<sup>مەسعود بارزانی، سەرۆکی هەرێمی کوردستان لەگەڵ ئەو لایەنانە کۆدەبێتەوە، کە بەشداری دوایین کۆبوونەوەی لایەنەکانیان نەکرد.

ئایدن مەعرووف، سەرۆكی فراكسیۆنی بەرەی توركمانی لە پەرلەمانی كوردستان بە تۆڕی میدیایی رووداوی راگەیاند " بارزانی سەبارەت بە چارەسەری پرسی سەرۆکایەتی هەرێمی کوردستان ئەمڕۆ لەگەڵ چەند لایەنێک کۆدەبێتەوە". 

بە گوتەی سەرۆكی فراكسیۆنی بەرەی توركمانی " لەگەڵ ئەو لایەنانە کۆدەبێتەوە، کە بەشداری دوایین کۆبوونەوەی لایەنەکانیان نەکرد".

لەپێنجەمین کۆبوونەوەی پێنجقۆڵی، سەبارەت بە پرسی سەرۆکایەتی هەرێمی کوردستان، داوا لەلایەنەکانی دیکەی ناو حکومەت و پەرلەمان کرا بەشداری شەشەمین کۆبوونەوەی پێنج قۆڵی (پارتی، یەکێتی، گۆڕان، یەکگرتوو و کۆمەڵ) بکەن، بەڵام شیوعی، سۆسیالیست، بزووتنەوەی ئیسلامی و پێکهاتەکانی مەسیحی و تورکمان رەتیانکردەوە بەشداری کۆبوونەوەکە بکەن.</sup> 

^1/9/2015

<sup>بەڕێوەبەرایەتیی گشتیی كۆنترۆڵی كارەبای ھەرێمی كوردستان رایدەگەیێنێ، كە لە نێوەڕاستی ئەم مانگەوە 24 كاژێر كارەبا بەبەردەوامی دەدرێتە هاونیشتمانیان.

دوای كۆبوونەوەی نێوان بەڕێوەبەرایەتیی كۆنترۆڵی كارەبای پارێزگاكان و بەڕێوەبەرایەتیی گشتیی كۆنترۆڵی كارەبای ھەرێمی كوردستان، بەڕێوەبەرایەتیی گشتی كۆنترۆڵی كارەبا خشتەیەكی نوێی دابەشكردنی كارەبای بۆ مانگی ئەیلوول راگەیاند و بەپێی خشتەكە، لە نێوەڕاستی ئەم مانگەوە 24  كاژێر كارەبا بە بەردەوامی بە هاونیشتمانیان دەدرێت. 

بەگوێرەی لێدوانی بەرپرسانی وەزارەتی كارەبا بۆ رووداو، ئێستا بەهۆی مامناوەندی پلەكانی گەرما، بەكارهێنانی كارەبا كەمتربووەتەوە، لەبەرئەوە دەتوانن كاژێری زیاتری كارەبا بۆ هاونیشتمانیان دابین بكەن.

سەبارەت بە نیوەی یەكەمی مانگی ئەیلوولیش " حكومەت 21 كاژێر كارەبا دابیندەكات و تەنیا 3 كاژێر كارەبا لەلایەن موەلیدەكانەوە دابیندەكرێت، كە نرخی هەر ئەمپێرێكیشی لەلایەن پارێزگاكان دیاریدەكرێت".</sup>

^1/8/2015

^{عەلی ئەكبەر وەلایەتی راوێژكاری خامنەیی بۆ كاروباری نێودەوڵەتی لە دیدارێكی لەگەڵ نوێ،ەری پارتەكانی لوبنان ئاشكرای كرد: “ئێران یارمەتیكردنی سووریا و لوبنان بە ئەركی سەرشانی خۆی دەزانێ‌.”}

^{وەلایەتی كە هاوكات سەرۆكی ناوەندی توێژینەوی ستراتیژیكی ئێرانیشە لە دیدارێ:ی لەگەڵ نوێنەری پارتەكانی لوبنان و بەرپرسان و مامۆستایانی زانكۆكانی لوبنان جەختی لە پشتیوانیەكانی ئێران بۆ گرووپ و لایەنەكانی لوبنان و سووریا كردەوە و گوتی: “ئێران هەتا دوایین چركە پاڵپشتیی سووریا دەكات و یارمەتییەكانیشمان بۆ لوبنان ئەركی سەرشانن.”}

^{راوێژكاری خامنەیی ئاماژەی بەوەش داوە “وڵاتانی رۆژئاوایی بە یارمەتیكردنی وڵانی ناوچە بوونە هۆی سەرهەڵدانی گرووپە تیرۆریستی و توندڕەوەكان.”
وەلایەتی ئەوەشی خستووەتەڕوو: “ئێمە دەبێ‌ ئەوەش بزانین كاتێك هەموو دوژمنان دەستیان داوەتە دەستی یەك هەتا بەشار ئەسەد وەلا بنێن و حكوومەتێكی نوێ‌ بینات بنێن، بە پلەی یەكەم دەبێ‌ دژایەتییان بكەین و پاشان بە وردی لە هۆكارەكانی بكۆڵینەوە. كاتێك دوژمنان پێدارگی دەكەن كە دەبێ‌ بەشار ئەسەد لە دەسەڵاتدا نەمێنێ‌، بێگومان زیانێكی بۆیان هەبووە و لە بەرانبەردا بۆ دۆست و هاوپەیمانەكانی ئێمە سوودی هەبووە.”}

^{وەلایەتی لە لێدوانەكانیدا چەند جار جەتی لەسەر پاڵپشتیی ئێران لە سووریا و لوبنان كردەوە و رایگەیاند: “ئێران هەتا كۆتایی پشتیوانی لە حكوومەتی سووریا و بەشار ئەسەد دەكات و هەرچەشنە دەستێوەردانێك لە كاروباری ناوخۆیی ئەو وڵاتە ئیدانە دەكات و گوتیشی یارمەتیییەكانی ئێران بۆ سووریا و لوبنان ئەركی دینی و مرۆیی حكوومەتی ئێرانن.”}

^{ئەم گوتانەی وەلایەتی لە كاتێك دان كە بەشێك لە وڵاتانی رۆژئاوایی و بەتایبەت ئەمەریكا ئێران بە دەستێوەردان لە كاروباری ناوخۆی سووریا تۆمەتبار دەكەن و لە ماوەی زیاتر لە چوار ساڵ شەڕی ناوخۆیی سووریا نزیكەی 200 ئەندامی سوپای پاسداران لەو وڵاتە كوژراون.}

^{بە گوتەی بەرپرسانی خودی ئێران هەتا ئێستە نزیكەی 10 ملیار یارمەتییان بە سووریا كردووە.}

^31/8/2015

<sup>ستیڤ مان كە بازرگانێكی جوولەكەی كەنەدییە، پڕۆژەیەكی دەستپێكردووە بۆ رزگاركردنی ژیانی ئەو منداڵە مەسیحی و ئێزیدیانەی لەلایەن (داعش)ەوە دەستگیركراون. بۆ ئەو بازرگانە ئەوەی گرنگە رزگاركردنی ژیانی ئەو كەسانەیە.

پڕۆژەكەی ستیڤ مان لەژێر ناوی ''ئازادكردنی منداڵانی مەسیحی و ئێزدیی عێراق''ە، تاوەكو ئێستا توانیویەتی 128 منداڵ كە وەك كۆیلەی سێكس لەلایەن داعشەوە بازرگانییان پێوەكراوە، رزگار بكات.

ستیڤ مان دەڵێ لەبەرامبەر ئازادكردنی ئەو منداڵانە بڕێك پارە دەدات. ستیڤ لە بایەخی ئەو نیگەرانیانەی كەمكردەوە ‌كە گوایە دانی پارە لەبەرامبەر ئازادكردنی ئەو منداڵانە هاوكاریی بەهێزكردنی رێكخراوێكی تیرۆریستی دەكات. ئەو بازرگانە كە دانیشتووی شاری مۆنتریالی كەنەدایە، بە رادیۆی cbcی گوت ''تەركیزی من لەسەر رزگاركردنی ژیانی ئەو كەسانەیە".

ستیڤ مان گوتی ''من تەركیز ناخەمە سەر پارەدان و لایەنی لۆجیستی و شتەكانی دیكە، چونكە ئەو پارەیەی دەیدەم ئەوەندە زۆر نییە بۆ رێكخراوێك كە خاوەنی 4 ملیار دۆلارە". ئەو گوتیشی "ئایا لەو بڕوایەدای ئەو بڕە پارە كەمەی من كە 2- 3 هەزار دۆلارە بۆ منداڵێك، بەهیچ شێوەیەك هاوكاریی زیادكردنی ئەو هێز و دەسەڵاتە زۆرەی داعش دەكات. ئێمە لەگەڵ نێوەندگیر كاردەكەین، رەنگە و رەنگیش نییە ئەم پارەیە خۆی بخزێنێتە نێو ئەو 4 ملیار دۆلارەی داعش و بیكات بە 4 ملیار و 2000 دۆلار. ئەمە كەی جێگەی بایەخە؟".

پڕۆژەكەی ستیڤ مان لەگەڵ تیمێكی متمانەپێكراو لە عێراق كاردەكات بۆ كڕینەوەی ئازادی و ژیانی ژنان و منداڵان. ئەو گوتی ''پارە كۆدەكەینەوە، تیمێكی متمانەپێكراومان هەیە. ئەم كەسانە ئەو بودجەیەیان پێدەگات كە بۆیان دەنێرین. ئەم كەسانە لە 15 ساڵی رابردوودا پەیوەندییەكی باشیان لە ناوچەكەدا دروستكردووە.'' گوتیشی "لەناو مووسڵ خەڵك هەیە هاوكاریی ئەم تیمە دەكات".

ئەم بازرگانە كەنەدیە ناسناوی ''جوولەكە شندڵەرەكە''ی لێنراوە. ئەم ناسناوە لە ناوی ئەو بازرگانە ئەڵمانییەوە هاتووە كە لە كاتی جەنگی دووەمی جیهانیدا ژیانی زیاتر لە 1200 جولەكەی لە هۆڵۆكۆست رزگاركرد لەڕێی داڵدەدانیان لەناو كارگەكەی و بەكارخستنیان.

ستیڤ مان گوتی "ئەوەی گرنگە رزگاركردنی ژیانی ئەو كەسانەیە، هەروەك چۆن شندڵەر ژیانی چەندین جولەكەی رزگار كرد لەبەرامبەر پێدانی پارە بە نازییە ئەڵمانییەكان بەشێوەیەكی نایاسایی".

ستیڤ مان گوتی هۆكاری دەستپێكردنی ئەم پڕۆژەیەی ئەوە بوو كە پاش چەند مانگێك لە دەستگیركردنی ئەو مەسیحی و ئێزدییانە لەلایەن داعش و چەوساندنەوەیان، هیچ كەسێكی نەبینی كار بۆ رزگاركردنیان بكات.

ئەو گوتی، بۆ ژنان و كچانی هەرزەكار هەمیشە پرسیارەكە ئەوەیە چەندجار دەستدرێژییان كراوەتە سەر "چەندین جار فرۆشراون، بیستوومانە كە لێیان دەدرێت و لە خواردن بێبەش دەكرێن و لە قەفەسدا بەند دەكرێن. هەڕەشەی سووتاندنیان لێدەكرێت ئەگەر سێكسیان لەگەڵ نەكەن".

ستیڤ مان گوتی، باكگراوندی ئەو وەك جوولەكەیەك وای لێكردووە‌ ئەو هەنگاوە بنێت بۆ رزگاركردنی ژیانی ئەو كەسانە "ئەوەی هانیداوم بۆ ئەم كارە زۆر سادەیە، جوولەكە بیت و بەشێك بیت لە خەڵكێك كە بە هۆڵۆكۆستدا تێپەڕیون. ئێمە بۆ ماوەی شەش ساڵ چاوەڕێمان كرد، تاوەكو خەڵك وەڵاممان بدەنەوە و بێن بە هانامانەوە".</sup>

^31/8/2015

<sup>رۆژی یەكشەممە 30-8-2015، بەهۆی ئاگرکەوتنەوە لە باڵەخانەیەکی تایبەت بە کرێکارانی کۆمپانیایەکی نەوت، 11 کەس گیانیان لەدەستداو 219 کەسی دیکەش برینداربوون.

بەهۆی ئاگرەکەوە ژێرزەمینی باڵەخانەی کۆمپانیای ئارامکۆ، کە کۆمپانیایەکی زلهێزی نەوتی سعودییە، گڕی گرتووە و دواتر ئاگرەکە تەشەنەی کردووە.

بەپێی راگەیێندراوێكی فەرمانگەی بەرگریی شارستانی سعودیە، بەشێك لە قوربانیانی رووداوەكە هەڵگری رەگەزنامەی جیاوازن.

هەر بەهۆی ئاگرەکەوە ژمارەیەک خەڵک لەنێو باڵەخانەکەدا گیریان خواردبوو، بۆ رزگاركردنیشیان وەزارەتی نێوخۆیی سعودیە چەندین هەلی کۆپتەری هەڵفڕاندن.</sup>

^31/8/2015

<sup>رۆژی یەکشەممە 30-8-2015 لایەنە سیاسییەکانی بەشدار لە حکومەت و پەرلەمان لەهەولێر کۆدەبنەوە بۆ گفتوگۆکردن لەسەر پرسی سەرۆکایەتی هەرێمی کوردستان.

لە کۆبوونەوەی ئەمڕۆی لایەنەکان، کە چاوەڕواندەکرێت فراوانتربێت لە کۆبوونەوەی پێنج قۆڵی، باس لە دەسەڵاتەکانی سەرۆکی هەرێمی کوردستان دەکرێت، بەتایبەتی ئەو شەش دەسەڵاتەی، کە تاوەکو ئێستا قسەیان لێوەنەکراوە و ناکۆکی زیاتری لایەنەکانی لەسەرە.

هەرچەند لەپێنجەمین کۆبوونەوەی پێنجقۆڵی، کە رۆژی چوارشەممە 26-8-2015 ئەنجامدرا، بڕیاردرا لایەنەکانی دیکەش بەشداریی کۆبوونەوەکەیان پێبکرێت، بەڵام حیزبی شیوعی و بزووتنەوەی ئیسلامی و چەند لایەنێکی دیکە رەتیانکردەوە بەشداریی کۆبوونەوەکە بکەن.

هێڤیدار ئەحمەد پەیامنێری رووداو لەشوێنی کۆبوونەوەکە، رایگەیاند " ئەگەر لایەنەکان لەسەر ئەو شەش دەسەڵاتەی سەرۆکی هەرێمی کوردستانیش بگەنە رێککەوتن، ئەوا پرسی شێوازی هەڵبژاردنی سەرۆکی هەرێمی کوردستان دەمێنێتەوە بۆ کۆبوونەوەکانی داهاتوو، کە ئاخۆ لەناو خەڵک هەڵبژێردرێت، یان لەپەرلەمان".

بەگوێرەی زانیارییەکانی پەیامنێری رووداو، کە لەبەرپرسانی لایەنەکان دەستیکەوتوون" لە کۆبوونەوەکەی ئەمڕۆ، ئەو شەش دەسەڵاتەی سەرۆکی هەرێمی کوردستان، کە جێگای ناکۆکی لایەنەکانن تاوتوێدەکرێن، لەوانە دیارترینیان" فەرماندەیی گشتی هێزە چەکدارەکان، کە پارتی پێداگری لەوە دەکات سەرۆکی هەرێمی کوردستان فەرماندەی گشتی هێزە چەکدارەکان بێت، بەڵام لایەنەکانی دیکە داوادەکەن، سەرۆکوەزیران فەرماندەی گشتی هێزە چەکدارەکان بێت".

پارتیش پێشنیازێکی دیکەی هەیە بۆ ئەو پرسە ئەویش ئەوەیە کە، ئەگەر سەرۆکی هەرێمی کوردستان بەتەنیاش فەرماندەی گشتی هێزە چەکدارەکان نەبێت، ئەنجوومەنێکی بەرەڤانی دروستبکرێت و سەرۆکی هەرێمی کوردستان ، سەرۆکی حکومەت ، جێگرەکەی ، وەزیرانی پێشمەرگە و ناوخۆ و دارایی تێیدا ئەندامبن".

پرسێکی دیکەی نێوان لایەنەکان وەک پەیامنێر رووداو باسی لێوەکرد " دەسەڵاتی دامەزراندنی دادوەرەکانە، کە لایەنەکان داوا دەکەن، بە حوکمی ئەوەی دەسەڵاتی دادوەری، دەسەڵاتێکی سەربەخۆیە، بەگوێرەی جیاکردنەوەی سێ دەسەڵاتەکان، دامەزراندنی دادوەرەکان هەر لەدەسەڵاتی خۆیان بێت، نەک سەرۆکی هەرێمی کوردستان دایانبمەزرێنێت". 

بابەتێکی دیکەی جێگای ناکۆکیش " پەیوەندییەکانی دەرەوەی هەرێمی کوردستانە، کە لایەنەکان رەتیدەکەنەوە، سەرۆکی هەرێمی کوردستان بەتەنیا بڕیار لەپەیوەندییەکان لەگەڵ وڵاتانی دەرەوە و پێکهێنانی شاند بدات بۆ ئەو پەیوەندییانە".

لەپێنجەمین کۆبوونەوەی پێنجقۆڵی، کە رۆژی چوارشەممە 26-8-2015 ئەنجامدرا، باس لە سێزدە دەسەڵاتەکەی سەرۆکی هەرێمی کوردستان کرا، کە لایەنەکان هیچ ناکۆکیێکیان لەسەر نەبوو و لەسەری گەیشتنە رێککەوتن.

لەماوەی دوو مانگی رابردوودا پرسی هەموارکردنەوەی یاسای سەرۆکایەتیی هەرێمی کوردستان ناکۆکی قوڵی لەنێو لایەنە سیاسییەکانی باشووری كوردستان دروستکردووە و تاوەکو ئێستا جگە لە كۆبوونەوە پێنج قۆڵییەكان زیاتر لە 50 كۆبوونەوە لەسەر ئەو پرسە كراون. هەروەها چەند وڵاتێكی بیانیش بۆ چارەسەركردنی پرسەكە هاتوونەتە سەر خەت وەك، ئەمریكا، بەریتانیا، نەتەوە یەكگرتووەكان، توركیا و ئێران.</sup>

^30/8/2015

<sup>رۆژی یەکشەممە 30-8-2015 لایەنە سیاسییەکانی بەشدار لە حکومەت و پەرلەمان لەهەولێر کۆدەبنەوە بۆ گفتوگۆکردن لەسەر پرسی سەرۆکایەتی هەرێمی کوردستان.

لە کۆبوونەوەی ئەمڕۆی لایەنەکان، کە چاوەڕواندەکرێت فراوانتربێت لە کۆبوونەوەی پێنج قۆڵی، باس لە دەسەڵاتەکانی سەرۆکی هەرێمی کوردستان دەکرێت، بەتایبەتی ئەو شەش دەسەڵاتەی، کە تاوەکو ئێستا قسەیان لێوەنەکراوە و ناکۆکی زیاتری لایەنەکانی لەسەرە.

هەرچەند لەپێنجەمین کۆبوونەوەی پێنجقۆڵی، کە رۆژی چوارشەممە 26-8-2015 ئەنجامدرا، بڕیاردرا لایەنەکانی دیکەش بەشداریی کۆبوونەوەکەیان پێبکرێت، بەڵام حیزبی شیوعی و بزووتنەوەی ئیسلامی و چەند لایەنێکی دیکە رەتیانکردەوە بەشداریی کۆبوونەوەکە بکەن.

هێڤیدار ئەحمەد پەیامنێری رووداو لەشوێنی کۆبوونەوەکە، رایگەیاند " ئەگەر لایەنەکان لەسەر ئەو شەش دەسەڵاتەی سەرۆکی هەرێمی کوردستانیش بگەنە رێککەوتن، ئەوا پرسی شێوازی هەڵبژاردنی سەرۆکی هەرێمی کوردستان دەمێنێتەوە بۆ کۆبوونەوەکانی داهاتوو، کە ئاخۆ لەناو خەڵک هەڵبژێردرێت، یان لەپەرلەمان".

بەگوێرەی زانیارییەکانی پەیامنێری رووداو، کە لەبەرپرسانی لایەنەکان دەستیکەوتوون" لە کۆبوونەوەکەی ئەمڕۆ، ئەو شەش دەسەڵاتەی سەرۆکی هەرێمی کوردستان، کە جێگای ناکۆکی لایەنەکانن تاوتوێدەکرێن، لەوانە دیارترینیان" فەرماندەیی گشتی هێزە چەکدارەکان، کە پارتی پێداگری لەوە دەکات سەرۆکی هەرێمی کوردستان فەرماندەی گشتی هێزە چەکدارەکان بێت، بەڵام لایەنەکانی دیکە داوادەکەن، سەرۆکوەزیران فەرماندەی گشتی هێزە چەکدارەکان بێت".

پارتیش پێشنیازێکی دیکەی هەیە بۆ ئەو پرسە ئەویش ئەوەیە کە، ئەگەر سەرۆکی هەرێمی کوردستان بەتەنیاش فەرماندەی گشتی هێزە چەکدارەکان نەبێت، ئەنجوومەنێکی بەرەڤانی دروستبکرێت و سەرۆکی هەرێمی کوردستان ، سەرۆکی حکومەت ، جێگرەکەی ، وەزیرانی پێشمەرگە و ناوخۆ و دارایی تێیدا ئەندامبن".

پرسێکی دیکەی نێوان لایەنەکان وەک پەیامنێر رووداو باسی لێوەکرد " دەسەڵاتی دامەزراندنی دادوەرەکانە، کە لایەنەکان داوا دەکەن، بە حوکمی ئەوەی دەسەڵاتی دادوەری، دەسەڵاتێکی سەربەخۆیە، بەگوێرەی جیاکردنەوەی سێ دەسەڵاتەکان، دامەزراندنی دادوەرەکان هەر لەدەسەڵاتی خۆیان بێت، نەک سەرۆکی هەرێمی کوردستان دایانبمەزرێنێت". 

بابەتێکی دیکەی جێگای ناکۆکیش " پەیوەندییەکانی دەرەوەی هەرێمی کوردستانە، کە لایەنەکان رەتیدەکەنەوە، سەرۆکی هەرێمی کوردستان بەتەنیا بڕیار لەپەیوەندییەکان لەگەڵ وڵاتانی دەرەوە و پێکهێنانی شاند بدات بۆ ئەو پەیوەندییانە".

لەپێنجەمین کۆبوونەوەی پێنجقۆڵی، کە رۆژی چوارشەممە 26-8-2015 ئەنجامدرا، باس لە سێزدە دەسەڵاتەکەی سەرۆکی هەرێمی کوردستان کرا، کە لایەنەکان هیچ ناکۆکیێکیان لەسەر نەبوو و لەسەری گەیشتنە رێککەوتن.

لەماوەی دوو مانگی رابردوودا پرسی هەموارکردنەوەی یاسای سەرۆکایەتیی هەرێمی کوردستان ناکۆکی قوڵی لەنێو لایەنە سیاسییەکانی باشووری كوردستان دروستکردووە و تاوەکو ئێستا جگە لە كۆبوونەوە پێنج قۆڵییەكان زیاتر لە 50 كۆبوونەوە لەسەر ئەو پرسە كراون. هەروەها چەند وڵاتێكی بیانیش بۆ چارەسەركردنی پرسەكە هاتوونەتە سەر خەت وەك، ئەمریكا، بەریتانیا، نەتەوە یەكگرتووەكان، توركیا و ئێران.</sup>

^30/8/2015

<sup>بۆیەکەمجار لە عێراق و باشووری کوردستان کۆمەڵێک هاکەر و دیزاینەر و پرۆگرامساز و شارەزای کۆمپیوتەر کۆکرانەوەو لەلایەن دوو رێکخراوی بریتانی و ئەمریکی پێشبرکیان پێکرا بۆ پێشکەش کردنی پرۆژە.

ژمارەیان پەنجا گەنج دەبوو ، دابەشی سەر چەند گروپێک کران، بڕیاریش بوو ئەو گرووپەی پلەی یەکەم بەدەست بینێت بنێردرێت بۆ ئەمریکا بۆ بینینی خولێکی 11 هەفتەیی. 

لەناو ئەم گەنجانەدا چەند هاکەرێکی بەتوانا هەن ئەم پێشبرکییە هەلێکی باشە بۆ ئەوان بۆئەوەی لێرە تواناکانی خۆیان دەرخەن، دڵشاد یەکێکە لەوانە ئەو هەر زوو وەک بووە جێی سەرنجی هاورێکانی دوای ئەوەی کەمترین کات چووە ناو ماڵپەری هاکەرێکی ئەمریکی و کێشەکانی دۆزییەوە.

بەگووتەی خۆیان ژمارەی هاکەرە بەتوانا و پرۆفیشناڵەکان لە باشووری کوردستان هێندە کەمن کەبە پەنجەکانی دەست دەژمێردرێن ، بەڵام گرنگیان پێنادرێت.

لە وڵاتانی پێشکەوتوو حکومەت بەشێوەی ئیلکترۆنی و ئۆنلاین سەرجەم کارەکانی رادەپەرێنێت بۆیە زۆرترین مەترسی دزینی داتاو زانیاریەکانیان لەسەرە بەڵام لە رێگەی هاکەرەکانەوە پرۆگرامەکانیان دەپارێزرێن.</sup>

^30/8/2015

<sup>رۆژی 29ی ئاب 49 ساڵ بە سەر لەسێدارەدانی نووسەرو بیرمەندی ئیسلامی سەید قوتب تێدەپەڕێت، کە لەسەردەمی دەسەڵاتی جەمال عەبدولناسر لە سێدارەدرا، سەركردەیەكی ئیخوانیش ئاشكرایدەكات كە" مەلا مستەفا بارزانی كاغەزی سپی واژۆكردووە تا لە سێدارە نەدرێت".

د.موحسین عەبدولحەمید، ئەمینداری پێشووتری حیزبی ئیسلامی عێراقی و یەكێك لە سەركردە باڵاكانی ئیخوان لە عێراق بە(تۆڕی میدیایی رووداو)ی راگەیاند:" ساڵی 1966 لە بارەگای تایبەتی خۆی لە حاجی ئۆمەران شاندێكی باڵای ئیخوانی عێراق كە پێكهاتبوون لە نیزامەدین عەبدولحەمیدی برام و بەڕێز شێخ نازم عاسم سەردانی خوالێخۆشبوو مەلا مستەفای بارزانییان كرد، داوایان لێ كرد كە پەیامێك بۆ جەمال عەبدولناسر، سەرۆككۆماری میسر بنێرێت و داوای لێبكات كە بیرمەند و موفەسیری قورئان سەید قوتب لە سێدارە نەدات"

ئەمینداری پێشووتری حیزبی ئیسلامی عێراقی لەبارەی هەڵوێستی مەلا مستەفای بارزانی گوتی" جەنابی بارزانی رەحمەتیش كاخەزێكی سپیی خستە بەر دەم شاندەكەی ئیخوان و واژۆی كرد، پێیگوتن: ئێوە چیتان پێ باشە بینووسن، لە پۆستەی هەولێریشەوە بۆ قاهیرە رەوانەی بكەن".

د.موحسین عەبدولحەمید گوتی:" بارزانی لە نزیكەوە ئاگاداری ناوبانگ و كاریگەری سەید قوتب بووە زۆر سەرسامبووە بە تەفسیرەكەی، ئەو هەڵوێستەشی بەرامبەر سەید قوتب لە نێوان ئیخوانەكانی عێراق جێگای رێزە، بە تایبەتی بارزانی پەیوەندی دۆستانەی لەگەڵ جەمال عەبدولناسڕ هەبووە كاتێك لە سۆڤیەت گەڕاوە عێراق سەردانی میسری كردبوو لەوێ‌ ئاشناییەتی پەیدا كردبوو، بۆیە ئیخوان بەرێزەوە سەیری ئەم هەڵوێستەی كوردو سەركردایەتی شۆڕشەكەی دەكەن".

سەید قوتب كێیە؟

سەید قوتب ئیبراهیم حوسێن شازلی، لە 9ی ئەیلوولی 1906 لە گوندی موشا لە پارێزگای ئەسیوت لە دایكبووە ، دەرچووی كۆلێژی ئەدابە، بۆ ماوەی دوو ساڵ لە ئەمریكا ژیاوە، پاشان بووە ئەندامی حیزبی وەفدی میسری و پاشان وازهێنا چووە ریزی ئیخوان و دواتر ئەندامی مەكتەبی ئیرشادی ئیخوان و سەرۆكی بەشی دەعوە و بڵاوكردنەوە بووە. هەر لە منداڵییەوە هەموو قورئانی لەبەركردووە.

لە شارەزایی و بەلاغەت و كاریگەری نووسین و بڵاوكراوەكانی جەمال عەبدولناسر، ئامادەبوو وەزیری مەعاریفی پێبدات، بەڵام رەتیكردەوە، بۆیە چەندین جار دووچاری گرتن و راوەدوونان بووەتەوە، لە ساڵی 1954 بە تۆمەتی هەوڵدان بۆ كوشتنی عەبدولناسڕ لەگەڵ هەزاران ئەندامی ئیخوان دەستگیركرا هەر لەو ماوەیە (تەفسیری فی زیلال قورئانی نووسیوە كە بە بڕوای موفەسیران لە ماوەی نیو سەدەی رابردوو تەفسیری وا كاریگەرو بەهێز نەنووسراوە، دواین هاتنە سەرخەتی عەبدولسەلام عارف، سەرۆككۆماری ئەوكاتەی عێراق لە ساڵی 1964 سەید قوتب ئازادكرا.

بە تۆمەتی پیلانگێڕان دژی سیستەمی سیاسی وڵات لە لایەن دادگای سەربازی میسرەوە سزای لە سێدارەدانی لەگەڵ 6 سەركردەی دیكەی ئیخوان بۆ دەرچوو دوای هەفتەیەك لە 29ی ئابی 1966 سزاكە جێبەجێكرا.

بەشێك لە نووسەرانی رەوتی ئیسلامی و لێكۆڵەران لە ئیسلامی سیاسی سەید قوتب بە دامەزرێنەری فیكری سەلەفی جیهادی و تووندڕەوی دادەنێن و بەشێكی دیكە ئەو بۆچوونە رەتدەكەنەوە، بەڵكو پێیانوایە نووسین و بۆچوونەكانی سەید قوتب هەڵقوڵاوی زادەی واقیع و ستەمی سیاسی كۆمەڵایەتی و ئەشكەنجەو زیندانی ئەو بووە.</sup>

^30/8/2015

<sup>ئیدوارد سنۆدن، کارمەندی پێشووی دەزگای هەواڵگری ئەمریکا کە ئێستا دانیشتووی رووسیایە رایگەیاندووە" ئوسامە بن لادن، رێبەری پێشووی قاعیدە هێشتا زیندووە".

ماڵپەڕێکی رووسی لە زاری سنۆدن رایگەیاندووە" بن لادن زیندووە و بەو هاوکارییانەی لەلایەن دەزگای هەواڵگری ئەمریکا بەدەستی دەگات لە دوورگەی باهاماس لە ئۆقیانووسی ئەتلانتیک، ژیانێکی شاهانە بەسەر دەبات".

سنۆدن راشیگەیاندووە، چەندین بەڵگەی هەیە کە هێشتا سی ئای ئەی مانگانە 100 هەزار دۆلار دەداتە بن لادن و ئەو پارەیە لە رێگەی بازرگان و رێکخراوە جیاوازەکانەوە مانگانە دەخرێتە ژمارەی حسابی بانکی بن لادن.

سنۆدن دەڵێت" دڵنیانیم لەوەی کە بن لادن ئێستا لە کوێ ژیان دەکات، بەڵام لە ساڵی 2013، بن لادن لەگەڵ 5 هاوژین و منداڵەکانی لە ڤێللایەک لە دوورگەی باهاماس ژیانی دەکرد".

هەروەها سنۆدن راشیگەیاندووە" سی ئای ئەی لەو کاتەی بن لادنی بۆ ئەو دوورگەیە دەگواستەوە، شانۆیەکی لەبارەی مردنی بن لادن رێکخست و بن لادن بۆ ماوەیەکی زۆر کاریگەرترین ئەندامی دەزگای هەواڵگری ئەمریکا بووە و شانۆی دروستکراو لەبارەی مردنی بن لادن بە هاوکاری دەزگای هەواڵگری پاکستان ئەنجامدراوە".

لە ساڵی 2011  وابڵاوکرایەوە کە ئوسامە بن لادەن لە لایەن دەستەیێکی تایبەت لە چەکدارانی ئەمریکی لە پاکستان و لە ماڵەکەی خۆیدا کوژراوە و دواتر تەرمەکەی لە دوای کفن و دفنی ئیسلامیەوە خرایە نێو دەریا.</sup>

^30/8/2015