<sup>بەرپرسێكی عێراقی رایگەیاند، چەكدارانی داعش ئەمڕۆ لە دوو قۆڵەوە هێرشیان بۆ سەر ناوچەی عامرییەی فەللوجە لە نێوان شارۆچكەی فەللوجە و بەغدای پایتەختی عێراق دەستپێكرد.

شاكر عیساوی، بەڕێوەبەری شارەدێی عامرییەی فەللوجە رایگەیاند: "چەكدارانی داعش ئەمڕۆ لە دوو قۆڵەوە هێرشیان بۆ سەر شارەدێی عامرییەی فەللوجە لە باشووری شارۆچكەی فەللوجە دەستپێكرد، ئێستا شەڕێكی سەخت لە نێوان داعش و هێزە ئەمنییەكانی بەرگریكار لە شارەدێكەوە هەیە". گوتیشی: "چەكدارانی داعش لەو هێرشەدا تانك و چەكی قورس بەكاردەهێنن".

هاوكات ماوەی چەند رۆژێكە سوپای عێراق و خۆبەخشانی شیعە بەردەوامن لە هێرشكردنە سەر چەكدارانی داعش لە شاری تكریت و ناوەندی پارێزگای سەڵاحەدین و شارۆچكەی بێجی لە پارێزگاكە، بەپێی وەزارەتی بەرگری عێراق سوپا لە سەڵاحەدین لە پێشرەویدایە.

شارەدێی عامرییەی فەللوجە نزیكەی ٣٠ كلم لە رۆژئاوای فرۆكەخانەی نێودەوڵەتی بەغداوە دوورە و ماوەی زۆرتر لە پێنج رۆژە چەكدارانی داعش شارەدێكەیان گەمارۆداوە، لەو دەمەی عامرییەی فەللوجە تەنها ٢٣ كلم لە شارۆچكەی فەللوجەوە دوورە، كە داعش لە سەرەتای ساڵی ٢٠١٤ بە تەواوی كۆنترۆڵی كردووە.

هاوكات بەپێی بەرپرسانی پارێزگای ئەنبار لە رۆژئاوای عێراق چەكدارانی داعش ئێستا زۆرتر لە ٨٠%ی رووبەری پارێزگاكەیان كۆنترۆڵكردووە و هەڕەشە لە سەربازگەی عەین ئەسەد دەكەن كە گەورەترین سەربازگەی سوپای عێراقە لە رۆژئاوای ئەو وڵاتە.</sup>

^22/10/2014

<sup>عەبدوڵڵا ئۆجەلان، رێبەری زیندانیكراوی پارتی كرێكارانی كوردستان دەڵێت، پڕۆسەی ئاشتی لە 15ی تشرینی یەكەمەوە چووەتە قۆناغێكی نوێوە و ئاماژە بەوە دەكات، كە ئومێدی بە سەركەوتنی پڕۆسەكە پەیداكردووە.

دوای گەڕانەوەیان لە ئیمرالی، شاندی پارتی دیموكراتی گەلان HDP راگەیەندراوێكی نووسراویان لەبارەی دیداریان لەگەڵ ئۆجەلان بڵاوكردەوە.

لە كۆبوونەوەكەدا ئۆجەلان گوتوویەتی: "لە 15 ی تشرینی یەكەمەوە ئومێدێكی كردەییمان بە سەركەوتنی پڕۆسەی ئاشتی بەدەستهێناوە، ئەو ئومێدەی پەیدامان كردووەتەوە بەبێ ئەوەی كات لە دەست بدرێ بگاتە ئەنجام، ئەمەش بەرپرسیارێتی مێژووییە بەرامبەر گەلەكانمان".

ئۆجەلان لەبارەی ئەو رووداوانەی بەهۆی هێرشی داعش بۆ سەر كۆبانێ لە زۆربەی شارەكانی توركیا  و باكووری كوردستان كەوتنەوە، گوتی: "پێویستە لایەنەكان وانە لەو رووداوانە وەربگرن و پەلە بكرێ لە رێككەوتن لەسەر ئەو پڕۆسەیە و خێرا بكرێت".

پەروین بوڵدان، سەرۆكی گروپی پەرلەمانتارانی HDP كە یەكێك بوو لە ئەندامانی شاندەكە ئاشكرایكرد: "لەمەودوا سكرتارییەتێك بۆ ئۆجەلان دروستدەكرێت كە لە دوو كەس پێكدێ، لەمەودوا لەگەڵ سكرتارییەتەكە دەچینە ئیمرالی".</sup>

^22/10/2014

<sup>سەرۆککۆماری ئێران لە دیدارێکدا لەگەڵ سەرۆکوەزیرانی عێراق رایگەیاند،" کۆماری ئیسلامی ئێران هەر وەک چۆن لە رۆژی یەکەمەوە لە پەنای گەل و سوپای عێراق پشتیوانی لە شەڕ و بەرنگاربوونەوەیان لەگەڵ داعش کردووە، تا دوا ساتەکانیش لەگەڵیان دەمێنێتەوە و سڵ لە هیچ یارمەتییەک بۆ حکومەتی عێراق ناکاتەوە".

درەنگانێکی شەوی رابردوو حەیدەر عەبادی بە سەردانێک گەیشتە تارانی پایتەختی ئێران و لەلایەن جەهانگیری جێگری یەکەمی سەرۆککۆماری ئێران پێشوازی لێکرا.

حەسەن رۆحانی لە دیدارەکەدا رەخنەی تووندی لە بەدواداچوونی چۆنیەتی گەیشتنی یارمەتییەکان بۆ گرووپی داعش گرت، وێڕای بڕیاری ئەنجوومەنی ئاسایشی نەتەوە یەکگرتووەکان لە دژی ئەو گرووپە، رۆحانی گوتی،" ئەوانەی درووشمی شەڕ لەگەڵ تیرۆریزم دەدەن و ئەو کەسانەی کە هاوپەیمانییان پێکهێناوە لە دژی ئەو گرووپە، دەبێت هەنگاوی یەکەمیان هەوڵدان بێت بۆ ئەوەی یارمەتییە داراییەکانی ئەو گرووپە تیرۆریستییە ببڕدرێن".

رۆحانی بۆردومانی ئاسمانی بنكەکانی داعشی لەلایەن هاوپەیمانانەوە لە درێژمەودادا بە بەرژەوەندی ئەو گرووپە زانی و گوتی،" تیرۆریستەکان خۆیان بە زوڵم لێکراو نیشاندەدەن و  سۆزی گەنجان بۆخۆیان رادەکێشن، ئەوەش دەبێتە هۆی ئەوەی گەنجی زۆرتر ببەنە ریزەکانی خۆیان و بەو شێوەیە درێژە بە مانەوەیان دەدەن".

سەرۆککۆماری ئێران ئاماژەی بە پەیوەندییە ئابوورییەکانی نێوان هەردوو وڵات کرد و ئومێدەواری خۆی دەربڕی بۆ ئەوەی کە" تاوەکو کۆتایی ساڵی 2015 ئاڵوگۆڕی بازرگانی لە نێوان هەردوو وڵات بگاتە 30 ملیار دۆلار."

لەبەرامبەردا سەرۆکوەزیرانی عێراق وێڕای سوپاس و دەستخۆشی لە سەرۆککۆماری ئێران بۆ ئەو یارمەتییانەی پێشکەش بە حکومەت و گەلی عێراقیان کردووە، تیشکی خستە سەربوونی هێزەکانی موجاهیدینی خەلق لە عێراق کە نەیاری رژیمی ئێرانن و گوتی،" ئەندامانی گرووپی تیرۆریستی موجاهیدینی خەلق دەستیان هەبووە لە تاوان دژی هەردوو وڵاتی عێراق و ئێران و بەرپرسیاریەتی دەکەوێتە ئەستۆی رێکخراوە نێودەوڵەتییەکان، کە لە عێراق بیانبەنە دەرەوە و حکومەتی عێراق رێگەنادات ئەو گرووپە لە خاکی عێراقەوە هیچ هەنگاوێک دژی کۆماری ئیسلامی ئێران بهاوێژێت".</sup>

^21/10/2014

<sup>بە پێی راگەیێندراوێكی ماڵپەڕی فەرمانگەی پەیوەندییەکانی دەرەوەی حکومەتی هەرێمی کوردستان، بەیان سامی عەبدولرەحمان، نوێنەری حکومەتی هەرێمی کوردستان لە بەریتانیا گوازراوەتەوە بۆ ئەمریکا و نوێنەرایەتی حکومەتی هەرێمی کوردستانی لە ئەمریکا پێسپێردراوە.

فەلاح مستەفا، بەرپرسی پەیوەندییەكانی دەرەوەی حكومەتی هەرێمی کوردستان سەبارەت بەو پرسە رایگەیاند:" لە پێناو گرنگیدان بە تووندوتۆڵكردن و پێشخستنی پەیوەندییە دیپلۆماسییەكانی حكومەتی هەرێمی كوردستان و كارئاسانی بۆ رەوەندی كوردستانی لە دەرەوەی وڵات، لەبەر گرنگی نووسینگەی حكومەتی هەرێمی كوردستان لە ئەمەریكاو بەتاڵی ئەم پۆستە بۆ ماوەیەك، بڕیاردرا بە گواستنەوەی راژەی خاتوو بەیان سامی عەبدولرەحمان، نوێنەری حكومەتی هەرێمی كوردستان  لە بەریتانیا بۆ نوێنەرایەتی حكومەتی هەرێمی كوردستان لە ئەمەریكا".

بەرپرسی پەیوەندییەكانی دەرەوەی حكومەتی هەرێمی کوردستان ئاماژەی بەوە کرد کە" ئەنجوومەنی وەزیران بە نووسراوی ژمارە 6459 لە رێككەوتی 20/10/2014 بڕیاری گواستنەوەی راژەی خاتوو بەیان سامی عەبدولرەحمانی دەركردووە". پێشتر قوباد تاڵەبانی نوێنەرایەتی حکومەتی هەرێمی کوردستانی لە ئەمریکا لە ئەستۆبوو، بەڵام دوای گەڕانەوەی بۆ باشووری کوردستان و وەرگرتنی پۆستی جێگری سەرۆکوەزیران، بۆ ماوەیەکی زۆر حکومەتی هەرێمی کوردستان نوێنەرایەتی لە ئەمریکا نەبوو.</sup>

^21/10/2014

<sup>درەنگانێكی شەوی رابردوو سەرۆكوەزیرانی عێراق گەییشتە تارانی پایتەخت و لەلایەن حوسێن ئەمیر عەبدوڵاهیان جێگری كاروباری عەرەبی و ئەفریقی وەزیری دەرەوەی ئێران پێشوازی لێكرا.

لەسەفەری سەرۆكوەزیرانی عێراق بۆ ئێران هەر یەك لە وەزیرانی نەوت، كارەبا، بازرگانی، سەرچاوەكانی ئاو و پەرلەمانتارێك یاوەری دەكەن.

بەپێ ئەو بەرنامەیەی كە بۆی دیاریكراوە، ئەمڕۆ سێشەممە 21-10-2014  لەگەڵ ئیسحاق جەهانگیری جێگری یەكەمی سەرۆككۆماری ئێران كۆدەبێتەوە و دواتر لەگەڵ حەسەن رۆحانی سەرۆككۆماری ئێران و عەلی لاریجانی سەرۆكی پەرلەمانی ئێران و بەرپرسانی دیكەی ئێران كۆدەبێتەوە.

بەپێی راگەیاندنی نووسینگەی سەرۆكوەزیرانی عێراق ، ئەو سەفەرە یەك رۆژیەی حەیدەر عەبادی بۆ ئێران لە چوارچێوەی هەوڵە جیهانییەكانە بۆ یارمەتیدانی عێراق لە شەڕی دژی داعش.
هەروەها بەهێزتركردنی پەیوەندییەكانی نێوان ئەو دوو وڵاتە لەسەر پرسەكانی، وزە، شوێنی نیشتەجێبوون و بنیاتنانەوەی عێراق تاوتوێ دەكرێت.</sup>

^21/10/2014

^{دوان له‌و به‌شه‌ هاوكارییانه‌ی‌ هه‌رێمی‌ كوردستان كه‌ له‌رێی‌ په‌ڕه‌شوته‌وه‌ گه‌یه‌ندرانه‌ كۆبانێ‌ ده‌كه‌وێته‌ ناوچه‌كانی‌ ژێر ده‌سه‌ڵاتی‌ داعش، به‌ڵام شه‌ڕڤانانی‌ كورد‌و فڕۆكه‌ جه‌نگیه‌كان رێگه‌ناده‌ن چه‌كداری‌ ئه‌و گروپه‌ سودی‌ لێوه‌ربگرن.}

^{مسته‌فا عه‌بدی‌، كۆبانێ‌: له‌یه‌كه‌م هه‌نگاوی‌ له‌و جۆره‌دا به‌ره‌به‌یانی‌ ئه‌مڕۆ دوشه‌ممه‌، له‌لایه‌ن فڕۆكه‌كانی‌ ئه‌مریكا بڕێك چه‌ك‌و ته‌قه‌مه‌نی‌‌و داوو ده‌رمان له‌هه‌رێمی‌ كوردستانه‌وه‌ گه‌یه‌ندرایه‌ شه‌ڕڤانانی‌ كورد له‌كانتۆنی‌ كۆبانێ‌ له‌رۆژئاوای‌ كوردستان.}

^{به‌پێی‌ زانیارییه‌كان چه‌ك‌و هاوكارییه‌ پزیشكیه‌كان كه‌ به‌ 28 په‌ڕه‌شوت له‌ئاسمانی‌ كۆبانێ‌ فرێدراوه‌ته‌ خواره‌وه‌ چه‌كی‌ پێشكه‌وتون‌و زۆرینه‌یان ئه‌مریكین‌و له‌نێوانیاندا دژه‌ زرێپۆش‌و قه‌ناسی‌ حه‌راری‌‌و برێكی‌ زۆر موشه‌كی‌ له‌خۆگرتوه‌.}

^{په‌یامنێری‌ ئاوێنه‌نیوز له‌كۆبانێ‌ رایگه‌یاند، له‌كاتی‌ فڕێدانه‌ خواره‌وه‌یاندا دوان له‌په‌ڕه‌شوته‌كان له‌ناوچه‌كانی‌ ژێر ده‌سه‌ڵاتی‌ داعش كه‌وتونه‌ته‌ خواره‌وه‌، به‌ڵام شه‌ڕڤانانی‌ سه‌ر به‌یه‌كینه‌كانی‌ پاراستنی‌ گه‌ل‌و یه‌كینه‌كانی‌ پاراستنی‌ ژنان توانیوانه‌ یه‌كێكیان بهێننه‌وه‌ ژێر ده‌ستی‌ خۆیان.}

^{وتیشی‌، دوه‌م په‌ڕه‌شوتیشیان له‌لایه‌ن فڕۆكه‌كانی‌ سه‌ر به‌هاوپه‌یمانی‌ نێوده‌وڵه‌تی‌ ته‌قێنراوه‌ته‌وه‌ تا به‌رده‌ستی‌ داعشییه‌كان نه‌كه‌وێت.}

^{چاوه‌ڕوانیش ده‌كرێت ئه‌و پرده‌ ئاسمانیه‌ی‌ نێوان كۆبانێ‌‌و هه‌رێمی‌ كوردستان به‌رده‌وامی‌ پێبدرێت‌و هاوكاری‌‌و پشتیوانی‌ زیاتر بۆ روبه‌ڕوبونه‌وه‌ی‌ چه‌كدارانی‌ توندڕه‌وی‌ داعش ره‌وانه‌ی‌ ناوچه‌كه‌ بكرێت.}

^20/10/2014

^{یه‌كینه‌كانی پاراستنی گه‌ل ( یه‌په‌گه‌)، ئه‌مڕۆ دووشه‌ممه‌ ( 20 تشرینی یه‌كه‌می 2014) ئاشكرایكرد، بڕێكی زۆر چه‌ك و پێداویستی جه‌نگیی گه‌یشتوونه‌ته‌ كۆبانێ.}

^{له‌تۆڕی كۆمه‌ڵایتی تویته‌ر، پۆڵات جان، وتەبێژو بەرپرسی ڕاگەیاندنی یەکینەکانی پاراستنی گەل ڕایگه‌یاند، “بڕێكی زۆر چه‌ك و تفاقی جه‌نگیی گه‌یشتوونه‌ته‌ كۆبانێ”.}

^{پێشتر پۆڵات جان، پێش گه‌یشتنی ئه‌و چه‌ك و هاریكارییه‌ سه‌ربازییانه‌ بۆ شه‌ڕڤانانی یه‌په‌گه‌، له‌ڕێی تۆڕی كۆمه‌ڵایه‌تی تویته‌ر نووسیبوی: “كه‌مێكی تر مژده‌ی خۆش ده‌ده‌ین به‌ گه‌له‌كه‌مان”.}

^{دوێنێ شه‌و بۆ یه‌که‌مجار فڕۆکه‌کانی ئه‌مریکا چه‌ندین پارچه چه‌‌ک و که‌لوپه‌لی پزیشکییان گه‌یانده‌ شه‌ڕڤانانی ڕۆژئاوای کوردستان له‌ کۆبانێ.}

^{فه‌رمانده‌ی ناوه‌ندی ویلایه‌ته‌ یه‌کگرتووه‌کانی ئه‌مریکا بڵاویکرده‌وه‌ هێزه‌ ئاسمانییه‌کانی ئه‌مریکا  دوێنێ شه‌و له‌ ڕێی  فڕۆکه‌کانی جۆری C-130 چه‌ندین بار که‌لوپه‌لی سه‌ربازی و شمه‌ک و پێداویستی پزیشکییان گه‌یاندووه‌ته‌ شه‌ڕڤانانی کۆبانێ له‌ ڕۆژئاوای کوردستان.}

^20/10/2014

^{سەبارەت بە گەیاندنی هاوکارییەکانی یەکێتیی بۆ کوبانێ ، مەکتەبی سیاسی یەکێتیی ڕاگەیەندراوێکی بڵاوکردەوە ، کەئەمەی خوارەوە دەقەکەیەتی : -جەماوەری کۆڵنەدەری کۆبانی!}

^{گەلی خۆڕاگری رۆژئاوای کوردستان!}

^{مانگێک زیاترە، دوژمنانی ئازادیء مرۆڤایەتی، داعشەکان، “کۆبانێ”یان گەمارۆداوە. خەڵکی “کۆبانی” لەگەڵیاندا تەواوی نەتەوەی کورد لەبەشەکانی کوردستانء رەوەندی کوردیش لەتاراوگە، ھەروەھا سەرۆکایەتیء حکومەتی ھەرێم، ھاوکات ھێزەکانی ھاوپەیمانان، بەتایبەتی ھێزی ئاسمانی ئەمریکا، ھەوڵی زۆریانداوە کە شارەکە، لەو جانەوەرانە رزگار بکرێ. لەم روەوە، تەواوی پشتیوانیء کۆمەکەکان، رۆڵی بەرچاویان لەخۆڕاگریء بەرەنگاری خەڵکی کۆبانی دا ھەبووە. بەتایبەتی بۆردومانی ئاسمانی.}

^{یەکێتیی نیشتمانیی کوردستان، جگە لەو ھەوڵانەی لەپەرلەمانء حکومەتی کوردستاندا داویەتیء لەم پێناوەشدا، پرۆژەی دانپیانان بەکانتۆنەکانی رۆژئاوای کوردستانی دوو مانگ زیاترە پێشکەش کرد، بەسوپاسیشەوە، پەرلەمان دانی نا بەکانتۆنەکاندا. جگە لەو ھەوڵە رەسمیانە، وەکو ھەوڵی تایبەتیش لەیەکەمین رۆژی گەمارۆدانی (کۆبانی)یەوە، بەردەوام لەپەیوەندی دابووە لەگەڵ (یەپەگە)ء شەڕڤانانی کۆبانی؛ ھەموو توانایەکی سیاسیء دیپلۆماسیء پەیوەندی نێونەتەوەیی خۆی، لەگەڵ وڵاتانی جیھانء دەوڵەتانی ئیقلیمیء پشتیوانانی گەلەکەمان، ھەروەھا حزبە دیموکراتەکانی جیھانی عەرەبی، خستە کار کۆبانی رزگار بکرێ. لەم پێناوەشدا، بەردەوام کۆمەکی عەسکەریء لۆجیستی، لەڕێگەی تایبەتیەوە بۆ دابین کردون.
زیاتر لە(١٠) رۆژیشە، لەگەڵ ئەمریکا، بەگەرمی لەڕێگەی ھێزی دژە تیرۆرەوە خەریک بوین، لەئاسمانەوە، ئەو کۆمەکە عەسکەریء لۆجستییەی شەڕڤانەکانی کۆبانی پێویستیان پێیەتی، بگەیەندرێتە دەستیان. خۆشبەختانە، سەعات (٢:١٥)ی بەرەبەیانی ئەمڕۆ، بەکاتی کوردستان، ئەم نەخشەیە سەری گرتء (٢٤) تەن چەکء تەقەمەنیء دەرمانی گرنگ، کە لەپاشکەوتی خودی یەکێتیی بووە، لەڕێگەی ھێزی ئاسمانی ئەمریکاوە، گەیەندرایە کۆبانی. بەھیواین، گەیاندنی ئەم کۆمەکانەی یەکێتیی، دەرگای ناردنء گەیاندنی کۆمەکی بەردەوامی کردبێتەوە بۆ ئەو شارە قارەمانە، لەڕێگەی ھێزەکانی ئاسمانی وڵاتانی دۆستەوە.}

^{دڵنیاشین، گەیاندنی ئەم کۆمەکانەء جۆری کۆمەکەکان، بەپێی داخوازی لیستی فەرماندەکانی شەڕڤانانی کۆبانی، دەبێتە مایەی سەرکەوتنی زیاتری خەڵکەکە، سەرەنجام بەقارەمانێتی شەڕەڤانانیانء خۆڕاگری خەڵکەکەیانء پشتیوانی بەردەوامیان، سەرکەوتنێکی مێژوویی، لەمێژووی کوردایەتی ھاوچەرخی نەتەوەی کوردستان لەپێناوی مافە دیموکراسییەکانیدا، بەدەستبێت.
بەم بۆنەیەوە، مەکتەبی سیاسی یەکێتیی، جارێکی تر، پشتیوانی تەواوی خۆی بۆ دیالۆگی نێوان لایەنە کوردستانییەکانی رۆژئاوا دووپات دەکاتەوەو ئومێدەواریشە، لەگفتوگۆکاندا، بەرپرسیارێتی نیشتمانیء خوێنی پاکی شەھیدەکان، بکرێتە ھاندەری رێکەوتن لەناو ھەموو لایەنەکاندا. نەک دەستکەوتی تەسکی حزبایەتیء بەس. بێگومان کلیلی چارەسەریش ئێستا لەدەستی یەپەگەدایەو چاوەڕێی مژدەی رێکەوتنیشین.}

^{سڵاو لەشەڕەڤانانی کۆبانی
رێزو نەوازش بۆ ئارامگای شەھیدانی رۆژئاوای کوردستان
سەرشۆڕی بۆ دوژمنانی ئازادیء مرۆڤایەتی
راگەیاندنی مەکتەبی سیاسی
یەکێتیی نیتشمانیی کوردستان
٢٠/١٠/٢٠١٤}

^{سەرۆکایەتی هەرێمی کوردستان ڕایگەیاند؛ بەرەبەیانیی ئەمڕۆ دووشەممە(٢٠ی تشرینی یەکەم) چەك و تەقەمەنی و هاوكارییەكانی هەرێمی كوردستان بەهۆی فڕۆكە ئەمەریكییەكانەوە گەییشتە شاری كۆبانێ.} 

^{لە ڕاگەیەندراوێک کە ئەمڕۆ دووشەممە لە ماڵپەڕی فەرمی سەرۆکایەتی هەریم بڵاو بۆتەوە هاتووە: "دوابەدوای هەوڵە بەردەوامەكانی هەرێمی كوردستان بۆ پاڵپشتیكردنی كۆبانێ و ڕۆژئاوای كوردستان و هەروەها بڕیاری بۆردومانكردنی مۆڵگەكانی داعش لە كۆبانێ لە لایەن هێزە هاوپەیمانەكانەوە، بەرەبەیانیی ئەمڕۆ دووشەممە ٢٠ـی ١٠ـی ٢٠١٤ چەك و تەقەمەنی و هاوكارییەكانی هەرێمی كوردستان بەهۆی فڕۆكە ئەمەریكییەكانەوە گەییشتە شاری كۆبانێ."}

^{دەقی ڕاگەیەندراوەکەی سەرۆکایەتی هەرێمی کوردستان:}

^{دوابەدوای هەوڵە بەردەوامەكانی هەرێمی كوردستان بۆ پاڵپشتیكردنی كۆبانێ و ڕۆژئاوای كوردستان و هەروەها بڕیاری بوردومانكردنی مۆڵگەكانی داعش لە كۆبانێ لە لایەن هێزە هاوپەیمانەكانەوە، بەرەبەیانیی ئەمڕۆ دووشەممە 20ـی 10ـی 2014 چەك و تەقەمەنی و هاوكارییەكانی هەرێمی كوردستان بەهۆی فڕۆكە ئەمەریكییەكانەوە گەییشتە شاری كۆبانێ.}

^{سەرۆكایەتیی هەرێمی كوردستان سوپاسی ویلایەتە یەكگرتووەكانی ئەمەریكا دەكات بۆ گەیاندنی چەك و تەقەمەنی و هاوكارییەكانی هەرێمی كوردستان لەڕێی ئاسمانەوە بۆ كۆبانێ، بۆ ئەوەی ئەو قارەمانانەی لە كۆبانێ بەرگری دەكەن بتوانن سوود لەو چەك و هاوكارییانە وەربگرن.}

^{سەرۆكایەتیی هەرێمی كوردستان}

^{٢٠ـی ١٠ـی ٢٠١٤}