^{سکرتێری حزبی سۆسیالست دیموکراتی کوردستان ئاماژە بەوە دەکات، نیەتێک لە بەغداوە هەیە، بۆ ئەوەی کورد دوور بخرێتەوە. ئەوەش دەخاتەڕوو کە وڵاتانی جیهان پشتیوانیی دەوڵەتی کوردی دەکەن.}

^{"محەممەد حاجی مەحمود"، سکرتێری حزبی سۆسیالیست دیموکراتی کوردستان، بە (باسنیوز)ی ڕاگەیاند: “تائێستاش بەغدا و هەولێر ناکۆکن، لەوە دەچێت کەسانێک هەبن کە بیانەوێت کورد لە بەغدا دوور بخەنەوە، چونکە 2 پێشنیار لە بەغدا هەیە، بەشێکیان دەڵێت با دەوڵەتی کوردی هەبێت و کوردەکان بڕۆن، چونکە هیچیان پێناکرێت و پێیانوایە بەهۆی کوردەوە تووشی گرفت بوون. بەشێکیشیان لە ڕووی دڵسۆزییەوە قسە دەکەن و پێیان خۆشە کورد دەوڵەتی خۆی هەبێت”.}

^{بە گوتەی محەمەدی حاجی مەحموود، شیعە و سوننەی عێراق، سوود لە کورد وەردەگرن، چونکە کورد لە ناوچەکەدا باڵانسە، بەڵام: “هیچیان پشگیری لە دەوڵەتی کوردی ناکەن، تەنیا دەوڵەتانی دوور لە کوردستان کە گرفتیان لەگەڵ کورد نەبێت، ڕەنگە ئەوانە پێیان باش بێت، تەنیا گوتوویانە پشتیوانی لە کورد دەکەن، بەڵام دەبێت کورد پڕۆژەی هاوبەشی بۆ دەوڵەتی کوردی هەبێت، تائێستاش بە فەرمی بڕیاری لەسەر نەدراوە، ئەگەر بڕیاری لەسەر درا، بێ گومان ئەوان پشگیری دەکەن".}

^4/1/2016

^{سەرۆكی ئەنستیتۆی كوردی لە وڵاتی سوید ئاشكرای دەكات بەپێی ئامارەكان رۆژانە حەوت كەس لە ئێران لە سێدارە دەدرێن.}

^{دكتۆر "حوسدن خەلیقی" سەرۆكی ئەنستیتۆی كوردی لە وڵاتی سوید رایگەیاند "لەگەڵ ئەوەی ئێران دژی لەسێدارەدانی شیعەیە لە سعوودیە، بەڵام لە ئێران رۆژانە 7 كەس لەسێدارە دەدرێن كە بەشێك لەوانە كوردن. "}

^{حوسێن خەلیقی بە دەنگی ئەمریكای گوتووە: "ئەگەر سەیری تۆمارە ڕەشەكانی كۆماری ئیسلامی بكەین، لە بەرامبەر ئەوەی عەرەبستانی سعوودیە كردوویەتی یەك بە هەزارە."}

^{سەرۆكی ئەنستیتۆی كوردی هێمای بۆ ئەوە كردووە ئەوەی ئێران و سعوودیە دەیكەن شەری تایفیە، گوتیشی: "نە عەرەبستانی سعوودیە راست دەكات و نە كۆماری ئیسلامی ئێرانیش ڕاست دەكات و لەم شەڕەیاندا ئایینی ئیسلامیان كردووەتە هۆكار تا بەرژەوەندییەكانی خۆیان لە ناوچەكەدا بپارێزن."}

^{دوای لە سێدارەدانی شێخ نەمر و 46 كەسی دیكە كاردانەوەی جیاجیا لەلایەن ئێران و چەند وڵاتێكی دیكەی شیعەنشین درست بووە و بەم هۆیەوە ئێران و سعوودیە پەیوەندییە سیاسی و دیبلۆماسییەكانیان پچڕاندووە.}

^4/1/2016

لێکۆڵەریکی ئەمریکی رایدەگەیەنێت، کە بوونی دەوڵەتێکی کوردی لە رۆژهەڵاتی نێوەڕاست، شتێکی باشە.

دکتۆر دانیاڵ پایپس، سەرۆکی ناوەندی رۆژھەڵاتی نێوەڕاست لە ویلایەتی پێنسلڤانیای ئەمریکا بە رادیۆی دەنگی ئەمریکای راگەیاندووە، کە کورد پێویستە خاوەنی دەوڵەتی خۆی بێ و پێشیوایە ئەو دەوڵەتە کوردییە گەورەبێ یان بچووک گرنگ نییە، ”گرنگ بوونی دەوڵەتەکەیە“.

بە گوتەی ئەو لێکۆڵەرە ئەمریکییە، چوار خاڵ هانی دەدەن بۆ بڕواکردن بەوەی، دەبێ کوردەکان دەوڵەتی سەربەخۆیان هەبێت، ئەوانیش بریتین لە خۆبەدورگرتن لە کاری توندوتیژی لە هەرچوار وڵات، کارکردن لە رێگە دیموکراسییەکانەوە، لە ژینگەی رۆژهەڵاتی نێوەڕاستدا میانڕەون و خاوەنی دیسپلینن، کە بەشێکی دراوسێکانیان نیانە، بۆیە ”بوونی دەوڵەتێکی کوردی لەو ناوچەیەدا شتێکی باشە“.

4/1/2016

^{دوابەدوای لەسێدارەدانی "شێخ نەمر" کەسایەتی و مەلای سەکردەی شیعەکان لەلایەن سعوودیەوە، پەرچەکردای}پەیڕەوانی مەزهەبی شیعەی لێکەوتەوە  دوێنێ شەو لە شارەکانی تاران و مەشهەد هیڕش کرایە سەر باڵیۆزخانە و کۆنسوولگەریی سعوودیە.

^{بە گوتەی پۆلیسی تاران ئەو هیرش و خۆپیشاندانە خۆڕسک و لەلایەن کەسانی خۆسەرەوە بووە.}

^{"عوسێن ساجدی" سەرۆکی پۆلسی تاران بە ئاژسنی ئیسنای راگەیاندووە کە کۆمەڵێک هیزە ئەمنییەکان خۆسەرانە سەعات 10:20 خولەکی شەوی رابردوو لەبەردەم باڵیۆزخانەی سعوودیە لە تاران کۆبوونەتەوە دەستیان کردووە بە هاویشتنی بەرد و بە هەڵدانی مۆلۆتۆف هەندێ خەسار و زیانیان بە بینای باڵۆزخانەکە گەیاندووە.}

^{پاشان لەلایەن هیزە ئەمنییەکانەوە رەوشەکە کۆنترۆڵ کراوە، دەگوترێ لە شاری مەشهەدیش جەماوەرێکی زۆر هێرشیان کردووەتەوە سەر کۆنسوولگەریی سعوودیە و بە هاویشتنی بەرد و مادەی ئاگراوی زەرەیان بە بیناکە گەیاندووە و کە لەلایەن هیزە ئەمنیەکانەوە کۆنتۆڵ کراوە.}

 ^{حوسێن جابری ئەنساری گوتەبێژی وەزارەتی دەرەوەی ئیران ئاشکرای کردووە کە ئەو خۆپیشاندانە رێکخراو نەبووە و کەسانی خۆسەر بوون، بئەمە لە کاتێک دایە کە هێزە ئەمنییەکانیش لە سووتاندن و هێرش بۆ سەر باڵیۆخانەکەدا بەشدار بوون.}

^{ساڵی 2011ش هێرش کرایە سەر باڵیۆزخانەی سعوودیە لە تاران و لەو کاتەوە هەتا کۆتایی ساڵی 2015 سعوودیە باڵیۆزی خۆی لە تاران کشاندووەتەوە و لەلایەن چەن فەرمانبەر و دیپلۆماتەوە کارەکانیان رادەپەڕێنرێ.}

^{دوای لەسێدارەدانی شێخ نەمر، شیعەکانی ئێران، عێراق، سووریا، هیندستان و یەمەن پەرچەکرداریان نیشان دا و خۆپیشاندانیان رێکخست و حکوومەتی ئێرانیش بە فەرمی ئیدانەی ئەو کارەی سعوودیەی کرد و رایگەیاند}

^{کە وڵاتی سعوودیە دەبێ باجی ئەو کارە بدات.}

^3/1/2016

^{وەزارەتی دەرەوە: سعودییە دەوڵەتێکی تیرۆریستییە و ڕزگاری نابێت}

^{دوای ئەوەی سعودیە 47 كه‌سی شیعەی لەسێدارەدا كه‌ زانای ئاینی شیعه‌ مه‌زهه‌ب ئایه‌توڵا نه‌مر-یشیان تێدابوو، ئێران كاردانه‌وه‌ی له‌ دژی ئه‌و وڵاته‌ نیشاندا.
وه‌زاره‌تی ده‌ره‌وه‌ی ئێران رایگەیاند "ئه‌وانه‌ی ئه‌و سیاسه‌ته‌ چه‌وته‌ په‌یڕه‌و ده‌كه‌ن باجی ده‌ره‌نجامه‌كه‌ی ده‌ده‌ن و حکومه‌تی سعودیه‌ باجی قورسی ئه‌و سیاسه‌ته‌ ده‌داته‌وه‌".
حوسه‌ین جابر ئه‌نساری گوته‌بێژی وه‌زاره‌تی ده‌ره‌وه‌ی ئێران له‌ روونكردنه‌وه‌یه‌كدا له‌سێداره‌دانی نه‌مری به‌توندی ئیدانه‌ كرد.
ئه‌نساری بانگه‌شه‌ی ئه‌وه‌ی كرد كه‌ سعودییه‌ سیاسه‌تی تیرۆریستانه‌ په‌یڕه‌و ده‌كات و ئه‌و كه‌سانه‌ له‌سێداره‌ ده‌دات كه‌ ره‌خنه‌ی لێ ده‌گرن و گوتی "ئه‌وانه‌ی ئه‌و سیاسه‌ته‌ چه‌وته‌ په‌یڕه‌و ده‌كه‌ن باجی ده‌ره‌نجامه‌كه‌ی ده‌ده‌ن و حکوومه‌تی سعودیه‌ باجی قورسی ئه‌و سیاسه‌ته‌ ده‌داته‌وه‌".
لای خۆیەوە عه‌لی لاریجانی سه‌رۆكی په‌رله‌مانی ئێران له‌میانه‌ی وته‌یه‌كیدا له‌ شاری بوشه‌هر دوای له‌سێداره‌دانی نه‌مر رایگه‌یاند "له‌سێداره‌دانی نه‌مر كێشه‌ ئه‌منییه‌كانی ناوچه‌كه‌ په‌ره‌پێده‌دات".
لاریجانی رایگه‌یاند سعودییه‌ به‌ له‌سێداره‌دانی نه‌مر به‌ربه‌ستێكی له‌به‌رده‌م خۆیدا دروست كرد.
ئەوەشی گوتی "پێموانییه‌ سعودییه‌ له‌و به‌ربه‌سته‌ رزگاری ده‌بێت كه‌ به‌ شه‌هیدكردنی نه‌مر دێته‌ ئاراوه‌".
هەروەها سه‌رۆكی كۆمسیۆنی سیاسه‌تی ده‌ره‌وه‌ و ئاسایشی نه‌ته‌وه‌یی په‌رله‌مانی ئێران عه‌لادین بوروجه‌ردی لای خۆیه‌وه‌ ئیدانه‌ی له‌سێداره‌دانی نه‌مری كرد و گوتی "ده‌ره‌نجامه‌كانی كوشتنی نه‌مر بۆ به‌رپرسانی سعودی قورس ده‌بێت".
هەروەها ئایه‌توڵا ئه‌حمه‌د خاته‌می ئه‌ندامی ئه‌نجوومه‌نی شاره‌زایان بانگه‌شه‌ی ئه‌وه‌ی كرد، خێزانی شاهانه‌ی سعودییه‌ به‌هۆی ئه‌و تاوانه‌ی ئه‌نجام دراوه‌ له‌ناوده‌چێت و گوتی "رژێمی سعودیه‌ باجی قورسی ئه‌و تاوانه‌ ده‌دات".}

^3/1/2016

^{ئاژانسێکی فەرمیی ڕووسی، لە ڕاپۆرتێکدا کە بەناوی ”خەیاڵەکانی بەهاری عەرەبی و نەخشەی نوێی ڕۆژهەڵاتی ناوەڕاست)ەوە بڵاوی کردووەتەوە، نەخشەی کوردستانی گەورەی لە چوارچێوەی گۆڕانکارییەکانی ڕۆژهەڵاتی ناوەڕاست جێگیر کردووە.} 

^{ئاژانسی (RT)ی ڕووسی لە ڕاپۆرتێکیدا بڵاویکردووەتەوە، ئەمریکا لە ساڵی 2006ەوە، بۆ یەکەمجار باسی لە ڕۆژهەڵاتی ناوەڕاستی نوێ کردووە. ئاماژەشی بەوە داوە: ”بە شێوەیەکی گشتی، وا بەباش دەزاندرێت کە نەخشەی نوێی ڕۆژهەڵاتی ناوەڕاست لە هێڵە گشتییەکانیدا، نەریتە سیاسییەکان و قەدەغەکراوەکانی پێشوو تێپەڕێنێت، لە ڕێگای درووستکردنی دەوڵەتی کوردی لە ناوچەکانی باکووری عێراق، باشووری ڕۆژهەڵاتی تورکیا، لەگەڵ چەند بەشێکی سووریا و ئێران. لەگەڵ دابەشکردنی ناوەڕاست و باشوری عێراق بۆ 2 دەوڵەتی سوننی و شیعی کە دەوڵەتی یەکەمیان لە ڕۆژهەڵاتی سعوودیە و دەوڵەتی دووەمیشیان لە ڕۆژئاوای ئێران درووست دەکرێت“.}

^{ئەو ئاژانسە ڕووسییە ئاماژەشی بەوە داوە کە نەخشە نوێیەکەی ڕۆژهەڵاتی ناوەڕاست تەنیا لەسەر ویستی ئەمریکا نەوەستاوە، بەڵکو پەیوەندیشی بە ململانێیەکی نهێنییەوە هەیە کە ئێستا لە نێوان وڵاتە زلهێزەکاندا لەسەر ئەو ناوچەیە هەیە.}   

^{ئەوەش ئاشکرا کراوە کە هەرچەندە ئەمریکا بانگەشە بۆ ئەوە دەکات، نەخشە نوییەکەی ڕۆژهەڵاتی ناوەڕاست گوزارشت لە تێڕوانینی وەزارەتی بەرگریی ئەمریکا ناکات، بەڵام ئێستا ئەو نەخشەیە وەک میتۆدێکی پلانی ستراتیژی لە کۆلێژی ئەفسەرانی باڵای ناتۆ لە ڕۆما دەخوێندرێت، ئەویش دوای ئەوەی کە ئەکادیمیای سەربازیی ئەمریکی مۆڵەتی بەو کۆلێژە داوە کە “ڕاڵف پیتریس” دوای خانەنشینبوونی لە نووسینگەی جێگری سەرۆک ئەرکان بۆ کاروباری هەواڵگری لە وەزارەتی بەرگریی ئەمریکا.}

^{ئاژانسەکە ئاشکرای کردووە، پاش ئەوەی ئەفسەرانی تورکیا لە کۆلێژەکەی ناتۆ نەخشە تازەکەیان بینیوە، وڵاتەکەیان لێ ئاگادار کردووەتەوە و ئەوەش ناڕەزایی تورکیای بەدوای خۆیدا هێناوە، ئەمەش “یەشار بیۆکانت”ی سەرۆک ئەرکانی پێشووی سوپای تورکیای ناچار کردووە کە پەیوەندی بە هاوشانە ئەمریکییەکەی بکات و ناڕەزایی تورکیا بۆ ئەو “نەخشە شێوێندراوە”ی ڕۆژهەڵاتی ناوەڕاست دەرببڕێت، چونکە بەشێک لە جوگرافیای تورکیاش کە بەشی کوردستانەکەیەتی، گۆڕانی بەسەردا هێندراوە.}

^{ئەو ئاژانسە ڕووسییە نەیتوانیوە خۆی لە چوارچێوەی سیاسەتەکانی وڵاتەکەی دەربهێنێت و لە کۆتایی ڕاپۆرتەکەیدا ئاماژەی بەوە داوە کە نەخشە نوێیەکەی ڕۆژهەڵاتی ناوەڕاست، لە دەسەڵات و توانای ئەمریکادا نییە و تەنیا هەڵمەتێکی میدیاییە.}

^2/1/2016

^{وەزیری دەرەوەی ئەمەریكا بە دەركردنی بەیاننامەیەك باسی لە پێشكەوتن لە جێبەجێكردنی رێككەوتنی ناوكی لە نێوان ئێران و دەسەڵاتە جیهانییەكان كردووە.}

^{جۆن كێری لەو بەیاننامەیەدا ئاماژەی بەوەش كردووە: "ئێران بە رادەستكردنی ئەو بڕە ئۆرانیۆمەی بە رووسیا، هەنگاوێكی بنەڕەتیی لەڕاستای جێبەجێكردنی بەڵێنییەكانی هەڵگرتووە و ئەمەش هەڵوێتێكی ئەرێنییە."}

^{لە رۆژانی رابردوودا حكوومەتی ئێران بە كەشتییەك 11 هەزار و 340 كیلۆگرام ئۆرانیۆمی پیتێنراوی 20% كە هێشتا كاری لەسەر نەكردبوون، رادەستی رووسیا كردووە.}

^{بەپێی رێككەوتنی ئێران و كۆمەڵەی وڵاتانی پێنج كۆ یەك، ئێران لە بەرانبەر رادەستكردنی ئەو بڕە یۆرانیۆمە بە رووسیا، لە وڵاتی كازاخستان كێكی زەرد بۆ بەكارهێنانی تەكنیكی وەردەگرێت.}

^{لە درێژەی بەیاننامەكەی ئەمەریكادا هاتووە: "ئێستە ئیتر دەبێ‌ رێكخراوی نێودەوڵەتیی وزەی ناوكی ئەوە پەسەند بكات كە تەنیا 300 كیلۆگرام یۆرانیۆمی پیتێنراو لە ئێران ماوە."}

^{بەپێی رێككەوتنەكەی ڤییەنا ئێران دەبێ‌ ژمارەی ئەو سانتریفیۆژە چالاكانەی كەم بكاتەوە، هەروەها ریاكتۆری شاری "ئەراك"یش كە "پلۆتۆنیۆم"ە بەرهەمهاتووەكەی دەتوانی چەكی ئەتۆمی پێ‌ ساز بكرێت، كەم بكاتەوە.}

^30/12/2015

^{بپێی لێدوانی گوتەبێژی فەرماندەیی ناوەندی هێزە چەكداراەكانی ئەمەریكا لە رۆژانی رابردوودا سوپای پاسدارانی كۆماری ئیسلامی لە ئاوەكانی كەنداو بە رۆكێت كەشتییەكی فڕۆكە هەڵگری ئەمەریكایی كردووەتە ئامانج.}

^{بەپێی راپۆرتی هەواڵدەریی ئەڵمانیا، ئەو كەشتییە فرشۆكە هەڵگرە ئەمریكییە لەگەڵ دوو كەشتیی دیكە كەلە نزیكیی "تەنگەی هورمز" لە ئاوەكانی كەنداو تێپەریون، هێزە دەریاییەكانی سوپای پاسدارانی چەندین رۆكێتیان تێگرتوون و لە نزیكیان كەوتووتە خوارەوە.}

^{"كایل رینز" گوتەبێژی فەرماندەی ناوەندی هێزە چەكدارەكانی ئەمریكا راشیگەیاندووە كە ئێران بەبێ‌ هیچ ئاگادار كردنەوەیەك دەستی داوەتە هاویشتنی رۆكێت و ئەمەش كارێكی دندەرانە و نایاسایی و ناپیشەییە و هەوڵدانە بۆ شەڕ و ئاڵۆزی.}

^{كایل رێنز بە رۆیتەرزی راگەیاندووە یەكێ: لە رۆكێتەكان كە راستەوخۆ بەرەو كەشتییە فڕۆكە هەڵگرەكە هاوێراوە لە 150 مەتریی داكەوتووە و ئەمەش دەبێـە هۆی لەدەستدانی متمانە و بەڵێتیی ئێران لە بەرانبەر پاراستن و ئەمنیەتی تەنگەی هورمز كەلە رێككەوتنە نێودەوڵەتییەكان لە بواری ئابووریدا واژۆی كردووە.}

^{ماوەی زیاتر لە یەك ساڵە كەشتییەكی فڕۆكە هەڵگری ئەمریكی بەناوی "ترۆمەن" لەگەڵ دوو كەشتییەكی دیكەی سەربازیی سەر بە هاوپەیمانیی نێودەوڵەتیی بە رێبەریی ئەمریكا لەدژی داعش لە ئاوەكانی كەنداو جێگیر بووە.}

^{زستانی ساڵی پێشوو لە یەكەم رۆژی ئۆپەراسیۆنی هێزی دەریایی سوپای پاسدارا لە ئاوەكانی كەنداوە، بە هاویشتنی 4 مووشەك و 400 رۆكێت، كەشتییەكی فڕۆكە هەڵگری ئەمریكییان لەناو برد.}

^30/12/2015