^{پەرلەمانتارێكی پارتی داد و گەشەپێفدان (ئاكەپە) ئاماژە بەوە دەكات نە توركیا و نە بارزانی داوای خاك لە یەكتری ناكەن، بۆیەش دەوڵەتی كوردستان بۆ توركیا نابێتە كێشە و ھەڵوێستەكانی بارزانیش بۆ ئاییندەی پەیوەندییەكانی نێوان ھەولێر و ئەنقەرە گرنگن.}

^{ئۆڕھان ئاتالایی پەرلەمانتاری ئاكەپە بە كوردستان24 گوت: "ئێمە وەك پارتی دەسەڵاتداری توركیا، باوەڕمان وایە دروستبوونی دەوڵەتی كوردستان مەترسی نابێت بۆ سەر ناوچەكە و توركیا، بە پێچەوانەوە لەو بڕوایەدام دوای راگەیاندنی دەوڵەتی كوردستان، پەیوەندییە سیاسی و ئابوورییەكانی نێوان ھەولێر و ئەنقەرە پتەوتر دەبێت".}

^{https://youtu.be/CelQ8CgHDv0}

^1/7/2017

^{بەھۆی پشتیوانیان بۆ ئەنجامدانی ریفراندۆم و سەربەخۆیی کوردستان، ماوەی چەند رۆژێکە کوردانی فەیلی لە بەغدا و چەند ناوچەیەکی عێراق  دووچاری ھەڕەشە بوونەتەوە، ھۆزە عەشایەرەکانی کوردانی فەیلی لە بەغدا لەھەوڵی دروستکردنی ھێزێکی 500 کەسی خۆبەخشدان بۆ پاراستنی خۆیان، راشی دەگەیەنن "ھەڕەشەکان نامانترسێنێت و ئێمە بەردەوامین لە پشتیوانیکردنی ریفراندۆم بۆ سەربەخۆیی کوردستان".}

^{https://youtu.be/4MAp8TSHNrk}

^1/7/2017

^{دەسەڵاتی دادوەری ئێران هۆشداری دەدات لە ئەگەری سەرهەڵدانی فیتنە و پشێوی و هەڕەشەی روبەڕوو بوونەوەی توندیش لەو کەسانە دەکات کە لە هەوڵی تێکدانی ئاسایشی ناوخۆيی ئێرانن.}

^{غوڵام حوسێن موحسێنی ئێژەیی گوتەبێژی دەسەڵاتی دادوەری ئێران، لە گوتاری نوێژی هەینی تاران رایگەیاند، هێرشکردنەسەر سوپای پاسداران و رێکخراوی بەسیج و دەسەڵاتی دادوەری لە لایەن ژمارەیەک لە بەرپرسانەوە، مەترسی سەرهەڵدانی فیتنە و پشێوی لێدەکەوێتەوە.}

^{ئێژەیی بە ئاماژە بە ئەبولحەسەن بەنی سەدر یەکەمین سەرۆک کۆماری ئێران، رایگەیاند، چارەنووسی ئەو کەسانەی دەنگی خەڵک بۆ هێرشکردنەسەر دامەزراوەکانی ‌دیکە بەکاردەهێنن، چارەنووسیاڤ وەكو بەنی سەدر دەبێت.}

^{ئەو لێدوانەی وتەبێژی دەسەڵاتی دادوەری ئێران، ئاماژەیەکە بۆ ناکۆکییەکانی نێوان ‌حەسەن روحانی سەرۆک کۆماری ئێران و سوپای پاسداران کە لە ماوەی رابردوودا بە توندی هێرشیان کردبووە سەر سیاسەتەکانی یەکتر.}

^1/7/2017

^{گوتەبێژی وەزارەتی دەرەوەی ئەمریکا نوێترین هەڵوێستی وڵاتەکەی لەبارەی گشتپرسی کوردستان خستەڕوو و رایگەیاند: "کاتێک عێراق سەقامگیر بوو، ئەگەر کورد بڕیاریدا گشتپرسی بکات ئەوە پرسێکی ناوخۆیی عێراق دەبێت".}

^{هێزەر نۆرێت ، گوتەبێژی وەزارەتی دەرەوەی ئەمریکا لە وەڵامی تۆڕی میدیایی رووداو سەبارەت بە هەڵوێستی وڵاتەکەی لەبارەی وتارەکەی مەسعود بارزانی ، سەرۆکی هەرێمی کوردستان لە رۆژنامەی واشنتن پۆست ، رایگەیاند: "‎شه‌ڕ دژی داعش به‌رده‌وامه‌‫.‬ ئه‌وه‌ یه‌كه‌م ئه‌وله‌ویاتی ئه‌مریكا ده‌بێت و ره‌نگه‌ یه‌كه‌م ئه‌وله‌ویاتی عێراقیش بێت له‌م كاته‌دا‫.‬ پاڵپشتی لە هاوبه‌شێتیمان له‌گه‌ڵ حكومه‌تی عێراق ده‌كه‌ین‫".‬}

^{گوتەبێژی وەزارەتی دەرەوەی ئەمریکا هەروەها گوتی: "ده‌مانه‌وێت تەنیا سەرنج بخرێتە سه‌ر داعش‫. ژماره‌یه‌كی زۆر زۆر عێراقی ماڵه‌كه‌یان جێهێشتووه‌ به‌هۆی داعش و ئه‌و شته‌ تۆقێنه‌رانه‌وه‌ كه‌ له‌ وڵاته‌كه‌ ئه‌نجامیانداوه‌‫.‬ ده‌مانه‌وێت داعش نه‌مێنێت و، كاتێك عێراق سه‌قامگیربوو و خه‌ڵكی گه‌ڕایه‌وه‌ ماڵه‌كانی خۆیان، ئه‌گه‌ر عێراق بڕیاریدا، ئه‌گه‌ر كورد بڕیاریدا گشتپرسی‌ بكات، ئه‌وه‌ پرسێکی ناوخۆیی عێراقی ده‌بێت"‫.}

^{مەسعود بارزانی ، سەرۆکی هەرێمی کوردستان لە بابەتێکدا کە لە رۆژنامەی واشنتن پۆستی ئەمریکی بڵاویکردووەتەوە، دەڵێت: "کاتی هاتووە کورد بڕیار لەبارەی سەربەخۆیی خۆی بدات". داواش لە ئەمریکا و کۆمەڵگەی نێودەوڵەتی دەکات رێز لە بڕیاری گەلی کورد بگرن.}

^30/6/2017

^{گرتنەوەی ئاوی زێی بچووک لەلایەن ئێرانەوە، کاریگەری نەرێنی لەسەر سنووری راپەڕین و سلێمانی دروستکردووە، بەجۆرێک رێژەی 70%ـی ئەو ئاوەی دەڕژێتە دووکان کەمی کردووە.}

^{بەکر بایز، قایمقامی قەزای پشدەر بە تۆڕی میدیایی رووداوی راگەیاند "ئەو بەنداوەی ئێران لەدیوی رۆژھەڵاتەوە لەسەر زێی بچووک دروستی دەکات، قەبارەی 800 ملیۆن مەترسێجا ئاو دەگرێت و، کاریگەری نەرێنی لەسەر سنوورەکەمان دروستکردووە".}

^{نزیکەی 95%ـی ئاوی خواردنەوەی قەڵادزی، لە زێی بچووکەوە دابیندەکرێت، لەئەگەری گرتنەوەی سەرچاوەی ئاوەکەش لەلایەن ئێرانەوە، قەیرانێکی گەورەی بێئاوی روو لە ناوچەکە دەکات. گرتنەوەی ئاوەکە لەسەر ئاستی کشتووکاڵی کێشەی بۆ پرۆسەی ئاودێری و کشتووکاڵ و پرۆژەکانی بەخێوکردنی ماسی دروستکردووە.}

^{بەکر بایز هەروەها دەڵێ "بەھۆی ئەوەی ئاستی ئاوی زێی بچووک دابەزیوە، ئاستی ئاوی بناوان و بیرە کشتووکاڵییەکانیش دابەزیون، ناتوانرێت ئاوی پێویست بۆ کشتووکاڵ دابین بکرێت".}

^{لە رووی ژینگەییەوە گرتنەوەی ئاوەکە زیانی زۆری هەبووە، بەجۆرێک قایمقامی پشدەر دەڵێ "ئاوەکە لەناکاو گیرایەوە، بەهۆیەوە ماسیەکی یەکجار زۆر لەنێوچوون، یان لەلایەن ماسیگرەکانەوە راوکران".}

^{گرتنەوەی ئاوی زێی بچووک لەڕووی سامانی ئاویش کاریگەری هەبووە، بەهۆیەوە ئاوی دووکان کەمیکردووە، لە داهاتووشدا کاریگەری لەسەر ئاوی خواردنەوەی سلێمانی دەبێت، بەھۆی ئەوەی ئاوی دووکان سەرچاوەی ئاوی خواردنەوەی سلێمانیشە".}

^{حکومەتی ئێران لەسەر زێی بچووک و لە خوار گوندی کۆلسەوە بەنداوێکی 117 مەتر بەرزی دروستکردووە، کە دەکەوێتە بەشی رۆژئاوای شاری سەردەشت و، بەدوری 20 کم لە سنووری عێراق - ئێران ھەڵکەوتووە.}

^{بەنداوەکە بەمەبەستی برەودان بە کشتووکاڵ و بەرھەمھێنانی 150 میگاوات کارەبا دروستکراوە، نزیکەی 11 ساڵە کاری تێدادەکرێت و، لە دوو ساڵی داھاتووشدا کۆتایی بەکارەکانی دێت و، بەتەواوەتی دەکەوێتە کار.}

^{تاوەکو بەنداوی کۆلسە پڕدەبێت، 75%ـی ئاوی ناوچەکانی پشدەر کەمدەکات، لە کاتی پڕبوونیشی تەنھا 25%ـی ئاوەکە کەم دەکات.}

^1/7/2017