چاوپێکەوتن

داواکاری گشتیی کرماشان: لێکۆڵینەوە لەبارەی لێدانی قوتابیان دەکەین

درێژه‌ی بابه‌ت

ئێران و ئەمریکا!

درێژه‌ی بابه‌ت

گەشەی پەیوەندیەکانی ئێران و ئەمەریکا گەیشت بەکوێ؟

درێژه‌ی بابه‌ت

مەودای ناکۆکییەکان و دانوستانەکانی ئێران- ئەمریکا بەرەو کوی؟

درێژه‌ی بابه‌ت

هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد

درێژه‌ی بابه‌ت

فه‌رهه‌نگ‌ و هونه‌ر

داواکاری گشتیی کرماشان: لێکۆڵینەوە لەبارەی لێدانی قوتابیان دەکەین

ڤیدیۆیەکە، فەرمانی پێویستم دەرکرد بۆ بەدواداچوون بۆ بابەتەکە." داواکاری گشتیی پارێزگای کرماشان گوتی، "بەمەبەستی لێکۆڵینەوەی زیاتر لە وردەکارییەکانی ئەم رووداوە، گفتوگۆ لەگەڵ بەرپرسانی پەروەردەش...

درێژه‌ی بابه‌ت

ئێران و ئەمریکا!

گۆڵۆباڵیزم ( کەئەوکات بەسیستەمی نوێی جیهان) پێناسە دەکرا. ئەو ململانێ فکریەش لە نێوان (ساموئل هانتینگتون ) ی خاوەن تێزی (پێکدادانی شارستانیەکان) و فرەنسیس فۆکۆیامای خاوەن...

درێژه‌ی بابه‌ت

گەشەی پەیوەندیەکانی ئێران و ئەمەریکا گەیشت بەکوێ؟

ساڵ و دەیان ملیار دۆلاری تێچووی بوو . بەتایبەتی دوای ئەوەی ئیسرائیل بە بەکار هێنانی جۆرە موشەکێکی ئەمەریکی توانیتی حەسەن نەسرولله کە لە قولای...

درێژه‌ی بابه‌ت

مەودای ناکۆکییەکان و دانوستانەکانی ئێران- ئەمریکا بەرەو کوی؟

و بەشێوەی ناڕاستەوخۆ و تەنها لەسەر پرسی ئەتۆم، دانوستان لەگەڵ ئەمریكا ئەنجام بدات. هەروەها لە بەرامبەریشدا، ترامپ بە كۆمەڵێك پێشمەرجی زۆر و قورسەوە، نامەیەك بۆ...

درێژه‌ی بابه‌ت

هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد

کۆچی دواییکرد و تەرمەکەی ناگەڕێندرێتەوە رۆژهەڵاتی کوردستان. رەنج پشدەری، چالاکڤانی کورد لە سوێد، ئەمڕۆ هەینی بە تۆڕی میدیایی رووداوی گوت: "سەید عەلی رەحیم پوور،...

درێژه‌ی بابه‌ت

په‌یوه‌ندی راسته‌وخۆ

گه‌ڕان

گەنجێکی کورد لە ماڵەکەی خۆیدا شەڕی داعش دەکات

گەنجێکی قەزای زاخۆ لە ماڵەکەی خۆیدا و لەڕێگەی ئینتەرنێت رووبەڕووی چەکدارانی داعش دەبێتەوە و ئەکاونت و ڤیدیۆکانیان هاک دەکات.

فەتحی مەحموود ئیسماعیل، تەمەنی 18 ساڵە و لە لێدوانێکدا بۆ ( تۆڕی میدیایی رووداو) دەڵێت "لە سەرەتای دەستپێکردنی جەنگی داعش لە کوردستان و عێراق، دەستم بە هاککردنی ئەکاونت و ڤیدیۆکانی رێکخراوی داعش کرد، چونکە داعش زۆر ڤیدیۆی نەشیاوی بڵاودەکردەوە کە دیمەنەکانیان تۆقێنەر بوون".

لەوەتەی پێشمەرگە رووبەڕووی چەکدارانی داعش شەڕ دەکات، فەتحی زۆر ڤیدیۆ و ئەکاونتی داعشی هاککردووە و سڕیونەتیەوە، وەک خۆی دەڵێت "دوو هەزار ئەکاونتی فەیسبووک و 250 ئەکاونتنی توویتەرم هاککردووە، لەگەڵ سڕینەوەی 6 هەزار ڤیدیۆی داعش، کە زۆربەیان ڤیدیۆی سەربڕنی خەڵک بوون".

بەگوتەی فەتحی، لە ساڵی 2012 لەڕێگەی ئینتەرنێتەوە شارەزایی لە بواری ئەلیکترۆنیات و هاککردنی بەرنامەکان و دروستکردنی یاری جۆراوجۆر پەیداکردووە، ئێستاش سەرقاڵی دروستکردنی یارییکەی ئەلیکترۆنیە بەنێوی (پێشمەرگە) بۆ مۆبایل.

فەتحی باسی لەپێکهاتەی ئەو یاریە کرد کە پێشتر بۆ کۆمپیوتەر دروستی کردووە و ئاشکرایکرد "یاریەکە دەربارەی شەڕی پێشمەرگە و تیرۆریستانی داعشە، لە یاریەکەدا پێشمەرگە لە سەنگەرەکانی دژی چەکدارانی داعش دەجەنگێت".

ئەو گەنجەی زاخۆ زیاتر گوتی "لە مانگی نۆی ساڵی 2014 وە سەرقاڵی دروستکردنی یاریەکە بووم و توانیم تاوەکو مانگی شەشی 2015 دروستیبکەم، بەڵام تەنیا دەتوانرێت لەسەر کۆمپیوتەر کاری پێبکرێت و ئێستا لە بازاڕ دەستدەکەوێت و خەڵک دەیکڕن".

فەتحی دەیەوێت برەو بەکارەکەی بدات و ئاماژە بەوە دەکات "نزیکەی ساڵێکە لە هەوڵی ئەوەدام ئەو بەرنامەیە وەک ئەپڵیکەیشن بخەمە نێو مۆبایل، تاوەکو هەموو کەس بتوانن سوودی لێوەربگرن و بەردەوام لەبەردەستیان بێت، بەڵام بەهۆی ئەوەی پارەیەکی زۆری دەوێت ناتوانم دابینی بکەم، بۆیە بەرنامەکەم وەستاوە".

سەبارەت بەو بەرنامانەی دروستیکردووە دەڵێت "تاوەکو ئێستا 12 بەرنامەم دروستکردووە و یەکێک لەبەرنامەکان، لە وێنەی شەهیدەکانی شەڕی داعش پێکهاتووە و بەکارهێنەر دەتوانێت وێنەکان لەیەکدی جودا بکاتەوە و پاشان بیانلکێنێت بەیەکەوە". ئەوە جگە لەوەی کە یارییەکی دیکەی کوردی تایبەت بە (پردی دەلال)ی دروستکردووە.

ئەو ئێستا لەگەڵ دایک و باوکی و سێ خوشک و سێ برای لە ماڵەوە دەژیت و بەگوتەی خۆی یارمەتیدەرێکی باشن لە کارەکانیدا، بەڵام بۆ تەواوکردنی کارەکانی هیچ کەسێک یارمەتیدەری نەبووە، بۆیە داوا دەکات لەڕووی مادییەوە هاوکاری بکرێت.

نێچیرڤان بارزانی: نامانەوێ ئەوەی لە عێراق رووی دا لێرەش روو بدات

^{سەرۆکی حکوومەتی هەرێمی کوردستان رایدەگەیەنێت، کە حکوومەت و گەلی کوردستان نایانەوێ ئەوەی لە عێراق رووی دا لە شەڕی تائیفی و بڵاوبوونەوەی بیری توندڕەوی، لە هەرێمی کوردستانیش روو بدات.}

^{رۆژی سێشەممە 8ـی تشرینی دووەمی 2016، نێچیرڤان بارزانی، سەرۆکی حکوومەتی هەرێمی کوردستان لە میانەی وتارێکدا لە کۆنفڕانسی یەکخستنی گوتاری ئایینی لە کوردستان رایگەیاند، کە بە کافردانان و دژایەتیکردنی هەر ئایینێک لە کوردستان ”بەھیچ شێوەیەک لەگەڵ ئێمەدا گونجاو نییە“.}

^{نێچیرڤان بارزانی رایگەیاند، کە حکوومەت پێویستیی بە پشتیوانیی بەردەوامی مامۆستایانی ئایینی هەیە بۆ ئەوەی رێگە لە بەکارهێنانی مزگەوتەکان بۆ بڵاوکردنەوەی بیری توندوتیژی بگیرێت.}

^{سەرۆکی حکوومەتی هەرێمی کوردستان پێیوایە ڕۆڵی مامۆستایانی ئایینی ”پاراستنی ناو و ناوبانگ و کۆمەڵگەی کوردستانە“ و بە پێویستیشی زانی مامۆستایانی ئایینی بە هەماهەنگیی پەروەردە، کولتوری پێکەوەژیان بەهێز بکەن.}

^{نێچیرڤان بارزانی رەتی کردەوە حکوومەتی هەرێمی کوردستان رێگا بە بەکارهێنانی مزگەوت بۆ کاروباری سیاسی بدات و رایگەیاند، کە حکوومەت بەردەوام چاودێریی هەموو شوێنەکان بە مزگەوتیشەوە دەکات.}

^{هەروەک سەرۆکی حکوومەتی هەرێمی کوردستان رایگەیاند، ئەو مامۆستا ئایینیانەی مزگەوتەکان بۆ کاروباری سیاسیی و مەرامی حزبی بەکار دەهێنن، ”کۆمەڵگە بەرەو ھەڵدێر دەبەن و کێشە دەخەنە ناو کۆمەڵگەوە“.}

^{نێچیرڤان بارزانی پێیوایە بەکارهێنانی مزگەوت و حوسەینییەکان لە عێراق بۆ مەرامی سیاسی و بڵاوکردنەوەی بیری توندڕەوی هۆکاربووە بۆ شەڕی تائیفی و ناوخۆیی لە عێراق و رایگەیاند، ”ئێمە نامانەوێت لە ھەرێمی کوردستاندا ئەوە بکرێت“.}

^{بە گوتەی سەرۆکی حکوومەتی هەرێمی کوردستان، سەرهەڵدانی رێکخراوی توندڕەوی داعش لە مووسڵ و ناوچەکانی دیکەی عێراق و مانەوەی دەسەڵاتەکەیان بۆ نزیکەی دوو ساڵ و نیو، بەهۆی بوونی زەمینەی لەبار بووە بۆ ئەو رێکخراوە لەو ناوچانە، کە تێیاندا و لە رێگای مامۆستایانی ئایینیی بەردەوام بیری توندڕەوی بڵاو دەکرایەوە.}

^{دوای هێرشی داعش بۆ سەر کوردستانی باشوور، ئەمریکا بڕیاری هێرشی ئاسمانیی دا بۆ سەر ئەو رێکخراوە و پاراستنی کوردستان، نێچیرڤان بارزانیش لەمبارەیەوە رایگەیاند، باراک ئۆبامای سەرۆکی ئەمریکا بەهۆی پێکەوەژیانی ئاشتییانەی ئایینەکان لە کوردستان بڕیاری پاراستنی کوردستانی دا.}

^8/11/2016

کوردستانی ڕۆژهەڵات.. دوو بەندکراوی دیکە لەسێدارە دران

^{دوو بەندکراوی کورد لە بەندیخانەی شاری (قوروە)ی سەر بە پارێزگای سنە لەلایەن دەزگای دادوەریی ئێرانەوە لەسێدارە دران.}

^{بەپێی راپۆرتی ماڵپەڕی مافی مرۆڤیی (هەنگاو) سەرلەبەیانیی دوێنێ دووشەممە 2016 -11- 7 سزای سێدارەی دوو بەندکراوی کورد لە بەندیخانەی شاری قوروەی سەر بە پارێزگای سنە بەڕێوە چوو.}

^{بەپێی هەمان سەرچاوە ناسنامەی ئەو دوو هاووڵاتییە کوردەی محەممەدڕەسووڵ حەیدەری، خەڵکی قوروە و بابەک حەسەن زادە، خەڵکی سەردەشت ڕاگەیەندراوە.}

^{محەممەدرەسووڵ بە تۆمەتی "کوشتنی ئەنقەست" و بابەک بە تۆمەتی "بازرگانی کردن بە مادە هۆشبەرەکان" لەلایەن دەزگای دادوەریی ئێرانەوە سزای زیندانیان بەسەردا سەپێندرابوو و ماوەی ٤ ساڵە لە بەندیخانەی هەمەدان ڕاگیرابوون و 20 ڕۆژ بەرلە ئێستا بە مەبەستی جێبەجێکردنی سزاکەیان بۆ بەندیخانەی شاری قوروە گوێزرابوونەوە.}

^{پێشتر و بەپێی ڕاپۆرتی ماڵپەڕی ڕێکخراوی مافی مرۆڤی ئێران لە ڕاپۆرتێکدا ڕایگەیاندبوو کە 14 بەندکراوی بەندیخانەی قوروە ئەگەری جێبەجێکردنی سزاکەیان لە ئارا دایە.}

^{بە پشتبەستن بە ئاماری تۆمارکراو لە ناوەندی ئاماری ماڵپەڕی مافی مرۆڤیی (هەنگاو) لە سەرەتای مانگی نۆڤەمبەرەوە سزای سێدارەی 8 هاووڵاتیی کورد لە بەندیخانەکانی سەڵماس، ئورمیە ، قوروە و مەهاباد بەڕێوە چووە.}

^{باسنیوز: شەریف فەلاح}

^8/11/2016

ھەدەپە داوای دەستپێشخەری لە بارزانی دەکات

^{پەرلەمانتارانی ھەدەپە دوای ئازادکردنیان، داوا لە بارزانی دەکەن رۆڵی خۆیان لە ئازادکردنی ھاوسەرۆکانی ھەدەپە و دەستگیرکراوەکانیان بخەنە گەڕ، سەرکردەیەکی پارتییش رای دەگەیەنێ، بارزانی ئەوەی بۆی بکرێ، درێغی لێ ناکات.}

^{لە چەند رۆژی رابردوودا، سەلاحەدین دەمیرتاش و فیگەن یوکسەکداغ، ھاوسەرۆکانی ھەدەپە و ٩ ئەندام پەرلەمانی دیکەی ئەو پارتەی باکووری کوردستان لە لایەن پۆلیسی تورکیاوە دەستگیر کران، پاشان ٢ ئەندام پەرلەمانیان ئازاد کران و ئەوانی دیکەیش تاوەکو ئێستا لە زیندان ماونەتەوە و تۆمەتی ئەوەیان دراوەتە پاڵ کە ژێر بەژێر ھاوکاریی پەکەکەیان کردووە و شارەوانییەکانی باکووریان بۆ بەرژەوەندیی پەکەکە بەکارھێناوە.}

^{یەکێک لە پورلەمانتارە ئازادکراوەکان، ئیمام تاشجیگەرە، کە لەسەر شاری ئامەد بۆ پەرلەمانی تورکیا ھەڵبژێدرا، لە لێدوانی تایبەتیدا بۆ (باس) داوای کرد، مەسعود بارزانی، سەرۆکی ھەرێمی کوردستان خۆی بکات بە خاوەنی ھەدەپە و رۆڵی ھەبێت لە ئازادکردنی ھاوسەرۆک و پەرلەمانتارەکاندا.}

^{گوتیشی: "بارزانی بە خاوەنی ھەدەپە دەزانم و لە راگەیاندراوەکەشیدا لەبارەی ئازادکردنی پەرلەمانتارانی ھەدەپە بە کردار ئەوەی سەلماند، داواکارین رۆڵی ھەبێت لە ئازادکردنی ھاوسەرۆکانی ھەدەپە و پەرلەمانتارە زینادانیکراوەکاندا“.}

^{ئاماژەی بەوەش دا، ئەجێندای رەجەب تەییب ئەردۆگان ئەوەیە پەلاماری رۆژئاواش بدات، رۆژئاواش پێویستی بە بارزانی ھەیە و پێویستە لەوێشدا رۆڵی خۆیان بگێڕن، گوتیشی: "ئێمە دەمانەوێت لە ھەموو شوێنێک کورد یەکگرتوو بێت و لە تەنگانەدا ببن بە خاوەنی یەکتری".}

^{لای خۆشیانەوە، ئادەم گاوەری، پەرلەمانتاری ھەدەپە لەسەر شاری وان، لە لێدوانیدا بۆ (باس) بە ھەمان شێوە داوای کرد بارزانی رۆڵی خۆی بگێڕێت لە ئازادکردنی زیندانکراوانی ھەدەیە، گوتی: "ئێستا ھەدەپە پێوستی بە ھەوڵ و رۆڵی بارزانی ھەیە لە ئازادکردنی ھاوسەرۆکانی ھەدەپە و ئەندام پەرلەمانەکانی دیکە، چونکە شەڕی باکوور و خراپیی رەوشی تورکیا کاریگەریی خراپی لەسەر ئارامیی باشووریش دەبێت".}

^{گاوەری ئاماژەی بۆ ئەوەش کرد، کە لەسەر سنووری تورکیا و ھەرێمی کوردستان سەدان تۆپ و تانکی حکوومەتی تورکیای لێیە، کە بە بەھانەی ئەوەی پەکەکەی لێیە جاروبار ئامێدی بۆردومان دەکەن، ئەمانە پێمان دەڵێن ئارامیی باکوور بۆ ئارامیی باشوور گرنگە.}

^{ئەو پەرلەمانتارەی ھەدەپە جەختی لەوە کردەوە کە بارزانی دەتوانێ لەگەڵ حکوومەتی تورکیا قسە بکات بۆ ئازادکردنی ھاوسەرۆک و ئەندام پەرلەمانەکانیان.}

^{پێشنیازی ئەوەشی کرد بۆ دۆخی باکووری کوردستان، پارتی کرێکارانی کوردستان (پەکەکە) و پارتی دیموکراتی کوردستان لە یەکتری نزیک ببنەوە و کۆبوونەوە ئەنجام بدەن.}

^{پێشتریش نوێنەری ھەدەپە لە ھەرێمی کوردستان، لە لێدوانێکیدا بۆ (باس) رای گەیاندبوو کە بارزانی وەکو کەسایەتییەکی سیاسی و سەرۆک لەناو کوردان رۆڵی گرنکی خۆی دەبینێت، ھەروەھا کاریگەریی زۆری لەسەر کۆمەڵگای نێودەوڵەتی و ناوچەکە لە رووی ئاستی نیشتمانی و نەتەوەییدا ھەیە.}

^{ئەوەیشی روون کردبووەوە، کە بڵاوکردنەوەی راگەیەندراو لە لایەن سەرۆکایەتیی ھەرێمی کوردستانەوە بۆ ئەو ھەڵمەتەی حکوومەتی تورکیا کردوویەتی لە دەستگیرکردنی ھاوسەرۆکانی ھەدەپە و پەرلەمانتارانی ئەو پارتە، جێگەی دڵخۆشییە.}

^{لە کوردستانی باشووریش، چاودێری سیاسی د. فایەق گوڵپی، سەرۆکی پێشووی پارتی چارەسەری دیموکراتی کوردستان، کە پارتێکی نزیک لە پارتی کرێکارانی کوردستانە، بۆ (باس) رای گەیاند، ئەگەر بارزانی ھەڵوێستی ھەبێت و رۆڵ ببینێ بۆ ئازادکردنیان ئەوا ھەنگاوێکی باش دەبێ، گوتی: "ئەو ھەوڵەی بارزانی دەبێتە ھۆی نزیکبوونەوەی کورد لە یەکتری و باشبوونی ریزەکانی گەلی کورد لە پارچە جیاجیاکانی کوردستان".}

^{راشی گەیاند: "ماوەیەکی زۆرە دەوڵەتی تورکیا، بەتایبەتی لەدوای کودەتاکەوە، بەو ئاراستەیە سیاسەت دەکا، کە فشاری زۆری ھەیە لەسەر ھەموو ھێزە سیاسییەکانی نەیار بە ئەردۆگان و ئەکەپە".}

^{گوڵپی ئاماژەی بۆ ئەوەش کرد، سەرەڕای ئەوەی دەوڵەتی تورکیا زەحمەتە بکەوێتە ژێر کاریگەریی ھیچ کەس و لایەنێک بۆ چارەسەری دۆخەکە، بەڵام لەگەڵ ئەوەشدا ھەوڵ و رۆڵی ھەر کەس و لایەنێک شتێکی باشە و ئەوان بە ئەرێنی دەبینن، گوتیشی: "لەدوای دەستگیرکردنی ھاوسەرۆکەکانی ھەدەپە و پەرلەمانتارەکانی، ھەڵوێستی سەرۆکایەتیی ھەرێم و ھەڵوێستی پارتی دیموکراتی کوردستان بۆ ئیدانەکردن و نیگەرانییان شتێکی باش بووە، ئەوە وای کردووە کورد بەتایبەتی پارتی و پەکەکە لەیەک نزیک بکاتەوە، بەڵام ئەگەر سەرۆکی ھەرێم ھەنگاوی ئازادکردنیان بۆ بھاوێت، ئەوا پارتی و پەکەکە زۆر زیاتر لە یەکتری نزیک دەکاتەوە، بەشێوەیەک کاریگەریی دەبێ لەسەر ھەموو پێکھاتە سیاسییەکان".}

^{گوتیشی: "سەرەڕای ئەو دۆخەی ھەیە، بەڵام دەبێت ئەوەش ببینین کە رۆژ بەرۆژ زەمینەیەکی لەبار بۆ گەیشتنی گەلی کورد بە مافەکانی لە ھەر چوار پارچەکەی کوردستان نزیک دەبێتەوە، لەبەرئەوە لەم قۆناغەدا کورد زیاتر لە ھەموو کات پێویستی بە یەکگوتاری ھەیە".}

^{لای خۆشیانەوە ئەحمەد کانی، ئەندامی سەرکردایەتیی پارتی و بەرپرسی مەکتەبی پەیوەندییەکانی ئەو حزبە، بۆ (باس) رای گەیاند، ئەوان لەوە دڵنیان کە بارزانی ھەر شتێکی پێ بکرێت بۆ کورد و لایەنی سیاسی و کەسایەتیی سیاسیی کوردی، ھەروەھا پرسی پڕۆسەی ئاشتی لە تورکیا و ھەموو پارچەکانی دیکەی کوردستان درێغی ناکات، گوتیشی: "ھەڵوێستی پارتی و بارزانی لەسەر ئەو دۆخەی لە تورکیا ھەیە زۆر روونە، بۆ ئەوەش بەیاننامەیان ھەیە و رای خۆیان راگەیاندووە".}

^{ئاماژەی بۆ ئەوەش کرد، چارەسەریی کێشەکان بە گرتن و زیندانی کردن و توندوتیژی نابێت، گوتی: "دواجار ھەر دەبێت ھەردوو لا بێنەوە سەر پرەنسیپی گفتوگۆ و دەستکردنەوە بە پڕۆسەی ئاشتی".}

^{راشی گەیاند: ”راستە بەپێی دەستووری تورکیا حەسانە لەسەر ئەو سەرکردانەی ھەدەپە و پەرلەمانتارەکانی ھەڵگیراوە، بەڵام ئەو پرسە سیاسییە و دەبێ بە دیقەت و ژیرانە و بەرپرسیارانە مامەڵەی لەگەڵدا بکرێ، نەوەکو بە عەقڵییەتێکی توندوتیژ، یان بەشێوەیەک خەڵکانێک بۆ موزایەدەی سیاسی دەیانەوێ مامەڵە لەگەڵ ئەو دۆخەدا بکەن، بەڵام سەبارەت بە پارتی و سەرۆک بارزانی ئەوە بە شێوەیەکی کوردانە و ئاشتییانە ئەوەی بۆیان بکرێت لەو بڕوایەدام کە درێغی ناکەن".}

^8/11/2016

ئێران: نووسینگەی یەکێتیی ئەورووپا لە تاران دەکرێتەوە

^{بە گوتەی جێگری وەزیری دەرەوەی کۆماری ئیسلامیی ئێران، لە ڕاۆژانی داهاتوودا نووسینگەی یەکێتیی ئەورووپا بە فەرمی لە تاران دەکرێتەوە.}

^{مەجید تەخت ڕەوانچی، جێگری وەزیری دەرەوەی ئێران ئەمڕۆ دووشەممە 2016 -11- 7 بە ماڵپەڕی (ئیلنا)ی گوتووە "بەهۆی ئاستی نزمی پەیوەندیی ئێران و یەکێتیی ئەورووپا لە رابردوودا، پێشتر پێویستی نەدەکرد کە دیپلۆماتەکانی ئەورووپا لە تاران حزووریان هەبێت، یەکێتیی ئەورووپا پێشتر لەڕێگەی سەرۆکایەتی دەورەیی خۆی و باڵوێزی ولاتان کارەکانی لە تاران ڕایی دەکرد."}

^{تەخت ڕەوانچی گوتیشی "هەر ئێستا دیپلۆماتە ئەورووپییەکان لەناو باڵوێزخانەی هۆڵەندا لە تاران چاوەڕێی کردنەوەی نووسینگەی یەکێتیی ئەورووپان و قۆناغە سەرەتاییە یاساییەکانی ئەمکارە لە تاران دەستیان پێ کردووە و هاوکات لەگەڵ فراوانبوونی پەیوەندییەکانمان لەگەڵ وڵاتانی ئەورووپی، کردنەوەی نووسینگەی یەکێتیی ئەورووپا لە تاران بە پێویست دەزانین."}

^{ئاماژەی بەوەش کردووە ئێستا باڵوێزی ئێران لە بەلجیکا ڕۆڵی باڵوێزی ئێران لە ئۆرگانە فەرمییەکانی یەکێتیی ئەورووپا دەگێڕێت.}

^{ئەم پرسە پاش دیداری هەفتەی رابردووی فردیکا موگرینی سەرۆکی سیاسەتی دەرەوەی یەکێتیی ئەورووپا لەگەڵ حەسەن ڕۆحانی و محەمەدجەواد زەریف، سەرکۆمار و وەزیری دەرەوەی ئێران لە تاران هاتووەتە ئاراوە.}

^7/11/2016

قاسم سولەیمانی فەرماندەیی هێزە عێراقییەکان لە رۆژئاوای مووسڵ دەکات

^{جێگری سەرۆکی دەستەی میلیشیاکانی حەشدی شەعبیی شیعەمەزهەب رایدەگەیەنێت، کە فەرماندەی سوپای قودسی ئێرانی فەرماندەیی هیزە عێراقییەکان لە رۆژئاوای شاری مووسڵ دەکات.}

^{ئەبومەهدی موهەندیس، جێگری سەرۆکی دەستەی میلیشیاکانی حەشدی شەعبی لە لێدوانێکی رۆژنامەوانیدا رایگەیاندووە، کە قاسم سولەیمانی، فەرماندەی سوپای قودسی ئێرانی لە سەر خاکی عێراقە و بەشداریی ئۆپەراسیۆنی رزگارکردنەوەی شاری مووسڵ دەکات.}

^{هەروەک ئەبومەهدی موهەندیس رایگەیاندووە، قاسم سولەیمانی فەرماندەیی میلیشیاکانی حەشدی شەعبی و هێزە عێراقییەکان لە میحوەری رۆژئاوای شاری مووسڵ دەکات.}

^{بەشداریکردنی فەرماندەی سوپای قودسی ئێرانی و سەرپەرشتیکردنی میلیشیا شیعە عێراقییەکان لە کاتێک دایە، کە بەرپرسانی باڵای عێراق چەندین جار رایانگەیاندووە، کە هیچ هێزێکی بیانی بەشداریی لە ئۆپەراسیۆنی رزگارکردنەوەی شاری مووسڵ ناکات.}

^{پێشتر لە راپۆرتێکدا، رێکخراوی لێبووردنی نێودەوڵەتی رایگەیاندبوو، کە میلیشیا شیعەکان بەشێوەیەک ”پێشێلکاری“ لە مافی هاووڵاتییانی سوننە دەکەن، کە پێشێلکارییەکان دەچنە خانەی ”تاوانەکانی جەنگ“.}

^{دوای هەرەسهێنانی سوپای عێراق و داگیرکردنی زۆربەی شارەکانی پارێزگاکانی نەینەوا، دیالە، سەڵاحەدین و ئەنبار لە مانگی حوزەیرانی 2014 لەلایەن چەکدارانی رێکخراوی توندڕەوی داعشەوە، عەلی سیستانی، مەرجەعی باڵای شیعەکانی عێراق فەتوای دروستکردنی میلیشیای حەشدی شەعبی دا، تاوەکو شوێنی سوپای عێراق بگرێتەوە.}

^{چەندین جار هاووڵاتی و سەرکردە سیاسییەکانی پارێزگای نەینەوا بەشداریکردنی میلیشیاکانی حەشدی شەعبیان لە ئۆپەراسیۆنی رزگارکردنەوەی مووسـڵ رەتکردووەتەوە و پاساویان بۆ ئەو رەتکردنەوەیەش ئەوەیە، کە ئەو چەکدارە شیعانە خەڵکی سوننە بەبێ هۆ دەکوژن.}

^{پێشتر لە کاتی رزگارکردنەوەی شارۆچکەی فەللوجەی پارێزگای ئەنبار، چەندین گرتەی ڤیدیۆیی بڵاو بووەوە، کە تێیدا چەکدارە شیعەکان هاووڵاتییانی سوننەمەزهەب ئازار دەدەن و بە زیندوویی دەیانسووتێنن و سەریان دەبڕن.}

^7/11/2016

”چەکدارانی داعش لە باشیک تەنیا بە بێ تەل پەیوەندییان بە ڕێکخراوە تیرۆریستییەکەیانەوە ماوە“

^{هێزەکانی پێشمەرگەی کوردستان بە تەواوی گەمارۆی چەکدارانی داعشی لەناو شارەدێی باشیک داوە و هێزەکانی بەرەو ناو شارەدێیەکە پێشڕەوی دەکات.}

^{پاش ئەوەی لە دوو هەفتەی ڕابردوودا هێزی پێشمەرگەی کوردستان بە تەواوەتی شارەدێی (باشیک)ی لە ڕۆژهەڵاتی مووسڵ گەمارۆ دا، لە بەرەبەیانی ئەمڕۆوە ئۆپەراسیۆنێکی فراوانی پێشمەرگە بۆ کۆنتڕۆڵکردنەوەی سەنتەری شارەدێیەکە دەستی پێ کرد.}

^{لەمبارەیەوە سەرچاوەیەکی سەربازی بە (باسنیوز)ی ڕاگەیاند کە هێزەکانی پێشمەرگەی کوردستان بە تەواوەتی چەکدارانی داعشیان لەناو مووسڵ گەمارۆ داوە و ئەوان هیچ پەیوەندییەکیان بە ڕێکخراوە تیرۆریستییەکەیانەوە نەماوە. گوتیشی: ”تەنیا بە بێ تەل پەیوەندییان لەگەڵ داعش ماوە و جاروبار ئەمیرەکانی داعش داوایان لێ دەکەن بەرگری بکەن“.}

^{بەپێی زانیارییەکانی (باسنیوز)، چەکدارانی داعش لەناو باشیک توانای بەرگریکردنیان نەماوە و ماوەیەکی زۆرە گەمارۆ دراون، بۆیە پێشبینی دەکرێت لە ماوەی چەند سەعاتی داهاتوودا ئەو سەنتەری شارەدێیە بە تەواوی بکەوێتە دەست پێشمەرگە.}

^{پێشتر مەسعود بارزانی، سەرۆکی هەرێمی کوردستان، لە کۆنگرەیەکی ڕۆژنامەوانیدا لە میحوەری باشیک ڕای گەیاندبوو کە سەنتەری شارەدێی باشیک لە ڕووی سەربازییەوە کەوتووە، بەڵام پێشمەرگە بە مەبەستی ئەوەی کەمترین زیان بدات، پەلە لە چوونە ناو شارەدێیەکەدا ناکات.}

^7/11/2016

سوپای پاسداران لە گوندێکی هەورامان مانۆڕی سەربازی ئەنجام دەدات

^{سەرچاوە خۆجێیەکانی کوردستانی ڕۆژهەلات بڵاویان کردەوە "هاوکات لەگەڵ پەرەسەندنی هەڕەشەکانی سوپای پاسدارانی ئێران بۆ سەر حیزبی دیموکرات، هێزێکی زۆری "سوپای پاسداران لە دەوروبەری گوندی "سەرهویە"ی سەر بە ناوچەی ژاوەرۆی سنە جێگیر کراون و ئەو گوندەیان بە تەواوەتی گەمارۆ داوە و مانۆڕی سەربازی دەدەن.}

^{بەپێی راپۆرتی ماڵپەڕی ڕۆژی کورد، ئێوارەی دوێنێ یەکشەممە 2016 -11- 6 هێزێکی زۆری پاسدار، کە بە چەکی قورس تەیار بوون، لە دەوربەری گوندی سەرهویە جێگیر بوون و ئێستا لەو ناوچەیە لە چەندین شوێن به چڕی کەمینیان ناوەتەوە.}

^{هەتا ئێستا ڕوون نییە کە ئامانج لە هێنانی هێزێکی زۆری پاسدار بۆ ئەو ناوچەیە چییە، بەڵام لە دوای چالاکیی پێشمەرگەکانی حیزبی دیموکرات کۆمەڵێک کۆنە بنکەی سوپای پاسداران لە پارێزگاکانی کوردستانی ڕۆژهەڵات نۆژەن کراونەتەوە.}

^{دەگوترێ کە هێزەکانی سوپای پاسداران، هەڕەشەیان لە خەڵک کردووە کە لە ئەگەری هەبوونی پێشمەرگەکانی حیزبی دیموکرات لەو ناوچانە، دەبێ هاوکاریی سوپای پاسداران و دەزگا ئەمنییەکان بکەن.}

^{هاوکات لە ماوەی دوو ڕۆژی هەینی و شەممەدا، لە تێکڕای شارەکانی پارێزگەی سنە، مانۆڕی سەربازی بۆ بردنە سەرەوەی ورەی پاسدارەکان بەڕێوە چووە.}

^{ئەمە جووڵە سەربازییانەی سوپای پاسداران لە کاتێک دایە کە لە ماوەی هەفتەی ڕابردوودا حوسێن سەلامی، جێگری فەرماندەی سوپای پاسداران لە ورمێ و چەند شوێنی دیکە ڕاستەوخۆ هەڕەشەی لە حیزبی دیموکراتی کوردستانی ئێران کرد.}

^7/11/2016

ئێران کچانی گەنج دەنێرێتە شەڕی سووریا

^{بەپێی ڕاپۆرتی ماڵپەڕی "ئێران خەبەر" و بە پشتبەستن بە هەواڵی ماڵپەڕی ئەلعەرەبییە نێت، حکوومەتی ئێران، شانبەشانی چەکدارانی سوپای پاسداران، کچانی مێرمنداڵ ڕەوانەی بەرەاکانی شەڕی ناوخۆیی سووریا دەکات.}

^{ئەلعەرەبییە بە بڵاوکردنەوەی وێنەی کۆمەلێک لە کچانی مێرمنداڵی ئێرانی ئاشکرای کردووە کە ئەو کچانە هاوشانی چەکدارانی سوپای پاسداران بە دڵخواز وەک ئەندامانی بەسیج ڕەوانەی بەرەکانی شەڕی سووریا کراون.}

^{ئێران جیا لە ڕەوانەکردنی خەڵکانی خۆی بۆ بەرەکانی شەڕی سووریا، خەڵکی شیعەی ئەفغانی و پاکستانیی دانیشتووی ئێرانیشی ڕەوانەی سووریا کردووە.}

^{بەپێی ڕاپۆرتێک کە ماڵپەڕی ڕۆژنامەی کەیهانی لەندەن بڵاوی کردووەتەوە لە ماوەی سەش ساڵ شەڕی ناوخۆیی سووریا هەتا ئێستا 2700 چەکداری سوپای پاسداران لە سووریا کوژراون کە چەندین مەلا و زیاتر لە 20 فەرماندەی باڵایان تێدا بووە.}

^6/11/2016

ئێران چەند دەروازەی کۆڵبەری نێوان ڕۆژهەڵات و کوردستانی باشوور دادەخات

^{بەپێی ئەو هەواڵ و زانیارییانەی کەلە پێگە هەواڵییەکانی کوردستانی ڕۆژهەڵات بڵاو بوونەوەتە، کۆماری ئیسلامیی ئێران بڕیاری داوە کۆمەڵێک لە دەروازە کۆڵبەرییەکانی نێوان کوردستانی باشوور و ڕۆژهەڵات دابخات.}

^{زانیارییەکان باس لەوە دەکەن کە جیا لە سێ سنووری نیودەوڵەتی و فەرمیی "باشماخ و حاجی ئۆمەران و پەروێزخان" لەگەڵ کۆماری ئیسلامیی ئێران، دە سنووری نافەرمی و کاتیی کۆڵبەری لە نێوان هەرێمی کوردستان و شارە جیاجیاکانی کوردستانی ڕۆژهەڵات هەیە، هەتا ئێستا دیار نییە لەو ڕێژەیە ئێران بڕیاری داخستنی چەدنیانی داوە.}

^{ئێران بەتەمایە بە پێکهێنانی لێژنەیەکی هەماهەنگی و هاوکاری لەگەڵ هەرێمی کوردستان، پێداچوونەوە بە چۆنیەتیی کاروباری ئەو دەروازە کۆڵبەرییانە بکات.}

^{هەتا ئێستا وردەکاری لەبارەی ئەم پرسەوە بلاو نەکراوەتەوە.}

^{ئەمە لە کاتێک دایە کە هەفتەی رابردوو شاندێکی باڵای یەکێتیی نیشتمانیی کوردستان بە سەرپەرستیی مەلا بەختیار، سەرۆکی دەستەی کارگێڕی مەکتەبی سیاسیی یەکێتی سەردانی تارانی کرد و لەگەڵ گەورە بەرپرسانی سیاسی و سەربازیی ئێران کۆبوونەوەو لەو گفتوگۆیانەدا باس لە هاوکاری و پەیوەندییەکانی یەکێتی و دامەزرانی کۆمیتەیەکی هاوکاری کراوە.}

^{باسنیوز: شەریف فەلاح}

^6/11/206

ڕاوێژکارێکی بارزانی ناوەڕۆکی کۆبوونەوەکەی بارزانی و عەبادی ئاشکرا دەکات

^{ڕاوێژکارێکی سەرۆکی هەرێمی کوردستان باس لە کۆبوونەوەی سەرۆکی هەرێمی کوردستان و سەرۆک وەزیرانی عێراق دەکات و دەڵێت: "لە کۆبوونەوەکە جەخت لەسەر هەماهەنگیی سەربازی و سیاسی لە نێوان هەردوولا کراوەتەوە".}

^{ئەمڕۆ یەکشەممە 6\11\2016، کیفاح مەحموود، ڕاوێژکاری ڕاگەیاندنی سەرۆکی هەرێمی کوردستان، بە (باسنیوز)ی ڕاگەیاند: “هاتنی حەیدەر عەبادی، سەرۆک وەزیرانی عێراق بۆ هەرێمی کوردستان، بەمەبەستی دروستکردنی هەماهەنگی بووە لە نێوان هەولێر و بەغدا، بە تایبەتی هەماهەنگی لەنێوان هێزەکانی پێشمەرگە و هێزەکانی سوپای عێراق”.}

^{ئەوەشی ڕوون کردەوە: “بارزانی لە کۆبوونەوەکە ڕای گەیاندووە کە پێشمەرگە و هێزە ئەمنییەکان پێشڕەویی بەرچاویان لە جێبەجێکردنی پلانی مووسڵدا کردووە. هەروەک عەبادیش ئاماژەی بەوەداوە، پێشمەرگە و هێزە عێراقییەکان توانیویانە ئەو پلانەی داندرابوو، خێراتر لە ماوەی پێشبینیکراو جێبەجێ بکەن. بۆیە پێشمەرگە و هێزە عێراقییەکان بەرهەمی هەماهەنگییەکانی نێوان هەولێر و بەغدایان نیشان دا”.}

^{ڕاوێژکاری ڕاگەیاندنی سەرۆکی هەرێمی کوردستان ئەوەشی خستە ڕوو: “بارزانی لە ڕووی سیاسی و سەربازییەوە، ئامادەی پشتیوانی بووە بۆ کۆنتڕۆڵکردنەوەی مووسڵ دەکات”. گوتیشی: “تەنیا باس لە بارودۆخی سەربازیی شەڕی مووسڵ لەلایەن پێشمەرگە و هێزە عێراقییەکان کرا و جەختیش لەسەر هەماهەنگیی نێوان هەولێر و بەغدا کرایەوە".}

^{لەبارەی تاوتوێکردنی ئەگەری چوونی پێشمەرگە بۆ ناو مووسڵ و هەماهەنگی لەگەڵ سوپای عێراق، کیفاح مەحموود بۆ (باسنیوز)ی ڕوون کردەوە: "لە کۆبوونەوەکەدا باس کراوە کە پێشمەرگە ناچێتە ناو مووسڵ، حەشدی شەعبیش ناچێتە ناو مووسڵ و شار و شارۆچکەکانی دەوروبەری، ئەو پلانەی دانراوە ئەوە جێبەجێ دەکرێت، ئەو هێزانەی ڕاسپێردراون پلانەکە جێبەجێ دەکەن”.}

^6/11/2016

هۆکاری داوای دەست لەکارکێشانەوەی سکرتێری حدک ئاشکرا دەبێت

^{بەپێی ئەو زانیارییانەی کە لەناو حزبی دیموکرات (حدک) درزیان کردووە، ماوەیەکە ئەندامانی ڕێبەریی ئەو حزبە لەگەڵ بەشێکی زۆر لە ئەندامان لە هەڵوێست و وتارەکانی سکرتێری گشتی (خالید عەزیزی) لە بەرانبەر سیاسەتی حزب و کۆماری ئیسلامی ناڕازین، ئەمەش لە دوایین پلینۆمی ئەو حزبەدا کاردانەوەی عەزیزی لێ کەوتەوە.}

^{زانیارییەکان باس لەوە دەکەن "لە دوایین پلینۆمی حدک کە ڕۆژی ١٦ی ئوکتوبر ٢٠١٦ کۆتای پێهات، دوای باس و موناقشەیەکی زۆر لەسەر سیاسەت و هەڵوێستەکانی خالیدی عەزیزی، ناوبراو بە شێوەیەکی فەرمی نامەی وازهێنانی خۆی لە پۆستی سکرتێری پێشکێش بە کۆمیتەی ناوەندی حدک کرد."}

^{خالیدی عەزیزی ڕای گەیاندووە "لەبەر ئەوەی زۆربەی ئەندامانی حزبەکەی پشتیوانی لە سیاسەتەکانی ئەو ناکەن، هەروەها شەڕی جیناحی نێوان باڵی (ڕێبەرایەتی شۆڕشگێر) و لایەنگرانی مامۆستا حەسەنزادە، قووڵتر بووەتەوە، دەست لەکار دەکێشێتەوە."}

^{هەرچەند پێشتر هەندێ سەرچاوە هەواڵی قەبووڵکردنی داوای دەست لەکارکێشانەوەی خالید عەزیزیان لەلایەن ڕێبەرایەتیی (حدک)ەوە بلاو کردبووەوە، بەڵام "بە گوتەی ئەندامانی ڕێبەرایەتیی (حدک) هەتا ئێستا بە فەرمی داخوازیی دەست لەکار کێشانەوەی خالید عەزیزی پەسەند نەکراوە و هێشتا بە فەرمی سکرتێرییە، چونکە لە کۆنگرە ڕەوایی پێ دراوە."}

^{ئوان پێیان وایە چونکە کۆنگرە بە فەرمی ئەوەی وەک سکرتێر هەڵبژاردووە و پێش پلینۆم لەم بارەوە هیچ قسە و پێشنیارێکی بە ئەندامای ڕێبەری نەکردووە و لەناکاو داوایەکی وای خستووەتە بەرباس، بۆیە لە بەرنامەی کاریی پلینۆمدا نەبووە"}

^{بە گوێرەی زانیارییەکان "سیاسەت و هەڵوێستەکانی خالید عەزیزی، لە ماوەی چەند مانگی ڕابردوودا هەرا و کێشەی زۆری لە نێوخۆیی حیزبەکەی و لە دەروەی حیزبەکەی لێ کەوتەوە، لەبەر ئەوەی خالید عەزیزی وەک سکرتێر، لە وتار و لێدوانەکانی هەندێ بۆچوون و ڕای دەربڕیوە، کە لەگەڵ سیاسەت و ئاراستەی حدک کە ئۆپۆزسیۆنی کۆماری ئیسلامییە یەک ناگرنەوە و بە جۆڕیک لەگەڵ ڕوانگەی ڕیفۆرمخوازە کوردەکانی ڕۆژهەڵات یەک دەگرنەوە."}

^{لە حاڵیکدا لایەنی زۆرینە و کادر و پێشمەرگە دێرینەکانی حدک کە خاوەنی ئەزموونی زۆری خەبات و شەڕی چەکدارین، لەگەڵ ئەم بۆچوونانەی خالید عەزیزی کە باوەڕی بە وتووێژ لەگەڵ کۆماری ئیسلامییە، دژایەتییان هەیە و ئەمەش خۆی بووەتە کێشەیەک، چونکە پاش دەست پێکردنەوەی خەباتی چەکداری لەگەڵ کۆماری ئیسلامی لەلایەن حزبی دیموکراتی کوردستان (حدکا)، لایەنی حدکیش هەندێ پێشمەرگە و تیمیان ناردەوە ناخۆی کوردستانی ڕۆژهەڵات کەلە سەردەشت دوو پێشمەرگەیان لێ شەهید بوو، کە ئەمەش هێندەی دیکە کێشەکانی نیوان خالید عەزیزی و زۆرینەی حزبی قووڵتر کردەوە.}

^{حزبی دیموکراتی کوردستان (حدک) کە ساڵی 2006 لە (حدکا) جیابوونەوە خۆیان بە حزبێکی سەربەخۆ و بە خاوەن مێژوو و ڕابردووی حزبی دیموکرات دەزانن، هەر ئەمەش جەوهەری کێشە و ململانێیانە لەگەڵ حدکا و ئەمەنیش پێیان وایە دەبێ ناو و ئارم لۆگۆی حزبەکەی ئەوان بەکار نەهێنن، و پاش دە ساڵ جیابوونەوە و لێکدابڕان، وێرای ئەوەی لە دوو ساڵێ ڕابردوودا چەندین گەڕ دانیشتنیان بەمەبەستی یەکگرتنەوە پێکهێناوە، کەچی هەتا ئیستا هیچ ئەنجامێکی نەبووە.}

سەرچاوە: باسنیوز

^5/11/2016

سوپای پاسداران: ئۆپراسیۆنەکانی دەرەوەی سنوور دەست پێ دەکەینەوە

^{فەرماندەیەکی باڵای سوپای پاسداران ئاشکرای دەکات "لەپێناو پاراستنی سنوورەکانی هەرێمی وەلایەتی فەقیه، دەبێ هەموو دونیا بزانن کە ئۆپراسۆنەکانی دەرەوەی سنوور دەست پێ دەکەینەوە و بەمزوانەش لقەکانی سوپا لە ئەورووپا و ئەمەریکا دەکرێنەوە."}

^{بەپێی راپۆرتی ماڵپەرێ ڕۆژنامەی (کەیهانی لەندن) سالار ئابنووش، جێگری کاروباری بنکەی "خاتەمولئەنبیا"ی سوپای پاسداران لە کۆڕێکدا لە هەمەدان بە ئامادەبوونی قاسم سولەیمانی گوتی "فەدایی و خۆکوژەکانی وەلایەتی فەقیه فەرمانبەردارن و لەژێر ناوی "یەکەی 400" و لەژێر چاودێریی سوپای قودس، بەشی دەرەوەی سوپای پاسداران، ئۆپەراسیۆنەکانیان بۆ لەناوبردنی دوژمنانی ئینقلاب دەست پێ دەکەنەوە."}

^{بەپیی زانیارییەکان "پاش دامەزرانی کۆماری ئیسلامیی ئێران، حکوومەت بۆ کۆکردنەوەی زانیاریی هەواڵگری و سیخوڕی لەسەر دژبەرانی خۆی لە دەرەوەی سنوورەکان دەست بەکار بووە و پاش کۆتایی هاتنی شەڕی هەشت ساڵەی ئێران و عێراق و بە دامەزرانی (سوپای قودس) وەک باسکی دەرەوەی سنووری سوپای پاسداران دەنیان دژبەری خۆیان لە ئەورووپا، ڕۆژهەڵاتی ناڤین و بەتایبەت هەرێمی کوردستان کوشتووە."}

^{بە گوتەی بەرپرسانی پارتەکانی کوردستانی ڕۆژهەڵات "تەنیا لە دەیەی 90ی زایینیدا لە سارەکانی کوردستانی باشوور زیاتر لە 300 کادر و پێشمەرگەیان لەلایەن دەست و "پەیوەندییەکانی ئێرانەوە کوژراون.}

^{بە گوتەی ئەو فەرماندەیەی سوپا، ئەو ئۆپەرسیۆنانە لەلایەن تیمێکی کارامە و بە ئەزموونی کۆنەکار و هاوکات تیمێکی ڕاهێنرای گەنجەوە ئەنجام دەدرێن.}

^5/11/2016

نوێنەری هەدەپە: داوا لە بارزانی دەکەین هەوڵی ئازادکردنی هاوسەرۆکانی هەدەپە بدات

^{بەرپرسی نووسینگەی هەدەپە لە هەرێمی کوردستان ئاماژە بەوە دەکات، ئەوەی لە تورکیا دەگوزەرێت، لێدانە لە دیموکراسیەت و دەڵێت: "داوادەکەین ڕۆڵی بارزانی لە کێشەی کورد لە کوردستانی باکوور فراوان بکرێت و هەوڵی ئازادکردنی هاوسەرۆکانی هەدەپە بدات".}

^{عابید ئیکە، بەرپرسی نووسینگەی پارتی دیموکراتیی گەلان (هەدەپە) لە هەرێمی کوردستان، بە (باسنیوز)ی ڕاگەیاند: “ماوەیەکی زۆر بارزانی وەک کەسایەتیی سیاسی و سەرۆک لە ناو کوردان ڕۆڵی گرنگی خۆی دەبینێت، بارزانی کاریگەریی زۆری لەسەر کۆمەڵگای نێودەوڵەتی و ناوچەکە هەیە و لە ئاستی نیشتمانی و نەتەوەییدا بارزانی جێگای تایبەتیی خۆی هەیە”.}

^{ئەوەشی ڕوون کردەوە کە بڵاوکردنەوەی ڕاگەیاندراو لە لایەن سەرۆکایەتیی هەرێمی کوردستانەوە بۆ ئەو هەڵمەتەی حکوومەتی تورکیا کردوویەتی بۆ دەستگرکردنی هاوسەرۆکانی (هەدەپە) و پەرلەمانتارانی ئەو پارتە، “جێگەی دڵخۆشییە”.}

^{بەپێویستیشی زانی، ڕۆڵی سەرۆکی هەرێمی کوردستان لە پرۆسەی ئاشتی لە کوردستانی باکوور فراوان بکرێت و داوای کرد: “پشتیوانیکردنی بارزانی بەردەوام بێت تا ئەو کاتەی کە هاوسەرۆکانی هەدەپە ئازاد دەکرێن، لە کاتێکدا هەدەپە پەیامی ئاشتی هەیە، ماوەیەک پێش ئێستا سەلاحەدین دەمیرتاش سەردانی بارزانی کرد، ئەرکێکی نیشتمانی و نەتەوەیی جێبەجێ کرد، بۆیە دەبێت هەر سەرۆکێک لە لایەنی خۆیەوە هەوڵ بدات بۆ گوشار خستنە سەر دوژمنانی کوردستان".}

^5/11/2016

لە هەرێمی کوردستان بۆ یەکەمجار یادی پێغەمبەری بەهاییەکان کرایەوە

^{دوێنێ هەینی 2016 -11- 5 لە شاری هەولێر، بە ئامادەبوونی بەشێک لە نوێنەرانی سەرجەم پێکهاتە ئایینییەکانی کوردستان ئاهەنگی لەدایکبوونی عەزرەتی "بەهائوڵڵا" پێغەمبەری بەهاییەکان کرایەوە.}

^{مەریوان نەقشبەندی، بەرپرسی بەڕێوەبەری پەیوەندییەكان و پێكەوەژیانی ئایینی لە وەزارەتی ئەوقافی هەرێمی کوردستان، لە ئەکاونتی تایبەتیی خۆی لە تۆڕی کۆمەڵایەتیی فەیسبووک بە بڵاوکردنەوەی ئەم هەواڵە نووسیویە " لەگەڵ نوێنەرانی سەرجەم پێكهاتە ئایینییەكانی كوردستان لە شاری هەولێر "بەشداریمان لە ئاهەنگی یادی لەدایكبوونی حەزرەتی بەهائوڵا "پێغەمبەری بەهائیەكان و حەزرەتی باب" كرد."}

^{ڕاشیگەیاندووە ئەوە یەكەمجارە بەهائیەكان لە هەرێمی كوردستاندا ئەم یادە دەكەنەوە.}

^{پەیڕەوانی ئایینزای بەهایی، وەک کەمینەیەکی ئایینی لە شارە جیاجیاکانی هەرێمی کوردستان دەژین و بەبێ هیچ گرفت و بەربەستێک چالاکی و بۆنە ئایینییەکانی خۆیان بەڕێوە دەبەن.}

^{دووم شوێنی پیرۆز لەلای بەهاییەکان ئەشکەوتێکە لە کوردستان و دەکەوێتە سنووری پارێزگای سلێمانی، زیاتر لە 100 خێزانیان لە کوردستانی باشووردا دەژین.}
^{ئەم ئەشکەوتە بە دووەم پیرۆزترین شوێنە لە جیهان دوای حەیفا، کە دەکەوێتە فەلەستین، پێغەمبەرەکەیان بەهائوڵڵا، بۆ ماوەیەک لەو ئەشکەوتە لە خەڵوەتدا بووە، بۆیە کوردستانی باشوور پیرۆزییەکی تایبەتی لەلایەن پەیڕەوانی ئەو ئایینە هەیە.}

^{ئەم ئایینە لە سەرەتای سەدەی 19 دەرکەوتووە و نزیکەی 7 ملیۆن شوێنکەوتووی هەیە. سەرمەند موقبیل کەیخوسرەو، لەسەر پەیڕەوی ئەو ئایینەیە دەڵێ "پەیوەندیی ئاینەکەمان لەگەڵ کوردستان لەو کاتەوەیە، کە حەزرەتی بەهائوڵڵا هاتووەتە ئەشکەوت و شەش مانگ تێدا ماوەتەوە، زیاتر لەساڵ و نیوێکیش لە خزمەت قوتابخانەی نەقشبەندی و خالیدی و قادری ئەوکاتە لە سلێمانی بووە و لەیەک تێگەشتنی تەواو لە نێوان خەڵکی کوردستان و ئەودا هەبووە."}

^{بەهائوڵڵا دەربارەی ئەو دووساڵەی لە کوردستان ماوەتەوە نوسیویەتی "خۆشترین رۆژەکانی ژیانمە کە دووبارە نابنەوە".}

^{سەرەتای پەیوەندی ئاینی بەهایی بە کوردستان دەگەڕێتەوە بۆ ساڵی 1854-ی زایینی، حەوت مەزارگەی تایبەت بە بەهاییەکان لە وڵاتانی جیهاندا هەن، بەڵام ئەو ئەشکەوتەی لە کوردستانە بۆ بەهاییەکان جیاوازترە لە مەزارگەکان.}

چاوپێکەوتن

داواکاری گشتیی کرماشان: لێکۆڵینەوە لەبارەی لێدانی قوتابیان دەکەین

ئێران و ئەمریکا!

گەشەی پەیوەندیەکانی ئێران و ئەمەریکا گەیشت بەکوێ؟

مەودای ناکۆکییەکان و دانوستانەکانی ئێران- ئەمریکا بەرەو کوی؟

هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد

فه‌رهه‌نگ‌ و هونه‌ر

داواکاری گشتیی کرماشان: لێکۆڵینەوە لەبارەی لێدانی قوتابیان دەکەین

ئێران و ئەمریکا!

گەشەی پەیوەندیەکانی ئێران و ئەمەریکا گەیشت بەکوێ؟

مەودای ناکۆکییەکان و دانوستانەکانی ئێران- ئەمریکا بەرەو کوی؟

هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد

په‌یوه‌ندی راسته‌وخۆ

گه‌ڕان

گەنجێکی کورد لە ماڵەکەی خۆیدا شەڕی داعش دەکات

نێچیرڤان بارزانی: نامانەوێ ئەوەی لە عێراق رووی دا لێرەش روو بدات

کوردستانی ڕۆژهەڵات.. دوو بەندکراوی دیکە لەسێدارە دران

ھەدەپە داوای دەستپێشخەری لە بارزانی دەکات

ئێران: نووسینگەی یەکێتیی ئەورووپا لە تاران دەکرێتەوە

قاسم سولەیمانی فەرماندەیی هێزە عێراقییەکان لە رۆژئاوای مووسڵ دەکات

”چەکدارانی داعش لە باشیک تەنیا بە بێ تەل پەیوەندییان بە ڕێکخراوە تیرۆریستییەکەیانەوە ماوە“

سوپای پاسداران لە گوندێکی هەورامان مانۆڕی سەربازی ئەنجام دەدات

ئێران کچانی گەنج دەنێرێتە شەڕی سووریا

ئێران چەند دەروازەی کۆڵبەری نێوان ڕۆژهەڵات و کوردستانی باشوور دادەخات

ڕاوێژکارێکی بارزانی ناوەڕۆکی کۆبوونەوەکەی بارزانی و عەبادی ئاشکرا دەکات

هۆکاری داوای دەست لەکارکێشانەوەی سکرتێری حدک ئاشکرا دەبێت

سوپای پاسداران: ئۆپراسیۆنەکانی دەرەوەی سنوور دەست پێ دەکەینەوە

نوێنەری هەدەپە: داوا لە بارزانی دەکەین هەوڵی ئازادکردنی هاوسەرۆکانی هەدەپە بدات

لە هەرێمی کوردستان بۆ یەکەمجار یادی پێغەمبەری بەهاییەکان کرایەوە

دواین هه‌واڵ

به‌رنامه‌ی کۆماریخوازان

بەیاننامە و ڕاگه‌یه‌ندراوه‌کان

بەڵگەنامەکان

WWW.KOMARIXWAZ.COM