به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
به گوتەی عەبدولڕەزا ئەکبەرزاده، بەرێوەبەری گشتی پاڵاوتگەی غازی پارێزگای ئیلام، رۆژانه زیاتر لە 6 ملیۆن و 800 هەزار پێی سێجا، غازی سروشتی لە پاڵاوتگەی ئیلام بەرهەم دێت. بڕیار وایه، لە ماوەیەکی نزیکدا ئەو رێژەیە بۆ 10 ملیۆن پێی سێجا بەرز بکرێتەوە. پاڵاوتگەی غازی سروشتی ئیلام ، جگە لەدابین کردنی پێداویستییەکانی غازی سروشتی پارێزگای ئیلام و ناوچەکانی دەورووبەری، رۆژانه بڕێکی زۆر بەنزین و گوگردیش بەرهەم دێنێت. ئیلام یەکێک لە گەورەترین پارێزگاکانی بەرهەم هێنەری نەوت و غازی ئێرانه و 11% یەدەگی غازی سروشتی ئێران لەو پارێزگایه هەڵکەوتووە.
ئێران لە رێگەی کێڵگە نەوتییەکانی دانان، سەرکان، چەشمە خۆش، ماڵه کێو و دێلۆران له پارێزگای ئیلام، رۆژانه بە دەیان هەزار بەرمیل نەوت هەناردەی دەرەوە دەکات. رۆژهەڵاتی کوردستان لە رووی دەوڵەمەندی کانزاکانی ژێرزەوی گرنگیەکی زۆری هەیه و به دەیان ساڵه له پارێزگاکانی کرماشان و ئیلام نەوت و غازی سروشتی بەرهەم دەهێندرێت. جگە لەوەی لە سەرجەم شار و گوندەکانی رۆژهەڵاتی کوردستان، دەیان کانزای ژێرزەوی وەک زێڕ، مس، ڕووی و سورب، جیوە، سیلیس و کانزای بەردە بەهادارەکان دۆزراونەتەوە. بەپێی ئەو رێژە زێرەی لە کانزاکانی سەقز، قوروە، تکاب و سەردەشت دۆزراوەتەوە، رۆژهەڵاتی کوردستان گەورەترین کانزای زێری رۆژهەڵاتی ناوەڕاسته.
د.بورهان غەلیون، سەرۆكی ئەنجوومەنی نیشتمانی سووریا رایدەگەیێنێ، كە لە سووریا شتێك نییە بە ناوی "كوردستانی سوریا"، هەروەها فیدراڵی بە "وەهم" دەزانێ و دەشڵێ "ئۆتۆنۆمی"یش بۆ گەلی كورد قبوڵ ناكەن. د.بورهان غەلیون، كە یەكەمجارە قسە بۆ دەزگایەكی راگەیاندنی كوردی دەكات، لە هەڤپەیڤینێكی تەلەفۆنیدا لەگەڵ (رووداو) لە پاریسەوە، بەهەموو شێوەیەك ئەوە رەتدەكاتەوە دان بە بوونی ناو و خاكی كوردستان دابنێ لە چوارچێوەی دەوڵەتی سووریادا.
بورهان غەلیون، سەبارەت بە داواكردنی فیدرالی لەلایەن هەندێ حیزبی رۆژئاوای كوردستانەوە گوتی " كورد نابێ وابەستەی وەهمی فیدراڵی بێ، چونكە سوودی نییە و، وا پیشاندەدات كە كورد داوای جیابوونەوە دەكات". هەروەها دەڵێ ئەوان ئامادەنین دوای رووخانی رژێمی بەشاری ئەسەد ئۆتۆنۆمیش بدەنە كورد "ئێمە ئۆتۆنۆمی قبوڵ ناكەین، چونكە هیچ هەرێمێك نییە لە سووریا كە رێژەی 100%ی دانیشتووانی كوردبن". غەلیون، كە پێش بوونی بە سەرۆكی ئەو ئەنجوومەنە، لە زانكۆی سۆربۆن لەپاریس مامۆستای زانستی كۆمەڵناسی و سەرۆكی سەنتەری لێكۆڵینەوەكانی رۆژهەڵات بوو، دەستەواژەو و ناوی (كوردستانی سووریا)ی قبوڵ نییەو دەڵێ "شتێك نییە بەناوی كوردستانی سووریا، ئەمە گواستنەوەی نموونەی عێراقە. لە سووریا ناوچەیەك هەیە زۆربەی دانیشتووانی كوردە، لە هەندێك شار كورد زۆرینەیە، بەڵام هیچ هەرێم و ناوچەیەك نییە بەناوی "كوردستان"، سووریا هەر سووریایە".
بە بڕوای بورهان غەلیون بەشداری فراوانی كورد لە شۆڕشدا و هەماهەنگیكردن لەگەڵ لایەنەكانی ئۆپۆزیسیۆن، پێگەی كورد لە دواڕۆژدا بەهێز دەكات بۆ داواكردنی ماف و رۆڵی زیاتر لە سووریادا، نەك تەنیا لەو ناوچانەی تێیدا زۆرینەن، بەڵكو لە هەموو سووریادا.
دكتۆر عەبدولحەكیم بەشار، ئەندامی كۆمیتەی پەیوەندییەكانی دەرەوەی (ئەنجوومەنی نیشتمانی كورد لە سووریا) لە بەرامبەر لێدوانەكانی غەلیون، بە (رووداو)ی راگەیاند "تاوەكو ئەوان خۆیان لە عەقڵییەتی بەعس و رەگەزپەرستی رزگارنەكەن، ناتوانین لەگەڵیان رێكبكەوین"، دكتۆر عەبدولحەكیم، كە لە هەمانكاتدا سكرتێری پارتی دیموكراتی كورد لە سووریاشە، گوتی "كوردستانی سووریا، واقیعێكی جوگرافی مێژووییە و هەیە، بەڵام ئەوە خاڵی گفتوگۆ نییە، لێرەدا ئەوەی گرنگبێ ئەوەیە، ئەگەر ئەوان بەردەوامبن لە پشتگوێخستنی داواكانی كورد، بەوشێوەیە زیان بە شۆڕش دەگەیێنن و تەمەنی رژێمی ئێستای سووریا درێژدەكەن".
سالە کوردە
رووداو-سوێد
قەشەی بەنێوبانگی ئەفریقای باشوور و هەڵگری خەڵاتی ئاشتی نۆبڵ، دیسمۆند توتو لە نامەیەکدا کە ئاراستەی سکرتێری یەکێتی ئەوروپا تۆربیۆرن یاگلاندی کردووە، داوادەکات کە گۆشەگیری سەر عەبدوڵڵا ئۆجەلان رێبەری پارتی کرێکارانی کوردستان هەڵبگیرێت.
توتو لە نامەکەیدا ئاگاداری تۆربیۆرن یاگلاندی کردووەتەوە کە ژمارەیەک کورد مانگرتنێکی بەردەوامیان دەستپێکردووە، بەهۆی نیگەرانیان لە رەوشی ژیانی ئۆجەلان. لە نامەکەیدا توتو داوادەکات کە هەنگاو بۆ چارەسەری کیشەی کورد بەشێوەیەکی دیموکراتیانە و ئاشتیانە بنرێت.
توتو روونیدەکاتەوە کە ئەو وەک هەڵگری خەڵاتی ئاشتی نۆبڵ دژی شەڕە و خەبات بۆ ئاشتی دەکات و بەهیوایە کە مرۆڤەکان لە دۆخێکی ئاشتیانەدا بژین. هەروەها دەڵێ "چەندین ساڵە ئێمە شایەتی شەڕێکی دژوارین لە تورکیا بەهۆی کێشەی کوردەوە، کە بەداخەوە سەدان کورد و تورک بوونە قوربانی، کە زۆربەیان ژن و منداڵن. ئێمە هیواخوازین کە داوودەزگا نێودەوڵەتییەکان و ئەو ئینیستیشوونەی کە ئێوە نوێنەرایەتی دەکەن، خۆیان ماندوو بکەن بۆ کۆتایی هێنان بەو کێشەیە و لایەنەکان لەیەکتر کۆبکەنەوە. دیالۆگ لەنێوان ئەو دوولایەنە زۆر گرنگە. دەبێ بەڕێز ئوجەلان کە لەلایەن کوردەوە وەک ئیرادەیەکی سیاسی قبوڵکراوە، ببێتە لایەنێکی گفتوگۆ. ماوەی هەشت مانگە هیچ پەیوەندییەک لەگەڵ ئۆجەلان نەکراوەو رێگە بە پارێزەران و بنەماڵەکەی نادرێت بیبینن، ئەوەش بووەتە هۆی ئەوەی کە کورد بە جیدی نیگەران ببن. داوا لە بەڕێزتان دەکەین کە کەمێک لەکاتی بەهاداری خۆتان بۆ ئەم کێشەیە تەرخانبکەن کە کێشەیەکی مرۆڤانەیە و پێویستە بایەخی پێبدرێت."
ئەمڕۆ 14ئابریل 2012، رۆژی ئەنفال، واتە 24هەمین ساڵرۆژی دەستپێکی شێوەیەک لە وەحشیانە وبگرە ترسناکترین چەشنی سرینەوەی نەتەوەیەکی بێدەسەلات و بندەستە کە تاکوو هەنووکە، مێژوویی کۆمەلگای مرۆفایەتی متەمەدین وەها کارەسات و تراژدیایەکی سامناکی بەخۆیەوە نەدیووە. ئەم کارەساتە لەدرێژەی سیاسەتی تەعقیب و ئەشکەنجە و کووشتن و برین، تەبعید، تەخریب، تەعریب،،،، وەک گەلالەیەکی دارێژراۆ بۆ سرینەوەی نەتەوەیەک بەئەژمار دێت کە لە راستای تەکمیلی سیاسەتی ژینۆسایدی نەتەوەی کوردی بندەست و بێدەسەلات، وە لەبەرچاوویی دوونیای مووتەمەدین و موودەعی ئاشتی و ئازادی، مافی مرۆف و دێمۆکراسی، لە چەندین قۆناغی یەک لەدوای یەک ئەنجام دەدرا.
دروست ٢٤ ساڵ لەمەۆپێش بوو، کە رژێمی بەعسی ئەفلەقی عێڕاق، بە پێی بڕیاری١٦٠ی "شوورای سەرکردایەتی شۆڕش" پرۆسەی سرینەوەی نەتەوەکەمانی لە چەند قۆناغدا دەست پێکرد و بەم چەشنە بێباکانە دەستی کرد بە کۆمەلکووژی وسرینەوەی نەتەوەکەمان لە باشووری کوردستان. ئیراقی ئەفلەقی ئەم پرۆسەی بە کۆمەل کووشتن و تالان کردنی سەرومال و سەروەتی سەر عەرز و بن عەرزی کورد و کوردستانی، لەژێر ناویی ئەنفال و بە پێ ئایەی ئەنفالی قورئانی پیرۆز، بەحەلال دەقبلاند و بەم چەشنە پێاۆکووژەکانی ئەفلەقی لەئاست ئازار ویژدانی و قەهر و غەزەبی ئیلاهی ئازاد و دەرباز دەکرد، بۆیە جەلادانی بەعسی لە زنجیرە چالاکیگەلێکی سەربازی دا، بێرحمانە دەستیان دایە خاپوورکردن‌و سوتاندنی خاک و سروشتی رازاوەی کوردستان و سرینەوەی کەلەپوور و کوولتوری کوردی و لەوەش وەحشیانەتر زیندەبەچالکردنی بەکۆمەلی ژن و مندال و لاۆ و پیر و پەککەۆتەی کوردی.
رژیمی داگیرکەری ئێراقی ئەفلەقی، لە راستای سیاسەتی ژینۆسایدی نەتەوەی کورد و بۆ تەکمیل و بەیەکجاری سرینەوەی نەتەوەکەمان لەم بەشە لە خاکی داگیرکراوەکەمان دا، تاوانی ئەنفالی کوردی بە ٨ قۆناغی جێواز بەلام زنجیرەیی و یەک لەدوای یەک دا دەست پێکرد، کە تیدا ٦ لشکری عێراقی بەشدار بوون. لەم زنجیرە چالاکیە پرتاوانەیەدا، سەرای وێران و خاپوورکردنی گووندەکانی کوردستان و تەقاندنەوەی کانیەکان و سووتاندنی باغ و رەز و بێستانەکان،هەموو دانیشتوانی ئەم گووندانەیان بە چووک و گەۆرە و ژن و پیاوەوە راپێچی بیابانەکانی خوواروی عێراق دەکرد و بەخری زیندەبەچال دەکران. بەپێ ئامار و ئەرقامی جێگای باوەر لەم تاوانە دژە ئینسانیەدا هاۆرێ دەگەل ٨٠٠٠ بارزانی کە لەسالی ١٩٨٣ بەکۆمەل کوژرابوون، بەگستی نێزیک بە ٢٠٠٠٠٠ مرۆفی بێتاوان بە جوورمی کورد بوون لە ناۆچوون.
بزووتنەوەی کۆماریخوازی رۆژهەلاتی کوردستان، سەرەرای دەربرینی غەم و پژارەی دەگەل بنەمالەی شەهیدانی کارەساتی ئەنفال، ئەم تراژدیە سامناکەی ئەنفالی کوردی، مەحکووم دەکات و هێوادارە لەدوونیای گلۆبالی هەنووکەییدا، کە بە جیهانی فرەکولتووری و فرە شووناسی و دوونیای پر لە تەعاموول و لێکتێگەیستن و ژیانی بە ئاشتی پێناسەکراوە، نەک کورد بگرە هیچ نەتەوەیەکی دیکەی سەرتۆپی ئەم زەویە، تووشی وەها کارەساتێکی سامناکی وینەی ئەنفالی کوردی نەبێتەوە.
شوورای هاۆئاهەنگی بزووتنەوەی کۆماریخوازی رۆژهەلاتی کوردستان
١٤ی ئابریلی ٢٠١٢ بەرامبەر بە ٢٦ی خاکەلێوەی ٢٧١٢ی کوردی
ساکار عەبدوڵڵازاده
رووداو- باکوووری خوراسان
ئێستاکه بازاری کتێب و بلاڤۆکی کوردی لە باکووری خوراسان گەرمییەکی بەرچاوی پێوە دیارە و سەرەڕای ئەوەی زۆربەیان چەندین جار به چاپ گەیشتوون، رێژەیەکی کەمیان لە بازارەکاندا ماوەتەوە. هەر لەو ماوەیەدا، کتێبی چیکسای، لە نووسینی حەسەن رۆشان، شاعیری کوردی باکووری خوراسان بۆ جاری دووەم به چاپ گەیشت و بەپێی پێشوازی بێ وێنەی کوردان، پێش بینی دەکرێت ئەو کتێبە لە ماوەیەکی کەمدا بچێتە ژێر چاپی سێهەمەوە.
مێهدی جەعفەرزاده، نووسەر و چالاکی مەدەنی باکووری خوراسان لە لێدوانێکدا بۆ (رووداو) پێشوازی کوردانی خوراسان لە کتێب و بلاڤۆکه کوردییەکانی پشتڕاست کردەوە و راشیگەیاند "لەم دوو ساڵەدا زیاتر لە 5 هەزار بەرگ لە کتێبی چیکسای فرۆشراوە". به گوتەی ناوبراو، چیکسای بە مانای شەوێکی ساماڵی پڕ ئەستێرەی ساردی زستان دێت که به زاراوەی کورمانجی خوراسان و بە هەردوو پیتی ئارامی و لاتینی نووسراوە. سەرەڕای پێشوازی گەرمی کورمانجەکانی خوراسان له بەرهەمه کوردیەکان، بەڵام شاعیران و نووسەرانی کورد لە خوراسان رووبەڕووی ئاستەنگ و کێشە دەبنەوە و له بڵاوکردنەوەی بەرهەمەکانیان ئازاد نین.
مێهدی جەعفەرزاده لە بارەوە رایگەیاند "هەندێک ئاستەنگ و لەمپەر لە بەردەم بڵاڤۆکی کوردی لە خوراسان دانراوە و نووسەرانی کورد ناتوانن ئازادانه بابەتەکانیان بنووسن و بڵاو بکەنەوە، بۆ نمونه تا ئێستا رێگە نەدراوە بەرهەمە کوردییەکانی عەلیڕەزا سپاهی لایین، نووسەری كوردی باكووری خوراسان بڵاو بکرێتەوە". جەعفەرزاده ئاماژە بە رەوشی ئەو نووسەرە کرد و گوتی "عەلیرەزا سپاهی لایین بەهۆی نووسین و لێکۆڵینەوەکانی لەسەر کوردستان، ماوەیەکی زۆر لە گرتووخانەی مەشهەد دەستبەسەر کرا و ئێستا بە دانانی بارمەتە و بەشێوەیەکی کاتی ئازاد کراوە".
مێهدی جەعفەرزادە، نووسەر و چالاکوانی مەدەنی کورد لە خوراسان ئاشکراشی کرد "لە خوراسان سیاسەتی جوداکردن و دابڕاندنی کورمانج لە کورد بەڕیوە دەچێت، بەشێوەیەک ئەگە لە خوراسان بڵێیت من کورمانجم هیچ کێشەیەکت بۆ ناخولقێت، بەڵام ئەگە بڵێیت کوردم و نیشتمانی دایکیم کوردستانه، ئەوە رووبەرووی ئاستەنگ و کێشە و تەنانەت گرتن و ئەشکەنجەش دەبییەوە" بەپێی ئامارە نافەرمییەکان، نزیکەی 2 ملیۆن کورد لە خوراسان دەژین که زۆربەیان به زاراوەی کورمانجی دەدوێن و مسوڵمانی شیعەن. ئەو کوردانە لە سەردەمی ئیمپڕاتۆری سەفەوی، بە زۆرە ملی بۆ باکووری خوراسان کۆچیان پێکرا، تا هەم سنوورێکی مرۆیی لەبەردەم هێڕشی ئۆزبەک و تاتار و تورکان بن و هەمیش ببنە پەند بۆ ئەو کوردانەی بەدژی دەسەڵات هەڵدەستنەوە.
سەبارەت بە 33 ساڵ دەسەڵاتی کۆماری ئیسلامی و گوتاری هێز و لایەنە سیاسییەکانی رۆژهەڵات و چەمکی فیدڕالیزم و هۆکاری ئینشعاب و لێکترازان و پێکنەهاتنی بەرەیەکی کوردستانی لە نێوان حیزبەکان و روانگەی HDKI سەبارەت بە راگەیاندنی دەوڵەتی کوردی و دامەزراندنی دەوڵەتێکی سەربەخۆی کوردی لە باشووری کوردستان، رۆژنامه‌ی هاووڵاتی له ژماره‌ی 824، وتووێژێکی له‌گه‌ڵ مسته‌فا هیجری سکرتێری گشتیی حیزبی دێموکراتی کوردستان پێکهێناوه.
سکرتێری حیزبی دیموکڕاتی کوردستانی ئێران بەشێک لە راپەڕین و سەرهەڵدانەکانی وڵاتانی عەرەبی بە راپەڕینی نەتەوەکانی ئێران لە زەمانی شا دەشوبهێنێ و دەڵێ: " به‌شێک له‌وان خه‌ریکن به‌و رێچکه‌یه‌دا ده‌روون که پێشتر خه‌ڵکی ئێران به هه‌ڵه هه‌ڵیان بژارد و ناکام بوون.
سکرتێری گشتی HDKI روانگەی حیزبەکەی سەبارەت بە ئێرانی دوای کۆماری ئیسلامی روون دەکاتەوە کە مافی نه‌ته‌وه‌یی کورد له ئێرانێکی دێمۆکراتێکی فیدراڵدا ده‌بینن. ناوبراو هەروەها هۆکاری و بەربەست لە بەردەم چێ نەبوونی بەرەیەکی کوردستانی لە نێوان حیزبەکانی رۆژهەڵاتی کوردستان بۆ، دابه‌شبوونی حیزبه‌کان، به‌رژه‌وه‌ندی حیزبی به هه‌ڵه له سه‌رووی به‌رژه‌وه‌ندی نه‌ته‌وه‌یی، پیلانی لاوه‌کیی نه‌یارانی هێزەکانی رۆژهەڵات دەگەرێنێتەوە.
مستەفا هیجری لە وڵامی پرسیاری ئەوەی کە ئه‌و بارودۆخه‌ی ئێستا باشووری کوردستان تاچه‌ند توانای ده‌وڵه‌تداریی تێدایه دەڵێ: "ئه‌گه‌ر مه‌به‌ستتان له ده‌وڵه‌تداری توانای به‌ڕێوه‌بردنی ده‌وڵه‌تی سه‌ربه‌خۆیه، وڵامی من ئه‌وه‌یه که به هۆی هه‌ڵه و که‌موکورتییه‌کان، نه له ناوخۆ و نه له ناوچه و نه له راده‌ی نێونه‌ته‌وه‌ییدا زه‌مینه‌ی پێکهاتنی ده‌وڵه‌تی سه‌ربه‌خۆ بۆ کوردستانی باشوور پێک نه‌هاتووه تا قسه له توانای ده‌وڵه‌تدارییه‌که‌ی بکه‌ین".
پێویسته ته‌ها كه‌ریمی داوای لێبوردن بكات
هونه‌رمه‌ندی ده‌رهێنه‌ری رۆژهه‌ڵاتی كوردستان له دوو چاوپێكه‌وتن له گه‌ڵ ماڵپه‌ڕی سبه‌ی و ئیلافی عه‌ره‌بی كه له خواره‌وه لینكه‌كانی بڵاو ده‌كه‌ینه‌وه , داوا ده‌كات نۆبڵی ئاشتی بدرێت به تۆمه‌تباری موسته‌شار سه‌عید جاف كه به‌شداری هه‌ر 3 ئه‌نفالی (1,2,3) كردووه‌و له رۆژنامه‌كانی به‌عسه‌وه دانی به به‌شداریكردنیدا ناوه له ئه‌نفالكردنی رۆڵه‌كانی گه‌له‌كه‌مان به‌م هۆیه‌شه‌وه مه‌دالیای ئازایه‌تی له لایه‌ن سه‌دام حوسێنه‌وه پێبه‌خشراوه , وێڕای ده‌ستخۆشیمان له كاره‌كانی دیكه‌ی هونه‌رمه‌ند , به‌ڵام ئێمه پێمان وایه ئه‌م داوای نۆبڵ كردنه‌ی هونه‌رمه‌ند:
- ئیهانه كردنه به كه‌سوكاری قوربانیانی ئه‌نفال به تایبه‌تیش ئه‌وانه‌ی قوربانی ده‌ستی تۆمه‌تباری ناوبراو بوونه.
- ئیهانه كردنه به گه‌لی كورد كه له روانگه‌ی هونه‌رمه‌نده‌وه جگه له تۆمه‌تبار سه‌عید جاف كه‌سێكی دیكه نه‌بێت شایانی ئه‌و مه‌دالیایه بێت .
بۆیه داواكارین هونه‌رمه‌ند له‌و وته‌یه‌ی خۆی پشگه‌ز ببێته‌وه‌و داوا لێبوردن بكات .
تێبینی : هاوشێوه‌ی سیاسییه‌كانی كورد ,ئه‌مه چه‌ندین مانگه ئه‌م داوایه‌مان ئاراسته‌ی ناوبراو كردووه , كه‌چی ئاماده نییه له‌به‌رامبه‌ر به‌م هه‌ڵه‌یه‌ی داوای لێبوردن له كه‌سوكاری سه‌ربه‌رزی قوربانیانی ئه‌نفال بكات .
بۆ به‌شداریكردن و په‌یوه‌ندیكردن :
07503714620
This e-mail address is being protected from spambots. You need JavaScript enabled to view it.
">
This e-mail address is being protected from spambots. You need JavaScript enabled to view it.
لینكی چاوپێكه‌وتنه‌كانی هونه‌رمه‌ند :
http://sbeiy.com/%28X%281%29A%28ZgrX-0J7zAEkAAAAMWNiMDM3NzEtNGFjMy00OWYz...
http://www.elaph.com/Web/Culture/2011/7/669521.html
ناوه‌كان :
1- عه‌لی مه‌حموود محه‌مه‌د چالاكڤان له بواری ئه‌نفال هه‌ولێر
2- رابه‌ر ره‌شید رۆژنامه‌نووس كه‌ركووك
3- مافناس و چالاكڤانی مافی مرۆڤ سوئید
4- د.ناجیح گوڵپی چالاكڤانی مافی مرۆڤ هه‌ڵه‌بجه
5- قادر نادر چالاكڤان له بواری پرسی ئه‌نفال سوئید
6- سامان ساڵه‌ح رۆژنامه‌نووس سه‌ید سادق
7- رۆژنامه‌ی گه‌شه‌پێدان
8- كاروان كه‌ریم هونه‌رمه‌ند ئاڵمانیا
9- نه‌حیبه مه‌حموود چالاكڤانی مافی ژنان سوئید
10- جه‌ماڵ سه‌ید سادقی چالاكڤانی مافی مرۆڤ فینله‌ندا
11- عه‌فان ئه‌حمه‌د رۆژنامه‌نووس هه‌ولێر
12- كارزان حه‌مید رۆژنامه‌نووس كه‌ركووك
13- فه‌رهاد خالید مامۆستا هه‌ولێر
14- هه‌ڤاڵ نه‌ژاد رۆژنامه‌نووس و چالاكڤانی مه‌ده‌نی هه‌ولێر
15- عه‌بدوڵا مه‌حموود نووسه‌ر و چالاكڤانی سیاسی سوئید
16- فه‌ره‌یدون حه‌مه ره‌شید نووسه‌ر و رۆژنامه‌نوس سویسرا
17- كاوه كۆنه‌پۆشی به‌ریتانیا
18- ئازاد عوسمان ئه‌ندازیار سویسرا
19- دارا عه‌بدوڵا رۆژنامه‌نووس سه‌یدسادق
20- زه‌مان عه‌بده سه‌رۆكی رێكخراوی ئه‌نفاله‌كانی كوردستان
21- ئومێد شه‌كیبه ده‌رهێنه‌ری رۆژهه‌ڵاتی كوردستان به‌ریتانیا
22- عه‌تا محه‌مه‌د به‌رێوه‌به‌ری رێكخراوی CDO كوردستان
23- چرۆ هه‌ورامی سه‌رپه‌رشتیاری پێشووی خانه‌ی منداڵانی ئه‌نفال
دامه‌زراوی جیۆلۆجی ئێران ئاشكرایكرد، كه سێ كانگای ئاڵتونیان له پارێزگای سنه (رۆژهه‌ڵاتی كوردستان) دۆزیوه‌ته‌وه، كه بڕی 18 تۆن له‌خۆده‌گرێت.
به‌هرۆز به‌رنا، یاریده‌ده‌ری كاروباری دۆزینه‌وه له دامه‌زراوه‌ی جیۆلۆجی، له‌و باره‌یه‌وه رایگه‌یاند كه له شاری سه‌قزی سه‌ر به پارێزگای سنه، توانیونه سێ كانی ئاڵتونی بدۆزنه‌وه‌و به‌م زاواه‌ش ده‌ستده‌كرێت به ده‌رهێنانی ئاڵتون تێیاندا.
وڵاتی ئێران خاوه‌نی 304 تۆن یه‌ده‌گی ئاڵتوونی دۆزراوه بووه، به‌م 16 تۆنه‌ش ده‌بێـه خاوه‌نی 30 تۆن.
رووداو - سۆمەریەنیوز
فەرەج حەیدەریی سەرۆكی كۆمسیۆنی باڵای سەربەخۆی هەڵبژاردنەكان و ئەندامێكی ئەنجومەنی كۆمسیۆنەكە، بە تۆمەتی گەندەڵی دەستبەسەركران .
حەنان فەتلاوی ئەندامی ئەنجومەنی نوێنەران رایگەیاند" بەپێی مادەی 340ی یاسای سزادان، فەرەج حەیدەری سەرۆكی كۆمسیۆنی باڵای سەربەخۆی هەڵبژاردنەكان و كەریم تەمیمی ئەندامی ئەنجومەنی كۆمسیۆنەكە، دەستبەسەر كراون بەهۆی دۆسیەیەك لە دۆسیەكانی گەندەڵی"
دۆسیەكە لەسەر پاداشتكردنی نایاساییانەی چەند فەرمانبەرێكەو حەیدەریی و تەمیمی بۆ ماوەی سێ رۆژ دەستبەسەر دەكرێن بۆ لێكۆڵینەوە.
فەرەج حەیدەری ساڵی رابردوو، لەلایەن هاوپەیمانێتی دەوڵەتی یاساوە، هەوڵی لێسەندنەوەی متمانەی درا، بەڵام پشتگیریكردنی لەلایەن هاوپەیمانێتی عیراقییەو كوردستانی بواری ئەوەی نەهێشتەوە متمانەی لێوەربگیرێت.
فەرەج میرزا حەیدەری كوردەو هەڵگری دكتۆرایە لەبواری ژینگەو پێشتر بەرپرس بووە لەپارتی دیموكراتی كوردستاندا، لەساڵی 2007ەوە سەرۆكی كۆمسیۆنی هەڵبژاردنەكانەو كۆتایی ئەم مانگە، وادەی كاركردنی كۆمسیۆنەكەیان كۆتایی دێت.
ئەنجوومەنی ئابووری هەرێمی کوردستان بڕیاریدا، سیاسەتی نیشتەجێبون لە هەرێمی کوردستان پێداچوونەوەی بۆ بکرێت و نرخیش لە بازاڕەکان کۆنتڕۆل بکرێت. لە پازدەیەمین کۆبونەوەی ئەنجوومەنی ئابووری هەرێمی کوردستان کە دوێنێ بەسەرپەرشتی نێچیرڤان بارزانی سەرۆکی حکومەتی هەرێمی کوردستان و بە ئامادەبونی عیماد ئەحمەد جێگری سەرۆکی حکومەت ئەنجامدرا بڕیاردرا:
1. بەدووبارە هەڵسەنگاندنەوەی سیاسەتی نیشتەجێبون لەهەرێمی کوردستان و داڕشتنەوەی بەشێوەیەک کە لەبەژەوەندی چینی هەژارو کەمدەرامەت و کرێچی یەکان دابێت.
2. لایەنی پەیوندیداری راسپارد بۆ دانانی میکانزم لە بواری کۆنترۆلی جۆری و کۆنتڕۆل کردنی هەموو ئەو کاڵایانەی کە هاوردەی هەرێمەکەمان دەکرێن، بەتایبەتی خۆراک و دەرمان.
3. وەزیری تەندروستی راسپارد کە هەنگاوی پێویست بگرێتەبەرلەسەر باشترکردنی خزمەت گوزاری تەندروستی و وە دەتوانَت سود لە راوێژکارانی بیانی وەربگرین لە بواری تەندروستیدا .
4. سەرۆکی حکومەتی هەرێمی کوردستان، ئەنجوومەنی ئابووری راسپارد کەلێکۆلینەوەیەکی زانستی ئەنجامبدەن بۆ دیاریکردنی میکانزمی گونجاو بۆ کونتڕۆلکردنی نرخ لەبازاڕەکانی کوردستان بەشێوەیەکی دروست و دادپەروەریانە .
بڕیارە هەفتەی داهاتوو دووبارە ئەنجوومەنی ئابووری کۆببێتەوە بۆ گفتووگۆ کردن لەسەر چەند بابەتێکی دیکە.
نووسه‌رى ناودارى تورك، حه‌سه‌ن جه‌مال پرسیارێك ئاراسته‌ى كاربه‌ده‌ستان و راى گشتى توركیا ده‌كات و ده‌پرسێ "ئه‌گه‌ر ده‌وڵه‌تی سه‌ربه‌خۆی كورد رابگه‌یندرێ توركیا چ ده‌كات؟". حه‌سه‌ن جه‌مال، له گۆشه رۆژانه‌ى خۆى له رۆژنامه‌ى (میللیه‌ت) ئه‌مڕۆ چوار شه‌ممه، تیشكى خستووه‌ته سه‌ر سه‌ردانه‌كه‌ى مه‌سعود بارزانى بۆ ویلایه‌ته یه‌كگرتووه‌كانى ئه‌مریكاو نووسیویه‌تى "بارزانی له‌لایه‌ن ئۆباما وه‌كو سه‌رۆكی ده‌وڵه‌ت پێشوازی لێكرا".
حه‌سه‌ن جه‌مال وه‌كو رۆژنامه‌نووسێكی توركی دیموكراتخواز كه ساڵانێكه له‌باره‌ی كێشه‌ی كورد راوبۆچوونه‌كانی بابه‌تیانه ده‌نووسێ و داكۆكی له مافی كورد ده‌كات ده‌ڵێت "جارێكی دیكه ناوچه‌كه‌مان له نێوان سوریا، ئێران و عێراق ده‌كوڵێ. له بارودۆخێكى وه‌هادا ئه‌گه‌ر ئه‌نقه‌ره و ده‌سه‌ڵاتی AKP هه‌نگاوى ئاشتیانه بۆ چاره‌سه‌ری كێشه‌ی كورد بنێ، توركیا ئاسووده ده‌بێ، ده‌بێته مایه‌ی ئه‌وه‌ی مه‌ودای موناوه‌ره‌ی فراوانتر ببێ و له ناوچه‌كه هه‌ژمونی زیاتر ده‌بێ. ئه‌گه‌ر نا كاری ئێمه زه‌حمه‌ته".
جه‌مال له په‌راگرافێكی دیكه‌ى گوتاره‌كه‌ی ده‌نووسێ، مه‌سعود بارزانی سه‌رۆكی هه‌رێمی كوردستانی عێراق له واشنتن له‌لایه‌ن سه‌رۆك باراك ئۆباما له كۆشكی سپی پێشوازی لێكرا، ئه‌مه ته‌نیا بۆ كوردی عێراق نا، به‌ڵكو بۆ هه‌موو كورد پێشكه‌وتنێكی گرنگه "پێشوازی كردنی ئه‌مریكا له بارزانی وه‌كو سه‌رۆكی ده‌وڵه‌ت به "په‌یوه‌ندی تایبه‌تی( وه‌سف ده‌كرێت ). به‌ڵام ئه‌و په‌یوه‌ندییه نوێ نییه". جه‌مال له درێژه‌ی قسه‌كانیدا ده‌ڵێ، رۆشه‌نبیرێكی كورد كه سه‌رده‌می پێشمه‌رگایه‌تی له شاخه‌كان سوڕاوه‌ته‌وه پێیگووتم "له سه‌رده‌می شه‌ڕی سارد له نێوان خۆمان به‌رده‌وام گفتوگۆمان له باره‌ی ئه‌وه ده‌كرد كه ئایا له رۆژهه‌ڵاتی ناوه‌ڕاست كامه‌یان زووتر ده‌بنه خاوه‌نی ده‌وڵه‌تی سه‌ربه‌خۆ كورد، یان فه‌له‌ستنییه‌كان". جه‌مال حه‌سه‌ن هه‌روه‌ها ده‌ڵێت "توركیا له كاتێكی زۆر پێویست هه‌نگاوی نا، كاتێك (راستی كوردی عێراقی په‌سه‌ند كرد). به‌ڵام تا ئه‌مڕۆ په‌یوه‌ست به كوردی عێراق نیشانه‌ی پرسیاری له مێشكی ئه‌نفه‌ڕه گڵده‌خواته‌وه: ئه‌گه‌ر ده‌وڵه‌تی كوردی سه‌ربه‌خۆ رابگه‌یه‌ندرێ، یان ئه‌و ده‌وڵه‌ته كوردییه‌ی به كرده‌وه هه‌یه، ئه‌گه‌ر به فه‌رمی بناسرێ، توركیا چی ده‌كات؟".
نەهرۆ محەممەد
رووداو- بەغدا
لە دانیشتنی ئەمڕۆی پەرلەمانی عێراقدا، پەرلەمانتارانی کورد لەگەڵ پەرلەمانتارێکی مالیکی بەشەڕهاتن و ئێستا بارگرژی باڵی بەسەر پەرلەمانی عێراق داکێشاوە. نەجیبە نەجیب، پەرلەمانتار و ئەندامی فڕاکسیۆنی هاوپەیمانی کوردستانی لە پەرلەمانی عێراق بە (رووداو)ی راگەیاند "لە دانیشتنی ئەمڕۆی پەرلەمانی عێراق لەوکاتەی پەرلەمانتارانی کورد سەرقاڵی خوێندنەوەی بەیاننامەیەک بوون لەبارەی ئەنفال کردنی کوردەوە لەلایەن رژێمی پێشووی عێراقەوە کە تیایدا داواکرا حکومەتی عێراقی وەک وەریسی شەرعی داوای لێبوردن لە کورد بکات".
ئەو پەرلەمانتارە کوردە دەڵێ "لەکاتی خوێندنەوەی بەیاننامەکەماندا، قازی مەحمود حەسەن، پەرلەمانتاری دەوڵەتی یاسای نوری مالیکی تەشویشی دروست كرد و قسەی ناڕەواى کرد و رەتیکردەوە حکومەتی ئێستا عێراق وەریسی شەرعی رژێمی پێشووی عێراق بێت، بۆیە لە نێو دانیشتنەکەدا رەوشێکی نا هەموارى دروست کرد كه شەڕە قسەی تووندی لێکەوتەوە لە نێوان پەرلەمانتارانی کورد و ئەو پەرلەمانتارەی دەوڵەتی یاسا". نەجیبە نەجیب، ئاماژەی بەوەشکرد "ئێستا بارگرژی باڵی بەسەر پەرلەمانی عێراق داکێشاوە و هەموو لایەنەکان لە کۆبوونەوە و هەوڵدان, بۆ هێور کردن و چارەسەرکردنی ئەو کێشەیە".
د.سەعید خۆشناو، پەرلەمانتار و ئەندامی فڕاکسیۆنی هاوپەیمانی کوردستانی لە پەرلەمانی عێراق بە (رووداو)ی راگەیاند "قازی مەحمود حەسەن، پەرلەمانتاری دەوڵەتی یاسا بەهەموو شێوەیەک رەتیکردەوە کە کەسوکاری قوربانیان ئەنفال قەرەبوو بکرێنەوە". ئەو پەرلەمانتارە کوردە هەروەها گوتی"لە بەرامبەر ئەو رەفتارەی کە ئەنجامیداوە، پەرلەمانتارانی کورد سوورن لەسەر ئەوەی کە دەبێت ئەو پەرلەمانتارە داوای لێبوردن لە خەڵکی کوردستان بکات". د.سەعید خۆشناو ئاماژەی بەوەشکرد "کە ئەگەر ئەو پەرلەمانتارەی دەوڵەتی یاسا هەڵوێستی خۆی راست نەکاتەوە، ئەوا هەموو پەرلەمانتارانی کورد بە سەرجەم فڕاکسیۆنەکانەوە هەڵوێست وەردەگرن".
نەتەوەی وڵات داگیرکراوی کورد!
کۆمەڵانی ئازادیخواز و ئاشتیخوازی خەڵکی کوردستان!
پارت و ڕێکخراو و کەسایەتییە شۆڕشگێڕ و سیاسییەکانی کوردستان!
ڕێکخراوەکانی سیاسی و مەدەنی و پارێزەرانی مافی مرۆڤی ئوروپا !
سەدان ساڵە کوردستان داگیرو نەتەوەکەشی زۆر دڕندانە کەوتۆتە بە هێرشی ناڕەوا و نامرۆڤانەی داگیرکەرانی کوردستان و بێبەش کراوە لە هەر جۆرە ماف و ئازادییەک، ئەمە وێڕای ئەوەی کە ڕۆژ نییە چەندین کەس لە ژنان و پیاوانی نەتەوەکەمان بە شێوە و بیانووی جۆراو جۆرەوە لە بەندیخانەکان ئەشکەنجە و ئازار یان لە سێدارە نەدرێن و لە نێو وڵاتی خۆشیان دا نەردێنە بەر دەسڕێژی گوللـەی هێزی داگیرکەر و شەهید نەکرێن، لە بەرانبەر هەموو هێرش و پەلامارێکی دڕاندانەی هێزی پڕ چەک و بێ بەزەیی داگیرکەران بۆ سەر کوردستان و لە پێناو پاراستنی وڵات و نەتەوەکەمان، ئەگەر لە نێو ماڵی خۆمان دا دەست بۆ چەک بەرین لە پێناو پارێزگاری کردن لە ژیان و سەر و ماڵی خۆمان، ئەوە بە شەڕخواز و شەڕ هەڵگیرسێنەر تاوانبار دەکرێین و دەهۆڵی تیرۆریست بوون و شەڕخوازیمان بۆ هەڵدەگرن بۆ ئەوەی بێ بەزەییانەتر لە پێشوو بمانکوژن و بمانچەوسێننەوە، سەروەت و سامانی وڵاتەکەمان بە تاڵان دەبەن و دەیگۆڕنەوە بە بۆمبی ژاراوی و جارێکی دیکە بەسەرمانیدا دەڕێژن، کەچی ئەگەر هاوار بکەین و ناڕەزایەتی دەربڕین تاوانبارین بە سەربزێوی و یاخیبوون و یاساشکێنی.
هیچ کەس و لایەنێک نییە ئاگاداری ئەو ڕاستییە نەبێت کە ٢٥٦ ڕۆژە بەڕێز عەبدوڵا ئۆجەلان سەرۆکی پارتی کرێکارانی کوردستان ڕێگای هەرجۆرە دیدار و چاوپێکەوتنێکی لەگەڵ هەر یەک لە پارێزەر و بنەماڵەکەی پێنەدراوە، لەم ماوە دوور و درێژە و هەر جارەی بە بیانویەک و هەر هەفتەی بە بەهانەیەک ڕێژیمی داگیرکەری تورک ڕێگری کردووە لە هەر جۆرە دیدار و چاوپێکەوتنێکی بەڕێز ئۆجەلان، ئەمە سەرەڕای ئەوەی کە دوورگەی ئیمرالی شوێنێکی شێدار و نەگونجاوە بۆ ژیان و زەرەری زۆری هەیە بۆ زۆر لە بەشە هەستیارەکانی لەشی مرۆڤ و بەتایبەت هەناسەدان، کەچی بەڕێز ئۆجەلان لەم شوێنە دا زیاد لە زیاتر لە ١٣ ساڵە زیندانی و ٢٥٦ ڕۆژە هیچ زانیارییەک لەسەر تەندروستی ناوبراو نییە و نازانرێت کە بارودۆخی جەستەیی بەڕێز ئۆجەلان لە چ ئاستێکدایە.
داگیرکەرانی کوردستان و تەنانەت دونیای دەرەوەش ئەگەر هەتا ئێستا کوردیان تاوانبار دەکرد بە شەڕخواز و تاوانی شەڕکردنیان دەدانە پاڵ، ئەوە ئێستا لە پێناو کردنەوەی دەرگای دیدار و چاوپێکەوتنەکان، لە پێناو ئاشتی و پێکەوە ژیان و ئاگاداربوون لە بارودۆخی بەڕێز ئۆجەلان دا، ماوەی ٥٢ ڕۆژە نزیک بە ١٥٠٠ بەندکراو لە بەندیخانەکانی دەوڵەتی تورک و چەندین چالاکی سیاسی و مەدەنی لە شاری ستراسبۆرگی فەرانسە لەپێش چاوی ئەوانەی بەند و بڕگەکانی مافی مرۆڤ دەنووسنەوە٣٩ ڕۆژە دەستیان داوەتە مانگرتن و لە ڕێگای خەباتی مەدەنییەوە داوای سەرەتاییترین مافی شەرعی و یاسایی بۆ بەڕێز ئۆجەلان وەک بەندکراوێکی ڕێگای ئازادی و ئاشتی و پێکەوەژیان دەکەن، ئاشکرایە کە مانگرتنی ڕۆڵەکانی نەتەوەکەمان لە بەندیخانەکانی دەوڵەتی تورک و لە جەرگەی ئوروپای پارێزەری مافەکانی مرۆڤ، لە پێناو سەقامگیرکردنی ئاشتی و ئازادی و وەدیهێنانی عەداڵەتی کۆمەڵایەتی و مافی مرۆڤ و دێمۆکراسی دایە، کەچی ئەوە لە دوو مانگ نزیک دەبێتەوە و باری تەندروستی و لەشساغی مانگرتوان بەرە و لاوازی دەچێت، بەڵام پارێزەرانی مافی مرۆڤ، ئازادیخوازان و کۆمەڵگای مەدەنی و نێونەتەوەیی گوێی خۆیان ئاخنیوە و چاویان لە ئاست راستییەکان نوقاندووە، ئەدی کوان ئەوانەی دەم ئازادی و مافی مرۆڤ دەدەن، لە کوێن ئەوانەی دەڵێن پارێزەری ئاشتی و پێکەوە ژیان و ئاسوودەیی مرۆڤەکانن، چیان بەسەر هاتووە ئەوانەی پارێزگاری لە نەتەوە مەزلوم و ستەملێکراوەکان دەکەن، ڕێکخراوی خاچی سوور و مانگی سووری نێودەوڵەتی لە کام دونیا و هەسارە دا دەژین و کەی گوێبیستی داد و هاواری نەتەوەی کورد دەبن، ئەوە کچان و کوڕانی کوردن و بە بەر چاوی دونیای مرۆڤایەتی و ناوەندەکانی پارێزەری مافەکانی مرۆڤەوە خەریکە سەبر سەبر گیان لەدەست دەدەن و دەبنە قوربانی لەپێناو وەدەستهێنانی سەرەتاییترین مافی ئینسان، پارێزەرانی مافی مرۆڤ و ئازادی و دێمۆکراسیخوازان لە کوێن و بۆچی لە خەوی قوڵی قازانج و بەرژەوەندیخوازی ڕانابن، ئەی نابینن ڕۆڵەکانی نەتەوەی زوڵم لێکراوی کورد لە زیندانەکانی تورکیا و لە جەرگەی ئوروپا و لە پێناو مافی مرۆڤ دا خەریکە گیان لەدەست دەدەن.
هەر لەم ڕوانگەیەوە پارتی ئازادی دێمۆکراسی کوردستان، وێڕای مەحکوم کردنی کردەوەی شۆوێنیستانە و نامرۆڤانەی دەوڵەتی تورکیا، پشتیوانی بێ ئەملا و ئەولای خۆی لە داخوازی مەشروع و یاسایی مانگرتوانی بەندیخانەکانی دەوڵەتی تورکیا و شاری ستراسبۆرگ دەکات، هەروەها داواکارە لە سەرجەم هێز و لایەنە سیاسیی، کۆمەڵایەتی و مەدەنییەکانی کوردستان، ڕێکخراوەکانی پاراستنی مافی مرۆڤ، ئازادیخوازان و سەرجەم مرۆڤایەتی، بۆ ئەوەی چیتر بێ دەنگ نەبن بەرانبەر بە هەڵوێستی دژە مرۆڤانەی دەوڵەتی تورک بەرانبەر بە بەڕێز عەبدوڵا ئۆجەلان سەرۆکی پارتی کرێکارانی کوردستان.
کوردان و ئازادیخوازان و پارێزەرانی مافی مرۆڤ پێویستە بەبێ لەبەر چاوگرتنی ئیدئۆلۆژی و بیروباوەڕ و فکریەتی سیاسی پشتیوانی بکەن لە مانگرتوانی نێو بەندیخانەکانی تورکیا و ستراسبۆرگ، گومانی تێدانی‌یە کە سەرکەوتنی مانگرتوان سەرکەوتنی مافی مرۆڤە بەسەر دیکتاتۆری و سیستەمی دژە مرۆیی و وەدەست خستنی سەرەتاییترین مافی مرۆڤێکی ئازادیخوازە لە بەندیخانەی دەوڵەتێکی دژ بە ئازادی و بنەماکانی مافی مرۆڤ، لە بەرانبەریش دا بەچۆک داهاتن و شکانی مانگرتوان، واتای تێکشکانی ئازادی و مافی مرۆڤ و مرۆڤایەتییە بەرانبەر بە دیکتاتۆری و سیاسەتی دژە مرۆیی.
هەر لەم پێویەندییەش دا داوا لە سەرجەم هێز و لایەن و ڕێکخراوە سیاسی و مەدەنی و کەسایەتیە سیاسیەکانی کوردستان دەکەین بۆ ئەوەی کوردبوون بکەن بە بنەمای هاوکاری و هاوفکری و هاوهەڵوێستی، نەتەوەکەمان پێویستە هاو دەنگ و هاوهەڵویست پشتیوانی بکەن لە دەنگ و داخوازیی مانگرتوان لە پێناو سەرکەوتن بە سەر دیکتاتۆر و پێشێلکەرانی مافەکانی مرۆڤ، ئێمەی کورد پێویستە چیتر بێدەنگ دانەمێنین و شاهێدی مەرگی خوشک و برایانمان نەبین کە لە پێناو وەدەست خستنی سەرتاییترین مافی مرۆڤ زیاد لە ٥٢ ڕۆژە بە برسێتی سەر دەنێنە سەر سەرین، لەم پێناوە دا دەبێ کوردان سنووری جیاوازی بیر و بۆچوونی سیاسی و خەت و ڕێبازەکان وەلابنێن و کوردانە بڕواننە دۆزی ڕەوای نەتەوەی گەورەی کورد و سەرکەوتنی نەتەوەکەمان لە هەر کام لە پارچەکان بە سەرکەوتنی سەرجەم نەتەوەی کورد و شکست و نەهامەتییەکانی بە تێکشکانی نەتەوەی گەورەی کورد بزانن، وەک چۆن دوژمنان لە کوشتن و زیندانی و ڕاونان و دەرکردن دا، لە سوتاندن و کیمیا باران و ڕووخاندن و کوێرکردنەوەی کانیاوەکان دا بێ ڕەحمانە و بە یەک چاو دەڕواننە سەرجەم نەتەوەی کورد و کۆمەڵگای خەڵکی کوردستان و وڵاتی داگیرکراومان، پێویستە ئێمەی کوردیش لە دوژمنەکانمانەوە فێری یەکگرتن و هاوهەڵوێستی و پارێزگاری کردن لە یەکتری بین، لە کاتە هەستیارەکان و لە پێناو سەرکەوتن بەسەر داگیرکەران دا پێویستە بیروباوەڕی سیاسی و خەت و ڕیبازەکان وەلابنێین و کوردایەتی و کورد بوون و خزمەت کردن بە کوردستان و نەتەوەکەمان بکەین بە بنەمای سیاسەتی کوردانەمان لە پێناو ئازادی کوردستان و نەتەوەی گەورەی کورد دا.
سەرکەوێ خەباتی ڕزگاریخوازی نەتەوەی گەورەی کورد
ئازاد و ئاوەدان بێت کوردستان
ئەنجومەنی سەرۆکایەتی
پارتی ئازادی و دێمۆکراسی کوردستان
٢٠ی خاکەلێوەی ٢٧١٢
هه‌ولێر 8ی نیسان/ ئه‌پرێل (PNA)-
سه‌رۆكی هه‌رێمی كوردستان، مه‌سعوود بارزانی، وێڕای ئاشكراكردنی به‌رنامه و پلانێكی سه‌ركرده سه‌ربازییه‌كانی سوپای عێراق كه نووری مالیكی سه‌رپه‌رشتیی ده‌كات، ڕایگه‌یاند "زانیاریی وردم لایه كه له كۆبوونه‌وه‌یاندا باس كراوه كه به فڕۆكه‌ی (ئێف 16) و تانك و زریپۆش كورد له هه‌ولێر وه‌ده‌ر ده‌نێن. جارێكی دیكه ده‌ڵێم ئه‌مه به ئاماده‌ییی مالیكی بووه و ئه‌و هه‌ڕه‌شه مه‌ترسیداره‌ی ئاماده‌بووانی كۆبوونه‌وه‌كه‌ی ڕه‌ت نه‌كردووه‌ته‌وه. هه‌ر له‌به‌ر ئه‌مه ده‌بێ سنوور بۆ ئه‌مه دابنرێ، سنوور بۆ ئه‌و هه‌وڵه ترسناكانه دابنرێ دیكتاتۆرییه‌ت بینا نه‌كرێته‌وه."
سه‌رۆك بارزانی، به ڕۆژنامه‌ی حه‌یاتی له‌نده‌نی ڕاگه‌یاندووه كه دوای گه‌ڕانه‌وه‌ی بۆ كوردستان، كۆبوونه‌وه‌یه‌كی به په‌له بۆ سه‌ركرده‌كانی عێراق ڕێك ده‌خه‌ن، به‌َڵكو كۆتایی به كێشه هه‌نوكه‌ییه‌كانی گۆڕه‌پانی سیاسیی عێراق بهێنرێت، دوور له هه‌ر موجامه‌له‌یه‌ك. "له ئه‌گه‌ری ڕه‌تكردنه‌وه‌یشی له لایه‌ن مالیكییه‌وه یان به‌ده‌نگه‌وه نه‌هاتنی، ئێمه‌یش له‌به‌رانبه‌ردا ئه‌و وه‌ك سه‌رۆكوه‌زیرانی عێراق ڕه‌ت ده‌كه‌ینه‌وه."
سه‌رۆكی هه‌رێمی كوردستان له‌باره‌ی بابه‌تگه‌لی پێوه‌ست به قه‌یرانی عێراق و هه‌رێمایه‌تییه‌وه ڕایگه‌یاندووه كه به‌ر له سێ ڕۆژ، سه‌رۆكی حكوومه‌تی هه‌رێمی كوردستان، نێچیرڤان بارزانیی بۆ ئێران ناردووه تاكوو كێشه‌ی عێراق بخاته به‌ر باس. هه‌روه‌ها ده‌ڵێت ئه‌و له‌باره‌ی مافه‌كانی كورده‌وه، له‌گه‌ڵ ئۆپۆزسیۆنی سووریادا نه‌گه‌یشتووه به به‌ره‌نجامێكی ڕوون.
له‌و دیداره‌یدا كه ئه‌مڕۆِ بلاَو بووه‌ته‌وه، بارزانی ده‌ڵێت كه "بۆ ئه‌مه‌ریكاییه‌كان به وردی دیت و تێڕوانینی خۆمانمان خستووه‌ته ڕوو، به‌لامه‌وه زۆر گرنگه كه ناسنامه‌ی عێراق بزانم و كام عێراقیه كه ئه‌مه‌ریكاییه‌كان ده‌یانه‌وێت مامه‌ڵه‌ی له‌گه‌ڵدا بكه‌ن؟ هه‌ڵوێستیان له‌به‌رانبه‌ر هه‌رێمی كوردستاندا چییه، به‌مه‌یش گه‌یشتم به‌و به‌ره‌نجامه‌ی كه دڵنیابم له‌وه‌ی پابه‌ندبوونی ئه‌مه‌ریكا به عێراقێكی دیموكراتی فره‌یی و فیدڕاڵه. ئه‌وان (ئه‌مه‌ریكاییه‌كان) جه‌ختیان له پابه‌ندبوون به كوردستان و گه‌لی كوردستان كرده‌وه، ئه‌مه‌یش به لای منه‌وه بابه‌تێكی گرنگه."
مه‌سعوود بارزانی، به‌رده‌وام ده‌بێت و وه‌ها بۆ ڕۆژنامه‌ی ئه‌لحه‌یات ده‌گێڕێته‌وه كه پێشنیازی كردووه بۆ ئه‌مه‌ریكاییه‌كان كه دۆخی ئێستای عێراق گوزارشت له هه‌بوونی قه‌یران ده‌كات، به‌و واتایه‌ی كه ڕه‌گیان داكوتاوه، پێویسته چاره بكرێت. بۆ چاره‌كردنیشی پێویسته دۆستانی عێراق پشتیوانی بن، نه‌ك چاوه‌ڕێ بن له ئه‌مه‌ریكا یان هه‌ر ولاَتێكی دیكه بێت و چاره‌یه‌كی بۆ بدۆزێته‌وه. "له‌به‌ر ئه‌وه من پێشنیازم كرد كه بۆ ده‌ربازكردنی ولاَت له‌م قه‌یرانه سه‌ركرده‌كانی عێراق كۆ ببنه‌وه، یان چاكسازیی دۆخه‌كه یانیش په‌نابردنه به‌ر ڕێگه‌چاره‌ی دیكه. چونكه مانه‌وه‌ی دۆخه‌كه به‌م شێوه‌یه‌ی ئێستای، شێوازی ئێمه نییه. عێراق به‌ره‌و كاره‌سات ده‌چێت، ده‌گه‌ڕێته‌وه بۆ دیكتاتۆرییه‌ت، ده‌ستگرتن به هه‌موو جومگه‌كانی ده‌سته‌لاَته‌كانه‌وه. به‌مه‌یش هه‌مووان په‌راوێز ده‌خرێن، سیسته‌می نوێ له عێراقدا له‌سه‌ر ده‌ستی كه‌سیك هه‌ره‌س ده‌هێنێت و ئه‌وه‌یش ده‌مێنێته‌وه له‌ژێر سایه‌ی به‌خششه‌كانی سه‌رۆكی نوێدا ده‌ژی. ئه‌م نۆرمه‌یش له حوكمداری قبووڵ ناكرێت و شتێكی نه‌بووه. هه‌موومان تێكۆشاوین، هه‌موو عێراقییه‌كان تێكۆشاون و هێزه سیاسییه‌كان دژبه دیكتاتۆرییه‌ت و سه‌ددام حوسێن وه‌ستانه‌وه و قوربانیی زۆریان دا، به هیچ كلۆجێك نایشبێت ده‌ست به ده‌سته‌لاَته‌وه بگیرێت."
بارزانی جه‌خت ده‌كاته‌وه كه هه‌ر به گه‌ڕانه‌وه‌ی بۆ كوردستان، له هه‌ولێر بێت یان جێگه‌یه‌كی دی، له هه‌وڵی كۆكردنه‌وه‌ی سه‌ركرده‌كانی عێراقدا ده‌بێت و پێویسته به‌رپرسیارانه له دۆخی ئێستا بكۆڵرێته‌وه، نه‌ك موجامه‌له هه‌بێت و ناشبێت چاره‌یه‌كی كاتی و سڕكردنی كێشه‌كان پێڕۆ بكرێت، یان چاره‌یه‌كی ڕیشه‌یی و قووڵ، یانیش هه‌ریه‌كێك ڕێگه‌ی خۆی ده‌زانێت. ده‌بێت واده‌یه‌كی كورتخایه‌ن بۆ چاره‌ی كێشه‌كان دیاری بكرێت. "له ڕاستیدا ئێمه له به‌ڵێن و دیدار و كۆبوونه‌وه‌كان ماندوو بووین، ده‌بێت كۆبوونه‌وه‌ی ئه‌مجاره جیددی و یه‌كلاكه‌ره‌وه بێت، ئه‌گه‌ر وه‌لاَمیش بۆ ئه‌مه نه‌بێت، قسه‌یه‌كی دیكه‌مان ده‌بێت."
هاوكات له ئه‌گه‌ری ئه‌وه‌یشدا كه نووری مالیكی، كۆبوونه‌وه‌ی مه‌رجدار ڕه‌ت بكاته‌وه، بارزانی ڕایگه‌یاند "كۆبوونه‌وه ته‌نیا بۆ كۆبوونه‌وه نییه، به‌ڵكو بۆ چاره‌كردنی كێشه‌كانه، ئه‌گه‌ر هاتوو مالیكی كۆبوونه‌وه‌ی ڕه‌ت كرده‌وه ئه‌وا ئێمه‌یش ڕه‌تی ده‌كه‌ینه‌وه ئه‌و له حوكمدا بمێنێته‌وه. ده‌بێت ڕاشكاو بین؛ یان چاره‌كردنی دۆخه‌كه یانیش به‌ره‌وڕووبوونه‌وه‌ی دۆخێك كه مایه‌ی قبووڵكردن نییه كه كه‌سێك ده‌ست به‌سه‌ر كۆی جومگه‌كانی ده‌وڵه‌تدا بگرێت و به ویستی خۆی هه‌ڵسوكه‌وت بكات، ئه‌وانی دی په‌راوێز بخات، وه‌ك سه‌رۆكوه‌زیرانیش بمێنێته‌وه، ئه‌مه به هیچ كلۆجێك قبووڵ ناكرێت."
له‌باره‌ی ئه‌وه‌یشه‌وه كه كێ له‌م ده‌ستبه‌رسه‌رداگرتنی ده‌سته‌لاَته‌وه له لایه‌ن مالیكییه‌وه به‌رپرسه، بارزانی سه‌رباری ئه‌وه‌ی كه هێزه‌كانی دیكه‌ی گۆڕه‌پانی سیاسیی عێراقی تۆمه‌تبار كرد، ڕایگه‌یاند "هێزه‌كان له مالیكی زیاتر به‌رپرسیاره‌تیی دۆخه‌كه‌یان له ئه‌ستۆیه. ئه‌وان (هێزه‌كان) بێده‌نگ بوون و مالیكیش هێدی هێدی چاوی له ده‌سته‌لاَت ده‌بڕی، ئه‌وان به شتی دییه‌وه سه‌رقاڵ بوون تاكوو دۆخه‌كه به‌م ڕۆژگاره‌ی گه‌یشت. ئێستا ئه‌و سه‌رۆكوه‌زیرانه، سه‌رۆكی گشتیی هێزه چه‌كداره‌كانه، حاكمی گشتیی سه‌ربازییه، وه‌زیری به‌رگرییه، وه‌زیری ناوخۆیه، به‌ڕێوه‌به‌ری موخابه‌راته، دواجاریش داوای له سه‌رۆكی به‌نكی نێوه‌ندی كردووه كه دامه‌زراوه‌كه‌ی ڕاسته‌وخۆ سه‌ر به سه‌رۆكایه‌تیی ئه‌نجوومه‌نی وه‌زیران بێت. چ له ده‌سته‌لاَته‌كان ماوه‌ته‌وه ئه‌و چاوی تێ نه‌بڕیبێت، ئه‌ی دیكتاتۆرییه‌ت چۆن ده‌بێت؟"
سه‌رۆك بارزانی، زیاتر ڕوونی كرده‌وه "ده‌ستوور ڕێی داوه 5 تا شه‌ش فیرقه‌ی سه‌ربازی هه‌بێت و هه‌ر سه‌رۆك فیرقه‌یه‌كیش ده‌بێت متمانه‌ی په‌رله‌مان به‌ده‌ست بهێنێت، به‌لاَم له جیاتی شه‌ش ئێستا شازده فیرقه هه‌ن، ئه‌مه جگه له هێزی تایبه‌ت كه هه‌ر هه‌موویشیان سه‌ر به سه‌رۆكی گشتیی هێزه چه‌كداره‌كانه، یان سه‌ر به مالیكین كه هاوكات سه‌رپه‌رشتیی سوپایش ده‌كات، نه‌ك سه‌ر به وه‌زاره‌تی به‌رگری و سه‌رۆك ئه‌ركان و هیچ به‌رپرسێكی دیكه‌ی سه‌ربازییش، ته‌نیا نووسینگه‌ی سه‌رۆكی گشتی نه‌بێت (مالیكی). با له په‌رله‌مان بپرسین ئه‌رێ هیچ یه‌ك له سه‌رۆكی فیرقه‌كان به‌پێی ده‌ستوور كه به‌ده‌ستهێنانی متمانه‌ی په‌رله‌مانه، دامه‌زراون؟ چ پێشێلكردنێك له‌مه زیاتر بۆ ده‌ستوور هه‌یه؟ مه‌ترسیدارتر له‌مه بیناكردنی سوپایه‌كه كه ته‌نیا سۆز(وه‌لا)ـیان بۆ ته‌نیا كه‌سێك هه‌بێت، ئه‌مه كاره‌ساته، له نێو سوپادا هه‌ن وه‌ها بیر ده‌كه‌نه‌وه كه له كاتی ده‌ستڕاگه‌یشتن به چه‌كی نوێ و سه‌رده‌می، ئامانجیان وه‌ده‌رنانی كورده له هه‌ولێر و سه‌لاَحه‌ددین، ئه‌مه له كۆبوونه‌وه‌یه‌كی سه‌ركردایه‌تیی گشتیی سوپادا كه مالیكی تێیدا ئاماده بووه، باس كراوه."
بارزانی زیاتر له باره‌ی به‌رنامه و پلانی ئه‌وانه‌وه ڕایگه‌یاند كه "زانیاریی وردم لایه كه له‌و كۆبوونه‌وه‌یه‌دا باس كراوه كه به فڕۆكه‌ی (ئێف 16) و تانك و زریپۆش، كورد له هه‌ولێر وه‌ده‌ر ده‌نێن. جارێكی دیكه ده‌ڵێم ئه‌مه به ئاماده‌ییی مالیكی بووه و ئه‌و هه‌ڕه‌شه مه‌ترسیداره‌ی ئاماده‌بووانی كۆبوونه‌وه‌كه‌ی ڕه‌ت نه‌كردووه‌ته‌وه. هه‌ر له‌به‌ر ئه‌مه ده‌بێ سنوور بۆ ئه‌مه دابنرێ، سنوور بۆ ئه‌و هه‌وڵه ترسناكانه دابنرێ دیكتاتۆرییه‌ت بینا نه‌كرێته‌وه."
پاشماوه‌ی دیمانه‌كه له ماوه‌یه‌كی دیكه‌دا بلاَو ده‌كه‌ینه‌وه.
کۆماریخواز، ناوەندی هەوال: کاتژمێر2:30 دقیقەی دوای نیوه‌ڕۆی 7/04/2012، له‌به‌رده‌م باڵوێزخانه‌ی عێراق له شاری دانهاخی وڵاتی هۆڵه‌ندا ئاکسیۆنێک بۆ ده‌ربڕینی ناڕەزایەتی دژ هەڵسوکەوتی دەوڵەتی عێراق لە بەرانبەر هەرێمی کوردستان، سه‌رکوتکردنی ئازادیی ڕا ده‌ربڕين و کاری رۆژنامه‌وانی لە عێراق بەڕێوەچوو.
ئاکسیۆنەکە لەپاش په‌لاماردانی نایاسایی باره‌گای رۆژنامه‌ی "طريق الشعب" و هه‌روه‌ها ئه‌و گوشار و لێدوانانەی که به‌رامبه‌ر بە هه‌رێمی کوردستان لە لایان کاربەدەستانی دەوڵەتی ناوەندییەوە لە ئارادایە، له لایه‌ن لێژنه‌ی هاواهه‌نگی نێوان هێز و که‌سایه‌تییه‌کانی "ره‌وتی دیمۆ‌کراتی عێراقی له هۆڵه‌ندا"، ڕێکخرابوو.
له‌سه‌ر داوای رێکخەرانی ئاکسیۆنه‌که شاندێکی پارتی ئازادیی کوردستان به‌شداریی لە خۆپیشاندانه‌کەدا کرد و ئاماده‌یی خۆیان ده‌ربڕی بۆ هه‌ر چه‌شنه هاوکاری و پشتیوانییه‌ک له ئازادیی ده‌ربڕين و رۆژنامه‌وانی و بە تایبەت ئەو گوشارانەی لە لایان دەوڵەتی عێراقەوە به‌رامبه‌ر هه‌رێمی کوردستان دەکرێ و پشتیوانیی تەواوی پارتی ئازادیی کوردستانیان بۆ حکوومەتی کوردستان دووپات کردەوە.
شایانی باسه ژمارەیەک لە کوردانی دانیشتووی هۆڵه‌ندا به‌شدارییان لەو خۆپیشاندانه‌دا کرد.
پارتی ئازادیی کوردستان
کۆمیته‌ی رێکخستنی هوله‌ند
21 خاکه‌لێوه‌ی 2712
9 ئاپریل 2012
- داواکاری گشتیی کرماشان: لێکۆڵینەوە لەبارەی لێدانی قوتابیان دەکەین
- هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد
- گفتوگۆكانی ئێران و ئەمریكا لە عومان دوای دو کاتژمێر کۆتایی هات
- ئێران شەڕو دانوستانی ناڕاستەوخۆی پێ باشە!
- داواکارییەکانی ئێران و ئەمریکا لەیەکتریی چیە؟
- وەزیری بەرگریی ئیسرائیل هۆشداری دەداتە ئەحمەد شەرع
- وادەی هێرشی ئەمریکا بۆ سەر ئێران ئاشکرا کرا
- دەستووری کاتی سوریا نیگەرانی لایەن کوردییەکان و چاودێرانی لێدەکەوێتەوە
- بارودۆخی نالەباری ئابووریی ئێران پێدەچێت کۆماری ئیسلامی ناچار بکات لەگەڵ سەرۆک ترامپ ڕێککەوتن بکات
- عڕاقچی: هێشتا نامەکەی ترەمپ بە دەستمان نەگەیشتووە
- وەزیری دەرەوەی ئێران دەڵێت بڕیارە نامەکەی ترامپ لە لایەن نێردراوێکی وڵاتێکی عەرەبیەوە بگەیەنرێتە تاران
- مەزڵوم عەبدی و ئەحمەد ئەلشەرع بە ڕێکەوتن دەگەن
- 8ی مارس.. شۆڕشێك لەپێناو مافی ژنان
- سری سورەییا ئۆندەر: باخچهلی پێی گوتم، ڕۆژێک دێت پێکەوە هەڵپەڕکێی ئاشتیی دەکەین
- حكوومه‌تی ئێران : له‌گه‌ڵ ئهورووپا درێژه به گفتوگۆ ئهتۆمییهكان دهدهین
- عەلی باپیر، سەرۆکی کۆمەڵی دادگەری کوردستان سەبارەت بە پەیامی ئۆجەلان"هیوادارم هەردوولا بە کردەوە بەدەم بانگەوازەکەوە بچن."
- ئەمینداری گشتیی یەکگرتوو پەیامی ئۆجەلان "پەیامێکی پڕ لە بەرپرسیاریەتی و بایەخ و واقعیەتە"
- سەرۆك بافڵ جەلال تاڵەبانی: پێشوازی لە پەیامەکەی بەڕێز عـ.ـەبدوڵا ئـ.ـۆجەلان دەکەین
- سەرۆک بارزانی: هیوادارین پەیامەکەی ئۆجەلان دەستپێکێک بێت بۆ ئەوەی پڕۆسەی ئاشتی رێی خۆی بگرێت
- زەینەب جەلالیان لە 17هەمین ساڵی زیندانیکردنیدا لە ناو زیندانەوە باس لە ئازارەکانی دەکات
- بزووتنەوەی کۆماریخوازانی ڕۆژهەڵاتی کوردستان ٢ی ڕێبەندان، ٧٩هەمین سالرۆژی دامەزرانی یەکەم کۆماری کوردستان، لە نەتەوەی کورد پیرۆزدەکات
- پەیامی پیرۆزبایی کۆماریخوازان بۆ بەرێز مەسعوود پزیشکیان
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
