به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
به‌ره‌ی نوسره خۆی ئاماده ده‌كات بۆ هێرشێكی خوێناوی دژی كوردانی خۆرئاوا و بۆ ئه‌و مه‌به‌سته سه‌رقاڵی خۆكۆكردنه‌وه‌یه.
له‌لێدوانێكی ته‌له‌فۆنیدا بۆ خه‌ندان ، باسم هاشم چاودێرو چالاكوانی سیاسی سوریا رایگه‌یاند:" به‌ره‌ی نوسره له‌هه‌وڵی دروستكردنی بنكه‌یه‌كی سه‌ربازیی فراواندایه له‌ناوچه كوردنشینه‌كانی باكوری خۆرهه‌ڵاتی سوریا و به‌وهۆیه‌وه له‌به‌رنامه‌یدایه هێرشێكی دڕندانه بۆسه‌ر كوردانی خۆرئاوا ده‌ست پێبكات ".
به‌وته‌ی باسم هاشم پلانه نوێیه‌كه‌ی به‌ره‌ی نوسره له‌وه‌وه سه‌رچاوه‌ی گرتووه كه" كورد به‌دوژمنی سه‌ره‌كی خۆی ده‌زانێت له‌جه‌نگی روبه‌روبوونه‌وه‌ی هاوڵاتیانی سوریا – سوریاو بۆ مه‌به‌ستی ئه‌نجامدانی ئه‌و په‌لاماره خوێناوییه‌ش سه‌رقاڵی كۆكردنه‌وه‌ی هێزه به‌پشتیوانیی گروپه چه‌كداره شۆڤێنیه‌كانی دیكه".
به‌وته‌ی چالاكوانه سیاسیه‌كه‌ی سوریا، ئامانجی به‌ره‌ی نوسره له‌دامه‌زراندنی ئه‌و بنكه سه‌ربازییه له‌باكوری خۆرهه‌ڵاتی سوریا بۆ ئه‌وه‌یه له رێی سنووره‌كانی ئه‌و ناوچه‌یه‌وه له‌گه‌ڵ توركیا درێژه به‌چالاكیه‌كانی بدات.
چالاكوانه‌كه‌ی سوریا ئه‌وه‌شی راگه‌یاند كه، به‌ره‌ی نوسره له‌ئێستادا ده‌ستی ناپارێزێت له‌هیچ كام له پێكهاته جیاوازه مه‌زهه‌بی و ئه‌تنیكیه‌كانی سوریا، له‌وانه‌ی له‌گه‌ڵ بۆچوونه‌كانی ئه‌ودا نین و "ئاماده‌یه له‌پێناو سه‌پاندی خۆیدا ده‌ستبداته سه‌ربڕین و قه‌تلوعام كردنی سه‌دان كه‌س له خه‌ڵكی بێدیفاعی ناوچه كورد نشینه‌كان و ناوچه‌كانی دیكه‌ش".
پێشتر مه‌سعود بارزانی سه‌رۆكی هه‌رێمی كوردستان رایگه‌یاندبوو ، گه‌ر راستی هه‌واڵی سه‌ربڕین و قه‌تلوعام كردنی ژنان و منداڵانی كورد به‌ده‌ستی به‌ره‌ی نوسره یه‌كلایی بێته‌وه، ئه‌وا هه‌رێمی كوردستان هه‌موو تواناكانی ده‌خاته‌گه‌ڕ بۆ پاراستنی سه‌روماڵی ژنان و منداڵانی کورد له خۆتئاوای کوردستان.
خه‌ندان
10&08&2013
"خۆ نوێنەرە كوردەكان و وەزیرە كوردەكانیش زۆر پەیوەندییان لەگەڵ دانیشتووانە كوردەكەی بەغدا باش نییە و تەنانەت زمانی كوردیش بەكارناهێنن". ئەوە قسەی بەشیر عەلییە كە كوردێكی دانیشتووی بەغدایە.
خێزانەكەی بەشیر لەناوەڕاستی حەفتاكانەوە لەبەغدای پایتەخت گیرساونەتەوە و ئێستا لە نانەوایەك كاردەكات "لە بەغدا خوێندن بە كوردی بایەخی پێنادرێ، چێشتخانە و هوتێلە كوردییەكان خەریكە نامێنن".
بەشیر گلەیی لە پەراوێزخستنی زمان و كولتووری كوردی هەیە لەو پایتەختەی ساڵانێك هێندەی دانیشتووانی ئێستای پارێزگای دهۆك كوردی لێدەژیا، بەڵام هەواڵی لەوە ناخۆشتریش هەن. بەگوێرەی حكومەتە ئەلیكترۆنییەكەی عێراقی نوێ، زمانی كوردی هێشتا هەر لەمدیوی حەمرینەوە سەیری بەغدا دەكات. تەنانەت لە ماڵپەڕی ئەو وەزیرە كوردانەشدا كە نوێنەری كوردن لەو حكومەتەی تەنیا بەعەرەبی قسەدەكات. ئەمە لە كاتێكدایە، لە بەغدا و دەوروبەری، ئێستا هەندێك لە هاووڵاتییە عەرەبەكان هەوڵدەدەن منداڵەكانیان فێری زمانی كوردی بكەن.
حوسێن جاف، بەڕێوەبەری خوێندنی كوردی لە بەغداوە بۆ (رووداو) قسەی كرد و گوتی، بەهۆی درووستبوونی هاتوچۆ لەگەڵ هەرێمی كوردستان و بەسەربردنی پشووەكان لە شوێنە گەشتیارییەكانی هەرێمی كوردستان، هەندێك "هاووڵاتی عەرەب لە بەغدا منداڵەكانیان فێری كوردی دەكەن". گوتیشی"چونكە ئەوان لە كوردستان دەمێننەوە و پێویستیان بەوە هەیە خۆیان فێری كوردی بكەن".
لە حكومەتی ئێستای عێراقدا وەزارەتەكانی دەرەوە، تەندروستی، بازرگانی، كۆچ و كۆچبەران بەدەست كوردەوەن، جگە لەوەش لە زۆربەی وەزارەتەكاندا، كوردێك پۆستی بریكاری وەزیری هەیە، بەڵام كاروچالاكییەكانیان تەنیا بە زمانی عەرەبی و ئینگلیزی بڵاودەكەنەوە. ئەمە لە كاتێكدا گلەیی سیاسی كورد بە بەردەوامی لەسەر كەمیی پشكی كورد بووە لەنێو ئەو حكومەتەدا، جگە لەشەڕی جێكردنەوەی زمانی كوردی لەسەر پاسپۆرت و دراو و شوێنە فەرمییەكان.
ئایا حكومەتی بەغدا رێگەی گرتووە لەوەی وەزیرە كوردەكان لە نێو ماڵپەڕی وەزارەتەكانیاندا، بەشی كوردی بكەنەوە؟ كەس ناڵێ بەڵێ، بەڵام هێشتا پاساو دەهێنرێتەوە بۆ نەبوونی زمانی كوردی لە نێو وەزارەتێكدا كە وەزیرەكەی كوردە.
د. خەیروڵڵا حەسەن، وەزیری بازرگانی عێراق ، دەڵێ هەوڵی زۆریداوە بۆ ئەوەی تەنانەت نووسراوەكانی ناو وەزارەتیش بكاتە كوردی "بەڵام دیارە ئەو كەسەی ماڵپەڕەكەمان بەڕێوەدەبات، كوردییەكەی باش نییە و بەهۆی ئەوەوە ناتوانێ بەشی كوردییەكەی بكاتەوە".
ناوبراو هەروەها دەڵێ، ئەگەر ئێوە كەسێك شك دەبەن "لەگەڵمان بێت و كوردییەكی زۆر باش بزانێ و بەشی كوردی بكاتەوە پێمان بڵێن، بەداخەوە ئێستا ئەو كوردانەی لە بەغدا دەژین كوردیەكەیان باش نییە، زۆر هەوڵیشمان دا كەسێك بدۆزینەوە كوردییەكەی بەهێزبێ و شارەزابێ، بەڵام نەبوو".
تەنیا ماڵپەڕی ئەنجوومەنی نوێنەران و سەرۆكایەتی كۆمار بەشی كوردییان هەیە، ئەوەی سەرۆكایەتی كۆمار لەدوای نەخۆشكەوتنی تاڵەبانییەوە هەواڵی نوێی تێدا بڵاونەكراوەتەوە، كەچی بەشە عەرەبی و ئینگلیزییەكەی بەردەوام هەواڵی نوێ لەبارەی كاروچالاكییەكانی سەرۆكایەتی كۆمار بڵاودەكاتەوە. بۆیە دەكرێ بگوترێ ئێستا وەشاندن بە كوردی لەو ماڵپەڕەدا وەستاوە و رەنگە ئەو تۆزە كوردییەش چاوەڕوانی چارەنووسی تاڵەبانی بكات.
هەریەك لە ماڵپەڕەكانی وەزارەتی تەندروستی و دەرەوە و كۆچ و كۆچبەرانیش بەهەمانشێوە بەشی كوردییان نییە. وەزارەتی رۆشنبیری كە بریكارەكەی كوردە، وشەیەك كوردیی تێدا نییە. فەوزی ئەتروشی، بریكاری وەزارەتی رۆشنبیری عێراق دەڵێ "بەرپرسی چاپ و بڵاوكردنەوە لە وەزارەتی رۆشنبیری كەسێكی عەرەبە، بۆیە چاپ و بڵاوكردنەوە بە كوردی نییە".
یاسین حەسەن، وەزیری بێ وەزارەت لە كابینەی پێشووی حكومەتی بەغدا، دەڵێ هەموو كەمتەرخەمییەكە وەزیر و نوێنەرە كوردەكان خۆیان دەگرێتەوە "دیارە ئەوان یان ئینتیمای نەتەوەییان لاوازە، یان نایانەوێ ئەوە بكەن"، ناوبراو هەروەها دەڵێ، بە درێژایی ساڵانی دروستكردنی حكومەتی عێراق تەنیا هاووڵاتی كورد ناچار بووە خۆی فێری عەرەبی بكات "دەبێ سەركردایەتی كورد كۆبوونەوەیان پێبكات و داوایان لێبكات ئەو كارە بكەن".
یاسین حەسەن دەڵێت، ئەگەر ئەوان خۆیان بیانەوێ دەتوانن ئەو كارە بكەن و رێگریشیان نییە "بەڵام رەنگە هەندێك لەو وەزیر و نوێنەرە كوردانە خۆیان بە میوان بزانن لە بەغدا".
دوای 10 ساڵ لە پێكەوەنانەوەی عێراق، ئێستا هاووڵاتیانی هەرێمی كوردستان پێویستیان بە وەرگێڕێكی زمانی عەرەبی هەیە بۆ ئەوەی بزانن وەزیر و نوێنەرە كوردەكان لە بەغدا رۆژانە خەریكی چین لە وەزارەتەكانیاندا.
بەڵام بە پێچەوانەوە دانیشتووانی بەغدا و ناوەڕاست و باشووری عێراق تەنیا یەك كلیكیان بەسە بۆ ئەوەی بزانن وەزیرەكانی حكومەتی هەرێمی كوردستان لە هەولێر چی دەكەن. چونكە بە پێچەوانەی حكومەتی بەغداوە، تەواوی وەزارەتەكانی حكومەتی هەرێمی كوردستان، بەبێ ئەوەی بەغدا داوای لێكردبن لە پاڵ زمانی كوردیدا، زمانی عەرەبی بەكاردێنن.
یاسین حەسەن، پێیوایە ئەگەر بەشی كوردی هەبێ لە ماڵپەڕی وەزیرە كوردەكاندا، لەوانەیە هاووڵاتیانی عەرەب هەوڵ بدەن لەو رێگایەوە هەندێك وشەی كوردی فێر ببن. یان هەرنەبێ خەڵك بیری بكەوێتەوە كە لەو وڵاتەدا زمانێكی فەرمی دیكەش هەیە.
نەوزاد مەحموود
رووداو - سلێمانی
10/08/2013
مەسعود بارزانی، سەرۆكی هەرێمی كوردساتان، لەبارەی رۆژئاوای كوردستان نامەیەك ئاراستەی لیژنەی ئامادەكاری كۆنگرەی نەتەوەیی دەكات.
لە نامەكەی بارزانیدا هاتووە" ماوەیەكە لە میدیاكان و هەندێ ناوەندی سیاسی و راگەیاندەكاندا كۆمەڵێك هەواڵ و دەنگۆ بڵاو بووەتەوە كە گوایە لە لایەنە تیرۆریستانەوە لە رۆژئاوای كوردستان نەفیرعام لەدژی هاووڵاتیانی كورد راگەیەنراوە و تیرۆریستانی سەر بە ئەلقاعیدە پەلاماری خەڵكی مەدەنی و بێتاوان دەدەن و سەری ژن و منداڵی كورد دەبڕن. بۆ دەركەوتنی راستی و دروستیی ئەم هەواڵانە داواتان لێ دەكەم لیژنەیەكی تایبەت پێك بهێنن بۆ ئەوەی سەردانی ڕۆژئاوای كوردستان بكەن و لێكۆلینەوە لەسەر ئەو هەواڵانە بكەن".
بارزانی لە نامەكەدا راشیدەگەیەنێَت" ئەگەر بێتوو ئەم زانیاریانە راست بن و هاووڵاتی و ژن و منداڵی بێتاوانی كورد لەژێر هەڕەشەی كوشتن و بڕین و تیرۆردا بن ئەوا هەرێمی كوردستان هەموو تواناكانی دەخاتە گەڕ بۆ ئەوەی بەرگری لە ژن و منداڵ و هاووڵاتی بێتاوانی كورد لە رۆژئاوای كوردستان بكات".
دەقی نامەكە:
بۆ لیژنەی ئامادەكاریی كۆنگرەی نەتەوەیی كورد
سڵاوێكی گەرم...
ماوەیەكە لە میدیاكان و هەندێ ناوەندی سیاسی و ڕاگەیاندەكاندا كۆمەڵێك هەواڵ و دەنگۆ بڵاو بووەتەوە كە گوایە لە لایەنە تیرۆریستانەوە لە ڕۆژئاوای كوردستان نەفیرعام لەدژی هاووڵاتیانی كورد ڕاگەیێندراوە و تیرۆریستانی سەر بە ئەلقاعیدە پەلاماری خەڵكی مەدەنی و بێتاوان دەدەن و سەری ژن و منداڵی كورد دەبڕن. بۆ دەركەوتنی ڕاستی و دروستیی ئەم هەواڵانە داواتان لێ دەكەم لیژنەیەكی تایبەت پێك بهێنن بۆ ئەوەی سەردانی ڕۆژئاوای كوردستان بكەن و لێكۆلینەوە لەسەر ئەو هەواڵانە بكەن.
ئەگەر بێتوو ئەم زانیاریانە ڕاست بن و هاووڵاتی و ژن و منداڵی بێتاوانی كورد لەژێر هەڕەشەی كوشتن و بڕین و تیرۆردا بن ئەوا هەرێمی كوردستان هەموو تواناكانی دەخاتە گەڕ بۆ ئەوەی بەرگری لە ژن و منداڵ و هاووڵاتی بێتاوانی كورد لە ڕۆژئاوای كوردستان بكات.
مسعود بارزانی
سەرۆكی هەرێمی كوردستان
8ـی 8ـی 2013
10/08/2013
سەركردەیەكی دەوڵەتی یاسا رایگەیاند ئەوان بەستنی كۆنگرەی نەتەوەیی كوردیان لەهەولێر پێ ئاساییە، بەو مەرجەی هیچ بڕیار و ئاماژەیەك بۆ جیابوونەوە و سەربەخۆیی پارچەكانی كوردستان لەخۆ نەگرێ و هەڕەشە لە عێراق و وڵاتانی دراوسێ نەكات.
بەپێچەوانەی هەڵوێستەكانی پێشتری، بەتایبەت پێش سەردانەكەی سەرۆك وەزیرانی عێراق بۆ هەولێر و سەردانی سەرۆكی هەرێمی كوردستان بۆ بەغدا كە هەمووی رەخنەئامێزبوون لەهەر هەڵوێست و بڕیارێك لەلایەن هەولێرەوە درابا، دەوڵەتی یاسا تاوەكو ئێستا لەهەمبەر كۆنگرەی نەتەوەیی كورد بێدەنگی هەڵبژاردووە.
دوای چەندین ساڵ چاوەڕوانی، پارتەكانی هەر چوار پارچەی كوردستان گەیشتنە كۆدەنگییەك بۆ بەستنی كۆنگرەی نەتەوەیی كورد و وا بڕیارە لە 24ی ئەم مانگە كۆنگرەكە لەشاری هەولێر ببەسترێ.
عەلی شەللا، گوتەبێژی هاوپەیمانی دەوڵەتی یاسا بە(رووداو)ی راگەیاند "ئەگەر بەستنی كونگرەی نەتەوەیی كورد لەهەرێمی كوردستان لەپێناو بەدیهێنانی خۆشگوزەرانی بۆ گەلی كوردە لە عێراق و وڵاتانی دراوسێ، ئەوا هیچ تێبینیەكمان لەسەری نابێ، چونكە دیكتاتۆریەتی زۆرینە و پەراوێزخستنی لایەنەكان و پێكهاتەكانی دیكە باوی نەماوەو نابێ دەست بەسەر بیركردنەوەمان بگرێ". بەڵام گوتی "ئەگەر ئامانج لەو كۆنگرەیە جیابوونەوەو دابەشكردنی عێراق و وڵاتانی دراوسێ بێت، ئەوا بێگومان بەغدا ئەوكات هەڵوێستی دەبێ".
ئەو بەرپرسەی هاوپەیمانی دەوڵەتی یاسا خۆزگەی خواست كە لەكاتی بەستنی كۆنگرەكە پەرلەمانتارانی عێراق لەبیر نەكرێن "هیوادارین چەند پەرلەمانتارێكی عێراق بەتایبەتی ئەو پەرلەمانتارانەی بە دۆستی كورد ناسراون، بانگهێشتی كۆنگرەكە بكرێن بۆ ئەوەی بەغداش ئاگاداری ئەو بڕیار و هەڵوێستانە بێ كە لە كۆنگرەكەدا رادەگەیێندرێ و گومانی لا دروست نەبێ".
غەفور مەخمووری، گوتەبێژی كۆنگرەی نەتەوەیی كورد لەهەرێمی كوردستان بە(رووداو)ی راگەیاند "بڕیارە 300 كەسایەتی بیانی داوەتی كۆنگرە بكرێن". مەخمووری گوتیشی "بۆ عێراق بەدڵنیاییەوە نوری مالیكی، سەرۆك وەزیرانی عێراق و سەرۆكایەتی كۆمار و پەرلەمانتارانی عێراق داوەت دەكرێن، هەروەها كۆمەڵێك كەسایەتی عەرەب كە رۆڵیان لە دۆزی كورددا گێڕاوە و لە سەریان نووسیوە".
هەرچەندە كۆنگرەی نەتەوەیی هێشتا لە قۆناغی ئامادەكاریدایە و نەبەستراوە، بەڵام چاودێران هاوڕان لەسەر ئەوەی كۆنگرەكە جێی سەرنجی حكومەتی عێراق و وڵاتانی دراوسێ دەبێ، بۆیە بێدەنگی بەغدا لەو رووەوە خوێندنەوەی جیاوازی بۆ دەكرێ.
هاشم ئەلحەبوبی، شرۆڤەكاری سیاسی بە(رووداو)ی راگەیاند "هۆكاری بێدەنگی حكومەتی عێراق لە ئاست بەستنی كۆنگرەی نەتەوەیی كورد لە هەولێر زۆرن و دیارترینیان سەرقاڵبوونی حكومەتی مالیكییە بە رەوشی ئەمنی عێراق، كە لەبارێكی خراپدایەو شڵەژانێكی گەورەی بەخۆیەوە بینیوە، ئەوە جگە لە قەیرانی سیاسی و ئامادەكاری بۆ هەڵبژاردنی پەرلەمانی عێراق كە بڕیارە سەرەتای ساڵی داهاتوو ئەنجام بدرێ، هەموو ئەم هۆكارانەو هەستیاری باری ئێستای پەیوەندییەكانی نێوان بەغداو هەولێر كە ماوەی چەند ساڵێكە بەقەیراندا تێدەپەڕێ، حكومەتی عێراقیان بێدەنگ كردووە".
ئەو شرۆڤەكارە سیاسییە هەروەها گوتی "لە عێراقدا رانەهاتووین پێشوەخت راوبۆچوونی خۆمان لەبارەی رووداوێك یاخود هەڵوێستی لایەنێك دەربرین، چاوەڕێ دەبین هەتا ئەوكاتەی ئەو هەڵوێستە روون دەبێتەوە و دەبێتە بڕیار".
حەبوبی كە هاوكات ئەمینداری گشتی گردبوونەوەی كۆماری عێراقییە، پێیوایە "دەبێ كورد سنووری شەرم بشكێنێ و بە ئاشكرا و پێشوەخت بانگەشە بۆ هەر كۆنگرەیەكی هاوشێوە بكات و هەموو لایەكی بۆ داوەت بكات".
هەرچەندە هێشتا دیار نییە ئەنجامەكانی كۆنگرەی نەتەوەیی چی دەبن، بەڵام چاوەڕوان دەكرێ كۆنگرەكە گۆڕانكاریەك لە ئاستی پەیوەندیی نێوان هێزەكانی پارچەكانی كوردستان بەدی بێنێ، هاوكات مەترسی ئەوەشی لێدەكرێ گۆڕان بەسەر پەیوەندییەكانی نێوان هەرێمی كوردستان و بەغدا بێنێ.
هاشم ئەلحەبوبی پێیوایە دوای ئەو كۆنگرەیە گۆڕانكاری گەورە بەسەر رەوشی كورد دێت لە ناوچەكەدا و دەڵێت "گەلی كورد ئەمڕۆ زیاتر لە هەموو كاتێك پێویستیان بە یەكدەنگی و بڕیاردان هەیە بەهۆی ئەو رەوشە نێودەوڵەتی و هەرێمایەتییەی كە لەناوچەی رۆژهەڵاتی ناوەڕاست هاتووەتە ئاراوە، بەتایبەتی لە سووریا و توركیا، پێشبینی دەكەم كۆنگرەكە كاریگەری گەورەی بەسەر بزووتنەوەی رزگاریخوازی كوردەوە هەبێ لە ناوچەكەدا".
9/0872013
لە رێورەسمی جەژنی رەمەزان کە لە سەرۆکایەتی ئەستەنبوڵی پارتی ئاشتی و دیموکراتی AKP بەڕێوەچوو، رەجەب تەیب ئەردۆغان رەخنە لە کۆمیتەی دابەشکردنی خەڵاتی نۆبڵ بۆ ئاشتی دەگرێت، کە لە 7/10/2005 درایە محەممەد بەرادعی، یاریدەدەری سەرۆکی میسر.
ئەردۆغآن دەڵێت "ئەو کەسەی خەڵاتی نۆبڵتان پێیدا ئێستا یاریدەدەری سەرۆک کۆماری ئەو دەسەڵاتەیە کە کودەتای سەربازی ئەنجام دا، بۆیە لێرەوە بانگی کۆمیتەی خەڵاتی نۆبڵ دەکەم، چۆن خەڵات بە کەسێک دەبەخشن کە لە ریزی کودەتا چییەکان دایە ".
سەبارەت بە توندوتیژییەکانی سووریاش گوتی "برایانمان لەسووریا بە درێژایی مانگی رەمەزان لە گەمارۆی کۆمەڵکوژی رژێمی ئەسەد دابوون و بە فرمێسک و خوێنەوە پێیان نایە نێو جەژنەوە، پیرۆزی مانگی رەمەزان و خەڵکی سیڤیلییان ژێرپێ خست و رۆژوەوانانیان بە کۆمەڵ کوشت".
سەبارەت بە هەبوونی 3 منداڵ و ئەو رەخنانەی بەم هۆیەوە روبەڕووی بوونەوە گوتی "من وەک سەرۆک وەزیران پێشنیاری بوونی 3 منداڵ دەکەم، ئەمەش سروشتیترین مافی خۆمە، داوا لە خاتوونەکانیش دەکەم تا ئەوەی هەر کامیان 3 منداڵ پێشکەش بە نیشتیمانەکەیان بکەن".
هاوکات بانگی پارتە سیاسییەکانی وڵاتەکەی کرد بە تێڕوانینێکی تازە و زمانێکی نوێوە برایەتی لە وڵاتەکەیان پەرە پێ بدەین".
9/08/2013
دەستەی گەشتوگوزاری هەرێمی کوردستان دەڵێت، له شەش مانگی سەرەتای ئەمساڵ زیاتر له یەک ملیۆن گەشتیار سەردانی هەرێمیان کردووه و ئەمساڵیش جیاواز له ساڵانی رابردوو به ستاندارێکی جیهانی پێشوازی له گەشتیاران دەکرێت.
"نادر رۆستایی" بەرپرسی دەستەی گەشتوگوزاری هەرێمی کوردستان سەبارەت به پلانی جەژن به رادیۆ و ئاژانسی پەیامنێری راگەیاند: بەڕێوەبەرایەتییەکانی گەشتوگوزار له هەولێر، سلێمانی، دهۆک و گەرمیان ئەمساڵ ئامادەکارییەکی بەرفروانیان کردووه. لێژنەکانمان له بازگەکانی ئەم شارانه به دابەش کردنی شیرینی و ئاو پێشوازییان له گەشتیاران کردووه و هەروەها برۆشەریشیان دراوەتێ که رێنمایی تەواوی لەسەر شوێنه گەشتیارییەکان و هۆتێل و مۆتێل و... تێدایه.
نادر رۆستایی گوتی: هەروەها ئەمساڵ جیاواز له ساڵانی دیکه، به شێوەیەکی سەردەمیانه ئامادەکاری کراوه و به رێبەری ئەلکترۆنیی گەشتیاریمان بۆ گەشتیاران ئاماده کردووه که دەتوانن لەسەر مۆبایل دایبەزێنن و دواتر بەبێ ئینتەرنێت بەکاری بێنن که رێنماییەکه زیاتر له ٦٠٠شوێنی گەشتیاری لەخۆ دەگرێت که بریتین له هۆتێل، شوێنی مێژوویی، هاوینەهەوار، بازاڕ، مۆڵ و چەندین شوێنی دیکەی تایبەت به گەشتیاری. ئەم پرۆگرامانەش هەوڵی ٨مانگی رابردووی دەستەی گەشتوگوزاره.
رۆستایی روونی کردوه: پێشبینی دەکەین ژمارەی گەشتیاران زیاد بێت، له شەش مانگی سەرەتای ئەمساڵ یەک ملیۆن و دووسەد هەزار گشتیار سەردانی هەرێمی کوردستانیان کردووه که به بەراورد لەگەڵ شەش مانگی سەرەتای ساڵی رابردوو، سەدا٢٩ زیادی کردووه. ساڵی رابردوو٢٦٠هەزار گەشتیار بۆ جەژن هەبوو و چاوەڕوان دەکرێت ئەمساڵ زیاد بکات چونکه بەردەوام له جێژنەکان ژمارەی گەشتیاران به بەراورد لەگەڵ ساڵانی پێش خۆی زۆرتر بووه.
بەرپرسی دەستەی گەشتوگوزاری ئاشکراشی کرد: فستیڤاڵ و کەرنەڤاڵ کاریگەریی لەسەر هاتنی گەشتیاری و ناساندنی هەرێمی کوردستان دەبێت. فستیڤاڵ بەبازاڕ کردنی هەولێر که دوای جەژن لەلایەن دەستەی گەشتوگوزار به هاوکاریی کۆمپانیای بابیلیۆن بۆ دووەمین ساڵ ئەنجام دەدرێت، ماوەی مانگێک دەخایەنێت که یەکێک له بڕگەکانی تایبەت به هەڵبژاردنی شاجوانی هەرێمه. هەروەها کۆمەڵێک چالاکیی دیکەشمان دەبێت که دواتر رایاندەگەیەنین.
X.A
pna
9/08/2013
ئەمڕۆ بەشار ئەسەد، سەرۆكی سووریا لە مزگەوتی ئەنەس بن مالیك، كە دەكەوێتە نێو سنووری ئەمنیی شام نوێژی جەژنی كرد، بەڵام بەر لە گەیشتنی بۆ مزگەوت هێرشدەكرێتە سەر كاروانی ئۆتۆمبێلەكانی.
دیمەنی نوێژكردنی ئەسەد لە تەلەفیزیۆنی فەرمی سووریاوە پەخش كرا، كە ژمارەیەك بەرپرسی حكومەتەی یاوەرییان دەكرد.
بەر لەوەی كاروانی ئۆتۆمبێلەكانی بەشار ئەسەد بگاتە مزگەوتی ئەنەس بن مالیك، لیوای تەحریر ئەلشام، كە سەر بە سووپای ئازادی سووریایە، بڵاویكردەوە: سەرلەبەیانی ئەمڕۆ چەكدارەكانیان كاروانی ئۆتۆمبیلەكانی بەشار ئەسەدیان كردۆتە ئامانج.
كەناڵی ئەلعەرەبییەش لەسەر زاری فیراس بیتار، فەرماندەی لیوای تەحریر ئەلشام بڵاویكردەوە، كە چەكدارەكانیان 17 مووشەكی هاوەنیان ئاراستەی كاروانی ئۆتۆمبێلەكانی بەشار ئەسەد كردووە.
بەڵام دەركەوتنی بەشار ئەسەد لەدوای هێرشەكە لە تەلەفیزیۆنی فەرمی سووریاوە شكستی هەوڵی لیوای تەحریر ئەلشام-ی بۆ كوشتنی بەشار ئەسەد دەرخست.
9/08/2013
پەیامی پیرۆزبایی بزووتنەوەی کۆماریخوازی ڕۆژهەڵاتی کوردستان بە بۆنەی جێژنی پیرۆزی ڕەمەزانەوە!
به نێوی خودای مەزن و دلۆڤان
خەڵکی موسڵمانی کوردستان!
بزووتنەوەی کۆماریخوازی رۆژهەلاتی کوردستان، بەبۆنەی هاتنی جێژنی پیرۆزی ڕەمەزان، واتە ئەۆ جێژنەی کە پاش مانگیک عیبادەت و خواپەرستی و خۆماندووکردن بۆ ڕامکردنی نەفس و دەروون، وه سەرکەوتنی ئیرادەی باوەڕمەندانه‌ی موسلمانان به ئایینی پیرۆزی ئیسلام، وەک نیشانەی کۆتایهاتنی ئه‌م مانگه پیرۆزه، و هه‌روه‌ها وه‌ک رەمزی خێرو بەرەکەت، خۆشی و شادی، تەبایی و ئاشتی، بەهەموو پیرۆزیەکانیەوە، ناۆ مالی گشت موسلمانانی جیهان و کوردستان، پیرۆز و رازاوە و نوورانی دەکات، پڕ بەدڵ پیرۆزبایی ئاراستەی گشت لایەک دەکات، و ئاواتەخوازە تاعەت و خواپەرستیی هەموو خوشکان و برایانی موسڵمان، پەسندی پەروەردگاری بێ‌هاۆتا و بەخشەندە و میهرەبان بێت.
شووڕای هه‌ماهەنگیی بزووتنەوەی کۆماریخوازی ڕۆژهەڵاتی کوردستان
16 گەلاوێژی 1392ی کۆچیی- هەتاوییی
7ی ئەگۆستی2013ی زاینی
لەبارەی رەوشی ئەمنی سووریاو ئەو ئاڵۆزییانەی ناوچە كوردییەكانیان گرتۆتەوە، وە كوشتنی هاونیشتمانیانی كورد لە لایەن چەكدارانی جەبهەت ئەلنەسرەوە، 12 حیزب و لایەنی سیاسی لە شاری هەولێر بەیاننامەیەك بڵاودەكەنەوە.
لە بەیاننامەی پارتە سیاسییەكانی هەولێردا، كە وێنەیەكی بۆ رووداو نێردراوە هاتووە" ئێمە وەكو حیزب و لایەنە سیاسییەكانی شاری هەولێر بەتوندی ریسوا و شەرمەزاری ئەم كورد كوژییە دەكەین و هاوخەمی و هاوهەڵوێستی خۆمان بۆ خوشك و برایانمان لە رۆژئاوای كوردستان دووپات دەكەینەوە و پاڵپشتی سەرجەم هەوڵەكان دەكەین بۆ راگرتنی ئەم كورد كوژییە و هێنانەدی یەك هەڵوێستی و یەكرێزی گەلەكەمان لەكوردستان بەگشتی و لە رۆژئاوا بەتایبەتی" .
پارت و لایەنە سیاسییەكان لە بەیاننامەكەدا "داوا لە سەرۆكایەتی هەرێم و پەرلەمان و حكومەتی هەرێمی كوردستان دەكەن، ریسواو مەحكومی ئەم كورد كوژییە بكرێت و پاڵپشتی و هاوكاری كوردانی رۆژئاوا زیاتر بكرێت".
دەقی بەیاننامەكە:
بەناوی خوای گەورە و میهرەبان
بەیاننامەی كۆبونەوەی حیزب و لایەنە سیاسییەكانی شاری هەولێر
ئەمڕۆ خۆشك و برایانمان لەرۆژئاوای كوردستان دووچاری پیلانێكی درێژكراوەی پرۆسەكانی قركردن و لەناوبردنی گەلی كورد هاتوون كە لەلایەن هەندێك هێز و گروپی توند رەو و نەژاد پەرست لە ژێر پەردەی ئاینی پیرۆزی ئیسلام ئەنجام دەدرێت , كە بریتیە لە تیرۆرو رەشە كوژی خەلكی سڤیل و ژن و منداڵی بێ دیفاع .
ئێمە وەكو حزب و لایەنە سیاسییەكانی شاری هەولێر بەتوندی ریسوا و شەرمەزاری ئەم كورد كوژیە دەكەین و هاوخەمی و هاوهەڵوێستی خۆمان بۆ خوشك و برایانمان لە رۆژئاوای كوردستان دووپات دەكەینەوە و پاڵپشتی سەرجەم هەولەكان دەكەین بۆ راگرتنی ئەم كورد كوژیە و هێنانە دی یەك هەڵوێستی و یەكرێزی گەلەكەمان لەكوردستان بەگشتی و لە رۆژئاوا بەتایبەتی ....
هەروەها بەردەوامی كەمپین و پالپشتی رادەگەێنین كە لە رۆژانی داهاتوودا بەگوێرەی پەرەسەندنی رووداوەكان و پێداویستی هەڵ و مەرجەكە بەشێوازی جیا جیا دەیگرینەبەر .
* داوا كارین لە سەرۆكایەتی هەرێم و پەرلەمان و حكومەتی هەرێمی كوردستان ریسواو مەحكومی ئەم كورد كوژیە بكرێت و پاڵپشتی و هاوكاری كوردانی رۆژئاوا زیاتر بكرێت .
* داوا لە گشت خەڵكی كوردستان دەكەین كە هۆشیارو بەئاگا بن لە بانگەشەی هەندێك كەس و لایەن كە بەناو ئاینی پیرۆزی ئیسلام و بەهاندانی گەنجانمان كە بەشداری بكەن لە كورد كوژیدا , رێگری بكرێت , جەخت دەكەینەوە كە ئەم هەڵوێستانە دوورن لە بەها پیرۆزەكانی ئاینی ئیسلام و مرۆڤایەتی و نەتەوایەتیمان .
* داوا كارین لە خوشك و برایانمان لە رۆژئاوای كوردستان كە یەكریز و یەك هەڵوێست بن بەرامبەر پیلانی ناحەزانی دۆزی رەوای گەلەكەمان .
* داواكارین لە سەرجەم خەلكی كوردستان بۆ بەردەوام بوون و پەرەپێدانی پرۆسەی هاوكاری و پاڵًپشتی بۆ كوردانی رۆژئاوا لەسەرجەم بوارەكاندا .
* داوا كارین لە سەرجەم رێكخراوە نێودەولەتیەكان و رێكخراوەكانی مافی مرۆڤ كە هەڵوێستی بەپەلەیان هەبێت بۆ راگرتنی ئەم كۆمەلكوژییەی كە لەرۆژئاوای كوردستان ئەنجام دەدرێت .
حیزب و لایەنە سیاسییەكان
1 - كۆمیتەی پارێزگای هەولێری - حیزبی شیوعی كوردستان
2 - مەڵبەندی (3) ی - یەكێتی نیشتمانی كوردستان
3 - لقی (2) ی - پارتی دیموكراتی كوردستان
4 - مەڵبەندی (2) یەكگرتووی ئیسلامی كوردستان
5 - مەلبەندی هەولێری كۆمەلی ئیسلامی كوردستان
6 - لقی هەولێری - حیزبی دیموكراتی بەیت نەهرین
7 - لقی هەولێری - حیزبی ئایندەی كوردستان
8 - ناوەندی رێكخستنی هەولێری پارتی كرێكاران و رەنجدەرانی كوردستان
9 - ناوەندی هەولێری بزوتنەوەی دیموكراتی گەلی كوردستان
10 - كۆمیتەی سەركردایەتی هەولێری حیزبی زەحمەتكێشانی كوردستان
11 - كۆمەڵەی رۆشنبیری توركمان لە كوردستانی عیراق
12 - حیزبی رزگاری كوردستان
7/08/2013
سەرۆك وەزیرانی عێراق مەترسی خۆی لە گرووپە چەكدارە توندڕەوەكانی سووریا دووپاتدەكاتەوە و داواش دەكات كوردانی رۆژئاوا بپارێزرێن لە مەترسی جەبهەتولنوسرە.
نوری مالیكی، سەرۆك وەزیرانی عێراق لە چاوپێكەوتنێكدا لەگەڵ كەناڵی (ئافاق)ی حیزبی دەعوە كە خۆی سەرۆكایەتی دەكات، رایگەیاند: "پێویستە هەموو تواناكان بەگەڕبخرێن بۆ شكستپێهێنانی پرۆژەی تایفەگەری كەئێستا لەناوچەی رۆژهەڵاتی ناوەڕاست جێبەجێدەكرێ".
گوتیشی "لەسەرەتای سەرهەڵدانی قەیرانی سووریا هۆشداریمان لەمەترسی گروپە تیرۆریستییەكان داو گوتمان جێی مەترسین بۆ سەر یەكپارچەیی و گەلی سووریا". ئاماژەی بەوە كرد "ئەمڕۆ دەبینین چۆن ئەو مەترسییانە هاتنەدی و چۆن ئەو گرووپانە هەڕەشە لە هەموو پێكهاتەكانی گەلی سووریا دەكەن بەكوردەوە".
مالیكی داوای لەكورد كرد رێگە نەدەن رۆڵەكانیان بچنە ریزی ئەو گروپە توندڕەوانە، "ئە گەر نا دەبنە جێی هەڕەشەو مەترسی بۆ هەمووان بەتایبەت و زیاتر بۆ كورد". هاوكات داوای پاراستنی كوردی كرد لە هەڕەشەی بەرەی نوسرە لە سووریا.
رووداو-ئاژانسەكان
6/08/2013
سەرۆكی كۆمپانیای گازی نیشتمانی ئێران رایگەیاند: وڵاتەكەیان لەسەدا ٣٠ پێداویستیی گازی عێراق دابین دەكات و ئەمە دابین کردنی لەسەدا ٧٠ی پێداویستی گازی شاری بەغدا دەگرێتەوە.
بەپێی راپۆرتێكی كەناڵی پرێس تی ڤی ئێرانی، جەواد ئۆجی سەرۆكی كۆمپانیای گازی نیشتمانیی ئێران رایگەیاند: بەپێی گرێبەستە نوێكەیان لەگەڵ حكومەتی عێراق، ناردنی گازی ئێران بۆ ئەو وڵاتە دوو قات زیاد دەكات.
بەپێی قسەی ئەو بەرپرسە ئێرانییە، حكومەتی تاران بڕی ٨ ملیار تمەنیان لە دروستكردنی بۆڕی گواستنەوەی گازی ئێران بۆ عێراق خەرج كردووە كە درێژییەكەی ٢٢٧ كیلۆمەترە.
سەبارەت بە دەستكەوتی وڵاتەكەشی لەو گرێبەستەیان لەگەڵ عێراق، جەواد ئۆجی گوتی: " لەبەرامبەر هەناردەكردنی رۆژانەی ٢٥ ملیۆن مەتر سێجا گازی سروشتی بۆ عێراق مانگانە بڕی ٣٥٠ ملیۆن دۆلارمان دەستدەكەوێت".
سۆران عەلی/م.ش
pna
6/08/2013
ویلایەتە یەكگرتووەكانی ئەمریكا ئامادەیی خۆی پێشاندا، ئەگەر ئێران بیەوێت تیكەڵی كۆمەڵگەی نێودەوڵەتی ببێتەوە هاوكاریی بكات.
جای گارنی، گوتەبێژ بەناوی كۆشكی سپی ئەمریكا، رایگەیاند "دەستبەكاربوونی حەسەن رووحانی دەرفەتێكی نوێ دەداتە ئێران بۆ ئەوەی زووتر مەترسییەكانی كۆمەڵگەی نێودەوڵەتی لەسەر پرۆگرامی ئەتۆمیی ئێران نەهێڵێت".
گوتەبێژی كۆشكی سپی راشیگەیاندووە "ئەگەر ئێران راستگۆبێت و سو‌وربێت لە بەجێگەیاندنی بەڵێنەكانی بە كۆمەڵگەی نێودەوڵەتی و گەیشتنە چارەسەرێك ئاشتییانە بۆ دۆسییەی ناوەكی وڵاتەكەی، ئەوا ئەمریكا ئامادەیە هاوكاریی بكات".
رووحانی لە مەراسیمی دەستبەكاربوونی رایگەیاند "حكومەتێك دادەمەزرێنین میانگیری هەموو ئێرانییەكان بكات و هەوڵدەدەین بۆ هەڵگرتنی گەمارۆ ئابوورییەكانی سەر ئێران".
لە سەردەمی ئەحمەدی نەژاد، سەرۆكی پێشووی ئێران، پەیوەندییەكانی نێوان ئەمریكا و ئێران بە كەشێكی خراپ تێپەڕدەبوون، بەتایبەتی كە هەمیشە لە گوتارەكانیدا هێرشی دەكردە سەر ئەمریكا و ئیسرائیل.
چاودێرانی سیاسی وایدەبینن گوتارەكەی رووحانی بە زمانێكی ئاشتییانە نووسرابوو، تیایدا ویستی پەیوەندی نیشاندابوو بۆ لایەنەكانی ناوخۆ و دەرەوەی ئێران.
رووحانی لەبەردەم پەرلەمان رایگەیاند "حكومەتەكەم لە هەوڵی گەڕاندنەوەی متمانە دەبێت لەنێوان ئێران و ناوچەكە و وڵاتانی جیهان". گوتیشی "روون و ئاشكرایی لە سیاسەتەكانمان سەرەتای قۆناخێكی نوێ دەبێت لە پەیوەندییەكانی نێوان ئێران و دەرەوە".
دانووستكاری پێشووی دۆسیەی ناوەكی ئێران گوتبووی "هیچ وڵاتیك ناتوانێت بەشەڕ ئاشتی بەدیبێنێت، ئێرانێش نابێتە هۆكاری تەنگەژە بۆ هیچ وڵاتێك".
بەرنامەی رووحانی بۆ پێكهێنانی حكوومەت، كە داوێتییە پەرلەمانی وڵاتەكەی، كەسایەتییە میانڕەوەكان لەخۆدەگرێت بۆ پۆستە سەرەكییەكان، وەك پێدانی پۆستی وەزیری دەرەوە بە محەممەد جەواد زەریف، نێردەی پێشووی ئێران لە نەتەوەیەكگرتووەكان، بەڵام رووحانی ئاماژەی بۆ پرۆگرامی ئەتۆمی ئێران نەكرد، كە زیانی زۆری بە پەیوەندییەكانی ئێران و كۆمەڵگەی نێودەوڵەتی و ئابووریی ئێران گەیاندووە. لەگەڵ ئەوەی ئێران بەردەوام ئاماژە بەوە دەكات بەرنامە ئەتۆمییەكەی تەنها بەمەبەستی دەستەبەركردنی وزەیە و سەربازی نییە، بەڵام پشكنەرانی نەتەوەیەكگرتووەكان بەردەوام گازندەی ئەوە لە ئێران دەكەن، كە رێگایان نادات بچنە كێڵگە ئەتۆمییەكانی.
5/08/2013
"نێچیرڤان بارزانی" سەرۆک وەزیرانی حکوومەتی ھەرێمی کوردستان لە رێوڕەسمی سوێندخواردنی سەرۆک کۆماری نوێی ئێران دکتۆر "حەسەن رووحانی" بەشداری کرد.
نێچیرڤان بارزانی سەرۆک وەزیرانی حکوومەتی ھەرێمی کوردستان کە بە سەرۆکایەتی شاندێکی پایەبەرزی ھەرێمی کوردستان پێکھاتوو لە: فازل میرانی سکرتێری مەکتەبی سیاسی پارتی دیموکراتی کوردستان، ئازاد بەرواری ئەندامی سەرکردایەتیی پارتی دیموکراتی کوردستان و ئەندازیار کامەڕان ئەحمەد وەزیری ئاوەدانکردنەوە و نیشتەجێی کردنی حکوومەتی ھەرێمی کوردستان، بە نوێنەرایەتی سەرۆکی ھەرێمی کوردستان مەسعوود بارزانی لە پەڕڵەمانی ئێران لە رێوڕەسمی سوێندخواردنی سەرۆک کۆماری نوێی ئێران دکتۆر حەسەن رووحانی بەشداری کرد.
سەرۆکی حکوومەتی ھەرێمی کوردستان کاتژمێر ٤٥/٣ی پاش نیوەڕۆی ئەمڕۆ یەکشەمە گەیشتە پەڕڵەمانی ئێران و بە شێوەی رەسمی لە لایەن دکتۆر کازم جەلالی سەرۆکی بنکەی توێژینەوەکانی پەڕڵەمانی ئێران پێشوازی لێکرا و لە بەرچاوی کامێڕاکانی کەناڵە جۆراوجۆرەکانی جیھان و پەیامنێران و رۆژنامەنووسانی وڵاتانی دنیا و ئێران چوونە ناو سەحنی پەڕڵەمانەوە و لە لایەن نوێنەرانی پەرڵەمان بە تایبەت نوێنەرانی شارە جۆراوجۆرەکانی کوردستان پێشوازی لێکرا.
لە سەرەتای ئەم رێوڕەسمەدا دکتۆر عەلی لاریجانی سەرۆکی پەڕڵەمانی ئێران وتارێکی پێشکەش کرد و لە وتارەکەیدا بەخێرھاتنی میوانانی رێوڕەسمی سوێندخواردنی سەرۆک کۆماری نوێی ئێران دکتۆر حەسەن رووحانی کرد و ئاماژەی بە میوانی تایبەتی ئەم رێوڕەسە لە ھەرێمی کوردستانی عێراق کرد.
لە بەشێکی دیکەی ئەم بەرنامەیەدا ئایەتوڵڵا سادق ئامولی لاریجانی سەرۆکی قووەی قەزاەییەی ئێران وتارێکی پێشکەش کرد و لە درێژەدا شێخ حەسەن رووحانی سوێنی یاسایی خوارد و پاشان وتارێکی پێشکەش کرد و لە کۆتاییدا سوپاسی تەواوی ئەو میوانانە کرد کە لەم رێوڕەسمەدا بەشدارییان کردووە.
لە کۆتایی رێوڕەسمی سوێندخواردنی حەسەن رووحانی، محەمەد رەزا رەحیمی جێگری یەکەمی مەحموود ئەحمەدی نیژاد سەرۆک کۆماری پێشووی ئێران، دکتۆر عەلی لاریجانی سەرۆکی پەڕڵەمانی ئێران، ئایەتوڵڵا عەلی ئەکبەر ھاشمی رەفسەنجانی سەرۆکی مەجمەعی تەشخیسی مەسڵەحەتی نیزامی ئێران لە پەڕڵەمانی ئێران چاویان بە سەرۆکی حکوومەتی ھەرێمی کوردستان کەوت و بە گەرمی بەخێرھاتنیان کرد.
میوانانی بیانی رێوڕەسمی سوێندخواردنی سەرۆک کۆماری نوێی ئێران پاشان بۆ بیرەوەری وێنەیەکیان لەگەڵَ دکتۆر حەسەن رووحانی گرت و بڕیاروایە لە ئێواره خوانێکدا لە کۆشکی سەعدئابادی تاران بەشداری بکەن.
شاندی پایەبەرزی ھەرێمی کوردستان بە سەرۆکایەتی نێچیرڤان بارزانی ھەروەھا چەندین کۆبوونەوە لەگەڵ گەورە بەرپرسانی کۆماری ئیسلامی ئێران ئەنجام دەدات.
ڕێوڕەسمی سوێندخواردنی سەرۆک کۆماری نوێی ئێران بە بەشداری ١٠سەرۆک کۆمار، ٣سەرۆک وەزیران، ٥سەرۆکی پەڕڵەمان، ٦وەزیری دەرەوە، کۆمەڵێک میوانی تایبەت و ھەروەھا نوێنەری رێکخراوەی نەتەوە یەکگرتووەکان لە تەلاری کۆبوونەەکانی پەڕلەمانی ئێران لە شاری تاران بەڕێوەچوو.
مەنسوور جیھانی/X.A
pna
5/08/2013
شاعیری گەورەی كورد شێركۆ بێكەس ئەمڕۆ 4ی ئابی 2013، بەهۆی نەخۆشییەوە لە یەكێك لە نەخۆشخانەكانی وڵاتی سوید كۆچی دوایی كرد.
شێركۆ بێكەس، ساڵی ١٩٤٠ لە شاری سلێمانی لەدایكبووە و لە ساڵی ١٩٨٦ وڵاتی عێراقی بە جێ هێشتووە و لە ساڵەكانی ١٩٨٧-١٩٩٢ لە وڵاتی سوید بووە و پاشان گەڕاوەتەوە بۆ كوردستان.
4/08/2013
"نێچیرڤان بارزانی" سەرۆک وەزیرانی ھەرێمی کوردستان لە رێگای پاڤیۆنی سەرۆک کۆماری فڕۆکەخانەی مێھرئابادی تاران بەرەو ھەولێر بەڕێکەوت.
نێچیرڤان بارزانی کە بە سەرۆکایەتی شاندێکی پایەبەرزی ھەرێمی کوردستان پێکھاتوو لە: فازل میرانی سکرتێری مەکتەبی سیاسی پارتی دیموکراتی کوردستان، ئازاد بەرواری ئەندامی سەرکردایەتیی پارتی دیموکراتی کوردستان و ئەندازیار کامەڕان ئەحمەد وەزیری ئاوەدانکردنەوە و نیشتەجێ کردنی حکوومەتی ھەرێم، بە نوێنەرایەتی سەرۆکی ھەرێمی کوردستان "مەسعوود بارزانی" بە مەبەستی بەشداریکردن لە رێوڕەسمی سوێندخواردنی سەرۆک کۆماری ئێران دکتۆر "حەسەن رووحانی" سەردانی تارانی پێتەختی ئێرانی کردبووە کاتژمێر ٣ی دوانێوەڕۆی ئەمڕۆ لە رێگای پاڤیۆنی سەرۆک کۆماری فڕۆکەخانەی مێھرئابادی تاران بەرەو ھەولێر بەڕێکەوت.
لەم رێوڕەسمەدا کە ھەندێک لە بەرپرسانی کۆماری ئیسلامی ئێران و نازم دەباغ نوێنەری حکوومەتی ھەرێمی کوردستان لە تاران تێیدا ئامادەبوون، بە ئاڵای ھەرێمی کوردستان پێشوازی لە نێچیرڤان بارزانی کرا و بە ئیحتڕامی نێزامی سەرۆک وەزیرانی حکوومەتی ھەرێمی کوردستان تارانی بەرەو ھەولێر بەجێیھێشت.
نێچیرڤان بارزانی سەرۆک وەزیرانی حکوومەتی ھەرێمی کوردستان کە بە سەرۆکایەتی شاندێکی پایەبەرزی ھەرێمی کوردستان لە رێوڕەسمی سوێندخواردنی یازدەیەمین خولی سەرۆک کۆماری ئیسلامی ئێران، بەشداری کرد و لە پەراوێزی ئەم رێوڕەسمەدا چاوی بە چەندین کەسایەتی پایەبەرزی بیانی و ئێرانی کەوت.
مەنسوور جیھانی/X.A
pna
5/08/2013
- داواکاری گشتیی کرماشان: لێکۆڵینەوە لەبارەی لێدانی قوتابیان دەکەین
- هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد
- گفتوگۆكانی ئێران و ئەمریكا لە عومان دوای دو کاتژمێر کۆتایی هات
- ئێران شەڕو دانوستانی ناڕاستەوخۆی پێ باشە!
- داواکارییەکانی ئێران و ئەمریکا لەیەکتریی چیە؟
- وەزیری بەرگریی ئیسرائیل هۆشداری دەداتە ئەحمەد شەرع
- وادەی هێرشی ئەمریکا بۆ سەر ئێران ئاشکرا کرا
- دەستووری کاتی سوریا نیگەرانی لایەن کوردییەکان و چاودێرانی لێدەکەوێتەوە
- بارودۆخی نالەباری ئابووریی ئێران پێدەچێت کۆماری ئیسلامی ناچار بکات لەگەڵ سەرۆک ترامپ ڕێککەوتن بکات
- عڕاقچی: هێشتا نامەکەی ترەمپ بە دەستمان نەگەیشتووە
- وەزیری دەرەوەی ئێران دەڵێت بڕیارە نامەکەی ترامپ لە لایەن نێردراوێکی وڵاتێکی عەرەبیەوە بگەیەنرێتە تاران
- مەزڵوم عەبدی و ئەحمەد ئەلشەرع بە ڕێکەوتن دەگەن
- 8ی مارس.. شۆڕشێك لەپێناو مافی ژنان
- سری سورەییا ئۆندەر: باخچهلی پێی گوتم، ڕۆژێک دێت پێکەوە هەڵپەڕکێی ئاشتیی دەکەین
- حكوومهتی ئێران : له‌گه‌ڵ ئهورووپا درێژه به گفتوگۆ ئهتۆمییهكان دهدهین
- عەلی باپیر، سەرۆکی کۆمەڵی دادگەری کوردستان سەبارەت بە پەیامی ئۆجەلان"هیوادارم هەردوولا بە کردەوە بەدەم بانگەوازەکەوە بچن."
- ئەمینداری گشتیی یەکگرتوو پەیامی ئۆجەلان "پەیامێکی پڕ لە بەرپرسیاریەتی و بایەخ و واقعیەتە"
- سەرۆك بافڵ جەلال تاڵەبانی: پێشوازی لە پەیامەکەی بەڕێز عـ.ـەبدوڵا ئـ.ـۆجەلان دەکەین
- سەرۆک بارزانی: هیوادارین پەیامەکەی ئۆجەلان دەستپێکێک بێت بۆ ئەوەی پڕۆسەی ئاشتی رێی خۆی بگرێت
- زەینەب جەلالیان لە 17هەمین ساڵی زیندانیکردنیدا لە ناو زیندانەوە باس لە ئازارەکانی دەکات
- بزووتنەوەی کۆماریخوازانی ڕۆژهەڵاتی کوردستان ٢ی ڕێبەندان، ٧٩هەمین سالرۆژی دامەزرانی یەکەم کۆماری کوردستان، لە نەتەوەی کورد پیرۆزدەکات
- پەیامی پیرۆزبایی کۆماریخوازان بۆ بەرێز مەسعوود پزیشکیان
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
