چاوپێکەوتن

داواکاری گشتیی کرماشان: لێکۆڵینەوە لەبارەی لێدانی قوتابیان دەکەین

درێژه‌ی بابه‌ت

ئێران و ئەمریکا!

درێژه‌ی بابه‌ت

گەشەی پەیوەندیەکانی ئێران و ئەمەریکا گەیشت بەکوێ؟

درێژه‌ی بابه‌ت

مەودای ناکۆکییەکان و دانوستانەکانی ئێران- ئەمریکا بەرەو کوی؟

درێژه‌ی بابه‌ت

هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد

درێژه‌ی بابه‌ت

فه‌رهه‌نگ‌ و هونه‌ر

داواکاری گشتیی کرماشان: لێکۆڵینەوە لەبارەی لێدانی قوتابیان دەکەین

ڤیدیۆیەکە، فەرمانی پێویستم دەرکرد بۆ بەدواداچوون بۆ بابەتەکە." داواکاری گشتیی پارێزگای کرماشان گوتی، "بەمەبەستی لێکۆڵینەوەی زیاتر لە وردەکارییەکانی ئەم رووداوە، گفتوگۆ لەگەڵ بەرپرسانی پەروەردەش...

درێژه‌ی بابه‌ت

ئێران و ئەمریکا!

گۆڵۆباڵیزم ( کەئەوکات بەسیستەمی نوێی جیهان) پێناسە دەکرا. ئەو ململانێ فکریەش لە نێوان (ساموئل هانتینگتون ) ی خاوەن تێزی (پێکدادانی شارستانیەکان) و فرەنسیس فۆکۆیامای خاوەن...

درێژه‌ی بابه‌ت

گەشەی پەیوەندیەکانی ئێران و ئەمەریکا گەیشت بەکوێ؟

ساڵ و دەیان ملیار دۆلاری تێچووی بوو . بەتایبەتی دوای ئەوەی ئیسرائیل بە بەکار هێنانی جۆرە موشەکێکی ئەمەریکی توانیتی حەسەن نەسرولله کە لە قولای...

درێژه‌ی بابه‌ت

مەودای ناکۆکییەکان و دانوستانەکانی ئێران- ئەمریکا بەرەو کوی؟

و بەشێوەی ناڕاستەوخۆ و تەنها لەسەر پرسی ئەتۆم، دانوستان لەگەڵ ئەمریكا ئەنجام بدات. هەروەها لە بەرامبەریشدا، ترامپ بە كۆمەڵێك پێشمەرجی زۆر و قورسەوە، نامەیەك بۆ...

درێژه‌ی بابه‌ت

هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد

کۆچی دواییکرد و تەرمەکەی ناگەڕێندرێتەوە رۆژهەڵاتی کوردستان. رەنج پشدەری، چالاکڤانی کورد لە سوێد، ئەمڕۆ هەینی بە تۆڕی میدیایی رووداوی گوت: "سەید عەلی رەحیم پوور،...

درێژه‌ی بابه‌ت

په‌یوه‌ندی راسته‌وخۆ

گه‌ڕان

سعودیە: ئامادەین هێزی وشکانی بنێرینە سووریا بۆ لێدانی داعش

^{گوتەبێژی سوپای سعودیە رایگەیاند: "بەرەنگاربوونەوەی داعش پێویستی بە ئۆپەراسیۆنی هاوبەشی زەمینی و ئاسمانییە و سعودیە ئامادەیە بە ناردنی هێزی سەربازی بۆ ئۆپەراسیۆنی دژی داعش، بەشداریی لە هاوپەیمانی نێودەوڵەتی بە رێبەرایەتی ئەمریکا بکات".}
^{ژەنەراڵ ئەحمەد ئەلعەسیری، گوتەبێژی سوپای سعودیە و یەکێک لە راوێژکارەکانی وەزارەتی بەرگری ئەو وڵاتە، رۆژی پێنجشەممە 4-2-2016 رایگەیاند: "ئەگەر هاوپەیمانی نێودەوڵەتی بە سەرۆکایەتی ئەمریکا رایان لەسەری بێت، سعودیە ئامادەیە هێزی زەمینی بۆ لێدانی داعش بنێرێتە سووریا، بۆ دەستپێکردنی ئەو ئۆپەراسیۆنەش چاوەڕێی هەڵکردنی گڵۆپی سەوزین لەلایەن ئەمریکاوە".

ئەو بەرپرسە سەربازییەی سعودیە رایگەیاند: "ئۆپەراسیۆنی هاوبەشی زەمینی و ئاسمانی پێویستە بۆ سەرکەوتن لەشەڕی دژی داعش، بە سەرنجدان بە ئەزموونی سعودیە لە رێبەرایەتی هاوپەیمانی عەرەبی لە دژی حوسییەکانی یەمەن، سعودیە دەتوانێ یارمەتیدەرێکی باش بێت لە شەڕی دژی داعش".

ژەنراڵ ئەحمەد ئەلعەسیری ئاماژەی بە رۆڵی سعودیە کرد لە شەڕی دژی داعش و گوتی: " لە ساڵی 2014-ەوە سعودیە ئەندامێکی چالاکی هاوپەیمانی نێودەوڵەتی بووە لەشەڕی دژی داعش و زیاتر لە 190 هێرشی ئاسمانی ئەنجامداوە بۆ لێدانی ئەو گرووپە تیرۆریستییە".

جان کێربی گوتەبێژی وەزارەتی دەرەوەی ئەمریکا لەوەڵامی پرسیاری رۆژنامەڤانان لەبارەی پێشنیازەکەی سعودیەوە، گوتی: "هاوپەیمانی نێودەوڵەتی لە سووریا، پشتیوانی دەکات لە بەشداریی بەربڵاوی هاوپەیمانەکانی لەشەڕی دژی داعش، بەڵام تاوەکو ئێستا هیچ پلانێکمان لە سعودیە پێنەگەیشتووە".

لە نوێترین هەڵوێستی بەرپرسانی ئەمریکی لەسەر پێشنیازەکەی سعودیە، ئاشتن کارتەر، وەزیری بەرگریی ئەمریکا رایگەیاند: "پێشوازیی لە داواکەی سعودیە دەکەین بۆ ناردنی هێزی وشکانی بۆ سووریا بۆ شەڕی دژی داعش و تاوتوێی پێشنیازەکەیان دەکەین".

هاوکات رۆژنامەی بەریتانی گاردیەن لەسەر هەمان پرس، لە هەواڵێکدا نووسیویەتی: "ئەگەری هەیە پێشنیازەکەی سعودیە لە کۆبوونەوەی داهاتووی ناتۆ کە هەفتەی داهاتوو لە برۆکسل بەڕێوە دەچێت، بخرێتە بەرباس و گفتوگۆی لەسەر بکرێت".}

^5/2/2016

تورکیا پاکێجێکی نوێ بۆ کێشەکانی باکووری کوردستان رادەگەیێنێت

^{شرۆڤەکار و شارەزایەکی کاروباری سیاسی تورکیا دەڵێت: "کێشەو ئاڵۆزییەکانی باکووری کوردستان ناکەوێتە ئەستۆی تەنیا لایەنێک، پارتە کوردییەکان لە باکووری کوردستان و حکومەتی تورکیا بەرپرسن لە گرژی و ئاڵۆزییەکانی باکووری کوردستان".}
^{مستەفا شەفیق، شرۆڤەکار و شارەزای کاروباری سیاسی تورکیا لەمیانی بەشداریکردنی لە بەرنامەی نووڕۆژی رووداو رایگەیاند: "کێشەو ئاڵۆزییەکانی باکووری کوردستان ناکەوێتە ئەستۆی تەنیا لایەنێک و کێشەکە دوولایەنەیە، لەگەڵ ئەوەشدا دەوڵەتی تورکیا بەدرێژایی ماوەی80 ساڵە دان بەمافی کورد دانانێت و نکۆڵی لێدەکات، بەڵام ئێستا پاشگەزبووەتەوە، هەروەها لایەنی دیکەش هەن کە دەیانەوێت ئێستا ئەو کێشانە چارەسەربکەن".

گوتیشی: "بەگشتی پارتە کوردییەکان لە باکووری کوردستان و حکومەتی تورکیا بەرپرسن لە گرژی و ئاڵۆزییەکانی باکووری کوردستان.

ئەو شرۆڤەکارە و شارەزایەی بواری سیاسی تورکیا هەروەها گوتی " ئاکپارتی وەک پارتێکی باڵادەست و فەرمانڕەوا لە تورکیا کە نزیکەی 13 ساڵە لەتورکیا دەوڵەت بەڕێوەدەبات، سەرەتا هەنگاوی باش وجددی دەستپێکرد و شوێنی هیوا بوو بۆ چارەسەرکردنی پرسی کورد، بەڵام بەداخەوە بینیمان ئاکپارتی کێشەکانی لەبری چارەسەرکردن گواستەوە بۆ ئاڵۆزکردنی دۆخی ئەمنی و سەربازی".

مستەفا شەفیق پێیوایە: "لەگەڵ ئەوەشدا ئاکپارتی و هەدەپە بەرپرسی یەکەمن لە شکستهێنانی پرۆسەی ئاشتی لە تورکیا و ئەو پرۆسەیەش لە تورکیا شکستیهێناوە و دەرەنجامەکانیشی بۆ گەلی کورد لە تورکیا بە قورسی تەواو دەبێت".

بە گوتەی مستەفا شەفیق: "حکومەتی تورکیا پاکێجێکی بۆ چارەسەرکردنی کێشەکانی باکووری کوردستان ئامادەکردووە کە بریتییە لە 300 ماددە، ئەگەرچی تاوەکو ئێستا ناوەڕۆکی پاکێجەکە ئاشکرانەکراوە، بەڵام بریتییە لە پرسەکانی، سیاسی، ئابووری، کۆمەڵایەتی و ئەمنی".

ئەو شارەزایە لە کاروباری تورکیا باسی لەوەش کرد کە: "ئەوەی جێی پرسیارە و بەهەڵە دادەنرێت ئەوەیە کە حکومەتی تورکیا و ئاکپارتی لەکاتی ئامادەکردنی ئەو پاکێجە بۆچوونی لایەنەکانی بەرامبەریان وەرنەگرتووە، یەکێک لە هەڵەکانی ئاکپارتی و حکومەتی تورکیا ئەوەیە کە بۆ پرسکردنی کێشەکان تەنیا راوێژ بەو کەس و لایەنانە دەکەن کە لەئاکپارتی نزیکن ئەوەش سیاسەتێکی هەڵەیە".

بەگوتەی مستەفا شەفیق: " ئاکپارتی لەماوەی 13 ساڵی رابردوودا ناڕاستەوخۆ دانی بە مافەکانی کورد دانا بەڵام دواتر لێی پەشیمان بووەوە، ئاکپارتی لەرابردوودا هەنگاوی باشی ناوە لە تورکیا ئەگەرچی تورکیا بەدۆخێکی سەختدا تێدەپەڕێت، بەڵام هەنگاو و کارەکانی ئاکپارتی بە نیوەچڵی و تەواو نەکراوی ماونەتەوە".

گوتیشی: "لە تورکیا بەبێ ئۆجەلان و پەکەکە هیچ بڕیار و هەنگاوێک بۆ کورد چارەسەر نابیت".}

^5/2/2016

پێنتاگۆن: ئێران یەکێک لە کێشە سەربازییەکانی ساڵی 2017 دەبێت

karter w. difah usa

^{ئەشتۆن کارتێر، وەزیری بەرگریی ئەمریکا ڕایگەیاند کە ئێران یەکێک لە کێشە نیزامییەکانی ساڵی 2017ی زایینیی وڵاتی ئەمریکا دەبێت.}

^{بەپێی ڕاپۆرته بڵاوکراوەکان، وەزیری بەرگریی ئەمریکا دوای پەسندکردنی بودجەی سەربازییی ئەو وڵاتە ڕایگەیاند "وڵاتی ئێران یەکێک لەو وڵاتانەیە کە دەبێ سەرنجی بدەین و جموجۆڵەکانی بخەینە ژێر چاوەدێرییەوە."}

^{لە بودجەی سەربازیی ئەمساڵی ئەمریکادا، داوا کراوە کە وڵاتی ئێران بە وردی بخرێتە ژێر چاوەدێرییەوە.}

^{جموجۆڵەکانی حکوومەتی ئێران لە ناوچەی ڕۆژهەڵاتی ناوەڕاست و بوونی هێزی سەربازیی ئەو وڵاتە لە وڵاتانی دراوسێ، نیگەرانیی ئەو وڵاتانەی لێکەوتووەتەوە و تا ئێستا چەندین جار داوایان لەو وڵاتە کردووە کە کۆتایی بە دەستێوەردانەکانی خۆی بێنێت.}

^{هەروەها پشتیوانییەکانی ئێران لە حکوومەتی بەشار ئەسەد، حیزبوڵڵای لوبنان و هاوکاریی گرووپە توندڕەوەکانی ناوچەکە بەردەوام کێشە و ئاڵۆزیی لە ناوچەکە ناوەتەوە.}

^{بودجەی سەربازیی ئەمساڵی ئەمریکا نیسبەت بە ساڵی ڕابردوو لەسەدا 35% زیادی کردووە و ئەوەش بۆ بەرەنگاربوونەی گرووپی توندڕەوی داعش و هەڕەشەکانی ڕووسیا ڕەچاو کراوە.}

^{جیا لە هەڕشەی داعش و ڕووسیا، پێنتاگۆن بڵاوی کردووەتەوە کە چین، کۆریای باکوور و ئێران کێشە و گرفتی سەربازی بۆ سەر ئەمریکا و هەڕەشە بۆ ئەمنییەتی جیهان بە ئەژمار دێن.}

^{بودجەی پێنتاگۆن بۆ ئەمساڵ بە بڕی 585 ملیار دۆلار مەزەندە کراوە و ئەوەش بۆ ئەوەیە کە ئەمریکا بتوانێت زلهێزەکانی جیهان کۆنتڕۆڵ بکات و خۆی نەخشەی ئەمنییەتی جیهان داڕێژێت.}

^{بە گوتەی کارتەر بەشێک لەو بودجەیە بۆ تێچووی چەکوچۆڵ، سایبری و ئەمنیەتی نەرم ئامێری، فەزایی و ئێلێکتڕۆنیکی تەرخان کراوە.}

^4/2/2016

میدیاكانی ئێران: بارزانی لەسەر بەڕێوەبردنی راپرسیی سەربەخۆیی كوردستان پێداگرە

^{پاش بڵاوبوونەوەی پەیامی "مەسعوود بارزانی" سەرۆكی هەرێمی كوردستان لەبارەی پێداگری و سووربوونی حكوومەتی هەرێم و نەتەوەی كورد لەبارەی بەڕێوەبردنی راپرسی بۆ دیاریكردنی مافی چارەنووس، میدیاكانی ئێرانیش گرنگیان بەم پرسە داوە.}

^{ئاژانسی "ئیسنا" كە یەكێك لە ئاژانسە فەرمییەكانی ئێران لەم بارەوە بڵاوی كردووەتەوە: "سەرۆكی هەرێمی كوردستان بە راگەیاندنی ئەوەی كە هیچ كەس ناتوانێ‌ پێش بە كورد بگرێت كە مافی خۆیان بەدەست بێنن، یان حاشایان لێ‌ بكات و كاتی ئەوەش هاتووە راپرسیی سرەبەخۆیی هەرێمی كوردستان بەڕێوە بچێت."}

^{لە درێژەی راپۆرتەكەی ئیسنادا ئاماژە بەو خاڵەی پەیامەكەی بارزانی كراوە كە دەڵێ‌: "هەندێ‌ لە بەرپرسانی وڵاتانی ناوچە قسە و هەڵوێستی نابەجێ‌ لەبارەی چارەنووسی خەڵكی كوردستان و راپرسی دێننە گۆڕێ‌ كە من بەو لێدوانانە سەرم سووڕ دەمێنێ‌."}

^{ئیسنا ئاماژەی بەوەش كردووە كە پێشتر "یەكێتیی ئەورووپا" رایگەیاندبوو كە لە دۆخی ئێستادا دژی بەڕێوەچوونی راپرسیی هەرێمی كوردستانە.}

^{لە درێژەی پەیامەكەی بارزانیدا هاتوووە: "بەڕێوەچوونی راپرسی بە واتای راگەیاندنی دەوڵەتی سەرەخۆیی نییە، بەڵكوو دەرخستنی ئیرادەی خەڵكە هەتا رێبەرانی سیاسی ئیرادە و بڕیاری خەڵك لە كات و شوێنی گونجاودا بەجێ‌ بگەیەنن. ئەگەر خەڵكی كوردستان چاوەڕێی ئەوە بن كە خەڵكی دیكە سەربەخۆییان پێ‌ ببەخشن، هیچكات ئەم پرسە نابەتە ئاراوە."}

^{هاوكات ئاژانسی "ئیرنا" كە ئاژانسی فەرمیی كۆماری ئیسلامیی ئێرانە بە بڵاوكردنەوەی ئەم هەواڵە نووسیویە بارزانی لەو باوەڕە دایە كە پرۆژەی سەربەخۆیی هەرێمی كوردستان مافی بێ‌ ئەملا و ئەولا و رەوای خەڵكی كوردستانە."}

^{هاوكات دوێنێ‌ رۆژنامەی "كەیهان" كە رۆژنامەیەكی سیاسی و نزیك لە خامنەییە لە راپۆرتێكدا باسی لە سەربەخۆیی كوردستان كردووە و نووسیویە: "لێدانی خەندەق لە ناوەكانی دەرەوەی هەرێمی كوردستان راستیی ئەم پرسەیە و بەپرسانی حكوومەتی هەرێمی كوردستان بە هاوكاریی "ئەمەریكا، بەریتانیا، فەرەنسا، ئەڵمانیا، ئیسرائیل و سعوودیە بەتەمای راگەیاندنی سەربەخۆیی هەرێمی كوردستانن."}

^{بەشێكی زۆر لە میدیاكانی ئێران بەو ئاراستەیەدا هەواڵی پرسی سەربەخۆیی كوردستان رووماڵ دەکەن کە پلانی رۆئاوا و ئەمەریكایە بۆ دابەشبوونی عێراق، نەك مافێكی رەوای نەتەوەیی كورد.}

^4/2/2016

دەمیرتاش: خەندەقەکان بە یەک پەیامی ئۆجەلان چارەسەر دەبن

^{هاوسەرۆکی پارتی دیموکراتی گەلان هەدەپە لە هەوڵی ئەوەدایە بچێتە شارۆچکەی جزیرێی بۆتان و بریندارەکان بەدەستی خۆی بگوازێتەوە بۆ نەخۆشخانە بۆ ئەو مەبەستەش گەیشتە مێردین و رایگەیاند "سوپای تورکیا خەندەقی کردووە بە بیانوو، ئەو خەندەقانە بە یەک پەیامی ئۆجەلان چارەسەر دەبن."}

^{سەڵاحەدین دەمیرتاش هاوسەرۆکی پارتی دیموکراتی گەلان ھەدەپە، بە یاوەری کامەران یوکسەک ھاوسەرۆکی پارتی هەرێمە دیموکراتەکان (دەبەپە) ، گوڵتان کشاناک هاوسەرۆکی شارەوانی ئامەد و بورجو چەلیک پەرلەمانتاری هەدەپە، سەردانی شارەوانی مێردینیان کرد و لەگەڵ ئەحمەد تورک هاوسەرۆکی شارەوانی مێردین کۆبوونەوە.}

^{دوای کۆبوونەوەکە، دەمیرتاش لە کۆنگرەیەکی رۆژنامەڤانیدا رایگەیاند "پرسی کورد وا بە ئاسانی چارەسەر نابێت، رەنگە نەتوانین ئەمڕۆ شەڕ و پێکدادانەکان بوەستێنین بەڵام دەتوانین ئەم تراژیدیایەی جزیرێ کۆتایی پێبێنین."}

^{دەمیرتاش زیاتر گوتی: "بۆ رزگارکردنی ئەو بریندارانە هاتووین، لێرە ناڕۆین تا بە ئەنجام نەگەین."}

^{هاوسەرۆکی هەدەپە داوای لە سەرۆکوەزیرانی تورکیا کرد هەموو شتێک وەلا بنێت و کاربکات بۆ گواستنەوەی ئەو بریندارانە بۆ نەخۆشخانە و گوتی: "زانیاریمان دەست ناکەوێت لەبارەی بریندارەکانەوە، داوای ئاگربەست و گواستنەوەی بریندارەکان دەکەین."}

^{دەمیرتاش گوتیشی: " شاندێکمان پێکھێناوە و دەمانەوێت سێ یاخود پێنج کەس لەگەڵ تیمی تەندروستی و ئەمبوڵانس بچین بۆ هێنانی بریندارەکان. بەس رێگری مەکەن، ئێمە بە ھەموو شێوەیەک دەچین و بریندارەکان دەدۆزینەوە و لە نێو بیناکە دەریان دەهێنین".}

^{لە رۆژی هەینی 22-1-2016ەوە لە گەڕەکی جودی ناوچەی جزیرێی سەربە شرناخ، 28 کەس لەلایەن هێزە ئەمنییەکانی تورکیا لەنێو خانووێکدا گەمارۆدراون. بەوهۆیە شەڕ لەنێوان هێزە ئەمنییەکان و ئەواندا بەردەوامە. تاوەکو ئێستا هەواڵی گیان لەدەستدانی 6 کەسیان بڵاوکراوەتەوە و 22 کەسەکەی دیکەش بریندارن.}

^4/2/2016

دەمیرتاش و داودئۆغلو لەسەر جزیرە لێدوانی دژ بە یەك دەدەن

^{ئانکارا-KDP.info- (سەلاحەدین دەمیرتاش) هاوسەرۆكی هەدەپە لە كۆنگرەیەكی ڕۆژنامەوانیدا كە لە ماردین ئەنجامی دا، داوای لە حكوومەتی توركیا كرد كە ڕێگەی بدەن لەگەڵ چەند ئەندام پەرلەمانێكی دیكە، سەردانی شارۆچكەی جزیرە بكەن، چونكە ماوەی ١٢ ڕۆژ دەبێت كۆمەڵە بریندارێکی لاشەڕ (سڤیل) لە ژێرزەمینی بینایەكدا گیریان خواردوە و، ژیانیان لە مەترسیدایە.}

^{دەمیرتاش داوای كرد كە لیژنەیەك پێك بهێنرێت و، خۆیشی یەكێك بێت لە ئەندامانی ئەو لیژنەیە بۆ سەردانیكردنی جزیرە و ڕزگاركردنی ئەو كەسانەی كە لە ژێرزەمینی بینایەكدا گیریان خواردوە و، لە ترسی یاسای قەدەغەكردنی هاتوچۆ ناتوانن بێنە دەرەوە و بچن بۆ نەخۆشخانە.}

^{ئەو ئاماژەی دا كە ئەوەی توركیا لە جزیرە ئەنجامی دەدات، بە هەموو شێوەیەك دژی یاساكانی مافی مرۆڤی جیهانییە و پێویستە ئیدانە بكرێت. هەروەها دەڵێت وەكو هەدەپە هەوڵی زۆریانداوە بۆ ئەوەی كۆتایی بە شەڕ بهێنرێت، بەلآم تاوەكو ئێستا هیچ سوودێكی نەبوە.}

^{ئەو باس لەوەیش دەكات كە با تیمێكی پزیشكی سەردانی ئەو بینایە بكەن كە ئەو بریندارانەی تێدایە و ناتوانن بێنە دەرەوە، ئەگەر ڕاست بوو با تیماریان بكەن، ئەگەر ڕاستیش نەبێت ئیدی بۆ خەڵك ڕوون دەبێتەوە.}

^{هەر ئەمڕۆ (ئەحمەد داودئۆغلو) سەرۆكوەزیرانی توركیا لە وتارێكدا ئاماژەی دا كە هیچ هاووڵاتێکی بریندار لە ژێرزەمیندا گیری نەخواردووە و، ئەوەی دەیڵێنەوە بێبنەمایە.}
^3/2/2016

پێشمەرگە ١٠هەزار بۆمبی داعشی پووچەڵ کردووەتەوە

^{هەولێر-KDP.info- کەتیبەی ئەندازەی سەربازی هێزەکانی پشتیوانیی یەک لە هێزی پێشمەرگەی کوردستان ئاماری کاری خۆی ڕاگەیاند کە تا ئێستا لە بەرەی جەنگی داعشدا زیاتر لە ١٠هەزار مینی 'داعش‌'یان پووچەڵ کردووەتەوە.}

^{دەقی ئامارەکە:}

^{لە سەرەتای شەڕی داعشەوە شەشەم مانگی ٢٠١٤ تاوەكو 31/12/2014}

^{١. پووچەڵكردن و تەقاندنەوەی 4943 بۆمبی چێنراو و 45 بەرمیلە ١٠٠لیتریی تی‌ئێن‌تی T.N.T و ٢١ بەرمیلە '200لیتری'ـی تی‌ئێن‌تی؛}

^{٢. پووچەڵكردنەوەی 261 پارچە تەقەمەنی؛}

^{٣. پووچەڵكردنەوە و تەقاندنەوەی 32 ئۆتومبێل و تانك و زرێپوش؛}

^{٤. پشكنین و، خاوێنکردنەوەی ٣٥ كیلۆمەتر ڕێگاوبان؛}
^{٥. پشكنینی 74 خانوو.}

^{چالاكی تیمەكانی ئەندازە لە ڕێکەوتی 1/1/2015وە تاوەكو 31/12/2015}

^{١. تەقاندنەوە و پووچەڵكردنی 5522 بۆمبی چێنراو؛}
^{٢. پووچەڵكردن و تەقاندنەوەی 464 پارچە تەقەمەنی؛}
^{٣. پووچەڵكردنەوەی 50 ئۆتومبیل و ئالیات؛}
^{٤. پشكنینی 66 كیلۆمەتر ڕێگاوبان؛}
^{٥. پشكنینی 32 خانوو.}

^{پووچەڵكردنەوەی تونێل}

^{١. دوو تونێل لە ڕوژئاوای كەركووك غورە، بە درێژایی 10 مەتر؛}
^{٢. چوار تونێل 15 تاوەكو 100 مەتر لە ناوەڕاستی قەزای شنگالدا؛}
^{٣. تونێلێک لە ناوەڕاستی قەزای شنگالدا بە درێژایی 500 مەتر.}

^{پووچەڵكردنەوە و تەقاندنی 10 بۆمبی كیمیایی}

^{شوێنی پووچه‌ڵكردنەوەی بۆمبی چێنراو له‌ سه‌ره‌تای شه‌ڕی تیرۆریستانی داعشەوە (شەشەم مانگی ٢٠١٤) تاوەكو 31/12/2015:}

^{ژماره‌ی بۆمبی چێنراو}

^{١. لە ڕۆژئاوای كه‌ركووكدا 634 بۆمب؛}
^{٢. مه‌خموور ٢٢٣٤٩؛}
^{٣. گوێڕ ٩٣١؛}
^{٤. خازر ٥٥٥؛}
^{٥. باشیک 110؛}
^{٦. ناوه‌ران، تلسقۆف230؛}
^{٧. بەنداوی مووسڵ 889؛}
^{٨. زوممار و كه‌سك 1530؛}
^{٩. ڕه‌بیعه ١٠٥٠؛}
^{١٠. لە شنگالیشدا ٢٢٨٧ بۆمب.}

^{كۆی گشتی: 10465 بۆمب}

^{كۆی گشتی :}
^{لە شەشەم مانگی ٢٠١٤وە تا كۆتایی ساڵی 2015}

^{1- پووچەڵكردنەوەی 10465 بۆمبی چێنراو كە دەكاتە نزێك 120 تەن و نیو تی‌ئێن‌تی؛ پێكهاتەی ئەمونیوم + نیترات؛}
^{٢. پووچەڵكردنەوەی 725 پارچە تەقەمەنی؛}
^{٣. پشكنینی 82 ئۆتومبێل؛}
^{٤. پشكنینی 101 كم ڕێگاوبان؛}
^{٥. پشكنینی 210 خانوو؛}
^{٦. ئینجایش پشكنینی 6 تونێل بە درێژایی 10 مەتر تاكو 50 مەتر.}
^3/2/2016

پێشنیاز دەكرێ كرێی خانوو 25% تاوەكو 35% كەم بكرێتەوە

^{بەهۆی قەیرانی داراییەوە، پارێزگارەكانی هەرێمی كوردستان پێشنیازی كەمكردنەوەی نرخی كرێی خانوو و باڵەخانەكانیان بە رێژەی 25% تاوەكو 35% بۆ ئەنجوومەنی وەزیران كردووە، پارێزگارێكیش دەڵێت لە هەفتەی داهاتوودا حكومەت بڕیار لەسەر كەمكردنەوەی نرخەكان دەدات.}
^{بەپێی رووپێوییەكی دەستەی ئاماری هەرێمی كوردستان كە لەساڵی 2012دا كراوە، ملیۆنێك و 144 هەزار و 870 خانوو لە هەرێمی كوردستان هەبوون، لەم ژمارەیەش 195 هەزار و 83 خانوو كرێچییان تێدا بووە، واتە ئەوكات رێژەی كرێچیانی كوردستان 21% بووە.

ئەنجامی ئەم رووپێوییە دەریخستووە ساڵانە زیاتر لە 5 هەزار كرێچی لە هەرێمی كوردستان زیاد دەبن. بۆیە بەپێی پێشبینی دەستەی ئامار ئێستا 210 هەزار و 712 خێزانی كرێچی لە هەرێمی كوردستان هەن، لە كۆتایی ساڵی 2018دا ژمارەی كرێچییەكان بۆ 226 هەزار و 661 كرێچی بەرز دەبێتەوە.

مەحموود ئیسماعیل، ئەندامی سكرتاریەتی كۆمەڵەی داكۆكی لە مافی كرێنشینانی كوردستان، پێیوایە ژمارەی كرێنشین لە هەرێمی كوردستان زۆر لەو ژمارەیە زیاترە كە دەستەی ئامار مەزەندەی كردووە. ئەو سەرپەرشتیارە نموونە بە تۆماری لقی هەولێر و سلێمانی كۆمەڵەكەی دەهێنێتەوە و دەڵێت "تەنیا لە پارێزگای هەولێر و دەوروبەری 17 هەزار كرێنشین ناوی خۆیان لە كۆمەڵەكەمان تۆمار كردووە، لە سلێمانیش لە سەرووی 30 هەزار، بۆیە لەو باوەڕەدام ئێستا 250 هەزار كرێنشین لە هەرێمی كوردستان هەبن".

قەیرانی دارایی و دواكەوتنی مووچە و نەبوونی كار، كاریگەری نەرێنی لەسەر زۆربەی خەڵكی كوردستان هەبووە، بەتایبەتی ئەوانەی كرێچین و داهاتەكەیان تەنیا مووچەیە، یان كرێكارییە كە ئێستا زۆر بە زەحمەت كاریان دەستدەكەوێت.

مەحموود ئیسماعیل دەڵێت "قەیرانی دارایی زیاتر لە هەموو توێژەكانی دیكە كاریگەری لەسەر ژیانی كرێنشین هەبووە، ئەگەر حكومەت بڕیارێكی بەپەلە بۆ كەمكردنەوەی كرێی خانوو نەدات، دەیان كێشەی كۆمەڵایەتی لەنێوان كرێنشین و خاوەن خانوو روودەدات".

مەحموود ئیسماعیل كە خۆشی كرێچییە، باسی گوزەرانی كرێچییەكان دەكات و دەڵێت "كرێنشین هەیە چەند مانگێكە كرێی نەداوە و خاوەن خانوو هەڕەشەی دەركردنی لێكردووە. هەیە خێزانەكەی تەڵاقداوە، كرێنشینی وا هەیە كرێی پێ نەدراوە و چووەتەوە سەر ماڵی باوكی، كرێنشینیش هەیە ماڵەكەی هەڕاج كردووە و بەرەو دەرەوەی وڵات رۆیشتووە، تەنانەت هەبووە بەهۆی ئەوەی پارەی نەبووە كرێی خانوو بدات، خۆی كوشتووە".

نەبوونی كار و هەڕەشەی خاوەن خانوو، ژیانی جوانە حەسەنی تاڵ كرد. جوانە لە مێردەكەی جیابووەتەوە و لەماڵی براكانی دەژیت. مێردەكەشی سەری خۆی هەڵگرت و چووە دەرەوەی وڵات.

جوانە كە ساڵ و نیوێك لەمەوبەر شووی بە قەسابێك كردووە، گوتی "مێردەكەم ئیشی باش بوو، خانووێكمان بە كرێ‌ گرت، ژیانێكی سادە و خۆشمان هەبوو، بەڵام بەهۆی ئەو قەیرانەوە، مێردەكەم كارەكەی بەرە بەرە لاواز بوو، تا وای لێهات مانگانە كرێی خانووی پێ‌ پەیدا نەدەبوو، خاوەنی خانووش زوو زوو دەهاتە سەرمان و هەڕەشەی لێدەكردین ئەگەر كرێ‌ نەدەین، دەرمان دەكات. مێردەكەم هیچ چارەی نەبوو، منی تەڵاقدا و خۆشی چووە دەرەوەی وڵات".

جوانە حەسەن كە دایكی منداڵێكی تەمەن حەوت مانگانە، ئێستا لەلای برایەكی دەژی كە پێشمەرگەیە و لە خانووی كرێدایە. جوانە گوتی " بوومەتە ئەرك بەسەر ئەوانیشەوە. بەهۆی ئەوەی لە دادگا تەڵاق نەدراوم، نەمتوانی داوای هیچ مافێك لە مێردەكەم بكەم".

جوانە خۆی بەقوربانیی قەیرانی دارایی دەزانێ و دەڵێت "ئەگەر قەیرانی دارایی و بێكاری و هەڕەشەی خاوەن خانوو نەبووایە، ئێستا ئێمەش وەك خەڵك لەگەڵ مێرد و كچەكەم ژیانێكی خۆشمان دەبردە سەر و جیانەدەبووینەوە".

نەوزاد هادی، پارێزگای هەولێر بە (رووداو)ی راگەیاند، پێشنیازی كەمكردنەوەی نرخی كرێ خانوو و باڵەخانە بازرگانییەكانیان ئاراستەی ئەنجومەنی وەزیران كردووە، ئێستا پێشنیازەكە لە قۆناغی لێكۆڵێنەوەدایە.

وا بڕیارە ئەم هەفتەیە كۆبوونەوەیەكی دیكەی ئەنجومەنی وەزیران بە بەشداریی پارێزگارەكان بۆ راگەیاندنی بەشێكی دیكە لە چاكسازییەكانی حكومەت بۆ بەرەنگاربوونەوەی قەیرانی دارایی بكرێ‌.

نەوزاد هادی دەڵێت "بەدڵنیاییەوە لەو كۆبوونەوەیەدا كە پارێزگارەكانیش ئامادە دەبن، بڕیار لە بارەی كەمكردنەوەی نرخی كرێی خانوو و باڵەخانە بازرگانییەكان و چۆنیەتی جێبەجێكردنی دەدرێت".

هێرش حوسێن، جێگری قایمقامی قەزای ناوەندی هەولێر، پێشنیازی پارێزگاكانی بۆ كەمكردنەوەی نرخی كرێی خانوو بۆ (رووداو) ئاشكرا كرد و گوتی "پارێزگارەكان پێشنیازیان كردووە نرخی كرێی خانوو و باڵەخانە بازرگانییەكان بەڕێژەی 25% تاوەكو 35% كەم بكرێتەوە".

هێرش حسێن كە سەرۆكی لێژنەی باڵای پاراستنی مافەكانی بەكاربەر و ژینگەیە لە پارێزگای هەولێر، گوتی "دوای دەرچوونی بڕیارەكە هەر خاوەن خانوو و باڵەخانەیەك پابەند نەبێ‌ بە بڕیارەكە دەدرێتە دادگا".}

^3/2/2016

رێککەوتنی ئەتۆمی ئێران پەیوەندی ئەمریكا و حیزبەكانی رۆژهەڵاتی كوردستانی كۆتایی پێهێنا

بەشێک لە حیزبەکانی رۆژهەڵاتی کوردستان رایدەگەیێنن، دوای رێککەوتنی ئەتۆمی نێوان ئێران و رۆژئاوا، ئەمریکا لە پەیوەندییەکانی لەگەڵ ئەواندا ساردبووەتەوە. ئەندامێکی سەرکردایەتی حیزبی دیموکراتی کوردستان رایدەگەیێنێت، ئەوان پێش رێککەوتنی ئەتۆمی، چەند مانگ جارێک لەگەڵ بەرپرسانی ئەمریکایی کۆبوونەوەیان هەبووە، بەڵام لەدوای رێککەوتنەکەوە تاوەكو ئێستا ئەمریکییەکان ئامادەنەبوونە لەگەڵیاندا کۆببنەوە. ئیبراهیم زێوەیی، بەرپرسی پەیوەندییەکانی حیزبی دیموکراتی کوردستان لە هەولێر دەڵێت "داخوازی ئێمە لە وڵاتانی رۆژئاوا ئەوەیە لەنێو ئەو رێككەوتنەی لەگەڵ ئێران كردوویانە پشتیوانی لە دیموكراسی و مافەكانی كورد لە رۆژهەڵاتی كوردستان بكەن". زاگرۆس خوسرەوی، ئەندامی سەرکردایەتی کۆمەڵەی شۆڕشگێری زەحمەتکێشانی کوردستانی ئێران ئاماژە بەوە دەكات "دوای رێككەوتنەكە لەگەڵ بەرپرسانی ئەمریكا كۆبوونەوەمان نەبووە، بەڵام پێشمانوایە ئەو رێككەوتنە كۆتایی بە پەیوەندی ئێمە و ئەمریكا بهێنێت". رێکكەوتنی نێوان ئێران و ئەمریکا لە دوای 36 ساڵ بە تەنیا نیگەرانی لای سعودیە و ئسرائیل دروستنەکردوە، بەلکو هەندێک لە حیزبەکانی رۆژهەڵاتی کوردستان ترسی ئەوەیان هەیە ئەمریکا وەک جاران گرنگیان پێنەدات و پەیوەندی نێوانیان سارد ببێتەوە. لە 14-7-2015 رێکكەوتنی ئەتۆمی لەنێوان ئێران وڵاتانی پێنج كۆ یەك بە سەرۆكایەتی ئەمریكا ئەنجامدرا. هەرچەندە بەرپرسانی ئێران و ئەمریكا چەند جارێک گوتویانە کێشەکانیان لەگەڵ یەكدی بەتەواوی كۆتایی نەهاتووە، بەڵام رێككەوتنەكە زیاتر لەیەكدی نزیككردوونەتەوە.

^3/2/2016

ئه‌مریكا بودجه‌ی‌ رووبه‌ڕووبوونه‌وه‌ی‌ داعش زیاد ده‌كات

^{وه‌زیری‌ به‌رگری‌ ئه‌مریكا رایگه‌یاند، وڵاته‌كه‌ی‌ به‌نیازه‌ له‌ بودجه‌ی‌ ساڵی‌ 2017 ی‌ خۆیدا بڕی‌ پاره‌ی‌ ته‌رخانكراو بۆ رووبه‌ڕووبوونه‌وه‌ی‌ رێكخراوی تیرۆریستی‌ داعش زیاد بكات.

ئاشتۆن كارته‌ر، وه‌زیری‌ به‌رگری‌ ئه‌مریكا له‌ لێدوانێكی‌ رۆژنامه‌وانیدا له‌ واشنتۆن كه‌ رۆژی‌ سێشه‌ممه‌ ئاژانسی‌ هه‌واڵی‌ فرانس پرێس بڵاویكرده‌وه‌ ئاماژه‌ی‌ به‌وه‌كردووه‌، به‌و پێیه‌ی‌ ئه‌مریكا ده‌یه‌وێت په‌له‌ بكرێت له‌ له‌ناوبردنی‌ ئه‌و رێكخراوه‌ تیرۆرستییه‌، بڕیاردراوه‌ بڕه‌ پاره‌ی‌ ته‌رخانكراو بۆ رووبه‌ڕووبوونه‌وه‌ی‌ داعش له‌ ساڵی‌ 2017 دا بۆ 7.5 ملیار دۆلار زیاد بكات.

به‌و پێیه‌ش ئه‌و بڕه‌ پاره‌یه‌ی‌ له‌ ساڵی‌ 2017 دا ته‌رخانكراوه‌ بۆ رووبه‌ڕووبوونه‌وه‌ی‌ ئه‌و رێكخراوه‌ تیرۆرستییه‌ به‌راورد به‌ ساڵی‌ 2016، 50% زیادی‌ كردووه‌.

وه‌زیری‌ به‌رگری‌ ئه‌مریكا له‌ به‌شێكی‌ تری‌ لێدوانه‌كه‌یدا ئاماژه‌ی‌ به‌وه‌شكرد، له‌هه‌مان بودجه‌دا بڕیاردراوه‌ به‌زیادكردنی‌ بڕه‌پاره‌ی‌ ته‌رخانكراو بۆ پشتیوانیكردنی‌ هاوپه‌یمانانی‌ ئه‌مریكا له‌ رێكخراوی‌ ناتۆ بۆ 3.4 ملیار دۆلار ئه‌وه‌ش به‌راورد به‌ ساڵی‌ 2016 چوار هێنده‌ زیادی‌ كردووه‌.

له‌ بودجه‌ی‌ ساڵی‌ 2016 دا ئه‌مریكا بڕی‌ 780 ملیۆن دۆلاری‌ بۆ پرۆژه‌ی‌ "ده‌ستپێشخه‌ری‌ دڵنیاكردنه‌وه‌ی‌ ئه‌وروپا" ته‌رخانكردبوو بۆ دابینكردنی‌ خه‌رجی‌ سه‌دان سه‌ربازی‌ ئه‌مریكی‌ كه‌ له‌ ناوه‌وه‌ و ده‌ره‌وه‌ی‌ وڵاتانی‌ ئه‌وروپا پرۆسه‌ی‌ سه‌ربازی‌ ئه‌نجامده‌ده‌ن.}

^3/2/2016

ھاوڕێ مەنسور بەگ: سعودیە ئابووریی رووسیا و ئێران تێکدەدات

^{د. ھاوڕێ مەنسور بەگ، مامۆستای زانکۆ و شارەزا لە بواری نەوت، باس لە ھۆکارەکانی دابەزینی نرخی نەوت دەکات و دەڵێت، سەرەکیترین ھۆکارەکانی دابەزینی نەوت لەلایەن سعودیە و وڵاتە عەرەبییەکان و چەند وڵاتێکی دیکەوەیە، بۆ وشکبوونی سەرچاوەی دارایی ئێران، کە بە شێوەیەکی گشتیی پشت بە فرۆشتنی نەوت دەبەستێت، بە کەمکردنەوەی رێژەی نەوتیش لەلایەن وڵاتانەوە، نرخی نەوت گۆڕانکاری دراماتیکی بەسەردا دێتەوە.}

^{د. ھاوڕێ مەنسور بەگ لە لێدوانێکدا بە (باسنیوزی) راگەیاند، کە سعودیە تاڕادەیەکی زۆر کاریگەر تارانی لە دراوی قورس بێ بەش کردووە، ”ئەو دراوەی بۆخۆی (واتە سعودیە) بە سەدان بلیۆنی لە یەدەگی ستراتیجی لە بانکەکانی جیھاندا ھەیە".}

^{ئەو مامۆستایەی زانکۆ پێیوایە بە دابەزینی نرخی نەوت، کۆمپانیاکانی نەوتی بەردین بەرەو مایەپووچ بوون دەچن، ”ھەر ھەفتەیەک کۆمپانیا و بانکە پاڵپشتەکانیان دوو ملیار دۆلار زەرەر دەکەن“.}

^{ھاوڕێ مەنسور بەگ هەروەها رایگەیاند، کە سعودیە نرخی نەوتی جیهانیی دابەزاندووە و زەرەرێکی زۆری بە ئابووریی رووسیا گەیاندووە و بۆ ئەمەش راپۆرتێکی سەنتەری شیکاریی ستراتیجی و تەکنۆلۆجی (CAST)ـی رووسی بە نموونە دەهێنێتەوە، کە ئاماژەی بەوەکردبوو، ئابووریی ئێستای رووسیا لە توانایدا نییە سەرچاوەی دارایی دابین بکات بۆ جێبەجێکردنی ئەو بەرنامەیەی تا ساڵی 2020 داڕێژرابوو.}

^2/2/2016

ئاکپارتی و ئەردۆغان پێداگری لە گۆڕینی سیستەمی سیاسی تورکیا دەکەن

^{گۆڕینی سیستەمی سیاسی لە تورکیا لە پەرلەمانییەوە بۆ سەرۆکایەتی بووەتە رۆژەڤ و سەرۆککۆماری تورکیاش پێیوایە گۆڕینی سیستەمی حکومڕانی لە وڵاتەکەی چارەسەری قەیرانەکان دەکات لە تورکیا.}

^{پێداگری ئاکپارتی و سەرۆککۆماری تورکیا بۆ گۆڕینی سیستەمی سیاسی لە وڵات لەکاتێکدایە کە ئێستا ئاکپارتی لە پەرلەمانی تورکیا خاوەنی 316 کورسییە و پێویستی بە 330 دەنگ هەیە بۆ تێپەڕاندنی پڕۆژەی گۆڕینی سیستەمی سیاسی لە وڵاتدا. بەڵام لە ئەگەری رێکنەکەوتنی لایەنەکان لە پەرلەمان چاوەڕواندەکرێت لە پایزی ئەمساڵدا تورکیا رێفراندۆم بۆ گۆڕینی سیستەم لە وڵات ئەنجام بدات.}

^{پارتی داد و گەشەپێدان ئاکپارتی، رۆژ لەدوای رۆژ گەرمتر باسی پرسی سیستەمی سەرۆکایەتی دەکات. بەتایبەتیش لەگەڵ درێژەکێشانی گرفت و ناکۆکییەکانی تورکیا و بەردەوامبوونی شەڕ و پێکدادان لە باکووری کوردستان. سەرۆککۆماری تورکیا رەجەب تەیب ئەردۆگان دوپاتیدەکاتەوە گۆڕینی سیستەمی حکومڕانی تورکیا لە پەرلەمانییەوە بۆ سەرۆکایەتی چارەسەری قەیرانەکان دەکات لە وڵاتەکەی.}

^{یەکێک لە هۆکارەکانی پێداگیری ئاکپارتی و ئەردۆغان لەسەر سیستەمی سەرۆکایەتی ئەوەیە کە سیستەمی سەرۆکایەتی دەتوانێت کۆتایی بە شەڕ و پێکدادانەکانی باکوور بهێنێت و پرۆسەی چارەسەری خێراتر و کاریگەرتر بکات.}

^2/2/2016

ئێران بە فستق جیهان داگیردەكات

^{بە لادانی گەمارۆكانی سەر ئێران تەنیا بازاڕی نەوت كاریگەری نەوتی زیادەی ئێرانی نەكەتووەتە سەر، بەڵكو پیشەسازییەكی دیكە هەیە كە دوای لادانی گەمارۆكانی ئێران بەتەواوەتی ئاراستەكەی دەگۆڕێت، ئەویش پیشەسازی و بازرگانی فستقە.}

^{كاریگەرییەكانی ئێران لە بازاڕی فستق زۆر زیاترە لەو كاریگەرییەی كە دەتوانێت لەسەر بازاڕی نەوت دروستی بكات. ئێران بەدرێژایی چەند دەیەی رابردوو یەكەم هەناردەكاری فستقی جیهان بووە و دوای سەپاندنی گەمارۆكانی سەر ئەو وڵاتە، ئەمریكا شوێنی ئەو وڵاتەی لە بازاڕی فستقی جیهان گرتەوە، بەڵام بەهۆی توانای ئەو وڵاتە لە بەرهەمهێنانی فستەق پێشبینی دەكرێت بەمزووانە ئێران پلەی یەكەمی خۆی لەو بازاڕەدا بەدەستبهێنێتەوە.}

^{دنیس كتابی، كە بەڕێوەبەری كۆمپانیایەكی بازرگانی فستقە لە دوبەی و 25 ساڵە كاری بازرگانی فستق دەكات، باس لە بازاڕی جیهانی فستق دەكات. ئەو دەڵێ "بە لادانی گەمارۆكان هەلێكی باش رەخساوە بۆ ركابەرییەكی تەندروست لە بازاڕی فستقدا لەنێوان بەرهەمی ئێرانی و بەرهەمی ئەمریكی، بەتایبەت لە بازاڕی ئەستەمی ئەورووپادا، لەبەر ئەوە كۆمپانیاكانی بازرگانی فستق لەوە بەدواوە دەتوانن بەرهەمی هەردوو وڵات بەئاسانی بخەنەڕوو، ئەوەش بە مانای ئاسایی بوونەوەی ركابەرییە لەنێوان ئەو دوو بەرهەمەدا."}

^{هەر لە ئێستاوە ئەو كەسانەی لە ویلایەتی پێنسیلڤانیا لە ئەمریكا فستق بەرهەمدەهێنن، نیگەرانن لە گەڕانەوەی ئێران. ئاستی بەرهەمهێنانی فستق لە پێنسیلڤانیا لە 10 ساڵی رابردوودا دوو هێندە بووە و ساڵی رابردوو سنووری 300 ملیۆن تەنی تێپەڕاند.}

^{لە ساڵانی رابردوودا بازرگانی فستقی ئێران وەك هەر بەرهەمێكی دیكە بەهۆی تووندبوونەی گەمارۆكان زیانی زۆری بەركەوت. تەنانەت رێڕەوی بازرگانی فستقی ئێران دوای سەپاندنی گەمارۆكان لەلایەن وڵاتە ئەورووپییەكان و ئەمریكاوەوە بەتووندی كۆنترۆڵ دەكرا.}

^{بۆنموونە وەزیری بازرگانی ئەمریكا لە ساڵی 2007 هۆشداری دایە حكومەتی ئیسرائیل كە سنوورێك بۆ فستقی ئێران دابنێت كە بە لێشاو لەڕێی توركیاوە هاوردەی ئەو وڵاتە دەكرا. كتابی دەڵێت كۆمپانیا ئێرانییەكان دیسان دەتوانن بازاڕی فستقی جیهان كۆنترۆڵ بكەن.}

^{دنیس کتابی، بەڕێوەبەری کۆمپانیایەکی بازرگانی فستق لە دوبەی دەڵێت "ئێران ئەمساڵ بەرهەمێکی باشی فستقی نییە، بەرهەمی ئەمساڵی ئێران ئاساییە. بەرهەمی کالیفۆرنیاش ئەمساڵ شکستی خواردووە. ساڵ بە ساڵ بەرهەمی فستقی ئێرانییەکان باشتر دەبێت لەبەرئەوە ئەگەری هەیە بەرهەمهێنەرانی فستقی ئێران بتوانن بەئاسانی لەڕووی ستانداردە نێودەوڵەتییەکان بگەنە ئاستی کۆمپانیا ئەمریکییەکان."}

^{بۆب کلێین، سەرۆکی ئیدارەی بەرهەمی فستق لە کالێفۆرنیا دەڵێت گەڕانەوەی ئێران بۆ بازاڕی فستق زۆر ئاسان نییە، بەڵام بەدڵنیاییەوە گەڕانەوەی ئێران دەبێتە هۆکاری هەرزانبوونی ئەو چەرەزە بەتامە لەسەر ئاستی جیهاندا.}

^2/2/2016

دلاوەر ئاژگەیی: ئێستا باشترین دەرفەتە بۆ راگەیاندنی سەربەخۆیی کوردستان

^{نوێنەری حکومەتی ھەرێمی کوردستان لە یەکێتیی ئەوروپا رایدەگەیەنێت، کە ئێستا باشترین کاتە بۆ راگەیاندنی سەربەخۆیی کوردستان و ناوەندە ستراتیژییە ئەوروپییەکانیش لەو باوەڕەدان.}

^{”دلاوەر ئاژگەیی“، نوێنەری حکومەتی ھەرێمی کوردستان لە یەکێتیی ئەوروپا بە باسنیوزی راگەیاند، پێیوایە هەر کەسێک وابیر بکاتەوە، کە وڵاتانی جیهان دەوڵەتی بۆ دروست دەکەن، ئەوا ”هەڵەیە“ و رایدەگەیەنێت، داواکردنی یەکپارچەیی عێراق لەلایەن وڵاتانی ئەوروپاوە بەهۆی ”پرەنسیپی دیپلۆماسیی نێودەوڵەتیی“، چونکە بەپێی ئەو پرەنسیپانە، ”وڵاتی سەربەخۆ نابێ داوای دابەشکردنی وڵاتێکی دیکەی سەربەخۆ بکات“.}

^{نوێنەری حکومەتی ھەرێمی کوردستان لە یەکێتی ئەوروپا ئاماژەی بەوەش دا، کە وڵاتانی ئەوروپا دژی سەربەخۆیی کوردستان نین و لەگەڵیشی نین و ئەوان کار لەگەڵ واقیع و یاسا نێودەوڵەتییەکان دەکەن.}

^{دلاوەر ئاژگەیی نموونەی پابەندبوونی ئەو بەرپرسە ئەوروپییانە بە یاسا و پرەنسیپە نێودەوڵەتییەکان بەوە دەهێنێتەوە، کە ”ویلیەم هۆوگ“، وەزیری پێشووی دەرەوەی بەریتانیا لەو کاتەی وەزیر بوو و لە سەردانێکیدا بۆ هەولێر، خۆی لە مافی سەربەخۆیی کوردەکان لادەدا و دوای نەمانیشی لە وەزارەت، لە وتارێکدا ئاماژەی بە مافی سەربەخۆبوونی کوردەکان دا.}

^{بە گوتەی ئاژگەیی، پرۆسەی داننان بە دەوڵەتی سەربەخۆی کوردستان لەلایەن ئەو وڵاتانەوە، دوای راگەیاندنی دەوڵەتەکە دێت و نابێ کەس چاوەڕێی ئەوە بکات، کە پێش سەربەخۆبوون، وڵاتان بە فەرمیی پشتگیریی دەوڵەتی کوردستان بکەن.}

^{نوێنەری حکوومەتی هەرێمی کوردستان لە یەکێتیی ئەوروپا پێشیوابوو، کە ئێستا کاتەکە گونجاوە بۆ راگەیاندنی سەربەخۆیی کوردستان و رایدەگەیەنێت، کە بە پشت بەستن بە چەند هۆکارێک، بەرپرسانی یەکێتی ئەوروپا و ناوەندە ستراتیژییەکان پێیانوایە کاتی راگەیاندنی سەربەخۆیی کوردستان هاتووە.}

^{ئەو هۆکارانەی ئاژگەیی باسیان دەکات، وەک رەخساویی کاتی راگەیاندنی دەوڵەتی کوردستان:}

^{یەکەم/ ھەرێمی کوردستان ئێستا ھێزی سەربازی و سەربەخۆی هەیە و بە شایەتیی هەموو جیهان، بێ گەڕانەوە بۆ بەغدا، شەڕی داعش دەکات.}

^{دووەم/ ھەرێمی کوردستان ئێستا خاوەنی ئابووریی سەربەخۆیە و زۆر لە بەغدا بەھێزترە، ئەگەر گرفتی دابەزینی نەوت نەبووایە، بەبێ کێشە نەوتی خۆی دەفرۆشت.}

^{سێیەم/ ئێستا وڵاتانی دراوسێ لە توانایاندا نییە دژایەتیی پرۆژەی سەربەخۆیی کوردستان بکەن، بەتایبەتی لە رووی سەربازییەوە.}

^{چوارەم/ نەخشەی سیاسیی ناوچەکە بە گشتی لە گۆڕانکاریدایە و لە رووی پراکتیکییەوە عێراق و سوریا بوونەتە چەندین بەش.}

^{پێنجەم/ وڵاتی تازەو نوێ لەکاتی بوونی شەڕو ناکۆکی و سەقامگیریی سیاسی لەھەموو قۆناغێک دروست دەبن و دۆستانی گەلی کوردیش بە قۆناغی مێژوویی ناوزەدی دەکەن و پێیانوایە تاوەکو 100 ساڵی دیکە پێشھاتی وەھا نایەتەوە بەردەست ، کە بێگومان ئەمە پێویستیی بە یەکڕیزی و تەبایی خەڵکی کوردستانە.}

^1/2/2016

سه‌قز.. 129 ئاسه‌واری مێژوویی دۆزرایه‌وه‌

^{لە ئەنجامی گەڕان و پشکنینی شوینەراوناسنی کورد 129 ئاسه‌واری مێژوویی له‌ شاری سه‌قز دۆزرایه‌وه‌ و تۆمار کرا.}

^{بە گوتەی به‌رێوەبەری بەڕێوەبەرایەتیی شوێنەواری شاری سەقز لە رۆژانی رابردوودا 129 پارچە ئاسه‌واری مێژوویی له‌ شاری سه‌قز به‌ هاوکاریی ئاسەوار و سوێنەوارناسن دۆزرایه‌وه‌ و تۆمار کراوە.}

^{"حه‌مید گه‌ڵاڵی" زیادیشی گوتیشی" له‌م ڕێژه‌یه‌ 46 ئاسه‌واری مێژوویی کۆن و 83 ئاسه‌واری دەسکرد بوون‌ و ئاسه‌واره‌ دۆزراوه‌کان له‌باری مێژوویی و بایه‌خه‌وه‌ گرنگیی زۆریان هه‌یه‌.}

^{له‌ درێژه‌دا گوتیشی: بەشێک لەم ئاسەوارانە لەلایەن تاڵانچییەکانی ئاسەوارەوە دزرابوون کە تاوانباره‌کان ده‌ستگیر و‌ ڕاده‌ستی به‌رپرسانی دادگه‌ کراون.}

^{لە هەفتەکانی رابردووشدا دەیان پارچە ئاسەواری دیکەش لە پاریزگای ئیلام دۆزرانەوە.}

چاوپێکەوتن

داواکاری گشتیی کرماشان: لێکۆڵینەوە لەبارەی لێدانی قوتابیان دەکەین

ئێران و ئەمریکا!

گەشەی پەیوەندیەکانی ئێران و ئەمەریکا گەیشت بەکوێ؟

مەودای ناکۆکییەکان و دانوستانەکانی ئێران- ئەمریکا بەرەو کوی؟

هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد

فه‌رهه‌نگ‌ و هونه‌ر

داواکاری گشتیی کرماشان: لێکۆڵینەوە لەبارەی لێدانی قوتابیان دەکەین

ئێران و ئەمریکا!

گەشەی پەیوەندیەکانی ئێران و ئەمەریکا گەیشت بەکوێ؟

مەودای ناکۆکییەکان و دانوستانەکانی ئێران- ئەمریکا بەرەو کوی؟

هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد

په‌یوه‌ندی راسته‌وخۆ

گه‌ڕان

سعودیە: ئامادەین هێزی وشکانی بنێرینە سووریا بۆ لێدانی داعش

تورکیا پاکێجێکی نوێ بۆ کێشەکانی باکووری کوردستان رادەگەیێنێت

پێنتاگۆن: ئێران یەکێک لە کێشە سەربازییەکانی ساڵی 2017 دەبێت

میدیاكانی ئێران: بارزانی لەسەر بەڕێوەبردنی راپرسیی سەربەخۆیی كوردستان پێداگرە

دەمیرتاش: خەندەقەکان بە یەک پەیامی ئۆجەلان چارەسەر دەبن

دەمیرتاش و داودئۆغلو لەسەر جزیرە لێدوانی دژ بە یەك دەدەن

پێشمەرگە ١٠هەزار بۆمبی داعشی پووچەڵ کردووەتەوە

پێشنیاز دەكرێ كرێی خانوو 25% تاوەكو 35% كەم بكرێتەوە

رێککەوتنی ئەتۆمی ئێران پەیوەندی ئەمریكا و حیزبەكانی رۆژهەڵاتی كوردستانی كۆتایی پێهێنا

ئه‌مریكا بودجه‌ی‌ رووبه‌ڕووبوونه‌وه‌ی‌ داعش زیاد ده‌كات

ھاوڕێ مەنسور بەگ: سعودیە ئابووریی رووسیا و ئێران تێکدەدات

ئاکپارتی و ئەردۆغان پێداگری لە گۆڕینی سیستەمی سیاسی تورکیا دەکەن

ئێران بە فستق جیهان داگیردەكات

دلاوەر ئاژگەیی: ئێستا باشترین دەرفەتە بۆ راگەیاندنی سەربەخۆیی کوردستان

سه‌قز.. 129 ئاسه‌واری مێژوویی دۆزرایه‌وه‌

دواین هه‌واڵ

به‌رنامه‌ی کۆماریخوازان

بەیاننامە و ڕاگه‌یه‌ندراوه‌کان

بەڵگەنامەکان

WWW.KOMARIXWAZ.COM