چاوپێکەوتن

داواکاری گشتیی کرماشان: لێکۆڵینەوە لەبارەی لێدانی قوتابیان دەکەین

درێژه‌ی بابه‌ت

ئێران و ئەمریکا!

درێژه‌ی بابه‌ت

گەشەی پەیوەندیەکانی ئێران و ئەمەریکا گەیشت بەکوێ؟

درێژه‌ی بابه‌ت

مەودای ناکۆکییەکان و دانوستانەکانی ئێران- ئەمریکا بەرەو کوی؟

درێژه‌ی بابه‌ت

هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد

درێژه‌ی بابه‌ت

فه‌رهه‌نگ‌ و هونه‌ر

داواکاری گشتیی کرماشان: لێکۆڵینەوە لەبارەی لێدانی قوتابیان دەکەین

ڤیدیۆیەکە، فەرمانی پێویستم دەرکرد بۆ بەدواداچوون بۆ بابەتەکە." داواکاری گشتیی پارێزگای کرماشان گوتی، "بەمەبەستی لێکۆڵینەوەی زیاتر لە وردەکارییەکانی ئەم رووداوە، گفتوگۆ لەگەڵ بەرپرسانی پەروەردەش...

درێژه‌ی بابه‌ت

ئێران و ئەمریکا!

گۆڵۆباڵیزم ( کەئەوکات بەسیستەمی نوێی جیهان) پێناسە دەکرا. ئەو ململانێ فکریەش لە نێوان (ساموئل هانتینگتون ) ی خاوەن تێزی (پێکدادانی شارستانیەکان) و فرەنسیس فۆکۆیامای خاوەن...

درێژه‌ی بابه‌ت

گەشەی پەیوەندیەکانی ئێران و ئەمەریکا گەیشت بەکوێ؟

ساڵ و دەیان ملیار دۆلاری تێچووی بوو . بەتایبەتی دوای ئەوەی ئیسرائیل بە بەکار هێنانی جۆرە موشەکێکی ئەمەریکی توانیتی حەسەن نەسرولله کە لە قولای...

درێژه‌ی بابه‌ت

مەودای ناکۆکییەکان و دانوستانەکانی ئێران- ئەمریکا بەرەو کوی؟

و بەشێوەی ناڕاستەوخۆ و تەنها لەسەر پرسی ئەتۆم، دانوستان لەگەڵ ئەمریكا ئەنجام بدات. هەروەها لە بەرامبەریشدا، ترامپ بە كۆمەڵێك پێشمەرجی زۆر و قورسەوە، نامەیەك بۆ...

درێژه‌ی بابه‌ت

هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد

کۆچی دواییکرد و تەرمەکەی ناگەڕێندرێتەوە رۆژهەڵاتی کوردستان. رەنج پشدەری، چالاکڤانی کورد لە سوێد، ئەمڕۆ هەینی بە تۆڕی میدیایی رووداوی گوت: "سەید عەلی رەحیم پوور،...

درێژه‌ی بابه‌ت

په‌یوه‌ندی راسته‌وخۆ

گه‌ڕان

وەزیری دەرەوەی بەریتانیا: دابەزینی نرخی نەوت دووژمنێكی دیكەی كوردستانە

^{پێشنیوەڕۆی رۆژی پێنجشەممە 17-3-2016 فیلیپ هامۆند، وەزیری دەرەوەی بەریتانیا گەیشتە هەولێر و لە فڕۆکەخانە لەلایەن نێچیرڤان بارزانی، سەرۆكوەزیرانی هەرێمی كوردستانەوە پێشوازی لێكرا.}

^{دواتر فلیپ هامۆند وەزیری دەرەوەی بەریتانیا لە پیرمام لەگەڵ مەسعود بارزانی، سەرۆکی هەرێمی کوردستان و دواتریش لەگەڵ نێچیرڤان بارزانی، سەرۆكوەزیرانی هەرێمی کوردستان کۆبووەوە.}

^{فیلیپ هامۆند پشتگیری وڵاتەکەی بۆ هاوکاریی دارایی و تێپەڕاندنی قەیرانەکە دووپات کردووەتەوە و رایگەیاند "جگە لە داعش دووژمنێكی دیكەش بەرۆكی هەرێمی كوردستان گرتووە، كە ئەویش دابەزینی نرخی نەوتە".}

^{هاوكات سەرۆكی هەرێمی كوردستان رایگەیاند، بوونی داعش لە موسڵ هەمیشە هەڕەشەیە بۆ سەر هەرێمی وردستان، پێشمەرگەش رۆڵی سەرەکی دەبێت لە شەڕی موسڵدا.}

^{وەزیری دەرەوەی بەریتانیا پێش ئەوەی بێتە هەولێر لەگەڵ هەریەک لە فوئاد مەعسووم، سەرۆککۆماری عێراق و حەیدەر عەبادی، سەرۆکوەزیرانی عێراق کۆبووەتەوە ، پێش جێهێشتنی باشووری کوردستانیش ئەو راهێنەرە سەربازییە بەریتانیانەی بەسەر کردەوە، کە لەچوارچێوەی هاوپەیمانی نێودەوڵەتی دژی داعش مەشق بە پێشمەرگە دەکەن ، بەجۆرێک تاوەكو ئیستا 3 هەزار پێشمەرگە ئەزموون و زانیاری سەربازییان لە راهێنەرە بەریتانییەکان وەرگرتووە.}
^18/3/2016

ئەندامانی دەستەی رێكخستنی ئەنجوومەنی دامەزرێنەری فیدراڵی هەڵبژێردران

^{رووداو ناوی 31 ئەندامی دەستەی رێكخستنی ئەنجوومەنی دامەزرێنەر، لە سیستەمی فیدراڵی دیموكراتی رۆژئاوا- باكووری سووریا، بڵاو دەكاتەوە.}

^{رۆژی پێنجشەممە 17-3-2016، لە كۆنگرەی ئەنجوومەنی دامەزرێنەری سیستەمی فیدراڵی دیموكراتی رۆژئاوا- باكووری سووریا، دەستەیەكی رێكخستنی ئەنجوومەنی دامەزرێنەری 31 كەسی لە پێكهاتەكانی (كورد، عەرەب، ئاشووری، سوریانی، ئەرمەن، توركمان و كوردی ئێزدی) وەك ئەندام هەڵبژێردران.}

^{هەدیە یوسف(كورد) هاوسەرۆكی كانتۆنی جزیرە و مەنسور ئەلسەلوم (عەرەب)هاوسەرۆكانی بەڕێوەبەرایەتی خۆسەری گرێ سپی، وەكو هاوسەرۆكانی سیستەمی فیدراڵی دیموكراتی رۆژئاوا- باكووری سووریا هەڵبژێردران.}

^{هەریەكە لە كانتۆنی جزیرە 15 كەس، كانتۆنی كۆبانێ 4 كەس، هەرێمی گرێ سپی 4 كەس، كانتۆنی عەفرین 4 كەس و هەرێمی شەعبا لە 4 كەسیان وەكو نوێنەر لە دەستەكەدا دەبێت.}

^{ناوی ئەندامەکان:}

^{- كانتۆنی جزیرە: حەنیفە حوسێن، شاهۆز حەسەن، لوقمان حەمێ، نەسرەدین ئیبراهیم، دەریا رەمەزان، زەیدین خێر ئەل- تایی، ئەبیر عەبدۆ، وەسفیە دەندە، ئەحمەد موتحیب سەلمان، شەمێ یۆخەنا سۆمۆ، مالیك ئەسمەر، سەنحاریب بەرسووم، ئێلیزابێس گەوریا، ئاكیف موستەقفا و جبێر جەندۆ.}

^{- كانتۆنی كۆبانێ: هێلین هاچم، سەلوا عوسمان، فەرهاد دێرك.}

^{- گرێ سپی: محەمەد ئەلتایی، زەلال داود، لوسیان ماتسۆیان، ئەساد بەشیر.}

^{- كانتۆنی عەفرین: ریما قەرمۆ، هێلین حوسێن، حەنیف سەیدۆ، نادر خەلیل رەشید، رۆژهەڵات عارف.}

^{- هەرێمی شەعبا: محەمەد عەلی رەشۆ، ئەمەل بەرهۆ، جەمال عەلۆ و مەحمود حەمدك.}
^18/3/2016

"نزیکەی 300 چالاکوانی سیاسی و مەدەنیی کورد لە زیندان دان"

^{ناوەندی بەڵگەکانی مافی مرۆفی ئێران ئاشکرای کردووە حکوومەتی ئیسلامیی زیاتر لە 820 چالاکی سیاسی، مەدەنی و عەقیدەتی لە گرتووخانەکانی ئێران ڕاگرتووە.}

^{بەپێی هەواڵی ئاژانسی کوردپا، نوێترین ئاماری بڵاوبۆوە دەرخەری ئەوەیە کە 290 ‌هاووڵاتیی کورد لە زیندانەکانی ئێراندا بە تاوانی "چالاکی سیاسی و مەدەنی" دەستبەسەر و حوکمی زیندانیان بۆ بڕاوەتەوە.}

^{ئامارەکە کۆمەڵێک زانیاری نوێ لەخۆ دەگرێت، بەڵام لە هەندێ شوێن دیارە کە زانیاری لەسەر زیندانیانی کورد ورد نییە، لە هەندێ زیندانی ئێران جالاکوانی سیاسیی سەر بە پارتە کوردییەکان بەند کراون کە زیاتر لە 20 ساڵە لە زیندانن و هیچ میدیا و ناوەندێکی مافی مرۆڤ زانیاریی لەبارەی رەوش و بارودۆخیانی نییە.}

^{بێجگە لە کورد، چالاکانی تورکی ئازەری، عەرەب، بەلووچ و تورکمەن و عەرەبیش لە دووتۆی ئەو ڕاپۆرتەدا وەک زیندانیی سەر بە نەتەوەکانی ئێران تۆمار کراون.}

^{ئەو ئامارە لەلایەن ناوەندی بەڵگەكانی مافی مرۆڤی ئێرانەوە بڵاو کراوەتەوە و نووسیویەتی بەهۆی ناڕوونیی دەزگای دادوەری و بوونی هەڕەشە و گوڕەشە لەلایەن ناوەندە ئەمنییەکانی حکوومەت، ئەو ڕاپۆڕتە کەموکوڕیی پێوە دیارە.}

^{هەر بەپێی ئەو ئامارە، کۆمەڵیک چالاکی یارسانی دەستبەسەر و زیندان کراون کە ڕەچەڵەکیان نەنووسراوە و تەنیا وەک چالاکوانی مەزهەبی هاتووە.}

^{نەتەوەی کورد لەناو هەموو نەتەوەکانی ئێران پشکی زیاتری لە گرتن و زیندانی کران پێبڕاوە و لە دواییشدا نەتەوەی عەرەب و بەلووچ دێن.}

^{ناوەندی بەڵگەكانی مافی مرۆڤی ئێران تا ئێستا دوو راپۆرتی لەسەر پێشێڵكاریی مافی مرۆڤ لە كوردستانی رۆژهەڵات وەكوو لەسێدارەدانی كوردەكان لەلایەن حكوومەتی ئێرانەوە لەبارەی دەستبەسەركردن و سێدارەی چالاكوانانی كورد بڵاو کردووەتەوە.}

^{پێشتر سەرپەرەستی ئەو ناوەندە لە وتووێژێک بە هەواڵدەریی کوردپای گووتبوو: بەشی هەرە گەورەی پێشێلكردنی مافی هاووڵاتیانی كورد بە شێوەی نایاسایی و ڕێگری لە دەربڕینی مافی دەربڕینی ڕای ئازاد و رێگری لە كۆڕ و كۆبوونەوەكاندا چڕ كراوەتەوە، بەپێی ئەوەی كە ئەو دۆخە بۆ هاووڵاتیانی غەیری كوردیش وەكوو یەكە، بەڵام كوردەكان زەرەرمەندی سەرەكیی ئەو دۆخە بوون.}
^17/3/2016

وەزیری دەرەوەی بەریتانیا بەڵێنێک بە هێزی پێشمەرگەی کوردستان دەدات

^{وەزیری دەرەوەی بەریتانیا رایدەگەیەنێت، کە وڵاتەکەی لە ناردن و دابینکردنی پێویستییەکانی هێزی پێشمەرگەی کوردستان “بەردەوام دەبێت”.}

^{رۆژی پێنجشەممە 17ـی ئاداری 2016، دوای کۆبوونەوەیان، “مەسعود بارزانی”، سەرۆکی هەرێمی کوردستان و “فیلیپ هامۆند”، وەزیری دەرەوەی بەریتانیا کۆنگرەیەکی رۆژنامەوانییان سازکرد.}

^{فیلیم هامۆند رایگەیاند، کە “خۆشحاڵ”ـە بەوەی لەگەڵ سەرۆکی هەرێمی کوردستان “ئەو هەڕەشانەی رووبەڕووی هەرێمی کوردستان و عێراق دەبنەوە”ی باسکردووە و “دڵنیایی” خۆیشی لەوە نیشانداوە، کە “داعش کۆتایی دێت”.}

^{وەزیری دەرەوەی بەریتانیا ئاماژەی بەوەکرد، کە “زۆر ڕوون و ئاشکرایە”، هێزی پێشمەرگەی کوردساتان لە شەڕی دژی داعش “سەرکەوتنی گەورە”ی بەدەستهێناوە و داعش “لە تێکشکانە” و ئەمەشی “بۆ ئازایەتیی پێشمەرگە” لە بەرەکانی شەڕ گێڕاوەتەوە.}

^{فیلیپ هامۆند بەڵێنی بەردەوام بوونی وڵاتەکەی لە هاوکاریکردنی هێزی پێشمەرگەی کوردستان لە بواری سەربازی داوە و رایگەیاندووە، سێ ھەزار پێشمەرگە مەشق پێکراون، لەگەڵ ئەوانەی ڕووبەڕووی تەقەمەنی و بۆمبی چێندراو دەبنەوە و “لەسەر ناردنی پێویستییەکانی پێشمەرگەش بەردەوام دەبین”.}
^17/3/2016

ساڵح موسلیم بۆ (باسنیوز): پشتیوانی لە دامه‌زراندنى ده‌وڵه‌تى كوردی دەكەین

^{ساڵح موسلیم هاوسه‌رۆكى په‌یه‌ده‌ لە لێدوانێكیدا بۆ (باسنیوز) دووپاتی كردەوە ئەوان پشتیوان لە دامەزراندنی دەوڵەتی كوردی دەكەن. هەروەها لەباره‌ى په‌یوه‌ندییه‌كانى نێوان په‌یه‌ده‌ و ڕژێمى سوریاشەوە گوتی لەباشیدا نییە.}

^{ساڵح موسلیم هەروەها گوتی "په‌یوه‌ندییه‌كانى نێوان ڕژێمى سووریا و په‌یه‌ده‌ باش نییه‌٬ چونكه‌ ئێستە شه‌ڕه‌ و گرژى و ئاڵۆزى زیاتر دروست بووه‌ و ڕه‌نگى داوه‌ته‌وه‌، به‌ڵام ئێمه‌ وه‌كو كوردانى ڕۆژئاوا خوازیارین ناكۆكییه‌كانى هه‌موو لایه‌نە سیاسییەكان له‌سه‌ر مێزى گفتوگۆ چاره‌سه‌ر بكرێت".}

^{لەباره‌ى ئه‌وه‌ى تا چه‌ند ڕاسته‌ دوو فڕۆكه‌خانە له‌ كۆبانێ دروست ده‌كرێن. ساڵح موسلیم گوتى "نه‌خێر ئه‌وه‌ ڕاست نییه‌٬ ئه‌گه‌ر شتێكى وا بكرێت٬ بێگومان ئێمه‌ ده‌یزانین و ئاگادارى هه‌موو شتێكى له‌و جۆره‌ین".}

^{لەباره‌ى كێشه‌ى نێوان په‌یه‌ده‌ و ڕژێمى سوریاشەوە له‌سه‌ر پرسی فیدڕاڵى٬ هاوسه‌رۆكى په‌یه‌ده‌ بۆ (باسنیوز) گوتى "تا ئێستە كارێكى وه‌هامان نه‌كردووه‌، دژایه‌تى دروست بكرێت، چونكه‌ ئێستە به‌نیازین له‌سه‌ر ئه‌و پرسه‌ كۆبوونه‌وه‌ى فراوان بكه‌ین".}

^{ساڵح موسلیم وەڵامی پرسیارێكی (باسنیوز)ی دایەوە لەبارەی دامه‌زراندنى ده‌وڵه‌تى كوردییەوە و دووپاتی كردەوە"ئێمه‌ له‌گه‌ڵ دامه‌زراندنى ده‌وڵه‌تى كوردیداین٬ به‌ڵام به‌و مه‌رجه‌ى به‌شێوازێكى پۆزه‌تیف ئه‌و ده‌وڵه‌ته‌ ڕابگه‌یه‌ندرێ".}
^{زیاتر لەلایەن عیماد بیلال}
^17/3/2016

بارزانی: عێراق دابه‌شبووه‌و سه‌ربه‌خۆیی ڕاده‌گه‌یه‌نین

^{بارزانی له‌دیداری كه‌ناڵی"سكای نیوز"دا له‌باره‌ی كۆتایی سایكس بیكۆوه‌ گوتی: " له‌راستیدا سایكس بیكۆ نه‌ماوه‌، داعش سنوره‌كانی گۆڕیوه‌، بۆیه‌ پێویسته‌ به‌سودوه‌رگرتن له‌هه‌ڵه‌كانی وێناكردنی سنوره‌كان له‌سه‌رده‌می سایكس بیكۆدا، سنوره‌كان وێنا بكرێنه‌وه‌".}

^{هه‌روه‌ها گوتی: " ئه‌و وێناكردنه‌وه‌یه‌ ئاره‌زووی كورده‌و، پێویسته‌ به‌وتوێژ بێته‌دی".}

^{له‌باره‌ی پێكهاته‌ی ده‌وڵه‌تی عێراقه‌وه‌ گوتی: " له‌سه‌ره‌تای 1921ه‌وه‌ له‌سه‌ر بنه‌مای هاوبه‌شایه‌تی كورد و عه‌ره‌ب عێراق دروستكرا، به‌ڵام به‌شی ئێمه‌ وێرانكاری و جینۆسایدبوو. له‌دوای 2003ش، وامانزانی ئه‌وه‌ هه‌لێكی تازه‌یه‌، بۆیه‌ چوینه‌وه‌ بۆبه‌غدا، به‌ڵام به‌داخه‌وه‌ ئه‌وانه‌ی حوكمی عێراقیان كرد، به‌داخه‌وه‌ به‌دوژمنكارانه‌ له‌گه‌ڵ كورددا جوڵانه‌وه‌، بژێوی خه‌ڵكی كوردستانیان بڕی. به‌ڵام من له‌هه‌موو ناوه‌نده‌ نێوده‌وڵه‌تییه‌كان ده‌پرسم، كه‌ئیتر چی بكه‌ین؟ ئه‌گه‌ر بیرله‌شێوه‌یه‌كی تر له‌پێكه‌وه‌ ژیان نه‌كه‌ینه‌وه‌، ئه‌وا شه‌ڕو پێكدادان ده‌ست پێده‌كاته‌وه‌".}

^{له‌باره‌ی ڕاگه‌یاندنی ده‌وڵه‌تی كوردستانه‌وه‌ گوتی: " ئه‌گه‌ر خه‌ڵكی كوردستان داوای ده‌وڵه‌ت بكات وبڕیاری لێ بدات، بێگومان واده‌كه‌ین و بڕیاره‌كه‌ جێبه‌جێده‌كه‌ین".}

^{هه‌روه‌ها گوتی: " باله‌گه‌ڵ عێراق دوو دراوسێی باش بین".}

^{له‌باره‌ی كۆمه‌كی نێوده‌وڵه‌تییشه‌وه‌ گوتی: " چاوه‌ڕوانیمان وایه‌ له‌دروستكردن و ڕاگه‌یاندنی ده‌وڵه‌تی كوردیدا، هاوكارمان بن".}

^{مه‌سعود بارزانی له‌باره‌ی ئه‌زمونی عێراقی 2003ه‌وه‌ گوتی: " گه‌یشتومه‌ته‌ ئه‌و ئه‌نجامه‌ی كه‌ ئه‌زمونه‌كه‌ شكستی هێناوه‌، ده‌ستور پێشێل ده‌كرێت، جێبه‌جێ ناكرێت، ئێمه‌ جارێكی تر ملكه‌چی به‌غدا نابین. به‌غداش ڕێز له‌ تایبه‌تمه‌ندییه‌كانی كورد ناگرێت".}

^{له‌باره‌ی ئه‌و وڵاتانه‌وه‌ كه‌پشتیوانی ده‌وڵه‌تی كوردستان ده‌كه‌ن، گوتی: " چه‌ندین ده‌وڵه‌ت پشتیوانی ده‌كه‌ن كه‌ناتوانم ناویان بێنم له‌ئێستادا، هه‌ندێكی تریان كێشه‌یان له‌گه‌ڵ كاته‌كه‌دا هه‌یه‌، بێگومان هه‌ندێكی تریان دژن".}

^{هه‌روه‌ها گوتی: " ئێمه‌ به‌رپرس نین له‌دابه‌شبوونی عێراق، عێراق خۆی دابه‌شبووه‌ به‌كرده‌وه‌".}

^{له‌باره‌ی پرسیارێكه‌وه‌ ئایا حیزبه‌كانی كوردستان قایلن به‌وه‌ی "مه‌سعود بارزانی" ده‌وڵه‌ت ڕابگه‌یه‌نێت، گوتی: " هه‌ركه‌س ڕایبگه‌یه‌نێت گرنگه‌ كورد به‌مافه‌كانی بگات".}

^{گوتیشی: " زۆرینه‌ی ڕه‌های كورد له‌گه‌ڵ ڕاگه‌یاندنی ده‌وڵه‌تدان، هیچ كوردێكم پێ شك نایه‌ت بوێری ئه‌وه‌ی هه‌بێت له‌دڵی خۆیشیدا له‌دژی ئه‌و مافه‌ی نه‌ته‌وه‌كه‌ی بێت".}

^{له‌باره‌ی دۆسیه‌ی جه‌مسه‌رگیری ناوچه‌كه‌شه‌وه‌، سه‌رۆكی هه‌رێمی كوردستان گوتی: "به‌ڕاشكاوی ئه‌وه‌ ڕه‌ت ده‌كه‌ینه‌وه‌، كه‌ببینه‌ به‌شێك له‌و جه‌مسه‌رگیریه‌".}
^{گوتیشی: " مامه‌ڵه‌ و هاوكاری له‌گه‌ڵ شیعه‌و سوننه‌ش ده‌كه‌ین".}

^{زیاتر گوتی: " به‌هیچ شێوه‌یه‌ك ڕیگه‌ناده‌ین به‌وه‌ی كورد ببێته‌ به‌شێك له‌و ململانێیه‌".}

^{سه‌رۆكی هه‌رێم له‌باره‌ی كوردانی ڕۆژئاوایشه‌وه‌ گوتی: " ئه‌وه‌ی ئه‌وان زیانیان لێكرد دابه‌ش بوونی خۆیانه‌، نه‌ هاوپه‌یمانی ئۆپۆزسیۆنن، نه‌هاوپه‌یمانی ده‌سته‌ڵاتن، هیچكامیان وه‌ك گه‌لێك دان به‌كورددا نانێن".}

^{هه‌روه‌ها گوتی: " ئه‌و واقیعه‌ی هه‌یه‌ كاتییه‌و ده‌گۆڕێت".}

^{جگه‌له‌وه‌ش گوتی: " من زۆر نیگه‌رانم له‌سه‌ر دۆخی كورد له‌سوریا، دوودڵم، له‌ودۆخه‌ی هه‌یه‌".}

^{بارزانی له‌باره‌ی دۆسیه‌ی گه‌نده‌ڵیشه‌وه‌ گوتی: " نكولی ئه‌وه‌ ناكه‌م كه‌له‌هه‌موو ده‌زگاكاندا گه‌نده‌ڵی هه‌یه‌، به‌ڵام بڕیاری یه‌كلاكه‌ره‌وه‌مان داوه‌ كه‌ بنه‌بڕی گه‌نده‌ڵی بكه‌ین،شه‌ڕی گه‌نده‌ڵی ده‌كه‌ین وه‌ك چۆن شه‌ڕی داعشمان كرد".}

^{زیاتر گوتی: " نكولی له‌وه‌ ناكه‌م كه‌ چه‌ند كه‌سایه‌تی هه‌ن پۆسته‌كانیان قۆستۆته‌وه‌، هه‌موو تواناكانم ده‌خه‌مه‌ به‌رده‌ستی ئه‌و ده‌ستانه‌ی كه‌دانراون بۆ جێبه‌جیكردنی شه‌ڕی گه‌نده‌ڵی".}

^{هه‌روه‌ها گوتی: " شه‌ڕم له‌دژی گه‌نده‌ڵی ڕاگه‌یاندووه‌".}
^17/3/2016

حیزبوڵا هێزه‌كانی له‌سوریا كشانده‌وه‌

^{به‌گوێره‌ی هه‌واڵه‌كان، حیزبوڵای لوبنان سه‌دان كه‌س له‌چه‌كداره‌كانی خۆی له‌سوریا كشانده‌وه‌، وه‌ك به‌شێك له‌ ڕێككه‌وتنی نێوان ڕووسیا و ئه‌مریكا.}

^{میدیاكان ڕایانگه‌یاند: " سه‌دان كه‌س له‌چه‌كداره‌كانی حیزبوڵا، له‌سوریاوه‌ گه‌یشتنه‌وه‌ باشوری به‌یروت، به‌بێ ئاگاداركردنه‌وه‌ی پێشوه‌خت".}

^{سه‌رچاوه‌كانی هه‌واڵ باس له‌وه‌ ده‌كه‌ن كه‌ئه‌و پاشه‌كشه‌یه‌ به‌شێكه‌ له‌ڕێككه‌وتنی ڕووسیا و ئه‌مریكا، له‌ڕێككه‌وتنه‌كه‌دا به‌ڵێنی پشتیوانی كردنی پرۆسه‌ی سیاسی له‌سوریادا دراوه‌، له‌وانه‌ش پاشه‌كشه‌ی حیزبوڵا هاتووه‌".}

^{سایتی"جنوبیه‌" ده‌نوسێت: " حیزبوڵا زۆرینه‌ی چه‌كداره‌كانی ده‌كشێنێته‌وه‌، به‌ڵام هه‌موویان نا".}

^{به‌ڵام ده‌شنوسێت: " حیزبوڵا به‌فه‌رمی ئه‌وه‌ ڕاناگه‌یه‌نێت".}

^{هه‌روه‌ها له‌زانیارییه‌كاندا ئاماژه‌ به‌وه‌ كراوه‌ كه‌ چه‌كداره‌كان له‌چه‌ند ناوچه‌یه‌ك ده‌كشێنه‌وه‌، له‌وانه‌: حه‌له‌ب، به‌ڵام ئه‌و حیزبه‌ ئاماده‌نیه‌ چه‌كداره‌كانی له‌ دیمه‌شق بكشێنێته‌وه‌.}
^16/3/2016

دوو فەرماندەی دیکەی سوپای پاسداران لە سووریا کوژران

^{بە پێی زانیاریی ئاژانسە فەرمییەکانی ئێران لە درێژەی کوژرانی هێزەکانی کۆماری ئیسلامی کە بۆ پاراستنی ڕژیمی ئەسەد هەناردەی سووریای کردوون و تا ئێستا بە سەدان کەسیان لێ کوژراوە و لە رۆژانی رابردووشدا دوو ئەفسەری باڵای سەربازیی ئێرانی لە سووریا کوژران.}

^{ئەو دوو فەرماندە باڵایەی کۆماری ئیسلامی "ڕەحمان بەهرامی" و "داود مرادخانی" کەلە ئەفسەرانی سوپای پاسدارانی کۆماری ئیسلامین کە لەژێر ناوی "پارێزەرانی حەرەم" هەناردەی سووریا کراون و بە ئەمانجی پاراستنی حکوومەتی ئەسەد شانبە شانی هێزەکانی ئەو وڵاتە شەڕ دەکەن.}

^{بڵاو بوونەوەی ئەو هەواڵە ئەو دەنگۆیە کە گوایە ئێران هێزەکانی خۆی لە سووریا بەگشتی کشاندووەتەوە، ڕەت دەکاتەوە و دەریدەخات کە هێزەکانی ئێران ئێستا لە سووریان و هاوکات لەگەڵ بوونی ئاگربەست، خەریکی شەڕن.}

^{داوود مرادخانی خەڵکی تارانە و بە بنەماڵەوە سەر بە حکوومەتی ئێران و سپای پاسدارانن و پێشتریش موحەڕڕەم عەلی مرادخانی کە هەم پوورزایەتی و هەم ئامۆزای (چون باوکیان برا بووە و ژیانی هاوبەشیان لەگەڵ دوو خوشک پێکهێناوە)، لە شەڕی سووریا کوژراوە.}

^{موحەڕەمعەلی لە سەردەمی شادا هێڕشی کردووەتە سەربنکەیەکی سەربازیی فڕۆکەخانەی میهرئابادی تاران.}

^{ڕەحمان بەهرامی خەڵکی شارستانی "خوڕەمدەرە"ی سەر بە پارێزگای زەنجانە کە وەک یەکەم کوژراوی پارێزەرانی حەرەم لە پارێزگای زەنجان ئەژمار دەکرێ و یەکەم کەسە کە لەو پارێزگایە تا ئێستا لە سووریا کوژراوە.}
^15/3/2016

سەرۆکی هەرێمی کوردستان: هیچ قەیرانێک ناتوانێت رێگری لە سەرکەوتنی کورد بکات

^{مەسعوود بارزانی لە وتارەکەیدا وێڕای بەرز نرخاندنی ئەم دەسکەوتە زانسییە لە کوردستان، هاوکات باسی رووداو و پێشهاتەکانی مانگی ئادار کرد و دواتر جەختی لەسەر چاکاساییەکانی حکوومەتی هەرێمی کوردستان کردەوە و باسی لەوەش کردووە کە لەمەشیاندا سەردەکەوین.}

^{لێرەدا باسنیوز دەقی قسەکانی سەرۆکی هەرێمی کوردستان بڵاو دەکاتەوە:}

^{بەناوی خوای گەورە و میهرەبان مێوانە بەڕێزەکان ئامادەبووانی بەڕێز هەمووتان بەخێر بێن و خۆشم زۆر خۆشحاڵم کە ئەمڕۆ لەگەڵ ئێوە بۆ کردنەوەی ئەم زانکۆیە کۆ دەبینەوە، ئومێدمان وایە ببێتە یەکێک لە باشترین زانکۆکانی ڕۆژهەڵاتی ناوەڕاست، ئەمڕۆ ڕۆژێکی زۆر گرنگە بۆ ئێمەی کورد و کوردستانی، ئەمڕۆ ڕۆژی لەدایکبوونی بارزانی، ڕۆژی ڕزگارکردنی شاری دهۆکە لە ڕاپەڕینی گەورەی 1991.}

^{کردنەوەی زانکۆی ئەمریکی لە کوردستان لەم ڕۆژەدا، سەنگێکی تر و خۆشییەکی تر دەخاتە سەر لیستی یادەکانی ئەم ڕۆژە پیرۆزە. لێرەدا بە پێویستی دەزانم سوپاس و دەستخۆشی هەموو ئەوانەی ڕۆڵیان هەبووە لە درووستکردنی ئەم زانکۆیە بکەم.، واتە مەسروور بارزانی ئەندامی بۆرد سەرۆکی زانکۆ و هەموو ئەوانەی یارمەتیی درووستکردنی زانکۆکەیان داوە.}

^{من بە پێویستی دەزانم لەم ڕۆژەدا پیرۆزباییەکی گەرم لە خەڵکی دهۆک و دەڤەری دهۆک بکەم، هەروەها پیرۆزبایی لە هەموو گەلی کوردستان بکەم ئەم مانگە وەک خوا دایناوە مانگی قەدەری کوردە سەرکەوتن و شکستەکان هەمووی لەم مانگە دایە، ڕاپەڕین لەم مانگە دەستی پێ کرد و وەرچەرخانێک بوو لە مێژووی ناوچەکە و مێژووی گەلی کوردستان، دوو سبەی یادی کارەساتی هەڵەبجەیە ئەم مانگە هەر لە سەەرتاوە تا کۆتایی هەمووی یادی خۆش و ناخۆشە ئەمە یەک ڕاستی نیشان دەدات کە هەم دیسان لەم مانگەدا و پێش ٢٥٠٠ ساڵ گەلی کوردستان ڕاپەڕی و زوحاکی زەمانی لەناو برد لەپێناو ئازادیدا، کورد تا ئێستا تینووی ئەو ئازادییەیە و قوربانی بۆ دەدات ئومێدەوارین ئیدی قوربانیدان یبەس بێت و ئەو ئازادییە بەتەواوی بێتە دەست و پێشکەوتنی هەر میللەتێک دەکەوێتە سەرشانی ئەو کەسانەی کە زانا و پسپۆڕ بن ئەو زانا و پسپۆڕانە لە زانکۆی دێنە درووست کردن و هیوادارین ئەو زانکۆیە ببێتە بنکەیەکی سەرەکی بۆ درووستکردنی ئەو پسپۆڕ و ئەوانەی کە ژێرخانی ئێمە بە شیوەیەکی زانستی و ڕێکوپێک درووست بکەن و دیسان زیندوویەتی میللەتی ئێمە نیشان دەدات، کاتێک داعش لەم دەڤەرە نزیک کەوتەوە، کار لەسەر ئەو درووستکردنی ئەو زانکۆیە نەوەستا، ئەمەش دەیسەلمێنێت کە میللەتەکەمان زیندووە.}

^{ئێمە ڕووبەڕووی قەیرانیش بووینەوە و هەمیشە تەحەدای قەیرانمان کردووە ئەمڕۆش نە تیرۆریستانی داعش، نە هیچ قەیرانیک نابیتە ڕێگر لەبەردەم سەرکەوتنی میللەتەکەمان لە شەڕی شەرەف و کەرامەتمان بەرامبەر بە تیرۆریستانی داعش، نەک هەر بەرامبەر بە پاراستنی کورد، بەڵکوو بەرامبەر بە پاراستنی جیهان. چاکسازی هاتووەتە کردن و دەگاتە ئەنجام و حەتمەن تێیدا سەر دەکەوین.}
^15/3/2016

سلێمانى.. گەورەترین ئاڵاى کوردستان لە بنارى گۆیژە دادەنرێ

^{بەڕێوبەرى باخچەکانى سلێمانى، ڕای دەگەیەنی كه‌ لە ئایندەیەکى نزیکدا، بەرزترین ئاڵاى کوردستان کە بە شێوازێکى جوان و سەرنجڕاکێش دروستکراوە، لە بنارى گۆیژەى شارى سلێمانى، لە تەنیشتى پڕۆژەى نووسینى "سلێمانى" هەڵدەواسرێ.}

^{کامەران حەمە ساڵح، بەڕێوبەرى باخچەکانى سلێمانى، لە لێدوانێکدا به‌ (باسنیوز)ی گوت: "پڕۆژەى جێبەێکردنى ئاڵاى کوردستانى گەورە لە قۆناخى تەواوبوون دایە و وابڕیارە لە ئایندەیەکى نزیکدا بە شێوازێکى جوان و سەرنجڕاکێش لە تەنیشتى نووسینى "سلێمانى" لە بنارى گۆیژە هەڵبواسرێت".}

^{گوتیشى:"لە ڕۆژى 17.12.2015 کە بە ڕۆژى ئاڵاى کوردستان ناسراوە، ئێمە بیرمان لەوە کردەوە، گەورەترین ئاڵاى کوردستان لە تەنیشتى نووسینى "سلێمانى" دابنرێت.}

^{نووسینی "سلێمانی" له‌سه‌ر شاخی گۆیژه‌، به‌ گه‌وره‌ترین وشه‌ داده‌نرێ له‌ جیهاندا و له‌ گه‌وره‌ییدا پێشی وشه‌ی "hollywood"یشی داوه‌ته‌وه‌ و چاوه‌ڕێ ده‌كرێ بكرێته‌ كتێبی گینیسه‌وه‌.}

^{بەڕێوبەرى باخچەکانى سلێمانى سه‌باره‌ت به‌ پڕۆژه‌ی ئاڵای كوردستان، هه‌روه‌ها گوتی: "ئاڵاو نەخشەی کوردستانى گەورە شتێکى جوان و سەرنجڕاکێشى لێ دەردەچێت چونکە بەچەند ئۆپشنێک دیزانى ئەو نەخشەیە کراوە، ئۆپشنەکان بە 3600/6700 مەتر چوارگۆشە دەبێت، هەروەها کۆتا ئۆپشنى دیارى کراو بە 100000 مەتر چوارگۆشە دەبێت كه‌ بە مەوداى 45 کیلۆمەتر، ئەو نەخشەیە دیار دەبێت".}

^{له‌ كۆتاییدا گوتی: "لە ئایندەیەکى نزیکدا کۆتایی بە کارەکانى ئەو پڕۆژەیە دێت".}
^15/3/2016

داوا لە حکوومەتی هەرێمی دەکرێت ئامادەکاری بکات بۆ دروستکردنی هەیکەلیەی هێزی ئاسمانی

^{پەرلەمانتارێک ئاماژە بەوە دەکات، چەند دەزگایەکی هەواڵگری لە هەوڵی دۆزینەوەی شوێنی دیاریکراوی بەرپرسی یەکەمی داعش دەدەن. ئەوەش دەخاتە ڕوو، کە گرنگە هەیکەلیەی ئاسمانیی کوردستان بۆ هەر حاڵەتێکی لەناکاو ئامادە بکات.}

^{"شاخەوان عەبدوڵڵا"، ئەندامی ئەنجومەنی نوێنەرانی عێراق لە فراکسیۆنی پارتی دیموکراتیی کوردستان و ئەندامی لێژنەی ئاسایش و بەرگریی پەرلەمانی عێراق، بە (باسنیوز)ی ڕاگەیاند: “ستراتیژیەتی شەڕی سوپای عێراق بەرانبەر بە داعش هەڵەبوو، لە میحوەرێک وەڵامی دەدانەوە و لە محیوەرەکانی دیکە بێ دەنگ بوو، ئەوە وای کرد داعش بە ئارەزووی خۆی لە میحوەرەکانەوە هێزەکانی ئاڵوگۆڕ بکات، دواتر سوپای عێراق ستراتیژیەتی شەڕی گۆڕیوە، ئێستا لە سەرجەم بەرەکانەوە هێرش دەکاتە سەر داعش، بۆ ئەوەی هێزی لە شوێنێکەوە بۆ شوێنێکی دیکە نەگوازێتەوە”. بە بڕوای ئەو پەرلەمانتارە، ستراتیژەکە سەرکەوتوو بووە و تاڕادەیەک باش بووە، بەڵام داعش کە ئێستا زانیویەتی هێرش دەکرێتە سەر مووسڵ، لە شاری "ڕەقە"وە هێزی بۆ مووسڵ جووڵاندووە، کە ئامانج لەو ستراتیژیەتەی ئەوەیە کە ئەگەر نەتوانێت مووسڵ بە دەستەوە نەدات، ئەوە لە ڕێگای بەرگرییەوە بیەوێت زیانێکی زۆر بە سوپای عێراق بگەیەنێت.}

^{شاخەوان عەبدوڵڵا ئەوەشی بە (باسنیوز) گوت: “دەزگا هەواڵگرییەکان کار لەسەر دۆزینەوە شوێنی "ئەبوبەکر بەغدادی"، خەلیفەی ڕێکخراوی توندرەوی داعش، دەکەن، بەڵام دەزگای هەواڵگریی عێراق لاوازە، چونکە ئەوەی لەگەڵ داعشە، عێراقیەکانن، ئەوانیش کار بۆ دەزگای هەواڵگریی عێراق ناکەن و دڵیان بە عێراق ناسوتێت، تا زانیاری بە هەواڵگریی وڵاتەکەیان بدەن، چونکە ئەگەر وابووایە، لەم ڕۆژانە بەغدادی لە نزیک فەلوجە بووە، هیچیان پێ نەکراوە".}

^{ئەو ئەندامەی فراکسیۆنی پارتی لە پەرلەمانی عێراق داوا دەکات، حکوومەتی هەرێمی کوردستان، هەیکەلیەتی هێزی ئاسمانی ئامادە بکات، بە تایبەتیش مەشق و ڕاهێنان و دیاریکردنی بنکە بۆ ئەو هێزە ئامادە بکات، تاوەکو ئەگەر لە حاڵەتی لەناکاودا پێویست بوو، هەرێمی کوردستان هێزی ئاسمانیی خۆی بخاتە کار.}
^14/3/2016

میدیایەکی فارسی: دامەزرانی دەوڵەتی کوردستان نزیکە

^{پێکهاتنی دەوڵەتی کوردستان نزیکە، ئەم پرسە نەک هەر بووەتە جێی باسی راگەیاندنە بیانییەکان، بەڵکوو ی لەنێو سەرۆک و کەسایەتییە سیاسییەکانی جیهانیشدا لایەنگرانی روو لە زیادبوونە و میدیاکانیش رووماڵی ئەم پرسە دەکەن.}

^{ماڵپەڕی فارسیی "رادیۆ زەمانە" کە ماڵپەڕێکە و لە ئەورووپا چالاکە لە راپۆرتێکی پوختدا نووسیویەتی "دوور نییە کوردستانی باشوور بە پانتایی 60 هەزار کیلۆمەتری چوار گۆشە و ژمارەی دانیشتووانی زیاتر لە 5 ملیۆن کەس، یەکەم وڵات بێت کە دوای سەدەیەک گرژی و ئاڵۆزی لە رۆژهەڵاتی ناوەڕاستدا بە "جیابوونەوەی نەرم" ئەو دیارەدەیەی کە ناوچەکە لەگەڵی نامۆیە، دابمەزرێت."}

^{لە راپۆرتەکەدا هاتووە، پرسی دابەشبوونی عێراق بۆ سێ دەوڵەتی شیعە و سوننە و کورد باسێکی نوێی نییە، "مەسعوود بارزانی" سەرۆکی هەرێمی کوردستان، بە راشکاوانە باس لە ریفڕاندۆم بۆ سەربەخۆیی هەرێمی کوردستان دەکات، بە گوێرەی زانیارییەکان 32 وڵاتی ئەورووپایی پاڵپشتی خۆیان بۆ سەربەخۆیی کوردستان راگەیاندووە.}

^{راپۆرتەکە ئەوەشی خستەڕوو، دوای "شیمۆن پرێز و ناتانیاهۆ، ئایلت شاکد" وەزیری دادی ئیسرائیل دوا بەرپرسی ئەو وڵاتەیە کە بە شێوەیەکی جدی پاڵپشتی لە دەوڵەتی سەربەخۆیی کوردستان دەکەن.}

^{راپۆرتەکە تیشکی خستووەتە سەر پێگەی سەرۆکی هەرێمی کوردستان و بە کەسایەتییەکی کاریگەر نێوی هێناوە و نووسیویەتی وێڕای ئەو کێشە و قەیرانە ئابوورییە و دواکەوتنی مووچەی کارمەندەکانی، مەسعوود بارزانی پێی وایە کە ئێستا باشترین دەرفەتە بۆ راگەیاندنی دەوڵەتی سەربەخۆی کوردستان.}

^{راپۆرتەکە تیشکی خستووەتە سەر گوتەکانی "محەمەد حاجی مەحموود" سکرتێری حزبی سوسیالیست، کە ساڵی رابردوو گوتی: "عێراق تەنیا ئاسمانەکەی یەکپارچەیە، ئەگینا خاکەکەی لەمێژە دابەش بووە".}

^{راپۆرتەکەی رادیۆ زەمانە بەراوردی سوپای عێراق لەگەڵ پێشمەرگە دەکات و لەو بارەیەوە پێشمەرگەی بە قارەمان وەسف کردووە و نووسیویەتی: "ئەو تەقینەوانە لە بەغدا و ناوچەکانی ژێر کونتڕۆڵی حکوومەتی ناوەندی رووی دەدا، روونی دەکاتەوە کە سوپای عێراق لاوازە".}

^{هاوکات دەنووسێ: "بە پێچەوانەی رابردوو کە رای گشتی، سیاسەتوان و کەسایەتییە ئایینییەکان باسکردن لە سەربەخۆیی کوردستانیان بە بڤە دەزانی، ئێستا ئەو تاپۆیە شکاوە کە تەنانەت پەرلەمانتار و سیاسەتوانە عێراقییەکانیش لەو باوەڕە دان جیابوونەوەی کوردستان ئەگەر بەپێی خواستی شەقامیی عێراق بێت، رەوا و پەسەندە".}

^{لە درێژەی راپۆرتەکەدا هاتووە "لەڕووی ناوچەیی و نیودەوڵوتیشەوە راگەیاندنی سەربەخۆیی کوردستان باشیرین چانسی دەبێت. پێشتر ئێران، عێراق، سووریا و تورکیا سەرەڕای بوونی ناکۆکیی زۆر، بەڵام لەسەر پرسی کورد، هاودەنگ و هاوپەیمان بوون و وڵاتەکانی هاوپەیمانی ئەو چوار وڵاتەش لەبەر بەرژەوەندیی خۆیان لەگەل بابەتی سەربەخۆیی کوردستان دژایەتییان دەکرد."}

^{ئێستا عێراق و سووریا دەسەڵاتێکی ئەتۆیان نییە و تورکیاش جگە لەوەی لە ناوچە کوردنشینەکانی خۆی تووشی شەڕ بووە، بەهۆی ناکۆکی لەگەڵ رووسیا، پێویستی بە غازی کوردستانە.}

^{ئەوەی دەمێنێتەوە ئێرانە ئێران هەر لە سەرەتاوە دژی سەربەخۆیی کوردستان بووە، "هاشمی رەفسەنجانی" لە سەردەمی سەرۆک کۆماریی خوییدا راشکاوانە گوتبووی: "رێگە نادەین ئیسرائیلێکی دیکە لە ناوچەکە دروست بێت"، بەڵام ئێران بەرلە وڵاتی تورکیا کونسووڵگەریی لە هەولێر و سلێمانی کردەوە."}

^{هەمووڤ ئەوانە سەرەڕای پێشوازیی گەرمی سعوودیە لە مەسعوود بارزانی لە دوا سەردانی بۆ ئەو وڵاتە، گومانی و دوودڵی لە ئەگەری ناڕەزایەتی وڵاتانی عەرەبی لە هەمبەر سەربەخۆیی هەریمی کوردستان نەهێشت.}

^{لە راپۆرتەکەدا ئاماژە بە چاوپێکەوتنی رۆژنامەی "ئەلحەیات"ی لەندەن لەگەڵ بارزانی کردووە و نووسیویەتی: "سەرۆکی هەرێمی کوردستان گوتی، یەک لە هۆکارەکانی هێرشی داعش بۆ کوردستان ئەوە بوو کە پرسی راپرسی و ریفراندۆم لە کوردستان گەیشتبووە قۆناغی جێبەجێکردن، بەڵام هەرچەندە ئەو هێرشە خەساری مادی و مەعنەویی زۆری بۆ کوردستان لێکەوتەوە، ئەو لایەنە باشەشی بوو کە سەرجەم ناوچە دابڕاوەکانی دەرەوەی کوردستان و کەرکووک گەڕایەوە ژێر کۆنتڕۆڵی کوردستان".}

^{لە کۆتایی راپۆرتەکەدا هاتووە، هەندێک بەڵگە لە رۆژهەڵاتی ناوەڕاستدا بەدی دەکرێت کە سنوورەکانی سایکس – پیکۆ، دوای سەدەیەک ئیتر کۆن بوون و ئەو ناوچەیە نیازی بە دیاریکردنی سنووری نوێی هەیە، نەک لەسەر بنەمای بە زۆر پێکەوە هێشتنەوەی نەتەوەکان، بەڵکوو لەسەر بنەمای دەنگ و خواست دانیشتوانی ناوچەکە.}
^14/3/2016

رووسیاش ئامادەیی خۆی بۆ هاوکاریکردنی پێشمەرگە دەردەبڕێ

^{ئەمڕۆ یەکشەممە مەسعود بارزانی سەرۆكی هەرێمی كوردستان پێشوازی لەئیڵیا مۆڕگونۆڤ باڵیۆزی رووسیا لە عێراق كرد.}

^{ماڵپەڕی سەرۆکایەتی هەرێمی کوردستان بڵاوی کردەوە، لە دیدارەكەدا باڵیۆزی رووسیا لە عێراق هێڵە گشتییەكانی سیاسەتی وڵاتەكەی لە ڕۆژهەڵاتی ناوەڕاست و سووریا و عێراق بۆ سەرۆكی هەرێمی کوردستان شی كردووەتەوە.}

^{هەروەها گوتوویەتی بۆ ئەوەی پێداگریی وڵاتەكەی لەسەر هاوسۆزی و بەردەوامبوونی پەیوەندی لەگەڵ هەرێمی كوردستان دووپات بكاتەوە، ئامادەیی رووسیای نیشان داوە بۆ هاوكاریكردنی پێشمەرگە لەڕووی سەربازی لە شەڕ دژی تیرۆریستاندا.}

^{لەم دیدارەدا باڵیۆزی ڕووسیا لە عێراق پیرۆزبایی یادەكانی ئادار و نەورۆز و یادی لەدایكبوونی بارزانیی نەمری لە سەرۆك بارزانی و گەلی كوردستان كرد و هەروەها بە پێزانینەوە باسی لە ڕۆڵی بارزانی لە سەركردایەتیكردنی شەڕەكان كرد و ستاییشی قوربانیدان و قارەمانێتیی هێزی پێشمەرگەی كوردستانی كرد لە ڕووبەڕووبوونەوەی تیرۆریستاندا.}

^{لە بەرانبەردا بارزانی وێڕای ئاماژەدان بە پەیوەندییە مێژووییەكانی نێوان گەلی كورد و ڕووسیا، سوپاسی هاوكارییەكانی وڵاتی ڕووسیای كرد.}

^{لە درێژەی قسەكانیدا بارزانی باسی لە قەیرانەكانی ناوچەكە و شەڕی تیرۆریستان كرد و پەیوەست بە سووریاشەوە، بارزانی ڕایگەیاند كە هەڵوێستی هەرێمی كوردستان لەبەرانبەر لایەنەكانی سووریا و حكوومەتی سووریا لەسەر هەڵوێستی ئەوان لەمەڕ دۆزی ڕەوای گەلی كوردستان و داننان بە مافی گەلی كوردستان لە سووریا وەستاوە.}

^{لە بەشێكی ئەم دیدارە باس لە پڕۆسەی سیاسیی عێراق و ئاییندەی عێراق و ئازادكردنی موسڵ كرا.}

^{جێگەی ئاماژەپێكردنە لە بەشێكی دیكەی ئەم دیدارە شاندێكی باڵای كۆمپانیای گازپڕۆمی ڕووسی ئامادەی كۆبوونەوەكە بوون و سەرۆك بارزانیان لە پلان و كار و چالاكییەكانیان لە هەرێمی كوردستان ئاگادار كردەوە.}
^14/3/2016

ئەکادیمییەکی ئەمریکی: بۆ تورکیا زۆر باشترە دراوسێی کوردستان بێ نەک عێراق

^{ئەکادیمییەکی ئەمریکی پێیوایە کوردستانی باشوور وەک وڵاتێکی سەربەخۆیە و بۆ تورکیاش باشترە دراوسێی کوردستان بێت.}

^{”دەیڤد شینگەر“، بەرپرسی پرۆگرامی سیاسەتی رۆژھەڵاتی ناوەڕاست لە پەیمانگای واشنتۆن بە کەناڵی (کوردستان 24)ـی راگەیاندووە، ھەرێمی کوردستان ھەموو مەرجەکانی بە دەوڵەت بوونی تێدایە و خەڵکی کوردستان مافی خۆیانە لە ریفراندۆمێکدا بڕیار لە چارەنووسی خۆیان بدەن.}

^{دەیڤد شینگەر ئاماژەی بەوەکردووە، کە کوردستانی باشوور وەک وڵاتێکی سەربەخۆیە، ھێزی سەربازی ھەیە و بوودجەی لە بەغداوە بۆ نانێردرێت، شتێکی زۆر ئاساییە خەڵکی کوردستان ریفراندۆم بۆ سەربەخۆیی ئەنجام بدەن.}

^{ئەو ئەکادیمییە ئەمریکی باسی پەیوەندییەکانی کورد و وڵاتەکەی دەکات و رایدەگەیەنێت، کە ئەمریکا گرنگیی بە ریفراندۆمی گەلی کوردستانی باشوور دەدات، چونکە ”کورد ھاوپەیمانێکی بەھێزی ئەمریکایە“، لە ھەمانکاتدا بۆ ئەمریکا گرنگە بزانێ ھەڵوێستی تورکیای ھاوپەیمان و ئەندامی ناتۆ چی دەبێت.}

^{دەیڤید شینگەر بە زۆر باشتری دەزانێ، تورکیا لەو ناوچە نائارامەی نێوان داعش و عێراقدا، ”درواسێیەکی ئاشتیخواز و مۆدێرنی وەک کوردستانی ھەبێت“.}
^13/3/2016

ئەمڕۆ یادی 113 ساڵەی لەدایکبوونی مستەفا بارزانییە

^{ئەمڕۆ دووشەممە 14ـی ئادار، 113 ساڵ بەسەر لەدایکبوونی ”مستەفا بارزانی“دا تێدەپەڕێت.}

^{مستەفا بارزانی یاخود بارزانی نەمر، لە 14ـی ئاداری 1903 لە گوندی بارزان لە کوردستانی باشوور لەدایکبووە.}

^{بارزانی نەمر، کە باوکی ”مەسعود بارزانی“، سەرۆکی هەرێمی کوردستانە، لە ساڵی 1943ـەوە دەستی بە شۆڕش لە دژی رژێمەکانی عێراق کردووە و سەرکردایەتیی جوڵانەوەی رزگاریخوازی گەلی کوردستانی کردووە.}

^{لەگەڵ دامەزراندنی کۆماری کوردستان لە شاری مەهاباد لە ساڵی 1946، مستەفا بارزانی چووە کوردستانی رۆژهەڵات و هێزەکەی خستە خزمەتی کۆمار و خۆیشی بە سوپاسالاری ئەو کۆمارە هەڵبژێردرا، دواتریش لە هەمان ساڵ، پلەی ژەنەڕالی سەربازیی پێدرا.}

^{مەلا مستەفا، کە بەشێکی گەلی کوردستان بە باوکی رۆحیی کورد ناوی دەبەن، لە ساڵی 1961 شۆڕشی ئەیلولی لە دژی رژێمی عێراقی هەڵگیرساند و توانی لە ساڵی 1970 چۆک بەو رژێمەدا بدات و ناچاری بکات دان بە مافە نەتەوەییەکانی گەلی کورد بنێت.}

^{ئەو سەرکردەیەی شۆڕشی رزگاریخوازی گەلی کورد، لە ساڵی 1979 لە نەخۆشخانەیەکی ئەمریکا گیانی لەدەست دا.}
^14/3/2016

چاوپێکەوتن

داواکاری گشتیی کرماشان: لێکۆڵینەوە لەبارەی لێدانی قوتابیان دەکەین

ئێران و ئەمریکا!

گەشەی پەیوەندیەکانی ئێران و ئەمەریکا گەیشت بەکوێ؟

مەودای ناکۆکییەکان و دانوستانەکانی ئێران- ئەمریکا بەرەو کوی؟

هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد

فه‌رهه‌نگ‌ و هونه‌ر

داواکاری گشتیی کرماشان: لێکۆڵینەوە لەبارەی لێدانی قوتابیان دەکەین

ئێران و ئەمریکا!

گەشەی پەیوەندیەکانی ئێران و ئەمەریکا گەیشت بەکوێ؟

مەودای ناکۆکییەکان و دانوستانەکانی ئێران- ئەمریکا بەرەو کوی؟

هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد

په‌یوه‌ندی راسته‌وخۆ

گه‌ڕان

وەزیری دەرەوەی بەریتانیا: دابەزینی نرخی نەوت دووژمنێكی دیكەی كوردستانە

ئەندامانی دەستەی رێكخستنی ئەنجوومەنی دامەزرێنەری فیدراڵی هەڵبژێردران

"نزیکەی 300 چالاکوانی سیاسی و مەدەنیی کورد لە زیندان دان"

وەزیری دەرەوەی بەریتانیا بەڵێنێک بە هێزی پێشمەرگەی کوردستان دەدات

ساڵح موسلیم بۆ (باسنیوز): پشتیوانی لە دامه‌زراندنى ده‌وڵه‌تى كوردی دەكەین

بارزانی: عێراق دابه‌شبووه‌و سه‌ربه‌خۆیی ڕاده‌گه‌یه‌نین

حیزبوڵا هێزه‌كانی له‌سوریا كشانده‌وه‌

دوو فەرماندەی دیکەی سوپای پاسداران لە سووریا کوژران

سەرۆکی هەرێمی کوردستان: هیچ قەیرانێک ناتوانێت رێگری لە سەرکەوتنی کورد بکات

سلێمانى.. گەورەترین ئاڵاى کوردستان لە بنارى گۆیژە دادەنرێ

داوا لە حکوومەتی هەرێمی دەکرێت ئامادەکاری بکات بۆ دروستکردنی هەیکەلیەی هێزی ئاسمانی

میدیایەکی فارسی: دامەزرانی دەوڵەتی کوردستان نزیکە

رووسیاش ئامادەیی خۆی بۆ هاوکاریکردنی پێشمەرگە دەردەبڕێ

ئەکادیمییەکی ئەمریکی: بۆ تورکیا زۆر باشترە دراوسێی کوردستان بێ نەک عێراق

ئەمڕۆ یادی 113 ساڵەی لەدایکبوونی مستەفا بارزانییە

دواین هه‌واڵ

به‌رنامه‌ی کۆماریخوازان

بەیاننامە و ڕاگه‌یه‌ندراوه‌کان

بەڵگەنامەکان

WWW.KOMARIXWAZ.COM