بڕیارە لە ڕۆژانی داهاتوو دا ئەنجوومەنی نیشتمانی کورد لە سووریا و پارتی یەکیەتی دێمۆکراتیک، لە شاری هەولێری باشووری کوردستان کۆببنەوە و گفتگۆ لە سەر داهاتووی باشووری ڕۆژئاوا بکەن.
پارێزەر "مستەفا ئیسماعیل" ئەندامێکی پایەبەرزی ئەنجوومەنی نیشتمانی کورد لە سووریا [ENKS] ڕایگەیاند کە لە ماوەیەکی نزیک دا کۆبوونەوەیەکی گرینگ لە نێوان ئەنجوومەنەکەی ئەوان و بەرپرسانی پارتی یەکیەتی دێمۆکراتیک [PYD] لە شاری هەولێری هەرێمی کوردستان پێکدێت.
ئەنجوومەنی نیشتمانی کورد لە سووریا لە ڕۆژی شەممەی کۆتایی ئەم هەفتە دا کۆبوونەوەیەکی ناوخۆیی ئەنجام بدات و پاشان بڕیار لەسەر کۆبوونەوەی داهاتووش بدرێ.
ماوەیەک لەمەوبەر ENKS و پارتی یەکیەتی دێمۆکراتیک، لە بەیاننامەیەکی هاوبەش دا جەختیان لەسەر هاوخەباتی و هاوکاری زیاتر کردبوو.
ئەوە لە کاتێک دایە کە دوو ڕۆژ لەمەوبەر واتە 12ی مارس و هاوکات لەگەڵ هەشتەمین ساڵوەگەڕی قەتڵوعامی کوردان لە قامیشلوو، بە دەیان هەزار کورد لە چەندین شار و سارۆچکەی کوردستان هاتبۆ سەر شەقامەکان و دژ بە ڕەژیمی بەشار ئەسەد درووشمیان وتبۆوە.
لە لایەکی دیکەوە ڕاگەیاندرا کە گرووپێکی چەکداری کوردی، بە ناوی "ئازادیخوازانی زەیتوون" لە باشووری ڕۆژئاوای کوردستان هاتوونەتە ناو جەرگەی خەبات لەم پارچەیە دا و بە نیازن بۆ گەرەنتی کردنی مافی کورد لە پاڵ مافەکانی گەلانی سووریا خەبات بکەن. چەند مانگ لەمەوبەریش ڕێکخراوەیەکی تر بە ناوی "شێرەکانی وڵاتی کوردان" دامەزرانی خۆیان ڕاگەیاندبوو.
کۆنفڕانسی زمانی نەتەوەیی لە ڕۆژانی ٢، ٣ و ٤ی مانگی مارس لە شاری ئامەد بە بەشداریی ٣٠٠ زمانزان، پەروەردەکار، سیاسەتمەدار و نوێنەرانی کۆمەڵگەی مەدەنی، لە هەموو بەشەکانی کوردستان و جیهانەوە پێک هات. لەو کۆنفرانسە دا لە سەر بابەتی وەک دەوری زمان لە یەکێتی نەتەوەیی دا،ئەلفووبێ و ل…ەهجە کوردییەکان، سیستمی پەروەردە و ئاکادێمی زمان ووتار پێشکێش کران. لە ئاکامی لە سەر دوان و هەڵسانگاندنی نوێنەرانی بەشدار لە کۆنفڕانس دا بڕیار درا ئەو داوخواز و پێشنیازانەی خوارەوە پێشکێشی بیروڕای گشتی، کۆنگرەی نەتەوەیی و لایەنی پێوەندیدا بکرێن. کۆنگرەی جڤاکی دێمۆکڕاتیک، ئەو خاڵانەی خوارەوەی کە لە ئەنجامنامە دا هەن ئاشکرا کرد:
