رۆژی چوارشەممە 21 بەفرانبار (11 ژانویە) هەواڵنێرییەکانی ئێران هەواڵی کوژرانی یەکێک لە بەرپرسانی دامەزراوەی ئەتۆمیی نەتەنزیان لە ئاکامی تەقینەوەی بۆمبێکی موگناتیسی بڵاوکردەوە.
هەروەها لەکاتی تێرۆری ئەم مامۆستای زانکۆیە دوو کەسی دیکە بریندرا بوونە و بەپێی هەواڵەکان یەکێکیان بەهۆی قورسی برینەکەیەوە گیانی لەدەستداوە.
هەواڵنێرییەکانی کۆماری ئیسلامی ئەم... کەسەیان بە "مستەفا ئەحمەدی رەوشەن" ناوبردووە.
هەواڵنێریی دەوڵەتیی ئیلنا لەسەر زاری سەفەرعەلی بەراتلوو، جێگری سیاسی و کۆمەڵایەتی پارێزگاری تارانی گواستەوە کە ئەم تەقینەوەیەک کاتژمێر 8:30 دەقیقەی بەیانی روویداوە و کەسێکی ماتۆڕسووار بە لکاندنی بۆمبێکی موگناتیسی بە لاشەی پژۆیەکی 405 کە سێ کەسی هەڵگرتبوو، تڕۆمبیلەکەی تەقاندووەتەوە.
تەقینەوەکە لە دەرووبەری گۆڕەپانی "کتابی" و شەقامی گوڵ نەبی روویداوە.
ناوەندی هەواڵ- دانمارک: بە مەبەستی پێکهێنانی کۆدەنگییەک لە نێوان لاوانی کوردی ڕۆژهەڵات لە وڵاتی دانمارک و بە مەبەستی لیک نزیکبوونەوەی زیاتر و هاریکاری لە پێناو دابین کردنی داهاتوویەکی گەش ڕووناک و زەمینە خۆشکردن بۆ تێکەڵاوی و پێکەوە هەڵکردن، یەکێتی لاوانی دیموکراتی ڕۆژهەڵاتی کوردستان لە ناوچەی " یولەند،ی دانمارک، لە ژێر دروشمی " مادام کە حیزبەکان لە ناوەندی بڕیار نەگەشتوونە قەناعەتی پێکەوە کارکردن، ڕۆلە دڵسۆزەکانی گەل لە خوارەوە دەبێ قۆڵی لێ هەماڵن" میوانداری ئەندام و لایانگری سەر بە ٤ حیزب و ڕێکخراوەی ڕۆژهەڵاتی کوردستانیان کرد. ئەو کۆبوونەوەی ڕۆژی ٣١/١٢/٢٠١١ لە کەش و هەوایەکی تەواو دۆستانە و دوور لە هەر چەشنە دمارگرژێیەکی حیزبی پێک هات و بەشداران باسیان لە داڕشتنی گەڵاڵەیەکی هاوبەش بە مەبەستی هاریکاری، سەرەتا لە وڵاتی دانمارک و پاشان کاراکردنی هەنگاوەکان بۆ پەرەپێدانی ئەو هاوکاریانە بۆ وڵاتانی دیکە و سەرئەنجام کوردستان کرد و هەموو لە سەر ئەو خاڵە هاورا بوون کە ئەگەر سەرکردە و بەڕێوەبەرایەتی حیزبەکان ئامادە نین لە نزیکەوە بۆ چارەسەری ناکۆکییەکان و زەمینە خۆشکردن بۆ کاری هاوبەش پیکەوە دانیشن، دەبا ئەندام و لایانگران و بەتایبەت لاوان لای خۆیانەوە، هەر چەندە لە پلەکانی خوارەوەش بێ دەست بدەنە ئەو کارە و هەوڵی پێکهێنانی بەرەیەکی هاوبەش لە نێوان دۆستان و لایانگرانی هەر ٥ حیزبەکە بدەن و لەو ڕێگەیەوە بە گژ پیلان و بەرنامەی ڕژیمی کۆنەپەرست و دژی گەلی ئیسلامی ئێراندا بچنەوە.
