^{سەرۆکی میسر پێیوایە یەکڕیزی نێوان لایەنەکان هۆکارێکە بۆ بەرەنگاربوونەوەی داعش، دەشڵێت، وڵاتانی عەرەبی لە لاوازترین باردان بۆ رووبەڕووبوونەوەی تیرۆر.}

<sup>لە هەڤپەیڤینێکدا لەگەڵ رۆژنامەی شەرقولئەوسەتی چاپی سعودی، عەبدولفەتاح سیسی، سەرۆکی میسر رۆژی یەکشەممە 1ی ئاداری 2015 رایگەیاند:" پێویستمان بەیەکڕیزی هەیە، ئەمەش یەکەم هەنگاو دەبێت بۆ لەناوبردنی چەکدارانی داعش، یەکڕیزی واتە هەبوونی هەماهەنگی و هاوکاری لە هەموو بوارەکاندا".

سیسی پێیوایە، ناتوانرێت پلانە ئەمنیی و سیاسییەکان تەنیا لە پرۆسەی سەربازی و ئەمنیدا کورتبکرێنەوە، بەڵکو دەبێت بە یەکگرتوویی رێوشوێنی تووند بگیرێتەبەر، هەروەها دەبێت بەرپەرچیان بدرێتەوە لە ناوچەکەدا.</sup>

^{سیسی وڵاتانی عەرەبی بە جەستەیەکی بریندار و لاواز دەچووێنێت، هەروەها دەربارەی بەرەنگاربوونەوەی داعشیش لەلایەن وڵاتانی عەرەبییەوە هۆشداریدا و گوتی" وڵاتانی عەرەبی لە مەترسیدان و جەستەی عەرەبی بریندارە، هەروەها ئەو جەستەیە لە لاوازترین باردایە".}

^2/3/2015

^{سه‌رۆكی ولایه‌ته‌ یه‌كگرتووه‌كانی ئه‌مه‌ریكا رێگه‌ به‌ ئه‌نجومه‌نی پیران نادات ده‌ستبخاته‌ هه‌ر رێككه‌وتنێك كه‌ له‌باره‌ی به‌رنامه‌ ئه‌تۆمییه‌كه‌ی ئێرانه‌وه‌ ئیمزا بكرێت.}

^{برنادیت میهان، وته‌بێژ به‌ناوی ئه‌نجومه‌نی ئاسایشی نه‌ته‌وه‌یی ئه‌مه‌ریكا بڵاویكرده‌وه‌ كه‌ باراك ئۆباما مافی ڤیتۆ له‌دژی پڕۆژه‌یاسایه‌ك به‌كارده‌هێنێت كه‌ ئه‌نجومه‌نی پیران ره‌زامه‌ندیی له‌سه‌ر ده‌ربڕیووه‌ و تیایدا رێگه‌ به‌خۆی ده‌دات پێداچوونه‌وه‌ بۆ هه‌ر رێككه‌وتنێك بكات كه‌له‌سه‌ر به‌رنامه‌ ئه‌تۆمییه‌كه‌ی ئێران ئیمزا بكرێت.}

^{برنادیت میهان راشیگه‌یاند كه‌ پێویسته‌ باشترین هه‌ل به‌ لایه‌نی دانوستانكاری ئه‌مه‌ریكا بدرێت تا له‌ كێشه‌ی به‌رنامه‌ ئه‌تۆمییه‌كه‌ی ئێران سه‌ركه‌وتوو بن نه‌ك شكست بهێنن.}

^{پڕۆژه‌یاسای پێداچوونه‌وه‌ به‌ رێككه‌وتنی ئه‌تۆمی كه‌ ئه‌نجومه‌نی پیرانی ئه‌مه‌ریكا په‌سه‌ندی كردووه‌، باس له‌وه‌ ده‌كات كه‌ له‌ماوه‌ی پێنج رۆژدا ده‌قی رێككه‌وتنه‌كه‌ بخرێته‌به‌رده‌م كۆنگرێس و رێگه‌ش به‌ باراك ئۆباما نادات تا داوی 60 رۆژ له‌ رێككه‌وتنه‌كه‌ش هیچ سزایه‌ك هه‌ڵوه‌شێنێته‌وه‌ كه‌ كۆنگرێس به‌سه‌ر تارانیدا سه‌پاندووه‌.}

^1/3/2015

^{پارێزگاری موسڵ بە تۆڕی میدیایی رووداوی گوت:” تورکیا بڕیاریداوە بە هەموو شێوەیەکی سەربازی و لۆجیستی هاوکاری گرتنەوەی موسڵ بدات.”}

^{ئەسیل نوجەیفی ئاماژەی بەوەکرد ئەنکەرە چەک و تەقەمنیشمان بۆ دەنێرێ.}

^{ئەم گوتانە نوجێفی دوای سەردانی ئوسامە نوجێفی برای دێت بۆ تورکیا کە لەگەڵ ئەردۆغان و داودئۆغڵۆ کۆبوویەوە.}

^1/3/2015

^{23ی ئەم مانگە چەکدارانی داعش، هێرشیانکردە سەر چەند گوندێکی مەسیحینشین لە دەورووبەری تل تەمەری پارێزگای حەسەکەی رۆژاوای کوردستان و نزیکەی 250 کەسی ئاشوورییان رفاند. بەڵام رەنگە بتوانرێت ئاشوورییەکان بە گۆڕینەوەی دیلەکانی لای یەکینەکانی پاراستنی گەل YPG، رزگاربکرێن.}

<sup>نوێنەری پارتی یەکێتی دیموکراتی PYD لە ئەوروپا، زوهات کۆبانی لە لێدوانێکدا بۆ ئاژانسی هەواڵی سوێدی TT رایگەیاندووە "یەکینەکانی پارستنی گەل بڕیاریانداوە و ئامادەن دیلەکانی داعش لەگەڵ ئەو ئاشووریانەی کە رفێندراون بگۆڕنەوە. ئەم بڕیارە چەند کاژێرێک پێش ئێستا دراوە و هێشتا هیچ هەڵوێستێکی داعشمان نەبیستووە".

بە گوێرەی قسەکانی نوێنەری ئەوروپای PYD ، نزیکەی 600 چەکداری داعشیان لایە، کە زیاترە لەو ئاشووریانەی کە داعش بەزۆرەملێ گرتوونی.</sup>

^{رۆژی هەینی تۆڕی ئاشووری بۆ مافەكانی مرۆڤ رایگەیاند كە دانوستاندنەكان بۆ ئازادكردنی بارمتە ئاشوورییەكان دەستیپێكردووە، ئەو دانوستاندنەش لە رێگەی چەند كەسێكی نێوانكاری ئاشووری و ریشسپییانی عەشیرەتە عەرەبییەكان لە جەزیرەی سووری ئەنجامدەدرێت. بەپێی بەیاننامەیەكی تۆڕی ئاشووری بۆ مافەكانی مرۆڤ ، كە كۆپییەكی بۆ (تۆڕی میدیایی رووداو) نێردراوە، "رێڕەوی دانوستاندنەکان زۆر بەنهێنی بەڕێوەدەچن لەپێناو پاراستنی گیانی گیراوەکان، کە ژمارەیان زیاتر لە ٢٥٠ کەس دەبێت و زۆربەیان ژن و منداڵ و بەتەمەنەکانن". هەمان رۆژ فیدراسیۆنی کۆمەڵەی ئاشوورییەکان بۆ (تۆڕی میدیایی رووداو) پشتڕاستیان کردەوە کە بەلایەنی کەمەوە 15 لەو رفێنراوە مەسیحییانە لەلایەن داعشەوە سەربڕاون.}

rudaw

^1/3/2015

<sup>چەکدارانی حووسی، کە لە مانگی رابردوودا شاری سەنعای پایتەختی یەمەنیان کۆنترۆڵکرد، رێککەوتننامەیەکی لێکتێگەیشتنیان لە بواری گەشتی ئاسمانی لەگەڵ حکومەتی ئێران واژۆکرد.

بەپێی رێککەوتننامەکە، هێڵی ئاسمانیی یەمەنی و هێڵی ئاسمانیی ماهان راستەوخۆ لە سەنعاوە گەشت دەکەن بۆ ئێران، هەروەها بە پێچەوانەشەوە. بەپێی رێککەوتنەکە هەموو رۆژێک دوو گەشت لەنێوان تاران و سەنعا ئەنجامدەدرێت.

چاودێران پێیانوایە ئەم هەنگاوەی حووسییەکان بۆ شکاندنی کۆشەگیریی هەرێمییە، کە چەند رۆژێکە تێیکەوتووە. وڵاتانی وەکو سعودییە، قەتەر، بەحرەین و کوەیت بڕیاریانداوە کە باڵیۆزخانەکانیان لە سەنعاوە بۆ شاری عەدەن بگوازنەوە. بەوپێیەی عەبد رەبە مەنسوور هادی لەوێ دادەنیشێت و ئەوان ئەو بە سەرۆکی وڵاتەکە دەزانن.

لە مانگی رابردوودا چەکدارانی ئەنساروڵڵای حووسییەکان شاری سەنعای پایتەختیان کۆنترۆڵکرد. وڵاتانی کەنداو، ئێران تۆمەتبار دەکەن کە لە پشتی حووسییەکانەوەیەو دەیەوێت پێگەی شیعە لە یەمەن بەهێزبکات.</sup>

^1/3/2015

^{یەشار کەمال، نووسەری ناوداری کورد لە تورکیا، کە ئەمڕۆ 28-2-2015 کۆچی دواییکرد، چەند مانگێک پێش ئێستا پەیامێکی ئاراستەی خوێنەرانی کردووە.}

^{ئەم پەیامەی یەشار کەمال، لەو رێوڕەسمێکدا خوێندرایەوە کە مانگی تشرینی دووەمی 2014 لە زانکۆی بیلگی لە ئیستەنبوڵ بە بۆنەی پێدانی دکتۆرای فەخری پێی سازکرابوو. خۆی بەهۆی باری ناتەواوی تەندرووستییەوە نەیتوانی بەشداری لەم رێوڕەسمەدا بکات.}

^{یەشار کەمال لەم پەیامەیدا کە وەک وەسییەتنامەی بۆ خوێنەرانی دەبینرێت دەڵێت:}

^{"یەکەم، ئەوەی کتێبەکانی من دەخوێنێتەوە نابێت ببێت بە پیاوکوژ، دەبێت ببێت بە دوژمنی شەڕ. دووەم، دەبێت رووبەڕووی قۆرخکردنی مرۆڤ ببێتەوە لەلایەن مرۆڤەوە. نابێت کەس ئەوی دیکە بە کەمتر لەخۆی بزانێت و هەوڵی سڕینەوەی بدات. نابێت رێگە بدرێت بەو دەوڵەت و حکومەتانەی کە هەوڵی سڕینەوەی مرۆڤەکان دەدەن".}

^{لە بەشێکی دیکەی پەیامەکەیدا یەشار کەمال دەڵێت: "خوێنەرانی من با بزانن کە ئەوانەی کولتوورێک ناهێڵن، کولتوور و مرۆڤبوونی خۆیانیان لەدەستداوە".}

^{بەدەر لەمانە، نووسەر داوا لە خوێنەرانی دەکات کە لەگەڵ هەژاران یەکبگرن و دەڵێت: "ئەوانەی کتێبەکانی من دەخوێننەوە با لەگەڵ هەژاران ببن بە یەک، هەژاریی شەرمە بۆ هەموو مرۆڤایەتی. خوێنەرانی من دەبێت لە هەموو خراپەکان خۆیان پاکبکەنەوە".}

^1/3/2015

^{وەزیری دەرەوەی رووسیا رایگەیاند، دەرفەتی چارەسەرکردنی ئاشتییانەی قەیرانی سووریا تاوەکو ئێستا بەردەوامە، بەڵام ئەگەری بەکارهێنانی هێزی سەربازی دژ بە سووریا، ئەو وڵاتە بەرەو وێرانبوون دەبات.}

^{سێرگی لاڤرۆڤ، وەزیری دەرەوەی رووسیا لە گوتەیەکدا لە ئەکادیمیای دیبلۆماسی رووسیا، ئەمڕۆ هەینی 27ی شوباتی 2015 رایگەیاند: "ئەگەر چارەسەرکردنی قەیرانی سووریا بەڕێگەی ئاشتییانە وەلابنرێت و بیر لە دۆزینەوەی بیانوویەک بکەینەوە بۆ بەکارهێنانی هێز، ئەوا ئەو وڵاتە وێران دەبێت، ئێمە دەرفەتی ئاشتییانەمان لە بەردەمدایە هەرچەندە دەرفەتێکی لەسەرخۆیە، بەڵام هێزی زۆری دەبێت".}

^{لاڤرۆڤ پێشیوایە، رەتکردنەوەی گفتوگۆکردن لەگەڵ سووریا لەلایەن ئەمریکاوە، بۆ بەرەنگاربوونەوەی چەکدارانی داعش ، وایان لێدەکات بیرلەوەبکەنەوە، کە هێرشە ئاسمانییەکانی هاوپەیمانان تەنیا مەترسی نین بۆ سەر چەکدارانی داعش، بەڵکو مەترسییە بۆ سەر حکومەتەکەی ئەسەدیش، هاوکات بەبێ ئاگادارکردنەوەی حکومەتەکەی ئەسەد وڵاتانی هاوپەیمانان، هێرشی ئاسمانییان لەناو خاکی سووریا ئەنجامدا.}

^{وەزیری دەرەوەی رووسیا جەختیکردەوە، "سووریا هاوکارییان دەکات بۆ لەناوبردنی چەکی ئەتۆمی، بەڵام لە مەسەلەی بەرەنگاربوونەوەی تیرۆردا هاوپەیمانان ئامادەنین هاوبەشی پێبکەن، ئەوە کارێکی دووفاقیانەیە، ئەمە وادەکات بیرمان بۆ ئەوەبچێت هاوپەیمانان هەرکاتێک بیانەوێت هێرشی ئاسمانی بۆ سەر ئەوشوێنانەش ئەنجامدەدەن، کە لەژێر دەسەڵاتی حکومەتی سووریایە".}

^28/2/2015

^{بنکەی (دارالافتاء المصریة) ، سەرکۆنەی تێکدانی مۆزەخانەی مووسڵ دەکات، لەلایەن چەکدارانی داعش، دەشڵێت، ئەو رایانەی چەکدارانی داعش بۆ تێکدانی پەیکەرەکان پشتیان پێبەستووە، بیرووباوەری سەرلێشێواو و گومڕاکەرن.}

^{بنکەی (دارالافتاء المصریة)، کە بنکەیەکی تایبەتە بە فتوادان دەربارەی بنەماکانی ئایینی ئیسلام، فتواکانیشیان بۆ چەند زمانێکی جیهان وەردەگێڕدرێت، ئەمڕۆ هەینی 27ی شوباتی 2015 لە بەیاننامەیەکدا، رایگەیاند: "تێکدانی مۆزەخانەی مووسڵ لەلایەن (جیابووەوەکانی رێکخراوی قاعیدە) کە ناسراون بەداعش ، پشتیان بە چەند بیرووباوەڕێکی ئایینی سەرلیشێواو و گومڕاکەر بەستووە، کە لەگەڵ بنەماکانی ئایین و شەریعەتی ئیسلامدا ناگونجێت".}

^{لە بەیاننامەکەدا هاتووە، "لە چەندین وڵاتدا پەیکەر و مۆزەخانەی تایبەت بە شوێنەوارە کۆنەکان هەیە، هەروەها لە سەردەمی هاوەڵانی پێغەمبەریشدا، ئەو پەیکەر و شوێنەوارە کۆنانە بوونیان هەبووە، بەڵام هاوەڵانی پیغەمبەر بە هیچ شێوەیەک دەستکارییان نەکردوون".}

^{بەپێی بەیاننامەکە "لەکاتی ئازادکردنی میسر لە سەردەمی فتوحاتی ئیسلامیدا، بە هەزاران شوێنەوار و پەیکەر لە هەڕەمەکانی میسر هەبوون، بەڵام هیچ فتوایەک لە لایەن هاوەڵانی پێغەمبەر نەدراوە، بە رووخاندن و تێکدانی ئەو پەیکەرانە".}

^{بنکەی ( دارالافتاء المصریة)، داواش لە زانایانی ئایینی دەکات، "هەوڵبدەن ئەوکارە نابەجێیانەی داعش بووەستێنن، کە بەناوی ئایینی ئیسلام ئەنجامیدەدەن"، هەروەها، داواش لە وڵاتان و رێکخراوە پەیوەندیدارەکانی تایبەت بە شوێنەوارە کۆنەکان دەکەن، رێگە نەدەن چەکدارانی داعش و هیچ رێکخراوێکی دیکەی تووندئاژۆ شوێنەوار و مۆزەخانەکان بڕووخێنن.}

^{بەپێی گرتە ڤیدیۆیەك كە لەلایەن ویلایەتی موسڵی دەوڵەتی ئیسلامی ناسراو بە داعش بڵاوكرایەوە، هەموو پەیكەر و دیواربەند و پاشماوە مێژووییەكانی نێو مۆزەخانەی موسڵ لەلایەن داعشەوە تێكشكێندران.}

^{لەژێر ناونیشانی ژنانی ئاشتی، کۆنفرانسی ئاشتی رۆژهەڵاتی ناوەڕاست لە شاری ئیستەنبوڵ کۆتایی بە کارەکانی هێنا. خاوەنانی خەڵاتی نۆبڵ هەر یەک لە 'تاواککول کارمان' و 'جودی وڵیامز' و 'شیرین ئیبادی' بەشداربووی سەرەکی کۆنفرانسەکە بوون.}

^27/2/2015

^{رۆژی هەینی 27-2-2015، چوارەمین هێزی پێشمەرگە كە ژمارەیان 126 پێشمەرگەیە، دەچێتە كۆبانێ و ئەو هێزەی ئێستا لەوێیە دەگەڕێتەوە باشووری كوردستان.}

^{عەمید موسڵیح زێباری، فەرماندەی پێشمەرگە لە كۆبانێ بە تۆڕی میدیایی رووداوی راگەیاند، كە سبەی كاژێر05:00 ی ئێوارە، چوارەمین هێزی پێشمەرگە لە فڕۆكەخانەی نێودەوڵەتی هەولێر بەرەو فڕۆكەخانەی رووها لە باكووری كوردستان بەڕێدەكەوێت، دواتر لە پرسووس دەچێتە كۆبانێ.}

^{زێباری باسی لەوە كرد كە ئەو هێزەی ئێستا لە كۆبانێیە، دوای گەیشتنی چوارەم هێزی پێشمەرگە رۆژێك دەمێنێتەوە و دواتر دەگەڕێتەوە باشوور. ئاماژەی بۆ ئەوەش كرد كە رۆژی شەممە 28ی شوبات ئەوان دەگەڕێنەوە هەولێر.}

^{لەبارەی بارودۆخی کۆبانێش موسڵح زێباری گوتی، تەواوی ناوچەکە لەژێر کۆنترۆڵی هێزەكانی كورد دایە و ئێستا هاونیشتمانيانی ئەو گوندانەی كۆنترۆڵكراونەتەوە، دەگەڕێنەوە سەر ماڵ و حاڵی خۆیان.}

^{هەروەها گوتیشی، سەرۆکایەتی هەرسێ کانتۆنەکەی رۆژئاوای کوردستان، سەردانی هێزەکانی پێشمەرگەیان کردووە و سوپاسی پێشمەرگەیان کردووە، کە لە کۆنترۆڵکردنەوەی کۆبانێ و گوندەکانی دەوروبەریدا بەشدارییان کردووە و شانبەشانی یەپەگە و یەپەژە شەڕیان لە دژی داعش کردووە.}

^{بە بڕیاری مەسعود بارزانی، سەرۆكی هەرێمی كوردستان و راسپاردەی پەرلەمان، تاوەكو ئێستا سێ هێزی پێشمەرگە چوونەتە كۆبانێ و لە شەڕی دژی داعشدا بە چەكی قورس و دوورهاوێژ پاڵپشتی شەڕڤانانی یەكینەكانی پاراستنی گەل YPG كردووە.}

^{كاروانی یەكەمی هێزی پێشمەرگە لە 28 ی تشرینی یەكەمی 2014 لە هەولێرەوە بەرەو كۆبانێ بەڕێكەوت، ماوەی 35 رۆژ لەوێبوون پاشان گەڕانەوە، كاروانی دووەمیش لە 3 ی كانوونی یەكەمی 2014 بەڕێكەوت، كاروانی سێیەمیش 15-1-2015 بەڕێكەوت و تاوەكو ئێستا لەوێیە، رۆژی شەممەش دەگەڕێتەوە باشوور.}

^27/2/2015