^{گۆرانیبێژی كورد شه‌هرام نازری، كۆنسێرتێك له‌ تاران ساز ده‌دات و داهاتی كۆنسێرته‌كه‌ش پێشكه‌ش به‌ نه‌خۆشه‌ تایبه‌ته‌كانی مه‌هاباد ده‌كات.} 

^{نازری به‌ هاوكاری موزیكزانانی كوردی گرووپی موزیكی "مه‌وله‌وی" له‌وانه‌: سابیر نه‌زه‌رگاهی، شه‌هرام مه‌حموودی، راشید باباشه‌هابی و بابه‌ك عه‌سالی، كاتژمێر 9ی شه‌وانی 14 و 15ی كانوونی دووه‌م/ یه‌نایه‌ر 2014، له‌ ناوه‌ندی كۆبوونه‌وه‌كانی تاوه‌ری میلادی تاران كۆنسێرتی گۆرانی و موزیكی كوردی پێشكه‌ش ده‌كات، ئه‌م گۆرانیبێژه‌ كرماشانییه‌ داهاتی ئه‌م كۆنسێرته‌ پێشكه‌ش به‌ نه‌خۆشه‌ تایبه‌ته‌كانی شاری مه‌هاباد ده‌كات.}

^{دوایین كۆنسێرتی نازری و گرووپی موزیكی "مه‌وله‌وی"به‌ به‌شداری هۆگرانی موززیك له‌ وڵاتانی ئه‌مه‌ریكا، ژاپۆن، ئه‌ڵمانیا، ئێران وتوركیا رۆژی 17ی كانوونی یه‌كه‌م/ دیسه‌مبه‌ری 2013، له‌ رێوره‌سمی ساڵوه‌گه‌ڕی مه‌ولانا له‌ ئامفی شانۆییی شاری قوونیه‌ له‌ وڵاتی توركیا به‌ڕێوه‌چوو.}

^{ئه‌ندامانی گرووپی موزیكی "مه‌وله‌وی" له‌م كۆنسێرته‌دا بریتی بوون له‌: شه‌هرام نازری ـ گۆرانیبێژ و سه‌رپه‌ره‌ستی گرووپ، سابیر نه‌زه‌رگاهی ـ ژه‌نیاری تار و دیوان، شه‌هرام مه‌حموودی ـ ژه‌نیاری تار، سێتار و ده‌ف، بابه‌ك غه‌سالی ـ ژه‌نیاری عوود، نیگار خاركه‌ن ـ ژه‌نیاری كه‌مانچه‌ی ئاڵتۆ، شه‌هریار نه‌زه‌ری ـ ژه‌نیاری ده‌ف، ڕاشید باباشه‌هابی ـ ژه‌نیاری كه‌مانچه‌، سه‌حه‌ر ئیبراهیم ـ ژه‌نیاری قانوون و فه‌رهاد سه‌فه‌ری ـ ژه‌نیاری زه‌رب، ده‌مام و ده‌هۆڵ.}

^{مه‌نسوور جیهانی/ پ. ف}

^{رابەری رەوتی سەدر رایگەیاند جارێكی دیكە سەردانی هەولێر ناكات ئەگەر مەسعود بارزانی، سەرۆكی هەرێمی كوردستان لە وەڵامی سەردانەكەی ئەو بۆ هەولێر لە ساڵی 2012 سەردانی نەكاتەوە لە نەجەف. بەڵام ئەو جەختدەكاتەوە بارزانی سەردانی بكات یان نا "ئێمە هەر هاوڕێ و هاوپەیمانی یەك دەمێنین". موقتەدا سەدر، رابەری رەوتی سەدری شیعە مەزهەب لە عێراق رایگەیاند: "جارێكی دیكە سەردانی هەولێر ناكەم ئەگەر مەسعود بارزانی، سەرۆكی هەرێمی كوردستان لە وەڵامی سەردانەكەی من بۆ هەولێر لە ساڵی 2012 سەردانم نەكات لە نەجەف، بەڵام گەر بارزانی سەردانم بكات یان نا ئێمە هەر هاوڕێ و هاوپەیمانی یەك دەمێنین، نەك تەنها لە سیاسەت بگرە لە هەموو بوارەكانی دیكەش، چونكە بارزانی سەركردەیەكی شۆڕشگێڕەو ئاواتەخوازم هەرواش بمێنێتەوە". سەدر هەروەها دووپاتیكردەوە كە لە ساڵی 2012 قاسم سولەیمانی، فەرماندەی سوپای قودس "فشار"ێكی زۆری خستووەتە سەری بۆ ئەوەی سەردانی هەولێر نەكات و ئامادەی كۆبوونەوەی بەرەی لێسەندنەوەی متمانە نەبێ لە نوری مالیكی، سەرۆك وەزیرانی عێراق. رابەری رەوتی سەدر گوتیشی "نەخشەی هەڵبژاردنی پەرلەمانی داهاتووی عێراق خۆی لە پێنج خاڵ دەبینێتەوە كە گرنگترینیان گەلی عێراق بە گشتی لایەنی دەسەڵات دەگرێ، هاوكات هاوپەیمانی دەوڵەتی یاسا جیاواز لە هەڵبژاردنی پارێزگاكانی عێراق ئەمجارەیان خۆی بۆ هەڵبژاردنی پەرلەمان ئامادەكردووەو هەموو تواناو كەرەستەكانی دەسەڵات بۆ بەرژەوەندی خۆی لە هەڵبژاردن بەكار دێنێ". موقتەدا سەدر هاوكات پێیوایە "بەشێك لە سوننەی عێراق توندڕەون و لایەنگیری رێكخراوی (قاعیدە)ەو حیزبی بەعسی قەدەخەكراو دەكەن، لە كاتێكدا بەپێی هەموو ئاماژەكان عێراق بەرەو دابەشبوونی تایەفەگەری و سیاسی و كۆمەڵایەتی ملدەنێ". هەروەها راشیگەیاند "ئەوەی لە سووریا روودەدات پرسێكی پەیوەستە بە ناوخۆی ئەو وڵاتە و نابێ لایەنی دەرەكی دەستی تێ وەربدات". گوتیشی "هەڵوێستی رەوتی سەدر لەگەڵ هەڵوێستی حیزبوڵڵای لوبنان جیاوازە، چونكە هەر لایەكمان و سیاسەتی تایبەت بەخۆی هەیە". رابەری رەوتی سەدر دەڵێ "بەدەستهێنانی رەزامەندی شەقامی شیعەو سوننە لە یەك كاتدا ئامانجێكە مەحاڵە بێتە دی، هاوكات ئامانج لەو ململانێیەی ئێستا لە ناوچەكە روودەدات دەستگرتنە بە كورسی دەسەڵاتەوە، لەكاتێكدا لە چوارچێوەی ئەو رەوشەی ئێستا بەرپایە ئەنجامدانی گفتوگۆی مەزهەبی و ئایینی مەحاڵە". سەدر هەروەها گوتیشی "مەترسی سەرهەڵدانی جەنگی تایەفەگەری لە عێراق بەردەوام لە ئارادایە، لە كاتێكدا هیچ دەزگایەكی سەربەخۆ لە عێراق بوونی نییە، نە سوپاو نە پۆلیس و نە كۆمسیۆنە سەربەخۆكان بەراستی سەربەخۆ نین".} 

^{رووداو- حەیات}

^22/12/2013

^{سەرجەم گیراوانی رۆژهەڵاتی كوردستان، كە بە تۆمەتی‌ بەردبارانكردنی‌ كونسوڵخانەی‌ ئێران لە هەولێر دەستگیركرابوون، ئازاد کران. كەمێك پێش ئێستا  6 گیراوەکەی رۆژهەڵاتی كوردستان، كە لە گرتووخانەی محەتەی هەولێر مابوونەوە بەكەفالەت ئازادكران. رۆژی هەینی 8-11-2013 نزیكەی كاژێر 4ی ئێوارە، لەلایەن ژمارەیەك خۆپێشاندەر، كە خۆپێشاندانێكیان دژی لەسێدارەدانی لاوانی كورد لە ئێران بۆ بەردەم كونسوڵخانەی كۆماری ئیسلامی ئێران لە هەولێر سازكردبوو و بەشی زۆری خۆپێشاندەرەكان ئەندامانی پارتەكانی رۆژهەڵاتی كوردستان بوون، كونوسڵخانەی ئێران بەردباران كرا، دواتریش 8 کەس بەتۆماتی هێرشکردنە سەر کوسوڵخانەکە دەستگیرکران. رۆژی 17/12/2013 هەشت گیراوەكە چوونە بەردەم دادوەری هەرێمی كوردستان و بەگوێرەی یاسای خۆپێشاندانی هەرێمی كوردستان، دادوەر بڕیاری بێتاوانیی 2 لە هەشت گیراوەكەی دەركرد و 6 گیراوەكەی دیكە بەپێی مادەی 222ی یاسای سزادانی عێراقی دەستگیركرانەوە.} 

^22/12/2013

^{ئاژانس و ته‌له‌ڤزیۆنی "RT"ـی ڕووسیایی كه‌ یه‌كێك له‌ ئاژانسه‌ هه‌واڵییه‌ گه‌وره‌كانی ڕووسیا و به‌ربڵاوه‌كانی جیهانیشه‌، له‌ ڕاپۆرتێكی خۆیدا شرۆڤه‌ی ڕه‌وشی كورد له‌ ئێستا ده‌كات و به‌وه‌ ده‌ستپێده‌كات كه‌ كورد گه‌وره‌ترین نه‌ته‌وه‌ی بێوڵاته‌ له‌ جیهاندا، ئه‌وان مه‌حرومكراون، سه‌ركوتكراون، جیاكارییان به‌رانبه‌ر كراوه‌.}

^{هه‌روه‌ك ئه‌وه‌ش ڕوون ده‌كاته‌وه‌ كه‌ ژماره‌ی كورد نزیكه‌ی 40 ملیۆن ده‌بێت و زۆرینه‌شیان له‌و به‌شه‌دا ده‌ژین كه‌ له‌ توركیایه‌، هه‌روه‌ك دووپاتیش ده‌كاته‌وه‌ كه‌ مه‌سه‌له‌ی دروستكردنی ده‌وڵه‌تی سه‌ربه‌خۆی كوردستان له‌ ڕۆژهه‌ڵاتی ناوه‌ڕاستدا ته‌نها مه‌سه‌له‌ی كاته‌.}

^22/12/2013

^{له‌ پێنجه‌م ساڵی دامه‌زراندنی كه‌ناڵی كه‌ی ئێن ئێن دا، مه‌سعود بارزانی سه‌رۆكی هه‌رێمی كوردستان، پیرۆزبایی خۆی ئاراسته‌ی به‌ڕێوه‌به‌ر و كارمه‌ندانی ئه‌و كه‌ناڵه‌ كرد و هیوای خواست هه‌موو كه‌ناڵه‌كان پێکەوە ببنە دەنگی ڕاستەقینەی گەلەکەمان و هەست بە بەرپرسیارێتیی مێژوویی خۆیان بکەن و بە بەرگرییکردن لە بیری نەتەوەیی و هوشیاریی گەلەکەمان ڕێگە نەدەن دەنگ و ڕەنگی بشێوێندرێت.} 

^{ئه‌مه‌ش ده‌قی پیرۆزبایینامه‌كه‌:}

^{بەڕێزان بەڕێوەبەر و کارمەندانی کەناڵی ‏KNN}

^{بەبۆنەی پێنجەمین ساڵیادی دامەزراندنی كەناڵەكەتان، پیرۆزبایی خۆم ئاراستەی بەڕێوەبەرایەتی و سەرجەم کارمەندان دەكەم.}

^{گەلی کورستان قۆناخی زۆر سەختی تێپەڕاند و بە سادەترین ئیمکاناتەوە بەرەوڕووی ئەو هەوڵانە دەبۆوە کە بۆ قڕکردن و بێدەنگکردنی دەدرا. مایەی خۆشحاڵییە کە ئێستا لە سایەی ئازادی و پێشکەوتنەکانەوە گەلەکەمان ئەو دەرفەتەی هەیە ڕەوایەتیی دۆزەکەی بە جیهان بناسێنێت، ئێستا کوردستان خاوەنی ژمارەیەکی زۆر ناوەندی ڕاگەیاندنە، گەلی کوردستان چاوی لەوەیە ڕاگەیاندن ببێتە قوتابخانەیەک بۆ بڵاوکردنەوەی هەستی نیشتیمانپەروەری و متمانەبەخۆبوون و بەرگرییکردن لە کێشە نەتەوەییەکان و مافی مرۆڤ و ئازادی و پێکەوەژیان.}

^{هیوادارین هەموویان پێکەوە ببنە دەنگی ڕاستەقینەی گەلەکەمان و هەست بە بەرپرسیارێتیی مێژوویی خۆیان بکەن و بە بەرگرییکردن لە بیری نەتەوەیی و هوشیاریی گەلەکەمان ڕێگە نەدەن دەنگ و ڕەنگی بشێوێندرێت و بڕوابەخۆبوونی لاواز بکرێت.}

^{ئەم بۆنەیەتان لێ پیرۆز دەكەم و سەركەوتوو بن.}

^{لەگەڵ رێزمدا}

^{مسعود بارزانی}

^{سەرۆكی هەرێمی كوردستان}

^{‏21/12/2013‏}

^{لە كاتێكدا نەتەوەیەكگرتووەكان بەردەوام جەختی لە رۆڵی ئێران كردووەتەوە بۆ چارەسەركردنی قەیرانی سووریا، بەڵام تاوەكو ئێستا ئەمریكا پێیوایە ئێران هیچ جێگایەكی نابێت لە كۆنفرانسی ئاشتی جنێڤ2. بە پێی هەواڵێكی ئاژانسی فرانس پرێس، بەرپرسێكی باڵای ویلایەتە یەكگرتووەكانی ئەمریكا كە نەیویستووە ناوی ئاشكرابكرێت، گوتی: "ئەمریكا دژی بەشداریكردنی ئێرانە لەو كۆنفرانسەدا و پشتیوانی سەربازی ئێرانیش لە رژێمی بەشار ئەسەد هۆكاری ئەو ناڕەزایەتییەیە". ئەو بەرپرسە ئەمریكییە گوتیشی: "تاران دەبێ هێزە سەربازییەكانی لە سووریا بباتە دەرەوە و كۆتایی بە پشتیوانیكردن لە بەشار ئەسەد بهێنێت، بۆ ئەوەی رێگە بە ئۆپۆزیسیۆنی سووریا بدات دەوڵەتێكی كاتی لەو وڵاتە پێكبهێنن". هەر بەپێی هەواڵێكی فرانس پرێس، ئەخزەر ئیبراهیمی، نێردراوی تایبەتی نەتەوەیەكگرتووەكان و یەكێتی عەرەب بۆ چارەسەركردنی قەیرانی سووریا، لە رۆژی 20-12-2013 و كاتێك لەگەڵ بەرپرسانی رووسیا و ئەمریكا سەبارەت بە لیستی بانگهێشتكراوەكان بۆ كۆنفرانسی جنێڤ 2 گفتوگۆی دەكرد، ئاگاداركرایەوە كە ئەمریكا دژی بەشداریكردنی ئێرانە لەو كۆنفرانسەدا. ئیبراهیمی رایگەیاند:"هاوپەیمانانی ئێمە لە ویلایەتە یەكگرتووەكانی ئەمریكا تاوەكوو ئێستا نەیانتوانیوە دڵنیابن لەوەی، بەشداریكردنی ئێران لەو كۆنفرانسەدا كارێكی باشە". نێردراوی تایبەتی نەتەوە یەكگرتووەكان بۆ سووریا، لە هەمانكاتدا گوتی:"ئەگەری بەشداریكردنی ئێران هەیە و بە یەكجاری رەتنەكراوەتەوە." كۆنفرانسی ئاشتی جنێڤ 2 تایبەت بە رەوشی سووریا بڕیارە لە 22-1-2014 لە جنێڤ بەڕێوەبچێت.}

^21/12/2013

^{بڕیارە رۆژی سێشەممەی داهاتوو 24ی كانوونی یەكەم چەندین خەڵات لەلایەن عەبدوڵڵا گویل، سەرۆك كۆماری توركیاوە ببەخشرێنە بەهرەمەندانی بوارە جیا جیاكانی وڵاتی توركیا.   بەپێی زانیارییەكان كەسی شایستە بۆ خەڵاتی هونەری و رۆشنبیری هونەرمەندی كۆچكردوو ئەحمەد كایایە ، كە بڕیارە گولتەن كایای خێزانی لە رێوڕەسمی خەڵات وەرگرتنەكە ئامادە بێت و خەڵاتەكە وەربگرێ. پێشتریش لەكاتی سەردانی شڤان پەروەر و ئیبراهیم تاتڵیسێس بۆ ئامەد‌و دوای ئەوەی پێكەوە دوێدێكیان گوت، رەجەب تەیب ئەردۆغان، سەرۆك وەزیرانی توركیا گوتی: "خۆزگە لەگەڵ شڤان پەروەر و ئیبراھیم تاتیڵسێس ئەحمەد كایایش لێرە دەبوو، لێرەوە رەحمەت بۆ ئەحمەد كایای خۆشەویست دەنێرم و دەڵێم ئاخ، خۆزگە ئەوە رووینەدایە". رۆژی سێشەممە 24ی ئەم مانگە لە كۆشكی كۆماری چانكایا لە ئەنقەرە رێوڕەسمی خەڵاتی كۆشكی كۆماریی بەڕێوەدەچێ و خەڵاتەكان دابەشدەكرێن.}

^21/12/2013

^{لە ناوەڕاستی مانگی حوزەیران، ئەردۆغان خۆپیشاندانێكی گەورەی بۆ دەیان هەزار لایەنگری خۆی لە ئیستەنبوڵ رێكخست، لقەكانی پارتەكەی ئەردۆغان توانیبوویان دەیان هەزار ئەندام و لایەنگری خۆیان لە چەندین ناوچەی جیا جیای توركیا ئامادەی خۆپیشاندانەكە بكەن، ئەوكاتە ئاسان هەست بەوە دەكرا ئەردۆغان دەتوانێت كۆتایی بە خۆپیشاندانەكانی پاركی گەزی بهێنێت. هەرچەند خۆپیشاندەران تووڕەبوون، بەڵام ئەردۆغان ئامادەكاری باشی كردبوو بۆ كۆنتڕۆڵكردنی بارودۆخەكە، لە توركیاش ئەو كەسە دەیباتەوە كە دەتوانێت بارودۆخەكە رێكبخات.    ئێستا رەجەب تەیب ئەردۆغان، سەرۆك وەزیرانی توركیا لەگەڵ كەسێك چووەتە ململانێ، كە هەمان توانای هەیە كە ئەو هەیەتی، ئەویش سەرۆكی رۆحی فەتحوڵڵا گولەنە. ململانێكەی فەتحوڵڵا گولەن، هەڕەشەیە لەسەر ئاسۆی كراوەی خواستە رانەگەیەنراوەكانی ئەردۆغان بۆ هەڵبژاردنی 2014. فەتحوڵڵا گولەن، پیاوێكی ئایینییە، خاوەن تۆڕێكی گەورەی دامەزراوە كۆمەڵایەتی و رۆشنبیرییەكانە، كەسێكی دەستڕۆیشتووی نێو توركیایە و تەنها لەو وڵاتە خاوەنی 900 قوتابخانەی تایبەتە، لە ساڵی 1999ەوە لە ئەمریكا نیشتەجێیە و هەوادارانی پۆستە هەرە هەستیارەكانی پۆلیس و دادگایان لەدەستە. بزووتنەوەی گولەن لەپاڵ ئەو هاوپەیمانێتییەی پشتیوانی ئەردۆغانی دەكرد لە چینی ناوەڕاست و ناوەندی ئایینی و پیاوانی خاوەنكار گەشەی كرد. ئەو هاوپەیمانێتییە سوودی زۆری بە ئەردۆغان گەیاند بۆ ئەوەی هەڵبژاردنە گشتییەكان بباتەوە بۆ سێ جاری لەسەر یەك. لایەنگرانی گولەن باسكی هەرە بەهێزی ناو پارتی دادوگەشەپێدانی ئەردۆغان بوون، لەو ساڵانەی دوایی ئەردۆغان زۆر سوودی لەو باڵە وەرگرت بۆ پەڕوباڵكردنی دەسەڵاتەكانی سوپای توركیا، كە دەستیان بەسەر تەواوی كایەكانی ژیاندا گرتبوو لە توركیا، بەڵام سەرەنجام لە خۆپیشاندانەكانی پاركی گەزی ململانێی نێوان هەردوولا ئاشكرابوو. لایەنگرانی گولەن، ئەردۆغانیان بە پەیڕەوكردنی سیاسەتی ستەمكارانە تۆمەتبار دەكرد، ئەویش نكوڵی لێدەكرد.   لەمانگی تشرینی دووەم، حكومەتی ئەردۆغان، لە پلانی نەهێشتنی ژمارەیەك قوتابخانەی تایبەت بوو، بەمەبەستی ئامادەكردنیان بۆ چو‌ونە زانكۆكان، لەنێو ئەو قوتابخانانەدا ژمارەیەك قوتابخانەی سەر بە گولەن هەبوون. ئەم هەنگاوەی ئەردۆغانیش دەستپێكی ململانێی ئەردۆغان و گولەن بوو.  لە شەوی 17ی ئەم مانگە، پۆلیس گەمارۆی چەندین دەوڵەمەندی توركیایدا، لە نێوانیاندا چەندانیان لە سەرۆك وەزیران نزیكبوون، وا باوەڕ دەكرێت لایەنگرانی گولەن لە دەزگای پۆلیس و دەسەڵاتی دادوەری لەپشت ئەو هەڵكوتانە سەر دەوڵەمەند و كوڕە وەزیر و كەسوكاری بەرپرسەكان بن.    جاری پێشوو ئەردۆغان بە رێكخستنی خۆپیشاندان رووبەڕووی پلانی دژەكانی بووەوە، بەڵام وادیارە ناكۆكەكەی ئەو جارە ئامادەكارییەكی باشتری كردووە.} 

^{لە لێكۆڵینەوەیەكدا كە زاناكانی زانكۆی هارڤەردی ئەمریكا و NSW ی ئوسترالیا ئەنجامیاندا، زاناكان رێگایەكیان بۆ بەتەواوەتی پێچەوانەكردنەوەی بەتەمەنبوون لە خانە ماسولكەییەكان دۆزییەوە. لە لێكۆڵینەوەكەدا، كە لەسەر مشكی تەمەن 2 ساڵ ئەنجامدراوە، تێیدا مشكەكان بۆ ماوەی هەفتەیەك گیراوەیەكیان پێدراوە و دواتریش مشكەكان لە تاقیكردنەوەكاندا وادەركەوتن كە تەمەنیان 6 مانگە.  لێكۆڵەرەوەكان دەڵێن "ئەمە وەك ئەوە وایە مرۆڤێكی تەمەن 60 ساڵ هەست بكات تەمەنی 20 ساڵانە". لێكۆڵینەوەكە، كە ئەنجامەكەی لە گۆڤاری Cell بڵاوكراوەتەوە، تێیدا لێكۆڵەرەوەكان هیوایان خواستووە زۆر بەزوویی ئەم گیراوەیە بۆ مرۆڤیش دەستەبەربكەن و ساڵی داهاتوو لەسەر مرۆڤ  تاقیبكەنەوە.  لە لێكۆڵینەوەكەدا سەرنج دراوەتە بەشێكی خانە، كە پێی دەگوترێت "مایتۆكۆندریا" و بەرپرسە لە دروستكردنی وزە لە خانەدا، بەڵام بەتێپەڕبوونی كات پەیوەندی نێوان مایتۆكۆندریا و خانەكە كەمدەبێت و ئەمەش دەبێتە هۆی پپیربوونی جەستە. لێكۆڵەرەوەكان هەستاون بە تێكردنی مادەی NAD، كە خۆی لە جەستەدا هەیە، بەڵام لە كاتی پیربووندا جەستە بەڕێژەیەكی كەمتر بەرهەمی دەهێنێت و تێكردنی ئەم مادەیەش لە جەستەی مشكەكان بووە هۆی هەڵگێڕانەوەی پرۆسەی پیربوون لە جەستەیاندا. یەكێك لە لێكۆڵەرەوەكانی سەر بە زانكۆی NSW لەم بارەوەیە دەڵێت " خەڵك پێیانوایە كاتێك ئێمە باسی هەڵگێڕانەوەی تەمەن دەكەین مەبەستمان ئەوەیە تەمەنی خەڵكی تاوەكو 200 ساڵی زیاد بكەین جا ئەگەر وایان لێبێت یان نا ئەوە گرنگ نییە، گرنگ ئەوەیە، كە مرۆڤ 20 یان 30 ساڵی كۆتایی تەمەنی لە تەندروستییەكی خراپدا نەباتەسەر".} 

^21/12/2013