۆمەڵی دادگەری کوردستان سەبارەت بە پەیامی ئۆجەلان"هیوادارم هەردوولا بە کردەوە بەدەم بانگەوازەکەوە بچن."
- ئەمینداری گشتیی یەکگرتوو پەیامی ئۆجەلان "پەیامێکی پڕ لە بەرپرسیاریەتی و بایەخ و واقعیەتە"
- سەرۆك بافڵ جەلال تاڵەبانی: پێشوازی لە پەیامەکەی بەڕێز عـ.ـەبدوڵا ئـ.ـۆجەلان دەکەین
- سەرۆک بارزانی: هیوادارین پەیامەکەی ئۆجەلان دەستپێکێک بێت بۆ ئەوەی پڕۆسەی ئاشتی رێی خۆی بگرێت
- زەینەب جەلالیان لە 17هەمین ساڵی زیندانیکردنیدا لە ناو زیندانەوە باس لە ئازارەکانی دەکات
- بزووتنەوەی کۆماریخوازانی ڕۆژهەڵاتی کوردستان ٢ی ڕێبەندان، ٧٩هەمین سالرۆژی دامەزرانی یەکەم کۆماری کوردستان، لە نەتەوەی کورد پیرۆزدەکات
- پەیامی پیرۆزبایی کۆماریخوازان بۆ بەرێز مەسعوود پزیشکیان
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
