به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
عومەر ئۆسێ، پەرلەمانتاری كوردی پەرلەمانی سووریا، كە ئێستا بە سەردانێك لە هەرێمی كوردستانە لە هەڤپەیڤینێكدا لەگەڵ (رووداو) راگەیاند چەند پەیامێكی بەشار ئەسەدی سەرۆكی سووریای پێیە بۆ بەرپرسانی هەرێمی كوردستان، ئێستا چاوەڕێی بینیی مەسعود بارزانی، سەرۆكی هەرێمی كوردستان دەكات بۆ گەیاندنی ئەو پەیامانە.
هەروەها ئەو پەرلەمانتارەی سووریا گوتی " ئەسەد پێیگوتم كە چووی بۆ هەرێمی كوردستان بە بەرپرسانی كورد بڵی ئێمە قەت دژی هەرێمی كوردستان نین".
بارزانی پێشتر رایگەیاندبوو ئامادەیە هێز بنێرێتە رۆژئاوای كوردستان بۆ پارێزگاری كردن لە هاووڵاتیانی كورد. عومەر ئۆسێ دەڵێت بەشار ئەسەد ئاگاداری ئەو پەیامەی بارزانییە "بەشار ئەسەد لاری نییە هێزی پێشمەرگە بێ بۆ سووریا و ناوچەكانی كوردستانی سووریا بپارێزێ". هەروەها دەڵێت "ئەسەد ئامادەیە بارزانی، وەكو سەرۆكی هەرێمی كوردستان بانگهێشت بكات بۆ سووریا".
9/09/2013
محەممەد جەواد زەریف وەزیری دەرەوەی ئێران بەسەردانێكی فەرمی گەیشتە بەغدا وچاوی بە وەزیری دەرەوەی عێراق هۆشیار زیباری كەوت باس لە بارودۆخی ئەمنی وسیاسی عێراق كرا.
وەزیری دەرەوەی عێراق، هۆشیار زیباری، لەكۆنگرەیەكی رۆژنامەوانیدا ڕایگەیاند: لیژنەی گفتوگۆی سیاسی و لیژنەی وەزارەی لەنێوان هەردوو لا كرا بۆ ئەوەی كاروباری عێراق وئێران بەرەوە پێش بڕوات و پەێوەندیكان بەهێز بکرێن.
هۆشیار زیبار باسی لە بارودۆخی ئەمنی سووریا كرد وهەروەها ئاماژەی بەوە كرد كە حكومەتی عێراق دژی هەر كەسیكە كە چەكی كیمیاوی لە سووریا دژ بە هاووڵاتیان بەكار بهینێت.
وەزیری دەرەوەی ئێران محەممەد جەواد زەریف، لەكۆنگرەكەدا، ڕایگەیاند: عێراق وئێران پەیوەندیكی تۆكمە لەنێوانیندا هەیە ودەبێت بۆ پتەو كردنی پەیوەندیكان كار بكرێت وهاوكاری یەكتر بكرێت بۆ ئەوەی شەڕ دژ بە وڵاتی سووریا ئەنجام نەدرێت، چونكە زەرەریكی زۆر بە وڵاتەكانی دەوربەری دەگەیەنێت وپێویستە بەشێوی گفتوگۆ ودیالۆك كێشەی سووریا چارەسەر بكرێت.
وەزیری دەرەوەی ئێران ئاماژە بەوە كرد كە لیدانی سووریا كاردانەوەیەكی گەورەی لە سەر كاروباری ئەمریكا دەبێت.
سامان بابان/ م.ش
pna
9/09/2013
پارتی کرێکارانی کوردستان PKK، کێشانەوەی هێزەکانی لە باکووری کوردستان بۆ باشوور دەوەستێنێت، چونکە بە گوتەی بەرپرسانی پارتەکە، تورکیا رێککەوتننامە ئاشتییەکەی جێبەجێنەکردووە. هەروەها بەرپەرچی هەر هێرشێک دەدەنەوە، کە بکرێتە سەریان.
جەمیل بایک، هاوسەرۆکی کۆما چڤاکێن کوردستان KCK لە گوتەیەکیدا، کە رۆژنامەی تودەی زەمانی تورکی بڵاوی کردووەتەوە، "بڕیاری وەستاندنی کێشانەوەی گەریلاکانی پەکەکەی لە باکووری کوردستان بۆ باشوور داوە"، هەروەک گوتوویەتی "بەتووندی وەڵامی هەر هێرشێکی هێزەکانی تورکیا دەدەینەوە".
هاوسەرۆکی KCK پێیوایە تورکیا هیچ کام لە بەندەکانی رێککەوتننامەی ئاشتی جێبەجێنەکردووە، کە لەسەری رێککەوتبوون، "ئەمەش پێچەوانەی رێککەوتنی نێوانمانە و واتای بڕوا نەبوونە بە پرۆسەی ئاشتی و چارەسەری کێشەی کورد" و لەبەرئەوەش پاشەکشەی هێزەکانیان دەوەستێنن. هەروەها لە کاتی هەر هێرشێکی هێزەکانی تورکیاش "بەتووندی وەڵامیان دەدەینەوە"، لە ئەگەری ئەوەی هێرشیان بکرێتە سەر، هێزەکانی دیکە، کە کێشاویانەتەوە، ئەوانیش "دووبارە دەگەڕێنینەوە بۆ ناو باکووری کوردستان".
هاوسەرۆکی کۆما چڤاکێن کوردستان گوتوویەتی "لە گەڕی دووەمی پرۆسەکەدا، سەرۆک ئاپۆ دەیەویست بە رێگای چارەسەری دیموکراسی و ئاشتییانە چارەسەری کێشەی کورد بکرێت لە باکووری کوردستان، ئەگینا گەلی کورد دژی هەر مەترسییەک پارێزگاری لەخۆی دەکات".
هەفتەی رابردوو، جەمیل بایک، هاوسەرۆکی کۆما چڤاکێن کوردستان، لە لێدوانێکی تەلەفزیۆنیدا رایگەیاند "ئاگربەستی نێوان ئێمە و تورکیا، کارپێنەکراو دەبێت، لە حاڵەتی سەرنەگرتنی پرۆسەی ئاشتی نێوان ئێمە و تورکیا لە دوای 1ی ئەیلولەوە".
عەبدوڵڵا ئۆجەلان رێبەری بەندکراوی پەکەکە لە 26ی تەممووز هەڕەشەی لە حکومەتی تورکیا کردبوو، ئەگەر حکومەتی تورکیا تاوەکو 15ی تشرینی یەکەم پێنگاوی ئاشتی نەهاوێژێت، ئەوا کار بە ئاگربەستی نێوانیان ناکەن، هەروەک گوتبووی "پەکەکە چیدیکە چاوەڕوانی هەنگاوەکانی داهاتووی حکومەتی تورکیا ناکات" بۆ کۆتایی هێنان بەو کێشەیەی زیاتر لە سێ دەیەیە درێژەی هەیە لەنێوان پارتەکەیان و حکومەتی تورکیا.
رێبەری بەندکراوی PKK پێشتر لە 4ی نیسانی ساڵی 2013 لە نامەیەک بۆ سەرکردەکانی پارتەکەی، بە گەریلاکانی رایگەیاندبوو، باکووری کوردستان جێبهێڵن و بچنەوە بنە و بارەگاکانیان لە چیای قەندیلی باشووری کوردستان.
عەبدوڵڵا ئۆجەلان رێبەری پەکەکە، کە لە مانگی شوباتی ساڵی 1999 لە کینیا دەستگیرکرا و لەلایەن تورکیا بە زیندانیی هەتایی سزادراوە و ئێستا لە دوورگەی ئیمڕاڵی بەندکراوە، لە 21ی ئازاری 2013 داوای لە گەریلاکانی حزبەکەی کردبوو، ئاگربەست رابگەیەنن بەرامبەر تورکیا و لە باکووری کوردستان پاشەکشەبکەن، وەک نیشاندانی نیازپاکی بۆ سەرخستنی پرۆسەی ئاشتی، دوای 30 ساڵ شەڕی چەکداری و کوژرانی هەزاران کەس.
8/09/2013
محەمەد جەواد زەریف وەزیر دەرەوەی ئێران ئەمرۆ بە سەردانێکی فەرمی گەیشتە بەغداد و بڕیارە لەگەڵ ژمارەیەک لە بەرپرسانی عێراقدا کۆببێتەوە.
لە بەیاننامەیەکدا وەزارەتی دەرەوەی عێراق رایگەیاند " سەرلەبەیانی ئەمر ۆ هوشیار زیباری وەزیری دەرەوەی عێراق پێشوازی لە محەمەد جەواد زەریف وەزیری دەرەوەی ئێران وشاندی هاورێی کرد ".
بەیاننامەکە ئاماژەی بۆ بەرنامەی سەردانەکەی زەریفی نەکردووە تەنها باسی لە کۆبوونەوەی لەگەڵ ژمارەیەک لە بەرپرسانی عێراقی کردووە .
جێگەی ئاماژە پێکردنە سەردانەکەی وەزیری دەرەوەی ئێران بە یەکەم سەردانی بەرپرسێکی باڵای ئێران دادەنرێت بۆ عێراق لە پاش پێکهێنانی حکومەتی نوێی ئێران، و هاوکات لەگەڵ زیادبوونی ئەگەرەکانی ئاراستەکردنی گورزێکی سەربازی بۆ سوریا دێت.
د.ع
8/09/2013
سكرتێری مه‌كته‌بی سیاسیی پارتیی دیموکراتی کوردستان، فازڵ میرانی، ڕایگەیاند، سەرۆکی حکوومەتی هەرێم، نێچیرڤان بارزانی، لە بەرنامەیدایە پشکی هاووڵاتیان لە داهاتی نەوت دیاری بکات و بێ جیاوازی مانگانە بڕی ٥٠٠ تا ١٠٠٠دۆلاریان پێ بدات.
ڕۆژنامەی خەبات لە ژمارەی ئەمڕۆیدا لە زاری فازڵ میرانییەوە بڵاوی کردووەتەوە كه نێچیرڤان بارزانیی سه‌رۆكی حكوومه‌تی هه‌رێم بڕیاری داوه كار له‌سه‌ر ئه‌وه بكات مانگانه 500 تا 1000 دۆلاری نه‌وت بدرێته هه‌ر خێزانێكی كورد.
فازڵ میرانی له كۆبوونه‌وه‌یه‌كی حزبه‌كه‌یدا کە له ئامێدی ساز دراوە، گوتوویه‌تی، نێچیرڤان بارزانی كار بۆ ئه‌وه ده‌كات هاوشێوه‌ی وڵاتی ئیمارات مانگانه له پاره‌ی نه‌وت مووچه‌یه‌ك بۆ خه‌ڵكی كوردستان بێ جیاوازی ببڕێته‌وه.
pna
8/09/2013
سەرۆکایەتیی هەرێمی کوردستان سەبارەت به هەواڵێکی "ئاژانسی ئانادۆڵ"ی تورکی که باسی له دواخستنی کۆنگرەی نەتەوەیی کردووه، روونکردنەوەیەکی بڵاو کردەوه.
ئەمەش دەقی روونکردنەوەیەکەیه:
"ئاژانسی ئەنادۆڵ هەواڵێکی بڵاو کردۆەتەوە و هەندێ سایتی هەرێمی کوردستانیش بەبێی ئەوەی بەدواداچوونی دروست بۆ هەواڵەکە بکەن، هەواڵەکەیان گواستۆتەوە کە گوایە دواخستنی کۆنگرەی نەتەوەیی لەسەر داوای سەرۆکی هەرێمی کوردستان بووە.
سەرۆکایەتیی هەرێمی کوردستان بە گشت لایەک رادەگەیێنێت کە ئەم هەواڵە هیچ بنەمایەکی نییە و دوورە لە راستی. بەڕێز سەرۆکی هەرێمی کوردستان هەر لە سەرەتای دەستپێکردنی دانیشتنەکانی کۆمیتەی ئامادەکاریی کۆنگرەی نەتەوەیی، لەگەڵ ئەوە بووە کە کۆنگرە لە زووترین کاتدا ئەنجام بدرێت.
دواخستنی کۆنگرەی نەتەوەیی هیچ پەیوەندیی بە بەڕێز سەرۆکی هەرێمی کوردستان نەبووە و بە بڕیاری کۆمیتەی ئامادەکاریی کۆنگرەی نەتەوەیی و لەسەر داوای لایەنە بەشداربووەکان بووە و ئەوە لە راگەیەندراوی رۆژنامەوانیی کۆمیتەی ئامادەکاریی کۆنگرەی نەتەوەیی لە رێکەوتی 3ـی 9ـی 2013ـدا بەڕوونی باس کراوە کە هەڵبژاردنەکانی پارلەمان و پارێزگاکانی هەرێمی کوردستان هۆکاری دواخستنی کۆنگرەن.
کۆنگرەی نەتەوەیی مۆڵکی هەموو تاکێکی کوردە و بەرژەوەندییە باڵاکانی گەلەکەمانی پێوە بەندە. بۆیە داوا لە هەموو دەزگەکانی راگەیاندن دەکەین کۆنگرەی نەتەوەیی نەکەنە کەرەستەی یاری پێکردن و بڵاوکردنەوەی هەواڵی ناڕاست."
سەرۆکایەتیی هەرێمی کوردستان
7ـی 9ـی 2013
گۆرانیبێژی بەناوبانگی پۆپی ئەمریكی مادۆنا داوا لە هێزەكانی وڵاتەكەی دەكات كە هێرشی سەربازی نەكاتە سەر سووریا.
مادۆنا وێنەیەكی خۆی لەسەر ماڵپەڕی ئینسگرام بڵاوكردۆتەوە و لەسەر وێنەكە نووسیویەتی " ئەمریكا .. دەست لە كاروباری سوریا وەرمەدە".
وێنەكەی مادۆنا بە خێراییەكی زۆر لە ئینتەرنێت بڵاو بووەوەو گرنگیەكی تایبەتی پێدرالە لایەن چالاكوانانەوەو گفتۆیەكی زۆری لەبارەیەوە كرا لە ئەگەری هێرشكردنە سەر سوریا.
ماوەی چەند رۆژێكە لە ئەنجوومەنی پیرانی ئەمریكا ڤفتوگۆ لەسەر دۆسییەی لێدانی سووریا دەكرێت و تاوەكو ئێستاش یەكلایی نەكراوەتەوە.
مادۆنا یەكەم هونەرمەند نییە كە نامەیەك ئاڕاستەی كۆشكی سپی بكات و تێیدا ناڕەزایی خۆی دەرببڕێت بەرامبەر دەست تێوەردان لە سووریا , چونكە پێش ئەو چەند ژنە هونەرمەندێكی سووری پەیامی هاوشێوەیان ئاراستەی ئەمریكا و سەرۆكەكەیان ئۆباما كردبوو. كە ناوەڕۆكی پەیامەكانیان لە داواكردن یان هەڕەشەكردن بوو لە دژی دەستتێوەردانەكە .
ئەگەر پەیامی ژنە هونەرمەندە عەرەبەكانیش نەگەیشتبێتە ئۆبامای سەرۆكی ئەمریكا ئەوا بە دڵنیاییەوە پەیامی شاژنی پۆپی گەیشتووەتێ ئەمەش بۆ سەرۆك دەگەڕێتەوە ئایا هیچ گرنگیەك بەم پەیامانە دەدات یاخود پشتگۆیان دەخات .
رووداو – rt
7/09/2013
سەرۆکی رووسیا رایگەیاند وڵاتەکەی بەردەوام دەبێت لە هاوکاریکردنی بەشار ئەسەد لەرێگەی هەناردەکردنی چەک بۆ رژێمەکەی.
لە کۆنفڕانسێکی رۆژنامەوانیدا دوای کۆتاییهاتنی کۆنگرەی G20، ڤلادیمێر پوتین گوتی "بەپێی یاسای نێودەوڵەتییەکان، بەکارهێنانی هێز لە دژی وڵاتێكی خآوەن سەروەری سیاسی قەدەخەیە"، تێکدانی "ئارامی رۆژهەڵاتی ناوەڕاست" دەرەنجامی پێچەوانەی خواستی هەموو لایەکی لێ دەکەوێتەوە.
پوتین پشتگیری رژێمی بەشار ئەسەدی کرد و گوتی "ئەو قسانەی لەبارەی بەکارهێنانی چەکی کیمیایی لەلایەن رژێمی بەشار ئەسەدەوە دەکرێن، پڕوپاگەندەیەکە لایەنە بەرهەڵستکارەکانی رژێمی سووریا دەیکەن، بۆ ئەوەی لەو رێگەیەوە هاوکاری و پشتیوانی دەرەکی وەربگرن".
هەروەها ئاماژەی بەوەدا، لەگەڵ باراک ئۆباما، سەرۆکی ئەمریکا کۆبوونەتەوە، بەڵام هەردوو لایان لەسەر هەڵوێستی خۆیان سووربوون و بۆچوونیان لەیەکەوە نزیکنەبووە.
لای خۆیشیەوە باراک ئۆباما، سەرۆکی ئەمریکا رایگەیاند "ئێمە لە بەکارهێنانی چەکی کیمیایی لەلایەن رژێمی بەشار ئەسەدەوە، دڵنیاین".
هاوکات 11 وڵاتی بەشدار لە کۆنگرەی G20، واژوویان لەسەر داوانامەیەک کرد، کە تێیدا هاتبوو پێویستە لە هەمبەر بەکارهێنانی چەکی کیمیایی وەڵامێکی نێونەتەوەیی بدرێتەوە.
رۆژی پێنجشەممە 5/9/2013 کۆنگرەی G20 لە شاری سانپترسبورگ لە رووسیا سازکرا و لە ماوەی 2 رۆژی بەڕێوەچوونیدا، پرسی سووریا گەرمترین باس بوو، بەڵام بەبێ ئەوەی رێککەوتنێکی هاوبەشی نێوان رووسیا و ئەمریکای لێبکەوێتەوە، کۆتایی هات.
بە گوێرەی لێدوانی بەرپرسانی ئۆپۆزیسیۆنی سووریا، رۆژی 21ی ئاب رژێمی ئەو وڵاتە بە چەکی کیمیاوی هێرشی کردە سەر ناوچەی غوتەی رۆژهەڵات لە دورووبەری دیمەشق و بووە هۆی کوشتنی ژمارەیەک هاووڵاتی.
7/09/2013
بەمەبەستی چاودێری کردنی پرۆسەی هەڵبژاردنی پەرلەمانی هەرێمی کوردستان 6 تیمی کۆمکاری عه‌ره‌بی دێنە کوردستان.
سه‌ربه‌ست مسته‌فا سه‌رۆکی کۆمسیۆنی باڵای سه‌ربه‌خۆی هه‌ڵبژاردنه‌کانی عێراق ئاشکرای کرد " شه‌ش تیمی کۆمکاری عه‌ره‌بی بۆ چاودێری هه‌ڵبژاردن دێنه کوردستان و به‌سه‌ر هه‌رسێ پارێزگاکه‌ی هه‌رێمدا دابه‌شده‌بن" .
سه‌رۆکی کۆمسیۆنی باڵای لە لێدوانێکدا بۆ ماڵپەڕی فەرمی پارتی دیموکراتی کوردستان روونیکردەوە " بێجگە لە شاندەکانی چاودێری کۆمکاری عەرەبی دەرگا لە بەردەم بەشداری تیمەکانی بیانی بۆ چاودێریی هەڵبژاردنی کوردستان کراوەیە".
بریارە لە 21 ی ئەم مانگە هەڵبژاردنی پەرلەمانی کوردستان بە بەشداری 30 قەوارەی سیاسی بەرێوەبچێت و تێدا سەدان چاودێری رێکخراوەکانی کۆمەڵگەی مەدەنی بەشداری دەکەن.
د.ع
pna
7/09/2013
سەرۆكی لیستی پارتی ئاشتی و دیموكراتی BDP لە پەرلەمانی توركیا رایگەیاند:" دەستێوەردانی سووپای توركیا لە سووریا دەبێتە هۆكاری شەڕێكی گەورە لە ناوچەكەو ئێمە دژی بڕیاری دەستێوەردانی سووپای توركیا لە كێشەی سووریا دەوەستینەوە".
ئیدریس بالوكەن لە كۆنگرەیەكی رۆژنامەوانیدا كە لە پەرلەمانی ئەو وڵاتە سازیكردبوو رایگەیاند:" ئێمە وەك پەرلەمانتارانی پارتی ئاشتی دیموكراتی BDP دژی دەستێوەردانی سووپای توركیا لە هێرشی پێشبینی كراوی وڵاتانی رۆژئاوا بۆ سەر ئەو وڵاتە دەوەستینەوە".
بالوكەن دەڵێ "ئێمە پێمان وایە ئەو دەستێوەردانە شەڕێكی هەرێمی لە رۆژهەڵاتی ناوەڕاستی لێدەكەوێتەوە، بۆیە ئێمە دژی بڕیار و دەنگدان لەسەر بەشداری سوپای توركیا دەوستینەوە".
لە 21/7/2013 لە ناوچەی خوتە-ی رۆژهەڵاتی دیمەشق چەكی كیمیایی دژی هاووڵاتیانی سووریا بەكارهات و بە هەزاران كەس بوونە قوربانی، رژێمی سووریاش بە بەكارهێنانی ئەو كیمیاییە تۆمەتباركراو وڵاتانی ئەندام لە نەتەوە یەكگرتووەكان لەئەگەری هاودەنگی بۆ هێرشێكی سەربازی نزیك بوونەتەوە.
رەجەب تەیب ئەردۆگان، سەرۆك وەزیرانی توركیا رایگەیاندبوو ئەگەر هێرشێكی سەربازی بكرێتە سەر سووریا، توركیا هەموو ئامادەییەكی هاوبەشیكردنی ئەو هێرشەی تێدایە.
6/09/2013
وەزیری كارەبای حكومەتی هەرێم بەڵێنی پێدانی 23 سەعات و 25 خولەك كارەبا لە رۆژێكدا بە هاوڵاتیان دەدات.
ئەمڕۆ پێنجشەممە 5-9، بەئامادەبوونی یاسین شێخ ئەبوبەكر ماوەتی وەزیری كارەباو بەیاوەری هۆگر شاڵی بریكاری وەزارەت، كۆبونەوەیەكی فراوان لە وێستگەی هەولێری غازی بەڕێوەچوو.
دوای كۆبونەوەكە لە كۆنگرەیەكی رۆژنامەوانیدا، وەزیری كارەبا وێڕای ئاماژەی بەوەشكرد كە وەزارەتی كارەبا لەم مانگەدا توانیویەتی بەپشتبەستن بە بەرهەمهێنانی 2185 مێگاوات كارەبا، بڕی 23:25 كاتژمێر كارەبا بدات بە هاوڵاتیان.
لەبەشێكی تری كۆنگرەكەدا وەزیری كارەبا ئاماژەی بەگرنگی ئابوریانەی وێستگەكە كرد كە 500 مێگاوات كارەبا بەبێ سوتەمەنی بەرهەمدەهێنێت راشیگەیاند لەبەرنامەدایە پرۆژەی هاوشێوە لە هەردوو وێستگەكانی سلێمانی و دهۆكی غازیش بگۆڕین بۆ كۆمباین سایكڵ، بەمەش ئاستی بەرهەمهێنانی كارەبا زیاد دەكات.
hawlati
6/09/2013
فیلمێكی به‌ڵگه‌نامه‌ییی له‌باره‌ی ژیانی ئه‌ردۆگانه‌وه ئه‌وه نیشان ده‌دات كه
چۆن لەشیرینی فرۆشتنەوە ده‌ستیپێكردووه تا گه‌یشتۆته سەرۆکایەتی.
ئاوێنه‌نیوز، ئه‌نادۆڵ: کەناڵی تەلەڤزیۆنی (بەیاز) فیلمێکی بەڵگەنامەیی لەسەر ژیانی ڕەجەب تەیب ئەردۆغان پەخشکرد كه تیایدا ئەردۆغان باسی ژیانی منداڵی و گەنجی خۆی دەکات، تا ئەوکاتەی بووە بە سەرۆکی شارەوانی‌و دواتر سەرۆکوەزیرانی تورکیا.
سەرەتای فیلمەکە بەقسەیەکی ئەردۆغان دەست پێدەکات و دەڵێ " ئێمە ھاتوین ببینە خزمەتکاری خەڵک نەک ئەفەندی".
ئەردۆغان لەبارەی ناوی خۆی ئاشکرایکرد ئەحمەد ئەردۆغانی باوکی ناوی ناوە لەبەر ئەوەی کە لەمانگی (رەجەب) کەمانگێگی رۆژژمێری عەرەبییەو پێش مانگی رەمەزانەلەدایکبووە
لەو فیلمەدا چەندین کەسایەتی دیکە لەوانە عەبدوڵڵا گول، باسی ئەردۆغان دەکەن و کەسایەتیی ھەڵدەسەنگێنن، ئەو فیلمە ھەر زوو بووە جێی بایەخی زۆرێک لە ناوەندەکانی میدیا لەتورکیا.
ژیانی منداڵی بەو جۆرە دەگێڕێتەوە " بەمنداڵی بەو دوو لیرەو نیوەی حەفتانە باوکم پێی دەدام، چۆرەک‌و شەکرلەمەم پێدەکڕی و دەمفرۆشتەوە، بەداھاتەکەی کتێبی مەکتەبم دەکڕی، بەمنداڵی بزۆز و عەجول بووم باوکیشم پیاوێکی توندو توڕە بوو لەگەڵ خەڵکدا بەتایبەتی منداڵەکانی، ئەگەر ھەر کاممان جوێنێکمان بدایە سزاکەمان زۆر توند دەبوو" .
5/09/2013
باراك ئۆباما، سەرۆكی ویلایەتە یەكگرتووەكانی ئەمریكا توانی رەزامەندی و پشتیوانی ئەندامە دیارەكانی كۆنگرێس بەدەستبێنێ بۆ وەشاندنی گورزی سەربازی لەسووریا كە لەنێویاندا ئەندامانی سەر بەلیستی كۆماریی هەن.
سەركردەكانی لیژنەی پەیوەندییەكانی دەرەوە لە ئەنجومەنی پیرانی ئەمریكا رایانگەیاند: "رۆژی سێشەممە گەیشتوونەتە رێككەوتنێك سەبارەت بە رەشنووسی رێگەپێدان بەبەكارهێنانی هێزی سەربازی دژ بەسووریا كە ئەمەش رێگە خۆشكەرە بۆ دەنگدان لەسەر پڕۆژەی بەكارهێنانی چەك لەو پڕۆژەیەدا، بەڵام ئەو پڕۆژەیە تەواوی ویستی ئۆباما لەخۆ ناگرێ كە بەكارهێنانی هێزی بیابانیش بگرێتەوە".
هەروەها ئۆباما لەلێدوانێكدا رۆژی سێشەممە دوابەدوای ئەوەی نەتەوە یەكگرتووەكان ئاشكرایكرد "نزیكەی دوو ملیۆن هاوڵاتی سووری بەهۆی نەهامەتییەكانی شەرەوە هەلاتوون كە رەنگە ئەمە دوای شەری ڤیتنام گەورەترین كارەساتی مرۆیی لەسەر ئاستی جیهان درووستبكات"، ئەوەشی خستەڕوو كە ئەمریكا پلانی فراوانتری لەبەردەستدایە بۆ یارمەتیدانی بەرهەڵستكارە چەكدارەكان دژ بە هێزەكانی ئەسەد.
گوتیشی"ئەوەی ئێمە بیری لێدەكەینەوە شتێكی دیاریكراوە، شتێكی گونجاوە كە تواناكانی ئەسەددا كەم دەكاتەوە، لەهەمان كاتیشدا ستراتیژییەتێكمان لەبەردەستدایە بۆ بەرزكردنەوەی ئاستی ئەدای ئۆپۆزسیۆن".
ئۆباما هەموو لایەكی تووشی شۆك كرد بەدواخستنی بڕیاری لێدانی سووریا تا ئەو كاتەی كۆنگرێس لە پشووی هاوینەی خۆی دەگەڕێتەوەو بریاری ئۆباما پەسەند دەكات، سەرۆكی ئەمریكا لەگەڵ سەركردەكانی كۆنگرێس كۆبۆوەو پێی گوتن كە ئەمریكا نەخشەو پلانێكی فراوانی هەیە بۆ یارمەتیدانی چەكدارانی ئۆپۆزسیۆن بۆئەوەی سەركەوتن بەسەر هێزەكانی ئەسەد بەدەستبێنن.
لەگەڵ ئەوەشدا هێشتا دیار نییە ئاخۆ ئۆباما دەنگی پێویست بەدەستدێنێ بۆ لێدانی سووریا یان نا، هەروەها لەگەڵ ئەوەی سەرۆكی ئەمریكا هەوڵدەدات رەزامەندی كۆنگرێس بەدەستبێنێ، بەڵام پێشتر رایگەیاندبوو كە لێدانی سووریا پێویست بە رێگەپێدانی كۆنگریس ناكات".
لەدوای كۆبوونەوەكەشدا هەریەك لە جۆن بینەر سەرۆكی ئەنجوومەن و ئەریك كانتور سەركردەی زۆرینەو نانسی بیلوشی سەركردەی دیموكراتەكان رایانگەیاند كە ئەوان پشتیوانی لەدەستێوەردانی سەربازی دژ بەسووریا دەكەن.
5/09/2013
بڕیارە پەرلەمانی فەرەنسا بۆ گفتوگۆكردن لەبارەی بارودۆخی سووریا، ئەمڕۆ چوارشەممە كۆبوونەوەیەكی بەپەلە ساز بكات.
فرانسوا هۆلاند، سەرۆكی فەرەنسا، داوای كردووە بۆ سزادانی رژێمی بەشار ئەسەد، فەرەنساش بۆ هێرشی سەربازی بچێتە ریزی ئەمریكاوە.
بەرهەڵستكارانی هۆلاند داوایان لێكردووە لەبارەی ئەو بابەتە پەرلەمانی وڵاتەكەیان بڕیار بدات، بەڵام بەپێی سەرچاوە هەواڵییەكانی فەرەنسا كە لە زاری بەرپرسانی ئەو وڵاتەوە گواستوویانەتەوە، هۆلاند سوورە لەسەر بڕیارەكەی هەرچەندە كەیسەكەی داوەتە دەست پەرلەمانیش.
سەرۆكی فەرەنسا رۆژی سێشەممە 3/9/2013 رایگەیاند: ئەگەر كۆنگرێسی ئەمریكا دژی هێرشی سەربازی بۆ سەر سووریا بێت، فەرەنسا بەتەنیا هێرشی سەربازی ئەنجام نادات.
لە دوێنێوە باراك ئۆباما، سەرۆكی ویلایەتە یەكگرتووەكانی ئەمریكا هەوڵەكانی بۆ رازیكردنی كۆنگرێسی وڵاتەكەی خستووەتەگەڕ بۆ ئەوەی هێرشی سەربازیی بكرێتە سەر رژێمی سووریا. پێشتریش بڕیاربوو بەریتانیا هاوشانی ئەمریكا بەشداربێت لە لێدانی رژێمەكەی ئەسەد، بەڵام پەرلەمانی ئەو وڵاتە بە زۆرینەی دەنگ بەشداریكردنی هێزی بەریتانیای رەتكردەوە.
4/09/2013
ئەندرێس فۆگ راسموسین، رایگەیاند: بەداخەوەم کە کۆمەڵگەی جیهانی بەرانبەر بە دۆخی سوریا یەکدەنگ نییە.
ئەندرێس فۆگ راسموسین، بەرێوەبەری گشتی ناتۆ، دوێنی پێنجشەممە، لە ویلینوسی پایتەختی لیتوانی، باسی لە بۆچوونە جیاوازەکانی نێودەوڵەتی بەرانبەر بە دۆخی سوریا کرد و گوتی :" بەداخم لەو لێکترازانە نێودەوڵەتییە بەرانبەر بە دۆخی سوریا ".
راسموسین لە درێژەدا گوتی: " داوا لە کۆمەلگەی نێوەدەوڵەتی دەکەم کە بەسەر بۆچوونە جیاوازەکاندا زاڵ بن و یەکدەنگ بەرانبەر بە سوریا بڕیار بدەن".
هەروەها راسموسین رایگەیاندووە، " یەکدەنگبوونی کۆمەڵگەی نێودەوڵەتی بەرانبەر بە سوریا، سیگناڵێکی مەترسیدارە بۆ وڵاتانی دیکتاتۆر لە کاتێکدا کە بێ هەڵوێستی کۆمەڵگەی نێودەوڵەتی رێگەیان بۆ خۆش دەکات کە سوود لە چەکی کیمیایی وەرگرن و کۆمەلکوژی ئەنجام بدەن.
بە گوتەی بەرپرسانی ئەمریکایی، بە هۆی بەکارهێنانی گازی کیمیایی لە دیمەشق و هەندێ ناوچەی دیکەی سوریا، زیاتر لە ١٥٠٠ کەس کوژراون.
زۆربەی وڵاتانی رۆژئاوا بەشار ئەسەد بە بەرپرسی ئەو هێرشە دەزانن و لەو نێوەندەدا ئەمریکاو فەرانسا داوای سزادانی رژێمی بەشار ئەسەد بە رێگەی سەربازی دەکەن و و روسیەش کە هاوپەیمانی سوریایە، تا ئێستا هەر پشیوانی لێکردووە.
ش.ب
pna
6/09/2013
- داواکاری گشتیی کرماشان: لێکۆڵینەوە لەبارەی لێدانی قوتابیان دەکەین
- هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد
- گفتوگۆكانی ئێران و ئەمریكا لە عومان دوای دو کاتژمێر کۆتایی هات
- ئێران شەڕو دانوستانی ناڕاستەوخۆی پێ باشە!
- داواکارییەکانی ئێران و ئەمریکا لەیەکتریی چیە؟
- وەزیری بەرگریی ئیسرائیل هۆشداری دەداتە ئەحمەد شەرع
- وادەی هێرشی ئەمریکا بۆ سەر ئێران ئاشکرا کرا
- دەستووری کاتی سوریا نیگەرانی لایەن کوردییەکان و چاودێرانی لێدەکەوێتەوە
- بارودۆخی نالەباری ئابووریی ئێران پێدەچێت کۆماری ئیسلامی ناچار بکات لەگەڵ سەرۆک ترامپ ڕێککەوتن بکات
- عڕاقچی: هێشتا نامەکەی ترەمپ بە دەستمان نەگەیشتووە
- وەزیری دەرەوەی ئێران دەڵێت بڕیارە نامەکەی ترامپ لە لایەن نێردراوێکی وڵاتێکی عەرەبیەوە بگەیەنرێتە تاران
- مەزڵوم عەبدی و ئەحمەد ئەلشەرع بە ڕێکەوتن دەگەن
- 8ی مارس.. شۆڕشێك لەپێناو مافی ژنان
- سری سورەییا ئۆندەر: باخچهلی پێی گوتم، ڕۆژێک دێت پێکەوە هەڵپەڕکێی ئاشتیی دەکەین
- حكوومه‌تی ئێران : لهگهڵ ئهورووپا درێژه به گفتوگۆ ئهتۆمییهكان دهدهین
- عەلی باپیر، سەرۆکی کۆمەڵی دادگەری کوردستان سەبارەت بە پەیامی ئۆجەلان"هیوادارم هەردوولا بە کردەوە بەدەم بانگەوازەکەوە بچن."
- ئەمینداری گشتیی یەکگرتوو پەیامی ئۆجەلان "پەیامێکی پڕ لە بەرپرسیاریەتی و بایەخ و واقعیەتە"
- سەرۆك بافڵ جەلال تاڵەبانی: پێشوازی لە پەیامەکەی بەڕێز عـ.ـەبدوڵا ئـ.ـۆجەلان دەکەین
- سەرۆک بارزانی: هیوادارین پەیامەکەی ئۆجەلان دەستپێکێک بێت بۆ ئەوەی پڕۆسەی ئاشتی رێی خۆی بگرێت
- زەینەب جەلالیان لە 17هەمین ساڵی زیندانیکردنیدا لە ناو زیندانەوە باس لە ئازارەکانی دەکات
- بزووتنەوەی کۆماریخوازانی ڕۆژهەڵاتی کوردستان ٢ی ڕێبەندان، ٧٩هەمین سالرۆژی دامەزرانی یەکەم کۆماری کوردستان، لە نەتەوەی کورد پیرۆزدەکات
- پەیامی پیرۆزبایی کۆماریخوازان بۆ بەرێز مەسعوود پزیشکیان
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
