به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
لیژنه‌ى كارى هاوبه‌شى سێ پارته سیاسییه‌كه‌ى هه‌رێمى كوردستان (سۆسیالیست، شیوعى و زه‌حمه‌تكێشان) بۆ هه‌ڵبژاردنه‌كانى هه‌رێمى كوردستان هه‌ڵده‌وه‌شێتنه‌وه و به‌جیا به‌شدارى ده‌كه‌ن، له‌سه‌ر تاوتوێكردنى پرسى چاكسازی نێوان ده‌سه‌ڵات و ئۆپۆزیسیۆنیش قسه‌یه‌كى جیاوازتریان نییە.
هیوا سه‌ید سالیم، ئه‌ندامى مه‌كته‌بى سیاسى حیزبى زه‌حمه‌تكێشانى كوردستان به (رووداو)ى گوت "ئه‌و لیژنه هاوبه‌شه كه له‌سه‌ر ئاستى مه‌كته‌بى سیاسى هه‌ر سێ پارته‌كه پێك هێنرابوو، ته‌نیا بۆ تاوتوێ كردنى ئه‌و پرس و بابه‌تانه‌بوو كه له‌كاتى خۆیدا روویان ده‌دا نه‌ك بۆ هه‌ڵبژاردن و دروست كردنى به‌ره‌یه‌كى یه‌كگرتوو".
هیوا سه‌ید سالیم گوتیشی "وه‌ك حیزبى زه‌حمه‌تكێشان بڕیارمانداوه كه به‌لیستى سه‌ربه‌خۆ به‌شدارى هه‌ڵبژاردنه‌كان بكه‌ین و ده‌مانه‌وێت ئه‌مجاره‌یان پێگه‌ى پارته‌كه‌مان ده‌ربخه‌ین".
باباعه‌لى جه‌بارى، گوته‌بێژى حیزبى شیوعى به (رووداو)ى راگه‌یاند " تا ئێستا ئه‌و ئه‌گه‌ره‌ى كه له پێشتره، به‌شدارى كردنمانه به‌لیستى جیا، به‌ڵام شێوازى لیست و یاساى هه‌ڵبژاردنه‌كان ئه‌و بابه‌ته یه‌كلایى ده‌كاته‌وه كه ئه‌گه‌ر به‌ره‌ى چه‌پ پێك بهێنینه‌وه یان له‌گه‌ڵ پارتى دیكه‌ى پێكه‌وه بین، به‌ڵام وه‌ك سێ پارته‌كه‌ى ناو لیژنه هاوبه‌شه‌كه تا ئێستا قسه‌مان له‌سه‌ر به‌شدارى پێكه‌وه‌یى نه‌كردووە".
به‌گوته‌ى باباعه‌لى جه‌بارى، گفتوگۆكان له‌نێوان ده‌سه‌ڵات و ئۆپۆزیسیۆن، به‌شێكه له‌داواكاریى و خواستى هه‌موو دانیشتوانی هەرێمی كوردستان نه‌ك ته‌نیا دوو به‌ره‌ى ده‌سه‌ڵات و ئۆپۆزیسیۆن، ده‌شڵێت " له‌سه‌ر ئه‌و گفتوگۆیانه جیاواز له‌و به‌رنامه و پڕۆژانه‌ى كه باسیان لێوه‌كراوه ئێمه قسه‌یه‌كى جیاوازترمان نییە".
ئه‌ركان عه‌لى 30/01/2013
لە رەشنووسی کۆمیسیۆنی بەدواداچوونی مافەکانی مرۆڤ لە لیژنەی باڵای میللی تورکیا و لقی کۆمسیۆنی تیرۆردا، لەژێر ناوی "کێشەی تورکیا" زانیاری گرنگ خراونەتە روو.
بەپێی راپۆرتەکە کوردان بەرێژەی 90,3 هیواخوازی داهاتووی هاوبەشن لەگەڵ میللەتی تورک، هاوکات رێژەی خواستی تورکەکان بۆ پێکەوەژیان 70,7ـە.
لەبارەی ژن و ژنخوازی نێوانیان؛ کوردان بەڕێژەی 66,7 و تورکەکانیش بەرێژەی 13,3دەخوازن ژن و ژنخوازی لەگەڵ لەنێوانیان ئەنجام بدرێ و ببنە ناسیاوی یەکتر.
بەپێی ئەو راپرسییەی کە لەلایەن BİLGESAM (سەنتەری لێلۆڵینەوەی ستراتیژی مرۆڤی زانا) لەژێر ناوی "هۆشیاری کۆمەڵایەتی دەربارەی رووبەرووبوونەوەی (تیرۆر)" ئەنجامدراوە، تێیدا لەوڵامی پرسیاری "ئایا کورد و تورک داهاتوویەکی هاوبەشیان لە سەر خاکی تورکیادا هەیە؟" بەمشێوەیە وڵام دراوەتەوە:
70,7% تورکەکان و 90,3% بەشداربووانی کورد بە "بەڵێ" وڵامیان داوەتەوە، لەکاتێکدا کە کوردان بە رێژەی 66,7% خواستی ژن و ژنخوازیان لەگەڵ تورکەکان هەیە، لەبەرامبەردا تورکەکان بە رێژەی 13,3% لەگەڵ ئەم ژن و ژنخوازیەن.
لەبارەی ترس و پێشداوەری لە پێکەوەژیانیان، کوردان بەرێژەی 51,7% و تورکەکانیش بەرێژەی 19,9% هیچ مەترسییەک نابینن لە تەبایی و پێکەوە ژیانی نێوانیان.
لەلایەکی دیکەوە 15,8% تورکەکان دژی پێکەوە ژیانن و رەتی دەکەنەوە، لەبەرامبەریشدا تەنها 1,8% لە کوردان پێکەوەژیان رەت دەکەنەوە.
"دەمەوێ لە هەمان ئەپارتماندا هاوسێیان بم" ئەو کوردانەی ئەمە دەڵێن رێژەکەیان 11.1% ـە و رێژەی ئەو تورکانەی کە دەخوازن هاوسێی کوردیان هەبێت 10.7ـە. و ئەوانەی ژیانکردنی هاوبەش لەگەڵ نەتەوەی دیکە لە هەمان تەخ و کۆڵان بە ئاسایی دەزانن؛ رێژەکەی کوردەکان 8.6%ـە و رێژەی تورکەکانیش 0.6%ـە.
97,7% تورکەکان و لەسەدا 94,8%ی بەشداربوانی کورد دەڵێن" ئاڵای تورکیا ئاڵای منە"، و 97,6 لە بەشداربوانی تورک بڕوایان وایە کە "مارشی ئیستیقلال مارشی ئەوانە"، کوردەکانیش بەرێژەی 91,1 سەبارەت بە مارشەکە هەمان بۆچوونی تورکەکانیان هەیە.
سەرچاوە: RADIKAL
وەرگێڕان: فەرهاد چۆمانی
30/01/2013
سەرەتای هەفتەی داهوتوو دەزگای هەواڵگیری MİT ی تورکی و پارتی کرێکارانی کوردستان بەمەبەستی ئاگربەستی "چەکدانان" روو لە هەولێر دەکەن،
بڕیاریشە سەبری ئۆک بە نوێنەرایەتی قەندیل، هاکان بەرپرسی دەزگای هەواڵگری میت بەشداری تێدا بکەن.
قۆناغێکی تازە لەو گفتوگۆیانەی لەگەڵ عەبدوڵا ئۆجەلان، دەستپێدەکات. بڕیار وایە سەرەتای هەفتەی داهاتوو سەرانی میت و پارتی کرێکارانی کوردستان بۆ گفتوگۆکردن لەسەر ئاگربەستی "چەکدانان" و چارەسەرکردنی پرسی کورد روو لە هەولێر بکەن.
سەفین دزەیی، وتەبێژی حکومەتی هەرێمی کوردستان رایگەیاندووە" هەولێر دەتوانێ درێژکراوەی (کۆبوونەوەی ئۆسڵۆ) بگرێتە خۆی".
سەلاحەدین دەمیرتاش، هاوسەرۆکی پارتی ئاشتی و دیموکراتی BDP ئاماژەی کرد بە گرنگی دەستپێکردنەوەی گفتوگۆکان لە هەولێر و گوتی "رەنگبێت قۆناغی هەولێری دەستپێکردنەوەی گفتوگۆکان چارەسەری کێشەی نێوان پەکەکە و دەوڵەتی تورکیا بکات".
بڕیار وایە دانیشتنەکە لەسەرەتای هەفتەی داهاتوو لەنێوان هاکان فیدان، سەرۆکی دەزگای هەواڵگری MIT و سەبری ئۆک، نوێنەری راسپێردراوی پەکەکە ئەنجام بدرێ. لە کۆبوونەوەی چاوەڕوانکراودا پرسی چەکدانان و چوونە دەرەوەی سنووری گەریلاکانی پەکەکە دەخرێتە سەر مێزی گفتوگۆ، بۆ ئەم مەبەستەش ماوەیەک دیاری دەکرێت.
میدیاکانی تورکیا باس لەوەش دەکەن پێشووتر سلێمانی وەک بژاردەی یەکەمی شوێنی کۆبوونەوەکە دانرابوو، بەڵام بەهۆی رووداوی ٩ی ئەم مانگە (کوشتنی سێ ژنە چالاکوانە کوردەکە لە پاریس) و گومانی تێوەگلانی ئێران، بڕیار درا کە شوێنی گفتوگۆکە لە شوێنێکی پارێزراوتر بکرێ، بۆیە بڕیارەکە گۆڕا بە هەولێر.
فەرهاد چۆمانی
29/01/2013
ئێوارەی رۆژی شەمبە رێکەۆتی ٢٦/٠١/٢٠١٣، له‌سه‌ر بانگهێشتنێکی فه‌رمی، شاندێکی بزووتنەوەی کۆماریخوازی رۆژهەلاتی کوردستان بە سەرپەرشتی چالاکوانی هێژا کاک ئیبراهیم بایزیدی نوێنەری بزووتنەوە لە وەلاتانی بریتانیا و ئیرلەند، بەشداری کۆریاد و ئاهەنگێک بوون کە بە بۆنەی ٦٧مین سالیادی دامەزراندنی یەکەم کۆماری کوردستان، لە شاری لەندەن لەلایەن حیزبی دێمۆکراتی کوردستانی ئێرانەوە پێکهاتبوو، لەم کۆریادەدا چەندین حیزبی کوردستانی و ئێرانی وەک پارتی دێمۆکراتی کوردستان، حیزبی دێمۆکراتی کوردستانی ئێران، کۆمەلەی زەحمەتکێشانی کوردستانی ئێران، نوێنەری کۆنگرەی نەتەوەکانی ئێران، جبهەی متحد عربی اهواز، جبهەی متحد بلوچستان، کوردەکانی خوراسان، جبهەی متحد آزربایجان، پارتی یەکیەتی کوردی سوریە، و بزووتنەوەی کۆماریخوازی رۆژهەلاتی کوردستان، بەیاننامەی پیرۆزکردن و بەرزنرخاندنی ئەم رۆژ و یادە پیرۆزەیان خوێندەوە.
بزووتنەوەی کۆماریخوازی رۆژهەلاتی کوردستان
نوێنەرایەتی دەرەوەی وەلات/ لەندەن
28/01/2013
سەرۆكی هەرێمی كوردستان فەرمانی بە نێچیرڤان بارزانی و بەرهەم ساڵح داوە كە لە گفتوگۆكانیاندا لەگەڵ لایەنەكانی ئۆپۆزیسیۆن “نەرمی بنوێنن”.
مەولود باوەموراد، ئەندامی مەكتەبی سیاسی یەكگرتووی ئیسلامی كوردستان، لە هەڤپەیڤینێكیدا لەگەڵ (رووداو)، دەڵێ ئەوەی پاڵی بە پارتی دیموكراتی كوردستان و یەكێتی نیشتمانی كوردستانەوە ناوە هەریەكە لە نێچیرڤان بارزانی، جێگری سەرۆكی پارتی و بەرهەم ساڵح، جێگری سكرتێری گشتی یەكێتی، بنێرنە لای ئۆپۆزیسیۆن، گرنگیی ئەو بابەتانەیە كە لەلایەن هەرسێ سەركردەكەی ئۆپۆزیسیۆنەوە پێشتر لەگەڵ مەسعود بارزانی، سەرۆكی هەرێمی كوردستان، خراونەتەڕوو: “سەرۆكی هەرێمی كوردستان فەرمانی پێكردوون كە تاوەكو من لە دەرەوە دەگەڕێمەوە ئێوە بچن و گفتوگۆ لەسەر میكانیزمێك بۆ جێبەجێكردنی ئەو دۆسییانە بكەن كە لەلایەن ئەوانەوە خراونەتەڕوو”، بەگوتەی مەولود باوەموراد، بارزانی پێشیگوتوون “كە چوونیش نابێ بابەتەكە تێكبدەن، بەڵكو نەرمی تەواو بنوێنن”.
ئەو سەركردەیەی یەكگرتوو دەڵێ “كاتێك نێچیرڤان بارزانی و بەرهەم ساڵح لەسەر داوای سەرۆكی هەرێمی كوردستان هاتوون، ئەوانیش قورسایی خۆیان هەیە لەنێو حیزبەكانی خۆیاندا و دەبێ ئێمە وەڵامێكمان هەبێ شایستە بێ و لەئاستی ئەو دەستپێشخەرییەی لایەنی دەسەڵاتدا بێ”.
بەپێی زانیارییەكانی (رووداو) لە كۆبوونەوەكانی هەفتەی رابردووی نێوان دەسەڵات و ئۆپۆزیسیۆندا، پارتی و یەكێتی رایانگەیاندووە كە لارییان نییە لە جێبەجێكردنی ئەو ئەجێندایانەی سەرۆكی هەرێمی كوردستان لەگەڵ سەرۆكی هەرسێ لایەنەكەی ئۆپۆزیسیۆندا لەسەریان رێككەوتووە. محەممەد ئەحمەد، ئەندامی مەكتەبی سیاسی یەكگرتووی ئیسلامی، دەڵێ بۆئەو مەبەستەش پارتی و یەكێتی سێ پێشنیازیان خستووەتەڕوو كە بریتین لە پێكهێنانی حكومەتێكی شەراكەتی نیشتمانی یان سازكردنی كۆنگرەیەكی نیشتمانی، هەروەها سازكردنی كۆنفرانسێكی باڵا لەسەر ئاستی پەرلەمانتاران.
عەبدولسەتار مەجید، ئەندامی مەكتەبی سیاسی كۆمەڵی ئیسلامی كوردستانیش، كە خۆی بەشداری كۆبوونەوەی نێوان پارتی و یەكێتی لەگەڵ كۆمەڵ بووە، دەڵێ پارتی و یەكێتی بەوانیان راگەیاندووە “بە نووسراویش پێشبینی و تێبینی و پڕۆژەی خۆمان دەنێرین بۆ ئۆپۆزیسیۆن”.
یەكێك لەو خاڵانەی ئۆپۆزیسیۆن داوای كردووە جێبەجێ بكرێت، مەسەلەی هەمواركردنەوەی دەستوورە. مەولود باوەموراد دەڵێ ئەوەی ئەوان دەیانەوێت ئەوەیە كە دەستووری هەرێمی كوردستان هاوجووت بكرێت لەگەڵ دەستووری عێراق و سەرۆكی هەرێمی كوردستان لەبەردەم پەرلەماندا سوێند بخوات. ئەمەش بەپێچەوانەی بۆچوونی پارتییە كە دەیەوێ سەرۆكی هەرێمی كوردستان راستەوخۆ لەلایەن خەڵكەوە هەڵببژێردرێت. باوەموراد دەڵێ ئەگەر ئەوە وابێت و هەڵبژاردنەكە راستەوخۆ بكرێت: بڕوا ناكەم ئۆپۆزیسیۆن پاڵێوراویان هەبێ، چونكە بڕوایان بەوە نییە، بۆیە رەنگە بایكۆتی ئەو بەشەی هەڵبژاردن بكەن”.
بەڵام لە هەمانكاتدا ، محەممەد ئەحمەد، ئەندامی مەكتەبی سیاسی یەكگرتوو پێیوایە، پێشنیازی پارتی بۆ ئەوەی پڕۆژەی دەستوور لەگەڵ پاشكۆیەكدا بخرێتە ریفراندۆمەوە “نامەعقول نییە”.
دەربارەی گۆڕانكارییەكانی ئەم دواییەی عێراقیش مەولود باوە موراد دەڵێ “ئێستا سوننەكان گەیشتوونەتە كۆمەڵێك بیركردنەوە و یەكێك لەوانە ئەوەیە كە بڕیار لەسەر فیدراڵی بدەن بۆ ئەهلی سوننە و كۆنگرەیەك ببەستن، كۆنگرەكەشیان لە هەرێمی كوردستان دەبێت و ئامادەكاری سەرەتایی كراوە بۆ سازكردنی”.
28/01/2013
راوێژكاری راگه‌یاندنی سه‌رۆكی هه‌رێمی كوردستان روونیده‌كاته‌وه ئه‌و كه‌سه‌ی به‌بێ‌ئاگاداری سه‌رۆكی هه‌رێمی كوردستان چه‌ند كه‌سایه‌تییه‌كی داوه‌تكردووه "به‌شێوه‌یه‌كی فه‌رمی سیفه‌تی راوێژكاری نییه".
ئه‌مه‌ش ده‌قی روونكردنه‌وه‌كه‌یه:
روونكردنه‌وه‌یه‌ك له راوێژكاری راگه‌یاندنی سه‌رۆكی هه‌رێمی كوردستان-ه‌وه
له هه‌ندێك كه‌ناڵی راگه‌یاندندا باسی ئه‌وه كراوه كه گوایه راوێژكارێكی سه‌رۆك بارزانی داوه‌تی چه‌ند كه‌سایه‌تیه‌كی كردوووه تا سه‌ردانی هه‌رێمی كوردستان بكه‌ن.
وێڕای رێز و پێزانینمان بۆ ئه‌و كه‌سایه‌تیانه، به‌ڵام به هه‌موو لایه‌كی راده‌گه‌یه‌نین كه ئه‌وه‌ی ئه‌م كاره‌ی كردووه به شێوه‌یه‌كی فه‌رمی سیفه‌تی راوێژكاری نییه و وه‌كو شه‌خس و به بێ ئاگاداری سه‌رۆكایه‌تی هه‌رێمی كوردستان ئه‌م كاره‌ی كردووه. چونكه داوه‌تكردنی فه‌رمی هه‌ر كه‌سایه‌تی و لایه‌نێك ته‌نها له ده‌سه‌ڵاتی سه‌رۆكی هه‌رێمی كوردستان و دیوانی سه‌رۆكایه‌تی هه‌رێمدایه.
راوێژكاری راگه‌یاندنی
سه‌رۆكی هه‌رێمی كوردستان
27/01/2013
بە گوێرەی هەواڵێکی رۆژنامەی حوڕییەت، چاپی تورکیا، "عومەر گونەی"، تاکە تۆمەتباری قۆڵبەستکراوی دۆسیەی تیرۆری سێ ژنە سیاسەتمەداری کورد لە پاریس، ١٩ رۆژ بەر لە تیرۆرەکە، واتە رۆژی ١٨ی دێسامبری ٢٠١٢، لە رێگەی فڕۆکەخانەی ئیستانبووڵەوە، سەردانی ئانکارای کردووە و ٣ رۆژ لەم شارە ماوەتەوە بێ ئەوە سەردانی خزم و قەومی بکات و ئامانجی سەردانەکەی بزانرێ.
سەرچاوەکە باس لەوەش دەکات کە پۆلیسی نێودەوڵەتی[ئینتێرپۆل] بە هاوکاری ئێکیپێکی تایبەت لە تورکیا، خەریکە بەدواداچوون بۆ ئەو مەسەلە دەکەن و ئێکیپەکە هەر ئێستا لە هەوڵی دۆزینەوەی سەرەداوێک دەربارەی دەست و پێوەندەکانی عومەر گونەی لە ئانکارای پێتەختی تورکیا دایە.
لە لایەکی ترەوە دەگووترێ، گونەی لە مانگی ئاگۆستی ٢٠١٢ واتە ٥ مانگ بەر لە تیرۆرەکەی پاریس، دیسان سەردانی ئانکارای کردووە و ئەمجارە ٨ رۆژە ماوەتەوە.
بەر لەمەش، ناوبراو چەندین جاری تر هاتۆتەوە تورکیا بی ئەوەی کەس ئامانجی سەردانەکانی زانیبێ.
ئێکیپە پیکهاتووەکە لە تورکیا بۆی دەرکەوتووە کە گونەی لەو سەردانانەیدا، چاوی بە هیچ یەک لە خزم و قەومەکانی نەکەوتووە.
27/01/2013
كۆمپانیایه‌كى ئه‌مریكى كامێرایه‌كى دروست ده‌كات كه له توانایدایه بفرێت و فه‌رمانه‌كانى خاوه‌نه‌كشى جێبه‌جێ بكات.
كۆمپانیاى (ئه‌لویز ئینۆفیتینگ) كه باره‌گاكه‌ى له شارى سانفرانسیسكۆیه له ئه‌مریكا رایگه‌یاندوه كه كامێرایه‌كى به‌ناوى "مى كام" دروستكردوه كه له كامێرایه‌كى بچووك پێكهاتووه و چوار په‌روانه‌ى هه‌یه و له‌تواناشیدایه بفڕێت، ئه‌و كامێرایه 14 مایكرۆفۆنى هه‌ستیاریشى هه‌یه بۆ ئه‌وه‌ى كامێراكه له هه‌ر خۆپیاكێشانێك به دیوار و ماده ره‌قه‌كان بپارێزێت.
ئه‌و كامێرایه ده‌توانێت وێنه‌ى جێگر بگرێت و گرته‌ى ڤیدێوش تۆمار بكات، ده‌شكرێت وێنه‌كان له رێگه‌ى واى فاى و بلۆتۆزه‌وه ره‌وانه‌ى موبایله پێشكه‌وتووه‌كان بكات، یاخود راسته‌وخۆ به یوتوب و فه‌یسبووكه‌وه بلكێندرێت، كۆمپانیاكه هیچ زانیاریه‌كى دیكه‌ى له‌باره‌ى ئه‌و كامێرایه بڵاونه‌كردووەته‌وه ته‌نها ئه‌وه نه‌بێت كه ده‌ڵێت نرخى ئه‌و كامیرایه له 49 دۆلار تێناپه‌ڕێت.
27/01/2013
یەکێتى نیشتیمانى کوردستان دەڵێت نیگەرانین لە بارودۆخى ئێستاى عێراق بەتایبەتى لە بەکارهێنانى چەک لەدژى خۆپیشاندەران لە فەلووجە.
دوێنێ، لە سلێمانى مەکتەبى سیاسى یەکێتى نیشتیمانى کوردستان بەسەرۆکایەتى کۆسرەت رەسوڵ جێگرى سکرتێرى گشتى کوبوویەوە و تێیدا "بارودۆخی ئێستای عیراقی لەبەر رۆشنایی پەرەسەندنی خۆپیشاندانەکانی چەند پارێزگایەکی عیراق تاووتوێکرد ، بە تایبەتیش توندوتیژییەکانی خۆپیشاندانەکانی شاری فەلوجە"
لە راگەیەندراوى کۆبوونەوەکەدا هاتووە: "کۆبوونەوە نیگەرانی زۆری یەکێتیی نیشتمانیی کوردستانی لەسەر ئەو رەوشە خراپە نیشاندا، بە تایبەت لەبەرامبەر بەکارهێنانی چەک لە دژی خۆپیشاندەران،"
پاشان یەکێتى نیشتیمانى داواى جێبەجێکردنى چەند خالێک دەکات کە بریتین:
- دوورخستنەوەی سوپاو بەکارنەهێنانی لە یەکلاکردنەوەی کێشەو ململانێ سیاسییەکانی ناوخۆدا.
- پێویستی دژایەتیکردنی نەزعەی تایەفەگەری‌و بەرپەرچدانەوەی پیلانی بەعسیەکان‌و تیرۆریستانی سەربەقاعیدەی کردەوە.
- دەستپێکردنی دیالۆگی نیشتمانی بۆ ئەوەی رێڕەوی حوکمڕانی لەعیراق لەسەر بناغەی دەستوورو رێکەوتنەکان راستبکرێتەوەو هەموو کێشەو قەیرانەکانی سەرتاسەری عیراق چارەسەربکرێن
ئەوەشى تێبینى کرا لە کۆبوونەوەکەى دوێنێ بریتیبوو لە ئامادە نەبوونى هێرۆ ئیبراهیم ئەحمەد.
قادر حەمەجان ئەندامی مەکتەبی سیاسی یەکێتی بۆ (رووداو) گوتی " هێرۆخان بۆ سەردانیکردنی هەڤاڵ مام جەلال گەراوەتەوە ئەڵمانیا بۆ ئاگاداری لە رەوشی بەرێزیان بۆیە نەیتوانی ئامادەی کۆبونەوەکەی مەکتەبی سیاسی بێت ".
27/01/2013
رێكخه‌ری ژوری په‌یوه‌ندییه سیاسییه‌كانی بزووتنه‌وه‌ی گۆڕان ره‌تیده‌كاته‌وه وشه‌ی" "ئومێدبه‌خش"ی سه‌باره‌ت به سه‌ردانه‌كه‌ی نێچیرڤان بارزانی و به‌رهه‌م ساڵح بۆ لای بزووتنه‌وه‌ی گۆڕان به‌كارهێنابێت.
له رونكردنه‌وه‌كه‌دا حاجی ده‌ڵێت "لە ژمارە 167ی گۆڤاری سڤیل کە رۆژی شەممە بڵاوبووه‌ته‌وه، تێیدا چاوپێکەوتنێک لەگەڵ من ئەنجامدراوە. گۆڤاری سڤیل بە گەورەیی و مانشێت بەناوی من نوسیویەتی ( قسەکانی کاک بەرهەم و کاک نێچیرڤان ئومێدبەخش بون). من رایدەگەیەنم کە لەو چاوپێکەوتنەدا قسەی وام نەکردوەو زاراوەی ( ئومێدبەخش بو) م بەکارنەهێناوە".
رێکەوتی 2013/1/23، شاندێکی هاوبەشی یەکێتی نیشتمانی کوردستان و پارتی دیموکراتی کوردستان له سلێمانی له‌گه‌ڵ بزووتنه‌وه‌ى گۆڕان كۆ بوونەوە.
27/01/2013
دوای ئه‌وه‌ی شكست ده‌هێنن له كۆنتڕۆڵكردنی شاری سه‌رێكانی، چه‌كداره عه‌ره‌به‌كان بۆ یه‌كه‌مین جار مووشه‌ك به‌كار ده‌هێنن.
ئه‌حمه‌د حه‌سۆ، ئه‌ندامی ئه‌نجوومه‌نی نیشتمانی كورد له‌شاری سه‌رێكانی له به (رووداو)ی راگه‌یاند، چه‌كداره عه‌ره‌به‌كانی تاوه‌كو ئێستا له‌شه‌ڕی سه‌رێكانی شكستیانهێناوه وتووشی شۆك بوونه‌ته‌وه و له هه‌ندێك گه‌ڕه‌ك و شوێنی ستراتیژی ئه‌و شاره پاشه‌كشێ ده‌كه‌ن، بۆیه شه‌وی رابردوو موشه‌كیان به‌كارهێناوه".
له‌باره‌ی ژماره‌ی كوژراوه‌كانی شه‌ڕه‌كه، ئه‌ندامه‌كه‌ی ئه‌نجوومه‌نی نیشتمانی كوردی ئاماژه به‌وه‌ده‌كات " رۆژانه به‌ده‌یان كه‌س له چه‌كداره عه‌ره‌به‌كانی ده‌كوژرێن و ژماره‌ی سه‌رجه‌م كوژاروانی كورد ناگاته 15 كه‌س له‌و شارده‌داو زۆر جاریش خه‌ڵكی سڤیل ده‌بنه ئامانجی چه‌كداره عه‌ره‌به‌كان".
نۆ رۆژ له‌مه‌وبه‌ر شاری سه‌رێكانی له‌لایه‌ن ژماره‌یه‌ك له چه‌كداره عه‌ره‌به‌كانه‌وه به‌تانك وتۆپ بۆردومان كرا و به‌هۆیه‌وه 3 منداڵی كورد كوژران دواتر شه‌ڕی كۆڵانه‌كان له نێوان یه‌كینه‌كانی پاراستنی گه‌ل و ئه‌و چه‌كدارانه ده‌ستپێكرد وتاوه‌كو ئێستاش به‌رده‌وامه.
26/01/2013
سەرۆکی هەرێمی کوردستان و سه‌رۆكی ئیتلافی ئۆپۆیسیۆنی سووریا لە سویسرا کۆ دەبنەوە و بەرپرسێکی رۆژئاوای کوردستانیش دەڵێ، ئەلخەتیب داوای لە بارزانی کردووە لەنێوان ئۆپۆزیسیۆنی کوردی و سووریدا ناوبژیوانی بکات.
ئەمڕۆ هەینی، مەسعود بارزانی، سەرۆکی هەرێمی کوردستان بە ئامادەبوونی عیماد ئه‌حمه‌د ،جێگری سه‌رۆك وه‌زیران و فوئاد حوسێن، سه‌رۆكی دیوانی سه‌رۆكایه‌تی هه‌رێمی کوردستان و فه‌لاح مسته‌فا، به‌رپرسی فه‌رمانگه‌ی په‌یوه‌ندییه‌كانی ده‌ره‌وه‌ی هه‌رێمی كوردستان لە داڤۆسی سویسرا لەگەڵ مەعاز ئەلخەتیب، سه‌رۆكی ئیتلافی ئۆپۆیسیۆنی سووریا کۆبووەوە.
بەگوێرەی راگەیەندراوی سەرۆکایەتی هەرێمی کوردستان، لە کۆبوونەوەکەدا، ئه‌لخه‌تیب به درێژی باسی دۆخی سووریا و ئۆپۆزیسیۆنی ئەو وڵاتەی کردووە و هیوای خواستووە كه له‌گه‌ڵ هێزه سیاسییه‌كانی رۆژئاوای کوردستان هاریكار بن و بگه‌نه رێككه‌وتن.
د. کاوە ئازیزی، مامۆستای زانستە رامییارییەکان و ئەندامی سەرکردایەتی پارتی ئازادی کورد لە سووریا لەو بارەوە بە (رووداو)ی راگەیاند "مەعاز ئەلخەتیب گەیشتووەتە ئەو قەناعەتە کە بەشار ئەسەد و تایفەی عەلەوی واز لە دەسەڵات ناهێنن و کۆمەڵگای نێودەوڵەتیش ئەسەد ناڕوخێنێت، لەبەر ئەوە ئۆپۆزیسیۆنی سووری بەبێ بەشداری کورد ناتەواوە و ئەمریکا و وڵاتانی رۆژئاواییش هەردەم داوا لە ئۆپۆزیسیۆنی سووری دەکەن کە لەگەڵ ئۆپۆزیسیۆنی کوردی رێک بکەوێت".
د. کاوە راشیگەیاند "هەروەک دەبینین ئێستاکە شۆڕشی سووریا لەسەر رێگەی شۆڕش لایداوە و ئەو شتەی لە سەرێ کانیێ روودەدات، بەرهەمی شۆڕشی سووریا نییە، بەڵکو ئەوە پلانێکی تورکی ئاشکرایە و بووەتە شەڕی کورد و عەرەب. شۆڕشی سووریا رۆژ لەگەڵ رۆژ لە شەڕی تایقی و دەمارگرژی نزیکتر دەبێتەوە. ئێستاکە مەعاز ئەلخەتیب و ئۆپۆزیسیۆنی سووریا بەو باوەڕە گەیشتوون کە شۆرشی سووریا بەبێ کورد سەرناکەوێت و دەزانن کە کورد پێگە و رۆڵی خۆی هەیە لە رۆژهەڵاتی ناوەڕاستدا و زۆرینەی کوردی رۆژئاوا پشتیوانی لە سیاسەتەکانی سەرۆکی هەرێمی کوردستان دەکەن و بارزانی رۆڵێکی گرنگی لەناو کوردی رۆژئاوادا هەیە. هەر بۆیە مەعاز ئەلخەتیب هانای بۆ بارزانی هێناوە و داوای لێدەکات کە ناوبژیوانی لەنێوان ئۆپۆزیسیۆنی سووریا و ئۆپۆزیسیۆنی کورددا بکات".
ئەو ئەندامەی سەرکردایەتی پارتی ئازادی کورد لە سووریا گوتیشی "ئێمە ناوبژیوانی سەرۆکی هەرێمی کوردستان بە ئەرێنی دەبینین و دەزانین کە سیاسەتەکانی لە بەرژەوەندی گشتی رۆژئاوای کوردستان دەشکێتەوە، بەڵام تا ئەو کاتەی ئۆپۆزیسیۆنی سووریا دان بە مافە نەتەوەییەکانی کورد دانەنێت، کورد ئامادە نییە بەشداری لەو ئۆپۆزیسیۆنەدا بکات".
رووداۆ/ ساکار عەبدوللازادە
25/01/2013
38 رێکخراوی کۆمەڵگای مەدەنی و مافی مرۆیی داوای هەڵوەشاندنەوەی سزای لەسێدارەدانی 2 گیراوی سیاسی کورد و 5 گیراوی سیاسی عەرەب دەکەن.
ئەمڕۆ هەینی 38 رێکخراوی کۆمەڵگای مەدەنی و مافی مرۆیی لە راگەیەندراوێکی هاوبەشدا کە وێنەیەکی بۆ (رووداو) نێردراوە، داوا لە رێکخراوەکانی مافی مرۆڤ، کۆمەڵگای نێودەوڵەتی و خەڵکی ئازادیخوازی جیهان دەکەن بەهانای 2 گیراوی سیاسی کورد و 5 گیراوی سیاسی عەرەب بێن کە ترسیان لە جێبەجێ کردنی سزای لەسێدارەدانیان هەیە.
بەگوێرەی راگەیەندراوەکە، بەرپرسانی ئێران بەنیازن 5 زیندانی سیاسی عەرەب بەناوەکانی هاشم شەعبانی پیشە مامۆستا و نووسەر، هادی راشدی پیشە مامۆستا، محەممەد عەلی عەمووری پیشە نووسەر و دوو برا بەناوەکانی سەید موختار و سەید یابر ئەلبوشوکە و هەر یەک لە زانیار و لوقمان مورادی بەم زوانە لەسێدارە بدەن.
لە راگەیەندراوەکەدا هاتووە، سەرەڕای ئەوەی ئاماری ئەو کەسانەی سزای لەسێدارەدانیان بەسەردا دەسەپێندرێت، رۆژ لەگەڵ رۆژ لە زیادبووندایە، ئێران بەنیازی جێبەجێ کردنی سزای هەر یەک لەو گیراوانەیە و دەستێوەردانی کاریگەر و پشتیوانی ناوەند و رێکخراوە نێودەوڵەتییەکان رێگە لە روودانی کارەساتێکی دیکە دەگرێت.
1- کەمپینی بەرگری لە زیندانیانی سیاسی و مەدەنی
2- کۆمیتەی بەرگری لە زیندانیانی سیاسی ئێران- بەرلین
3- کۆمیتەی خەبات لەپێناو ئازادی زیندانیانی سیاسی
4- کۆمەڵێک لە خوێندکارانی زانکۆی پەیامی نوری سنە
5- رێکخراوی کوردۆساید- چاک
6- ناوەندی ژنانی کورد لە کۆلنی ئەڵمانیا
7- ئەنجوومەنی ژنانی ئازەرمێهری کوردستان
8- رێکخراوی دژی لەسێدارەدان لە کوردستان
9- کۆمەڵەی گەنجانی کوردستانی ئێران
10- ناوەندی بەیان
11- سەندیکای بنەماڵەی گیراوانی کورد
12- ئەنجوومەنی بەرگری لە مافی مرۆڤ لە ئێران
13- کۆمیتەی نەتەوە و گەلانی ئێران
14- پشتیوانانی دایکانی پارکی لالە- لۆس ئانجلێس
15- پشتیوانانی دایکانی پارکی لالە- فرانکفۆرت
16- پشتیوانانی دایکانی پارکی لالە- کۆلن
17- پشتیوانانی دایکانی پارکی لالە- ئیتالیا
18- پشتیوانانی دایکانی پارکی لالە- ئۆسلۆ
19- ماڵی کورد- کۆلن
20- کۆمیتەی بزووتنەوەی نافەرمانی مەدەنی لە کوردستان
21- گەنجان و خوێندکارانی بزووتنەوەی سەوز- ئەڵمانیا
22- پشتیوانانی دایکانی پارکی لالە- هامبۆرگ
23- کۆمەڵەی گەنجانی کوردستانی ئێران- سنە
24- ناوەندی بەیان- بەلجیک
25- ناوەندی گەنجانی سازمانی خەباتی کوردستانی ئێران
26- کۆمیتەی حیزبی دیموکراتی کوردستان- تورکیا
27- کۆمەڵەی دایکانی ئێران
28- پێگەی پەنابەرانی ئێرانی لە تورکیا
29- گرووپی (ئەوان گرنگیمان پێنادەن)
30- پشتیوانانی دایکانی پارکی لالە- دۆرتموند
31- رێکخراوی سەوزی ئازەربایجان
32- تانپوارت بۆ پشتیوانی لە مافی مرۆڤ و منداڵان
33- کۆمیتەی خوێندکاتی بەرگری لە مافی زیندانیانی سیاسی و مەدەنی
34- سازمانی خەباتی کوردستانی ئێران- کۆمیتەی کەنەدا
35- بزووتنەوەی سەوز، لقی کوردستان
36- پێگەی هەواڵنێران
37- کۆمەڵەی گەنجانی کوردستانی ئێران
38- ناوەندی گەنجانی رۆژهەڵاتی کوردستان
له زۆربه‌ی وڵاته عه‌ره‌بیه‌كانه‌وه خه‌ڵك روو ده‌كه‌نه ئه‌و كه‌مپانه به مه‌به‌ستی دۆزینه‌وه‌ی هاوسه‌رێكی گونجاو، به‌ڵام بۆمان ده‌ركه‌وتووه كه زۆربه‌یان ئه‌و نییه‌ته‌یان نییه.
ئه‌مڕۆ رۆژنامه‌ی (ده‌یلى ته‌لیگراف)ى به‌ریتانی باسی فرۆشتنی كچ و ژنی په‌نابه‌ره سووریه‌كانی كردووه له كه‌مپه‌كانی په‌نابه‌رانی سووریا له ئورده‌ن، كه هه‌ندێ له‌و ئافره‌تانه ته‌مه‌نیان له 14 چوارده ساڵ تێپه‌ڕی نه‌كردووه‌و، به زۆر به شوویان ده‌ده‌ن یان ناچاریان ده‌كه‌ن بۆ كاری له‌شفرۆشی، ئه‌مانه‌ش له زاری كرێكار و كارمه‌ندانی كۆمه‌ڵه‌ی خێرخوازی و ئایینیه‌كان.
به‌شێك له‌و ئافره‌ته په‌نابه‌رانه‌كان كه‌وتوونه‌ته ژێر كاریگه‌ری ئه‌م كاره‌وه، ئه‌مه‌ش زۆر جار له ژێر ناوی هاوسه‌رگیری كاتی ئه‌نجام ده‌درێت، له به‌رامبه‌ردا ئه‌و پیاوانه‌ی له گه‌ڵیاندا ده‌خه‌ون ماره‌ییه‌كانیان ده‌ده‌نێ.
زیاد ئه‌حمه‌د، فه‌رمانبه‌ر له كۆمه‌ڵه‌ی خێرخوازی (كتێبی سوننه)، كه یه‌كێكه له گه‌وره‌ترین رێكخراوه‌كانی په‌نابه‌ره سوورییه‌كان له ئورده‌ن ده‌ڵێت "خه‌ڵكێكی زۆر له وڵاتانی ده‌وروبه‌ره‌وه روو ده‌كه‌نه ئه‌م كه‌مپه به تایبه‌تی پیاوانی سعوودی، به مه‌به‌ستی به كرێ گرتنی خانوو له ده‌ره‌وه‌ی كه‌مپه‌كه، به‌ڵام هه‌ر زوو بۆمان روون بۆیه‌وه كه به بیانووی هاوسه‌رگیری ده‌یانیانبردن و دواتر ژماره مۆبایله‌كانیان ده‌گۆڕێ و لێیان جیا ده‌بوونه‌وه".
ئه‌و فه‌رمانبه‌ره ئاماژه‌ی به‌وه كردووه " پیاوه‌كان ئه‌و كچانه‌یان به‌وه له خشته بردووه كه بیانكه‌نه هاوسه‌ری خۆیان، به‌ڵێنی ئه‌وه‌شیان پێده‌ده‌ن كه هاوسه‌رگیرییه‌كه ده‌كه‌نه فه‌رمی كاتی پێكه‌وه ده‌گه‌ڕێنه‌وه سعودییه، به‌ڵام دواتر ژماره مۆبایله‌كانیان گۆڕیووه و خۆیان ون كردووه، بۆیه ئه‌و كاره له شێوه‌ی هاوسه‌رگیری كاتی بووه، چونكه به شێوه‌ی سه‌ر زاری و له لای مه‌لا ئه‌و كچانه‌یان ماره كردووه، لای هیچ ده‌زگایه‌كی میری هاوسه‌رگیرییه‌كه تۆمار نه‌كراوه، له ئێستاشدا زۆر له‌و كچانه به دوو گیانی له كه‌مپه‌كاندان".
هاوكات به‌شێك له پاسه‌وانه‌كانی كه‌مپی (زعیته‌ری) ئاماژه‌یان به‌وه كردووه "كه له زۆربه‌ی وڵاته عه‌ره‌بیه‌كانه‌وه خه‌ڵك روو ده‌كه‌نه ئه‌و كه‌مپانه به مه‌به‌ستی دۆزینه‌وه‌ی هاوسه‌رێكی گونجاو، به‌ڵام بۆمان ده‌ركه‌وتووه، كه زۆربه‌یان ئه‌و نییه‌ته‌یان نییه".
له ئێستاشدا له ناوخۆی سووریادا هه‌ڵهاتنی كچان له ماڵه‌وه بووه‌ته دیارده‌یه‌ك بۆ ده‌رچوون له‌و قه‌یرانه‌ی تێدا ده‌ژین و روو ده‌كه‌نه كه‌مپ و هه‌ندێ له شاره‌كانی وڵاته‌كانی دراوسێ، له كۆتایشدا خۆیان له شوێنه‌كانی له‌شفرۆشتن ده‌بیننه‌وه.
گه‌نجێك به ناوی (ویسام) زۆربه‌ی ئه‌وانه‌ی ده‌ستیان به‌م بازرگانییه كردووه ده‌ناسێت، جه‌خت له‌وه ده‌كاته‌وه " ژنێك له ناو كه‌مپه‌كه كاته‌كانی هاتنی پیاوه‌كان بۆ لای ئه‌و كچانه رێكده‌خات له به‌رامبه‌ر 50 دیناری ئورده‌نی بۆ هه‌ر كاژێریك و 100 دینار ئه‌گه‌ر كچه‌كه تازه كرابێته ژن".
رووداو- رۆژنامه‌ی ده‌یلى ته‌لیگراف
24/01/2013
عەزیم حوسێنی، کونسولی گشتی کۆماری ئیسلامی ئێران لە هەولێر بە (رووداو)ی رایگەیاند "بە مەبەستی چارەسەرکردنی بریندارەکانی تەقینەوەکەی دوزخورماتوو، لەرێگەی فڕۆکەخانەی سلێمانییەوە، برینداربووانی تەقینەوەکە رەوانە نەخۆشخانەکانی ئێران دەکرێن".
حوسێنی راشیگەیاند "ئێمە هەمیشە لەکاتی رووبەڕووبوونەوەی هەر رووداو و کارەساتێک، یارمەتی خەڵکی بێ پەنای عێراقمان داوە، بۆیە هەموو کارئاسانییەکمان کردووە وەکو کۆنسولخانەی ئێران تا برینداربووانی ئەو تەقینەوەیە بەروە ئێران بڕۆن بۆ چارەسەر کردن".
کونسولی گشتی ئێران لە هەولێر گوتیشی "ئێمە تا ئێستا ژمارەی بریندارەکانی تەقینەوەکەی دوزخورماتوو نازانین".
رۆژی چوارشەممە (2013/1/23) لە رۆژئاوای شارۆچكەی دوزخورماتوو لە نزیك سایلۆی ئەو شارۆچكەیە، خۆكوژێك خۆی كردە ناو خێوەتی پرسەی خەزووری سەرۆكی بەرەی توركمانی و خۆی تەقاندەووە.
ئەوکات شەلال عەبدول، قایمقایمی قەزای دوزخورماتوو بە (رووداو)ی راگەیاند "دوایین ئاماری تەقینەوەكەی دوزخورماتوو 25 كوژراو و 70 بریندارە". ئەو گوتیشی "لەناو كوژراواندا چەندین ئەفسەری پلەدار عەقید و موقەدەم و رائید هەن".
رووداۆ/ سروە هەۆرامی
26/01/2013
- داواکاری گشتیی کرماشان: لێکۆڵینەوە لەبارەی لێدانی قوتابیان دەکەین
- هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد
- گفتوگۆكانی ئێران و ئەمریكا لە عومان دوای دو کاتژمێر کۆتایی هات
- ئێران شەڕو دانوستانی ناڕاستەوخۆی پێ باشە!
- داواکارییەکانی ئێران و ئەمریکا لەیەکتریی چیە؟
- وەزیری بەرگریی ئیسرائیل هۆشداری دەداتە ئەحمەد شەرع
- وادەی هێرشی ئەمریکا بۆ سەر ئێران ئاشکرا کرا
- دەستووری کاتی سوریا نیگەرانی لایەن کوردییەکان و چاودێرانی لێدەکەوێتەوە
- بارودۆخی نالەباری ئابووریی ئێران پێدەچێت کۆماری ئیسلامی ناچار بکات لەگەڵ سەرۆک ترامپ ڕێککەوتن بکات
- عڕاقچی: هێشتا نامەکەی ترەمپ بە دەستمان نەگەیشتووە
- وەزیری دەرەوەی ئێران دەڵێت بڕیارە نامەکەی ترامپ لە لایەن نێردراوێکی وڵاتێکی عەرەبیەوە بگەیەنرێتە تاران
- مەزڵوم عەبدی و ئەحمەد ئەلشەرع بە ڕێکەوتن دەگەن
- 8ی مارس.. شۆڕشێك لەپێناو مافی ژنان
- سری سورەییا ئۆندەر: باخچهلی پێی گوتم، ڕۆژێک دێت پێکەوە هەڵپەڕکێی ئاشتیی دەکەین
- حكوومهتی ئێران : له‌گه‌ڵ ئهورووپا درێژه به گفتوگۆ ئهتۆمییهكان دهدهین
- عەلی باپیر، سەرۆکی کۆمەڵی دادگەری کوردستان سەبارەت بە پەیامی ئۆجەلان"هیوادارم هەردوولا بە کردەوە بەدەم بانگەوازەکەوە بچن."
- ئەمینداری گشتیی یەکگرتوو پەیامی ئۆجەلان "پەیامێکی پڕ لە بەرپرسیاریەتی و بایەخ و واقعیەتە"
- سەرۆك بافڵ جەلال تاڵەبانی: پێشوازی لە پەیامەکەی بەڕێز عـ.ـەبدوڵا ئـ.ـۆجەلان دەکەین
- سەرۆک بارزانی: هیوادارین پەیامەکەی ئۆجەلان دەستپێکێک بێت بۆ ئەوەی پڕۆسەی ئاشتی رێی خۆی بگرێت
- زەینەب جەلالیان لە 17هەمین ساڵی زیندانیکردنیدا لە ناو زیندانەوە باس لە ئازارەکانی دەکات
- بزووتنەوەی کۆماریخوازانی ڕۆژهەڵاتی کوردستان ٢ی ڕێبەندان، ٧٩هەمین سالرۆژی دامەزرانی یەکەم کۆماری کوردستان، لە نەتەوەی کورد پیرۆزدەکات
- پەیامی پیرۆزبایی کۆماریخوازان بۆ بەرێز مەسعوود پزیشکیان
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
