<sup>وەزیری تەندروستی حكومەتی كۆماری ئیسلامی ئێران، لە نەخۆشخانە سەردانی منداڵانی گوندی نشكاشی مەریوانی كرد و ئامادەیی نیشاندا، بۆ ئەوەی بە زووترین کات سەردانی رۆژهەڵاتی کوردستان بکات.

حەسەن قازی زادەی هاشمی، وەزیری تەندروستی و دەرمان و راهێنانی پزیشكی كابینەی حەسەن رۆحانی، بە هاورێیەتی جێگرەكەی و چەند ئەندام پەرلەمانێكی كورد لە پەرلەمانی ئێران، رۆژی هەینی لە نەخۆشخانەی ئەفشاری تارانی پایتەختی ئێران، سەردانی شەش منداڵی گوندی نشكاشی مەریوانی رۆژهەڵاتی كوردستانی كرد.

كەمال حوسەینی، چالاكڤانی مافی مرۆڤی رۆژهەڵاتی كوردستان لە نەخۆشخانەی ئەفشارەوە لە پەیوەندییەكدا لەگەڵ تۆڕی میدیایی رووداو گوتی، "وەزیری تەندروستی لە میانەی سەردانیدا بۆ نەخۆشخانەی ئەفشار، هەموو منداڵانی گوندی نشكاشی بەسەركردەوە و لە رێی تیمی پزیشكی و پارێزەری ئەو منداڵانە، لە رەوشی تەندروستییان ئاگاداربووەوە" .

ئاڵا روبینا، یەكێك لە منداڵانی گوندی نشكاشە، كە پرووشكی مین لە دەماری چاوەكانی نزیك بووەتەوە و سۆمای چاوێكی لەدەستداوە و ئێستا مەترسی ئەوە هەیە، كە سۆمای چاوەكەی دیكەشی لەدەستبدات.

كەمال حوسەینی هەروەها راگەیاند، كە وەزیری تەندروستی بەڵێنی ئەوەی داوە لە نەخۆشخانەی تایبەتیی خۆی(نوری تاران) پشكنین بۆ چاوی ئاڵا و گەشین، كە یەكێكی دیكە لە منداڵانی گوندی نشكاشە و چاوی لە رووداوەكەدا بریندار بووە،  ئەنجامبدات و لە ئەگەری پێویستدا، نەشتەرگەری بۆ چاوی هەردووكیان ئەنجامبدات.

حوسێن ئەحمەدی نیاز، پارێزەری منداڵانی نشكاش سەبارەت بە سەردانی وەزیری تەندروستی بۆ لای منداڵانی نشكاش بە تۆڕی میدیایی رووداوی راگەیاند، "ئێمە وەزیرمان ئاگادار كردەوە لە دۆخی خراپی ئەو منداڵانە و پرسی هەڵەی پزیشكی لە رۆژهەڵاتی كوردستان، ئەویش بەڵێنی پێداین كە بە زووترین كات سەردانی كوردستان بكات".

بە گوتەی حوسێن ئەحمەدی نیاز، جێگری وەزیری تەندروستی ئێران دوای بینینی منداڵانی نشكاش و ئاگادار بوونەوە لە دۆخی خراپی قوتابخانەكەیان، هەر لەوێ بەڵێنی ئەوەی بەو منداڵانەداوە، كە بە زووترین كات قوتابخانەیەكی پێشكەوتوویان لە گوندی نشكاش بۆ دروستبكات.

لەو سەردانەدا تاكە پێڵاوێكی گەشین، سەرنجی وەزیری تەندروستی ئێرانی راكێشا، گەشین لە رووداوی نشكاشدا پێیەكی پەڕیوە و بە هۆی هەڵەی پزیشكییەوە ئێستا قاچی لە جیاتی درێژایی لە پاناییدا گەورە دەبێت ، ئەگەرچی گەشین ئێستا تەنیا پێیەك و تاكە پێڵاوێكی هەیە، بەڵام ئەو تاكە پێڵاوەشی دڕابوو، لەو گرتانەی كە تایبەت بە تۆڕی میدایی رووداو لە نەخۆشخانەی ئەفشارەوە نێردراون، دەردەكەوێت، كە وەزیری تەندروستی پێڵاوەكەی گەشینی گرتووەتە دەست و لە گەشین  دەپرسێت، "لە مەریوان ئێستا كەشوهەوا دەبێ سارد بێت، پێیەكانت سەرمای نابێت ؟"  دواتر داوا دەكات كە پێڵاوی نوێی بۆ بكڕدرێ .

ماوەی ساڵێك لەمەوپێش 7 منداڵی گوندی نشكاش لە كاتی یاریكردندا مینیان پێدا تەقییەوە و بە سەختی برینداربوون، بە گوتەی بنەماڵەی منداڵانی نشكاش، لە ماوەی یەكساڵی رابردوودا، حكومەت خۆی پاراستووە لە بەئەستۆگرتنی تێچووی پزیشكی و قەرەبووكردنەوەی ئەو منداڵانە و بەرپرسانی ناوچەکەش تەنیا چەند جارێك سەردانی ماڵی ئەوانیان كردووە و چەند كیلۆیەكیان شەکر و رۆن و برنج لەگەڵ خۆیان بە دیاری بردووە، ئێستاش بە هەوڵی پارێزەری منداڵانی نشكاش و چەند چالاكڤانێكی ماڤی مرۆڤی رۆژهەڵاتی كوردستان و بە هاناوەچوونی تیمێكی پزیشكی نەخۆشخانەی ئەفشار، كە هەموو تێچووی نەشتەرگەریی و پرۆسەی چاكبوونەوەی ئەو منداڵانەیان لەئەستۆگرتووە ، بڕیارە نەشتەرگەری بۆ منداڵانی نشكاش بكرێت.</sup>

لەلایەن ئومێد بەرین

^1/11/2014

<sup>ئەمڕۆ لە رۆژی کۆبانێدا لە چەندین شار و ناوچەدا، لە ناوەوە و دەرەوەی کوردستان خۆپیشاندانی پشتیوانی کۆبانێ ئەنجامدرا. لە خۆپیشاندانەکەی هەولێردا حیزبەکان خۆپیشاندەرانیان کردە دوو بەش.

بە هۆی ئەوەی کە هەوادارانی پەکەکە و یەکێتی ئاڵای حیزبییان بەرزکردبووەوە، لایەنگرانی حیزبەکانی دیکە، کە ئاڵای کوردستانیان هەڵکردبوو، لێیان جیابوونەوە.

غەفوور مەخموری، سکرتێری یەکێتی نەتەوەیی دیموکراتی کوردستان رایگەیاند، کە ئێمە بڕیارمان بوو کەس ئاڵای حیزبی نەهێنێتە خۆپیشنادانەکە، گوتی " 43 حیزب بەشداری ئەو خۆپیشاندانەمان کردووە، ناکرێت هەر حیزبێک ئاڵای خۆی هەڵبدا، بۆیە ئامادەنەبووین لە ژێر ئاڵای هیچ حیزبێک خۆپیشاندان بکەین".</sup>

^1/11/2014

<sup>لە رۆژی 18/5/2014ـەوە، تیمێكی ئێرانی خەریكی دۆزینەوەی ئێسك و پروسكی قوربانییانی شەڕی هەشت ساڵەی ئێران و عێراقن لە دەڤەری باڵەكایەتی، سەرچاوەیەكی بەرپرس بە تۆڕی میدیایی رووداوی راگەیاند، كە تاوەکو ئێستا ئێسك و پروسكی 71 سەربازی بە دوو قۆناغ رەوانەی ئێران كردووەتەوە، كە لە قۆناغی یەكەم 30 سەرباز و لە قۆناغی دووەم 41 سەربازیان رەوانە كردووەتەوە.

زۆرترین تەرمەكان لە چیاكانی گردمەندیل و كۆدۆدا دۆزراونەتەوە.

لە ئەیلوولی ساڵی 1980 شەڕی عێراق و ئێران دەستیپێكرد و لە 8ـی ئابی 1988 كۆتاییهات.</sup>

^1/11/2014

<sup>سەرچاوەیەك لە ئاسایشی كەركووك بە تۆڕی میدیایی رووداوی راگەیاند، ''شەوی رابردوو چەكدارانی داعش، ئەحمەد عاسی، كە دادوەری شەرعی داعشە و بە رەگەز كوردە، بە تۆمەتی خیانەت و ناپاكی بەرامبەر گرووپەكەی لە حەویجە بەبەرچاوی خەڵكەوە لەسێدارەدا، ئەمەش دوای ئەوەی وتاری تۆمەتبارییان بەسەردا خوێندەوە''.

ئەو سەرچاوەیە گوتیشی، ''ئەو كەسە چەندین ساڵە پەیوەندی لەگەڵ گرووپە تووندڕەوەكانی پێش دەركەوتنی داعش هەبووە، تەنانەت لەشەڕی پێشمەرگە و داعش لە ئامرلی برینداربووە''.

عەمید سەرحەد قادر، بەڕێوەبەری پۆلیسی قەزا و ناحییەكانی كەركووك هەواڵەكەی بۆ تۆڕی میدیایی رووداو پشتڕاستكردەوەو گوتی، ''بەپێی زانیارییەكانی ئێمە، شەوی رابردوو چەكدارانی داعش دوای لێكۆڵینەوە لەگەڵ ئەو كەسە، كە دادوەری شەرعی داعش بووە، بە بەرچاوی خەڵكەوە لە حەویجە لەسێدارەیان داوە''.

ماڵپەڕێكی عێراقی كوشتنی دادوەرە شەرعییەكەی بۆ ئەوە گەڕاندووەتەوە، كه والی ناوچەكانی باشووری كەركووك ئاشكرایكردووە، بڕێكی زۆری ئەو پارەیەی لەهاووڵاتییان بە سەرانە وەریانگرتووە، دیارنەماوە و ئەحمەد عاسی، حاكمی شەرعی قەزای حەویجە بەدزینی ئەو بڕە پارەیە تۆمەتباركراوە.</sup>

هەڵۆ کاکەوەیس

^1/11/2014

<sup>لەگەڵ بە رێكەوتنی هێزێكی پێشمەرگە بۆ كۆبانێ و هاوكاریكردنی كوردانی رۆژئاوای کوردستان لەبەرامبەر هێرشی داعشدا، میدیاكانی جیهان بەردەوامن لە رووماڵكردنی ئەو رووداوە و باسكردنی هێزی پێشمەرگەی كوردستان وەك هێزێكی گرنگی ناوچەكە و كاریگەر لە جەنگی دژ بە داعشدا. 

ئاژانسی هەواڵی رۆیتەرز سەبارەت بەو پرسە، ئاماژە بەوە دەكات، چوونی هێزی پێشمەرگە بۆ كۆبانێ یەكێك بوو لەو بابەتە گرنگانەی، كە هاوپەیمانێتی دژ بە داعش زۆر جەختی لەسەرکرابووەوە، کە جەنگی دژ بەو گرووپە لە ناوچەیدا بەهێزتر دەكات. 

رۆیتەرز نوسیویەتی، جەنگاوەرانی كورد هەر لەگەڵ بە رێكەوتنیاندا، بە ئاماژەی سەركەوتنەوە رێگایان بەرەو كۆبانێ بڕیوە و گەیشتنی ئەوان بۆ ئەو شارە هاوكات ئاماژەی ئەوەیە، كە توركیا بۆ یەكەمین جارە رێگە بەهێزێكی دیكە دەدات لە دەرەوەی سووریاوە بچنە ئەو وڵاتە، كە بووەتە سیمبولێكی نێودەولەتی لە جەنگی دژ بە گەورەترین هێزی توندڕەوەی جیهانیدا. 

ئاژانسی هەواڵی ئەی بی سی نیوز، بە هەمان شیوە باس لە چوونی پێشمەرگە دەكات و دەڵێت، پێشمەرگە بە وورەیەكی بەرزەوە بەدەم گوتنەوەی دروشمی " كۆبانێ كۆبانێ" چوونە نێو كۆبانێ، ئەمەش هیوایەكی نوێ بۆ راگرتنی هێرشەكانی داعش دروست دەكات، بە تایبەت كە چەكی قورس و ئەنتی تانكی وەهایان لەگەل خۆیاندا بردووە، کە دەتوانێت ئەو تانكانە بشكێنێت، كە داعش لە هێرشی سەر كۆبانێدا بەكاریان دەهێنێت. 

سی ئێن ئێن لە راپۆرتێكی شیكاریدا سەبارەت بە پێشمەرگە و كاریگەرییان لەسەر جەنگی كۆبانێ، نوسیویەتی، چوونی پێشمەرگە پێش هەموو شتێك هێزێكی سیمبولی دەدات بە بەرگریكردن لەو شارە، جگە لەوەش لەچاو هێزەكانی دیكەدا، راهێنانی باشتریان پێکراوە و ئێستاش خاوەنی چەكی قورسن، بەمەش بەرگریكردن لەو شارە پتەوتر دەبێت.
 
رۆژنامەی ئەلحەیات  بڵاویكردووەوتەوە، بە گەیشتنی هێزی پێشمەرگە بۆ رۆژئاوای كوردستان، پەیوەندییەكانی ئەمریكا و كورد دەچێتە قۆناخێكی تازەوە، كە مێژوویەكی درێژی هەیە و بە تایبەت لەدوای جەنگی 2003ـی عێراقەوە، لەلایەن كوردەوە كاری بۆ دەكرێت.

شەوی رابردوو، ئەو هێزەی پێشمەرگە، کە لە باشووری کوردستانەوە بۆ هاوکاریکردنی یەکینەکانی پاراستنی گەل رووی لە رۆژئاوای کوردستان کردبوو، گەیشتە شاری کۆبانێ لە رۆژئاوای کوردستان.

بە بڕیاری پەرلەمانی کوردستان و واژۆکردنی لەلایەن مەسعود بارزانی، سەرۆکی هەرێمی کوردستان، 150 پێشمەرگە لە هێزی پشتیوانی، رەوانەی رۆژئاوای کوردستان کران، بۆ پشتگیریکردنی یەپەگە لە شەڕی دژی چەکدارانی رێکخراوی دەوڵەتی ئیسلامی (داعش).</sup>

rudaw

^1/11/2014

<sup>محەممەد ئۆجەلان، برای عەبدوڵڵا ئۆجەلان، رێبەری بەندكراوی پارتی كرێكارانی كوردستان رایگەیاند، " ئۆجەلان چەندین جار رایگەیاندووە، كە بارزانی دەتوانێت هەموو كورد بكاتە یەك".

محەممەد ئۆجەلان بەشداری لە بەرنامەی رووداوی ئەمڕۆی تۆڕی میدیایی رووداو كرد و رایگەیاند، ئۆجەلان بەردەوام دەڵێت، چارەسەركردنی پرسی كورد ئاسانە و دەوڵەتی توركیا دەتوانێ بە ئاسانی ئەو پرسە چارەسەر بكات.

لەبارەی هەڵوێستی عەبدوڵڵا ئۆجەلان بۆ رۆڵی مەسعود بارزانی، سەرۆكی هەرێمی كوردستان ، محەممەد ئۆجەلان رایگەیاند " ئۆجەلان چەندین جار رایگەیاندووە، كە بارزانی دەتوانێت هەموو كورد بكاتە یەك و  بەوكارەش ئۆجەلان زۆر دڵخۆشە".

ئەو برایەی ئۆجەلان  هەروەها دەڵێت، "عەبدوڵڵا ئۆجەلان  گوتویەتی، بارزانی نەك تەنیا دەتوانێت لایەنەكانی رۆژئاوا یەك بخات ، بەڵكو دەتوانێت هەموو  كورد بكاتە خاوەن یەك هەلوێست و گوتار".</sup>

^31/10/2014

^{كەسایەتییەكی دیاری عەشیرەتی سوننە لە قەزای حەویجەی سەر بە پارێزگای كەركوك داوا لە هێزەكانی پێشمەرگە دەكات بیانپارێزێت، بەهۆی ئەوەی لە ئێستادا داعش مەترسیی زۆری لەسەر ژیانیان دروستكردووە، باس لەوەشدەكات ، جگە لەداعش میلیشیا شیعەكان و سوپای عێراقیش مەترسین بۆسەر ژیانیان.}

^{سوفیان عەواج، كەسایەتی دیاری عەشیرەتی عوبێدی سوننە لە قەزای حەویجەی سەر بە پارێزگای كەركوك بە خەندانی راگەیاند: "ئێمە وەك عەشایەر و عەرەبە سوننەكانی قەزای حەویجە داوا لە هێزەكانی پێشمەرگە دەكەین بمانپارێزن، چونكە لە ئێستادا داعش مەترسییەكی گەورەیە بۆ سەر ژیانی ئێمە و بەردەوام لەلایەن چەكدارانی داعشەوە چاودێری دەكرێین و داوایان لێكردووین هەمیشە هاوكاری چەكدارانی داعش بكەین و لە ژێر فەرمانیان دەرنەچین".}

^{وتیشی: "چەكدارانی داعش هەموو شتێكیان خستۆتە ژێر دەسەڵاتی خۆیان و هیچ حسابێكیش بۆ سەرۆك عشیرەتەكان ناكەن و تا ئێستا چەندین سەرۆك عەشیرەتی عەرەبی سوننەیان كوشتووە و چەندین كەسایەتی دیكەشیان دەستگیركردووە".}

^{سوفیان عەواج راشیگەیاند، "لە ئێستادا بەشێك لە سەرۆك عەشیرەتە سوننەكان بە نهێنی لەگەڵ هێزەكانی پێشمەرگە كۆبوونەوەیان ئەنجامداوە و داوایانكردووە دوای نەمانی دەسەڵاتی داعش لە ناوچەكانیاندا پێشمەرگە بیانپارێزێت، لەبەرئەوەی ئەوان وەك عەرەبی سوننە بە هەمان شێوەی چەكدارانی داعش، ترسی گەورەیان لە میلیشیا شیعەكان و سوپای عێراق هەیە".}

^{دەشڵێت: "ئێمە بە هەموو شێوەیەك متمانەمان بە هێزەكانی پێشمەرگە هەیە و جێی بڕوای ئێمەن و هەر ئەوانیش دەتوانن بمانپارێزن".}

^{خەندان _ حەسەن جومعە}

^31/10/2014

<sup>وەزارەتی دەرەوەی سووریا لە راگەیێندراوێكدا رایگەیاند رێگەدانی توركیا بە چوونی "هێزی بیانی" بۆ نێو خاكی سووریا لە كۆبانێ ، لەسنوورەكانی توركیاوە ، " پێشێلكردنێكی دیار"ی سەرەوەری سووریایە .

وەزارەتی دەرەوەی سووریا ، لە درێژەی راگەیێندراوەكەیدا دەڵێت " توركیا جارێكی دیكە رۆڵی راستەقینەی پیلانگێڕانەی نیشاندەداتەوە ، هەروەها نیازە خراپەكانی و دەستوەردانی دیاری لە كاروباری سووریا نیشاندایەوە ، لە رێگەی پێشێلكردنی سنووری سووریا لە ناوچەی عەین عەرەب ، بە رێگەدان بە تێپەڕبوونی هێزی بیانی و چەكداری تیرۆریست كە لە سەر خاكی توركیا دەژین".

عەلی حەیدەر، وەزیری ئاشتەوایی نیشتمانی سووریا لە لێدوانێكی تایبەتدا بۆ تۆڕی میدیایی رووداو ، رۆژی 28ی ئەو مانگە لەكاتی بەڕێكەوتنی پێشمەرگە لە هەولێرەوە بۆ كۆبانێ رایگەیاندبوو كە :" ئێمە لەگەڵ هەر هەنگاوێكین بۆ لەنێوبردنی داعش ، چوونی پێشمەرگە بۆ كۆبانێ هەنگاوێكی پێویستە بە مەبەستی لەنێوبردنی چەكدارانی داعش".

بۆیە واڵێكدەدرێتەوە ، كە ئەو راگەیێندراوەی وەزارەتی دەرەوەی سووریا ، زیاتر دژی رێگەدانی سووریا بێت بە چوونی هێزەكانی "سوپای ئازادی سووریا" بۆ كۆبانێ. كە بەپێی راگەیێندراوەكانی سوپای ئازاد ، ئێستا 400 چەكداری سوپای ئازاد لە كۆبانێ شەڕی داعش دەكەن .

بەڵام حكومەتی سووریا ، دەستەواژەی "چەكداری تیرۆریست " بۆ سوپای ئازادی سووریا و گرووپە چەكدارەكانی دیكەی دژی حكومەتی سووریا بەكاردەهێنێت ، بەڵام لەو راگەێێندراوەدا ، وەزارەتی دەرەوەی سووریا جگە لەوە ، دەستەواژەی "هێزی بیانی"یش بەكاردەهێنێت .</sup>

^31/10/2014

<sup>دادگایەكی دانیمارك 10 هاووڵاتی كوردی وڵاتەكەی ئازاد كرد كە بە تۆمەتی كۆكردنەوە و ناردنی نزیكەی 24 ملیۆن دۆلار بۆ پارتی كرێكارانی كوردستان تۆمەتباركرابوون. ئەو پارتە لەلایەن یەكێتی ئەوروپا و ئەمریكاوە وەك "رێكخراوێكی تیرۆرستی" ناسراوە.

10 هاووڵاتییە كوردەكە بەپێی یاسای دژە تیرۆری دانیماركی بەتۆمەتی هاوكاریكردنی رێكخراوێكی تیرۆرستی دەستگیركرابوون. داواكاری گشتی داوای سزای چوار ساڵ بەندكردنی بۆ ئەو كەسانە دەكرد، بەڵام دادگا رۆژی چوارشەممەی رابردوو ئەو 10 كەسەی ئازاد كرد.

ئەو 10 هاووڵاتییە مانگی ئەیلولی ساڵی 2012 بە تۆمەتی كۆكردنەوەی 23.7 ملیۆن دۆلار بۆ PKK ‌دەستگیركران. دادگاكەی شاری كۆپنهاگن رازیبوو بەڕوونكردنەوەكەیان كە گوایە ئەو پارەیەیان بۆ مەبەستی چالاكی كەلتووری و قوربانیانی بومەلەرزەكەی ساڵی 2011ی شاری وانی باكووری كوردستان كۆكردووەتەوە.

ئەو دادگاییكردنە‌ گەورەترین كەیسی كۆمەكی دارایی بوو بۆ رێكخراوێك كە دانیمارك بە "تیرۆریست"ی دەزانێت. بڕیاری دادگا لەدوای ئەوە هات كە وڵاتانی رۆژئاوا پشتگیری چەكدارانی نزیك لە PKK دەكەن كە ئێستا بەرگری لە شاری كۆبانێ دەكەن.
یەكێك لەو 10 هاووڵاتییە كوردە، بە ناوی ئەربیل كایا لەدوای دادگاییكردنەكە ئاماژەی بۆ ئەوەكرد كە دانیمارك خۆی هاوكاری سەربازی بۆ عێراق ناردووە و لەوێش PKK بەشێكە لەو خەباتە لەدژی داعش.

كایا گوتی ''لەلایەكەوە بە چەك هاوكاری PKK دەكەن. لەلایەكیش دەیانەوێ سزای ئەو كوردە دانیماركیانە بدەن كە تۆمەتباركراون بە كۆكردنەوەی پارە بۆ PKK".

داواكارەكان بەنیازن دووبارە داوا پێشكەش بكەنەوە لە دژی ئەو كەسانە. تاوەكو ئێستا هیچ كاردانەوەیەك لەلایەن توركیاوە نەبووە. بەڵام حكومەتی توركیا پێشتر رەخنەی ئەوەی لە دانیمارك گرتووە كە لە گرتنەبەری رێكاری یاساییدا لە دژی PKK توند نییە، بەتایبەتیش كە تەلەفزیۆنێكی PKK لە دانیماركەوە پەخش دەكات و توركیا داوا دەكات دابخرێت.

پێرنیلی سكیپەر كە پەرلەمانتارێكی دانیماركییە لەسەر لیستی یەكگرتوو و لیستەكەیان دەیەوێت PKK لە ریزی گرووپە تیرۆرستییەكان بسڕێتەوە،‌ گوتی ''ئەگەر ئەو كەسانە ئازاد نەكرانایە بەهۆی نەبوونی بەڵگەی پێویستەوە، ئەوا دەخرانە زیندانەوە بە تۆمەتی ناردنی پارە بۆ هەمان ئەو شوێنەی دانیمارك چەكی بۆ دەنێرێت".</sup>

^31/10/2014

<sup>مەسعود بارزانی سەرۆكی هەرێمی كوردستان راگەیێندراوێكی لەبارەی چوونی هێزی پێشمەرگە بۆ كۆبانێ بڵاوكردەوە، كە تێیدا باسی هەوڵەكان بۆ ناردنی ئەو هێزە و هۆكاری ناردنی ئەو ژمارەیە، كە 150 پێشمەرگەن، رووندەكاتەوە.

بارزانی لە راگەیێندراوەكەدا كە ئەمڕۆ پێنجشەممە 30-10-2014 لە ماڵپەری فەرمی سەرۆكایەتی هەرێمی كوردستان بڵاوكراوەتەوە دەڵێ: "جێگەی شانازییە ئێستا گەلی كوردستان لە رۆژئاوا و هەرێمی كوردستان قارەمانانە بەرگری لەخۆی دەكات و تیرۆریستانیان تووشی شكست و داڕمان كردووە".

سەرۆكی هەرێمی كوردستان بە ئاماژەدان بە هۆكاری دواكەوتنی ناردنی هێزی پێشمەرگە بۆ كۆبانێ، روونیدەكاتەوە "لەو كاتەی كۆبانێ لە لایەن تیرۆریستانەوە كەوتە بەر هێرش، یارمەتیدان و گەیاندنی هاوكاری بۆ خوشك و براكانمان ئەركێكی نەتەوەیی بوو. بەڵام بەهۆی دووریی جیۆگرافی و ئابڵۆقەدانی كۆبانێ لە لایەن تیرۆریستانەوە گەیاندنی هاوكاری بە شێوەیەكی راستەوخۆ زۆر ئەستەم بوو. بۆیە هەموو هەوڵێكمان دا لەگەڵ دۆستانی گەلەكەمان كە هەوڵ بدەن كۆبانێ نەكەوێتە دەست تیرۆریستان". دەشڵێ "چوونی هێزی پێشمەرگەیش بۆ كۆبانێ بە بێ رەزامەندی توركیا و هاوكاریی ئەوان و ئەمەریكا مومكین نەبوو". 

بارزانی ئەوەشی روونكردووەتەوە، كە بۆ تەنیا هێزێكی 150 كەسی نێردراوەتە كۆبانێ و دەڵێ "پەیوەندیمان بە سەركردایەتیی پەیەدە كرد كە ئامادەین هێزێكی زۆری پێشمەرگە بۆ كۆبانێ بنێرین. ئەوان لە وەڵامدا گوتیان پێویستیمان بە هێزی شەڕكەری پێشمەرگە نییە، بەڵكو پێویستیمان بە هێزێكی پشتیوانییە. بۆیە لەسەر داوای ئەوان بڕیار درا هێزێكی پشتیوانیی پێشمەرگە بۆ كۆبانێ بنێرین".

دەقی راگەیێندراوەکە:

بەناوی خودای مەزن و دلۆڤان</sup>

^{پەلاماری تیرۆریستانی داعش بۆ سەر هەرێمی كوردستان و ڕۆژئاوایكوردستان و ئەو دڕندەیی و بێڕەحمییەی تیرۆریستان لەبەرانبەر گەلی كوردیانئەنجام دا زۆر بەڕوونی نیشان دەدات كە تیرۆریستانی داعش تەنیا لەڕوویئایینیەوە توندڕۆ نین بەڵكو زۆریان هەڵگری هەردوو توندڕۆیی ئایینی وڕەگەزپەرستیی نەتەوەیین. هەر بۆیەشە هەرێمی كوردستان و ڕۆژئاوایكوردستانیان كردە ئامانج و پەلاماری گەلی كوردییان دا.}

^{جێگەی شانازییە ئێستا گەلی كوردستان لە ڕۆژئاوا و هەرێمی كوردستانقارەمانانە بەرگری لەخۆی دەكات و تیرۆریستانیان تووشی شكست و داڕمانكردووە. لەو كاتەی كۆبانێ لە لایەن تیرۆریستانەوە كەوتە بەر هێرش،یارمەتیدان و گەیاندنی هاوكاری بۆ خوشك و براكانمان ئەركێكی نەتەوەیی بوو.بەڵام بەهۆی دووریی جیۆگرافی و ئابڵۆقەدانی كۆبانێ لە لایەن تیرۆریستانەوەگەیاندنی هاوكاری بە شێوەیەكی ڕاستەوخۆ زۆر ئەستەم بوو. بۆیە هەمووهەوڵێكمان دا لەگەڵ دۆستانی گەلەكەمان كە هەوڵ بدەن كۆبانێ نەكەوێتەدەست تیرۆریستان.} 

^{بەدەنگەوە هاتنی هاوپەیمانان و وەشاندنی گورزی ئاسمانی و هەروەهاگەیاندنی هاوكارییە سەربازییەكانی هەرێم لە لایەن فڕۆكە ئەمەریكییەكانەوە،هەنگاوێكی كاریگەر بوو و جێگەی سوپاس و پێزانینە و یارمەتیی شەڕڤانانیكۆبانێی دا كە هێرشی داعش بشكێنن.}

^{چوونی هێزی پێشمەرگەیش بۆ كۆبانێ بە بێ ڕەزامەندی توركیا و هاوكارییئەوان و ئەمەریكا مومكین نەبوو. بەڕێز جۆن كێری وەزیری دەرەوەی ئەمەریكا لەپەیوەندییەكی تەلەفۆنیدا پێی ڕاگەیاندم كە لەگەڵ توركیا خەریكن ڕێك بكەونبۆ ناردنی پێشمەرگە بەناو خاكی توركیا. دوای چەندین كۆبوونەوەی دووقۆڵیو سێ قۆڵیی نێوان بەرپرسانی ئەمەریكا و توركیا و هەرێم، بە ڕەسمی ئاگاداركراین كە توركیا ڕەزامەندە و ئاسانكاری دەكات بۆ چوونی هێزی پێشمەرگە وئەمەریكایش پشتیوانیی خۆی بۆ ئەم هەنگاوە دەربڕی. ئەم بابەتە لەگەڵلایەنە سیاسییەكان باسكرا و داوا لە پارلەمانی كوردستان كرا ڕێگە بدات هێزبنێرین و پارلەمانیش ڕەزامەندی لەسەر دا. چونكە بەپێی یاسا ناردنی هێزیپێشمەرگە بۆ دەرەوەی هەرێم ڕەزامەندیی پارلەمانی كوردستانی پێویستە.}

^{هەروەها پەیوەندیمان بە سەركردایەتیی پەیەدە كرد كە ئامادەین هێزێكیزۆری پێشمەرگە بۆ كۆبانێ بنێرین. ئەوان لە وەڵامدا گوتیان پێویستیمان بەهێزی شەڕكەری پێشمەرگە نییە بەڵكو پێویستیمان بە هێزێكی پشتیوانییە.بۆیە لەسەر داوای ئەوان بڕیار درا هێزێكی پشتیوانیی پێشمەرگە بۆ كۆبانێبنێرین.}

^{ئەو هێزەی ئێستا بەرەو كۆبانێ بەڕێ كەوتووە تەنها هێزێكی پاڵپشتی ودابینكردنی ئاگرە. داوای سەركەوتنیان بۆ دەكەم و هیوادارم بتواننهاوكارییەكی باشی خوشك و براكانیان بكەن. هەر كاتێكیش بارودۆخی مەیدانیپێویست بكات و داوای هێزی زۆرترمان لێ بكرێت و ڕێگە هەبێت ئەوە هێزیپێشمەرگەی زیاتر بۆ پاراستنی كۆبانێ و تێكشكاندنی تیرۆریستان لە ڕۆژئاواڕەوانە دەكەین.}

^{بۆ هەرێمی كوردستان و پێشمەرگە قارەمانەكان شانازییەكی مەزنە بتوانن لەهەر كوێ یارمەتیی شارێك یان گوندێك یان تاكێكی كوردستان بدەن. شانازیشەلە جیاتی مرۆڤایەتی شەڕی دڕندەترین ڕێكخراوی تیرۆریستی بكەن.}

^{مسعود بارزانی}

^{سەرۆكی هەرێمی كوردستان}

^{30ـی 10ـی 2014}