چاوپێکەوتن

داواکاری گشتیی کرماشان: لێکۆڵینەوە لەبارەی لێدانی قوتابیان دەکەین

درێژه‌ی بابه‌ت

ئێران و ئەمریکا!

درێژه‌ی بابه‌ت

گەشەی پەیوەندیەکانی ئێران و ئەمەریکا گەیشت بەکوێ؟

درێژه‌ی بابه‌ت

مەودای ناکۆکییەکان و دانوستانەکانی ئێران- ئەمریکا بەرەو کوی؟

درێژه‌ی بابه‌ت

هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد

درێژه‌ی بابه‌ت

فه‌رهه‌نگ‌ و هونه‌ر

داواکاری گشتیی کرماشان: لێکۆڵینەوە لەبارەی لێدانی قوتابیان دەکەین

ڤیدیۆیەکە، فەرمانی پێویستم دەرکرد بۆ بەدواداچوون بۆ بابەتەکە." داواکاری گشتیی پارێزگای کرماشان گوتی، "بەمەبەستی لێکۆڵینەوەی زیاتر لە وردەکارییەکانی ئەم رووداوە، گفتوگۆ لەگەڵ بەرپرسانی پەروەردەش...

درێژه‌ی بابه‌ت

ئێران و ئەمریکا!

گۆڵۆباڵیزم ( کەئەوکات بەسیستەمی نوێی جیهان) پێناسە دەکرا. ئەو ململانێ فکریەش لە نێوان (ساموئل هانتینگتون ) ی خاوەن تێزی (پێکدادانی شارستانیەکان) و فرەنسیس فۆکۆیامای خاوەن...

درێژه‌ی بابه‌ت

گەشەی پەیوەندیەکانی ئێران و ئەمەریکا گەیشت بەکوێ؟

ساڵ و دەیان ملیار دۆلاری تێچووی بوو . بەتایبەتی دوای ئەوەی ئیسرائیل بە بەکار هێنانی جۆرە موشەکێکی ئەمەریکی توانیتی حەسەن نەسرولله کە لە قولای...

درێژه‌ی بابه‌ت

مەودای ناکۆکییەکان و دانوستانەکانی ئێران- ئەمریکا بەرەو کوی؟

و بەشێوەی ناڕاستەوخۆ و تەنها لەسەر پرسی ئەتۆم، دانوستان لەگەڵ ئەمریكا ئەنجام بدات. هەروەها لە بەرامبەریشدا، ترامپ بە كۆمەڵێك پێشمەرجی زۆر و قورسەوە، نامەیەك بۆ...

درێژه‌ی بابه‌ت

هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد

کۆچی دواییکرد و تەرمەکەی ناگەڕێندرێتەوە رۆژهەڵاتی کوردستان. رەنج پشدەری، چالاکڤانی کورد لە سوێد، ئەمڕۆ هەینی بە تۆڕی میدیایی رووداوی گوت: "سەید عەلی رەحیم پوور،...

درێژه‌ی بابه‌ت

په‌یوه‌ندی راسته‌وخۆ

گه‌ڕان

هیواكانی یه‌كگرتنه‌وه‌ی هه‌ردوو دیموكراته‌كه‌ به‌هێزتر ده‌بن

^{دوای سازكردنی كۆنگره‌ی شازده‌یه‌می حزبی دیموكراتی كوردستان، ئێستا ھیوای یەكگرتنەوەی دیموكراتەكانی رۆژهه‌ڵاتی كوردستان لە ھەموو كات بەھێزتربووه‌ و به‌ گوێره‌ی زانیارییه‌كانی كوردستان 24 حزبی دیمۆكراتی كوردستان ھەموو بەربەستەكانی یەكگرتنەوەی لابردووە.}

^{حزبی دیموكراتی كوردستانی ئێرانیش بە ئەنجامی كۆنگرەكەی حزبی دیموكراتی كوردستان رازییە و بەم زووانەش گفتوگۆكان دەستپێدەكەنەوە.}

^{ئەگه‌رچی زۆر كەس پێ وابوو ئەو كۆنگرەیە ھەوڵەكانی یەكگرتنەوە دیموكراتەكانی پەك خستووە، بەڵام كەمیش نین ئەو كەسانەی وەك دوا كۆنگرەی جیای دیموكراتەكان سەیری دەكەن و لە قسەكانی سكرتێری حزبی دیموكراتی كوردستانی ئێرانەوە دیارە كە چاوەڕێی پەیامە گرنگەكە لەو لابووە.}
^12/2/2016

ئەمریکا: بە یەک چاو سەیری پەکەکە و یەپەگە ناکەین

^{گوتەبێژی وەزارەتی دەرەوەی ئەمریکا دوایین هەڵوێستی وڵاتەکەی لەبارەی پەکەکە و یەپەگە ئاشکرا دەکات و رایدەگەیەنێت، ”پێشوازیی لە هەر زانیارییەک دەکەین“.}

^{’مارک تۆنەر“، گوتەبێژی وەزارەتی دەرەوەی ئەمریکا لە کۆنگرەیەکی رۆژنامەوانیدا رایگەیاند، کە یەکینەکانی پاراستنی گەل (یەپەگە)ـی باڵی سەربازیی پارتی یەکێتی دیموکراتی (پەیەدە) تواناکانی لە شەڕی رێکخراوی توندڕەوی داعش چڕکردووەتەوە و ”پشتگیریی ئەو هەوڵەیان دەکەین“.}

^{بە ئاماژەکردن بە گوتەکانی ”رەجەب تەیب ئەردۆغان“، سەرۆک کۆماری تورکیا کردووە، کە رایگەیاندبوو، ”ئەمریکا جیاوازی ناکات لە نێوان لایەنەکانی ناوچەکەدا و نەیتوانیوە بیانناسێت، بۆیە ناوچەکە لەنێو خوێندایە“، مارک تۆنەر رایگەیاندووە، کە هەرچەندە ئەمریکا و تورکیا هاوپەیمانی یەکترن و بەردەوام دیداری ”جددی و گرنگ“ ئەنجام دەدرێت و لەو نیگەرانییانەی تورکیاش لەبارەی پەکەکە تێدەگەن، بەڵام ”لەبارەی یەپەگەوە ھاوڕانین".}

^{گوتەبێژی وەزارەتی دەرەوەی ئەمریکا وێڕای هیواخواستن بەوەی کێشەکان لەسەر مێزی گفتوگۆ چارەسەر بکرێن، داوای لە پارتی کرێکارانی کوردستان (پەکەکە)ش کردووە، کە چالاکییە سەربازییەکانیان لە دژی حکوومەت و سوپای تورکیا بووەستێنن، چونکە ”بەرپرسانی تورکیا مافی وەڵامدانەوەی هێرشەکانیان هەیە“.}

^{مارک تۆنەر رەتیکردووەتەوە ئاگاداری ئەوە بێت، کە تورکیا بەڵگەنامەی بوونی پەیوەندیی پەکەکە و یەپەگەی داوەتە بەرپرسانی تورکیا و رایگەیاندووە، ”بەردەوام لەگەڵ تورکیا لەپەیوەندیداین. بەخۆشحاڵییەوە پێشوازی لەھەر زانیارییەکی نوێ دەکەین“.}

^{یەپەگە رێکخراوێکی چەکداریی ئاپۆچییە و سەر بە پەیەدەیە، پەیەدەش باڵی پەکەکەیە لە کوردستانی رۆژئاوا و لەژێر کاریگەریی ”عەبدوڵڵا ئۆجەلان“، بەرنامە سیاسەتەکانیان دادەڕێژن.}
^11/2/2016

سەرکردەیەکی داعش فەرمانی پاشەکشەکردن بە چەکدارەکانیان دەکات

^{سەرکردەیەکی رێکخراوی توندڕەوی داعش، فەرمانی پاشەکشەکردن بە چەکدارانی رێکخراوەکەی دەکات و رایدەگەیەنێت، دەبێ لە کوردەکان، عێراق و سوریا دوورکەونەوە.}

^{”ئەبو قوتەیبە ئەلعەدنانی“، بەرپرسی دیوانی خەلافەتی رێکخراوەکە لە راگەیەنداراوێکدا، رایدەگەیەنێت، کە خاکی کوردستانی باشوور و رۆژئاوا، سوریا و عێراق بوونەتە بەربەست لەبەردەم ”جیهاد“ـەکەیان و شایانی ئەو هەموو ”قوربانییە“ نین.}

^{ئەبو قوتەیبە هەروەها فەرمان بە چەکدارانی رێکخراوەکەی دەکا، کە لەو ناوچانە بکشێنەوە و روو لە شاری سێرت لە لیبیا بکەن، ”برایانمان لە لیبیا بارەگایان بۆ دابین کردووین“.}

^{لە بەشێکی دیکەی راگەیەندراوەکەدا، ئەو سەرکردەیەی داعش دان بەوە دەنێت، کە هەندێک لایەن پێشتر هاوکارییان دەکردن و لەگەڵ توندتربوونی هێرشەکانی فڕۆکە ئاسمانییەکان و پێکهێنانی هاوپەیمانێتییەکی نێودەوڵەتی لە دژیان، پشتگیریی ئەو لایەنانەیان لەدەستداوە.}

^{زۆرینەی چەکدارانی داعش خەڵکی وڵاتانی باکووری ئەفریقیان، بە تایبەت وڵاتانی لیبیا، تونس، مەغریبی عەرەبی و جەزائیر، وێڕای چەکدارە بیانییەکانی داعش، کە زۆرینەیان خەڵکی چیچانن.}

^{دوای راگەیاندنی خەلافەتی داعش، چەند گرووپێکی توندڕەوی لیبیا لە شاری سێرت و دەوروبەری، خۆیان وەک بەشێک لە داعش ناساند و بەیعەتیان بە ”ئەبوبەکر بەغدادی“ی خەلیفەی داعش دا.}

^{دوای هێرشی داعش بۆ سەر کوردستانی باشوور، هێزی پێشمەرگە توانیویەتی لە سەر خاکەکەی شکست بەو چەکدارانە بهێنێت و زۆربەی ناوچە داگیرکراوەکانیشی رزگار کردووەتەوە و بەرپرسانی باڵای جیهانیش ئاماژە بەوە دەکەن، کە پێشمەرگە تاکە هێزی زەمینیی سەرکەوتووە لە دژی ئەو رێکخراوە.}
^11/2/2016

هێمن هه‌ورامی: هه‌رێم ناچێته‌ نێو هیچ جه‌مسه‌ربه‌دنیێكه‌وه‌

^{ئه‌مه‌ریكا-KDP.info- (هێمن هه‌ورامی) ده‌ڵێت، چونكه‌ حكوومه‌ت به‌ هه‌ڵبژاردن پێك هاتووه‌، بۆیه‌ ناكرێ هه‌ر به‌ قسه‌ بڕوات، به‌ڵام ده‌بێ دەکرێت حکوومەت هەڵبوەشێنرێتەوە، ئەندامانی پەرلەمان دەست لە کار بکێشینەوە و داوای هەڵبژاردنێکی تازە بکەین و، کێ بردیەوە پیرۆزی بێت و با حکوومەت پێکبهێنێت.}

^{لە میانەی سەردانەکەیدا بۆ وڵاتە یەکگرتووەکانی ئەمەریکا، بەرپرسی پەیوەندییەکانی دەرەوەی پارتی دیموکراتی کوردستان (هێمن هەورامی) چاوپێکەوتنێکی لەگەڵ بەشی کوردی دەنگی ئەمەریکا ئەنجام دا و تێیدا لەسەر دواپەرەسەندن سیاسی و ئەمنی و ئابوورییەکانی کوردستان و پێگەی کوردستان لە هاوکێشە ناوچەییەکان و ئامانجی سەردانەکەی بۆ ئەمەریکا خستەڕوو.}
^{(هەوارمی) لەو دیمانەیەدا باسی لە قەیرانی سیاسی و دارایی هەرێمی کوردستان لە نێوەندی ناکۆکییە سیاسیەکانی نێوان لایەنە سیاسیەکانی هەرێم کرد و ئاماژەشی بەوەدا کە پێویستە هۆکاری هەریەک لەم قەیرانانە بزانرێت و هەروەها بە قسە نابێت حکوومەت بڕوات و، چونكه‌ خۆی بە هەڵبژاردن پێكهێندراوه‌ و بە کودەتا نه‌بووه‌.}

^{بەرپرسی پەیوەندییەکانی دەرەوەی پارتی دەڵێت: "دەکرێت حکوومەت هەڵبوەشێنرێتەوە، ئەندامانی پەرلەمان دەست لە کار بکێشینەوە و داوای هەڵبژاردنێکی تازە بکەین و، کێ بردیەوە پیرۆزی بێت و با حکوومەت پێکبهێنێت."}

^{(هێمن هەورامی) ئاماژەشی دا ،کە پارتی دیموکراتی کوردستان براوەی یەکەمی هەڵبژاردن بووە و هێندەی قەبارەی خۆی بەرپرسیارێتیی ئەم ڕەوشەی هەرێمی لەسەرە و، هەر لایەنێکی تریش بەپێی قەبارەی خۆی و نابێت هیچ لایەنێک لە بەرپرسیارێتی رابکات.}

^{(هەورامی) جه‌ختی كرده‌وه‌، کە بە تۆمەتبارکردنی یەکتر و بە ڕاکردن لە بەرپرسیارێتی ئەم کێشانە چارەسەر ناکرێن، بەڵکو بە بڕیاردان دەکرێ لەسەر ئەوەی ئێستا کوردستان لە چ قۆناغێکدایە و، پێویستی بە چ چارەسەرێک هەیە و ئایا بەرەو کوێ بڕۆین؟ بەرەو سەربەخۆیی؟ ئەمەش پێویستی بە زەوینەسازی و یەکڕیزیی هەیە.}

^{بەپرسی پەیوەندییەکانی دەرەوەی پارتی ئاماژەیشی دا، هەرێم بەشێکە لە جەمسەربەندیی سیاسیی ناوچەکە، بەڵام هەرگیز نابێتە بەشێک لە جەمسەربەندیی ئایینزایی لە ناوچەکەدا و، کورد نابێتە بەشێک لە جەمسەربەندیی تورکیا لەسەر بنەمای ئایینزایی دژی ئێران و ناشبێتە بەشێک لە جەمسەربەندیی شیعە لەگەڵ ئێران دژی عەرەبستانی سعوودیا و تورکیا.}

^11/2/2016

هەدەپە بۆ چارەكردنی كیشەی باكوور، پەنا دەباتە بەر ڕووسیا و ئەمەریكا

^{ئیستانبووڵ-KDP.info- پارتیی دیموكراتی گەلان "هەدەپە"، لیژنەیەك كە لە چەند پەرلەمانتارێك پێك هاتووە، ڕەوانەی ویلایەتە یەكگرتووەكانی ئەمەریكا دەكات، بە مەبەستی ئەنجامدانی چەندین كۆبوونەوە لەگەڵ بەرپرسیانی ئەو وڵاتە بۆ چۆنیەتیی چارەكردنی كێشەی باكوور و سووریا.}

^{لە نووسینێكدا هەدەپە ئاماژەی داوە كە، ئەوان راستگۆن بۆ چۆنیەتیی چارەكردنی كێشەی سووریا، بۆیە ئەو لیژنەیەیان پێك هیناوە و، لە ئەمەریكا چەند كۆبوونەوەیەك بۆ ئەو مەبەستە ئەنجام دەدەن. هەروەها جگە لە ئەمەریكا، پاشان بەرەو ڕووسیا بەڕێ دەكەون بۆ هەمان مەبەست.}

^{لیژنەكەی هەدەپە پێك هاتووە لە (عوسمان بایدەمیر) ئەندام پەرلەمان لەسەر شاری شانلی ئورفا، هەروەها (هوشیار ئۆزسۆی) كە بەرپرسی پەیوەندییەكانی دەرەوەی هەدەپەیە.}

^{هەدەپە لە بارەی شەڕی باكووریشەوە كە لە نێوان پەكەكە و دەوڵەتی توركیادا بەرپا بووە، لەگەڵ بەرپرسانی ئەمەریكا باسی لێوە دەكەن و دەیانەوێت ئەوانیش هاوكار بن بۆ چۆنیەتیی چارەكردنی كێشەكان و نەهێشتنی ئەو شەڕە سەختە.}
^{ئەمڕۆ ئەو لیژنەیە بەرەو ئەمەریكا بەڕێ دەكەون.}
^11/2/2016

کۆنگرەی 16ی حدک کۆتایی پێدێت

پاش چوار رۆژ کاری بەردەوام، وا بڕیارە ئەمڕۆ چوارشەمە 16یەمین کۆنگرەی حیزبی دیموکراتی کوردستان (حدک) کۆتایی بە کارەکانی خۆی بهێنێ .

^{بەپێی ئەو هەواڵ و زانیارییانەی کە بڵاو کراونەتەوە و ماڵپەڕی سەرەکیی حدکیش پشتڕاستی کردووەتەوە، دیسان "خالید عەزیزی" سکرتێری پێشوو لەلایەن ئەندامانی کۆنگرەوە بە کۆی دەنگ وەک سکرتێر هەڵبژێردراوەتەوە و کاروباری کۆنگرە ئەمڕۆ چوارشەممە کتاییان پێدێت.}

^{وەک نەریتی پێشووی کۆنگرەکانی حیزبی دیموکرات، جاران سکرتیر لەلایەن ئەندامانی رێبەریی هەڵبژێردراوەوە دەستنیشان دەکرا، بەڵام لەم کۆنگرەیەدا لەلایەن ئەندامانی کۆنگرەوەهەڵبژێردراوە.}

^{رۆژی سێشەممە، کۆنگرە بەندی دوو خول سکرتێری لادا و رێگەی بۆ خالید عەزیزی خۆشکرد تا خۆی بۆ سکرتێری هەڵبژێرێتەوە.}

^{لە ماددەی شازدەی بڕگەی پێنجەمی پەیڕەوی ناوخۆی حیزبی دیموکراتی کوردستاندا هاتبوو کە "هـــیچ کـــەس زیـــاتر لـــه دوو دەورەی بـــه دوای یـــەکدا وەک سکرتێری گشتی هەڵنابژێردرێ".}

^{هەر لە چوارەم رۆژی کۆنگرەدا، کۆنگرەی 16ی حیزبی دیموکراتی کوردستان کە خۆی بەرهەمی دابڕانی ژمارەیەک لە ئەندامانی کۆمیتە ناوەندی و سەرکردایەتی حیزبی دیموکراتی کوردستانی ئێرانە، دابڕانەکانی پێشووی ریزەکانی دیموکراتی وەکو بەشێک لە مێژووی حیزبی دیموکرات بە فەرمی ناساند.}

^{بە گوێرەی زانیارییەکان کۆنگرەی 16 دیسان دەنگی متمانەی بە زۆرینەی ئەندامانی رێبەریی کۆنگرەی 15 داوە و دیسان وەک رێبەرایەتیی نوێی حدک هەڵبژێردراونەتەوە.}

^{ئەو حیزبە تا ئێستا 3 جار ( لە كۆنگرەی 4، 8 و 13) رووبەڕووی دابڕان و پارچەبوون بووە و دواتر وەك یەكگرتنەوە یان گەڕانەوەی كەسەكان، ریزەكانی یەكخستووەتەوە.}

^{دوایین دابڕانی حیزب لە 06/12/2006 بوو کە بەشێک لە ئەندامانی رێبەری و ئەندامانی مەکتەبی سیاسی و کۆمیتەی ناوەندی (کەمینەی کۆمیتەی ناوەندی کۆنگرەی 13)ی حیزبی دیموکراتی کوردستانی ئێران بە دەرکردنی بەیاننامەیەک جیابوونەوەی خۆیان لە زۆرینەی کۆمیتە ناوەندی حیزبی دیموکرات راگەیاند و دواتر بەناوی "حیزبی دیموکراتی کوردستان" درێژەیان بە کاری سیاسییان دا و ئەمە سێیەمین کۆنگرەیە کە دوای جیابوونەوە لە حدکا دەیبەستن.}

^{هەتا ئیستا بەیاننامەی کۆتایی کۆمیتەی ناوەندیی نوێی هەڵبژێردراوی کۆنگرەی 16 بڵاو نەکراوەتەوە و ئەو بڕیار و راسپاردانەی کە دراون، هەتا ئێستا دیار نین.}
^{پێش کۆنگرە حداک پەیامێکی بۆ خالید عەزیزی و ئەندامانی کۆنگرە نارد و حدکیش رایگەیاند بە ئەرێنیەوە لەم پەیامە دەروانن و لە کۆنگرە دەیخەنە بەرباس.}
^10/2/2016

سەقز.. چالاکوانێکی كورد یەک ساڵ زیندانی بۆ بڕایەوە

^{بەپێی ئەو هەواڵ و زانیارییەنای کە بلاو کرداونەتەوە دادگای کۆماری ئیسلامی لە سەقز، چالاکوانێکی کرێکاری کوردی بە ناوی "عوسمان ئیسماعیلی" بە تۆمەتی ""پرۆپاگەندا لەدژی حکوومەتی ئێران و بە قازانجی پارت و لایەنە دژەبەرەکانی کۆماری ئیسلامی بە یەک ساڵ زیندانی هەڵپەسێران سزا داوە.}

^{"عوسمان ئیسماعیلی بەهاری ساڵی 2015 لەلایەن هێزەکانی ئیدارەی ئیتلاعاتەوە دەستبەسەر کراصث و دوای 12 ڕۆژ لێکۆڵینەوە لە ژوورە تاکەکەسییەکانی ئیتلاعات، بە دانانی بارمتەی 72 ملیۆن تمەن بە شێوەی کاتی ئازاد کرا.}

^{ئەو چالاکە کرێکارییە کوردە دواتر لە لقی یەکی دادگای شۆڕشی شاری سەقز بە سەرۆکایەتی قازی سەید جەعفەر ڕەحیمی، دادگایی کرا و بە تاوانی پڕۆپاگەندە لەدژی ڕژێم و بە قازانجی حیزب و لایەنە کوردەکانی دژەبەرەکانی کۆماری ئیسلامی، هەروەها ئەندامەتی لە یەکێک لە پارتە کوردییەکانی دژبەری کۆماری ئیسلامی سزای یەک ساڵ زیندانی هەڵپەێراوی بۆ بڕایەوە.}

^{لە دادگای پێداچوونەوەدا ئەندامەتی حیزبێکی دژبەری کۆماری ئیسلامی لەسەر سڕایەوە، بەڵام بە تاوانی پرۆپاگەندا بە دژی ڕژێم و بە قازانجی حیزب و لایەنە دژەبەرەکانی کۆماری ئیسلامی، مەحکووم کرا.}

^{"سزای هەڵپەسێران" لە یاسای سزای کۆماری ئیسلامیدا بەو واتایەیە کە ئەگەر تۆمەتبار لە ماوەی یەک ساڵدا دیسان ئەو کارانە دووپات بکاتەوە، ئەو سزایەیە بەسەدا دەسپێت.}
^10/2/2016

سەرۆكی هەرێمی كوردستان بەشداری لە كۆنگرەی ئاسایشی میونیخ دەكات

^{بڕیارە “مەسعود بارزانی”، سەرۆكی هەرێمی كوردستان، بەشداری لە كۆنگرەی ئاسایشی میونیخ لە ئەڵمانیا بكات و لەگەڵ گەورە بەرپرسانی ئەورووپی و ئەمەریكی كۆببێتەوە.}

^{سەرچاوەیەكی باڵا، بە (باسنیوز)ی ڕاگەیاند، بڕیارە ئەمڕۆ چوارشەممە (10-2-2016)، بەرەو وڵاتی ئەڵمانیا بەڕێ بکەوێت، بە مەبەستی بەشداریكردنی لە كۆنگرەی ئاسایشی میونیخ كە تێدا ژمارەیەكی زۆری سەركردەكانی جیهان بەشدار دەبن.}

^{سەرچاوەكە ڕاشیگەیاند كە سەرۆكی هەرێمی كوردستان لە چوارچێوەی كۆنگرەكەدا دیدار و كۆبوونەوەی لەگەڵ گەورە بەرپرسانی ئەمریكی و ئەورووپی دەبێت و تێیدا پرسی ڕووبەڕووبوونەوەی تیرۆر و سەركەوتنەكانی پێشمەرگە باس دەكات.}

^{هەر لەو دیدارانەدا سەرۆكی هەرێمی كوردستان هەوڵ بۆ زیاتکردنی هاوکارییەکانی وڵاتان بۆ هێزەکانی پێشمەرگەی کوردستان هەرێمی کوردستان لە پرسی ڕووبەڕووبوونەوەی تیرۆر دەدات.}

^{بەپێی زانیارییەکان، لەو کۆنگرەیەدا، وەزیری دەرەوەی ئەمریکا و ژمارەیەک زۆر لە گەورەبەرپرسانی جیهان بەشداری دەکەن.}
^10/2/2016

مه‌سرور بارزانی: پێویسته‌ ڕێز له‌ بڕیاری سه‌ربه‌خۆیی گه‌له‌كه‌مان بگیرێت

^{مەسرور بارزانی رایگه‌یاند چاوەڕوان دەكەین، كۆمەڵگەی نێودەولەتی رێز لە مافی بڕیاردانی سەربەخۆیی گەلەكەمان بگرن.}

^{لە دیمانەیەكی تایبەتی ناوەندی راگەیاندنی ئه‌سیۆشێیتت پرێس، مەسرور بارزانی، راوێژكاری ئەنجومەنی ئاسایشی ھەرێمی كوردستان جەختی لەسەر ئەوە كردەوە كە كۆمەڵگەی نێودەوڵەتی بەرپرسیارییەتی ھاریكاری سەربازی و دارایی پێشمەرگەیان لەسەر شانە.}

^{ھەروەھا مەسرور بارزانی، لەبارەی پرسی سەربەخۆیی ده‌ڵێ: سەرەڕای ئەوەی كورد لە ئێستادا سەربەخۆیی راناگەیه‌نێت، بەڵام مافی خۆیەتی ھاوشێوەی تەواوی گەلانی تری جیھان ئەومافە بەكاربھێنن.}

^{راوێژكاری ئەنجومەنی ئاسایش، ئەوەشی دووپاتكردۆتەوە، سەرەڕای پێنەدانی مووچە، پێشمەرگە لە بەرەكانی پێشەوە رووبەڕووی چه‌كدارانی داعش بوونەتەوە.}

^{مه‌سرور بارزانی ئاماژه‌ بۆ ئه‌وه‌ش ده‌كات، كۆمەڵگەی نێودەوڵەتی بەرپرسیاریەتی ھاریكاری سەربازی و دارایی پێشمەرگەیان لەسەر شانە و پێویستە ئەو بەرپرسیاریەتیە جێبەجێبكەن.}
^10/2/2016

هه‌واڵگری ئه‌مریكا: ئه‌گه‌ری سه‌رهه‌ڵدانه‌وه‌ی جه‌نگی سارد هه‌یه‌

^{ده‌زگای هه‌واڵگری ئه‌مریكا ئه‌وه‌ی ڕاگه‌یاند كه‌ئه‌گه‌ری به‌هێز هه‌یه‌ له‌سه‌ر ئه‌وه‌ی جه‌نگی سارد له‌نێوان ڕووسیا و ئه‌مریكادا سه‌رهه‌ڵبداته‌وه‌. له‌كاتێكدا ڕووسیا له‌هه‌وڵدایه‌ بۆ ئه‌وه‌ی خۆی وه‌ك زلهێزێكی جیهانی نیشان بدات.}

^{به‌ڕێوه‌به‌ری ده‌زگای هه‌واڵگری ناوه‌ندی ئه‌مریكا، ئه‌مڕۆ له‌لێدوانێكدا جه‌ختی له‌وه‌ كرده‌وه‌ كه‌ئه‌گه‌ری به‌هێز هه‌یه‌ بۆ ئه‌وه‌ی به‌جۆرێك له‌جۆره‌كان جه‌نگی سارد له‌نێوان ئه‌مریكا و ڕووسیادا دووباره‌ ببێته‌وه‌. چونكه‌ ڕووسیا پێداگره‌ له‌سه‌ر ئه‌وه‌ی به‌رگری له‌ پێگه‌ی خۆی بكات وه‌ك زلهێزێك.}

^{"جیمس كلابه‌ر" له‌به‌رده‌م ئه‌ندامانی لیژنه‌ی هێزه‌ چه‌كداره‌كانی ئه‌نجومه‌نی پیراندا باسی له‌ژماره‌یه‌ك كاری دوژمنكارانه‌ كرد كه‌ ڕووسیا پێیان هه‌ستاوه‌، تاكو وه‌ك زلهێز خۆیان نیشان بده‌ن. بۆیه‌ له‌وانه‌یه‌ ئه‌و كارانه‌ به‌رده‌وام بن، ئێمه‌ش خۆمان له‌به‌رده‌م شه‌ڕێكی ساردی تردا ببینینه‌وه‌.}

^{كلابه‌ر گوتیشی: " ڕووسیا نیگه‌رانه‌ له‌ئه‌گه‌ری پوچه‌ڵ بوونه‌وه‌ی ئه‌و هه‌ڕه‌شه‌یه‌وه‌ كه‌ چه‌كه‌ ئه‌تۆمییه‌كانی دروستی ده‌كه‌ن له‌سه‌ر ڕۆژئاوا، به‌هۆی تۆڕی به‌رگری موشه‌كییه‌وه‌ كه‌ئه‌مریكا له‌ئه‌ورووپادا دایده‌مه‌زرێنێت".}

^{هه‌روه‌ها گوتی: هه‌ست ده‌كه‌م ڕووسه‌كان هه‌ست به‌نیگه‌رانییه‌كی گه‌وره‌ ده‌كه‌ن له‌به‌رانبه‌ر په‌یمانی ناتۆدا، بۆیه‌ زۆرێك له‌و كاره‌ دوژمنكارییانه‌ی ده‌یكه‌ن، هۆكاری زۆری هه‌یه‌، له‌وانه‌ دانانی ده‌وڵه‌ته‌كه‌یان له‌ڕیزی زلهێزه‌كاندا. یان دروستكردنی وێنه‌یه‌ك بۆ خۆیان وه‌ك هاوشانی ئه‌مریكابن. ئه‌وه‌ش واده‌كات پێ بخه‌ینه‌ ناو قۆناغێكی تازه‌ی شه‌ڕی سارده‌وه‌".}
^10/2/2016

نا بۆ تێرۆر: بەرەنگاربوونەوەی تێرۆر، پێویستی بە بەشداریکردنی هەمووانە

^{هاوڕێیانی به‌ڕێز و خۆشه‌ویستم:}

^{ئاژانسی پاراستن له‌ڕێگای كۆكردنه‌وه‌ی زانیاری له‌ سه‌ر تیرۆریستان و ئه‌نجامدانی جۆره‌ها چالاكی هه‌واڵگری نهێنی سه‌ركه‌وتووانه‌ دژ به‌ تیرۆریستان هه‌میشه‌ له‌ خزمه‌تی پاراستنی ئاسایشی كوردستان و كوردستانیانی دابووه‌ و بەردەوامە ، له‌ هەمانکاتیشدا هەوڵی بڵاوکردنەوەی هۆشیاری ئەمنی و زیادکردنی ڕۆشه‌نبیری ئه‌منی داوه‌ ، هاوكاری كردن و پاڵپشتی هاووڵاتیان و دانیشتوانی هه‌رێمی كوردستانیشی له‌گه‌ڵ دامه‌زراوه‌ ئه‌منی و هه‌واڵگرییه‌كان به‌ فاكته‌رێكی گرنگی سه‌قامگیری و ئاسایشی هه‌رێم ئەژمارکردوە، هه‌ر له‌و سۆنگه‌یه‌وه‌ش به‌ بڵاوكردنه‌وه‌ی بڕۆشێری (نا بۆ تیرۆر) کە لە خواره‌وه‌ دانراوە ، ئاراسته‌ی خوشك و برایانی ئاواره‌ و په‌نابه‌ری دانیشتوی هه‌رێمی كوردستان كراوه‌ و به‌ زمانی كوردی و عه‌ره‌بی لەلایەن ئاژانسی پاراستن بڵاو كراوه‌ته‌وه‌ ، ئەو بڕۆشیرە داوای هاوكاری له‌ هەموو ئەو مێوان و ئاوارە و پەنابەرە خۆشه‌ویستانه‌ ده‌كات كه‌ به‌ ناردن و پێدانی زانیاری له‌ سه‌ر تیرۆریستان هاوكاری دامه‌زراوه‌ ئه‌منی و هه‌واڵگرییه‌كانی هه‌رێمی كوردستان بكه‌ن و لەو ڕیگەیەشەوە ژیانی خۆیان و ئازیزانیان و كوردستانیان بپارێزن ، هه‌روه‌ها داوا له‌ خوشك و برایانی عه‌ره‌بی ئاواره‌ی دانیشتوی هه‌رێم ده‌كات سیستمی سیاسی عێراق وه‌كو ئێستا له‌ شێوه‌ی فیدڕالی بمێنێته‌وه‌ یاخود لە ئایندەدا به‌رژه‌وه‌ندی هه‌ردوو نه‌ته‌وه‌ی عه‌ڕه‌ب و كورد وا بخوازێت کە دوو سیستەمی جیا له‌ یه‌كتریان هه‌بێت و جوداببنەوە ،بەهیچ شێوەیەک نابێت ڕێگه‌ بدرێت هزری توندره‌وه‌ی تیرۆر له‌ یه‌كترمان دور بخه‌نه‌وه‌ .}
^{هیوادارم ئێوه‌ی به‌ڕێزیش به‌ وردی بیخوێننه‌وه‌ و ئه‌ركی بڵاوكردنه‌وه‌ی بكێشن و به‌وشێوه‌یه‌ش به‌شداری زیاتر بكه‌ن له‌ شه‌ڕی دژ به‌ تیرۆر و تیرۆریستان ، چونكه‌ (شه‌ری دژ به‌ تیرۆر و توندره‌وه‌ی پێویستی به‌ به‌شداری هه‌مووانه‌).}

^{نه‌زهه‌ت حالی}

حەشدی شەعبی بە چەکی قورس روو لە شارەدێی تازە دەکەن

^{نزیکەی هەفتەیەک دەبێت حەشدی شەعبی بەردەوامە لە هێنانی هێز و چەکی قورس بۆ شارەدێی تازە-ی سەر بە پارێزگای کەرکووک، بەڵام هێزێکی زۆری پێشمەرگە لەو شارەدێیە هەن، بۆیە ئەوان لە هاتنی ئەو هێزە بۆ کۆنترۆڵکردنەوەی گوندی بەشیر نیگەران نین.}
^{گوندی بەشیر، گوندێکی تورکماننشینە کە شیعە مەزهەبن، گوندەکە ماوەی 2 ساڵە کەوتووەتە ژێر دەسەڵاتی داعش و، هەزار خێزانی دانیشتووی گوندەکەش لەگەڵ هاتنی چەکدارانی داعش بۆ ناوچەکەیان ئاوارەی شاری کەرکووک بوونە، ئەو گوندە نزیکترین شوێنە لە کەرکووک کە هێشتا بەدەستی چەکدارانی داعشەوەیە و کۆنترۆڵ نەکراوەتەوە.

هێزی پێشمەرگە و ئیدارەی کەرکووک لە هاتنی ئەو هێزە بەو چەکە قورسانەوە بۆ شارەدێی تازە ئاگادارن و بە هەماهەنگی ئەوان بووە، بەڵام بەهۆی ئەوەی ژمارەیەکی زۆری پێشمەرگە لە شارەدێی تازە هەن، بۆیە پێیان وانییە ئەوان ببنە هەڕەشە بۆ سەر کەرکووک.}

^9/2/2016

10 ئەندامی کوردی سوپای پاسداران لە سووریا کوژراون

^{ژمارەی ئەو ئەندامانەی سوپای پاسداران کە خەڵکی رۆژهەڵاتی کوردستانن و لە سووریا کوژراون، لانیکەم گەیشتە 10 کەس و هەشت لەوانە خەڵکی پارێزگای کرماشانن. بۆ یەکەمجاریش ئەندامێکی کوردی سوننە مەزهەبی سوپای پاسدارانیش لە سوریا کوژراوە.}
^{لە ساڵانی رابردوودا کە رەوشی ئابووريی لە ئێران باش نەبووە، مووچەی سوپا بۆ خەڵکی کەم داهات سەرنجڕاکێش بووە. لەبەرامبەردا سوپا پێیگوتون، هەر کات و بۆ هەر کوێ کە پێویست بێت، بەڕێ دەکرێن.

وادیارە شوێنی پێویست ئێستا سووریایە. وڵاتێک کە بەگوتەی فەرماندەكانى سوپا لە سووریا، مەیدانی پێکدادانی وڵاتانی ناوچەیی و جیهانییە.

هەر ئەم رۆژانە دوو ئەندامی دیکەی سوپای پاسداران کە خەڵکی رۆژهەڵاتی کوردستانن کوژراون؛ یەکیان خەڵکی ورمێیە. ئەوی دیکەشیان کرماشان. ئەمە هەشتەمین ئەندامی کرماشانی سوپایە، کە لە سووریا کوژراوە.

پێشتر ماڵپەڕە دژبەرەکانی ئێران باسی ناردنی ئەندامانی خەڵکی پیرانشار و مەهاباد بۆ سووریایان کردبوو. دەگوترێت ژمارەیەکیش لە شاری شنۆوە بەڕێکراون. کوژرانی ئەم هاووڵاتییە بۆکانییە، نیشان لە بەربڵاوی ناردنی ئەندامانی کوردی سوننە مەزهەبی سوپا بۆ سوریایە.

ئێران دەڵێت، رۆڵی راوێژکاریی لە سووریادا هەیە. بەڵام بڵاوبوونەوە هەندێ ڤیدیۆی لەمجۆرە، هێزەکانی ئێران لە بەرەی پێشەوەی شەڕ نیشان دەدات.}

^9/2/2016

جێگری سەرۆککۆماری ئێران بەراوردی پەرلەمانی كوردستان و پەرلەمانی وڵاتەكەی دەكات

rojnamakani eran

^{میدیاكانی ئێران لە رۆژی یەكشممە 7-2-2016 گرنگیان بە چەند پرسێكی وڵاتەكەیان و ناوچەكە دا، كە گرنگتریان پرسی هەڵبژاردنەكانی ئەو وڵاتە بوو.}

^{شەهیندوخت مۆلاوێردی، جێگری سەرۆککۆماری ئێران بۆ کاروباری ژنان بەراوردێکی کردووە لەنێوان رێژەی بەشداری ژنان لە پەرلەمانی وڵاتانی ناوچەکە و ئێران و دەڵێت، لە پەرلەمانی کوردستانی عێراق، رێژەی بەشداری ژنان 35%ـە، بەڵام لە پەرلەمانی ئێران ناگاتە 3%.}

^هەمدڵی

^{دوایین هەواڵەکانی هەڵبژاردن سەبارەت بە بەربژێرە قبووڵکراوەکان، سەردێری رۆژنامەکانی رۆژی یەكشەمەی ئێران بوو، بەڵام رۆژنامەی هەمدڵی لە بابەتێکدا بەشداریی ژنانی لە روانگەی شەهیندوخت مەولاویردییەوە لێکداوەتەوە.}

^{مەولاویردی دەڵێت ژمارەی ژنان لە پەرلەمانی کوردستانی عێراق 35%ـە، لە عێراق 25% و لە لۆیی جەرگەی ئەفغانستان 275، کەچی لە ئێران ناگاتە 3%. بەبڕوای جێگری سەرۆککۆمار بۆ کاروباری ژنان و خێزان کردەوەی ژنانی پەرلەمانتار لە رابردوودا وایکردووە ژنانی ئێرانی متمانەیان بە ژنی پەرلەمانتار بۆ بەرگریکردن لە مافەکانیان نەمێنێ و دەنگ بە پیاوان بدەن.}

^{ئیعتماد}

^{رۆژنامەی ئیعتماد لێدوانێکی محەممەد جەواد لاریجانی سکرتێری مافی مرۆڤی دەزگای دادی ئێران هێناوە، کە باس لە لادان لە رەوتە سیاسییەکانی ئێراندا دەکات و دەڵێت: لادان تەنیا تایبەت بە حکومەتە محافزەکارەکەی ئەحمەدی نەژاد نییە، کە هەموو شتێکی بە ئیمام زەمانەوە گرێ دەدا و دەیوت ئیتر پێویستمان بە مەرجەعەکان و زانایان نییە، بەڵکو رەوتی ریفۆرمخوازیش لادەرن کە دەڵێن ئیتر ئیسلام وەڵامدەرەوەی پێویستییەکان نییە و وەک ئەوەیە بتەوێ بە پاسکیل بچیتە سەر مانگ و دەیانەوێت حکومەت بەرەو سیکۆلارلیبراڵ ببەن.}

^{مەردومسالاری}

^{سەروتاری رۆژنامەی مەردومسالاری دەڵێت "لەم رۆژانەدا دڵپەرۆشەکان سازی تازە لێدەدەن و هەر رۆژە و نیگەرانی بابەتێکی نوێن، پێشتر دەیانگوت دانوستاندنە ئەتۆمییەکان بێ ئەنجام دەبن و گەمارۆکان لانابرێن، ئێستاش رۆژێک نیگەرانی گرێبەستە نەوتییەکانن و رۆژێک نیگەرانی کڕینی فڕۆکەی تازەن. هۆی نیگەرانییەکانیشیان روونە.}

^{نووسەری سەروتارەکە دەڵێت "بەڵام ئێستا من خۆشحاڵم کە پاش دە ساڵ وڵاتەکەم گەڕاوەتەوە کۆمەڵگای جیهانی و دەتوانم ژیانی دوور لە سێبەری قورسی بڕیارنامە دژەئێرانییەکان ئەزموون بکەم".}

^کەیهان

^{بەڵام راپۆرتی سەرەکیی رۆژنامەی کەیهان پێچەوانەی سەروتارەکەی هەمدڵییە. کەیهان بە سەردێڕی زانین مافی خەڵکە، ئاماژەی بە راپرسییەکی زانکۆی مریلەند و دامەزراوەی ئیرانپۆل کردووە، کە دەڵێت 76%ی ئێرانییەکان لە رێککەوتنی ئەتۆمی رازین، 14% تاڕادەیەک بەدڵیان نییە و 7% بەتووندی دژایەتیی دەکەن.}

^{کەیهان نووسیویەتی ئەوانەی رێککەوتنەکەیان بەدڵە، لەبەر ئەوەیە زانیاریی دروستیان سەبارەت بە رێکەوتنەکە و ئەنجامەکانی بۆ ئابووریی وڵات و گوزەرانی خەڵک نییە و رەنگە روحانی پاش هەڵبژاردنەکان و پاش ئەوەی رەوتەکانی نزیک لە خۆی جێگیر بوون بیەوێت راستییەکان بە خەڵک بڵێت.}

^جەوان

^{رۆژنامەی جەوان نووسیویەتی: جێگری شاندی راوێژکارانی رێبەری ئێران بۆ کاروباری سەربازی دەڵێت: ئەگەر ئێران تووشی شەڕێکی دیکە ببێت ئەمجارە وەک پێشوو نابێت و ئێمە هاوکێشەکان دیاری دەکەین. بە گوتەی ئەمیرناسر ئاراستە پاش کۆچی دوایی ئیمام خۆمەینی دەبوو، ئێران نزیکی 11 شەڕی بەسەردا بسەپایە، بەڵام تەدبیری ژیرانەی رێبەر، وڵاتی لەو شەڕانە پاراستووە.}

^{ئاراستە گوتوشیەتی "ئەمریکا ئەگەر لە لاوازبوونی ئێران دڵنیا بووایە، ساتێکیش هێرشکردنە سەر ئێرانی دوانەدەخست".}

^ئێران

^{لە هەواڵێکی رۆژنامەی ئێراندا هاتووە "پارێزگاری کرماشان رێککەوتنامەیەکی لەگەڵ گرووپێکی سەرمایەدانەری هیندی، کۆری و ئێرانی واژۆ کردووە کە هەشت بڕگەی دامەزراندنی ناوەندەکانی فرۆشتن و پانێلی هەتاوی، دروستکردنی هێزگەی هەتاوی و بادی، دروستکردنی شاری یاری، تەلەفریکی کرماشان، نەخۆشخانە، گەشەپێدانی بواری گەشتیاریی تەندروستی و هاوکاری لە واری نەوت و پیترۆکیمیا لەخۆدەگرێت".}

^ئەفکار

^{لە رۆژنامەی ئەفکاردا هاتووە "محەمەدباقر قوربانی سەرۆکی زانکۆی ئازادی ئیسلامیی سنە دەڵێت وانەی زمان و ئەدەبی کوردی کە لەلایەن فەرهەنگستانی زمانی فارسی بۆ زانکۆکانی سنە مۆڵەتی پێدراوە، پێشوازیی زۆری لێکراوە و لە کۆرسی رابردوودا ئەو وانەیە لە زانکۆی ئازاد لە شەش پۆلدا دەگوترایەوە، بەڵام ئێستا بووە بە دە پۆلی 40 کەسی و 400 خوێندکار ئەو وانەیە دەخوێنن".}

^8/2/2016

رێنماییە تازەکانی ڤیزای تورکیا بۆ ھاووڵاتیانی ھەرێمی کوردستان

^{بەپێی نووسراوێکی فەرمانگەی پێوەندییەکانی دەرەوەی حکوومەتی ھەرێمی کوردستان کە ئاماژەی بە روونکردنەوەی کونسوڵخانەی تورکیا لە ھەرێمی کوردستان کراوە و لە ٢٠ی کانوونی دووەمی ٢٠١٦ دەرچووە، حکوومەتی تورکیا لە رۆژی ٥ی کانوونی دووەم جگە لە ڤیزەی ئۆنلاین ھەموو جۆرە ڤیزایەکی تری راگرتووە و نابێ سەردانی کونسوڵخانەی تورکیا لە نوێنەرایەتیەکان بکرێت.}

^{وەک لە نووسراوەکە ھێمای بۆ کراوە. تەنھا لە رێگەی لینکی www.visagov.tr دەتواندرێت دوای وەرگرتنی ڤیزا بکرێت، ھەروەکو ئاماژە بەوەش کراوە سەبارەت بە جۆرەکانی ڤیزا ھەموو زانیاریەکی پێویست لەم لینکە ھاتووە http://mfa.gov.tr/viza-genel-bilgiler.tr.mfa.}

^{عەبدولسلام رەشید بەرپرسی پێوەندییەکانی کۆماری تورکیا لە نووسراوێکدا کە لە ١١ی ١ی ٢٠١٦ بۆ فەرمانگەی پێوەندییەکانی دەرەوەی ھەرێمی کوردستانی ناردووە و کۆپیەکی نووسراوەکە دەست (باس) کەوتووە، ھێمای بۆ ئەوە کردووە کە جگە لە ڤیزای ئەلیکترۆنی، ھەموو جۆرە ڤیزایەکی تر راگیراوە.}

^{ئەنجومەنی وەزیرانی ھەرێمی کورستان لە ٢٦ی ١ی ٢٠١٦ وردەکاریی راگرتنی ڤیزای تورکیای بۆ دامودەزگاکانی حکوومەتی ھەرێمی کوردستان ناردووە و بۆیانی روون کردووەتەوە.}

^{بەر لەو بڕیارە، پێشووتر کونسوڵخانەی گشتیی تورکیا لە ھەولێر، رۆژانە ٣٠٠ ڤیزای بە ھاووڵاتیانی ھەرێمی کوردستان دەدا.}
^{تانژۆ بیلگیچ گوتەبێژی وەزارەتی دەرەوەی تورکیا رۆژی ٥ی شوبات ٢٠١٦ بە ئاژانسی ئەنادۆڵی راگەیاند، لە چوارچێوەی بەرەنگاربوونەوەی کۆچی قاچاغی ھاووڵاتییانی عێراق، گۆڕانکاری لە سیستمی پێدانی ڤیزە بە ھاووڵاتییانی عێراقی ئەنجام دراوە و بەو پێیەش پێدانی ڤیزە لەسەر سنوور لە رێگەی مۆرەوە، ھەڵدەگیرێت.}

^{تانژۆ بیلگیچ ئاماژەی بەوە کردووە، پێشتر ھاووڵاتییانی عێراق و تورکیاش لە کاتی سەردانیاندا بۆ وڵاتانی یەکتر، پێویستیان بە ڤیزە ھەبووە، لە رێگەی ئەم سیستمە نوێیەوە تەنھا ژمارەیەک گۆڕانکاری لە سیستمی پێدانی ڤیزەدا ئەنجام دراوە و جەختی لەوە کردووەتەوە، ئەو گۆڕانکارییانە لە پێدانی ڤیزەدا لە چوارچێوەی بەرەنگاربوونەوەی کۆچی نایاساییدایە کە لەلایەن تورکیاوە گیراوەتە بەر.}

^{گوتەبێژی وەزارەتی دەرەوەی تورکیا ھەروەھا رای گەیاندووە، ھاووڵاتییانی عێراقی بۆ ئەوەی بتوانن ڤیزەی ئەلیکترۆنیی وەربگرن، ”پێویستە ڤیزەیەکی ماوە بەسەرنەچوو یاخود مۆڵەتی مانەوەیان لە شنگن، ئەمریکا، بەریتانیا یان ئێرلەندا ھەبێت. ئەو عێراقییانەی کە ئەم مەرجانەیان تێدا نییە، پێویستە لە رێگەی ئینتەرنێتەوە داواکاریی وەرگرتنی ڤیزە پڕ بکەنەوە و دوای ئەوەش لە رێگەی ئەو ڤیزەیەوە، کە لە نوێنەرایەتییەکانی دەرەوەمان بۆیان دەکرێت، دەتوانن سەردانی تورکیا بکەن''.}

^{گوتەبێژی وەزارەتی دەرەوەی تورکیا لە وەڵامەکەیدا باسی لەوەش کردووە ھاتنە ناوەوە بۆ تورکیا لە رێگەی دەروازەی سنووریی خاپور - شرناخەوە، بە ھەمان شێوە ”پێویستیی بە وەرگرتنی ڤیزەیە لە نوێنەرایەتییەکانمان لە دەرەوە و لە رێگەی مۆرەوە نامێنێت“.}

^{زیاتر لە٣٤ وڵات نوێنەرایەتیان لە ھەرێمی کورستان ھەیە کە ١٦ وڵاتیان ڤیزا بە ھاووڵاتیان دەدەن، بەڵام دوای شەری داعش رێوشوێنەکانی پێدانی ڤیزا قورس کراون.}

چاوپێکەوتن

داواکاری گشتیی کرماشان: لێکۆڵینەوە لەبارەی لێدانی قوتابیان دەکەین

ئێران و ئەمریکا!

گەشەی پەیوەندیەکانی ئێران و ئەمەریکا گەیشت بەکوێ؟

مەودای ناکۆکییەکان و دانوستانەکانی ئێران- ئەمریکا بەرەو کوی؟

هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد

فه‌رهه‌نگ‌ و هونه‌ر

داواکاری گشتیی کرماشان: لێکۆڵینەوە لەبارەی لێدانی قوتابیان دەکەین

ئێران و ئەمریکا!

گەشەی پەیوەندیەکانی ئێران و ئەمەریکا گەیشت بەکوێ؟

مەودای ناکۆکییەکان و دانوستانەکانی ئێران- ئەمریکا بەرەو کوی؟

هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد

په‌یوه‌ندی راسته‌وخۆ

گه‌ڕان

هیواكانی یه‌كگرتنه‌وه‌ی هه‌ردوو دیموكراته‌كه‌ به‌هێزتر ده‌بن

ئەمریکا: بە یەک چاو سەیری پەکەکە و یەپەگە ناکەین

سەرکردەیەکی داعش فەرمانی پاشەکشەکردن بە چەکدارەکانیان دەکات

هێمن هه‌ورامی: هه‌رێم ناچێته‌ نێو هیچ جه‌مسه‌ربه‌دنیێكه‌وه‌

هەدەپە بۆ چارەكردنی كیشەی باكوور، پەنا دەباتە بەر ڕووسیا و ئەمەریكا

کۆنگرەی 16ی حدک کۆتایی پێدێت

سەقز.. چالاکوانێکی كورد یەک ساڵ زیندانی بۆ بڕایەوە

سەرۆكی هەرێمی كوردستان بەشداری لە كۆنگرەی ئاسایشی میونیخ دەكات

مه‌سرور بارزانی: پێویسته‌ ڕێز له‌ بڕیاری سه‌ربه‌خۆیی گه‌له‌كه‌مان بگیرێت

هه‌واڵگری ئه‌مریكا: ئه‌گه‌ری سه‌رهه‌ڵدانه‌وه‌ی جه‌نگی سارد هه‌یه‌

نا بۆ تێرۆر: بەرەنگاربوونەوەی تێرۆر، پێویستی بە بەشداریکردنی هەمووانە

حەشدی شەعبی بە چەکی قورس روو لە شارەدێی تازە دەکەن

10 ئەندامی کوردی سوپای پاسداران لە سووریا کوژراون

جێگری سەرۆککۆماری ئێران بەراوردی پەرلەمانی كوردستان و پەرلەمانی وڵاتەكەی دەكات

رێنماییە تازەکانی ڤیزای تورکیا بۆ ھاووڵاتیانی ھەرێمی کوردستان

دواین هه‌واڵ

به‌رنامه‌ی کۆماریخوازان

بەیاننامە و ڕاگه‌یه‌ندراوه‌کان

بەڵگەنامەکان

WWW.KOMARIXWAZ.COM