به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
سەرەڕای رەخنەكانیان، نوێنەرانی پارتەكانی رۆژئاوای كوردستان لە هەولێر، سەردانەكەی سەرۆكی پارتی یەكێتی دیموكراتی PYD بۆ توركیا بە ئەرێنی دادەنێن و پێیانوایە “YPG ساڵح موسلیمی گەیاندە ئیستەنبوڵ”.
رۆژی 26ی ئەم مانگە، هەواڵی فڕینی ساڵح موسلیم هاوسەرۆكی PYD لە فڕۆكەخانەی نێودەوڵەتی هەولێرەوە بەرەو توركیا، بووە مانشێتی زۆربەی رۆژنامە و دەزگاكانی راگەیاندنی توركیا و هەرێمی كوردستان. پێشتریش دەنگۆی دانیشتنی PYD و دەزگای MİTی توركیا بڵاوكرایەوە. ئەو كۆبوونەوەیە دوای تێپەڕبوونی چەند رۆژێك بەسەر گرتنی شارۆچكەی سەرێكانیێ و چەند ناوچەیەكی دیكە لەلایەن یەكینەكانی پاراستنی گەل YPG هات كە بەباڵی سەربازی پارتی یەكێتی دیموكراتی لە قەڵەم دەدرێت. بۆیە چاودێرانی سیاسی پێیانوایە بانگهێشتكردنی موسلیم بۆ توركیا پەیوەندی راستەوخۆی بە پێكدادانی YPGو چەكدارانی جەبهەتولنوسرەوە هەیە.
شەلال گەدۆ، نوێنەری پارتی چەپی كوردی لەشاری سلێمانی پێیوایە كۆبوونەوەی موسلیم و توركیا بە سەركەوتنی دیپلۆماسی YPG دادەنرێ. لەوبارەیەوە بە (رووداو)ی گوت “سەركردەكانی كورد تا رابردوویەكی نزیك پێیانوابوو چەكی YPG بەڵایە بۆ كوردی سووریا، كورد ناتوانێ پەیوەندی لەگەڵ جیهانی دەرەوە ببەستێ، بەڵام ئەو رووداوە پێچەوانەی ئەوەی سەلماند”.
بەگوێرەی لێدوانەكانی ساڵح موسلیم لە دوای كۆبوونەوەكەی ئیستەنبوڵ بۆ ئاژانسی هەواڵی دیجلە، بەرپرسانی تورك بەڵێنی كردنەوەی چەند دەروازەیەكی سنوورییان لەگەڵ رۆژئاوای كوردستان داوە. شەلال گەدۆ ئەمە بە شەڕی ئەم چەند رۆژەی دوایی نێوان YPG و بەرەی نوسڕەوە دەبەستێتەوە و دەڵێت “ئەگەر YPG نەبووایە مومكین نەبوو تورك بانگی كورد بكەن و بڵێن دەروازەكانتان بۆ دەكەینەوە، چونكە ئەمڕۆ جگە لە YPG هێزێكی دیكە لەسەر ئەرز نییە”.
جەدعان عەلی، نوێنەری بزووتنەوەی چاكسازی كورد لە سووریا، چوونی سەرۆكی PYD بۆ توركیا بە ئەرێنی لەقەڵەم دەدات و دەڵێت “هۆكاری سەرەكی بانگهێشتكردنی موسلیم بۆ توركیا بەرهەمی خۆسەپاندن و بەهێزبوونی YPGیە”. سەرەڕای ئەو هۆكارە، جەدعان پێیوایە چەند هۆكارێكی دیكەش هەن تاوەكو توركیا ساڵح موسلیم بانگهێشت بكات “ئۆپۆزیسیۆنی سووریا لە هێز دەكەوێت، لەبەرەكانی جەنگ سەنگەر لەدەست دەدات، رژێم شوێن پێی خۆی لەهەندێك شوێن قایم دەكات”.
جەدعان ئاماژە بەو مەرامانە دەكات كە توركیا دەخوازێ لە دانیشتن لەگەڵ موسلیم بەدەستیبێنێ “ هەرێمی كوردی كە دەكەونە سەر سنووری توركیا بەدەست YPGیە، بۆیە باشترین بژاردە بۆ توركیا دانیشتنە لەگەڵ PYD، بێگومان پێش ساڵێك ئەو بۆچوونەی نەبوو. وەكو سیاسەت و دەوڵەت بەرژەوەندی توركیا لە دانیشتن لەگەڵ PYD دایە. یان بەلانیكەم بۆ توركیا دۆستایەتی PYD لە دوژمنایەتی باشترە، چونكە ناتوانێ كاریگەری ئەوان لەسەر ئەرز بسڕێتەوە”.
لەماوەی رابردوودا، PYD رەخنەی لە پارتە كوردییەكانی سووریا دەگرت و هەندێكیشی بە كرێگرتەی توركیا لەقەڵەم دەدا لەبەر ئەوەی بەشدارییان لە كۆبوونەوەی ئۆپۆزیسیۆنی سووریا لە توركیا دەكرد. بەڵام دوای سەردانەكەی موسلیم بۆ توركیا ئەمە پێچەوانە دەبێتەوە، ئەمجارە پارتە كوردییەكان رەخنە لە PYD دەگرن كە بەتەنیا لەگەڵ توركیا كۆدەبێتەوە.
مەحمود محەممەد (باڤێ سابیر) نوێنەری پارتی یەكێتی دیموكراتی كورد لەهەولێر دەڵێت كورد لە رۆژئاوا بەردەوام پێیوابووە كە دەبێت پەیوەندی لەگەڵ وڵاتانی دراوسێی رۆژئاوای كوردستان ببەسترێ و گومانەكانیان بڕەوێنینەوە. بەڵام رەخنە لەو سەردانەی سەرۆكی PYD دەگرێت و دەڵێ “ئەگەر یەكێك لە ئێمە جارێك بە فڕۆكە بەسەر توركیادا چووبایە ئەوروپا برادەرانی PYD دەیانگوت ئەوانە بوونە ئەردۆغانی. واباشە وەكو دەستەی باڵا پێكەوە لەگەڵ ئۆپۆزسیۆنی سووریا بێت یان لەگەڵ وڵاتانی دەوروبەر دیالۆگ بكەین. وەزارەتی دەرەوەی توركیا داوای لێكردین سەردانی توركیا بكەین، بەڵام ئێمە رەتمانكردەوە و گوتمان دەبێت بەناوی دەستەی باڵای كورد بانگهێشتمان بكەن”.
هێمن خۆشناو
رووداو - هەولێر
31/07/2013
لە درێژەی ئەو هەوڵانەی بۆ دووبارە دادگاییکردنەوەی عەبدوڵڵا ئۆجەلان، رێبەری زیندانیکراوی پارتی کرێکارانی کوردستان (پەکەکە) هاتوونە ئاراوە، دادگای مافی مرۆڤ لە ئەوروپا سەرەڕای ناڕازیبوونی بە بڕیاری پێشووی دادگای تورکیا بە بڕینەوەی زیندانی هەمیشەیی بۆ ئۆجەلان، داوای دووبارە دادگاییکردنەوەی دەکات و دادگای تورکیاش داواکە رەت دەکاتەوە.
30/07/2013
ئەندامی کۆمیته‌ی په‌یوه‌نده‌ییه‌کانی ده‌سته‌ی باڵای کورد (DBK) و ئه‌ندامی دیوانی ئه‌نجوومه‌نی گه‌لی رۆژئاوای کوردستان (عیسا حەسۆ)، له ئه‌نجامی ته‌قینه‌وه‌ی بۆمبێکی چێندراو که پێشتر له ئۆتۆمبێله‌که‌ی جێگیر کراوه گیانی له ده‌ست دا.
ماڵثەڕی "فیرات نیوز"ـی نزیک لە پەکەکە بڵاوی کردوەەتەوە، سه‌رله‌به‌یانیی ئه‌مرۆ سێشەممە، سەعات 06:00 له‌وکاته‌ی (عیسا حسۆ)ـی بەرپرسی باڵا لە پارتیی یەکێتیی دیموکرات(پەیەدە)، له ماڵی خۆی له گه‌ره‌کی کۆرنیش ده‌رده‌که‌وێت بۆئه‌وه‌ی بچێته سه‌رکاری خۆی، له ئه‌نجامدا ئۆتۆمبێله‌که‌ی ده‌ته‌قێته‌وه و گیان له ده‌ست ده‌دات.
ماڵپەڕەکە زانیاریی داوە که پێشتر له‌ژێر ئۆتۆمبێله‌که‌ی ئه‌ودا بۆمبی ته‌وقیتکراو جێگیر کراوه و له‌و کاته‌ی هه‌وڵی داوه کار به ئۆتۆمبێله‌که‌ی بکات، راسته‌وخۆ ته‌قیوه‌ته‌وه و گیانی له ده‌ست داوه.
30/07/2013
بە هۆی هەبوونی هەوڵ بۆ شكستپێهێنانی كۆنگرەی نەتەوەیی كورد، هێشتا كات و پلانی ئەو كۆنگرەیە ڕانەگەیەنراوە كە نزیكەی 600 كەسایەتیی سیاسیی كورد و دۆستی كورد، بەشداریی تێدا دەكەن. سەرچاوەیەكی نزیك لە لیژنەی ئامادەكاریی كۆنگرەیش، ئەو هەوڵانە بۆ درز خستنە نێوان لایەنە سیاسی و كەسایەتییەكانی بەشداربووی نێو كۆنگرە ناو دەبات.
كەسایەتییەكی نزیك لە سەركردایەتیی پارتیی كرێكارانی كوردستان(پەكەكە)، بە ژماری ئەمڕۆ سێشەممەی هەفتەنامەی "باس"ـی ڕاگەیاندووە، هەوڵە ئیقلیمییەكانی ئەم جارە سەركەوتوو نابن، چونكە كورد بەهێز و ئەوان لاوازن.
"باس" بڵاوی كردووەتەوە كە دوای دانانی كۆمیتەیەكی ئامادەكاری بۆ ئەنجامدانی كۆنگرەی نەتەوەیی كورد، لایەنێكی ئیقلیمی كار بۆ پەشیمانكردنەوەی چەند لایەنێكی بەشداربووی نێو كۆنگرەكە دەكات تا بایكۆتی كۆنگرەكە بكەن، هەر ئەمەیش وای كردووە بەرنامەی كاری كرنگرەكە بە شێوەیەكی نهێنی بەڕێوە بچێت.
ئەندامی سەركردایەتیی حیزبی دیموكراتی كوردستانی ئێران و نوێنەری ئەو حیزبە لە هەولێر، حەمەساڵح قادری، جەختی كردووەتەوە لە دەستخستنەناوەوەی ئیقلیمی بۆ شكستپێهێنانی كۆنگرەی نەتەوەییی كورد و لەو چوارچێوەیەیشدا پەنجەی تۆمەتی بۆ ئێران درێژ كرد.
قادری باوەڕی وایە، "هەر دامەزراوەیەكی نەتەوەییی كورد كە پێناسەی یەكگرتووییی كورد بكات، بە دڵی ڕژێمی ئێران و ناحەزانی كورد نییە، لەبەرئەوە هەرچەند پێیان بكرێت ئەو دامەزاروەیە بەر لەدایكبوون لەناو دەبەن."
سەرۆكی پێشووی پارتیی چارەسەری دیموكراتی كوردستان و كەسایەتیی نزیك لە پەكەكە، فایەق گوڵپییش دەڵێت، وڵاتانی ئیقلیمی نایانەوێ كۆنگرەی نەتەوەیی كورد سەركەوتوو بێت، بەڵام لەئەم بارە عێراق كە لە دۆخێكی خراپدایە و بە ئاشكرا دژایەتیی ئەو كۆنگرەیەی بۆ ناكرێت، هەروەها توركیالە باكوور لەگەڵ كورددا گفتوگۆی هەیە و لە باشوور بەرژەوەندی و كۆنسووڵخانەی هەیە و پێوەندییەكانی لەگەڵ حكوومەتی هەرێمی كوردستان باشە، ئێرانیش تووشی قەیرانێكی گەورە بووەتەوە بە هۆی ئابڵۆقەی ئابووری و سیاسییەوە.
گوڵپی جەختی كردەوە لەوەی كە بۆ كورد گرینگە بتوانێت ئەو بارودۆخە ئیقلیمییە بقۆزێتەوە و پەلە بكات لە ئەنجامدانی ئەو كۆنگرە نەیتەوەییە.
زیاتر گوتی، "ئەگەر ئەو كۆنگرەیە ببێتە هۆی ئەوەی كورد یەك خیتابی نیشتمانیی گشتگیر و یەك پڕۆژەی ستراتیژیی بەهێزی هەبێت، ئەوا ئەو مەفهومە كۆتایی دێت كە دەیگوترا پێویستە كێشەی كورد لە هەر پارچەیەكی كوردستان لەگەڵ ئەو وڵاتەی كە تێیدایە چارەسەر بكرێت؛ ئەوەیش وا دەكات كورد بە شێوەیەكی یەكگرتووی لە ڕۆژهەڵاتی نێوەڕاستدا سیاسەت بكات."
ئەو گوتیشی، "كۆنگرەی نەتەوەیی واتا هەبوونی یەكیەتیی نەتەوەیی و بەهێزبوونی هێز و دواجار حیسابكردنی كورد لە هاوكێشە جیهانییەكاندا."
pna
30/07/2013
پاش بایكۆتی پارتیی ژیانی ئازادی كوردستان (پژاك) بۆ كۆنگره‌ی نه‌ته‌وه‌یی كورد، بارزانی وه‌ك سه‌رپه‌رشتیاری لیژنه‌ی ئاماده‌كاریی كۆنگره، سەرکەوتوو بوو لە چارەکردنی کێشەی نێوان حیزبەکان و به دابینكردنی كورسییه‌ك، پژاكی بۆ نێو كۆنگرەکە گەڕاندەوە.
شەرقولئەوسەت لە ژمارەی ئەمڕۆ دووشەممەیدا، لە زاری بەرپرسێکی (پژاک)ـەوە بڵاوی کردوەەتەوە، بارزانی کێشەی نێوان حیزبە سیاسییەکانی چارە کرد کە ببووە هۆی بێبەشکردنی پارتیی ژیانی ئازادی كوردستان (پژاک) لە لیژنەی ئامادەکاریی کۆنگرە و ئەویش کۆنگرەی نەتەوەیی بایکۆت کردبوو.
(پژاک) هه‌ردوو حیزبی دیموكرات و كۆمه‌ڵه‌ی بەوە تۆمەتبار کردبوو کە پێشوه‌خت بڕیاریان دابوو حیزبه‌كانی تری رۆژهه‌ڵاتی كوردستان بێبه‌ش بكه‌ن و كورسییان ته‌نها بۆ خۆیان دانابوو، بەڵام پاش چه‌ندین كۆبوونه‌وه له 27/7 لیژنه‌ی ئاماده‌كاریی كۆنگره‌ی نه‌ته‌وه‌یی کە مەسعوود بارزانی سەرپەرشتی دەکات، گه‌یشته ئه‌و باوه‌ڕه، پژاكیش ده‌بێ كورسیی هه‌بێت لەو کۆنگرەیەی کە وەها بڕیارە لە مانگی داهاتوودا ببەسترێت.
pna
29/07/2013
هاوسەرۆکی پارتی یەکێتی دیموکراتی ئەنجامی کۆبوونەوەی لەگەڵ بەرپرسانی تورکیا دەخاتەڕوو و رایدەگەیەنێت "ئێمە لەگەڵ تورکیا لەسەر پێکهێنانی چوارچێوەیەکی خۆرێبەری رێککەوتووین، نەک پێکهێنانی حکومەت"، گوتیشی "بە بەرپرسانی تورکیامان راگەیاندووە "ئێمە تورکیامان دڵنیا کردەوە نە حکومەت دادەمەزرێنین، نە نیازمان بە خۆ جیاکردنەوەیە".
ساڵح موسلیم، هاوسەرۆکی پارتی یەکێتی دیموکراتی PYD رایگەیاند "پێشتر لە چەند رێگەیەکی دیکەوە یەکتریمان بینیوە، بەڵام ئەم سەردانە لەسەر بانگهێشتی وەزارەتی دەرەوەی تورکیا بوو، لە سۆنگەی ئەو گۆڕانکاریانەی بەسەر تێگەیشتنی تورکیادا هاتوون پێمانوایە ئەم سەردانە وەک سەردانی کردنەوەی دەرگا داخراوەکانە".
موسلیم گوتیشی "بابەتی گفتوگۆکانمان خۆڕێبەری بووە و لەسەری رێککەوتووین، ئەمەش وەک هەنگاوێك بۆ بەتەنگەوەهاتن و پڕکردنەوەی پێداویستی ئەو خەڵکەی لە ناوچە کوردییەکاندا دەژین، بەڵام ئەمە نە حکومەتە، نە نیازیشمان بە خۆجیاکردنەوە هەیە".
ساڵح موسلیم هەڵوێستی تورکیای سەبارەت بە رێکخراوی جەبهەتونوسڕە ئاشکرا کرد و گوتی "بەرپرسانی تورکیا پێیان راگەیاندین جەبهەتوڵنوسڕە نەک هەر دژی ئێوە، بەڵکو دژی ئێمە و تەواوی رۆژهەڵاتی ناوەڕاستن".
دەربارەی هەڵوێستی هاوپەیمانی نیشتیمانی بەرامبەر بە کوردەکان، موسلیم رایگەیاند "پێموایە هەڵبژاردنی ئەحمەد جەبرا ببێتە هۆکاری ئەوەی هاوپەیمانی نیشتیمانی لەژێر سایەی دەستەی باڵای کورد DBK دان بە هێزە کوردییەکاندا بنێت".
هاوکات رەتیشیکردەوە لەمیانی ئەم سەردانەیدا چووبێتە ئیمرالی و چاوی بە عەبدوڵا ئۆجەلان، سەرۆکی بەندکراوی پارتی کرێکارانی کوردستانPKK کەوتبێت، لەمبارەیەوە گوتی "بێگومان دیدارێکی لەمشێوەیە زۆر باش دەبێت ئەگەر بڕەخسێ".
رۆژی 25/7/2013 ساڵح موسلیم، هاوسەرۆکی پارتی یەکێتی دیموکراتی PYDبە (نهێنی) لەرێگەی نووسینگەی ئەتڵەس جێت، لە هەولێرەوە سەردانی تورکیای کرد و لە شاری ئەستونبوڵ لەگەڵ بەرپرسانی تورکیا کۆبوویەوە.
رووداو-RADIKAL
29/07/2013
وه‌زاره‌تی ده‌ره‌وه‌ی ئه‌مه‌ریكا رایگه‌یاند به‌رپرسانی هه‌ر دوو حكوومه‌تی ئیسرایل و فه‌له‌ستین، له ئه‌مڕۆوه دانوستانه‌كانی راسته‌وخۆی نێوان بۆ پرۆسه‌ی ئاشتی ده‌ستپێده‌كه‌نه‌وه.
گوته‌بێژی وه‌زاره‌تی ده‌ره‌وه‌ی ئه‌مه‌ریكا ئاشكرای كرد یه‌كه‌مین دیداری نێوان نوێنه‌رانی هه‌ر دوولا، ئه‌مڕۆ له واشنگتۆن ده‌ست پێده‌كات و بۆ ماوه‌ی دوو رۆژ به‌رده‌وام ده‌بێت.
به‌پێی هه‌واڵی بی بی سی، گوته‌بێژی وه‌زاره‌تی ده‌ره‌وه‌ی ئه‌مه‌ریكا، له په‌یوه‌ندییه‌كی ته‌له‌فۆنی له‌گه‌ڵ مه‌حموود عه‌باس، سه‌رۆكی ده‌سه‌ڵاتی فه‌له‌ستین و بنیامین نه‌تانیاهوو، سه‌رۆكوه‌زیرانی ئیسرایل، ره‌زامه‌ندیی بۆ دانوستانه‌كانی ئه‌مڕۆ وه‌رگرتووه.
دانوستانه‌كانی نێوان ئیسرایل و فه‌له‌ستین، دوای نزیكه‌ی 3 ساڵ وه‌ستان، به هه‌وڵی به‌رده‌وامی وه‌زیری ده‌ره‌وه‌ی ئه‌مه‌ریكا و چه‌ندین جار سه‌ردانی بۆ ناوچه‌كه، ده‌ست پێده‌كاته‌وه.
هاوكات له‌گه‌ڵ ره‌زامه‌ندیی هه‌ر دوو لایه‌ن بۆ ده‌ست پێكردنه‌وه‌ی دانوستانه‌كانی پڕۆسه‌ی ئاشتی، حكوومه‌تی ئیسرایل ره‌زامه‌ندیی له‌سه‌ر ئازاد كردنی زیاتر له 100 به‌ندكراوی فه‌له‌ستینی، نیشانداوه.
ئا. ر
pna
29/07/2013
سەڵاحەدین دەمیرتاش (هاوسەرۆکی پارتی ئاشتی و دیموکراتی) لە لێدوانێکدا ڕەخنەی لە هاوسەرۆکی پەیەدە (ساڵح موسلیم) گرت بۆ ئەنجامدانی چاوپێکەوتنی سیاسی لەگەڵ تورکیادا و ڕاشی گەیاند ، تا ئەمڕۆ سوریا و عێراق و یۆنان و بولغاریا دراوسێی تورکیا بوون، بەڵام ئێستا لەبەر ئەوەی کوردستان دەبێتە دراوسێیان قیامەت هەڵدەستێنن.
پێگەی ئەنقەرە هەبەر-ی تورکیا لە هەواڵێکدا بڵاویکردەوە، لە دووەمین گۆنگرەی ڕێکخستنی پارتی ئاشتی و دیموکراتی (بەدەپە) کە لە شاری ئەستەنبوڵ بەڕێوەچوو، سەڵاحەدین دەمیرتاش (هاوسەرۆکی بەدەپە) لە لێدوانێکدا ڕەخنەی لە (ساڵح موسلیم) هاوسەرۆکی پارتی یەکێتی دیموکراتی (پەیەدە) گرت و ڕایگەیاند، "چەندە جێگەی بەزەییە سەرۆکی پەیەدە دێت و لە تورکیا چاوپێکەوتنی سیاسی ئەنجام دەدات".
دەمیرتاش ئەو بانگهێشتەی سەرۆکی پەیەدە-ی لەلایەن تورکیاوە لە دژی کورد لەقەڵەم دا و ڕایگەیاند " لە ئێستادا شانبەشانی خەڵکی سوریا، کوردەکانی سوریا و عەرەب و عەلەوی و نوسەیرییەکان پێکەوە پەیوەندییەکیان دروست کردووە و ڕوبەڕووی چەتەکان دەبنەوە و لەو ڕێیەشەوە هەرەسیان بە سیاسەتی دەرەکی تورکیا هێناوە، بەڵام بانگهێشتکردنی ساڵح موسلیم و چاوپێکەوتنەکانی نیشانەیەکی دیاری ئەم گۆڕانکارییانە و هەزم نەکردنێتی لەلایەن تورکیاوە، هیوادارین ئەم گۆڕانکارییانە بەردەوامبن".
لە درێژەی وتەکانیدا دەمیرتاش لەبارەی ترسی تورکیا بۆ دامەزراندنی دەوڵەتی کوردی ڕایگەیاند "بەتەنها لە تورکیادا زیاتر لە 15 بۆ 20 ملیۆن کورد دراوسێتانن ، کچیان لێ ئەخوازن و کچیان پێ ئەدەن و پێکەوە کارەکان ڕائەپەڕێنن و هیچ کێشەیەک نەهاتۆتە ئاراوە، بەڵام کاتێک باس لە دەوڵەتی کوردی دەکرێت و کورد بەبێ دابەشبوونی سوریا و بەبێ هیچ مەترسییەک بۆ تورکیا دەسەڵاتی خۆی دروست دەکات و حوکمی زاتی و حوکمی خۆ بەڕێوەبردن دادەمەزرێنێت، دەڵێن نابێت".
دەمیرتاش وتیشی "تا ئێستا سوریا دراوسێتان بووە، 70 بۆ 80 ساڵە عێراق دراوسێتانە، ئەی مەگەر بولگاریا و یۆنان دەوڵەتی هاوسێتا نییە؟، ئێستاش کە کوردستان دەبێتە دراوسێی نوێتان، هاوارتان لێبەرز بۆتەوە".
لە تورکییەوە هاوڕێ فەریق
خەندان29/7/2013
گوتەبێژی پارتی دیموكراتی كوردستان رایدەگەیەنێت، كە ئەوان وەك پارتی پابەندن بە نێوەڕۆكی ئەو روونكردنەوەیەی كە نێچیرڤان بارزانی لەبارەی رێككەوتنی یەكێتی و پارتییەوە لەسەر دەستوور خستیەڕوو.
جەعفەر ئێمینیكی، گوتەبێژی فەرمی مەكتەبی سیاسی پارتی دیموكراتی كوردستان لە لێدوانێكدا بۆ ماڵپەڕی فەرمی حیزبەكەی، رایگەیاندووە، كە ئەوان وەكو مەكتەبی سیاسی پارتی دیموكراتی كوردستان پابەندی نێوەڕۆكی رو‌ونكردنەوەیەكی نێچیرڤان بارزانی دەبن.
هەورەها گوتەبێژی مەكتەبی سیاسی پارتی دیموكراتی كوردستان جەعفەر ئێمینیكی رایگەیاند "داوا لەهەموو هەڤاڵانی پارتیشمان دەكەین خۆیان بە باس و لێدوانی لاوەكی خەریك نەكەن. ئێمە لە پارتی دیموكراتی كوردستان پابەستی نێوڕۆكی رونكردنەوەكەی رێزدار نێچیرڤان بارزانی دەبین كە لەمەڕ هەمواركردنەوەەی دەستور و پابەست بوون بە رێككەوتن لە مەڕ سازانی نیشتیمانی لەگەڵ یەكێتی هاوپەیمانمان لە سەری رێككەوتووین".
نێچیرڤان بارزانی، سەرۆكی حكومەتی هەرێمی كوردستان و جێگری سەرۆكی پارتی دیموكراتی كوردستان، لە لێدوانێكدا بۆ تۆڕی میدیایی رووداو ، سەبارەت بە قسەو وەڵام و وەڵامكارییەكانی هەندێ لە بەرپرسانی پارتی و یەكێتی لەسەر پرسی پڕۆژەی دەستووری هەرێمی كوردستان رایگەیاند " پارتی و یەكێتی پابەندن بە رێككەوتنی ستراتیژیی نێوانیان، هەروەها پابەندیشن بە رێككەوتنی نێوان هەردوو مەكتەبی سیاسی پارتی و یەكێتی كە لە رۆژی 29ی حوزیرانی ئەمساڵ لەنێوان هەردوولادا مۆركرا، كە رۆژی دواتر بڕیاری درێژكردنەوەی ماوەی پەرلەمان و سەرۆكایەتی هەرێمی كوردستان لە پەرلەمانی كوردستاندا بەدواداهات.
هەردوولاشمان بەتەواوی موتەفیقین لەسەر ئەو رێككەوتنە و هیچ خاڵێكی تێدا نییە جێگەی لێنەگەیشتن بێت لەنێوان هەردوولاماندا".
هەردوولاشمان بەتەواوی موتەفیقین لەسەر ئەو رێككەوتنە و هیچ خاڵێكی تێدا نییە جێگەی لێنەگەیشتن بێت لەنێوان هەردوولاماندا".
نێچیرڤان بارزانی ، كە لەلایەنی پارتی دیموكراتی كوردستانەوە وەك سەرۆكی شاندەكەی پارتی ، رێككەوتنی 29ی حوزەیرانی لەگەڵ یەكێتی نیشتمانی كوردستان مۆركردووە، سەبارەت بە ئایندەی پڕۆژەی دەستووری هەرێمی كوردستان ، لە درێژەی لێدوانەكەیدا بۆ (رووداو) روونیكردەوە "ئێمە رێككەوتووین تەوافوق و سازانی نیشتمانی لەسەر پڕۆژەی دەستووری هەرێمی كوردستان دروستبكەین، چونكە ئێمە نامانەوێ پرسی دەستوور ببێتە هۆی پارچەكردنی خەڵكی كوردستان، بەڵكو دەمانەوێ ببێتە گرێبەستێكی هاوبەشی سیاسی و كۆمەڵایەتی نێوان هەموو گەلی كوردستان".
KDP/روداۆ
28/07/2013
پارێزەرانی عەبدولڵا ئۆجەلان سەرۆکی پارتی کرێکارانی کوردستان داوای دووبارە دادگایی کردنەوەی دەکەن.
لەداواکاریەکدا کە دوێنێی شەممە پێشکەشی دادگای ئەنقەرەیان کردووە پارێزەرانی سەرۆکی بەندکراوی pkk داوایان کردووە بە پێی رێوشوێنە یاساییە نوێکان دادگایی کردنی ئۆجەلان دووبارە بکرێتەوە، لە لێدوانێکدا بۆ ئاژانسی فرانس پرێس یەکێک لە پارێزەرانی ئۆجەلان روونیکردۆتەوە " ئەم چاکسازیە نوێیانە رێخۆشکەرن بۆ دادگایی کردنێکی نوێی سەرجەم ئەوە بەندکراوانەی کە بەپێی یاسا کۆنەکە رێگە بە دووبارە دادگاییکردنەوەیان نەدراوە"، گوتیشی "داوای وەستاندنی جێ بەجێکردنی سزاکەشمان کردووە".
جێگەی ئاماژە پێکردنە عەبدولڵا ئۆجەلان سەرۆکی pkk لە 15/ شوباتی/1999 لە وڵاتی کینیا لە لایەن دەزگای هەواڵگری تورکیاوە دەستگیر کرا و پاشان دادگای ئەو وڵاتە بڕیاری لە سێدارەدانی بۆ ناوبراو دەرکرد کە دواتر لە ساڵی 2002 بڕیارەکە بە زندانی هەتا هەتایی گۆڕدرا و لەو کاتەوە تا ئێستا ناوبراو لە دوورگەی ئیمرالی بەندکراوە.
د.ع
pna
28/07/2013
وەزارەتی دەروەی توركیا پێویستی بە فەرمانبەرە، بەمەرجێك ئەو داواكارەی سی ڤی پێشكەشدەكات زمانی كوردی بزانێت، لە سەرەتای ساڵی نوێ2014، ژمارەیەك دیپلۆماتكاری كورد دەستبەكاردەبن و چاوەروانیش دەكرێت بەشێك لەو دیپلۆماتكارانە لە هەرێمی كوردستان دابمەزرێن.
حكومەتی توركیا لە چوارچێوەی هەوڵەكان بۆ كرانەوەی دیموكراسی، بەشی زمانی كوردی لە كۆلێژی ئەدەبیات كردەوە، هاوكات ژمارەیەك دیپلۆماتكاری تازەی لەدەرەوەی وڵات دامەزراندن، بۆ ئەوەی بتوانن نوێنەرایەتی ئەو وڵاتە بكەن و زمانی كوردیش بزانن.
وەزارەتی دەرەوەی تورركیا لە ساڵێكدا 10 دێپلۆماتكاری دامەزراندووە كە زمانی كوردی دەزانن، هەر لەبەر ئەو تایبتمەندییەش ئەو دیپلۆماتكارانە هەڵبژاردراون.
ئەو دیپلۆماتكارانە لە فۆرمەكانیاندا نووسیویانە هەریەكە لە زمانەكانی ئینگلیزی، فەرەنسی و ئەڵمانی، جگە لەوەش زمانی دووەم زمانی كوردی زۆر بە باشی دەزانن.
زۆربەی ئەو دیپلۆماتكارانە زمانی دایكیان كوردییە و لە بنەماڵەی كوردی گەورە بوونە، دوای چاوپێكەوتنیشیان تاقیكردنەوەیان پێكراوە، ئێستا سەرقاڵی ئەنجامدانی خوولی دیپلۆماتكارەكانن و دوای خوولەكەش لەسەری ساڵی نوێ 2014، لە نوێنەرایەتی دەرەوەی وڵاتی توركا وەك دیپلۆماتكارێكی فەرمی بەگوێرەی تایبەتمەندی شوێنەكان دەستبەكاردەبن. چاوەڕواندەكرێت بەشێك لەو ئەو دیپلۆماتكارانە لە هەرێمی كوردستانی عێراق و ئەو شوێنانەی كە زمانی كوردی لێ بەكاردێت دابمەزرێن.
27/07/2013
چەند ئەندامێكی كۆنگرێسی ئەمریكا داوای داخستنی گرتووخانەی گواتانامۆ دەكەن، هۆكارەكەشی بۆ زۆریی خەرخی ئەو زیندانییە دەگێڕنەوە.
بڕی پارەی خەرجكراو بۆ زیندانییە سەربازییەكان بەرزبۆتەوە بۆ 2.7 ملیۆن دۆلار بۆ هەر زیندانییەك لەماوەی ساڵێكدا. ئەو ئەندامانەی كۆنگرێسی ئەمریكاش رایانگەیاند: ئەو بڕە پارەیە زۆرە بۆ باری دارایی ئێستای ویلایەتە یەكگرتووەكانی ئەمریكا .
سیناتۆر دایان فاینستاین لە دانیشتنێكی ئەنجو‌ومەنی پیران دەربارەی گرتووخانەكە گوتی "ئەمە خەرجكردنێكی بێسوودی پارەیە ".
ئادەم سمیس گەورەی ئەندامانی حیزبی دیموكرات گوتی "بڕی تێچوون بۆ لەكار مانەوەی ئەم گرتووخانەیە بەرزبۆتەوە بۆ 454 ملیۆن دۆلار لەماوەی ساڵێكدا، كە دوا كات بۆ بژاردنی خەرجییەكە 30 ئەیلولی ئەم ساڵ بووە، واتا 2.7 ملیۆن دۆلار بۆ هەر زیندانییەك، كە ژمارەیان 166 زیندانییە". .
ئادەم سمیس گەورەی ئەندامانی حیزبی دیموكرات گوتی "بڕی تێچوون بۆ لەكار مانەوەی ئەم گرتووخانەیە بەرزبۆتەوە بۆ 454 ملیۆن دۆلار لەماوەی ساڵێكدا، كە دوا كات بۆ بژاردنی خەرجییەكە 30 ئەیلولی ئەم ساڵ بووە، واتا 2.7 ملیۆن دۆلار بۆ هەر زیندانییەك، كە ژمارەیان 166 زیندانییە". .
لەبەرامبەردا شیكەرەوەكان دەڵێن "ئەو گرتووخانانەی كە چاودێرییەكی چڕ دەكرێن، ساڵانە تەنها 60 تا 70 هەزار دۆلار خەرجی زیندانیەكانە ".
ئەو كەسانەی داوای داخستنی گرتووخانەكە دەكەن دەڵێن "گرتنی كەسێك بەبێ ئەوەی تۆمەتبار بكرێ، پەڵەیەكی رەشی شەرمەزاریە بە ناوچەوانی ئەمریكاوە ".
هەروەها دەڵێن "گوانتانامۆ شوێنێكە بۆ دروستكردنی كەسە توندڕەوەكان". كاتێك باراك ئۆباما وەك سەرۆكی ئەمریكا هەڵبژێردرا، پەیمانی دا لە ماوەی یەك ساڵدا گرتووخانەكە دابخات، بەڵام بەهۆی ئەو رووبەڕووبوونەوە توندەی ئەندامانی كۆنگرێس تاوەكو ئێستاش نەیتوانیوە ئەم پەیمانەی بەجێبهێنێ. هەرچەندە لایەنەكانی دەسەڵات ئەوەیان بۆ دەركەوتووە كە 86 كەس لەو زیندانیانە هیچ كاریگەرییەكی ترسناكیان لەسەر ئەمریكا نییە‌و دەكرێ ئازاد بكرێن.
٢٧/٧/٢٠١٣
رووداو – الصدی
لە کاتیکدا دژبەران و لایەنگرانی محەممەد مۆرسی، سەرۆککۆماری لەسەر کار لابراوی میسر رایانگەیاندووە، ئەمڕۆ هەینی، خۆپێشاندان ئەنجام دەدەن، سوپای ئەم وڵاتە ٤٨ کاتژمێر دەرفەتی دایە ئیخوانەکان بۆئەوەی لە رەوتی گواستنەوەی دەستەلاتی ئەم وڵاتەدا بەشداری بکەن.
ئەم ئوڵتیماتیومە، لە دوێنێ پێنجشەممەوە دەستی پێکردووە وو رۆژی شەممەی داهاتوو کۆتایی پێدێت.
بەرپرسێکی سەربازیی میسر، بە ئاژانسی هەواڵی رۆیتەرزی راگەیاند: سوپای ئەم وڵاتە هیچ کردەوەیەکی پێشوەختە ئەنجام نادات، بەڵام بە توندی بەرەنگاری هەرچەشنە بانگهیشت‌کردنێک بۆ ئەنجامدانی توندی وتیژی دەبێتەوە.
لەمەوبەر، ژەنەڕاڵ عەبەدولفەتاح سیسی، فەرماندەی سوپای میسر کە وەک یەکێک لە کایەکەرانی گۆڕەبانی سیاسیی ئەم وڵاتە سەیری دەکرێت، داوای کردبوو لایەنگرانی سوپا ئەمڕۆ هەینی، خۆپێشاندانێک بۆ پشتگیری لە دامەزراوە سەربازیەکان ئەنجام بدەن بۆئەوەی سوپا بتوانێت بەرەنگاری توندی وتیژییەکان ببێتەوە.
لە هەمانکاتدا ئیخوانەکانیش داوایان کردووە، هەر ئەمڕۆ دوای نویژی هەینی، لایەنگرانیان خۆپێشاندانێک دژ بە سوپا و حکومەتە کاتیەکەی ئێستا ئەنجام بدەن.
لە لایەکی دیکەوە، سکرتیری گشتیی نەتەوە یەکگرتووەکان، بان‌کی‌مۆن، داوای لە حکومەتی میسر کردووە محەممەد مورسی سەرۆککۆماری لەسەرکارلابراو و رێبەرانی دیکەی ئیخوانەکان بێ دواکەوتن ئازاد بکات و بە شێوەیەکی شەفاف لە دۆسیەکانیان بکۆڵێتەوە.
م.ش
pna
26/07/2013
چەند ئەندامێكی كۆنگرێسی ئەمریكا داوای داخستنی گرتووخانەی گواتانامۆ دەكەن، هۆكارەكەشی بۆ زۆریی خەرخی ئەو زیندانییە دەگێڕنەوە.
بڕی پارەی خەرجكراو بۆ زیندانییە سەربازییەكان بەرزبۆتەوە بۆ 2.7 ملیۆن دۆلار بۆ هەر زیندانییەك لەماوەی ساڵێكدا. ئەو ئەندامانەی كۆنگرێسی ئەمریكاش رایانگەیاند: ئەو بڕە پارەیە زۆرە بۆ باری دارایی ئێستای ویلایەتە یەكگرتووەكانی ئەمریكا .
سیناتۆر دایان فاینستاین لە دانیشتنێكی ئەنجو‌ومەنی پیران دەربارەی گرتووخانەكە گوتی "ئەمە خەرجكردنێكی بێسوودی پارەیە ".
ئادەم سمیس گەورەی ئەندامانی حیزبی دیموكرات گوتی "بڕی تێچوون بۆ لەكار مانەوەی ئەم گرتووخانەیە بەرزبۆتەوە بۆ 454 ملیۆن دۆلار لەماوەی ساڵێكدا، كە دوا كات بۆ بژاردنی خەرجییەكە 30 ئەیلولی ئەم ساڵ بووە، واتا 2.7 ملیۆن دۆلار بۆ هەر زیندانییەك، كە ژمارەیان 166 زیندانییە". .
ئادەم سمیس گەورەی ئەندامانی حیزبی دیموكرات گوتی "بڕی تێچوون بۆ لەكار مانەوەی ئەم گرتووخانەیە بەرزبۆتەوە بۆ 454 ملیۆن دۆلار لەماوەی ساڵێكدا، كە دوا كات بۆ بژاردنی خەرجییەكە 30 ئەیلولی ئەم ساڵ بووە، واتا 2.7 ملیۆن دۆلار بۆ هەر زیندانییەك، كە ژمارەیان 166 زیندانییە". .
لەبەرامبەردا شیكەرەوەكان دەڵێن "ئەو گرتووخانانەی كە چاودێرییەكی چڕ دەكرێن، ساڵانە تەنها 60 تا 70 هەزار دۆلار خەرجی زیندانیەكانە ".
ئەو كەسانەی داوای داخستنی گرتووخانەكە دەكەن دەڵێن "گرتنی كەسێك بەبێ ئەوەی تۆمەتبار بكرێ، پەڵەیەكی رەشی شەرمەزاریە بە ناوچەوانی ئەمریكاوە ".
هەروەها دەڵێن "گوانتانامۆ شوێنێكە بۆ دروستكردنی كەسە توندڕەوەكان". كاتێك باراك ئۆباما وەك سەرۆكی ئەمریكا هەڵبژێردرا، پەیمانی دا لە ماوەی یەك ساڵدا گرتووخانەكە دابخات، بەڵام بەهۆی ئەو رووبەڕووبوونەوە توندەی ئەندامانی كۆنگرێس تاوەكو ئێستاش نەیتوانیوە ئەم پەیمانەی بەجێبهێنێ. هەرچەندە لایەنەكانی دەسەڵات ئەوەیان بۆ دەركەوتووە كە 86 كەس لەو زیندانیانە هیچ كاریگەرییەكی ترسناكیان لەسەر ئەمریكا نییە‌و دەكرێ ئازاد بكرێن.
26/07/2013
نێچیرڤان بارزانی رایدەگەیێنێ كە ئەوان لەگەڵ یەكێتی بڕیاریانداوە دەستووری هەرێمی كوردستان نەبێتە مایەی پارچەكردنی خەڵكی كوردستان و ، بڕیاریشیانداوە سازانی نیشتمانی لەسەر دروستبكەن.
![]()
پارتی و یەكێتی پابەندن بە رێككەوتنی ستراتیژیی نێوانیان![]()
نێچیرڤان بارزانی، سەرۆكی حكومەتی هەرێمی كوردستان و جێگری سەرۆكی پارتی دیموكراتی كوردستان، لە لێدوانێكدا بۆ تۆڕی میدیایی رووداو ، سەبارەت بە قسەو وەڵام و وەڵامكارییەكانی هەندێ لە بەرپرسانی پارتی و یەكێتی لەسەر پرسی پڕۆژەی دەستووری هەرێمی كوردستان رایگەیاند " پارتی و یەكێتی پابەندن بە رێككەوتنی ستراتیژیی نێوانیان، هەروەها پابەندیشن بە رێككەوتنی نێوان هەردوو مەكتەبی سیاسی پارتی و یەكێتی كە لە رۆژی 29ی حوزیرانی ئەمساڵ لەنێوان هەردوولادا مۆركرا، كە رۆژی دواتر بڕیاری درێژكردنەوەی ماوەی پەرلەمان و سەرۆكایەتی هەرێمی كوردستان لە پەرلەمانی كوردستاندا بەدواداهات. هەردوولاشمان بەتەواوی موتەفیقین لەسەر ئەو رێككەوتنە و هیچ خاڵێكی تێدا نییە جێگەی لێنەگەیشتن بێت لەنێوان هەردوولاماندا ".
نێچیرڤان بارزانی ، كە لەلایەنی پارتی دیموكراتی كوردستانەوە وەك سەرۆكی شاندەكەی پارتی ، رێككەوتنی 29ی حوزەیرانی لەگەڵ یەكێتی نیشتمانی كوردستان مۆركردووە، سەبارەت بە ئایندەی پڕۆژەی دەستووری هەرێمی كوردستان ، لە درێژەی لێدوانەكەیدا بۆ (رووداو) روونیكردەوە " ئێمە رێككەوتووین تەوافوق و سازانی نیشتمانی لەسەر پڕۆژەی دەستووری هەرێمی كوردستان دروستبكەین، چونكە ئێمە نامانەوێ پرسی دەستوور ببێتە هۆی پارچەكردنی خەڵكی كوردستان، بەڵكو دەمانەوێ ببێتە گرێبەستێكی هاوبەشی سیاسی و كۆمەڵایەتی نێوان هەموو گەلی كوردستان".
"پرسەكەش گەڕاندنەوەی دەستوور و نەگەڕاندنەوەی نییە بۆ پەرلەمانی كوردستان، چونكە كاتی خۆیشی رەشنووسەكە و پڕۆژەی دەستوور لەلایەن لیژنەیەكی دەرەوەی پەرلەمانەوە نووسراوە، ئینجا لە پەرلەمان دەنگی لەسەردراوە. ئێمە لە رێككەوتنی 29ی حوزەیراندا زۆر بەڕوونی بڕیارمانداوە گفتوگۆ لەسەر پڕۆژەی دەستوور بكەین و سازانی نیشتمانی لەسەر بكەین".
"بۆ ئەو مەبەستەش دەمانەوێ ئەو مادانە دیاریبكەین كە ناكۆكیان لەسەرە و ئینجا لەلایەن لایەنەكانەوە گفتوگۆیان لەسەر بكرێت بەمەبەستی دروستكردنی سازانێكی نیشتمانی لەسەری ، ئینجا لەوێ لە ئەنجامی گفتوگۆكاندا بڕیاردەدرێت كە چۆن بە تەوافوق و بەشێوەیەكی یاسایی ئەو هەمواركردن و سازانەی پێكەوە بڕیاری لەسەر دەدرێت ، لە دەستوورەكەدا بگونجێندرێت و ئەنجامبدرێت".
![]()
ئەو رێككەوتنەی كراوە هیچ خاڵێكی ناڕوونی تێدا نییە كە كێشە دروستبكات![]()
"پرسەكەش گەڕاندنەوەی دەستوور و نەگەڕاندنەوەی نییە بۆ پەرلەمانی كوردستان، چونكە كاتی خۆیشی رەشنووسەكە و پڕۆژەی دەستوور لەلایەن لیژنەیەكی دەرەوەی پەرلەمانەوە نووسراوە، ئینجا لە پەرلەمان دەنگی لەسەردراوە. ئێمە لە رێككەوتنی 29ی حوزەیراندا زۆر بەڕوونی بڕیارمانداوە گفتوگۆ لەسەر پڕۆژەی دەستوور بكەین و سازانی نیشتمانی لەسەر بكەین".
"بۆ ئەو مەبەستەش دەمانەوێ ئەو مادانە دیاریبكەین كە ناكۆكیان لەسەرە و ئینجا لەلایەن لایەنەكانەوە گفتوگۆیان لەسەر بكرێت بەمەبەستی دروستكردنی سازانێكی نیشتمانی لەسەری ، ئینجا لەوێ لە ئەنجامی گفتوگۆكاندا بڕیاردەدرێت كە چۆن بە تەوافوق و بەشێوەیەكی یاسایی ئەو هەمواركردن و سازانەی پێكەوە بڕیاری لەسەر دەدرێت ، لە دەستوورەكەدا بگونجێندرێت و ئەنجامبدرێت".
هەروەها نێچیرڤان بارزانی، وەك كۆتایی هێنانێك بە لێدوانە دژەكان و وەڵام و وەڵامكارییەكانی نێوان هەندێ لە بەرپرسان و پەرلەمانتارانی یەكێتی و پارتی ، گوتی " ئەو رێككەوتنەی كراوە هیچ خاڵێكی ناڕوونی تێدا نییە كە كێشە دروستبكات و پێویستیش بەوە ناكات هیچ بەرپرسێكی پارتی و یەكێتی تەفسیری جیاوازی بۆ بكات، چونكە شتەكە تەواو روونە و ئێمە بڕیارمانداوە سازان لەسەر دەستوور دروستبكەین و ، بەڕێز سەرۆكی هەرێمی كوردستانیش هەمان بۆچوونی دەربڕیوە لە وتارەكەیدا لە رۆژی 17ی ئەو مانگەدا ، كە داوادەكات لە ماوەی خولی داهاتووی پەرلەماندا لایەنەكان بگەنە سازانێكی بەپەلە لەسەر پڕۆژەی دەستووری هەرێمی كوردستان ".
rudaw
27/07/2013
- داواکاری گشتیی کرماشان: لێکۆڵینەوە لەبارەی لێدانی قوتابیان دەکەین
- هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد
- گفتوگۆكانی ئێران و ئەمریكا لە عومان دوای دو کاتژمێر کۆتایی هات
- ئێران شەڕو دانوستانی ناڕاستەوخۆی پێ باشە!
- داواکارییەکانی ئێران و ئەمریکا لەیەکتریی چیە؟
- وەزیری بەرگریی ئیسرائیل هۆشداری دەداتە ئەحمەد شەرع
- وادەی هێرشی ئەمریکا بۆ سەر ئێران ئاشکرا کرا
- دەستووری کاتی سوریا نیگەرانی لایەن کوردییەکان و چاودێرانی لێدەکەوێتەوە
- بارودۆخی نالەباری ئابووریی ئێران پێدەچێت کۆماری ئیسلامی ناچار بکات لەگەڵ سەرۆک ترامپ ڕێککەوتن بکات
- عڕاقچی: هێشتا نامەکەی ترەمپ بە دەستمان نەگەیشتووە
- وەزیری دەرەوەی ئێران دەڵێت بڕیارە نامەکەی ترامپ لە لایەن نێردراوێکی وڵاتێکی عەرەبیەوە بگەیەنرێتە تاران
- مەزڵوم عەبدی و ئەحمەد ئەلشەرع بە ڕێکەوتن دەگەن
- 8ی مارس.. شۆڕشێك لەپێناو مافی ژنان
- سری سورەییا ئۆندەر: باخچهلی پێی گوتم، ڕۆژێک دێت پێکەوە هەڵپەڕکێی ئاشتیی دەکەین
- حكوومه‌تی ئێران : له‌گه‌ڵ ئهورووپا درێژه به گفتوگۆ ئهتۆمییهكان دهدهین
- عەلی باپیر، سەرۆکی کۆمەڵی دادگەری کوردستان سەبارەت بە پەیامی ئۆجەلان"هیوادارم هەردوولا بە کردەوە بەدەم بانگەوازەکەوە بچن."
- ئەمینداری گشتیی یەکگرتوو پەیامی ئۆجەلان "پەیامێکی پڕ لە بەرپرسیاریەتی و بایەخ و واقعیەتە"
- سەرۆك بافڵ جەلال تاڵەبانی: پێشوازی لە پەیامەکەی بەڕێز عـ.ـەبدوڵا ئـ.ـۆجەلان دەکەین
- سەرۆک بارزانی: هیوادارین پەیامەکەی ئۆجەلان دەستپێکێک بێت بۆ ئەوەی پڕۆسەی ئاشتی رێی خۆی بگرێت
- زەینەب جەلالیان لە 17هەمین ساڵی زیندانیکردنیدا لە ناو زیندانەوە باس لە ئازارەکانی دەکات
- بزووتنەوەی کۆماریخوازانی ڕۆژهەڵاتی کوردستان ٢ی ڕێبەندان، ٧٩هەمین سالرۆژی دامەزرانی یەکەم کۆماری کوردستان، لە نەتەوەی کورد پیرۆزدەکات
- پەیامی پیرۆزبایی کۆماریخوازان بۆ بەرێز مەسعوود پزیشکیان
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
