چاوپێکەوتن

داواکاری گشتیی کرماشان: لێکۆڵینەوە لەبارەی لێدانی قوتابیان دەکەین

درێژه‌ی بابه‌ت

ئێران و ئەمریکا!

درێژه‌ی بابه‌ت

گەشەی پەیوەندیەکانی ئێران و ئەمەریکا گەیشت بەکوێ؟

درێژه‌ی بابه‌ت

مەودای ناکۆکییەکان و دانوستانەکانی ئێران- ئەمریکا بەرەو کوی؟

درێژه‌ی بابه‌ت

هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد

درێژه‌ی بابه‌ت

فه‌رهه‌نگ‌ و هونه‌ر

داواکاری گشتیی کرماشان: لێکۆڵینەوە لەبارەی لێدانی قوتابیان دەکەین

ڤیدیۆیەکە، فەرمانی پێویستم دەرکرد بۆ بەدواداچوون بۆ بابەتەکە." داواکاری گشتیی پارێزگای کرماشان گوتی، "بەمەبەستی لێکۆڵینەوەی زیاتر لە وردەکارییەکانی ئەم رووداوە، گفتوگۆ لەگەڵ بەرپرسانی پەروەردەش...

درێژه‌ی بابه‌ت

ئێران و ئەمریکا!

گۆڵۆباڵیزم ( کەئەوکات بەسیستەمی نوێی جیهان) پێناسە دەکرا. ئەو ململانێ فکریەش لە نێوان (ساموئل هانتینگتون ) ی خاوەن تێزی (پێکدادانی شارستانیەکان) و فرەنسیس فۆکۆیامای خاوەن...

درێژه‌ی بابه‌ت

گەشەی پەیوەندیەکانی ئێران و ئەمەریکا گەیشت بەکوێ؟

ساڵ و دەیان ملیار دۆلاری تێچووی بوو . بەتایبەتی دوای ئەوەی ئیسرائیل بە بەکار هێنانی جۆرە موشەکێکی ئەمەریکی توانیتی حەسەن نەسرولله کە لە قولای...

درێژه‌ی بابه‌ت

مەودای ناکۆکییەکان و دانوستانەکانی ئێران- ئەمریکا بەرەو کوی؟

و بەشێوەی ناڕاستەوخۆ و تەنها لەسەر پرسی ئەتۆم، دانوستان لەگەڵ ئەمریكا ئەنجام بدات. هەروەها لە بەرامبەریشدا، ترامپ بە كۆمەڵێك پێشمەرجی زۆر و قورسەوە، نامەیەك بۆ...

درێژه‌ی بابه‌ت

هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد

کۆچی دواییکرد و تەرمەکەی ناگەڕێندرێتەوە رۆژهەڵاتی کوردستان. رەنج پشدەری، چالاکڤانی کورد لە سوێد، ئەمڕۆ هەینی بە تۆڕی میدیایی رووداوی گوت: "سەید عەلی رەحیم پوور،...

درێژه‌ی بابه‌ت

په‌یوه‌ندی راسته‌وخۆ

گه‌ڕان

بەندکراوێکی سیاسیی کورد گیانی لە مەترسی دایە

^{تەندروستیی "ئەفشین سوهراب زادە" بەندکراوی سیاسیی کوردی خەڵکی کرماشان لە مەترسی دایە و بە گوێرەی راپۆرتی کۆمەڵەی مافی مرۆڤ لە کوردستان ئەو بەندکراوە کوردە بە دەست شێرپەنجەی ریخۆڵەوە دەناڵێنێت، بەرپرسانی بەندیخانەش بەرامبەر بەو بەندکراوە کەمتەرخەمن.}

^{سوهراب زادە بە تۆمەتی بێڕێزی بە پیرۆزییەکان و ئەندامبوون لە حزبێکی کوردیی ئۆپۆزسیۆنی ئێران لەلایەن دادگای شۆڕشی ئێرانەوە سزای 25 ساڵ بەندکردنی بۆ بڕاوەتەوە.}

^{بە گوتەی ناوەندی بەرگریی لە مافی مرۆڤی کوردستان کە لەزاری کەسوکاری سوهراب زادەوە گواستوویەتەوە، دادگا تەنیا لە 5 خولەکیدا سزای 25 ساڵ زیندانیکردنی بۆ سوهراب زادە بڕیوەتەوە.}

^{سوهراب زادە ئێستا لە بەندیخانەی شاری میاندواو بەند کراوە و ئەمە لە کاتێک دایە ماوەیەکە بە دەست شێرپەنجەی ریخۆڵە و خوێنبەربوون و نەخۆشیی گورچیلەوە دەناڵێنێت.}

^{ئەفشین سۆهراب زادە هاوینی ساڵی 2015 بە مەبەستی چارەسەرکردنی پزیشکی گواستراوە بۆ بەندیخانەی ئێڤین، بەڵام دوو مانگ لەمەوبەر بەبێ وەرگرتنی چارەسەری و بە گوتەی بەرپرسانی ئێران بەهۆی گرانیی تێچووی دەرمان (185 ملیۆن تمەنی ئێرانی) گەڕێندرایەوە بەندیخانەی میاندواو.}

^{ئەفشین سوهراب زادە، تەمەنی 24 ساڵە و خەڵکی شاری کرماشانە و لە 8ی حوزەیرانی 2010 وە لەلایەن هێزە ئەمنییەکانی شاری کامیارانەوە دەستبەسەر کراو و دوای لێپێچینەوە گواستوویانەتەوە بۆ بەندیخانەی ناوەندیی شاری سنە و دواتر بۆ بەندیخانەی میاندواو دوور خرایەوە.}

^{سوهراب زادە لە میانەی نامەیەکدا بۆ ئەحمەد شەهید نێردراوی نەیەوە یەکگرتووەکان بۆ مافی مرۆڤ نووسیویەتی: "ئەوەندی لە بیرم بێت بەرلە دەستبەسەر کرانم باری تەندروستیم تەواو جێگیر بوو، بەڵام لە ئیدارەی ئیتلاعات ئەشکەنجەیەکی زۆریان کردم".}
^10/3/2016

پیتەر ڤان بیورن: ده‌وڵه‌تی كوردستان پێویسته‌

^{هه‌ولێر-KDP.info- ئاژانسی (ڕۆیتەرز)ی ئەمه‌ریکایی، وتارێکی(پیتەر ڤان بیورن)ی سەبارەت بە 100 ساڵەی (سایکس پیکۆ) بڵاو کراوەتەوە و، تێیدا جەخت لەسەر پێویستیی دامەزراندنی دەوڵەتێك بۆ گەلی کورد دەکات.}

^{لە وتارەکەیدا كه‌ به‌ ناوی "کاتی پەیماننامەیەکی نوێی (سایکس پیکۆ)یە بۆ نەخشەداڕشتنەوەی رۆژهەڵاتی ناوەڕاست"دا ئاماژەی داوه‌، کە بۆ چارەسەری ئاڵۆزییەکانی ڕۆژھەڵاتی ناوەڕاست، ئه‌مریکا و ڕووسیا و ئێران، پێویستیان بە ھەماھەنگیی سەربازییە.}

^{(نووسه‌ر باوه‌ڕی وایه‌، لە ئەنجامی گفتوگۆی ھەمەلایەنەدا، جگە لە درووستکردنی دەوڵەتێك بۆ کورد کە تێیدا گشت مافە نەتەوەییەکانی پارێزراو بێت، پێویستە لە گفتوگۆ و چارەسەرەکردنەکەدا شوێنێک بۆ دەوڵەتێکی ئیسلامیش دیاری بکرێت، بە جۆرێك کە ئەو دەوڵەتە ببێتە نیشتمانێکی سوننەی عەرەبی، پێکھێنانیشی بە بڕوای نووسەرەکە، وا دەکات کە سەرەڕۆییی داعش سنووردار بکرێت و لە ڕووی جیۆگرافییەوە چوارچێوەیەکیان بۆ دیاری بکرێت.}

^{(پیتەر ڤان بیورن Peter Van Buren) نووسەری کتێبی (چۆن بوومە ھۆکار بۆ شکستھێنانی جەنگێک لە پێناو خەڵکی عێراق)ه‌ و، فەرمانبەری پێشووی وەزارەتی دەرەوەی ئەمەریکا بووه‌.}
^10/3/2016

پلانێکی حکوومەتەکەی عەبادی بۆ گواستنەوەی پایتەختی عێراق ئاشکرا بوو

^{سەرچاوەیەکی ئاگادار، کە هاوکات یەکێکە لە سەرپەرشتیارانی خۆپیشاندانەکانی بەغدا، ئاشکرای کرد، حکوومەتی عێراقوو فیدڕاڵ پلانی داناوە، بۆ گواستنەوەی پایتەختی عێراق لە شاری بەغداوە بۆ شاری نەجەف.}

^{سەرچاوە ئاگادارەکە، کە نەیویست ناوەکەی ئاشکرا بکرێت، بە (باسنیوز)ی ڕاگەیاند: “ئەگەر خۆپیشاندەران بگەنە ناوچەی سەوزی شاری بەغدا و ڕەوشەکە ئاڵۆزتر بێت، حکوومەت پلانی ئەوەی هەیە، کە پایتەختی عێراق بۆ شاری نەجەف بگوازێتەوە”. ڕوونیشی کرەوە: “حکوومەت بەنیازە، لەو کاتەدا هەموو بەرپرسان و دەزگا فەرمییەکان، بۆ شاری نەجەف بگوازێتەوە، بۆ ئەوەی لەوێوە ئیدارەی دەوڵەت بدات".}

^{بە گوتەی سەرچاوەکەی (باسنیوز)، ئەو پلانە لە لایەن “عەمار حەکیم”، سەرۆکی ئەنجومەنی باڵای ئیسلامی لە عێراقەوە بە حکوومەتەکەی عەبادی دراوە و بە نیازن لە ئەگەری دابەشبوونی عێراقدا، نەجەف ببێتە پایتەختی شیعەکانی عێراق. ئەوەشی خستەڕوو، سوننەکان گفتوگۆی ئەوە دەکەن کە کام لە شارە سوننییەکان، ڕومادی یان تکریت، یانیش مووسڵ لە دوای ڕزگارکردنی لە دەست داعش، بکرێتە پایتەختی سوننەکان.}

^{پێشتر “موقتەدا سەدر”، ڕابەری ڕەوتی سەدر، هەڕەشەی چوونە ژوورەوەی بۆ ناوچەی سەوزی بەغدا کرد، ئەگەر حکومەتەکەی عەبادی چاکسازییەکان بەو شێوەیە نەکات کە خۆپیشاندەران و لایەنگرانی داوای دەکەن.}
^10/3/2016a

عێراق و ئێران رێککه‌وتنێکی نوێی نەوت و گاز ئیمزا ده‌که‌ن

جێگری وه‌زیری نه‌وتی ئێران رایگه‌یاند ئێران و عێراق له‌سه‌ر بازرگانی بواری نه‌وت رێککه‌وتوون و له‌م ماوه‌یه‌دا هێڵی گازی نێوان هه‌ردوو وڵات کۆتایی دێت و ده‌ست ده‌کرێت به‌ هه‌نارده‌ی گاز له‌لایه‌ن تاران بۆ به‌غدا.

ئه‌میر ‌حوسێن جێگری وەزیری نەوتی ئێران به‌ میدیاکانی وڵاته‌که‌ی راگه‌یاند "دوای رێککه‌وتنی ناوه‌کی، یه‌که‌م جاره‌ له‌گه‌ڵ لێژنه‌یه‌کی عێراق کۆببینه‌وه‌ و له‌و کۆبوونه‌وه‌یه‌ ئێران و عێراق له‌سه‌ر نه‌وت و بازاڕه‌کانی رێککه‌وتوون، هه‌روه‌ها بڕیارمان داوه‌ بازرگانی نه‌وت لە هه‌ر سێ کێڵگەی هاوبەشی سوهراب، خوڕەمشەهر و نه‌وتخانه‌ی باشووری به‌رده‌وام بێت".

راشیگه‌یاند" له‌و کۆبوونه‌وه‌یه‌ رێککه‌وتوون له‌ ماوه‌ی سێ هەفتەی داهاتوو گازی ئێران ڕادەستی عێراق بکەین، هێڵی گازی دیالە لە نێوان ئێران و عێراقدا ته‌نها ٢٠ کیلۆمەتر ماوە کە ته‌واو بێت ئومێد ده‌که‌ین له‌م ماوه‌یه‌دا کۆتایی بێت".

جێگری وه‌زیری نه‌وتی ئێران ئه‌وه‌شی خسته‌ڕوو "هه‌ردوولا ڕێککەوتنمان کردووە کە لێژنه‌ی هاوبه‌ش بۆ که‌رتی نه‌وت و گاز دروست بکرێت، بۆ ئه‌وه‌ی سیاسه‌تی هاوبه‌ش جێبه‌جێ بکه‌ن، هه‌روه‌ها له‌و رێککه‌وتنه‌دا باسمان له‌وه‌ کردووە خولی راهێنان بۆ فەرمانبەرانی بەشی نەوت و گازی عێراق بکرێته‌وه‌".
10/3/2016

هێلاری کلینتۆن لە هەڵبژاردنە سەرەتاییەکانی میشیگان شکستی هێنا

^{لە کێبڕکێیە سەرەتاییەکانی هەڵبژاردنی سەرکۆماری لە ویلایەتی میشیگانی ئەمەریکا "بێرنی سەندێرز"ی سەر بە کۆماریخوازەکان بەسەر هێلاری کلینتۆندا سەرکەوت.}

^{دوای ژماردنی دەنگەکان، بێرنی سەندێرز سیناتۆڕی تەمەن 74 ساڵان توانی بە دەستەبەرکردنی نزیکەی 50٪ی دەنگەکان لە ویلایەتی "ورمۆنتی" هیلاری کلینتۆنی تێپەڕێنی.}

^{شکستی کلینتۆن لە ویلایەتی میشیگان بووە جێی سەرسووڕمانی چاودێران، بەڵام هێلاری کلینتۆن، وەزیری پێشووی دەرەوەی ئەمریکا توانی لە ویلایەتەکانی "میشیگان و می سی سی پی" بە دەستەبەرکردنی 82.6%ی دەنگەکان سەندێرز شکست بدات.}

^{ئەوە لە کاتێک دایە لەکۆی ئەندامانی حزبی دیموکرات بۆ کۆنگرەی ئەو حزبە، هێلاری هەوا لە پێشەنگە.}

^{هاوکات "دۆناڵد ترامپ" كاندیدە میلیاردێرەكەی كۆمارییەكان سەركەوتنێكی دیكەی لە ھەڵبژاردنە سەرەتاییەكانی حزبەكەی بەدەستھێنا.}
^{رۆژی سێشەممە ترامپ توانی لە ویلایەتەكانی "می سی سی پی و میشیگان" بەسەر سێناتۆر "تێد كروز" و سێناتۆر "ماركۆ رۆبیۆ"دا سەربكەوێت.}

^{بەپێی ئامارەكان ترامپ لە می سی سی پی 47%ی دەنگەكان و لە میشیگان 37%ی دەنگەكانی بەدەستھێناوە و ئەوەش بە سەركەوتنێكی گەورەی دیكە بۆ ئەو كاندیدە سەرنجڕاكێشەی كۆمارییەكان ھەژمار دەكرێت.}
^9/3/2016

کونگرێس: گەمارۆی زیاتری ئابووری دەخەینە سەر ئێران

^{دوای دەستپێکردنی قۆناغی تاقیکردنەوەی مووشەکی بالستیک لەلایەن ئێرانەوە، کۆنگرێس و سەنای ئەمەریکا هەوڵەکانیان بۆ دانانی گەمارۆی زیاتر بۆ سەر ئەو وڵاتە چڕتر دەکەنەوە.}

^{بەپێی راپۆرتی ئاژانسی رۆیتەرز "پۆل رایان" سەرۆکی کۆنگرێسی ئەمەریکا لە کاردانەوەیەک دژی تاقیکردنەوەی مووشەکی بالستیک لەلایەن سوپای پاسدارانی ئێرانەوە رایگەیاند: "لە هەوڵەکانمان بۆ دانانی گەمارۆی زیاتر بۆ سەر ئێران بەردەوام دەبین".}

^{سوپای پاسدارانی ئێران دوێنێ سێشەممە دوا قۆناغی تاقیكردنەوەی مووشەكی باڵستیكی دەست پێكردووە، ئەوەش ناڕەزایی بەرپرسانی ئەمەریکای لێکەوتەوە.}

^{ئەوە لە کاتێک دایە کە "ئەمیرعەلی حاجیزادە"، فەرماندەی ھێزی ئاسمانی کۆماری ئیسلامیی ئێران بە ئاژانسی ئیسنای ئێرانی گوت: " ئەو مووشەکانی تاقی کراونەتەوە، دەتوانن مەودای 2 ھەزار كیلۆمەتر ببڕن".}

^{بە گوێرەی راپۆرتێکی ئاژانسی هەواڵی رۆیتەرز، سەرۆکی کۆنگرێسی ئەمریکا کە سەر بە باڵی کۆماریخوازەکانە، تاقیکردنەوەی مووشەکی بالستیک لەلایەن ئێرانەوە بە پێشێلکردنی رێککەوتننامەی نێودەوڵەتی دەزانێت.}

^{بەرپرسانی ئەمەریکا و فەرەنسا پێشتر رایانگەیاندبوو، تاقیکردنەوەی مووشەکی بالستیک لەلایەن ئێرانەوە بە مانای پێشێڵكردنی رێكکەوتنی 2231 ی ئەنجومەنی ئاسایشی نەتەوە یەكگرتووەكانە، چونکە ئەو مووشەکانی توانای هەڵگرتنی کڵاوەی ئەتۆمییان هەیە.}

^{"باب کورکر" سەرۆکی لێژنەی پەیوەندیی دەرەکی سەنای ئەمەریکا لە بەیاننامەیەکدا رایگەیاند: "سەنای ئەمەریکا سەرقاڵی داڕشتنی پڕۆژەیەکە بۆ ئەوەی گەمارۆی زیاتر بخاتە سەر ئێران".}
^9/3/2016

ئەمریکا ئەگەری کوژرانی وەزیری جەنگی داعش پشتڕاستدەکاتەوە

بەرپرسانی ئەمریکا ئەگەری کوژرانی سەرکردەیەکی نزیک لە ”ئەبوبەکر بەگدادی“، خەلیفەی رێکخراوی توندڕەوی داعش و وەزیری جەنگی ئەو وڵاتە، پشتڕاستدەکەنەوە.

”پیتەر کۆک“، گوتەبێژی وەزارەتی بەرگریی ئەمریکا رایگەیاندووە، کە فڕۆکە بێفڕۆکەوانەکانی ئەمریکا ”ئەبو عومەر چیچانی“، وەزیری جەنگی داعشیان لە نزیک شاری شەدادی لە سوریا بۆردومان کردووە.

بەرپرسانی ئەمریکا بە دروستی باس لەوە ناکەن، کە ئەبو عومەر چیچانی کوژراوە، بەڵام ئاماژە بەوەدەکەن، کە ئەگەر هەیە لە ئەنجامی بۆردومانەکە ئەو سەرکردەیەی داعش کوژرابێ.

چەند جارێکی دیکەش میدیا جیهانییەکان کوژرانی ئەو سەرکردەیەی داعشیان راگەیاندووە، بەڵام ئەمجارە بەرپرسانی وەزارەتی بەرگریی ئەمریکا ئەگەرەکان پشتڕاستدەکەنەوە.

ئەبو عومەر چیچانی، لە ساڵی 1986 لە جۆرجیا لەدایک بووە و بە رەچەڵەک خەڵکی چیچانە. کەسێکی نزیکی ئەبوبەکر بەغدادی بووە و وەک سەرچاوە هەواڵییەکان باسی دەکەن، بەغدادی لە بواری سەربازییدا زۆر پشتی بەو چیچانییە بەستووە و وەک وەزیری جەنگ دیارییکردووە.
9/3/2016

ئافرەتان خوێنیان بە هێزی پێشمەرگە بەخشی

^{سۆران-KDP.info- ئەنجوومەنی ئافرەتانی سۆران، لە یادی (٨)ی مارس؛ رۆژی ئافرەتاندا، چەندین بوتڵ خۆینیان بە هێزی پێشمەرگە بەخشی.}

^{(زیبا تەها) بەرپرسی ئەنجوومەنی ئافرەتانی سۆران، بە ماڵپەڕی فەرمیی پارتی دیموكراتی كوردستان رایگەیاند: "ئەمڕۆ لە یادی (٨) مارس؛ رۆژی جیهانیی ئافرەتاندا، ستافی ئەنجوومەنەكەمان بە هاوكاری ئافرەتانی ناحیەكانی سنوورەكەمان، بە دروشمی (لەپێناو بەرگریتان لە خاك، بە خوێن لەگەڵتانداین)ـەوە لە نەخۆشخانەی لەدایكبوون و منداڵانی سۆراندا، وێڕای بەخشینی گوڵەنێرگز بە پزیشك و كارمەندانی نەخۆشخانەکە، چەندین بوتڵ خوێنمان بە پێشمەرگە قارەمانەكان بەخشی."}

^{ئاماژەیشی دا، ئەگەر نەیشتوانین شان‌بەشانی پێشمەرگە لە سەنگەرەكانی بەرگریدا بجەنگین، خۆ دەتوانین بە بەخشینی خوێن بشتیان بگرین.}
^9/3/2016

ئۆپۆزسیۆنی سوریا چه‌كی كیمیاوی له‌دژی كورد به‌كارهێنا

^{ئه‌مرۆ سێشه‌ممه‌، به‌بۆنه‌وه‌ی رۆژی ئافره‌تانی جیهان له‌ شاری هه‌ولێر 8 ئافره‌تی هونه‌رمه‌ندی ناسراوی كورد خه‌ڵاتكران.}

^{ئه‌مڕۆ یه‌كینه‌كانی پاراستنی گه‌ل، ژماره‌یه‌ك هێزی ئیسلامی و ئۆپۆزسیۆنی سوریایان تۆمه‌تباركرد به‌وه‌ی چه‌كی كیمیاوییان له‌دژی ناوچه‌یه‌كی شاری حه‌له‌ب به‌كارهێناوه‌ كه‌زۆرینه‌ی دانیشتوانه‌كه‌ی كوردن.}

^{به‌گوێره‌ی بڵاوكراوه‌یه‌كی فه‌رمی فه‌رمانده‌یی یه‌كینه‌كان، هێزه‌كانی ئۆپۆزسیۆن به‌شێوه‌یه‌كی چڕ ناوچه‌ی شێخ مه‌قسودی حه‌له‌بیان به‌ ماده‌ی كیمیاوی بۆردوومان كردووه‌و، پێده‌چێت ماده‌كه‌ فسفۆڕ بێت. ڕووداوه‌كه‌ش كاتژمێر 15:00 به‌كاتی ناوخۆیی ئه‌و شاره‌ ڕوویداوه‌.}

^{یه‌كینه‌كان له‌ ڕوونكردنه‌وه‌یه‌كدا كه‌ناردوویانه‌ بۆ هێزی چاودێری كردنی ئاگربه‌ست له‌سوریا، ئاماژه‌یان به‌وه‌ داوه‌ كه‌ ژماره‌یه‌ك گروپی ئۆپۆزسیۆن پێكه‌وه‌ هێرشه‌كه‌یان ئه‌نجام داوه‌، له‌وانه‌: ئه‌حراری شام، جه‌بهه‌ی شامییه‌، لیوای 13 و نوره‌دین زه‌نكی.}

^{هه‌روه‌ها له‌ڕوونكردنه‌وه‌كه‌دا هاتووه‌: " لانی كه‌م 16 كه‌س كوژراون كه‌ ژن و منداڵیشیان تێدایه‌. له‌ئه‌نجامی ئه‌و بۆردوومانه‌دا كه‌ به‌ده‌یان ڕۆكێتی تێدا به‌كارهێنرا".}

^{شیاوی باسه‌ ڕۆژی یه‌كشه‌ممه‌ی ڕابردوو، گروپه‌كانی ئۆپۆزسیۆنی سوریا گه‌ڕه‌كی شێخ مه‌قسودی حه‌له‌بیان به‌چڕی بۆردوومان كرد.}
^9/3/2016

حكوومەتی هەرێم؛ مەترسیی قەیرانی دارایی بۆ وڵاتانی گرووپی حەوت خستە ڕوو

^{هەولێر-KDP.info- حكوومەتی هەرێمی كوردستان پلانی چاكسازى و چارەكردنی قەیرانی دارایی؛ بۆ نوێنەرانی حه‌وت وڵاتە بەهێزەكەی جیهان كە بە وڵاتانی G7 ناسراون، ئاشكرا كرد.}

^{پێشنیوەڕۆی ئەمڕۆ 7/3/2016 (نیچیرڤان بارزانی) سەرۆكوه‌زیرانى هه‌رێمى كوردستان و (قوباد تاڵەبانی) جێگری سەرۆكوەزیران، لەگەڵ باڵیۆز و نوێنەری وڵاتانی G7 و نوێنەری یۆنامی و نوێنەری یەكێتیی ئەورووپا لە عیراق كۆبوونەوە.}

^{لە سەرەتای كۆبونەوەكه‌دا (نێچیرڤان بارزانی) بە گەرمی به‌خێرهاتنى شاندی میوانى كرد و ستایشى دەستپێشخەرییەكەیانی كرد بە سەردانیان بۆ شاری هەولێر. دواتر باسی لە مەترسیی قەیرانی دارایی لەسەر هەرێمی كوردستان كرد و تیشكى خسته‌ سه‌ر هۆكارەكانی كە بریتین لە بڕینی بەشە بودجەی هەرێم لە لایەن حكوومەتی عیراقەوە، هاتنی زیاتر لە ملیۆنێك و 800 هەزار ئاوارە و پەنابەر بۆ كوردستان، شەڕی داعش و دابەزینی نرخی نەوت لە بازارەكانی جیهان.}

^{سەرۆكوەزیران بۆ شاندی میوان ڕوونى كردەوە كە قەیرانی دارایی مەترسییەكی گەورەی لەسەر هەرێمی كوردستان دروست كردووە، بۆیه‌ حكوومەتی هەرێم پلانێكی تۆكمەی بۆ تێپه‌ڕاندنى ئەو قەیرانە داڕشتوە و داواى كرد وڵاتانی جیهان هاوكاریى هه‌رێمى كوردستان بكه‌ن بۆ ئەوەی بە كەمترین زیان له‌م قه‌یرانه‌ دەربازى ببێت.}

^{دواتر (قوباد تاڵەبانی) پلانی چاكسازیى حكوومەتی هەرێمی كوردستانى بۆ شاندی میوان شیكردەوە و باسی لە وردەكاریی هەنگاوەكانی جێبەجێكردنی ئەو پلانە كرد كە دواجار دەبێتە چاكسازییه‌كى گشتگیر لە هەموو سێكتەرەكانی حكوومەتدا. باسى له‌وه‌ش كرد كه‌ سەرەكیترین خاڵی ئەم پلانە دروستكردنی هاوسەنگیەكی باشه‌ لە نێوان خەرجی و داهاتی حكوومەت كە 95%ی داهاتی فرۆشتنی نەوته‌.}
^{لە درێژەی خستنەڕووی پلانی چاكسازیى حكوومەتدا، بەڕێزیان ئاماژه‌ى به‌وه‌ دا كه‌ ئامانج لە پلانی چاكسازى؛ ڕێكخستنەوەی ژێرخانی ئابووریی هەرێمی كوردستان و باشتركردنی ژیان و بژێوی خەڵكە.}

^{دواتر شاندیG7 سەرنج و تێبینیی خۆیان سەبارەت بە پلانەكە خستە ڕوو و ئامادەییشان بۆ هاوكاریكردنی حكوومەتی هەرێمى كوردستان دەربڕی و داویان كرد پەیوەندیی نێوان حكوومەتی هەرێم و حكوومەتی بەغدا ئاسایی ببێتەوە بۆ ئەوەی هەردوولا سوود لەیەكتر ببینن.}

^{لە بەرامبەردا (نێچیرڤان بارزانى) ئامادییى حكوومه‌تى بۆ ئاساییكردنەوەی پەیوەندییه‌كان لەگەڵ حكوومەتی بەغدا له‌ ڕێگه‌ى دیالۆگ و لێكگه‌یشتنه‌وه‌ ده‌ربڕى، هه‌روه‌ها داواى له‌ كۆبوونه‌وه‌ى داهاتووى گرووپى G7دا كه‌ له‌ تۆكیۆ ده‌به‌سترێت، گرنگى به‌ دۆخى كوردستان بدرێت.}

^{له‌ كۆبونەوەكه‌دا هەریەكە لە د. ڕۆژ نووری شاوەیس، ئاشتی هەورامی وەزیری سامانە سروشتیەكان، عەلی سندی وەزیری پلاندانان، سەفین دزەیی وتەبێژیی فه‌رمیى حكوومەت و فه‌لاح مستەفا بەرپرسی فەرمانگەی پەیوەندییەكانى ده‌ره‌وه‌ى هه‌رێم، ئاماده‌ بوون.}
^8/3/2016

هەشت چالاکوانی کورد لە شنۆ دەستبەسەر کران

^{لە ماوەی رۆژانی رابردوودا لەلایەن ئیدارەی ئیتلاعاتی حکوومەتی ئێران لە شاری شنۆ لانیکەم 8 هاووڵاتیی لەو شارە دەستبەسەر کراون.}

^{بەپێی هەواڵی ئاژانسی کوردپا، چەند رۆژێک دوای هەڵبژاردنەکانی ئێران، 5 هاووڵاتی لە شاری شنۆ دەستبەسەر کراون و چارەنووسیان هەتا ئێستا بە ناڕوونی ماوەتەوە.}

^{ڕاپۆڕتە باوەڕپێکراوەکان لەو شارە باس لە دەستبەسەر کردن و گواستنەوەی ئەو هاووڵاتییانە لە لایەن هێزە ئیتلاعاتییەکانەوە بۆ شوێنێکی نادیار دەکەن.}

^{سەرچاوەکان وێڕای پشتڕاستکردنەوەی شوناسی ئەو 5 کەسە ئەوەشی خستەڕوو کە؛ دەستبەسەر کراوەکان ٨ کەسن، بەڵام شوناسی سێ کەسیان هەتا ئێستا ڕوون نەبووەتەوە.}

^{ناسنامەی ئەو پێنج هاووڵاتییە دەستبەسەر کراوە بە ناوەکانی "وەلی شەریفی، ڕەزا عێزەت تاج، محەممەد ڕوویان، فاروق شەفاهی و سابیر ڕەسووڵپوور" ڕاگەیەنراوە.}

^{ئەو سەرچاوەیە تەمەنی دەستبەسەرکراوەکانی لە نێوان 20 هەتا 33 ساڵ ڕاگەیاندووە.}

^{شاری شنۆ لە 70 کیلۆمێتری لە باشووری ڕوژئاوای شاری ورمێ هەڵکەوتووە و 35 هەزار کەس حەشیمەتی هەیە و بە یەکێک لە شارە دێرینەکانی کوردستانی رۆژهەڵات دێتە ئەژمار.}

^{ئەو ڕاپۆڕتە باس لە چۆنیەتی و شێوازی دەستبەسەر کردنی ئەو هاووڵاتییانە لەلایەن هێزە ئیتلاعاتییەکانەوە دەکات کە هەڵسوکەوتیان زۆر توند بووە و هێندێک لە گیراوەکان لەگەڵ ئازار و ئەشکەنجە بەرەوڕوو بوونەتەوە.}

^{هەتا ئیستا لە هۆکار و هۆی دەستبەسەرکران و شوێنی ڕاگیرانی ئەو 5 هاووڵاتییە هیچ زانیارییەک لەبەردەستدا نییە و بەدواداچوونی بنەماڵە و کەسوکاریان بۆ ئاگادار بوون لە گیراوەکان، بێ‏ئاکام ماوەتەوە.}
^8/3/2016

رۆژنامەیه‌كی فەرەنسی: دامەزراندنی دەوڵەتی کوردی سوود بە ئاشتی ناوچەکە دەگەیەنێت

^{رۆژنامەی لوموندی فەرەنسی لە راپۆتە ھەواڵێکدا، ئاماژە بە گرنگی سەربەخۆیی و دامەزراندنی دەوڵەتی کوردیی لە ناوچەکەدا دەکات و دەڵێ " دامەزراندنی دەوڵەتی کوردی سوود بە ئاشتی ناوچەکە ده‌گه‌یه‌نێ".}

^{رۆژنامەکە بڵاویشی كردووه‌ته‌وه‌ كه‌ ھەرچەند کورد لە وڵاتەکانی تورکیا و ئێران و سوریا بڵاوبوونەتەوە . لە عێراق پرۆژەی دامەزراندنی دەوڵەتی کوردی شەرعییەتێکی گەورەتری لە گەڵدایە .}

^{رۆژنامەکە ئاماژە دەدات بەئه‌وەی لە ساڵی حەفتاکانەوە کوردی عێراق ئۆتۆنۆمییان ھەیە و کۆمەڵێک رەگەزی سەربەخۆییان ھەیە و تەنانەت لە گەلێک له‌ شوێنە دیپلۆماسییەکاندا ئاڵاکەیان بە تەنیشت ئاڵای وڵاتانەوە دانراوە.}
^{لە درێژەی ڕاپۆرته‌ هه‌واڵه‌كه‌ی ڕۆژنامه‌ فه‌ڕه‌نسییه‌كه‌دا هاتووه‌ " ئەم بارودۆخە وایکردووە ،مەسعود بارزانی سەرۆکی ھەرێمی کوردستان داوای ئەنجامدانی ریفراندۆم لەسەر سەربەخۆی کوردستان بکات . ئەمەش لە ئارەزووکردنی نمونەکانی کەتەلۆنیا و سکوتلەندا و کیبکەوە سەرچاوەی گرتووە و ریفراندۆمەکە بۆ زیاتر راوێژە بە رای گشتی ، کە ئایا دەیانەوێ لەگەڵ بەغدا بپچرێن".}

^{له‌ درێژه‌ی ڕاپۆرته‌كه‌دا هاتووه‌ "دوای چەندان ساڵ لە تێکۆشان دژی حکومەتەکانی ناوەند و بەتایبەت رژێمی سەدام تایبەت رژێمی سەدام حسێن کورد توانیوویانە تا ئاستێکی پێویست پێ بگەن،. لە دوای 1991ەوە پەیوەدنییەکانیان لەگەڵ بەغدا بە کێشە و ئاڵۆزی بوو، حکومەتەکەی ھەولێر توانی بیسەلمێنێ کە دەتوانێ خۆی بەڕێوە ببات، سەرەڕای ھەموو ئاستەنگەکانی کە رووبەڕووی بووەوە".}

^{ئه‌و ڕۆژنامه‌یه‌ ئاماژه‌ی بۆ ئه‌وه‌ش كردووه‌ كه‌ لە لایەکی ترەوە دەوڵەتی کوردی لە عێراق بووە بە پرۆژەیەکی ئاقڵانە و بەسوود . یەکەم شتی ئەوەیە کۆتایی بە سەردەمی بێ ئومێدی وچەوسانەوەی کورد دەھێنێ.}
^8/3/2016

مه‌سرور بارزانی: به‌غدا كورد ناچار ده‌كات به‌ دوای ئه‌لته‌رناتیڤی دیكه‌ بگه‌ڕێ

له‌میانه‌ی كۆبوونه‌وه‌یه‌كی له‌گه‌ڵ مه‌سرور بارزانی ، ڕاوێژكاری ئه‌نجومه‌نی ئاسایشی هه‌رێمی كوردستان، باڵیۆزی ژاپۆن له‌ عێراق ئاماژه‌ی بۆ ئه‌وه‌ كرد كه‌ هه‌رێمی كوردستان ئارامترین هه‌رێمی عێراقه‌ و سه‌قامگیری كوردستان كلیلی سه‌قامگیری ناوچه‌كه‌ و پێویستیه‌كانی وزه‌ی ژاپۆنه‌.

نووسینگه‌ی ڕاگه‌یاندنی ڕاوێژكاری ئه‌نجومه‌نی ئاسایشی هه‌رێمی كوردستان بڵاوی كردووه‌ته‌وه‌ كه‌ ئه‌مڕۆ 7/3/2016 مه‌سرور بارزانی له‌ میانه‌ی پێشوازیكردنی له‌ فومیۆ ئیوای، باڵیۆزی ژاپۆن له‌ عێراق رایگه‌یاند، گوێنه‌دانی به‌غدا به‌ كورد و بڕیاری بڕینی بودجه‌ی هه‌رێمی كوردستان، كورد ناچار ده‌كات به‌دوای ئه‌لته‌رناتیڤی دیكه‌ بگه‌ڕێ.

له‌ دیدارێكدا گفتوگۆ له‌باره‌ی قه‌یرانی دارایی هه‌رێمی كوردستان كرا، كه‌ له‌ ئه‌نجامی بڕینی بودجه‌ی هه‌رێمی كوردستان له‌لایه‌ن حكوومه‌تی فیدراڵی عێراق و هاتنی نزیكه‌ی دوو ملیۆن ئاواره‌ی به‌شه‌كانی دیكه‌ی عێراق و په‌نابه‌ری سوری و تێچووی زۆری شه‌ڕی به‌رده‌وامی دژ به‌ تیرۆرستانی داعش دروست بووه‌، له‌به‌رامبه‌ردا باڵیۆزی ژاپۆن رایگه‌یاند، به‌ نوێنه‌رایه‌تی حكوومه‌تی ژاپۆن قوربانییه‌كانی پێشمه‌رگه‌ به‌رز ده‌نرخێنێ و ئاماژه‌ی به‌ ئاسایش و ته‌ناهی هه‌رێمی كوردستاندا و گوتی: هه‌رێمی كوردستان ئارامترین هه‌رێمی عێراقه‌ و سه‌قامگیری كوردستان كلیلی سه‌قامگیری ناوچه‌كه‌ و پێویستیه‌كانی وزه‌ی ژاپۆنه‌.

هه‌ر له‌ دیداره‌كه‌دا تیشك خرایه‌ سه‌ر رۆڵی وڵاتی ژاپۆن له‌ په‌ره‌پێدانی هه‌رێمی كوردستان و ئاوه‌دانكردنه‌وه‌ی ناوچه‌ رزگاربووه‌كانی ژێر ده‌ستی داعش.

له‌ به‌شێكی دیكه‌ی دیداره‌كه‌دا باس له‌ په‌یوه‌ندییه‌كانی نێوان به‌غدا و هه‌ولێر كرا، له‌وباره‌وه‌ مه‌سرور بارزانی رایگه‌یاند، گوێنه‌دانی به‌غدا به‌ كورد و بڕیاری بڕینی بودجه‌ی هه‌رێمی كوردستان، كورد ناچار ده‌كات به‌ دوای ئه‌لته‌رناتیڤی دیكه‌ بگه‌ڕێ.
8/3/2016

كۆمەڵگەی نێودەوڵەتی ئامادەی یارمەتیدانی هەرێمی كوردستانە

^{ئەمڕۆ دووشەممە مەسعوود بارزانی سەرۆکی هەرێمی کوردستان لەگەڵ نوێنەری تایبەتی نەتەوە یەکگرتووەکان، باڵێزی ولاتانی ئەمەریکا، بەریتانیا و چەند ولاتی دیکەی ئەورووپی کۆبووە.}

^{لە کۆبووونەوەکەدا نوێنەر و باڵیۆزی وڵاتانی ئەورووپی وێرای بەرزنرخاندنی هەوڵەکانی هەرێمی کوردستان و پێشمەرگە لە شەڕی داعش ئامادەیی خۆیان بۆ یارمەتیدانی هەرێمی کوردستان لە قەیرانی دارایی دەربڕیوە.}

^{سەرۆکایەتیی هەرێمی کوردستان لەم بارەوە راگەیەندراوێکی بڵاو کردووەتەوە و وێنەیەکیشی باۆ ئاژانسی (باسنیوز) ناردووە.}

^{دەقی راگەیەندراوەکە:}

^{سەرۆكی هەرێمی كوردستان لەگەڵ شاندێكی هاوبەشی نەتەوە یەكگرتووەكان و یەكێتی ئەوروپا و وڵاتانی گرووپی حەفت و بانكی جیهانی كۆبۆوە}

^{ڕۆژی دووشەممە 7ـی 3ـی 2016 لە سەلاحەدین "مەسعوود بارزانی" سەرۆكی هەرێمی كوردستان لەگەڵ شاندێكی هاوبەشی نەتەوە یەكگرتووەكان و یەكێتی ئەورووپا و وڵاتانی گرووپی حەفت و بانكی جیهانی كۆبووەوە كە پێكهاتبوو لە "جان كۆبیس" نوێنەری تایبەتی سكرتێری گشتیی ڕێكخراوی نەتەوە یەكگرتووەكان لە عێراق و "ستیوارت جۆنز" باڵیۆزی ئەمەریكا و "فرانك بەیكەر" باڵیۆزی بەریتانیا و "سۆمیۆ ئیوای" باڵیۆزی ژاپۆن و پاتریك سیمۆنت سەرۆكی شاندی یەكێتیی ئەوروپا لە عێراق و ڕۆبێرت بیسێت بەڕێوەبەری كاروباری باڵیۆزخانەی كەنەدا و میلان سیماندل جێگری بەڕێوەبەری باڵیۆزخانەی ئەڵمانیا لە عێراق و پاتریك مورا جێگری باڵیۆزی ئیتالیا لە عێراق و ئالێن كونسوڵی گشتیی فەڕەنسا لە هەولێر و ڕۆبێرت جەود بەڕێوەبەری بانكی جیهانی بۆ عێراق.}

^{لە كۆبوونەوەكەدا كە بە مەبەستی تاوتوێكردنی هەوڵە نێودەوڵەتییەكان بۆ یارمەتیدانی هەرێمی كوردستان لە تێپەڕاندنی قەیرانی دارایی و شەڕی داعش و چاكسازی ئەنجام درا، نوێنەری تایبەتی سكرتێری گشتیی ڕێكخراوی نەتەوە یەكگرتووەكان كە سەرۆكایەتیی شاندەكەی دەكرد ئەوەی بە سەرۆك بارزانی ڕاگەیاند كە كۆمەڵگەی نێودەوڵەتی پێزانینی بۆ قوربانیدان و هەوڵەكانی هەرێمی كوردستان هەیە بۆ شەڕكردن لەگەڵ تیرۆریستان و میوانداریكردنی ژمارەیەكی زۆری ئاوارە و هەروەها ئاگاداری بارودۆخی سەختیی دارایی هەرێمن و بە بایەخەوە باسی لە پڕۆژە چاكسازییەكەی سەرۆك بارزانی كرد و ڕایگەیاند كە كۆمەڵگەی نێودەوڵەتی ئامادەی یارمەتیدانی هەرێمی كوردستانە لە بابەتی چاكسازی و تێپەڕاندنی قەیرانی دارایی.}

^{لە بەرانبەردا سەرۆك بارزانی بەخێرهاتنی شاندی میوانی كرد و ئەو سەردانەی وەك پشتگیرییەكی ڕوون بۆ گەلی كوردستان لە قەڵەم دا و لە گوتەیەكدا ڕۆشنایی خستە سەر هەوڵ و قوربانیدانەكانی گەلی كوردستان لە شەڕی داعش و هەروەها حەواندنەوەی سەدانهەزار ئاوارە و پەنابەر لە هەرێمی كوردستان و جەختی لەوە كردەوە كە هەر چەندە لە قەیرانێكی سەختی دارایین بەڵام پێشمەرگە ئەركی نیشتیمانی خۆی زۆر بە باشی لە شەڕكردندا بەجێ گەیاندووە و ڕووبەڕووبوونەوەی تیرۆر و یارمەتیدانی ئاوارەكانیش ئەركێكە لەسەر شانی هەموو لایەكی نێو كۆمەڵگەی جیهانی. سەرۆك بارزانی ئەوەیشی خستەڕوو كە لەڕووی داراییەوە هیچ لایەنێك لە شەڕی داعش و بۆ یارمەتیدانی ئاوارەكان هاوكاریی كوردستانی نەكردووە و دابەزینی نرخی نەوتیش قەیرانی دارایی و باری هەرێمی قورستركرد. لە درێژەی قسەكانیدا سەرۆك بارزانی داوای لە نەتەوە یەكگرتووەكان و وڵاتانی گرووپی حەفت و یەكێتی ئەوروپا كرد كە یارمەتیی كوردستان بدەن لە شەڕ و هاوكاریكردنی ئاوارەكان و هەروەها جێبەجێكردنی چاكسازیی بنەڕەتی ئابووریی و كارگێڕی. پەیوەست بە پڕۆسەی چاكسازی و چارەكردنی گرفتە سیاسییەكانی هەرێم سەرۆك بارزانی ئەوەی بە شاندی میوان ڕاگەیاند كە سوورن لەسەر چاكسازی و بە هەموو توانایەك هەوڵ دەدات پڕۆسەی چاكسازی سەر بگرێت و كەسیش نابێتە كۆسپ لەسەر ڕێگەی چاكسازی و لەگەڵ لایەنە سیاسییەكانیش بەردەوام دەبن بۆ ئەوەی قەیرانی سیاسیی هەرێمیش چارەسەر بكرێت.}

^{لە بەشێكی تری كۆبوونەوەكە بەشداربووانی كۆبوونەوەكە پرسیار و تێبینییەكانی خۆیان لەبارەی شەڕی داعش و قەیرانی دارایی و ئاوارەكان و پەیوەندییەكانی نێوان هەولێر و بەغدا و پڕۆسەی سیاسیی هەرێم ئاراستەی سەرۆك بارزانی كرد و پێزانیان بۆ ڕاشكاوی سەرۆك بارزانی و پێكۆڵیكردنی لە سەرخستنی چاكسازی و دژایەتیكردنی تیرۆر و چارەسەر كردنی قەیرانی سیاسیی هەرێم هەبوو و ڕایانگەیاند كە سیاسەتی سەرۆك بارزانی هاندەری كۆمەڵگەی نێودەوڵەتییە بۆ ئەوەی بە ئومێدەوە سەیری هەرێمی كوردستان بكەن و ئامادەیی خۆیشیان نیشاندا بۆ یارمەتیدانی كوردستان لە تێپەڕاندنی قەیرانی دارایی و هەروەها سەرخستنی پڕۆسەی چاكسازی.}

^{جێگەی ئاماژەپێكردنە هەر لەم كۆبوونەوەیەدا بەڕێوەبەری بانكی جیهانی بۆ عێراق سەرۆك بارزانیی لە هەوڵەكانی بانكی جیهانی بۆ یارمەتیدانی هەرێمی كوردستان و عێراق ئاگادار كردەوە.}
^7/3/2016

لە هۆڵەندا 37ـمین ساڵیادی كۆچی دوایی بارزانی نەمر بەرز ڕاگیرا

^{هۆڵەندا-KDP.info- دوێنێ لە ڕێوڕەسمێكدا كە لە لایەن لیژنەی ناوچەی (پ.د.ك) لە هۆڵەندا ڕێك خرابوو و، هەریەك لە (جەعفەر ئێمینكی) ئەندامی مەكتەبی سیاسیی پارتی دیموكراتی كوردستان و (سەیوان بارزانی) بالێوزی عێراق لە هۆڵەندا و (دلاوەر ئاژگەیی) نوێنەری حكوومەتی هەرێمی كوردستان لە یەكێتی ئەورووپا و ژمارەیەك لە كەسایەتیی سیاسیی هەر چوار پارچەی كوردستان تێیدا ئامادە بوو، 37ـمین ساڵیادی كۆچی دوایی سیمبولی نەتەوەی كورد (بارزانی نەمر) لە شاری ئەلمیریای هۆڵەندا بەرز ڕاگیرا.}

^{لە ڕێوڕەسمەكەدا (جەعفەر ئێمینكی) ئەندامی مەكتەبی سیاسیی پارتی دیموكراتی كوردستان، لە گوتەیەكیدا ئاماژەی بۆ خەبات و بەرخودانی (بارزانی نەمر) كرد و گوتی: "شۆڕشە یەك لە دوای یەكانەی كە (بارزانی نەمر) بەرپای كردن، لە پێناو سەربەخۆیی گەلی كورد و مافە ڕەواكانی بوون، ئەمەیش بوو بە ڕێبازێكی پیرۆز لای خەڵكی كوردستان و دروستبوونی هەستێكی نیشتمانپەروەری و هەموو قۆناغەكانی ژیانیشی بە دۆزی نەتەوەی كورد بەخشی".}

^{لە بەشێكی دیكەی قسەكانیدا (ئێمینكی) گوتی: "لەم قۆناغە سەختەی ئێستا پێیدا تێپەڕ دەبین، دەبێت تەواوی هێز و لایانە سیاسییەكان لە هەرێمی كوردستان بەرژوەندیی گەلەكەمان و دەستكەوتەكانمان بپارێزن، كە لە ڕابردوودا بە خوێنی شەهیدانی ڕێگای ڕزگاریخوازی كوردستان بەدەست هاتوون، بۆیە لەو یادەدا هەزاران سڵاو دەنێرم بۆ ڕۆحی باوكی نەتەوەیی كورد (مستەفا بارزانی) و تەواوی شەهیدە سەربەرزەكانی نەتەوەكەمان".}

^{هاوكات: چەندین گوتەی بەنرخ لە بارەی ژیان و كەسایەتی و خەبات و تێكۆشانی (بارزانی نەمر) لە لایەن كەسایەتی و حیزبە سیاسییەكانی ڕۆژئاوای كوردستان كە لەو ڕێوڕەسمەدا ئامادە بوون خوێندرایەوە، بەڵێنیشیان دووپات كردەوە كە درێژە بە ڕێبازە پیرۆزەكەی (بارزانی نەمر) بدەن}
^8/3/2016.

چاوپێکەوتن

داواکاری گشتیی کرماشان: لێکۆڵینەوە لەبارەی لێدانی قوتابیان دەکەین

ئێران و ئەمریکا!

گەشەی پەیوەندیەکانی ئێران و ئەمەریکا گەیشت بەکوێ؟

مەودای ناکۆکییەکان و دانوستانەکانی ئێران- ئەمریکا بەرەو کوی؟

هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد

فه‌رهه‌نگ‌ و هونه‌ر

داواکاری گشتیی کرماشان: لێکۆڵینەوە لەبارەی لێدانی قوتابیان دەکەین

ئێران و ئەمریکا!

گەشەی پەیوەندیەکانی ئێران و ئەمەریکا گەیشت بەکوێ؟

مەودای ناکۆکییەکان و دانوستانەکانی ئێران- ئەمریکا بەرەو کوی؟

هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد

په‌یوه‌ندی راسته‌وخۆ

گه‌ڕان

بەندکراوێکی سیاسیی کورد گیانی لە مەترسی دایە

پیتەر ڤان بیورن: ده‌وڵه‌تی كوردستان پێویسته‌

پلانێکی حکوومەتەکەی عەبادی بۆ گواستنەوەی پایتەختی عێراق ئاشکرا بوو

عێراق و ئێران رێککه‌وتنێکی نوێی نەوت و گاز ئیمزا ده‌که‌ن

هێلاری کلینتۆن لە هەڵبژاردنە سەرەتاییەکانی میشیگان شکستی هێنا

کونگرێس: گەمارۆی زیاتری ئابووری دەخەینە سەر ئێران

ئەمریکا ئەگەری کوژرانی وەزیری جەنگی داعش پشتڕاستدەکاتەوە

ئافرەتان خوێنیان بە هێزی پێشمەرگە بەخشی

ئۆپۆزسیۆنی سوریا چه‌كی كیمیاوی له‌دژی كورد به‌كارهێنا

حكوومەتی هەرێم؛ مەترسیی قەیرانی دارایی بۆ وڵاتانی گرووپی حەوت خستە ڕوو

هەشت چالاکوانی کورد لە شنۆ دەستبەسەر کران

رۆژنامەیه‌كی فەرەنسی: دامەزراندنی دەوڵەتی کوردی سوود بە ئاشتی ناوچەکە دەگەیەنێت

مه‌سرور بارزانی: به‌غدا كورد ناچار ده‌كات به‌ دوای ئه‌لته‌رناتیڤی دیكه‌ بگه‌ڕێ

كۆمەڵگەی نێودەوڵەتی ئامادەی یارمەتیدانی هەرێمی كوردستانە

لە هۆڵەندا 37ـمین ساڵیادی كۆچی دوایی بارزانی نەمر بەرز ڕاگیرا

دواین هه‌واڵ

به‌رنامه‌ی کۆماریخوازان

بەیاننامە و ڕاگه‌یه‌ندراوه‌کان

بەڵگەنامەکان

WWW.KOMARIXWAZ.COM