چاوپێکەوتن

داواکاری گشتیی کرماشان: لێکۆڵینەوە لەبارەی لێدانی قوتابیان دەکەین

درێژه‌ی بابه‌ت

ئێران و ئەمریکا!

درێژه‌ی بابه‌ت

گەشەی پەیوەندیەکانی ئێران و ئەمەریکا گەیشت بەکوێ؟

درێژه‌ی بابه‌ت

مەودای ناکۆکییەکان و دانوستانەکانی ئێران- ئەمریکا بەرەو کوی؟

درێژه‌ی بابه‌ت

هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد

درێژه‌ی بابه‌ت

فه‌رهه‌نگ‌ و هونه‌ر

داواکاری گشتیی کرماشان: لێکۆڵینەوە لەبارەی لێدانی قوتابیان دەکەین

ڤیدیۆیەکە، فەرمانی پێویستم دەرکرد بۆ بەدواداچوون بۆ بابەتەکە." داواکاری گشتیی پارێزگای کرماشان گوتی، "بەمەبەستی لێکۆڵینەوەی زیاتر لە وردەکارییەکانی ئەم رووداوە، گفتوگۆ لەگەڵ بەرپرسانی پەروەردەش...

درێژه‌ی بابه‌ت

ئێران و ئەمریکا!

گۆڵۆباڵیزم ( کەئەوکات بەسیستەمی نوێی جیهان) پێناسە دەکرا. ئەو ململانێ فکریەش لە نێوان (ساموئل هانتینگتون ) ی خاوەن تێزی (پێکدادانی شارستانیەکان) و فرەنسیس فۆکۆیامای خاوەن...

درێژه‌ی بابه‌ت

گەشەی پەیوەندیەکانی ئێران و ئەمەریکا گەیشت بەکوێ؟

ساڵ و دەیان ملیار دۆلاری تێچووی بوو . بەتایبەتی دوای ئەوەی ئیسرائیل بە بەکار هێنانی جۆرە موشەکێکی ئەمەریکی توانیتی حەسەن نەسرولله کە لە قولای...

درێژه‌ی بابه‌ت

مەودای ناکۆکییەکان و دانوستانەکانی ئێران- ئەمریکا بەرەو کوی؟

و بەشێوەی ناڕاستەوخۆ و تەنها لەسەر پرسی ئەتۆم، دانوستان لەگەڵ ئەمریكا ئەنجام بدات. هەروەها لە بەرامبەریشدا، ترامپ بە كۆمەڵێك پێشمەرجی زۆر و قورسەوە، نامەیەك بۆ...

درێژه‌ی بابه‌ت

هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد

کۆچی دواییکرد و تەرمەکەی ناگەڕێندرێتەوە رۆژهەڵاتی کوردستان. رەنج پشدەری، چالاکڤانی کورد لە سوێد، ئەمڕۆ هەینی بە تۆڕی میدیایی رووداوی گوت: "سەید عەلی رەحیم پوور،...

درێژه‌ی بابه‌ت

په‌یوه‌ندی راسته‌وخۆ

گه‌ڕان

بارزانی و بایدن له‌ڕێگه‌ی په‌یوه‌ندی ته‌له‌فۆنییه‌وه‌ گفتوگۆ ده‌كه‌ن

^{جێگری سه‌رۆكی ولایه‌ته‌ یه‌كگرتووه‌كانی ئه‌مه‌ریكا په‌یوه‌ندی ته‌له‌فۆنی به‌ بارزانییه‌وه‌ ده‌كات و به‌یه‌كه‌وه‌ باسی ئامادەكارییەكانی ئۆپه‌ڕاسیۆنی ئازادكردنی مووسڵ ده‌كه‌ن.}

^{ماڵپه‌ری فه‌رمی هه‌رێمی كوردستان بڵاویكردووه‌ته‌وه‌ كه‌ ئێوارەی ڕۆژی دووشەممە (11ـ 4ـ 2016) جۆ بایدن ،جێگری سەرۆكی ویلایەتە یەكگرتووەكانی لەڕێی تەلەفۆنەوە پەیوەندی بە مەسعود بارزانی، سەرۆكی هەرێمی كوردستان كرد.}

^{لەم پەیوەندییە تەلەفۆنییەدا دوایین پێشهاتە سیاسییەكانی عێراق خرایە بەر باس و بیروڕا لەبارەی چارەسەركردنی بارودۆخی سیاسیی عێراق ئاڵوگۆڕ كرا و هەردوولا لەسەر پێویستیی چارەسەركردنی پڕۆسەی سیاسی هاوڕابوون و جەختیش لە هەماهەنگی و ڕاوێژی هەردوولا كرایەوە بۆ پشتگیریكردنی سەقامگیریی سیاسی و چارەكردنی پڕۆسەی سیاسی.}

^{هەر لەم پەیوەندییە تەلەفۆنییەدا ڕۆشنایی خرایە سەر شەڕی داعش و ئامادەكارییەكانی ئۆپڕاسیۆنی ئازادكردنی مووسڵ و جه‌خت لەسەر كاری هاوبەش و هەماهەنگیی بەردەوامی نێوان هێزە هاوپەیمانەكان و هێزی پێشمەرگە و هێزەكانی عێراقی كرایەوە لە تێكشكاندنی تیرۆریستان و ئازادكردنی ناوچەكانی ژێر دەستی تیرۆریستانی داعش.}
^12/4/2016

ئه‌مریكا نیگه‌رانه‌ له‌هه‌ڵكشانی توندوتیژییه‌كانی سوریا

^{وته‌بێژی وه‌زاره‌تی ده‌ره‌وه‌ی ئه‌مریكا ئه‌مڕۆ دووشه‌ممه‌ نیگه‌رانی قووڵی ئه‌مریكای ده‌ربڕی به‌هۆی زیاتربوون و هه‌ڵكشانی ڕاده‌ی كرده‌وه‌ توندوتیژییه‌كان له‌سوریادا، به‌رله‌ ده‌ستپێكردنی وتوێژه‌كانی ئاشتی له‌جنێف. كه‌بڕیاره‌ ئه‌م هه‌فته‌یه‌ ده‌ست پێ بكه‌ن.}

^{وته‌بێژه‌كه‌ی وه‌زاره‌تی ده‌ره‌وه‌ی ئه‌مریكا ئۆباڵی ئه‌و حاڵه‌ته‌ی خسته‌ ئه‌ستۆی هێزه‌كانی ڕژێمی سوریا.}

^{"مارك تونه‌ر" وته‌بێژی وه‌زاره‌تی ده‌ره‌وه‌ له‌ڕاگه‌یه‌نراوێكی ڕۆژنامه‌وانیدا جه‌ختی كرده‌وه‌ له‌وه‌ی: " ئێمه‌ زۆر نیگه‌رانین له‌وه‌ی به‌م دواییانه‌ ڕاده‌ی توندوتیژییه‌كان له‌سوریادا هه‌ڵكشاون، هه‌ندێك كار ده‌كرێن كه‌له‌گه‌ڵ ڕێككه‌وتنی ئاگربه‌ستدا ناگونجێن".}

^{گوتیشی: " وه‌زیری ده‌ره‌وه‌ش نیگه‌رانی ئه‌مریكای له‌ڕێێ په‌یوه‌ندییه‌كی ته‌له‌فۆنییه‌وه‌ به‌ سێرگی لاڤرۆڤ ڕاگه‌یاندووه‌".}
^12/4/2016

ئه‌ڵمانیا خۆی بۆ هێرشی تیرۆریستی داعش ئامادە دەكات

^{سەرۆکی دەزگای هەواڵگریی ناوخۆی ئەڵمانیا رایگه‌یاند زانیارییان هه‌یه‌ داعش پیلانی داناوە بۆ هێرشی تیرۆریستی له‌سەر خاكی ئه‌ڵمانیا.}

^{هانز جۆرج سەرۆکی دەزگای هەواڵگریی ناوخۆی ئەڵمانیا به‌ میدیاکانی وڵاته‌که‌ی راگەیاند "رێکخراوی داعش نیازی ئه‌وه‌ی هه‌یه‌ هێرشی تیرۆریستی بکاته‌ سه‌ر ئه‌ڵمانیا"، به‌ڵام ئه‌و به‌رپرسه‌ی ئه‌ڵمانیا هیچ زانیارییەكی له باره‌ی‌ شوێن و کاتی هێرشه‌که‌ ئاشکرا نه‌کرد.}

^{باسی له‌وه‌ش کرد "هێزه‌ ئه‌منییه‌کانی ئه‌ڵمانیا تا ئێستە توانیویانه‌ وڵات له‌ مه‌ترسییه‌کانی تیرۆر بپارێزن، ئێستە داعش کار له‌سه‌ر هاندانی لایه‌نگرانی ده‌کات بۆ ئه‌نجامدانی هێرش له‌ ئه‌ڵمانیا و مه‌به‌ستیه‌تی بارودۆخی سه‌قامگیری ئه‌ڵمانیا تێک بدات".}

^{هۆشداری ئه‌ڵمانیا له‌ باره‌ی هێرشی رێکخراوی داعش بۆ سه‌ر وڵاته‌که‌ی له‌ کاتێکدایه‌، ئه‌مساڵ داعش چه‌ندین ته‌قینه‌وه‌ی خۆکوژی له‌ وڵاتانی به‌لجیکا و فه‌ره‌نسا ئه‌نجام داوه‌ و ژماره‌یه‌کی زۆر له‌ هاووڵاتیانی هه‌ردوو وڵات بوونه‌تە قوربانی.}
^11/4/2016

ئۆباما دان به‌گه‌وره‌ترین هه‌ڵه‌ی خۆیدا ده‌نێت

^{"باراك ئۆباما"سه‌رۆككۆماری ئه‌مریكا دانی به‌ گه‌وره‌ترین هه‌ڵه‌ی خۆیدا نا له‌ڕۆژهه‌ڵاتی ناوه‌ڕاستدا. كه‌بریتی بوو له‌نه‌بوونی پلان بۆ دوای ڕووخانی "موعه‌ممه‌ر قه‌زافی" له‌ساڵی 2011دا.}

^{ئۆباما له‌لێدوانێكدا بۆ كه‌ناڵی"فۆكس نیوز"ی ئه‌مریكی باسی له‌و هه‌ڵه‌یه‌كرد و گوتی: " ڕه‌نگه‌ گه‌وره‌ترین هه‌ڵه‌ بیرنه‌كردنه‌وه‌بێت له‌ پلاندانان بۆ دوای ده‌ستوه‌ردان له‌لیبیا".}

^{به‌ڵام جه‌ختی له‌وه‌شكرده‌وه‌ كه‌: " ده‌ستتێوه‌ردانه‌كه‌ ئه‌و كاره‌ ڕاسته‌بوو كه‌ده‌بوو بكرایه‌".}

^{ئه‌وه‌ش یه‌كه‌مجارنیه‌ كه‌ ئۆباما باسی كێشه‌ لیبیا بكات، به‌ڵكو له‌مانگی ئه‌یلولی ڕابردووشدا گوتی: " هاوپه‌یمانێتی ده‌یتوانی كاری زیاتر بكات بۆ گرتنی كه‌لێنه‌كان".}

^{گوتیشی: " ڕزگاركردنی ئابووری وڵات له‌دوای داكشانه‌ گه‌وره‌كه‌ی 2008، گه‌وره‌ترین ده‌ستكه‌وتمه‌. خۆشترین ڕۆژیش ئه‌و ڕۆژه‌بوو كه‌كۆنگریس یاسای چاودێری ته‌ندروستی په‌سه‌ند كرد".}

^{له‌باره‌ی ناخۆشترین ڕۆژیشیه‌وه‌ له‌كۆشكی سپیدا گوتی: " ناخۆشترین ڕۆژم، ڕۆژی 14/12/2012بوو، كه‌ سه‌ردانی شاری نیوتاونم كرد، له‌وێ له‌قوتابخانه‌ی ساندی هۆكی سه‌ره‌تاییدا، قه‌سابخانه‌یه‌كی ترسناك ڕوویدابوو، 26 كه‌س كوژرابوون كه‌ 20یان منداڵ بوون. ئه‌وه‌ش یه‌كێكه‌ له‌ڕووداوه‌ ناخۆشه‌كان له‌مێژووی ئه‌مریكادا".}
^11/4/2016

”عەلی باپیر ساڵی 2000 پەرلەمانی بە کوفر دەزانی و ئێستاش دەڵێت جیهادە“

^{نووسەر و توێژەرێک لە بواری ئیسلامی سیاسی، ڕەخنەی لە دیبەیتەکەی نێوان مەلا بەختیار، لێپرسراوی دەستەی کارگێڕیی مەکتەبی سیاسیی یەکێتیی نیشتمانیی کوردستان و عەلی باپیر، ئەمیری کۆمەڵی ئیسلامی گرت.}

^{سۆران سێوکانی، نووسەر و توێژەر لە بواری ئیسلامی سیاسی، لە پەیجی تایبەتیی خۆی، لە تۆڕی کۆمەڵایەتیی (فەیسبووک)، بە ناوی (مەلاکان ململانێ دەکەن)، نووسینێکی بڵاو کردەوە و تێیدا سەبارەت بە دیبەیتەکەی ئێوارەی ئەمڕۆ یەکشەممە 10\4\2016ی نێوان مەلا بەختیار و عەلی باپیر، نووسیویەتی: ”سەیر ئەوەیە، یەکێکیان هیچ لە عەلمانیەت نازانێت و ئەویتریشیان هیچ لە ئیسلام نازانێت“. هاوکات سەرسوڕمانیی خۆی لەوە دەربڕیوە کە ئاخۆ لە دیبەیتەکەدا: ”عەلی باپیر باسی کام ئیسلام دەکات؟ ئایا وەک ئیسلامی سەلەفی قسە دەکات؟ یان ئیسلامی کەلتوور یان ئیسلامی نوێگەری؟“.}

^{سۆران سێوکانی ئەوەشی ئاشکرا کردووە کە عەلی باپیر لە ماوەی چەند ساڵێکدا، 2 هەڵوێستی تەواو دژبەیەکی بەرامبەر بە پەرلەمانی کوردستان نیشان داوە و بۆ هەردووکیشیان بیانووی ئایینی هێناوەتەوە. هەروەک دەڵێت: ”مەلا علی باپیر 2000ی خۆی باس دەکات کە پەرلەمان کوفر بوو؟ یان ئیسلامی ئێستا کە پەرلەمان جیهادە؟“.}

^{سەبارەت بە قسەکانی مەلا بەختیاریش لە دیبەیتەکەدا، سێوکانی دەپرسێت: ”مەلا بەختیار باسی چ عەلمانیەتێک دەکات؟ ئایا ئەو نوێنەری کێیە؟ لیبراڵ دیموکراتە؟ یان سۆسیالیستە؟ شۆڕشگێرە یان ڕیفۆرمخوازە؟ ئەو چی لە ئیسلامی کەلتوور و سەلەفی دەزانێت؟“.}

^{ئەم قسانەی ئەو توێژەرە لە کاتێک دایە کە بڕیارە دوای نیوەڕۆی ئەمڕۆ، لە شاری سلێمانی، دیبەیتێک بە ناونیشانی (کوردستان لە نێوان دیموکراسی و عەلمانیەت)، لە نێوان مەلا بەختیار و عەلی باپیر بەڕێوە بچێت. مەترسیی ئەوەش دەکرێت، بەهۆی جیاوازیی ڕیشەیی نێوان هەردوو ئاراستە، دیبەیتەکە هەندێک گرژی تێ بکەوێت.}
^11/4/2016

مۆسكۆ: ئۆباما داوای هاوكاری له‌ پوتین كردووه‌

^{K24 - هه‌ولێر:}

^{دوای ئه‌وه‌ی هاووڵاتییه‌كی ئه‌مه‌ریكی له‌ سووریا بێسه‌روشوێن ده‌بێت، باراك ئۆباما، سه‌رۆكی ئه‌مه‌ریكا، داوای هاوكاری له‌ ڤلادیمێر پوتین، هاوتا رووسه‌كه‌ی كردووه‌، بۆ ئه‌وه‌ی ئه‌و هاووڵاتییه‌ ئه‌مه‌ریكییه‌ بدۆزنه‌وه‌.}

^{وه‌زاره‌تی ده‌ره‌وه‌ی رووسیا رایگه‌یاند، سوپای رووسیا، هاووڵاتییه‌كی ئه‌مه‌ریكی له‌ سووریاوه‌ بردووه‌ته‌ مۆسكۆ، ئه‌وه‌ش دوای ئه‌وه‌ دێت كه‌ باراك ئۆباما، داوای هاوكاری له‌ ڤلادیمێر پوتین كردبوو.}

^{وه‌زاره‌تی ده‌ره‌وه‌ی رووسیا ئاشكراشیكرد، دوای ئه‌وه‌ی هاووڵاتییه‌كه‌ ئه‌مه‌ریكییه‌ گه‌یشتووه‌ته‌وه‌ مۆسكۆ و له‌وێ راده‌ستی باڵیۆزخانه‌ی ئه‌مه‌ریكا كراوه‌، له‌ ئێستاشدا گه‌ڕاوه‌ته‌وه‌ ئه‌مه‌ریكا و له‌ رووسیا نه‌ماوه‌.}

^{هه‌روه‌ها راشیگه‌یاند، كه‌ ئه‌و هاووڵاتییه‌ ئه‌مه‌ریكییه‌، به‌هۆی ئه‌وه‌ی به‌شێوه‌یه‌كی نایاسایی چووه‌ته‌ ئه‌و سووریا، ده‌ستگیركراوه‌، هه‌روه‌ها چه‌ند پێشێلكارییه‌كی دیكه‌ی یاسایی ئه‌نجامداوه‌.}

^{سه‌رچاوه‌: رۆیته‌رز}
^10/4/2016

بارزانی و عه‌لاوی كۆبوونه‌وه‌

^{بارزانی و عه‌لاوی هاوڕان له‌سه‌ر ئه‌وه‌ی كه‌ پرۆسه‌ی سیاسی به‌بێ پابه‌ندبوون به‌ پره‌نسیپی هاوبه‌ش بوون ناچێته‌ پێش و قه‌یرانه‌كانیش چاره‌سه‌ر ناكرێن.}

^{ماڵپه‌ری فه‌رمی سه‌رۆكایه‌تی هه‌رێمی كوردستان بڵاویكردووه‌ته‌وه‌ كه‌ ڕۆژی شەممە (9 ـ 4 ـ 2016) لە سەلاحەدین مەسعود بارزانی، سەرۆكی هەرێمی كوردستان پێشوازی لە د. ئەیاد عەلاوی سەرۆكی ئیئتیلافی نیشتیمانیی عێراقی و شاندێكی یاوەری كرد.}
^{لە دیدارەكەدا سەرۆكی ئیئتیلافی نیشتیمانیی عێراقی و شاندی یاوەری، بارزانیان لە بیروڕای خۆیان سەبارەت بە بارودۆخی عێراق و قەیرانی سیاسی و چۆنییەتی چارەسەركردنی قەیرانەكە ئاگادار كردەوە و هەروەها سەرۆك بارزانیش سیاسەتی هەرێمی كوردستانی لەمبارەیەوە بۆ شاندی میوان خستەڕوو.}

^{هەر لەم كۆبوونەوەیەدا هەردوولا لەسەر ئەوە هاوڕا بوون كە پڕۆسەی سیاسی بە بێ پابەندبوونی لایەنەكان بە پڕەنسیپی شەراكەت ناچێتە پێش و قەیرانەكانیش چارەسەر ناكرێن.}
^10/4/2016

پەرلەمانتارێکی هەدەپە: کوردستانی باشوور بەرەو سەربەخۆیی هەنگاو دەنێت

^{پەرلەمانتارێکی پارتی دیموکراتی گەلان (هەدەپە) رایدەگەیەنێت، کوردستانی باشوور بەرەو سەربەخۆیی هەنگاو دەنێت.}

^{محەمەد میر فورات، پەرلەمانتاری هەدەپە، کە یەکێکیشە لە دامەزرێنەرانی پارتی داد و گەشەپێدان (ئاکەپە)ی دەسەڵاتداری تورکیا، لە میانی هەڤپەیڤینێکی کەناڵی (کوردستان 24) رایگەیاند، مەسعود بارزانی، سەرۆکی هەرێمی کوردستان بە سەرکەوتوویی هەرێمی کوردستانی بەڕێوەبردووە.}

^{محەمەد میر فورات ئاماژەی بەوە کرد، کە مەسعود بارزانی لەلای مستەفا بارزانی، رابەری شۆڕشی گەلی کوردستان لە کوردستانی باشوور پەروەردە بووە و سوودی لە تێبینی و رێنماییەکانی ئەو بینیوە، بۆیە یەکێکە لە سیاسەتمەدارە هەرە سەرکەوتووەکان.}

^{ئەو پەرلەمانتارەی هەدەپە باسی رۆڵی هەرێمی کوردستانی لە رۆژهەڵاتی ناوەڕاست کرد، کە بە ناوچەیەکی پڕ لە کێشە وەسفی کرد و رایگەیاند، بارزانی سەرۆکایەتیی هەرێمێک دەکات لە ناوچەیەکی پڕ لە کێشە و کوردستانی باشووریش "بەرەو سەربەخۆیی هەنگاو دەنێت".}
^10/4/2016

پەرلەمانتارێکی هەدەپە: کوردستانی باشوور بەرەو سەربەخۆیی هەنگاو دەنێت

پیلانێکی نوێی داعش ئاشکرا بوو

^{ڕێکخراوی توندڕەوی داعش، پیلانێکی نوێ لە دژی هێزە ئەمنییەکان دادەنێت و داواش لە پێشمەرگە دەکرێت، ئاگاداری ئەو پیلانەی داعش بن.}

^{پەیجی فەرمیی پارێزگای هەولێر لە تۆڕی کۆمەڵایەتیی (فەیسبووک)، ئاگادارییەکی بەپەلەی لەگەڵ ژمارەیەک وێنە بڵاو کردەوە و ئاماژەی بەوە کرد کە ”بۆ پاراستنی گیانی پێشمەرگە“یە. تێیدا ئەوەی ڕوون کردەوە: ”دوای ئه‌وه‌ی داعش هه‌موو جۆره‌كانی ته‌قه‌مه‌نی و ته‌ڵه‌ و شتی سه‌رنجڕاكێشی به‌كارهێنا بۆ ڕێگرتن له‌ پێشڕه‌وی و هه‌ڵمه‌ته‌كانی پێشمه‌رگ، ئێستا ئه‌م ڕێكخراوه‌ توندڕەوە، خه‌ریكی نانه‌وه‌ی ته‌ڵه‌یه‌ له‌ شتی زۆر بێ نرخ، تاوه‌كوو گومان لای پێشمه‌رگه‌ درووست نه‌بێت و زیانیان پێ بگەیەنێت“.}

^{بەپێی ئەو نووسینە، داعش له‌ نزیك ڕومادی، سندوقێك فیشه‌كی بۆ سوپای عێراق جێ هێشتووە و دواتر كه‌ سەربازانی عێراقی فیشەکەکانیان تەقاندووە، دەرکەوتووە کە لەگەڵ تەقاندنی ئەو فیشەکانەدا، گوللەکان تەقیونەتەوە و زیان بە سەربازان گەیشتووە. ئەوەشی ئاشکرا کردووە کە فیشەکەکان ماددەی c4یان تێدا بووە و بۆ ئەوە ئامادە کراون کە بە بچووکترین جوڵه‌، بته‌قنه‌وه‌.}

^{پەیجەکەی پارێزگای هەولێر ئەوەشی ڕوون کردووەتەوە: ”داعش له ‌كارگه‌كانیدا، ژماره‌یه‌كی زۆر ده‌مانچه‌ی گرانبه‌های به ‌شێوه‌یه‌ك درووست كردووه‌، كه‌ له ‌كاتی ته‌قه‌كردندا بته‌قێته‌و“. داواشی کردووە کە لە هەموو جۆرە تەقتەیەک دوور بن، چونکە چەکدارانی داعش تەختە بۆمبڕێژ دەکەن.}
^9/4/2016

ڕێژەی لەسێدارەدان 50% زیادی كردووە

^{ئاژانسەکان-KDP.info- ئاژانسێكی نێودەوڵەتی ناوی ئەو وڵاتانەی ئاشكرا كرد كە زۆرترین ڕێژەی لەسێدارەدانیان تێدا تۆمار كراوە.}

^{ڕێكخراوی لێبوردنی نێودەوڵەتی لە دوایین ڕاپۆرتی ساڵانەی خۆیدا ڕایگەیاند ژمارەی لەسێدارەدراوەكان بە بەراورد لەگەڵ ساڵی 2014، لەسەدا 50 زیادی كردووە، بەشێوەیەك كە لە ساڵی 1989وە تائێستا، ئەو ژمارەیە لە سێدارەدان تۆمار نەكراوە.}

^{ڕێكخراوی لێبوردنی نێودەوڵەتی كە بارەگاكەی لە لەندەنە، ژمارەی لەسێدارەدراوەكانی ساڵی ڕابردووی ئاشكرا كرد كە هەزار و شەشسەد و سی و چوار كەسە.}

^{بەپێی ڕاپۆرتەكە، ئێران یەكێك لەو وڵاتانەیە كە ساڵی ڕابردوو زۆرترین حاڵەتی لەسێدارەدانی تێدا تۆمار كراوە.}

^{وەك لە ڕاپۆرتەكەی ڕێكخراوی لێبوردنی نێودەوڵەتیدا هاتووە، لەسەدا هەشتا و نۆی بڕیاری لەسێدارەدانەكان لە هەرسێ وڵاتی ئێران، پاكستان و سعوودیا دراوە.}

^{ئاماژەش بەوە كراوە كە ئێران لە ساڵی ڕابردوودا 977 كەسی بە تاوانی جیاجیا لەسێدارە داوە، ئەمە لەكاتێكدایە كە ژمارەی لەسێدارەدانەكان لە ساڵی 2014 لە ئێران، حەوتسەد و چل و سێ كەس بووە.}
^8/4/2016

پوتین وەڵامی بەڵگەکانی پەنەما دەداتەوە

^{ڤلادیمێر پوتین سەرۆك کۆماری رووسیا رایگەیاند ئیدارەی ئەمەریكا دەیەوێ لە رێگەی بڵاوکردنەوەی بەڵگەکانی (پەنەما)وە دۆخی ناوەخۆی رووسیا تێكبدات، بۆ ئەوەی گەلی رووسیا ڕووبەڕووی دەسەڵات ببێتەوە.}

^{پوتین لەمیانی بەشداریکردنی لە دیدارێکی میدیاییدا لە شاری ساینت پترسبۆرگی رۆژئاوای وڵاتەكەی، ئاماژەی بەدزەپێکردنی بەڵگەکانی پەنەما دا و گوتی ئاشكرایە ئەوە هەوڵێکە بۆ ناسەقامگیرکردنی رووسیا لە ناوەخۆدا و بەئامانجی پێکدادانی خەڵکی رووسیایە لەگەڵ ئیدارەکەی.}

^{سەرۆكی رووسیا لەبارەی نێوی ئەو هاوڕێیەوە كە لە بەڵگەنامەكاندا هاتووە دەڵێ شانازی دەکات بەو هاوڕێیەی. دووپاتیشی كردەوە سێرجیۆ رۆلدوگینی هاوڕێم كە چەلۆژەنە، گوایە دوو ملیار دۆلاری هەیە، بەڵام ئەو پارانەی دەستی دەکەوێت لە کڕینی ئامێری میوزیکی گرانبەهادا خەرجیان دەكات و دەیانێرێتەوە رووسیا.}
^8/4/2016

په‌یپه‌ره‌كانی په‌نه‌ما.. 11ملیۆن دۆكیۆمێنت، جیهان ده‌هه‌ژێنن

^{په‌یپه‌ره‌كان چین؟}

^{له‌ئه‌نجامی كاری هاوبه‌شی نێوان 300 ڕۆژنامه‌نووسی كنه‌كار له‌هه‌موو جیهانه‌وه‌، كه‌ پێداچوونه‌وه‌یان كرد به‌ دۆسیه‌ی 40 ساڵی ڕابردووی دزین و گه‌نده‌ڵی و، سپی كردنه‌وه‌ی دراو، خۆدزینه‌وه‌ له‌باج له‌لایه‌ن گه‌وره‌ كه‌سایه‌تیه‌كانی جیهانه‌وه‌، به‌چه‌ندین سه‌رۆككۆماریشه‌وه‌، ئه‌و ڕاپۆرته‌ به‌رهه‌م هات كه‌ئێستا به‌ په‌یپه‌ره‌كانی په‌نه‌ما ناسراوه‌.}

^{سه‌رچاوه‌ی به‌ڵگه‌نامه‌كان كۆمپانیای" Mossack Fonseca"یه‌ كه‌باره‌گاكه‌ی له‌ په‌نه‌مایه‌.}

^{ئه‌و كۆمپانیایه‌ هاوكاری ئه‌و كه‌سایه‌تییه‌ جیهانیانه‌ی كردووه‌ تاكو له‌ باج خۆیان بدزنه‌وه‌، هاوكات یارمه‌تیداون بۆ دروستكردنی كۆمپانیای وه‌همی و سێبه‌ر. ئه‌وانه‌ش كۆمه‌ڵێك كۆمپانیان له‌ده‌ره‌وه‌ی سنوره‌كانی ده‌وڵه‌ت دروست ده‌كرێن و، مه‌به‌ست له‌دروستكردنیان هه‌ستانه‌ به‌چه‌ند كارێكی قه‌ده‌غه‌كراو یان شاردنه‌وه‌ی زانیارییه‌كان له‌باره‌ی پاره‌و سه‌رمایه‌.}

^{به‌ڵگه‌نامه‌كان ژماره‌یان 11.5 ملیۆن به‌ڵگه‌نامه‌بووه‌، كه‌له‌ماوه‌ی 40 ساڵی ڕابردوودا ده‌رچوون، نزیكه‌ی 107 میدیای جیهانی دوا ڕاپۆرتی په‌یپه‌ره‌كانی په‌نه‌مایان بڵاوكرده‌وه‌، له‌ 78 وڵاتی جیهانه‌وه‌. هاوكات وێب سایتێكی تایبه‌ت دانراوه‌ بۆ خوێندنه‌وه‌و بینینی به‌ڵگه‌نامه‌ و ورده‌كارییه‌كان.}

^{قه‌باره‌ی به‌ڵگه‌نامه‌كان}

^{نزیكه‌ی 11.5 به‌ڵگه‌نامه‌ دزه‌یان پێكراوه‌ كه‌ قه‌باره‌كه‌یان 2.7 تیرابایته‌. زانیاریی له‌باره‌ی 210 هه‌زار كۆمپانیا له‌ 21 وڵاتی جیهاندا ئاشكرا كردووه‌. نزیكه‌ی 140كه‌سایه‌تی جیهانی ناویان له‌و به‌ڵگه‌نامانه‌دا له‌ 50 وڵاتی جیهان ناویان هاتووه‌.}

^{له‌ناوچه‌ی ڕۆژهه‌ڵاتی ناوه‌ڕاستیشدا ناوی ئه‌م كه‌سایه‌تییانه‌ هاتووه‌:}

^{-سه‌لمان بن عه‌بدولعه‌زیز، پادشای سعودیه‌.}
^{-حه‌مه‌د بن خه‌لیفه‌ ئال سانی، میری پێشووی قه‌ته‌ر.}
^{-شێخ خه‌لیفه‌ بن زاید ئال نهیان، سه‌رۆكی ئیمارات.}
^{-حه‌مه‌د بن جاسم بن جه‌بر ئال سانی، سه‌رۆكوه‌زیرانی پێشووی قه‌ته‌ر.}
^{-عه‌لی ئه‌حمه‌د میرغه‌نی، سه‌رۆكی پێشووی سودان.}
^{-ئه‌یاد عه‌لاوی، سه‌رۆكوه‌زیرانی پێشووی عێراق.}
^{-عه‌لی ئه‌بو راغیب، سه‌رۆكوه‌زیرانی پێشووی ئه‌رده‌ن.}
^{-عه‌لا حوسنی موباره‌ك، كوڕی سه‌رۆككۆماری پێشووی میسر.}
^{-ڕامی و حافیز مه‌خلوف، ئامۆزاكانی به‌شار ئه‌سه‌د.}
^{-مونیر مه‌جید، سكرتێری پادشای مه‌غریب.}

^{كاردانه‌وه‌كان}

^{په‌یپه‌ره‌كانی په‌نه‌ما، ماوه‌ی چه‌ند ڕۆژێكه‌ زۆرینه‌ی میدیاكانی جیهانیان به‌خۆیانه‌وه‌ سه‌رقاڵ كردووه‌. كاردانه‌وه‌ی زۆریشیان له‌ زۆر جێگه‌ی جیهاندا دروست كردووه‌. چونكه‌ ناوی كه‌سایه‌تی زۆر گه‌وره‌ی تێدایه‌ له‌بواره‌كانی سیاسه‌ت و وه‌رزش و داراییدا. له‌ناو ئه‌و وڵاتانه‌دا كه‌ په‌یوه‌ستن به‌و په‌یپه‌رانه‌وه‌، كاردانه‌وه‌كان جۆراوجۆر بوون. به‌جۆرێك هه‌ندێكیان ده‌ستیان به‌ لێكۆڵینه‌وه‌ی دادوه‌ریی كردووه‌. به‌ڵام هه‌ندێكی تر پێیان وایه‌ ئه‌وه‌ی بڵاوكراوه‌ته‌وه‌، ته‌نها به‌هۆی به‌ئامانج كردنیانه‌وه‌ بووه‌.}

^{كاردانه‌وه‌كان به‌م جۆره‌بوون}

^{به‌رده‌وام كاردانه‌وه‌كان له‌ زۆرینه‌ی وڵاتانی جیهانه‌وه‌ پیشان ده‌درێن. به‌تایبه‌تی له‌دوای ئه‌وه‌ی ده‌ركه‌وت كه‌ كه‌سایه‌تییه‌ به‌ناوبانگه‌كانی سیاسه‌ت و بزنس و به‌ناوبانگه‌كان، چۆن و به‌چ شێوه‌یه‌ك پاره‌وپولیان ده‌شارنه‌وه‌. به‌گوێره‌ی زانیارییه‌كان 11.5 ملیۆن به‌ڵگه‌نامه‌ بڵاوكراونه‌ته‌وه‌و، هه‌موو به‌ڵگه‌كانیش له‌ كۆمپانیای "مۆساك فونسیكا" ی دادوه‌رییه‌وه‌ دزه‌ی كردووه‌. ئه‌م كورته‌ ڕاپۆرته‌ی خواره‌وه‌، گرنگترین كاردانه‌وه‌كانن.}
^{ئه‌رژه‌نتین}

^{نوسینگه‌ی سه‌رۆكی ئه‌رژه‌نتین" ماوریسیۆ ماكری" له‌ڕێی به‌دوادا چوونێكی ڕۆژنامه‌ی"لاناسیۆن"ه‌وه‌، جه‌ختی له‌وه‌ كرده‌وه‌ كه‌ كه‌سایه‌تییه‌ نزیكه‌كانی ماكری خاوه‌نی ژماره‌یه‌ك بزنسن و كۆمپانیایه‌كیان دامه‌زراندووه‌ به‌ناوی"فلیگ تریدنگ لیمیتد" له‌ دورگه‌ی باهامادا. به‌ڵام خودی سه‌رۆك خاوه‌نی هیچ پشكێك نیه‌ له‌و كۆمپانیایه‌دا و قه‌ت ڕۆژێك له‌ڕۆژانیش تیایدا به‌شدار نه‌بووه‌.}

^{ئوستورالیا}

^{نوسینگه‌ی باجه‌كانی ئوستورالیا، جه‌ختی له‌وه‌ كرده‌وه‌ كه‌ ده‌ستكراوه‌ به‌ لێكۆڵینه‌وه‌ له‌ سامانی نزیكه‌ی 800 كه‌س، به‌گومانی ئه‌وه‌ی خۆیان له‌ باج دزیوه‌ته‌وه‌، كۆمپانیاكه‌ش په‌یوه‌ندی 120 كه‌سی له‌و ده‌وڵه‌مه‌ندانه‌ به‌ كۆمپانیایه‌كی دارایی له‌ هۆنگ كۆنگه‌وه‌ ئاشكرا كردووه‌. به‌ڵام ناوی كۆمپانیاكه‌ی نه‌دركاند.}

^چین
^{ڕاپۆرته‌كان ده‌نوسن: كۆمپانیایه‌كی دادوه‌ری په‌نه‌ما، ده‌ستی كردووه‌ به‌ دامه‌زراندنی كۆمپانیای ساخته‌ به‌مه‌به‌ستی خۆدزینه‌وه‌ له‌ باج، بۆ كه‌سوكاری نزیكه‌ی 8 كه‌س له‌ئه‌ندامانی ئێستا و پێشووی مه‌كته‌بی سیاسی حیزبی شیوعی چینی، كه‌به‌ لوتكه‌ی ده‌سته‌ڵات له‌چیندا داده‌نرێت. یه‌كێك له‌و ناوانه‌ی كه‌ئاماژه‌ی پێدراوه‌ هاوسه‌ری خوشكی"شی جینبنگ" سه‌رۆككۆماری چینه‌.}

^{وه‌زاره‌تی ده‌ره‌وه‌ی چین له‌دژی ئه‌و ڕاپۆرته‌ هاته‌ ده‌نگ، ئه‌و زانیارییانه‌ی به‌بێ بنه‌ما له‌قه‌ڵه‌مدا. كه‌ناڵه‌ فه‌رمییه‌كانیش ئه‌و ڕاپۆرتانه‌یان به‌ته‌واوی پشتگوێ خستووه‌. هاوكات له‌تۆڕی ئینته‌رنێتیش، حكوومه‌ت هه‌موو سێرچێكی بۆ وشه‌ی"په‌یپه‌ره‌كانی په‌نه‌ما" سانسۆر كردووه‌.}

^{كۆماری چیك}

^{ناوه‌ندی ڕۆژنامه‌گه‌ری چیكی ئاشكرای كرد كه‌ به‌ڵگه‌نامه‌ دزه‌پێكراوه‌كان، ئه‌وه‌ ئاشكرا ده‌كه‌ن كه‌ 283 كه‌سی چیكی ناویان له‌كۆمپانیاكانی خۆدزینه‌وه‌ له‌ باج تۆماركراوه‌. به‌گوته‌ی ناوه‌نده‌كه‌ باشترین شوێن بۆ خۆدزینه‌وه‌ له‌باج بۆ چیك دورگه‌كانی سیچیله‌. له‌دوای ئه‌وه‌ش دورگه‌كانی فیرگن له‌به‌ریتانیا و باهاما و شوێنه‌كانی تر. وه‌زیری ناوخۆی ئه‌و وڵاته‌" میلان خۆفانیتس"یش به‌ڵێنیدا لێكۆڵینه‌وه‌یه‌ك له‌و باره‌یه‌وه‌ ئه‌نجام بدرێت.}

^{فه‌ره‌نسا}

^{داواكاری گشتی فه‌ره‌نسا ده‌ستی كرده‌ لێكۆڵینه‌وه‌ له‌ ئه‌گه‌ری سپی كردنه‌وه‌ی دراو له‌و وڵاته‌دا، له‌دوای ئه‌وه‌ی ناوی سه‌دان هاووڵاتی فه‌ره‌نسی له‌په‌یپه‌ره‌كاندا هاتووه‌.}

^{ئایسله‌ندا}

^{"سیگمۆندۆ گونلاوگسۆن" ده‌ست له‌كاركێشانه‌وه‌ی خۆی پێشكه‌ش كرد، له‌دوای ئه‌وه‌ی كۆمپانیایه‌ك به‌ناوی خۆی و هاوسه‌ره‌كه‌یه‌وه‌ له‌دورگه‌ی فێرگنی به‌ریتانی ئاشكرا بوو. سه‌رۆكوه‌زیران گوتی: " هیچی تازه‌ له‌ڕاپۆرته‌كه‌دا نیه‌. پێشنیارده‌كه‌م په‌رله‌مان هه‌ڵبوه‌شێته‌وه‌ و هه‌ڵبژاردنی نوێ ئه‌نجام بدرێت.به‌ڵام "ئۆلافۆر گریمسۆن" پێشنیاره‌كه‌ی ڕه‌تكرده‌وه‌. خۆپیشانده‌رانیش له‌به‌رده‌م په‌رله‌ماندا گردبوونه‌وه‌یه‌كی گه‌وره‌یان ئه‌نجام دا.}

^{ئیتاڵیا}
^{"ئیسپه‌ر یسۆ"ی ئیتاڵی، ئاماژه‌ی به‌وه‌داوه‌ كه‌ناوی نزیكه‌ی 1000 هاووڵاتی ئیتاڵی له‌ داتا به‌یسی ئه‌و په‌یپه‌رانه‌دا هاتووه‌، له‌وانه‌: لۆكا كۆردبرۆ دی سه‌رۆكی ئه‌نجومه‌نی به‌ڕێوه‌بردنی كۆمپانیای فڕۆكه‌وانی ئیتاڵیا و، سه‌رۆكی لیژنه‌ی كاندیدكردنی ڕۆما بۆ ئۆلۆمپیادی 2024.}

^{ڕۆژنامه‌كه‌ ده‌نوسێت: په‌یپه‌ره‌كان زنجیره‌یه‌ك بۆندی ساخته‌ی نه‌وتیان ئاشكرا كردووه‌ كه‌ ده‌گه‌ڕێنه‌وه‌ بۆ 2007. هه‌روه‌ها باس له‌وه‌شكراوه‌ كه‌ "مۆنتیزیمۆلۆ" كه‌پێشتر سه‌رۆكی كۆمپانیای فیات بووه‌، له‌ئێستاشدا سه‌رۆكی جێبه‌جێكاری كۆمپانیا فیرارییه‌، له‌كاتی په‌یوه‌ندی پێوه‌كردنیدا وه‌ڵامی په‌یوه‌ندییه‌كانی نه‌داوه‌ته‌وه‌.}

^{نیوزله‌ندا}
^{"جۆن كی، سه‌رۆكوه‌زیرانی نیوزله‌ندا، ئه‌وه‌ی ڕه‌تكرده‌وه‌ كه‌ یه‌كێتی ڕۆژنامه‌نووسانی نێوده‌وڵه‌تی ڕایگه‌یاندبوو نیوزله‌ندا یه‌كێكه‌ له‌مۆڵگه‌كانی خۆدزینه‌وه‌ له‌ باج.}
^{ئاژانسی "ئاسیۆشێدت پرێس" ڕایگه‌یاند: " مۆڵگه‌كانی خۆدزینه‌وه‌ له‌باج له‌شوێنێكدا ده‌بێت كه‌تیایدا زانیارییه‌كان ئاشكرا نه‌بن، به‌ڵام له‌نیوزله‌ندا هه‌موو زانیارییه‌كان ئاشكران".}

^{نه‌رویژ}
^{بانكی"دی.ئێن.بی" نه‌رویژی نیگه‌رانی خۆی ده‌ربڕی له‌وه‌ی هاوكاری 40 كه‌سی كردووه‌ بۆ دروستكردنی كۆمپانیا له‌دورگه‌كانی سیچیل به‌هاوكاری كۆمپانیای مۆساك فۆنسیكا، له‌دوای ئه‌وه‌ی ڕۆژنامه‌ی "ئه‌فتۆنبوستن"ی نه‌رویژی ڕاپۆرتێكی بڵاوكرده‌وه‌و تیایدا ئاماژه‌یدابوو به‌وه‌ی ئه‌و بانكه‌ هاوكاری چه‌ندین كه‌سی كردووه‌ بۆ دروستكردنی كۆمپانیای وه‌همی، بۆخۆدزینه‌وه‌ له‌ باج.}

^{بانكه‌كه‌ ڕای گه‌یاند: " له‌به‌ر ئه‌وه‌ی دامه‌زراندنی ئه‌و كۆمپانیایانه‌ به‌كارێكی یاسایی ده‌ژمێردرێت، به‌ڵام ئه‌وه‌ به‌و مانایه‌ نیه‌ كه‌ دامه‌زراندنی ئه‌و كۆمپانیایانه‌ له‌لایه‌ن ئێمه‌وه‌ كارێكی باش بێت".}

^ڕووسیا

^{په‌یپه‌ره‌كانی په‌نه‌ما، كه‌ یه‌كێتی ڕۆژنامه‌نووسانی نێوده‌وڵه‌تی به‌سه‌ر 100 هۆكاری ڕاگه‌یاندندا دابه‌شی كرد، باس له‌وه‌ ده‌كه‌ن كه‌ هاوڕێكانی سه‌رۆككۆماری ڕووسیا، له‌وانه‌ "سێرگی ڕۆدۆلگین"ی ژه‌نیاری به‌ناوبانگی شیلۆ، په‌یوه‌ندییان به‌ تۆڕێكه‌و هه‌یه‌ كه‌ ملیاره‌ها دۆلار له‌ده‌ره‌وه‌ی ڕووسیا به‌ڕیوه‌ده‌به‌ن.}
^{وته‌بێژی فه‌رمی كۆشكی كرملین، ڕایگه‌یاند: " هیچ شتێك له‌په‌یپه‌ره‌كاندا نیه‌ كه‌ئاماژه‌بێت بۆ ئه‌وه‌ی سه‌رۆكی ڕووسیا له‌ دۆسیه‌كانه‌وه‌ گلاوه‌" بلاوكردنه‌وه‌ی په‌یپه‌ره‌كانیشی به‌ هه‌ڵمه‌تێك بۆ ناوزڕاندنی پۆتین له‌قه‌ڵه‌مدا.}

^{ئیسپانیا}

^{ده‌سته‌ڵاتی باج له‌ئیسپانیا، ئه‌وه‌ی ڕاگه‌یاند كه‌ لێكۆڵینه‌وه‌ ده‌كه‌ن له‌ پێشێلكاری باج له‌لایه‌ن "لیۆنێل میسی" یاریزانی به‌ناوبانگ و "بیدۆر مۆدۆفار" ی ده‌رهێنه‌ری به‌ناوبانگی سینه‌ماوه‌.}

^{خێزانی میسی، بلاوكراوه‌یه‌كیان ڕاگه‌یاندوو، ئه‌وه‌یان ڕه‌تكرده‌وه كه‌ هیچ پێشێلكارییه‌كی كردبێت. هه‌ڕه‌شه‌شیان له‌و ده‌زگایانه‌ی میدیاكرد كه‌ ناوی ئه‌و یاریزانه‌یان بڵاوكردۆته‌وه‌. برای ده‌رهێنه‌ره‌ سینه‌ماییه‌كه‌یش ڕایگه‌یاند: " ئه‌و كۆمپانیایه‌ی له‌و په‌یپه‌ره‌دا باسكراوه‌، له‌نه‌وه‌ده‌كانی سه‌ده‌ی ڕابردوودا چه‌ند ساڵێك له‌دوای دامه‌زراندنی هه‌ڵوه‌شاوه‌ته‌وه‌".}

^{ئۆكرانیا}

^{به‌گوێره‌ی زانیارییه‌ دزه‌پێكراوه‌كان، سه‌رۆكی ئه‌و وڵاته‌"بیترۆ بۆرشینكۆ" كۆمپانیایه‌كی له‌مۆڵگه‌یه‌كی خۆدزینه‌وه‌ له‌باج كردۆته‌وه‌، به‌مه‌به‌ستی تۆماركردنی كۆمپانیایه‌كی شیرینی له‌ دورگه‌كانی فیرگن له‌به‌ریتانیا، له‌وه‌شدا وڵاته‌كه‌ی بێبه‌ش كردووه‌ له‌ملیۆنه‌ها دۆلاری باجی ئه‌و كۆمپانیایه‌.}

^{سه‌رۆكی ئه‌و وڵاته‌ له‌كاتی خۆپاڵاوتنیدا بڕیاری دابوو كۆمپانیاكه‌ی بفرۆشێت. ئه‌وه‌ له‌كاتێكدایه‌ نه‌یاره‌كانی داوای ده‌ست له‌كاركێشانه‌وه‌ی لێده‌كه‌ن}
^7/4/2016

بەوێنە.. سێ منداڵی خێزانێکی کرماشان تەنیا سێ رۆژی دیکە دەژین

^{سێ منداڵی خێزانێکی خەڵکی کرمانشانی کوردستانی رۆژهەڵات تەنیا سێ رۆژیان لەژیاندا ماوە و ئەگەر بەرپرسانی ئێران و خێرخوازان هەنگاوی بەپەلە نەنێن، دوای سێ رۆژی دیکە گیانیان لەدەست دەدەن.}

^{ڕاگەیاندنە خۆجێیەکانی پارێزگای کرماشان رایانگەیاندووە، کە کچێک و دوو کوڕی خێزانێکی کرماشانی، بەناوەکانی شەونم ریسانی27 ساڵ، پارسا ریسانی 24 ساڵ و کەسرا ریسانی18 ساڵ کێشەی جیناتیان هەیە و هۆکارەکەشی ئەوەیە باوکییان لەشەری نێوان ئێران و عێراقدا بەر چەکی کیمیایی کەوتووتووە.}

^{بەگوتەی ڕاگەیاندنەکان ئەوان پێویستیان بە چارەسەرێکی تایبەت هەیە و ئەو چارەسەرەش لە ناوخۆی ئێران دەست ناکەوێت، ئەوە لە کاتێکدایە کە ئەگەر لە سێ رۆژی داهاتوودا چارەسەرەکە وەرنەگرن، گیان لەدەست دەدەن.}

^{ئەو دوو بڕاو خوشکە تەنیا بۆ هەتا کۆتایی ئەم ‌هەفتەیە دەرمانیان بۆ چارەسەر هەیە و ئەگەر بەدەستیان نەگات، هەناسەدانیان بۆ ئەستەم دەبێت و گیان لەدەست دەدەن.}

^{ئەگەرچی عەبدوڵرەزا رەحمانی فەزلی، وەزیری ناوخۆی ئێران لە پێگه‌ی تایبه‌تی خۆی له‌ تۆڕی كۆمه‌ڵایه‌تی ئینسته‌گرامدا داوای لە پارێزگاری کرماشان کردووە، کە بەپەلە بەهانای ئەو دوو برا و خوشکە بچێت، بەڵام تاکوو ئێستا هیچ کەس و لایەنێک یارمەتی ئەو خێزانەیان نەداوە، کە سێ منداڵیان تەنیا سێ رۆژی دیکە دەژین.}
^7/4/2016

نێچیرڤان بارزانی: بۆ تێپەڕاندنی قەیرانی دارایی دەست بە جێبەجێكردنی چەند پلانێكی چاكسازی كراوە

^{له‌میانه‌ی كۆبوونه‌وه‌ی له‌گه‌ڵ سه‌رۆك وه‌زیرانی هه‌رێمی فلاندەرزی بەلجیكا، سه‌رۆك وه‌زیرانی هه‌رێمی كوردستان دووپاتی كردەوە كە هەرێمی كوردستان پێویستی بە ئەزموونی بەلجیكایە بۆ باشتركردنی سیستمی ئیداری و جێبەجێكردنی چاكسازی كە ماوەیەكە بۆ تێپەڕاندنی قەیرانی دارایی و باشتركردنی سیستمی بەرێوەبردن لەلایەن حكوومەتی هەرێمی كوردستانەوە، دەست بە جێبەجێكردنی چەند ڕێكار و پلانێكی چاكسازی كراوە.}

^{ماڵپه‌ری فه‌رمی حكوومه‌تی هه‌رێمی كوردستان بڵاوی كردووه‌ته‌وه‌ كه‌ ئێوارەی ئەمڕۆ پێنجشەممە 7( - 4 - 2016 ) نێچیرڤان بارزانی سەرۆك وەزیرانی هەرێمی كوردستان، پێشوزای لە خێرت بۆرژوا سەرۆك وەزیرانی هەرێمی فلاندەرزی بەلجیكا و شاندێكی یاوەری كرد.}

^{لە دیدارێكدا بۆرژوا خۆشحاڵیی خۆی بە سەردانی هەرێمی كوردستان دەربڕی و ئاماژەی بەوە دا كە هەرێمی كوردستان لە ناوچەیەكی پڕ ئالۆز و نائارامدا، هەرێمێكی ئارام و پێشكەوتووە و پێكەوەژیانی پێكهاتە نەتەوەیی و ئاینییەكان و ئارامی و پێشكەوتنە بەردەوامەكانی هەرێمی كوردستانیشی بەرز نرخاند. هەروەك دەسخۆشی لە خەڵك و حكوومەتی هەرێمی كوردستان و پێشمەرگە كرد كە سەرەڕای قەیرانی دارایی، توانیویانە لەجیاتی جیهانی ئازاد پلانە مەترسیدارەكانی تیرۆرستان شكست پێ بهێنن و پێشوزای لە ژمارەیەكی یەكجار زۆری ئاوارە و پەنابەری دەستی تیرۆر بكەن و خزمەتگوزاری پێویستیان بۆ دابین بكەن.}

^{لە بەشێكی دیكەی قسەكانیدا هەموو هاوكاری و هەماهەنگییەكی هەرێمی فلاندەرزی لە بوارە جیاجیاكاندا بە تایبەتیش لە بوارەكانی ئابووری و مۆركردنی گرێبەستی ئابووری و خوێندنی باڵا و پەروەردەدا لەگەڵ هەرێمی كوردستان پیشان دا و بۆ ئەم مەبەستەش هیوای خواست كۆمسیۆنێك لەنێوان هەردوولادا پێكبهێندرێت بۆ ئەوەی لە ڕێگەیەوە پەیوەندییە دووقۆڵیەكانیش زیاتر پتەو بكرێن.}
^{لای خۆیەوه‌ سەرۆك وەزیرانی هەرێمی كوردستان سوپاسی ئەو سەردانە و هەڵوێستی سەرۆك وەزیرانی هەرێمی فلاندەرزی بەلجیكی كرد بۆ تێڕوانینیان سەربارەت بە هەرێمی كوردستان و سەرەخۆشیشی لێ كرد بۆ قوربانیانی هێرشە تیرۆرستییەكەی داعش لە بروكسێلی پایتەختی بەلجیكا. ئاماژەی بەوەش دا كە پێكەوەژیانی پێكهاتەكانی هەرێمی كوردستان مێژوویەكی دوورودرێژی هەیە و شانازی پێوە دەكەن.}

^{سەبارەت بە شەڕی دژی داعشیش سەرۆك وەزیران جەختی لەوە كردەوە كە پێویستە بنەماكانی مرۆڤایەتی بپارێزرێن و داوای لە كۆمەڵگەی نێودەوڵەتیش كرد لەڕووی سەربازی و مرۆییەوە زیاتر هاوكاریی هەرێمی كوردستان بكات و ئامادەییی هەرێمی كوردستانیشی بۆ هەر هاوكاری و هەماهەنگییەك لەگەڵ هەرێمی فلاندەرز دەربڕی و دووپاتی كردەوە كە هەرێمی كوردستان پێویستی بە ئەزموونی بەلجیكایە بۆ باشتركردنی سیستمی ئیداری و جێبەجێكردنی چاكسازی كە ماوەیەكە بۆ تێپەڕاندنی قەیرانی دارایی و باشتركردنی سیستمی بەرێوەبردن لەلایەن حكوومەتی هەرێمی كوردستانەوە، دەست بە جێبەجێكردنی چەند ڕێكار و پلانێكی چاكسازی كراوە.}
^8/4/2016

چاوپێکەوتن

داواکاری گشتیی کرماشان: لێکۆڵینەوە لەبارەی لێدانی قوتابیان دەکەین

ئێران و ئەمریکا!

گەشەی پەیوەندیەکانی ئێران و ئەمەریکا گەیشت بەکوێ؟

مەودای ناکۆکییەکان و دانوستانەکانی ئێران- ئەمریکا بەرەو کوی؟

هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد

فه‌رهه‌نگ‌ و هونه‌ر

داواکاری گشتیی کرماشان: لێکۆڵینەوە لەبارەی لێدانی قوتابیان دەکەین

ئێران و ئەمریکا!

گەشەی پەیوەندیەکانی ئێران و ئەمەریکا گەیشت بەکوێ؟

مەودای ناکۆکییەکان و دانوستانەکانی ئێران- ئەمریکا بەرەو کوی؟

هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد

په‌یوه‌ندی راسته‌وخۆ

گه‌ڕان

بارزانی و بایدن له‌ڕێگه‌ی په‌یوه‌ندی ته‌له‌فۆنییه‌وه‌ گفتوگۆ ده‌كه‌ن

ئه‌مریكا نیگه‌رانه‌ له‌هه‌ڵكشانی توندوتیژییه‌كانی سوریا

ئه‌ڵمانیا خۆی بۆ هێرشی تیرۆریستی داعش ئامادە دەكات

ئۆباما دان به‌گه‌وره‌ترین هه‌ڵه‌ی خۆیدا ده‌نێت

”عەلی باپیر ساڵی 2000 پەرلەمانی بە کوفر دەزانی و ئێستاش دەڵێت جیهادە“

مۆسكۆ: ئۆباما داوای هاوكاری له‌ پوتین كردووه‌

بارزانی و عه‌لاوی كۆبوونه‌وه‌

پەرلەمانتارێکی هەدەپە: کوردستانی باشوور بەرەو سەربەخۆیی هەنگاو دەنێت

پەرلەمانتارێکی هەدەپە: کوردستانی باشوور بەرەو سەربەخۆیی هەنگاو دەنێت

پیلانێکی نوێی داعش ئاشکرا بوو

ڕێژەی لەسێدارەدان 50% زیادی كردووە

پوتین وەڵامی بەڵگەکانی پەنەما دەداتەوە

په‌یپه‌ره‌كانی په‌نه‌ما.. 11ملیۆن دۆكیۆمێنت، جیهان ده‌هه‌ژێنن

بەوێنە.. سێ منداڵی خێزانێکی کرماشان تەنیا سێ رۆژی دیکە دەژین

نێچیرڤان بارزانی: بۆ تێپەڕاندنی قەیرانی دارایی دەست بە جێبەجێكردنی چەند پلانێكی چاكسازی كراوە

دواین هه‌واڵ

به‌رنامه‌ی کۆماریخوازان

بەیاننامە و ڕاگه‌یه‌ندراوه‌کان

بەڵگەنامەکان

WWW.KOMARIXWAZ.COM