حكومه‌تی فه‌ره‌نسا نیگه‌رانی خۆی پیشاندا له‌به‌رامبه‌ر زیادبوونی كرده‌و هێرشی چه‌كداره‌ توندڕه‌وه‌كان له‌هه‌ردوو شاری فه‌لوجه‌ و پشتیوانیی خۆی بۆ ده‌سه‌ڵاتدارانی عیراق له‌پێناو به‌ره‌نگاربوونه‌وه‌ی تیرۆر دووپات كرده‌وه‌.

له‌كۆنفرانسێكی ر‌وژنامه‌ییدا، رۆمان نادال، وته‌بێژی وه‌زاره‌تی ده‌ره‌وه‌ی فه‌ره‌نسا ئاشكرایكرد، وڵاته‌كه‌ی زۆر نیگه‌رانه‌ له‌و بارگرژییه‌ ئه‌منیانه‌ی به‌م دواییانه‌ چه‌ند شارێك عیراقی گرتۆته‌وه‌و و پشتیوانی خۆی بۆ هێزه‌كانی عیراق بۆ به‌گژاچوونه‌وه‌ی ئه‌و گروپ و تاقمه‌ توندڕه‌وانه‌ دووپات ده‌كاته‌وه‌، وتیشی: به‌رده‌وامی بارگرژییه‌كان له‌ناو عیراق ره‌وشی ژیانی هاوڵاتیان تێكده‌دات.

به‌وته‌ی رۆمان نادال،" فه‌ره‌نسا پێی وایه‌ وتوێژیی سیاسی سه‌رجه‌م پێكهاته‌كانی كۆمه‌ڵگه‌ی عیراق تاكه‌ رێیه‌ بۆ چاره‌سه‌ری به‌رده‌وانی نائارامی و به‌رده‌وامی بارگرژییه‌كان له‌عیراقدا".

ماوه‌یه‌كه‌ چه‌كداره‌كانی ده‌وڵه‌تی ئیسلامی عیراق و شام ( داعش) له‌هه‌وڵی كۆنترۆڵكردنی چه‌ند ناوچه‌یه‌كی پارێزگای ئه‌نباردان، به‌ڵام هێزه‌كانی پۆلیس و سوپای عیراق به‌توندی به‌رپه‌رچیان ده‌ده‌نه‌وه‌.

07/01/2014

حكومه‌تی توركیا له‌رووداوه‌ ئه‌منیه‌كانی ئه‌م دواییه‌ی ناوخۆی عیراق ده‌پرسێته‌وه‌و بۆ ئه‌و مه‌به‌سته‌ ئه‌حمه‌د داود ئۆغڵو وه‌زیری ده‌ره‌وه‌ی توركیا راسته‌وخۆ به‌ته‌له‌فۆن په‌یوه‌ندیكرد به‌ ئوسامه‌ نوجه‌یفی سه‌رۆكی ئه‌نجومه‌نی نوێنه‌رانی عیراق.

له‌به‌یاننامه‌یه‌كی نوسینگه‌ی راگه‌یاندنی ئوسامه‌ نوجه‌یفی، كه‌كۆپیه‌كی ده‌ست خه‌ندان كه‌وت، ئه‌حمه‌د داود ئۆغڵو وه‌زیری ده‌ره‌وه‌ی توركیا به‌ته‌له‌فۆن په‌یوه‌ندیی كرد و ده‌رباره‌ی هه‌ردوو دۆسیه‌ی ئه‌منی و سیاسی عیراق له‌گه‌ڵ نوجه‌یفی وتوێژی كرد.

له‌ته‌له‌فۆنه‌كه‌دا، داود ئۆغڵو، به‌وردی له‌باره‌ی دواگۆڕانكارییه‌كانی پارێزگای ئه‌نبار پرسیاری كردووه‌و گوێبیستی دوا گۆڕانكاریی ئه‌منیی هه‌ردوو شاری رومادی و فه‌لوجه‌ بووه‌، مه‌به‌ستی بووه‌ بزانێت ره‌وشه‌كه‌ به‌چ ئاراسته‌یه‌كدا رۆیشتووه‌.

هه‌ر به‌پێی به‌یاننه‌مه‌كه‌، نوجه‌یفی ورده‌كاری دواڕووداوی ئه‌و دوو شاره‌ی بۆ دادو ئۆغڵو باس كردووه‌، به‌تایبه‌ت ئه‌و زیانانه‌ی كه‌ كه‌وتوونه‌ته‌وه‌ به‌هۆی شه‌ڕو پێكدادانی نێوان هێزه‌كانی سوپا و چه‌كداره‌كانی سه‌ر به‌ده‌وڵه‌تی ئیسلامی عیراق و شام ( داعش)، هه‌روه‌ك ئاماژه‌ دراوه‌ به‌هه‌وڵی سه‌ركرده‌ی لایه‌نه‌ سیاسیه‌كان له‌پێناو چاره‌سه‌ری قه‌یرانه‌كان و وتوێژ و دانوستانی به‌رده‌وامیان بۆ دۆزینه‌وه‌ی رێچاره‌ی گونجاوو پێویست بۆ یه‌كلایی كردنه‌وه‌ی كێشه‌كانی به‌رده‌م پرۆسه‌ی سیاسی عیراق.

له‌په‌یوه‌ندیه‌ ته‌له‌فۆنیه‌كه‌یاندا، داود ئۆغڵو، نوجه‌یفی، به‌پێویستیان زانی هه‌موو هه‌وڵێك بخرێته‌گه‌ڕ له‌پێناو راگرتنی توندوتیژی به‌زووترین كات له‌ عیراق، ئه‌ویش له‌ڕێی هاریكاریی سه‌رجه‌م و پێكهاته‌و لایه‌نه‌ سیاسیه‌ عیراقیه‌كان بۆ پشتیوانیی پرۆسه‌ی سیاسیی و بنیاتنانه‌وه‌ی عیراقی نوێ.

070/1/2014

^{بەپێی هەواڵێکی ئاژانسی ئیرنای ئێرانی  پیاوێكی تەمەن (80) ساڵەی ئێرانیی،کە  لەپارێزگای فارس دەژی، بۆماوەی زیاتر لە (60) ساڵە بەهیچ جۆرێك خۆی نەشۆردووە نەشۆردوەو بە خواردنی لاشەی گیانلەبەرە مردووەکان دەژی}

^{ماڵپەڕی ئیرنا بڵاویکردووەتەوە کە ئەو پیاوە بە مامە حاجی  ناسراوە، خەڵکی گوندی دەژگاهی ناحیەی دەهرومی قەزای فەراشبەندیی پارێزگای فارسە کە لە باشووری رۆژئاوای ئێران هەڵکەوتووە و بۆ ماوەی ٦٠ ساڵە خۆی نەشۆردووە.}

^{مامە حاجی دوو شوێنی هەیە بۆ حەوانەی خۆی کە یەکێکیان چاڵێکە کە وەکوو گۆڕ هەڵی کەندووە و ئەویدیکەشیان خانوویەکە کە خەڵک بە بلۆک بۆیان ساز کردووە.}

^6/1/2014

وه‌زاره‌تی پلاندانانی عیراق ساڵی 2015 سه‌رژمێری گشتیی دانیشتوان ئه‌نجام ده‌دات، گه‌ر ئاماده‌كاریه‌كانیش له‌مساڵدا ته‌واو كران، ئه‌وا پرۆسه‌كه‌ له‌مساڵدا ئه‌نجام ده‌درێت.

مه‌هدی عه‌لاق بریكاری وه‌زیری پلاندانان و سه‌رۆكی ده‌زگای ناوه‌ندی سه‌رژمێریی به‌رۆژنامه‌ی سه‌باحی راگه‌یاند،  گه‌ر هیچ بڕیارێك له‌باره‌ی جێبه‌جێكردنی پرۆسه‌ی ئه‌نجامدانی سه‌رژمێریی دانیشتوان له‌مسالدا نه‌درا، ئه‌وا ساڵی داهاتوو سه‌رژمێرییه‌كه‌ ئه‌نجام ده‌درێت، وتیشی: پێویسته‌ چاوخشانه‌وه‌ بكرێت به‌سه‌رجه‌م چالاكیه‌ هونه‌ری و ته‌كنیكیه‌كانی پرۆسه‌ی سه‌رژمێریی كردنه‌كه‌دا له‌پاڵ له‌به‌رچاوگرتنی گۆڕانكاریی له‌چڕی دانیشتوان له‌ناوچه‌كاندا .

به‌وته‌ی بریكاری وه‌زیری پلاندانانی عیراق، ئه‌نجامدانی پرۆسه‌ی سه‌رژمێریی پێویسی به‌ساڵێك رێكخستن هه‌یه‌، هه‌روه‌ك پرۆسه‌ی ژماره‌ لێدان و گه‌مارۆدان ده‌بێت سه‌رله‌نوێ دووباره‌ بكرێته‌وه‌، ئه‌وه‌شی خسته‌ڕوو كه‌ گۆڕان به‌سه‌ر شوێن و چڕی دانیشتوان و چه‌ند شتێكی دیكه‌دا هاتووه‌.

هاوكات وه‌زاره‌تی پلاندانان سه‌رجه‌م  ژماره‌ی دانیشتوانی عیراقی به‌ 35 ملیۆن كه‌س مه‌زه‌نده‌ كردووه‌ و رێژه‌ی نێرینه‌ی به‌ سه‌دا 51 خه‌مڵاندووه‌، وه‌زاره‌ت بۆ ئه‌م سه‌رژمێرییه‌ی دانیشتوان پشتی به‌ستووه‌ به‌ بنه‌مای رێژه‌ی ساڵانه‌ی گه‌شه‌ له‌عیراق كه‌ به‌ سه‌دا 3 مه‌زه‌نده‌ كراوه‌، هه‌روه‌ك هه‌مان پێوه‌ره‌كانی پێشووتری بۆ رێژه‌ی مردن له‌به‌رچاو گرتووه‌.  

مه‌سه‌له‌ی سه‌رژمێریی دانیشتوان یه‌كێكی دیكه‌یه‌ له‌و كێشانه‌ی روبه‌روی هه‌رێمی وكوردستان و به‌غدا بۆته‌وه‌، به‌تایبه‌ت له‌ناوچه‌ جێناكۆكه‌كان و پارێزگاكانی هه‌رێم كه‌ سه‌رژمێریی دانیشتوان تیایاندا به‌رزه‌ به‌هۆی ره‌وشی ئارامی هه‌رێم، به‌پێچه‌وانه‌ی ناوچه‌كانی دیكه‌ی ناوه‌ڕاست و خوارووی عیراق كه‌ به‌رده‌وام ته‌قینه‌وه‌و كرده‌خۆكوژییه‌كان گیانی هاوڵاتیان ده‌كه‌نه‌ ئامانج، ئه‌مه‌ش وایكردووه‌ حكومه‌تی به‌غدا مه‌ترسی له‌ئه‌نجامدانی هه‌ر پرۆسه‌یه‌كی سه‌رژمێریی بكات له‌ئێستادا نه‌وه‌ك رێژه‌ی كورد له‌و ئاسته‌ زیاتر بێت كه‌ مه‌زه‌ندكراوه‌.

06/01/2014

^{لە رۆژهەڵاتی كوردستان خەڵك بە هیواوە دەنگیان بە ئەنجوومەنی شارەكان دا، بەڵام ئێستا ئەو ئەنجوومەنانە خۆیان لە كێشەكانەوە گلاند‌ووە، ئەنجوومەنی شارەوانی بانە بەدەست كێشەی دووبەرەكییەوە دەناڵێنێت، بەشێك لە ئەندامانی ئەنجوومەنەكەش دەڵێن سەرۆكی شارەوانی شارەكەیان بەسەردا سەپێنراوە. ئەنجو‌ومەنی شارەكان، كە بڕیاربوو چارەسەری كێشە و گرفتەكان بن و خەڵكیش هەر بەو هیوایە دەنگیان پێ دان، بەڵام ئێستا خۆیان لە باتڵاقی كێشە و گرفتەكان دا. ئەنجو‌ومەنی شارەكانی ژمارەیەك لە شارەكانی رۆژهەڵاتی كوردستان تووشی كێشەی جدیی هاتوون. ئەنجو‌ومەنی شاری بانە لە مێژە بە دەست دووبەرەكییەوە تووشی كێشە بووە، كێشە لەسەر دیاریكردن یان هەڵبژاردنی سەرۆكی شارەوانی.  كێشەكان لە شورای شاری بانە كاتێك تەقینەوە كە پارێزگای پێشووی سنە، سەرۆكی شارەوانی ئەم شارەی دیاریكرد. بەشێك لە ئەندامانی ئەنجو‌ومەن دەڵێن سەرۆكی شارەوانی سەپێنراوە، لەجیاتی ئەوەی كە هەڵبژێردرێ.  ئەنجو‌ومەنی شورای شارەكان سەرۆكی شارەوانییەكان هەڵدەبژێرن، یەكێك لە كارە گرینگەكانی ئەوانیش ئەمەیە. ئەندامانی ئەنجو‌ومەنی شارەكانی پارێزگای كرماشانیش لە دیاریكردنی بەرپرسی دەستەی سەرۆكایەتی ناڕازین، چونكە  بەرپرسی دەستەی سەرۆكایەتی بە تیروپشك دیاریكراوە، بەڵام ئێستا ئەندامانی شورای شارەكانی پارێزگای كرماشان دەڵێن: "بەرپرس دەبێت لە رێگای هەڵبژاردن و دەنگدانەوە دیاریبكرێ". ئەندامانی ئەنجو‌ومانی شاری جوانڕۆش هێشتا سەرۆكی شارەوانییان دیاری نەكردووە، شاری پاوەش رەوشێكی هاوشێوەی هەیە. ئەندامانێك لە ئەنجو‌ومەنی شارەكانی بۆكان و مەهابادیش دوای وەگرتنی بەرپرسیارێتی، دەستیان لە كارەكانیان كێشایەوە.}

^{رووداو - بانە}

^6/1/2014

ره‌وشی مرۆیی سوریا و برسێتی له‌ سوریا گه‌یشتووه‌ته‌ ئاستێكی مه‌ترسیدار و بووه‌ته‌هۆی تۆماركردنی حاڵه‌ی گیانله‌ده‌ستدان به‌تایبه‌ت له‌ نێو منداڵاندا.

به‌پێی هه‌واڵێكی سایتی عه‌ره‌بیه‌، نه‌ خۆپیشاندان و نه‌ هه‌وڵه‌ دیپلۆماسییه‌كان، سه‌ركه‌وتوونه‌بوون له‌ شكاندنی ئه‌و گه‌مارۆیه‌ی رژێمی به‌شار ئه‌سه‌د ماوه‌ی زیاتر له‌ پێنچ مانگه‌ به‌سه‌ر كامپی یه‌رموك-ی تایبه‌ت به‌ ئاواره‌ فه‌له‌ستینییه‌كان سه‌پاندوویه‌تی.

به‌هۆی ئه‌و گه‌مارۆیه‌وه‌، كامپی یه‌رموك، بێ خۆراك و كاره‌با و ده‌رمان و پێداویستیی پزیشكی و ئاو ماونه‌ته‌وه‌ و ئه‌وه‌ش بووه‌ته‌ به‌رزبوونه‌وه‌ی نرخی خۆراك له‌و كامپه‌، به‌جۆرێك كه‌ نرخی یه‌ك كیلۆ برنج گه‌یشتووه‌ته‌ شه‌ش هه‌زار لیره‌ی سوری كه‌ ده‌كاته‌ 42 دۆلار.

دوای شكستهێنانی سه‌رجه‌م هه‌وڵه‌كانیش بۆ گه‌یاندنی خۆراك و كه‌لوپه‌لی سه‌ره‌تایی، دانیشتووانی كامپه‌كه‌ هه‌ڵمه‌تێكی ئه‌لیكترۆنییان له‌ تۆڕی ئینته‌رنێت له‌ژێر دروشمی (كامپی یه‌رموك رزگار بكه‌ن) ده‌ستپێكردووه‌.

ئه‌و هه‌ڵمه‌ته‌ ئه‌لیكترۆنییه‌ زانیاریی ته‌واوی له‌سه‌ر ره‌وش و گوزه‌رانی كامپی یه‌رموك بڵاوكردووه‌ته‌وه‌ هه‌ر له‌ ژماره‌ی خه‌ڵكی گه‌مارۆدراو و ژماره‌ی بریندار و كوژراوه‌كان.

بڕیاریشه‌ به‌ڕێوه‌به‌رانی ئه‌و هه‌ڵمه‌ته‌، 11ی ئه‌م مانگه‌ بكه‌نه‌ رۆژێكی میدیایی سه‌رتاسه‌ری بۆ هه‌ڵمه‌ته‌كه‌یان تا چالاكی و بانگه‌وازه‌كانیان هه‌ر له‌ سنووری تۆڕی ئینته‌رنێت و دنیای گریمانه‌دا نه‌مێنێته‌وه‌.

06/01/2014

^{لە ماوەی ساڵی رابردوو تەنها لە رێگەی دەروازەی نێودەوڵەتی حاجی ئۆمەران زیاتر لە 400هەزار تۆن خواردن و خواردنەوە لە ئێرانەوە گەیشتۆتە دەروازەی سنوری حاجی ئۆمەران و دوای ئەنجام دانی نزیكەی 20هەزار پشكنین زیاتر لە 1500تۆن گەرێندراوەتەوە وڵاتی سەرچاوە.} 

^{سەرپەرشتیاری كۆمەڵگای نێودەوڵەتی حاجی ئۆمەران مەسعود باتێلی بە ئاژانسی هەواڵی پەیامنێری راگەیاند: بەوپێیەی تاكو ئێستا لە هەرێمی كوردستان پشت بە كاڵاو كەل و پەل و خۆراك و ماددە هاوردەبوەكان دەبەسترێت رۆژانە لە رێگەی سنورەكانەوە دەیان  كامیۆنی بارهەڵگر دەگەنە هەرێمی كوردستان سەرجەمی ئەو كاڵاو كەل و پەلانەش پشكنینی كیمیایی و فیزیاییان بۆ ئەنجام دەدرێت و رێگە بە خۆراك و ماددە نەشیاوەكان نادرێت هاوردەی هەرێم بكرێن و لە ماوەی ساڵی رابردوشدا پشكنین بۆ 400 هەزار تۆن خۆراك و خواردنەوە كراوەو لەو رێژەیەش 1 هەزارو 550 تۆن لە گەڵ 7هەزارو 743 كارتۆن و 9هەزارو 674پارچەو 2 هەزارو 76دانە لە پشكنینەكان دەرنەچوونەو رێگەی هاوردەكردنیان پێ‌ نەدراوە.}

^{لای خۆشیەوە بەرێوەبەری تەندروستی چۆمان خستیەروو بۆ دڵنیابوونی ئەو ماددە خۆراك و خواردنەوانەی هاوردە كراوون 3 رۆژ پێش گەیشتنیان بۆ دەستی بەكار بەر 19هەزارو 822پشكنینیان بۆ كراوە.}

^{بەختیار چۆمانی/ج}

^pna

^6/1/2014

گروپی ده‌وڵه‌تی ئیسلامی له‌عێراق‌و شام (داعش)، له‌كارخانه‌كانی شاری حه‌له‌ب له‌سوریادا، ده‌ستیكردووه‌ به‌دروستكردنی چه‌ندین جۆر ماده‌ی هۆشبه‌ر له‌شێوه‌ی حه‌بدا.

ئاژانسی (فارس نیوز) بڵاویكرده‌وه‌، هاوشێوه‌ی گروپه‌ تیرۆرستیه‌كانی (قاعیده‌‌و تاڵیبان) كه‌ له‌سنوری ئه‌فغانستان، كێڵگه‌ی چاندن‌و دروستكردنی ماده‌ی هۆشبه‌ری (هیرۆین) په‌ره‌پێده‌ده‌ن، له‌سوریاش چه‌كدارانی داعش ده‌ستیان به‌هه‌مان كاری قاعیده‌ كردووه‌‌و له‌هه‌وڵی چاندن‌و دروستكردنی ماده‌ی هۆشبه‌ردان.

ئه‌وه‌ش خراوه‌ته‌ڕوو، له‌دوای مانگێك له‌ده‌ستبه‌سه‌رداگرتنی چه‌ند كارگه‌یه‌كی ده‌رمان له‌شاری حه‌له‌ب، داعش ده‌ستیكردووه‌ به‌دروستكردنی ماده‌ی هۆشبه‌ر له‌شێوه‌ی حه‌ب‌و ناسراوه‌ به‌حه‌بی (میت)، كه‌ به‌مه‌ترسیدارترین حه‌بی هۆشبه‌ر هه‌ژمار ده‌كرێت.

ئه‌وه‌ش زانراوه‌، داعش ئه‌و ماده‌ هۆشبه‌ره‌ی به‌رهه‌می ده‌هێنێت، هه‌نارده‌ی وڵاتانی ناوچه‌كه‌‌و جیهانی ناكات، به‌ڵكو ته‌نها بۆ ئه‌ندامانی داعش سودیان لێوه‌رده‌گیرێت.

5/1/2014

NNA

^{وەزیری دەرەوەی وڵاتە یەكگرتووەكانی ئەمەریكا، جۆن كیری، پشتیوانیی خۆیانی بۆ عێراق لە شەڕی دژ بە ڕێكخراوی تیرۆریستیی قاعیدە ڕاگەیاند.} 

^{دوێنێ شەممە، سەرۆكوەزیرانی عێراق، نووری مالیكی، ڕایگەیاند، هێزە ئەمنییەكانیان لە شەڕكردن ناكشێنەوە تاكو كۆتایی بە دیاردەی چەكداری لە پارێزگای ئەنبار نەهێنێت.}

^{كیری هەروەها جەخت دەكاتەوە لەوەی كە ئەو شەڕەی كە ئێستا لە نبارە بەرپا بووە، پێوەندی بە عێراقییەكان خۆیانەوە هەیە و ئەمەریكا بیری لەوە نەكردووەتەوە جارێكی دی هێزی سەربازی بۆ عێراق بنێرێتەوە.
وەزیری دەرەوەی وڵاتە یەكگرتووەكانی ئەمەریكا هاوكات باوەڕی وایە كە هێزەكانی سوپای عێراق و هۆزەكانی ئەنبار لە شەڕكردنیان دژ بە ڕێكخراوی تیرۆریستیی قاعیدە سەردەكەون.}

^{سەرۆكی هێزی پیادەی عێراق، فەریق ڕوكن، عەلی غێدانیش دەڵێت، شەڕ لە نێوان چەكدارانی هۆزەكان و پۆلیس و سوپا بەردەوامە و تاونكاران نیانەوێ ئەنبار و عێراق خێر لە خۆیان ببینن. ئەو گوتیشی كە بەرەوڕووبوونەوەیان لە شوێنێكەوە بۆ شوێنێكی دیكە درێژەی هەیە و بەرەنامەكانیش ئەرێنین؛ جەختیش دەكاتەوە كە لە چەند سەعاتی داهاتوودا گورزی كوشندە لە مۆڵگەی ڕێكخراوی قاعیدە لە فەللوجە دەدەن.}

^{لە 21ـی كانوونی یەكەمی ئەمساڵەوە، دەشتەكانی پارێزگای ئەنبار بەرەوڕووی ئۆپەراسیۆنی سەربازی بووەتەوە كە چەند یەكەیەكی سەربازی و پۆلیس بە پشتیوانیی هێزی ئاسمانی، دژ بە ڕێكخراوی قاعیدە بەرپایان كردووە. ئەم ئۆپەراسیۆنە پاشتر پەلی كێشا بۆ نێو پارێزگاكە و بە هۆیشییەوە پەرلەمانتار، ئەحمەد عەلوانی دەستگیر كرا كە بە یەكێك لە گەورەپشتیوانكارانی گۆڕەپانی مانگرتووانی ئەو پارێزگایە ناو دەبرێت.}

^{لە ڕۆیتەرزەوە}

^5/1/2014