به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
سەرۆك وەزیرانی توركیا، رایگەیاند كە كامڵبوونی پڕۆسەی ئاشتەوایی لەگەڵ كورد، دەرگای سەردەمی تاریكی دادەخرێت و سەردەمێكی نوێ دەست پێ دەكات.
بەپێی راپۆرتێكی رۆژنامەی حوڕیەتی توركیا، رەجەب تایب ئەردوغان، سەرۆك وەزیرانی توركیا، لە یەكەم لێدوانیدا لە دوای بڕیارەكەی پارتی كرێكارانی كوردستان لە كشانەوەی لەنێو خاكی توركیا رایگەیاند: سەردەمی شەڕكردن كۆتایی هاتووە.
ئەردوغان گوتی: "ئەوەی نزیك بووەتەوە كۆتایی هێنانی شەڕی 30 ساڵەی چەكدارییە و بە سەركەوتنی ئەم پڕۆسەیەی ئێستاش، كۆتایی هێنانە بە سەردەمی تاریكی".
سەرۆک وەزیرانی تورکیا، لەدرێژەی وتارەكەیدا كە بۆ بازرگانانی توركیا دەدوا، داوای لێكردن پڕۆژەی سەرمایەگوزاری و وەبەرهێنانەكانیان ببنە ناوچەكانی رۆژهەڵاتی باشووری توركیا كە ناوچە كوردنشینەكانە و داوای لێكردن پەرە بەو ناوچەیە بدەن.
سۆران عەلی/م.ش
pna
28/04/2013
بەناوی خوای گەورە و میهرەبان
لاوانی ئازیز، خوشك و برایانی خۆشەویست...
ئامادەبوانی بەڕێز...
زۆر بەخێر بێن و هیوای سەركەوتن و بەختەوەریتان بۆ دەخوازم. پیرۆزباییەكی گەرم لە ئەندامانی كۆنفڕانس و لاوانی هەر چوار پارچەی كوردستان دەكەم بە بۆنەی بەستنی سێیەمین كۆنفڕانسی لاوانی كوردستان و هیوادارم هەمیشە بەمشێوەیە یەك دڵ و یەك ئامانج بن كە ئەویش گەشەپێدان و خزمەتكردنی گەنج و لاوی كوردە لە هەر چوار پارچەی كوردستان.
ئومێدێكی زۆرم بە ئێوەی ئازیز هەیە كە هەمیشە تێبكۆشن بۆ سەربەرزیی گەلەكەمان و گەییشتن بە ڕزگاریی یەكجارەكی لە ژێر دەستی و داگیركاریدا.
داواتان لێ دەكەم هەردەم بەهێز و بە ئومێد بن و دژی ئەو دەنگ و هزرانە بوەستنەوە كە بڕوایان بەخۆ و بە تواناكانی گەلی كورد نییە و خۆیان لە خەڵكی دی بە كەمتر دەزانن. مێژوو و دەستكەوت و قوربانیدان و سەروەرییەكانی گەلی كورد بێهەژمارن و دەبێ ببنە هەوێنی بڕوابەخۆبوونی نەتەوەییمان بۆ ئەوەی هانمان بدات هەموو مافەكانی خۆمان مسۆگەر بكەین و لەسەر پێی خۆمان بوەستین و خاوەنی ئیرادە و چارەنووسی خۆمان بین.
لاوانی خۆشەویست:
ئێستا لە هەموو كاتێك گونجاوترە بۆ ئەوەی بیر لە بەستنی كۆنگرەی نەتەوەیی بكەینەوە بە بەشداریی هەموو لایەنە كوردستانییەكانی هەر چوار پارچەی كوردستان، بۆ ئەوەی بەردی بناخەی ستراتیژیی كوردستان دابنێین لە ناوچەكەدا كە لەسەر بنەمای پەیامی ئاشتی و پێكەوەژیانی گەلان دەبێت.
هیوادارم كونفرانسەكەتان ببێتە دەروازەیەك بۆ بەستنی كۆنگرەی نەتەوەیی و هەوێنی یەكڕیزیی هەموو لایەك.
بە پێویستی دەزانم كە ئاگادارتان بكەمەوە ئێستا لەهەموو كاتێك زیاتر ئومێد هەیە گەلی كورد هەنگاوی گەورەتر بنێت و ئاییندەیەكی پرشنگدار چاوەڕوانی گەلی كوردە. سەدەی بیست و یەك، سەدەی گەلی كوردە و ئەركی ئێوەی لاو و گەنج قورستر دەبێت و پێویستە هەمووتان خۆتان بە باشی ئامادە بكەن بۆ ئەوەی بە باشترین شێوە خزمەتی وڵاتەكەتان بكەن.
لە كۆتاییدا دووبارە پیرۆزباییتان لێ دەكەم و هیوای سەركەوتن بۆ ئێوە و كۆنفرانسەكەتان دەخوازم.
هەر شاد و سەر فیراز بن
مسعود بارزانی
سەرۆكی هەرێمی كوردستان
لە رۆژانی 26-27/4/2013 لە كەمپی دومیز، لە ژێر دروشمی لە پێناو یەكگوتاری نەتەوەیی لاوانی كورد، سێیەمین كۆنفرانسی نەتەوەیی لاوانی چوار پارچەی كوردستان بە ئامادەبوونی 250 ئەندام كە نوێنەرایەتی 76 رێكخراوی لاوانی هەرچوار پارچەی كوردستان دەكەن بەڕێوەچوو. كۆنفرانسەكە تەوەرەكانی بریتی بوون لە روانینی لاوان بۆ شۆڕشی نەتەوەیی كورد، هۆكاری دروستنەبوونی دەوڵەتی كوردی لە روانگەی لاوانەوە، داخوازیەكانی لاوان و ئینتیمای نەتەوەییان، هەوڵدان بۆ بەستنی كۆنگرەی نەتەوەی، پاش بەردەوام بوونی لە دوودا، رۆژ بڕیاری لەسەر ئەو خاڵانەی خوارەوە دا:
١- پشگیری لە خەباتی نەتەوەیی كورد دەكەین لەهەموو بەشەكانی كوردستان، پاراستن و رێزگرتن لە بەهاو سەروەرەیە نەتەوەییەكان بە ئەركی هەموو لاوانی كورد دادەنرێ.
٢- بەكارهێنانی دەستەواژەی (باشور و باكور و رۆژهەڵات و رۆژئاوایی) كوردستان لەبری ناوی وڵاتی داگیركاری كوردستان.
٣- داواكارین لەكاتی بەستنی كۆنگرەی نەتەوەیی كورد، رۆژی شەهیدانی كورد دیاری بكرێت، سێ یەم كۆنفرانس پێشنیار دەكات رۆژی شەهید بوونی پێشەوا قازی محمد بە رۆژی شەهیدی كورد دیاری بكرێ.
٤- كاركردن بۆ چەسپاندنی یەكگوتاری لەسەر ستراتیژی دیاریكردنی مافی چارەنووسی نەتەوەیی كورد.
٥- رێگرتن لە شێواندنی مێژوو و كەلتوری كورد و ناساندنی بەنەوەی نوێ.
٦- هەوڵدان بۆ بنیادنانی ژینگەیەكی تەندروست لە هەموو بوارەكان.
٧- هەوڵدان بۆ پێكهێنانی كۆمەڵگەیەكی مرۆڤ سالار لەسەر بنەمای پابەندبوون بە جاڕنامەی مافی مرۆڤ، لە هەمان كاتدا پێوستە لەهەر شوێنێك مافی تاكێكی كورد پێشێلكرا، سەرجەم لاوانی كورد لە پێناو ئیدانەكردنیدا هاو هەڵوێستبن.
٨- پشگیری لەهەر چەشنە هەوڵێكی ئاشتیانە لە باكوری كوردستان دەكەین بە مەرجێك خزمەت بۆ وەدیهێنانی مافەڕەواكانی گەلی كورد لە باكوری كوردستان بكات و گەل چارەنووسی خۆی دیاریبكات.
٩- پێوستە شەڕی براكوژی بەهەر پاساوێك بێت دووبارە نەبێتەوە، هەر لایەنێك دووبارەی بكاتەوە پێوستە شەرمەزار بكرێت و رێگری لێبكرێ لەهەموو كوردستان بە تایبەت رۆژئاوای كوردستان.
١٠- پشگیری لە شۆڕشی رۆژئاوای كوردستان دەكەین و دژی هەر هەوڵێكی پەرتبوونی ریزەكانی گەل دەوەستینەوە، داواكارین لە چوارچێوەی هەرێمێكی فیدراڵ بە مافەكانی خۆیان بگەن.
١١- لە بەرامبەر سیاسەتی تواندنەوەی زمانی كوردی دەوەستینەوە و داواكارین زمانی ستاندار بێتە ئاراوە.
١٢- داوای گەڕاندنەوەی كەركووك و ناوچە دابڕێندراوەكان بۆ سەر هەرێمی كوردستان دەكەین.
١٣- ئیدانەی ئەو كۆمەڵكوژیانە دەكەین كە رژێمی ئەسەد پەیڕەوی دەكات، داوا لە كۆمەڵی نێودەوڵەتی دەكەین لە ئاستی پێشێلكاری مافەكانیان بێتە دەنگ.
١٤- ئێمە وەكو لاوانی هەر چوار پارچەی كوردستان وێڕای پشگیریمان لە خەباتی سەرجەم بەشەكانی كوردستان، ئیدانەی هەر هەوڵێكی خۆسەپاندن و بە لاڕێدا بردندنی خەباتیان دەكەین.
١٥- بەردەوامبوون لە هەوڵی پێكهێنانی فیدراسیۆنی رێكخراوەكانی لاوانی كوردستان.
١٦- ئێمە وەك لاوانی كورد مادە هۆشبەرەكان بەچەكی كاریگەر لە پێناو لەناوبردنی بیری نەتەوەیی كورد دادەنێین و دژی دەوەستینەوە.
١٧- هەوڵدان بۆ بەرەنگار بوونەوەی توندوتیژی دژی ئافرەتان.
١٨- پێوستە لەسەر حكوومەتی هەرێمی كوردستان زەمینە بڕەخسێنێ بۆ لاوانی بەشەكانی تری كوردستان كە نیشتەجێی هەرێمن، كێشەكانیان چارەسەربكرێ.
١٩- كۆنفرانسی لاوانی كورد كۆمەڵكوژی روبۆسكی شەرمەزار دەكات و داواكارە ئەنجامدەرانی ئاشكرابكرێن و بدرێنە دادگا.
٢٠- كۆنفرانسی لاوانی كورد دژی پێشێلكردنی مافی نووسەر و ئەدیب و رۆژنامەنووسانە كە لە روی ئایدۆلۆژیەوە لەلایەن هەر لایەنێكەوە بكرێ .
٢١- بۆ سود وەرگرتن لە توانا لە بن نەهاتوەكانی لاوان پێویستە لە كایە سیاسی و كۆمەڵایەتی و ئیداریەكان بەشداری یان پێبكرێ.
٢٢- پێوستە حكوومەتی هەرێمی كوردستان هەوڵێكی جدی بۆ دەستبەر كردنی مافی كوردانی فەیلی بدات.
٢٣- كۆنفرانس داواكارە لاوانی كورد لە هەندەران دەکات لە پێناو ویست و داخوازیەكانی كورد تێبكۆشن.
٢٤- لاوانی كورد تواناكانیان لە پێناو خزمەت بە ئامانجە نەتەوەییەكان پەرەپێبدەن.
٢٦- پێوستە لاوانی كوردستان ساڵانە یادی شەهیدانی سەرهەڵدانی 12 ئاداری ساڵی 2004 رۆژئاوای كوردستان وەك بزاڤێكی گەنجانە بكەنەوە.
٢٧- كۆنفرانسی چوارەم، لە ساڵی داهاتوو رێكخراوەكانی لاوانی رۆژهەڵاتی كوردستان كات و شوێنەكەی دیاری دەكەن.
بژی كورد. بژی كوردستان
سەروەریی بۆ شەهیدان
سێیەمین كۆنفرانسی لاوانی كوردستان
27 نیسانی 2013، دومیز
بەرپرسێکی پارتی دیموکراتی کوردستان دەڵێ چەکدارە عەرەبە سوننەکان، هێزی پێشمەرگە لە ناوچە مینڕێژکراوەکان ئاگادار دەکەنەوە.
جه‌عفه‌ر شێخ مسته‌فا، به‌رپرسى لقى 15ی خانه‌قینى پارتى دیموكراتى كوردستان سەبارەت بە گرژییەکانی سنووری زنجیرە چیای حەمرین، به (رووداو)ى راگەیاند "هێزه عه‌ره‌به سوننه‌كان له‌گه‌ڵ كورد ته‌بان، هیچ كێشه‌یه‌كیان له‌گه‌ڵ كورد نییه و به پێشمه‌رگه‌كانى ئێمه‌یان گوتووه كه چه‌ند جێگه‌یه‌كیان بۆ هێزى سوپاى عێراقى مینڕێژكردووه كه ئاگادارى ئه‌وه بن. ئه‌مه‌ش ئه‌وه‌مان پێده‌ڵێ كه عه‌ره‌بى ئه‌و ناوچه‌یه كوردیان پێباشتره له هێزى عێراقى كه ئه‌منیه‌تى ناوچه‌كه‌یان بپارێزێت".
جه‌عفه‌ر شێخ مسته‌فا سەبارەت بە دەنگۆی ناردنی هێزی زیاتری پێشمەرگە بۆ ناوچەکە گوتی "تا ئێستا له‌لایه‌ن سه‌ركردایه‌تى خۆمانه‌وه هیچ شتێکمان لەو بارەوە پێڕانەگەیەندراوە".
به‌رپرسى لقى 15 پارتى راشیگه‌یاند "ئه‌گه‌ر بێتوو هێزیى پێشمه‌رگه له سنووره‌كانى كوردستاندا جێگیر بكرێت كارێكى باشه، ئێمه وه‌ك پارتى ئاماده‌ى هه‌موو كارێكین ئه‌گه‌ر سه‌ركردایه‌تى خۆمان ئه‌مرمان پێبكه‌ن".
ئەمڕۆ هەینی، سه‌رچاوه‌یه‌ك له مه‌كته‌بى سیاسى یه‌كێتى نیشتمانى كوردستان به (رووداو)ى راگه‌یاند "بە مەبەستی تاوتوێ کردنی دوایین گۆڕانکارییەکانی کوردستان و ناوچەکە، كاژێر 3ی دوانیوەڕۆی سبه‌ى شەممە، مه‌كته‌بى سیاسى یەکێتی كۆده‌بێته‌وه".
سەرچاوەکە راشیگەیاندووە "چه‌ند ئه‌ندامێكى مه‌كته‌بى سیاسى یه‌كێتى بیریان له‌وه كردووەته‌وه ئه‌مه دەرفه‌تێكى مێژووییه بۆگه‌ڕاندنه‌وه‌ى ئه‌و ناوچانه، هەربۆیە پێویستە هێزى پێشمه‌رگه له ناوچه‌كه‌دا جێگیر بكه‌ن به‌تایبه‌ت لە سنوورى زنجیرە چیاكانى حه‌مرین كه ئێستا عه‌ره‌بى عه‌شایه‌رى سوننه و گرووپى نه‌قشبه‌ندى شه‌ڕى تێداده‌كه‌ن دژی سوپاى عێراقى".
بەڵام شێركۆ میروه‌یس، به‌رپرسى مه‌ڵبه‌ندى خانه‌قه‌ینى یه‌كێتى راگه‌یاند "ئاگاداری ئەو کۆبوونەوەیە و دەنگۆی ناردنی هێزی زیاتر بۆ ناوچەکە نییە".
rudaw
27/04/2013
سەرۆکی هەرێمی کوردستان داوا لە لاوانی هەرچوار پارچەی کوردستان دەکات " تێبكۆشن بۆ گەییشتن بە رزگاریی یەكجارەكی لە ژێر دەستی و داگیركاری".
ئەمڕۆ هەینی، مەسعود بارزانی، سەرۆکی هەرێمی کوردستان لە پەیامێکدا بۆ سێیەمین کۆنفرانسی لاوانی هەرچوار پارچەی کوردستان کە لەشاری دهۆکی باشووری کوردستان بەستراوە، رایگەیاند "ئومێدێكی زۆرم بە ئێوەی ئازیز هەیە كە هەمیشە تێبكۆشن بۆ سەربەرزیی گەلەكەمان و گەییشتن بە رزگاریی یەكجارەكی لە ژێر دەستی و داگیركاریدا".
مەسعود بارزانی داوا لە لاوانی کوردستان دەکات "هەردەم بەهێز و بە ئومێد بن و دژی ئەو دەنگ و هزرانە بوەستنەوە كە بڕوایان بەخۆ و بە تواناكانی گەلی كورد نییە و خۆیان لە خەڵكی دی بە كەمتر دەزانن"، و دەڵێ "مێژوو و دەستكەوت و قوربانیدان و سەروەرییەكانی گەلی كورد بێهەژمارن و دەبێ ببنە هەوێنی بڕوابەخۆبوونی نەتەوەییمان بۆ ئەوەی هانمان بدات هەموو مافەكانی خۆمان مسۆگەر بكەین و لەسەر پێی خۆمان بوەستین و خاوەنی ئیرادە و چارەنووسی خۆمان بین".
لە پەیامەکەی سەرۆکی هەرێمی کوردستان هاتووە "ئێستا لە هەموو كاتێك گونجاوترە بۆ ئەوەی بیر لە بەستنی كۆنگرەی نەتەوەیی بكەینەوە بە بەشداریی هەموو لایەنە كوردستانییەكانی هەر چوار پارچەی كوردستان، بۆ ئەوەی بەردی بناخەی ستراتیژیی كوردستان دابنێین لە ناوچەكەدا كە لەسەر بنەمای پەیامی ئاشتی و پێكەوەژیانی گەلان دەبێت".
سەرۆکی هەرێمی کوردستان سەدەی 21 بە سەدەی گەلی کورد ناو دەبات و رایدەگەیەنێت "بە پێویستی دەزانم كە ئاگادارتان بكەمەوە ئێستا لەهەموو كاتێك زیاتر ئومێد هەیە گەلی كورد هەنگاوی گەورەتر بنێت و ئاییندەیەكی پرشنگدار چاوەڕوانی گەلی كوردە. سەدەی بیست و یەك، سەدەی گەلی كوردە و ئەركی ئێوەی لاو و گەنج قورستر دەبێت و پێویستە هەمووتان خۆتان بە باشی ئامادە بكەن بۆ ئەوەی بە باشترین شێوە خزمەتی وڵاتەكەتان بكەن".
27/04/2013
ئەمڕۆ پێنجشەممە، لەکۆنگرەیەکی رۆژنامەوانییدا کە زیاتر لە 50 دەزگای راگەیاندنی کوردستانی، تورکی، عەرەبی و جیهانی ئامادەی بوون، موراد قەرەیلان، سەرۆکی کۆنسەی بەڕێوەبەری کۆما جڤاکێن کوردستان KCK، ناوەڕۆکی راگەیانراوەکەی قەندیلی خوێندەوە.
قەرەیلان لە وەڵامی پرسیارێكى پەیامنێری (رووداو) کەبۆچی ئێستا مەرجی ئازادکردنی عەبدوڵڵا ئۆجەلان لە داواکارییەکانی ئێوەدا نابیسترێ، گوتی "ئێمە هەردەم داوای ئازادکردنی سەرۆک ئاپۆ دەکەین، بەڵام هەلومەرجەکە ئێستا بەو شێوەیە".
قه‌ره‌یلان راشیگه‌یاند "هه‌رچه‌نده له‌و شوێنانه‌ی كه پاشه‌كشه ده‌كه‌ین خاكی خۆمانه، به‌ڵام له ئێستا هه‌ڵومه‌رجه‌كه واده‌خوازێت كه رێگه چاره‌سه‌ر سیاسی بگیرێته‌به‌ر، ئه‌مه‌ش مانای چه‌ك دانان نییه، به‌ڵكو ته‌نیا پاشه‌كشه‌ی هێزه‌كانە".
لەکۆنگرە رۆژنامەوانییه‌كه‌دا قەرەیڵان ناوەڕۆکی راگەیانراوەکەی قەندیلی خوێندەوە و رایگەیاند "8 - 5 – 2013 " لە سنووری تورکیا پاشەکشێ دەکەن و ئەم پاشەکشێیەش بە قۆناخ دەبێت، هاوکات ئاراستەی پاشەکشێکردنیشیان باشووری کوردستان دەبێت.
لە راگەیەنراوەکەدا شەش خاڵ خرابوونەڕوو:
1- پەکەکە، بەبێ ئەوەی رێگا بە هچ رووبەڕووبوونەوەیەک بدات، لە میانی دەستپێشخەری خۆی، لە میانی بەکارهێنانی رێ و شوێنەکانی کە پێشتر بەکاریان هێناوە، هەنگاوەکانی پاشەکشێ تەواو دەکات.
2- بە گوێرەی ئامادەکارییەکان بۆ پاشەکشێ، لە ٨-٥-٢٠١٣ یەکەم قۆناخی پاشەکشێکردن دەستپێدەکات، قۆناخەکانیش بە نهێنی و لە چوارچێوەی دیسپلینی رێکخراوەیی دەبێت.
3- شوێنی مانەوەی پەکەکە دوای قۆناخەکانی پاشەکشە، هەرێمی کوردستان دەبێت، وە رێکارە یاساییەکانی مانەوەیان وەک هێزێكی فەرمی لەلایەن حکومەتی هەرێمی کوردستانەوە رێکدەخرێن.
4- دەبێ سوپای تورکیاش بە هەمان هۆشداریییەوە قۆناخەکانی پاشەکشە لەبەرچاو بگرێت، لە ماوەی بەڕێوەچوونی قۆناخەکانی پاشەکشەکردنیش هەر هێرشکردنە سەر، ئۆپەراسیۆن یان بۆمبارانکردن رووبدات، ئەوا بەزووترین کات پاشەکشە دەوەستێت و بەرگری لەخۆکردنی یاسایی بژاردەی پەکەکە دەبێت.
5- لە ماوەی پاشەکشێی پەکەکەدا، دەبێ هێزەکانی دەوڵەتی تورک پێشگیری لە هەر رووبەڕووبوونەوە هێرشکردنە سەر بکەن. بۆ ئەوەی ئەو پاشەکشێیەش لەچوارچێوەی قۆناخی ئاشتەوایی بەڕێوەبچێت.
6- دەبێ رێکخراوە سەربەخۆکان چاودێری پڕۆسەکە بکەن، دەبێ خاڵەکانی هەڵە و رێگرییەکان دەستنیشان بکرێن.
26/04/2013
كه‌جه‌كه كشانه‌وه‌ی گه‌ریلاكان له‌ناوخۆی توركیا راده‌گه‌یه‌نێت و له‌مانگی داهاتووشه‌وه پرۆسه‌ی كشانه‌وه‌كه ده‌ستپێده‌كات، قه‌ره‌یلان-یش رایده‌گه‌یه‌نێت: هه‌ر په‌لامارێك بۆسه‌ر هێزه‌كانمان، وه‌ڵامی ده‌ده‌ینه‌وه‌و پرۆسه‌ی كشانه‌وه‌كه‌ش راده‌گرین.
ئه‌مڕۆ 25-4، له‌كۆنگره‌یه‌كی رۆژنامه‌نوسیدا له قه‌ندیل، به‌ئاماده‌بوونی زیاتر له 150 رۆژنامه‌نوسی هه‌رێمی كوردستان و رۆژنامه‌نوسانی بیانی، موراد قه‌ره‌یلان سه‌رۆكی كۆنسه‌ی به‌ڕێوه‌به‌رایه‌تی (كه‌جه‌كه)، واده‌ی كشانه‌وه‌ی هێزه‌كانی گه‌ریلای له‌ناوخۆی توركیا راگه‌یاند.
قه‌ره‌یلان به رۆژنامه‌نوسانی راگه‌یاند: رۆژی 8ی مانگی داهاتوو هێزه‌كانمان له‌ناوخۆی توركیا ده‌ست به‌كشانه‌وه ده‌كه‌ن و له هه‌رێمی كوردستان جێگیرده‌كرێن.
روونیشیكرده‌وه، بۆئه‌وه‌ی پرۆسه‌ی كشانه‌وه‌ی هێزه‌كانی گه‌ریلا به‌بێ گرفت ئه‌نجام بدرێت، پێویسته له‌سه‌ر ده‌سه‌ڵاتدارانی توركیا و هێزه سه‌ربازییه‌كانی، هاوته‌ریبی كشانه‌وه‌ی هێزه‌كانمان، رێگه به هه‌ڵسوكه‌وتی هه‌ڵخه‌ڵه‌تێنه‌ر نه‌ده‌ن و جموجۆڵ ئه‌نجام نه‌ده‌ن كه شه‌ڕو پێكدادانی لێبكه‌وێته‌وه.
هۆشداریشیدا له‌ئه‌گه‌ری هه‌ر په‌لامارێك بۆسه‌ر هێزه‌كانیان له‌كاتی كشانه‌وه‌دا، به‌مافی خۆیانی ده‌زانن وه‌ڵامی په‌لاماره‌كان بده‌نه‌وه‌و پرۆسه‌ی كشانه‌وه‌كه‌ش رابگرن.
جێی ئاماژه‌یه، پرۆسه‌ی كشانه‌وه‌ی هێزه‌كانی كه‌جه‌كه (باڵی سه‌ربازی په‌كه‌كه)، له‌چوارچێوه‌ی دانوستانه‌كانی ئاشتی دێت له‌نێوان حكومه‌تی توركیا و په‌كه‌كه، كه ئامانج لێی كۆتایی هێنانه به شه‌ڕو پێكدادانه‌كانی نێوانیان و دۆزینه‌وه‌ی رێگه‌چاره‌یه‌كی ئاشتییانه بۆ دۆزی گه‌لی كورد له‌و وڵاته.
25/04/2013
كه‌ركوك: سایتی شار پرێس ئه‌مڕۆ، پێنجشه‌ممه، بڵاویکردۆتەوە چه‌كداره سوننه‌كان له‌هه‌وڵی ئه‌وه‌دان په‌لاماری حه‌مرین بده‌ن هه‌تا كه‌ركوك له‌به‌غدا داببڕن‌و مالیكیش بۆ رێگرتن له‌كشانی ئه‌و چه‌كدارانه په‌نا بۆ پێشمه‌رگه ده‌بات.
بەگوێرەی زانیاریەکانی ئەو سایتە هه‌ردوو لایه‌نی عێراق‌و كورد زانیاری وردی هه‌واڵگریان پێگه‌یشتووه به‌وه‌ی چه‌كداره سوننه‌كان پاش په‌لاماردانی حه‌مرین ده‌بنه هه‌ڕه‌شه‌یه‌كی جدی بۆ سه‌ر كه‌ركوك، له‌به‌ر ئه‌و حاڵه‌ته‌ش ئه‌مڕۆ چه‌ند جارێك په‌یوه‌ندی ته‌له‌فۆنی له‌نێوان نوری مالیكی‌‌و به‌رهه‌م ساڵح‌و هۆشیار زێباریدا ئه‌نجامدراوه بۆ ئه‌وه ئه‌منیه‌تی كه‌ركوك‌و ده‌وروبه‌ری به‌ته‌واوی‌و به‌شێوه‌یه‌كی كاتی بدرێته ده‌ست پێشمه‌رگه.
لای خۆیانه‌وه به‌رهه‌م ساڵح‌و هۆشیار زێباری به‌ڵێنیان به‌مالیكی داوه كه كورد دژایه‌تی شیعه ناكات‌و له‌م جموجۆڵه‌ی ئێستا هاوكاری چه‌كداره سوننه‌كان نابێت، ئه‌ویش (مالیكی) رازی بووه ناو كه‌ركوك‌و سه‌رجه‌م ئه‌و سنورانه‌ی مه‌ترسی كشانی چه‌كداره سوننه‌كانیان لێده‌كرێت بدرێته ده‌ست هێزی پێشمه‌رگه هه‌تا له‌حاڵه‌تی روودانی هه‌ر جموجۆڵێكدا رێگه‌یان لێبگرن، بۆیه سه‌رچاوه‌كه پێشبینی كرد له‌حاڵه‌تی دڵنیابوونه‌وه‌ی زیاتر له‌ئه‌گه‌ره‌كه، هێزێكی تری پێشمه‌رگه بۆ ناوچه‌كه بجوڵێنرێت.
له‌مڕوه‌وه سه‌رچاوه‌یه‌كی تری ئاگادار رایگه‌یاندووه، پاشنیوه‌رۆی ئه‌مڕۆ هێزه‌كانی 70ی پێشمه‌رگه به‌كه‌ره‌سته‌ی سه‌ربازییه‌وه له‌سلێمانیه‌وه به‌ره‌و خانه‌قین به‌رێكراون.
25/04/2013
گوته‌بێژى هۆزى جبوری ناوى چوار تۆمه‌تباری سه‌ره‌كی هه‌ڵگیرسانى شه‌ڕه‌كه‌ى حه‌ویجه بڵاوده‌كاته‌وه‌‌و ده‌شڵێت "ده‌بێت له حه‌ویجه بكوژرێن".
ئەحمەد جبوری، گوتەبێژی هۆزی جبوری لە قەزای حەویجە بە (رووداو)ی راگەیاند: "داوا لەو سەربازانەی سوپای عیراق دەكەین، کە نایانەوێت دەستیان بە كوشتنی خەڵكی عێراق سوور بێت، چەك دابنێن و پاراستنی گیانیان دەخەینە ئەستۆی خۆمان".
لە ئەگەری بەردەوامبوونی سەربازانی سوپای عیڕاق لە رووبەڕووبوونەوەی هێزەکانیان، جبوری گوتی "ئەوانەی هەوڵی كوشتی ئێمە بدەن رەحمیان پێناكەین".
گوتیشی: "ئەمڕۆش هۆزەكانی حەویجە بە فەرمی ناوی چوار تۆمه‌تباری سەرەكی هەڵگیرسانی شەڕ و پێكدادانەكانی حەویجە بڵاودەكاتەوە، كە لە رێگای كۆمەڵایەتی و خێڵەکییەوە داواكراون و دەبێت لەناو شارۆچكەی حەویجە بكوژرێن".
جبوری بۆ (رووداو) ئاماژەی بەناوی ئەو كه‌سانه کرد، کە بە گوتەی ئه‌و تۆمەتبارن بە کوشتی خۆپیشاندەران و گوتی: "هەریەکە لە عەمید روكن خەلەف فەرماندەی لیوای 47 و عەلی غێدان فەرماندەی هێزە وشكانییەكانی عێراق و ئەبو سەدام سەرۆكی شارەوانی حەویجە و لیوا روكن محەممەد خەلەف فەرماندەی فيرقەی 12ی سوپای عێراق"ن.
چەند هۆزێكی قەزای حەویجە ماوەی 24 كاژێرە بە فەرمی هەڵگرتنی چەكیان لە ژێر ئاڵای نەقشەبەندییەكان راگەیاندووە‌و بەردەوامن لە شەڕكردن لەگەڵ هێزەكانی فیرقەی 12ی سوپای عێراق و شەوی رابردوو توانیویانە سێ سەربازی سوپای عێراقی برینداربكەن.
ئەم كارەی هۆزەكانی حەویجەش دوای ئەوە دێت، كە بۆ ماوەی زیاتر لە 2 مانگ لە گۆرەپانی خۆپێشاندانەكانی حەویجە خۆپێشاندانیان ئەنجامدا، تاوه‌كو رۆژى سێشه‌ممه سوپای عێراق هێرشی كرده سه‌ریان‌و له ئه‌نجامى پێكدادانه‌كانیشدا نزیكه‌ى 60 خۆپیشانده‌ر و زیاتر له 200ى دیكه كوژران و بریندار بوون. هه‌ر له‌و پێكدادانه‌دا نزیكه‌ى 15 سه‌ربازی سوپای عێراقیش بوونه قوربانی.
25/04/2013
له سه‌عات 8:30 خوله‌كی سه‌ر له‌ئێواره‌ی ئه‌مڕۆ تاكو ئێستا (سه‌عات11:20)، شه‌ڕوپێكدادان له نێوان سوپای عێراقی و ژماره‌یه‌ك چه‌كدار له پارێزگای موسڵ ده‌ستیپێكردوه‌و زیانێكی زۆر به سوپاو پۆلیس گه‌یشتوه.
سالم جبوری، یه‌كێك له ڕێكخه‌رانی خۆپیشاندانه‌كه‌ی موسڵ به (سبه‌ی) وت: تاكو ئێستا له شه‌ش گه‌ڕه‌ك شه‌ڕوپێكدادانه‌كه به‌ده‌وامه، هێزێكی زۆر سوپای عێراقی كشاونه‌ته‌وه، چه‌ندین سه‌رباز له سوپا جیابونه‌ته‌وه.
جبوری ئه‌وه‌شی رونكردوه‌ته‌وه، كه: چه‌كداره‌كان توانیویانه 12 ئۆتۆمۆبێلی سوپای عێراقی بسوتێنن له‌گه‌ڵ 24 ئۆتۆمۆبێلی پۆلیسی فریاكه‌وتن كه له هێرشێكدا بۆ سه‌ر بنكه‌یه‌كی پۆلیس ئه‌نجامدرابو.
ناوبراو ئاماژه‌ی به‌وه‌شدا، كه "چه‌ند چه‌كدارێكی كوژراون، به‌ڵام تاكو ئێستا ژماره‌یان نازانرێت به وردی، پێده‌چێت ژماره‌یان ده كه‌س بێت".
ئا/ سۆران كامه‌ران
سبەی
25/04/2013
جەبار یاوەر، وتەبێژ‌و ئەمینداری وەزارەتی پێشمەرگە دەڵێت “لەڕووداوەكانی ئەمرۆی قەزای حەویجەدا ئێمە تەرەف نین”و رەتیدەكاتەوە فەرمان بەهێزەكانیان كرابێت.
جەبار یاوەر، لەپەیجەكەی خۆی لەفەیسبوك رونكردنەوەیەكی لەسەر رووداوەكانی ئەمرۆی قەزای حەویجە داوە‌و ئاماژەی بەوەشكردوە هیچ فەرمانێكی سەربازی بەهێزەكانیان نەكراوە لەبارەی ئەو رووداوەوە.
بەوتەی یاوەر، رووداوەكانی حەویجە ئەنجامی ئەو نارەزایەتی‌‌و كێشە كەڵەكەبووانەیە لەنێوان هاوڵاتیانی ئەو ناوچانە و حكومەتی عێراقدا هەیە، جەختدەكاتەوە هەرێمی كوردستان و پێشمەرگە هیچ پەیوەندییەكی بەو رووداوانەوە نییە.
hawlati
24/04/2013
سه‌رۆكایه‌تی هه‌رێمی كوردستان داموده‌زگا ته‌ندروستییه‌كانی كوردستان راده‌سپێرێ به هانای بریندارانی رووداوه خوێناویه‌كه‌ی ئه‌مڕۆی حه‌ویجه‌وه بچن
فوئاد حوسێن، سه‌رۆكی دیوانی سه‌رۆكایه‌تی هه‌رێمی كوردستان ئه‌مڕۆ سێ شه‌ممه 23/4/2013 له لێدوانێكدا رایگه‌یاند كه مه‌سعود بارزانی سه‌رۆكی هه‌رێمی كوردستان فه‌رمانی داوه نه‌خۆشخانه و بنكه ته‌ندروستییه‌كانی هه‌رێمی كوردستان له ئاماده‌باشیی ته‌واو دابن و به هانای بریندارانی رووداوه خوێناویه‌كه‌ی ئه‌مڕۆی حه‌ویجه و ده‌وروبه‌ریه‌وه بچن و هه‌موو ئیمكاناتی خۆیان بۆ بایه‌خدان به ره‌وشی ئه‌و بریندارانه بخه‌نه گه‌ڕ.
له درێژه‌ی لێدوانه‌كه‌یدا فوئاد حوسێن ئه‌وه‌شی خسته‌ڕوو بارزانی گشت داموده‌زگا په‌یوه‌ندیداره‌كانی هه‌رێمی كوردستان راده‌سپێرێ كه ئه‌وه‌ی پێویسته بیكه‌ن به مه‌به‌ستی هاوكاری و كارئاسانی بۆ به هاناوه‌چوون وپێشوازییكردن له برینداران و ده‌سته‌به‌ركردنی هه‌موو پێدوایستییه‌كانی چاره‌سه‌ركردنیان.
فیرقه‌ى 12ى سه‌ر به فه‌رمانده‌یی ئۆپه‌راسیۆنه‌كانى دیجله، ئه‌مڕۆ سێشه‌ممه هێرشی كرده سه‌ر قه‌زاى حه‌ویجه و له پێكدادانێكدا 50 خۆپێشانده‌ر كوژران و 200ى دیكه‌شی برینداربوون له‌لایه‌ن خۆپیشانده‌رانیشه‌وه 6 سه‌ربازی عێراقی كوژراون.
23/04/2013
لە115هەمین ساڵیادی رۆژنامەگەری كوردیدا، چوارەمین دانیشتنی دادگایكردنی 46 رۆژنامەنووسی كورد كە 26یان لەزیندانن، ئەمڕۆ دووشەممە لە ئەستەنبۆل بەرێوەچوو.
ئەو رۆژنامەنووسانە لە 20ی كانوونی یەكەمی ساڵی 2011 دەستبەسەر‌و پاشان زیندانی كران. داداگاییان لە (15)هەمین لقی دادگای تاوانی قورسی (سلیوری) ئەستەنبۆل بەڕێوە چوو .
لەدادگایی كردنی ئەو (46) رۆژنامەنووسەی كورد، پارێزەرەكانیان و پەرلەمانتارانی كورد، مولكیە بیرتانە، سەباحەت تونجەل و لەونت توزەل و نوێنەرانی ژمارەیەكی زۆر لە رێكخراوەكانی كۆمەڵگای مەدەنی، رێكخراوەكانی مافی مرۆڤ، پیشەوەران، سەندیكاكان و رۆژنامەنووسان ئامادە بوون .
شاندی دادوەری بێ لایەن داواكاری پارێزەرەكانی ئەو رۆژنامەنووسانەی لەسەر ئەساسی گواستنەوەی رۆژنامەنووسانی پیاو بە زیندانی سیلیوری بەبیانووی “ئەمنی” رەتكردەوە.
دادگا سزای بەسەر دوو لەو رۆژنامەنووسانە بەناوەكانی (میكائیل باروت و عسمەت كایهان) سەپاندووە.
ساڵی 1898 یەكەمین رۆژنامەی كوردی بەناوی كوردستان، لەقاهیرەی پایتەختی میسر لەلایەن میقداد مەدحەت بەدرخانەوە دەركرا‌و ئەوەش بەدەستپێكی رۆژنامەگەری كوردی دادەنرێت.
hawlati
23/04/2013
گوته‌بێژێك به ناوی پارتی دیموكراتی كوردستان ئاشكرای ده‌كات كه پارتی داوای یاسایی لەسەر سەلاحەدین بەهائەدین ئه‌مینداری گشتی پێشووی یه‌كگرتووی ئیسلامی تۆمار دەكات.
گوتەبێژێك بە ناویمەكتەبی سیاسی پارتی دیموكراتی كوردستان له‌مباره‌یه‌وه بۆ ماڵپه‌ڕی فه‌رمی مه‌كته‌بی سیاسی پارتی دیموكراتی كوردستان ئاشکرای دەکات، لە بەرانبەر هەڵوێستی سەلاحەدین بەهائەدین ، داوایەکی یاسایی لە دادگا تۆمار دەکەن.
گوته‌بێژه‌كه روونیكردۆته‌وه و دەڵێت: "ئێمە لە پارتی دیموکراتی کوردستان وەکو هەمیشە تەئكیدمان لەوە كردۆتەوە كە پەرۆشی ئەوەیەن پەیوەندییەكانمان لە گەڵ هەموو لایەنەکان باش و گەشەکردوو بێت، کەچی بەداخەوە لەم کاتەدا هەواڵی ئەَوەمان بیست كە بەرێز سەلاحەدین بەهائەدین داوای یاسایی لە دژی كاك ئەدهەم بارزانی ئەندامی ئەنجوومەنی سەركردایەتی پارتیمان تۆمار كردووە".
له به‌شێكی دیكه‌دا ئاماژه‌یداوه "لەكاتێكی ئاوادا ئێمە چاوەڕوانی ئەوە بووین بەرێز سەلاحەدین بەهائەدین قسە و هەڵوێستی ژیرانە و حەكیمانەی هەبێت، نەك پێچەوانە. ئەگەر ناوبرا و لەدژی هەڤال ئەدهەم بارزانی داوای یاسایی تۆمار بکات ، ئەوا ئێمەش لە بەرانبەر ئەمەدا وەكو پارتی دیموكراتی كوردستان داوای یاسایی لە دژی سەڵاحەدین بەهائەدین لە دادگا تۆمار دەكەین".
pna
23/04/2013
په‌رله‌مانی ئه‌وروپا به زۆرینه‌ی ده‌نگی (۱۵۰) ده‌نگ به‌رامبه‌ر (۱۱) ده‌نگ پێشنیاری ده‌رکردنی (PKK) ی له لیستی تیرۆر په‌سه‌ند کرد.
ئه‌مڕۆ ئه‌نجومه‌نی په‌رله‌مانی ئه‌وروپا راپۆرتی تورکیای قبوڵکرد که تێیدا پێشنیاری ده‌رکردنی(PKK) ی کرد له لیستی تیرۆر و به‌زۆرینه‌ی ده‌نگیش پێشنیاره‌که‌ی تورکیا په‌سه‌ند کرا.
دوای گفتوگۆیه‌کی تێروته‌سه‌ل له‌سه‌ر راپۆرته‌که‌ی تورکیا، ئه‌و ماده‌یه‌ی ئاماژه‌ی به ده‌رکردنی (PKK) ده‌کرد له لیستی تیرۆر به رێژه‌ی (۱۵۰) ده‌نگ به‌رانبه‌ر (۱۱) ده‌نگ قبوڵکرا و به‌مه‌ش پارتی کرێکارانی کوردستان (PKK) له لیستی تیرۆر ده‌رکرا.
ئه‌رتوگرول کورکچو، ئه‌ندام په‌له‌مانی (BDP) پێیوایه بڕیاری ده‌رکردنی په‌که‌که له لیستی تیرۆر “پێشکه‌وتنێکی زۆر گرنگ” بوه، هه‌وره‌ک فراکسیۆنی (MPKE) رایانگه‌یاند له‌و راپۆرته‌دا (۹) ماده‌یان پێشنیارکردبو که (۷) ماده‌یان قبوڵکران سەرچاوە سبەی
23/04/2013
- داواکاری گشتیی کرماشان: لێکۆڵینەوە لەبارەی لێدانی قوتابیان دەکەین
- هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد
- گفتوگۆكانی ئێران و ئەمریكا لە عومان دوای دو کاتژمێر کۆتایی هات
- ئێران شەڕو دانوستانی ناڕاستەوخۆی پێ باشە!
- داواکارییەکانی ئێران و ئەمریکا لەیەکتریی چیە؟
- وەزیری بەرگریی ئیسرائیل هۆشداری دەداتە ئەحمەد شەرع
- وادەی هێرشی ئەمریکا بۆ سەر ئێران ئاشکرا کرا
- دەستووری کاتی سوریا نیگەرانی لایەن کوردییەکان و چاودێرانی لێدەکەوێتەوە
- بارودۆخی نالەباری ئابووریی ئێران پێدەچێت کۆماری ئیسلامی ناچار بکات لەگەڵ سەرۆک ترامپ ڕێککەوتن بکات
- عڕاقچی: هێشتا نامەکەی ترەمپ بە دەستمان نەگەیشتووە
- وەزیری دەرەوەی ئێران دەڵێت بڕیارە نامەکەی ترامپ لە لایەن نێردراوێکی وڵاتێکی عەرەبیەوە بگەیەنرێتە تاران
- مەزڵوم عەبدی و ئەحمەد ئەلشەرع بە ڕێکەوتن دەگەن
- 8ی مارس.. شۆڕشێك لەپێناو مافی ژنان
- سری سورەییا ئۆندەر: باخچهلی پێی گوتم، ڕۆژێک دێت پێکەوە هەڵپەڕکێی ئاشتیی دەکەین
- حكوومهتی ئێران : له‌گه‌ڵ ئهورووپا درێژه به گفتوگۆ ئهتۆمییهكان دهدهین
- عەلی باپیر، سەرۆکی کۆمەڵی دادگەری کوردستان سەبارەت بە پەیامی ئۆجەلان"هیوادارم هەردوولا بە کردەوە بەدەم بانگەوازەکەوە بچن."
- ئەمینداری گشتیی یەکگرتوو پەیامی ئۆجەلان "پەیامێکی پڕ لە بەرپرسیاریەتی و بایەخ و واقعیەتە"
- سەرۆك بافڵ جەلال تاڵەبانی: پێشوازی لە پەیامەکەی بەڕێز عـ.ـەبدوڵا ئـ.ـۆجەلان دەکەین
- سەرۆک بارزانی: هیوادارین پەیامەکەی ئۆجەلان دەستپێکێک بێت بۆ ئەوەی پڕۆسەی ئاشتی رێی خۆی بگرێت
- زەینەب جەلالیان لە 17هەمین ساڵی زیندانیکردنیدا لە ناو زیندانەوە باس لە ئازارەکانی دەکات
- بزووتنەوەی کۆماریخوازانی ڕۆژهەڵاتی کوردستان ٢ی ڕێبەندان، ٧٩هەمین سالرۆژی دامەزرانی یەکەم کۆماری کوردستان، لە نەتەوەی کورد پیرۆزدەکات
- پەیامی پیرۆزبایی کۆماریخوازان بۆ بەرێز مەسعوود پزیشکیان
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
