چاوپێکەوتن

داواکاری گشتیی کرماشان: لێکۆڵینەوە لەبارەی لێدانی قوتابیان دەکەین

درێژه‌ی بابه‌ت

ئێران و ئەمریکا!

درێژه‌ی بابه‌ت

گەشەی پەیوەندیەکانی ئێران و ئەمەریکا گەیشت بەکوێ؟

درێژه‌ی بابه‌ت

مەودای ناکۆکییەکان و دانوستانەکانی ئێران- ئەمریکا بەرەو کوی؟

درێژه‌ی بابه‌ت

هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد

درێژه‌ی بابه‌ت

فه‌رهه‌نگ‌ و هونه‌ر

داواکاری گشتیی کرماشان: لێکۆڵینەوە لەبارەی لێدانی قوتابیان دەکەین

ڤیدیۆیەکە، فەرمانی پێویستم دەرکرد بۆ بەدواداچوون بۆ بابەتەکە." داواکاری گشتیی پارێزگای کرماشان گوتی، "بەمەبەستی لێکۆڵینەوەی زیاتر لە وردەکارییەکانی ئەم رووداوە، گفتوگۆ لەگەڵ بەرپرسانی پەروەردەش...

درێژه‌ی بابه‌ت

ئێران و ئەمریکا!

گۆڵۆباڵیزم ( کەئەوکات بەسیستەمی نوێی جیهان) پێناسە دەکرا. ئەو ململانێ فکریەش لە نێوان (ساموئل هانتینگتون ) ی خاوەن تێزی (پێکدادانی شارستانیەکان) و فرەنسیس فۆکۆیامای خاوەن...

درێژه‌ی بابه‌ت

گەشەی پەیوەندیەکانی ئێران و ئەمەریکا گەیشت بەکوێ؟

ساڵ و دەیان ملیار دۆلاری تێچووی بوو . بەتایبەتی دوای ئەوەی ئیسرائیل بە بەکار هێنانی جۆرە موشەکێکی ئەمەریکی توانیتی حەسەن نەسرولله کە لە قولای...

درێژه‌ی بابه‌ت

مەودای ناکۆکییەکان و دانوستانەکانی ئێران- ئەمریکا بەرەو کوی؟

و بەشێوەی ناڕاستەوخۆ و تەنها لەسەر پرسی ئەتۆم، دانوستان لەگەڵ ئەمریكا ئەنجام بدات. هەروەها لە بەرامبەریشدا، ترامپ بە كۆمەڵێك پێشمەرجی زۆر و قورسەوە، نامەیەك بۆ...

درێژه‌ی بابه‌ت

هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد

کۆچی دواییکرد و تەرمەکەی ناگەڕێندرێتەوە رۆژهەڵاتی کوردستان. رەنج پشدەری، چالاکڤانی کورد لە سوێد، ئەمڕۆ هەینی بە تۆڕی میدیایی رووداوی گوت: "سەید عەلی رەحیم پوور،...

درێژه‌ی بابه‌ت

په‌یوه‌ندی راسته‌وخۆ

گه‌ڕان

داعش ناودارترین كڵێسای كاتۆلیكی لە جیهان تەقاندەوە

^{ڕێكخراوی تیرۆریستی داعش ناودارترین كڵێسای كاتۆلیكی لاتینی لە شاری موسڵ تەقاندەوە، كە پێش سەدان ساڵ بنیات نرابوو.}
^{كڵێساكە لەلایەن خەڵكەوە بەنێوی "كڵێسای ساعە" ناسراوە و لە گەڕەكی "ساعە"ی موسڵە. بەیەكێ لە ناودارترین كڵێساكانی كاتۆلیكی لە جیهان دادەندرێ و هەروەها شوێنەوارێكی دەگمەنی شارەكە و عێراقیش بوو.}

^{سەرچاوەیەكی ئەمنی لەناو شاری موسڵ رایگەیاند كە چەكدارەكانی داعش ماڵەكانی هاووڵاتییانی دەوروبەری كڵێساكەیان چۆڵ كردووە، ئینجا كڵێساكەیان بۆمبڕێژ كردووە و تەقاندوویانەتەوە.}

^{سەرچاوەكە گوتیشی داعش پێش تەقاندنەوەی كڵێساكە، پێشتر سعاتەكەی سەر منارەی كڵێساكەیان تەقاندبووەوە و تەواوی شمەكەكانی كڵێساكەشیان تاڵان كربوو.}

^26/4/2016

سبه‌ینێ ته‌رمی هه‌ڤاڵ وه‌سفیه‌ به‌نی وه‌یس به‌خاكده‌سپێردرێت

^{دوای گیانله‌ده‌ستدانی به‌هۆی رووداوێكی هاتوچۆوه‌، وابایاره‌ سبه‌ینێ ته‌رمی هه‌ڤاڵ وه‌سفیه‌ به‌نی وه‌یس ئه‌ندامی سه‌ركردایه‌تی و به‌رپرسی مه‌كته‌بی شه‌هیدانی یه‌كێتیی نیشتمانی كوردستان له‌سلێمانیه‌وه‌ به‌ره‌و شاری خانه‌قین به‌ڕێبكرێت .}

^{راگه‌یاندنی مه‌كته‌بی سیاسی یه‌كێتی له‌وباره‌یه‌وه‌ ئه‌وه‌ی بۆ PUKmedia خستووه‌ته‌ڕوو، وابڕیاره‌ سبه‌ینێ له‌ سه‌عات 08:00 سه‌رله‌به‌یانیه‌وه‌ ته‌رمی هه‌ڤاڵ وه‌سفیه‌ به‌نی وه‌یس ئه‌ندامی سه‌ركردایه‌تی و به‌رپرسی مه‌كته‌بی شه‌هیدانی یه‌كێتیی نیشتمانیی كوردستان له‌ مزگه‌وتی ئه‌حمه‌دی حاجی عه‌لیه‌وه‌ به‌ره‌و شاری خانه‌قین زێدی له‌دایكبوونی به‌ڕێبكرێت .}

^{رونیشكراوه‌ته‌وه‌، هه‌روه‌ها ته‌رمه‌كه‌ی له‌گۆڕستانی خدر زنده‌ له‌نزیك گۆڕای شه‌هیدی فه‌رمانده‌ لیوا حسێن مه‌نسوڕ ده‌نێژرێت .}

^{PUKmedia سامان یاروه‌یس}

^26/4/2016

شه‌رقولئه‌وسه‌ت: چه‌كدارى ئێرانى و حزبوڵاى لوبنان له ‌شه‌ڕه‌كه‌ى خورماتوودا به‌شدار بوون

^{رۆژنامه‌ى "شه‌رقولئه‌وسه‌ت"ى له‌نده‌نى، له‌ چاپی ئه‌مڕۆیدا و له‌ راپۆرتێكی درێژدا، بڵاوی ده‌كاته‌وه‌، كه‌له ‌ناوچه‌ى دووزخورماتوو، جارێكى دیكه‌ شه‌ڕ و پێكدادان له ‌نێوان میلیشیاكانى حه‌شدى شه‌عبیى توركمانى و هێزه‌كانى پێشمه‌رگه‌ى كوردستان سه‌رهه‌ڵده‌داته‌وه‌، به‌پێی سه‌رچاوه‌ كوردستانییه‌كانیش، سه‌ربازى ئێرانی و چه‌كدارانى سه‌ر به‌ حزبوڵاى لوبنانى له‌و شه‌ڕانه‌دا له ‌ریزه‌كانى حه‌شدى شه‌عبى شه‌ڕیان كردووه‌، ئاشكراشی ده‌كات، كه‌ زیاتر له‌ 25 چه‌كدارى حه‌شد له ‌سه‌رەتاى شه‌ڕه‌كه‌وه‌ كوژراون.}

^{هه‌رچه‌نده‌ دوێنێ له‌ نێوان هادى عامرى، ئه‌میندارى گشتیى به‌در كه‌ هێزه‌كانیان له ‌ناوچه‌كه‌یه‌ له‌گه‌ڵ نه‌جمه‌دین كه‌ریم، پارێزگارى كه‌ركوك و ئه‌ندامى مه‌كته‌بى سیاسی یه‌كێتیی نیشتمانى كوردستان و ژماره‌یه‌ك له‌ به‌رپرسه‌ سه‌ربازییه‌كانى بۆ هێوركردنه‌وه‌ى دۆخه‌كه‌ناوچه‌كه‌ رێككه‌وتن كرا، به‌ڵام تا ئێستاش به‌ته‌واوه‌تى دۆخه‌كه‌ هێور نه‌بووه‌ته‌وه‌ و شه‌ڕوپێكدادان هه‌یه‌.}

^{حه‌سه‌ن بارام، جێگرى به‌رپرسی بازنه‌ى حه‌مرینى سه‌ر به‌ یه‌كێتى له‌ دوزخورماتوو، به‌ رۆژنامه‌ى "شه‌رقولئه‌وسه‌ت"ى راگه‌یاند :" له‌ چه‌ند ناوچه‌یه‌ك شه‌ڕو پێكدادان هه‌یه‌، به‌ڵام كه‌م بووه‌ته‌وه‌".}

^{جه‌ختیشی كرده‌وه‌ كه‌ لایه‌نى كوردى به‌ حه‌شدى گووتووه‌، یان ده‌بێت له‌ دوزخورماتوو بكشێنه‌وه‌ بۆ ئه‌وه‌ى شاره‌كه‌ له‌لایه‌ن ده‌زگا فه‌رمییه‌كانه‌وه‌ به‌ڕێوه‌ ببرێت و پۆلیس و هێزه‌كانى ئاسایش دۆسیه‌ی ئه‌منى به‌ده‌سته‌وه‌ بگرێت، یان لایه‌نى كوردى بێده‌نگ نابێت به‌رامبه‌ر ده‌ستدرێژییه‌كانى به‌رده‌وامى حه‌شدى شه‌عبى بۆ سه‌ر هاووڵاتییان.}

^{به‌پێی زانیارییه‌كانى رۆژنامه‌كه‌، ئێران هێزى ناردووه‌ بۆ پاڵپشتیكردنى حه‌شدى شه‌عبى له ‌ناوچه‌كه‌، به‌ڵام به‌رپرسه‌كه‌ى یه‌كێتى گوتى :" حه‌شدى شه‌عبى ناتوانێت هێزى زیاتر ره‌وانه‌ى ناوچه‌كه‌ بكات، چونكه‌ پێشمه‌رگه‌ دووڕێیانى "سلێمان بەگ"ى كۆنترۆڵ كردووه‌ كه‌ ده‌روازه‌ى سه‌ره‌كیى شاره‌كه‌یه‌.}

^{میلیشا توركمانه‌كان دوێنێ باره‌گاى ناوچه‌ى پارتى بۆردومان كرد، له‌ ئه‌نجامدا دوو له‌ كارمه‌ندانى ئاسایش بریندار بوون، له‌و باره‌شه‌وه‌ ئه‌حمه‌د عه‌زیز، به‌رپرسی ناوچه‌ى پارتى له‌ دوزخورماتوو، راى گه‌یاند: "دواى ده‌ركردنى داعش له‌ ناوچه‌كه‌، میلیشاكانى حه‌شدى شه‌عبى ده‌یه‌وێت بوونى خۆى بسه‌پێنێ، بۆیه‌ گرووپه‌ توركمانه‌كانى شیعه‌ خۆیان رێكده‌خه‌نه‌وه‌ و مه‌شقیان پێده‌كرێت".}

^{جه‌ختیشیكرده‌وه‌، كه‌ هه‌ر ئه‌و گرووپانه‌ ده‌ستیانكردووه‌ به‌ كوشتنى توركمان‌و عه‌ره‌به‌ سونه‌كان، گوتیشی: "ئێمه‌ زۆر هۆشداریمان دا، به‌ڵام ئێستا ئه‌وان ده‌ستیان كردووه‌ به‌ پلانی دووه‌میان ئه‌ویش كوشتنى هاووڵاتییه‌ كورده‌كانى شاره‌كه‌یه‌".}

^25/4/2016

بەندەکانی رێککەوتنی نەجمەدین کەریم و هادی عامری ئاشکرا دەبێت

^{دوای ئەوەی شەڕ لە شاری خورماتوو لەنێوان میلیشیاکانی حەشدی شەعبی و هێزی پێشمەرگەی کوردستان دروست بوو، پارێزگاری کەرکووک و فەرماندەی حەشدی شەعبی لەسەر چەند خاڵێک رێککەوتن.}

^{مەهدی تەقی، ئەندامی ئەنجومەنی پارێزگای سەڵاحەدین بە (سۆمەرییەنیوز)ی راگەیاندووە، کە ئەو کۆبوونەوەیە لەنێوان هادی عامری، ئەمینداری گشتیی رێکخراوی بەدر (یەکێک لە میلیشیاکانی حەشدی شەعبی)، کە بە نوێنەرایەتیی سەرۆک کۆمار و سەرۆک وەزیرانی عێراق گەیشتبووە خورماتوو و نەجمەدین کەریم، پارێزگاری کەرکووک بە ئامادەبوونی ژمارەیەک فەرماندە و سەرکردەی یەکێتیی نیشتیمانیی کوردستان بەڕێوەچووە.}

^{مەهدی تەقی بەندەکانی رێککەوتنە ئاشکرا دەکات و رایدەگەیەنێت، کە رێککەوتنەکە بە دەستپێشخەریی فوئاد مەعسوم، سەرۆک کۆماری عێراق و حەیدەر عەبادی، سەرۆک وەزیرانی عێراق ئەنجام دراوە و لە چەند رۆژی ئایندەدا جێبەجێ دەکرێت.}

^{هەروەک ئەو ئەندامەی ئەنجومەنی پارێزگای سەڵاحەدین، کە شاری خورماتوو سەر بە پارێزگاکەیەتی، رایگەیاندووە، گرنگترین خاڵی رێککەوتنەکە دەرچوونی پێشمەرگە و حەشدی شەعبییە لە خورماتوو و خڵەکانی رێککەوتنەکانی پیشوو هەڵدەوەشێنرێنەوە و ئەم رێککەوتنە نوێیە جێبەجێ دەکرێت.}

^{لە خاڵێکی دیکەی رێککەوتنەکەدا هاتووە، لیژنەیەک بۆ سەرپەرشتیکردنی خاڵەکانی رێککەوتنەکە بە سەرۆکایەتیی هادی عامری پێکدەهێنرێت. هەروەها ”ئەوانەی لە شەڕەکەدا کوژران“ بە شەهید تۆمار دەکرێن و خاڵەکانی پشکنین لە دەرەوەی شارەکە لە نێوان پێشمەرگە و حەشدی شەعبی دابەش دەکرێت، وێڕای ئەوەی باسی ئەوەی کردووە، کە ”ئەوانەی لە شەڕەکە تێوەگڵاون“، دەدرێنە دادگا.}

^{شەوی شەممە 23ـی نیسانی 2016، چەکدارانی حەشدی شەعبی بۆمبێکیان لە نزیک ماڵی فەرماندەیەکی پێشمەرگە تەقاندەوە و بووە هۆی دروستبوونی شەڕ لە نیوان هەردوولا و لە ئەنجامی شەڕەکەدا، کە نزیکەی شەوو رۆژێک بەردەوام بوو، دوو فەرماندەی پێشمەرگە و شەش پێشمەرگە شەهیدبوون.}

^25/4/2016

موتلەگ: ئێران هەوڵ دەدات سێ سەرۆكایەتییەكەی عێراق وەك خۆی بمێنێتەوە

^{ساڵح موتلەگ سەرۆكی بەرەی دیالۆگی نیشتیمانی رایگەیاند كە ئێران گوشاری هێناوە بۆ مانەوەی هەر سێ سەرۆكایەتییەكە و دەربازبوون لەو گۆڕانكارییە وەزارییەی كە حەیدەر عبادی سەرۆك وەزیرانی عێراق كاری لەسەر دەكات.}

^{موتڵەگ رایگەیاند كە دەستتێوەردانێكی گەورەی نێودەوڵەتی هەیە بۆ مانەوەی سەلیم جبووری و عەبادی و فواد مەعسووم، روونیشی كردەوە ئەگەر سەلیم جبووری بگۆڕدرێت، ئەوا پێویستە سەرۆكایەتییەكانی دیكەش گۆڕانكارییان تێدا بكرێت.}

^{سەرۆكی بەرەی دیالۆگی نیشتیمانی راشیگەیاند كە كاریگەریی ئەمەریكا لەسەر ئەم قەیرانە وەكوو پێویست نەبوو، بەڵام ئێران بە شێوەیەكی راستەوخۆ هەوڵی مانەوەی هەر سێ سەرۆكایەتییەكە دەدەن و باڵیۆزی ئێران دوای سەردانی چەند كوتلەیەكی سیاسی سەردانی منیشیان كرد.}

^{سەرۆكی بەرەی دیالۆگی نیشتیمانی روونیشی كردەوە كە عەبادی لە چەندین كۆبوونەوە زۆر بە گرنگییەوە باسی لە گۆڕانكاری وەزاری نەكردووە و لە دوا كۆبوونەوەشی لەگەڵ وەزیرانی حكوومەتەكەی رایگەیاندووە كە ئێستا ئەو مەسەلەیە رادەگرێت.}

^{ئەندامە مانگورتوەكانی ئەنجومەنی نوێنەران جەخت دەكەنەوە كە مانگرتنیان بەردەوام دەبێت تا هەر سێ سەرۆكایەتی گۆڕانكاری تێدا دەكرێت.}

^24/4/2016

ئێران داوای لە بەشار ئەسەد کردووە بنەماڵەکەی بگوازێتەوە بۆ تاران

^{مەحموود عەلەوی، وەزیری ئیتلاعات ئێران ڕای گەیاند، فەرماندەی سوپای قودسی ئێران لە دیدارێکی لەگەڵ سەرۆک کۆماری سووریا، پێشنیاری پێکردووە بنەماڵەکەی بگوازێتەوە بۆ ئێران.}

^{ئەمڕۆ یەکشەممە (24.4.2016)، ئاژانسی فەرمیی "ئیلنا" لەزاری ئەلمەیادینی گواستووەتەوە کە قاسم سولەیمانی، لە چاوپێکەوتنی لەگەڵ بەشار ئەسەد پێشنیاری پێکردووە کە تا دوای تەواوبوونی شەڕ و پێکدادانی سووریا بنەماڵەکەی بگوازێتەوە بۆ ئێران.}

^{بە گوێرەی زانیارییەکان بەشار ئەسەد ئەو داوایەی قاسم سولەیمانی رەت کردووەتەوە و لە وەڵامی فەرماندەی سوپای قودسدا گوتوویەتی: "ئێستاش خێزانی سەوری لەم وڵاتە ماون، کەواتە بنەماڵەی منیش لێرە دەمێننەوە".}

^{مەحموود عەلەوی گوتی: "ئەگەر ئێمە لە عێراق و سووریا لەگەڵ تیرۆریزم شەڕ نەکەین، ئێستا سنوورەکانی رۆژئاوامان لەدەست تیرۆریستەکاندا دەبوو و ئێمەش بە تەوای لەشەڕدا دەبووین".}

^{وەزیری ئیتلاعاتی ئێران گوتیشی: "لە سەرەتای شەڕ و پێکدادانەکانی سووریاوە تا ئێستا چەندین گرووپی تیرۆریستی هەوڵیان داوە دزە بکەنە خاكی ئێرانەوە، بەڵام ئێمە ڕووبوڕوویان بووینەتەوە".}

^{عەلەوی ئەوەشی خستەڕوو کە ئێران بەردەوام یارمەتیی هاوپەیمانە سیاسییەکانی خۆی لە ناوچەکە دەدات و ئێستاش هاوپەیمانەکانمان لە ناوچەکە زۆر بەهێز بوون و سەرکەوتنەکانیان ئەوەی سەڵماندووە.}

^24/4/2016

ئەمڕۆ ساڵوەگەڕی شەهیدی زانکۆیە

^{ئەمڕۆ 24ـی نیسانی 2016، ساڵوەگەڕی بۆردومانکردنی شاری قەڵادزێیە بە مووشەک و چەکی فسفۆڕی.}

^{دوای کۆتایی پێهێنانی رێککەوتنی 11ـی ئاداری 1970 لەلایەن رژێمی بەعسی عێراقییەوە، شۆڕشی گەلی کوردستان، کە مستەفا بارزانی سەرۆکایەتی دەکرد، بڕیاری دا زانکۆی سلێمانی بگوازێتەوە شاری قەڵادزێ لە سەر سنووری نێوان کوردستانی باشوور و رۆژهەڵات.}

^{رۆژی 24ـی نیسانی 1974، فڕۆکە جەنگییەکان و سوپای رژێمی بەعسی عێراقی بە چەکی فسفۆڕی و بۆمبی ناپاڵم، مامۆستا و خوێندکارانی زانکۆکە و خەڵک و پێشمەرگەیان لە قەڵادزێ بۆردومان کرد، کە بەهۆیەوە 163 مامۆستا، خوێندکار، هاووڵاتی و پێشمەرگە شەهیدبوون و زیاتر لە 250 کەسی دیکەش بریندار بوون.}

^{دوای راپەڕینی گەلی کوردستان لە بەهاری 1991 و دامەزراندنی پەرلەمان و حکوومەتی هەرێمی کوردستان، پەرلەمان بڕیاری دا رۆژی 24ـی نیسان وەک رۆژی شەهیدی زانکۆ دابنرێ وە ساڵانە یادی شەهیدانی قەڵادزێ بکرێتەوە.}

^24/4/2016

ئەمەریكا: بە پشتیوانیكردن و یارمەتیدانی هێزی پێشمەرگە پابەندین

^{شەریف فەلاح}

^{ئەمڕۆ هەینی مەسعوود بارزانی سەرۆکی هەرێمی کوردستان لەگەڵ سەرۆکی هاوبەشی ئەرکانی سوپای ئەمەریکا، باڵیۆز و سەرکۆنسووڵی ئەمەریکا لە عێراق و هەولێر و شاندێکی سەربازیی ئەمەریکا لە سەڵاحەدین کۆبووەوە.}

^{لە دیدارەكەدا بە وردی باس لە ئامادەكارییەكان بۆ ئۆپەراسیۆنی ئازادكردنی مووسڵ، هەروەها بارودۆخی عێراق هەرێمی کوردستان و رێککەوتن لەبارەی دوای ئازادکردنەوەی مووسڵ و چەند پرسێکی دیکە کرا.}

^{لەم بارەوە ماڵپەڕی سەرۆکایەتیی هەرێمی کوردستان دەقی پوختەی ناوەرۆکی دیدارەکەی بۆ ئاژانسی (باسنیوز) ناردووە.}

^{دەقی پوختەی ناوەرۆکی دیدارەکە:}

^{سەرۆكی هەرێمی كوردستان پێشوازی لە سەرۆكی ئەركانی هاوبەشی سوپای ئەمەریكا دەكات}

^{ڕۆژی هەینی 22ـی 4ـی 2016 لە شاری هەولێر مەسعوود بارزانی سەرۆكی هەرێمی كوردستان پێشوازی لە جەنەڕاڵ جۆزێف دانفۆرد سەرۆكی ئەركانی هاوبەشی سوپای ئەمەریكا و شاندێكی یاوەری كرد كە پێكهاتبوو لە ستیوارت جۆنز باڵیۆزی ئەمەریكا لە عێراق و مەتیوس میتمان كونسوڵی ئەمەریكا لە هەولێر و ژمارەیەك فەرماندە و ڕاوێژكاری سەربازیی سوپای ئەمەریكا لە عێراق.}

^{لە دیدارەكەدا بە وردی باس لە ئامادەكارییەكان بۆ ئۆپەراسیۆنی ئازادكردنی مووسڵ كرا و سەرۆكی ئەركانی هاوبەشی سوپای ئەمەریكا وێڕای ئاماژەپێدان بە سەركەوتنەكانی پێشمەرگە پێزانینی بۆ سەركردایەتیكردنی سەرۆك بارزانی و قوربانیدانی پێشمەرگە هەبوو و جەختی لە بایەخی بەشداریكردنی پێشمەرگە لە شەڕی ئازادكردنی موسڵ كردەووە.}
^{هەروەها ئەوەیشی دووپات كردەوە كە ئەمەریكا پابەند دەبێ بە پشتیوانیكردن و یارمەتیدانی هێزی پێشمەرگە لە شەڕی تیرۆریستانی داعش.}

^{لە بەرانبەردا سەرۆك بارزانی سوپاسی سەرۆك و گەل و حكوومەتی ئەمەریكای كرد بۆ پشتیوانیكردنی گەلی كوردستان و بڕیاری پێشكەشكردنی هاوكاریی دارایی بە پێشمەرگە كە لەڕووی پڕاكتیكی ومەعنەوی كاریگەریی ئیجابی لەسەر هێزی پێشمەرگەدا هەبووە.}

^{لە بەشێكی دیكەی كۆبوونەوەكەدا شاندی میوان لەگەڵ سەرۆك بارزانی هاوڕابوون كە پێویستە بەر لە پڕۆسەی ئازادكردنی مووسڵ لێكتێگەییشتن لە نێوان لایەنەكان و پێكهاتەكاندا هەبێت ئەویش لەپێناو پارێزگاریكردن لە خەڵكی پارێزگای نەینەوا و ڕێگەگرتن لە دووبارەبوونەوەی كارەساتەكان بە تایبەت دەرهەق ئێزیدی و مەسیحییەكان و پێكهاتە ئایینی و نەتەوەییەكانی تری پارێزگاكە.}

^{هەر لەم كۆبوونەوەیەدا باڵیۆزی ئەمەریكا لە عێراق باسی لە پڕۆسەی سیاسیی لە عێراق كرد و سوپاسی هەڵوێستی پارلەمانتارانی كوردستانی كرد لە بەغدا كە لە قەیرانی سیاسیدا ڕۆڵی ئیجابیی خۆیان گێڕاوە.}

^{تاوتوێكردنی هەماهەنگیی نێوان پێشمەرگە و هێزەكانی عێراق و هاوپەیمانان لە شەڕی دژی تیرۆریستان تەوەرێكی دیكەی كۆبوونەوەكە بوو.}
^{سەرچاوە: باس نیوز}
^23/4/2016

ئێران.. لە یەک ساڵدا 3003 کەس بەهۆی مادە هۆشبەرەکانەوە مردوون

^{بەپێی ئامار و داتای ماڵپەڕە ئێرانییەکان لە شار و ناوچە جیاجیاکانی ئێران ڕۆژانە 8 کەس بەهۆی بەکارهێنانی ماددە هۆشبەرەکانەوە گیان لە دەست دەدەن.}

^{بەپێی ڕاپۆرتی ئاژانسی کوردپا، مردن و گیان لەدەستدان بەهۆی بەکارهێنانی ماددە سڕکەرەکان لە ساڵی 94ی هەتاوی (2015ی زایینی)دا، لە سەدا 6 زیاتر لە ساڵی ڕابردوو بووە و 2 هەزار و 986 کەس لە ساڵی پێشتر زیاتر بووە.}

^{ساڵی ڕابردوو بەپێی ئامارە فەرمییەکان، ماددە سڕکەرەکان گیانی 3 هەزار و سێ هاووڵاتی لە ئێران، ئەستاندووە کە 327 کەسیان ژن بوون.}

^{ڕاپۆرتی ڕێکخراوی پزشکی یاسایی لەو بارەیەوە نیشانی دەدات، لەکۆی قوربانیانی گیرۆدبوون بە مادە سڕکەرەکان لە ساڵی 94دا، 1 هەزار و 728 کەس بەهۆی ژەهراوی بوون، 854 کەس بەهۆی بەکار‌هێنانی درێژماوە و 421 کەسی دیکەش بەهۆی بەکارهێنانی ڕەوانگەردانەکان گیانیان لەدەست داوە.}

^{پارێزگای تاران بە 729 کەس و پارێزگای بووشێهر بە 16 کەس بە ڕیز زیاترین و کەمترین پشکیان بەهۆی گیان لەدەستدانی ماددە سڕکەرەکان هەبووە.}

^{لەو پەەوەندییەدا، هاوینی ساڵی ڕابردوو سەرۆکی کۆمیتەی سەربەخۆی بەرەنگاربوونە دژی ماددە سڕکەرەکانی کۆڕی دیاریکردنی بەرژەوەندییەکانی حکوومەت، لە کۆنفڕانسێکی ڕۆژنامەوانیدا گوتی: "ڕۆژانە 100 کەس لە ئێران تووشی ماددە سڕکەرەکان دەبن".}

^{"عەلی هاشمی" لەو پێوەندییەدا گوتبووی کە ماوەی دەستپێڕاگەیشتن بە ماددەی سڕکەر لە ئێران 2 تا 10 خولەکە.}

^{ماڵپەڕی ڕادیۆ زەمانه وتارێکی بڵاوی کردووە کە تێیدا کارناسێکی باڵای کۆمەڵناسی دەڵێ: ''ڕوانگەی ئەمنیەتی ـ جەنایی بە ماددە سڕکەرەکان دەبێت بۆ ڕوانگەی فەرهەنگی ـ بێهداشتی بگۆڕدرێت.}

^{دەبێت نێوان گیرۆدەبوون و بەکارهێنان جیاوازی دابنێین. بابەتێک کە دەبێ بەرەنگاری بینەوە، بەکارهێنانی زیادی ماددە سڕکەرەکانە، نە بەکارهێنانی ماددە سڕکەرەکان، لابردنی ماددە سڕکەرەکان، وەک لابردنی هەر شتێکی دیکە، ئیمکانی نییە".}
^23/4/2016

لێكۆڵه‌رانی فه‌ره‌نسی: ڕه‌نگه‌ عه‌دنانی ڕابه‌ری ڕاسته‌قینه‌ی داعش بێت

^{ئه‌و لایه‌نه‌ فه‌ره‌نسییانه‌ی كه‌ لێكۆڵینه‌وه‌ ده‌كه‌ن له‌هێرشه‌كانی پاریس و برۆكسل، تادێ بڕوایان پته‌و ده‌بێت سه‌باره‌ت به‌وه‌ی "ئه‌بومحه‌مه‌د عه‌دنانی" ڕابه‌ری ڕاسته‌قینه‌ی داعشه‌ نه‌ك "ئه‌بوبه‌كری به‌غدادی".}

^{ڕۆژنامه‌ی"لۆباریزیان"ی فه‌ره‌نسی ده‌نوسێت: "ئه‌و باوه‌ڕه‌ له‌وه‌وه‌ هاتووه‌ كه‌ وه‌ك ده‌رده‌كه‌وێت ئه‌و ڕۆڵه‌ی عه‌دنانی هه‌یه‌تی له‌ناو ئه‌و گروپه‌دا، زۆر له‌ڕۆڵی وته‌بێژێك زیاتره‌".}

^{ڕۆژنامه‌كه‌ ڕوونی ده‌كاته‌وه‌ كه‌ لایه‌نه‌ فه‌ره‌نسییه‌كان بڕوای ته‌واویان هه‌یه‌ به‌وه‌ی لێكۆڵینه‌وه‌كان قه‌باره‌ و ڕۆڵی ڕاسته‌قینه‌ی عه‌دنانی له‌و ڕێكخراوه‌دا ئاشكرا ده‌كه‌ن. له‌ڕێی ئاشكراكردنی ڕۆڵی یه‌كلایی كه‌ره‌وه‌ی ئه‌و كابرایه‌ له‌ كۆكردنه‌وه‌ی ئه‌ندامی نوێ بۆ ئه‌و گروپه‌. به‌گوێره‌ی ئه‌و دۆكیۆمێنتانه‌ی كه‌دزه‌یان پێكراوه‌، تاكو ئێستا ئه‌وه‌ یه‌كلایی بووه‌ته‌وه‌ كه‌ عه‌دنانی لانی كه‌م به‌رپرسه‌ له‌ كۆكردنه‌وه‌ی 30%ی ئه‌ندامان و چه‌كداره‌كانی داعش.}

^{ئه‌و ڕۆژنامه‌یه‌ ئاشكرای ده‌كات كه‌ پێدراو و به‌ڵگه‌ی تازه‌، شانبه‌شانی لێكۆڵینه‌وه‌كان، ڕۆڵی یه‌كلایی كه‌ره‌وه‌ی "ته‌ها سوبحی فه‌لاحه‌" ناسراو به‌"ئه‌بو محه‌مه‌د عه‌دنانی" له‌ناو ڕێكخراوه‌ تیرۆریستییه‌كاندا ده‌سه‌لێمێنن. هه‌ر له‌و كاته‌وه‌ كه‌ كرێكاری بیناسازی بووه‌ له‌ شاری ئیدلبی سوریا،له‌ ئازادكردنی عێراقه‌وه‌ له‌ 2003ه‌وه‌، تاكو ده‌ستگیركران و به‌ندكردنی له‌گرتوخانه‌ی بۆكادا.}

^{ڕۆڵی یه‌كلایی كه‌ره‌وه‌ی عه‌دنانی}

^{له‌به‌ر ڕۆشنایی ئه‌و ئاڵوگۆڕانه‌ی له‌ئه‌ورووپادا ده‌بینرێن، به‌تایبه‌تی له‌دوای هێرشه‌كانی برۆكسل و پاریس، به‌پشت به‌ستن به‌و زانیارییانه‌ی له‌زاری گومانلێكراوه‌كانه‌وه‌ ده‌ستی لێكۆڵه‌ره‌وه‌كان كه‌وتووه‌، ڕۆڵی یه‌كلایی كه‌ره‌وه‌ی عه‌دنانی له‌ناو ڕێكخراوه‌كه‌دا ئاشكرا بووه‌. به‌تایبه‌تی له‌ هه‌ڵبژاردنی كرده‌وه‌كان و دانانی پلان بۆیان. هه‌روه‌ها له‌كۆكردنه‌وه‌ی لایه‌نگره‌كانیان له‌ئه‌وروپادا.}

^{ڕۆژنامه‌ فه‌ره‌نسییه‌كه‌ له‌سه‌رچاوه‌یه‌كی ئه‌منییه‌وه‌ ده‌یگوازێته‌وه‌ كه‌ "عه‌بدولحه‌مید ئه‌باعود" وه‌ك له‌گه‌واهی گومانلێكراوه‌كان و زانیارییه‌ هه‌واڵگرییه‌كانه‌وه‌ ده‌ركه‌وتووه‌، ته‌نها جێبه‌جێكاری كرده‌وه‌ خوێناوییه‌كه‌ بووه‌. ده‌نا خودی عه‌دنانی سه‌رپه‌رشتی كاره‌كه‌ی كردووه‌.}

^{لۆباریزیان، له‌سه‌رچاوه‌ ئه‌منییه‌كانی فه‌ره‌نساوه‌ ده‌یگوازێته‌وه‌ كه‌ یه‌كێك له‌داعشه‌ فه‌ره‌نسییه‌كان به‌رله‌وه‌ی بێته‌ ناوخاكی فه‌ره‌نسا ده‌ستگیركراوه‌و، دانی به‌وه‌داناوه‌ كه‌ ئه‌باعود فه‌رمانی له‌ عه‌دنانی و سه‌ركرده تونسییه‌كانی ئه‌و گروپه‌ له‌سوریا وه‌رگرتووه‌.}

^{ڕابه‌ری داعشه‌؟}

^{له‌لایه‌كی تره‌وه‌، ڕۆژنامه‌ فه‌ره‌نسییه‌كه‌، ئاشكرای ده‌كات كه‌ له‌ئامێره‌ ئه‌لیكترۆنییه‌كانی "ئه‌حمه‌د كۆلیبالی"ه‌وه‌، ئه‌و كه‌سه‌ی كه‌ له‌ كانوونی دووه‌می 2105دا هه‌ڵیكوتایه‌ سه‌ر ماركێتێكی جوله‌كه‌كانی پاریس، لێكۆڵه‌ران كه‌وتوونه‌ته‌ به‌رده‌م ئه‌گه‌رێكی تازه‌وه‌. ئه‌گه‌ره‌كه‌ ئاماژه‌یه‌ بۆ ئه‌وه‌ی عه‌دنانی ڕابه‌ری ڕاسته‌قینه‌ی ڕێكخراوی داعشه‌. له‌كۆمپیوته‌ره‌كه‌ی كۆلیبالیدا، فۆڵده‌رێك به‌ناوی"ڕابه‌ری ده‌وڵه‌ت"ه‌وه‌ هه‌یه‌، كه‌ هه‌موو تۆماره‌ ده‌نگییه‌كانی عه‌دنانی و فه‌رمانه‌كانی بۆ ئه‌نجامدانی چالاكی خوێناوی و، فه‌توا به‌ناوی خۆی و گروپی داعشه‌وه‌ له‌خۆ ده‌گرێت.}
^23/4/2016

پارتی و یەپەگە لە مۆسكۆ بەشداری كۆنفرانسێك دەكەن

^{پارتی عەدالەی رووسیا کۆنفرانسێک لەبارەی پرسەکانی ئێستای رووسیا و جیهان ئەنجامدەدات، کە تێیدا چەندین پارتی جیهان بەشداری تێدا دەکەن و هاوکات نوێنەرانی هەریەک لە پارتی دیموکراتی کوردستان و پارتی یەکێتی دیموکرات بەشدارن لە کۆنفرانسەکەی مۆسکۆ.}

^{خالید حوسێن، پەیامنێری رووداو لە مۆسکۆ رایگەیاند، ئەمڕۆ هەینی 22-4-2016 پارتی عەدالەی رووسیا کۆنفرانسی پارتەکەی لە مۆسکۆی پایتەختی رووسیا بە بەشداری ژمارەیەک لە ئەندامانی پارتەکانی جیهان سازدەکات و لە کۆنفرانسەکەدا چەند تەوەرێک تاوتوێدەکرێن.}

^{پەیامنێری رووداو لە مۆسکۆ گوتیشی "لە کۆنفرانسەکەی پارتی عەدالەی رووسیا، بابەتی دادپەرەوەری کۆمەڵایەتی، سیاسەتی ئابووری جیهان و بەرژەوەندی نیشتمانی رووسیا بەوردی تاوتوێ دەکرێن".}

^{خالید حوسێن ئاماژەی بەوەشکرد "لە کۆنفرانسەکەی پارتی عەدالەی رووسیا، لەباشووری کوردستان، پارتی دیموکراتی کوردستان بەفەرمی بەشداری لە کۆنفرانسەکەدا دەکات کە هێمن هەورامی، بەرپرسی مەکتەبی پەیوەندییەکانی دەرەوەی پارتی بەشدارە و لە رۆژئاوای کوردستانیش پارتی یەکێتی دیموکرات یەپەگە بەشدارە، کە ساڵح موسلیم هاوسەرۆکی پارتەکە بەشداری تێداکردووە".}

^{پەیامنێری رووداو دەشڵێت "پارتی عەدالەی رووسیا ساڵانە ئەو کۆنفرانسە ئەنجامدەدات، کە تێیدا چەندین پارتی جیهان بەشداری تێدادەکەن و لەسەر مژار و پرسە گەرمەکانی جیهان و ناوچەکە گفتوگۆ دەکەن".}

^22/4/2016

به‌ فه‌رمانی بارزانی نه‌خۆشخانه‌كانی هه‌رێمی كوردستان برینداره‌كانی قامیشلۆ وه‌ردەگرن

^{سەرۆكایەتی هەرێمی كوردستان رایگەیاند، له‌سه‌ر فه‌رمانی مسعود بارزانی، سه‌رۆكی هه‌رێمی كوردستان، نه‌خۆشخانه‌ و بنكه‌ ته‌ندروستییه‌كانی هه‌رێمی كوردستان خرانه‌ ئاماده‌ باشییه‌وه‌ بۆ وه‌رگرتن و چاره‌سه‌ر كردنی بریندارانی رووداوه‌كانی شاری قامیشلۆی رۆژئاوای كوردستان.}

^{بەپێی روونكردنەوەیەكی سەرۆكایەتی هەرێمی كوردستان، "سه‌رۆكی هه‌رێمی كوردستان گشت داموده‌زگا په‌یوه‌ندیداره‌كانی هه‌رێمی كوردستان راده‌سپێرێت كه‌ ئه‌وه‌ی پێویسته‌ بیكه‌ن به‌ مه‌به‌ستی هاوكاری و كارئاسانی بۆ به‌ هاناوه‌چوون و پێشوازییكردن له‌ برینداران و ده‌سته‌به‌ركردنی هه‌موو پێدوایستییه‌كانی چاره‌سه‌ركردنیان".}

^22/4/2016

دانیمارک.. پەرلەمان بڕیارێک لە دژی داعش دەردەکات

^{پەرلەمانی دانیمارک رەزامەندیی لەسەر پرۆژەیەک لە دژی رێکخراوی توندڕەوی داعش دەدات و هێزێکی تایبەت دەنێرێت.}

^{بەپێی بڕیارەکە، کە زۆرینەی پەرلەمانتارانی دانیمارک دەنگیان پێدا، ئەو وڵاتە 400 سەربازی دیکە دەنێرێتە رۆژهەڵاتی ناوەڕاست لە چوارچێوەی هاوپەیمانیی نێودەوڵەتی دژی داعش.}

^{بڕیارەکەی پەرلەمانی دانیمارک لە ناوەڕاستی ئەم مانگە دەچێتە بواری جێبەجێکردن، کە وێڕای ناردنی 400 سەرباز و راوێژکاری سەربازی، کە 60یان لە هێزی تایبەتی ئەو وڵاتەن، حەوت فڕۆکەی جەنگیی جۆری F16 و فڕۆکەیەکی گواستنەوەی کەلوپەل لە جۆری G130 لەخۆدەگرێت.}

^{ئێستا 120 سەرباز و راوێژکاری دانیمارکی مەشق بە هێزەکانی پێشمەرگە و هێزە عێراقییەکان دەکەن، لە چوارچێوەی شەڕی دژی داعش و بەشداریی شەڕی راستەوخۆ ناکەن، بەڵکو تەنیا مەشق بە هێزە شەڕکەرەکان دەکەن.}

^{دوای هێرشی داعش بۆ سەر کوردستانی باشوور لە مانگی حوزەیرانی 2014، ژمارەیەک وڵاتی رۆژئاوایی بە سەرکردایەتیی ئەمریکا هاوپەیمانییەکیان پێکهێنا، کە ئەرکیان بۆردومان کردنی بنکە و بارەگاکانی داعشە لە کوردستانی باشوور و رۆژئاوا و سوریا و عێراق لە رێی فڕۆکە جەنگییەکانەوە.}

^{ئێستا راوێژکاری سەربازیی چەند وڵاتێک، لەوانە ئیتاڵیا، فەرەنسا، هۆڵەندا، هەنگاریا، ئەمریکا و بەریتانیا مەشق بە هێزەکانی پێشمەرگەی کوردستان دەکەن.}
^21/4/2016

ورمێ.. دوو گەنجی کورد بە 17 ساڵ زیندان حوکم دران

^{دادگای حکوومەتی کۆماری ئیسلامیی ئێران لە شاری نەغەدە لە پارێزگای ورمێ سزای 17 ساڵ بەندکرانی بۆ دوو گەنجی کورد بڕیوەتەوە.}

^{بەپێی هەواڵی سەرچاوەکانی مافی مرۆڤ لە کوردستانی رۆژهەڵات دادگای شۆڕشی ئێران لە شاری نەغەدە دوو گەنجی کوردی بەناوەکانی "لوقمان باڵەکی کوڕی عەلی بە 11 ساڵ و ئیسلام مستەفاپوور کوڕی مامەندی بە 6 ساڵ زیندان حوکم داوە.}

^{بەپێی هەواڵی ئاژانسی کوردپا ئەو دوو گەنجە پاییزی ساڵی رابردوو لە شاری نەغەدە دەستگیر و هەرکام بۆ ماوەی سێ مانگ لە گرتنگەی ئیتلاعاتی ئەو شارە دەستبەسەر بوون.}

^{لەو ماوەیەدا بنەماڵە و کەسوکاریان هیچ هەواڵ و زانیارییەکیان لەبارەی جارەنووس و شوێنی راگیرنیان نەبووە.}

^{لوقمان باڵەکی تەمەن 32 ساڵ و دانیشتووی گوندی "گەرگووی سەروو"ی سەر بە پیرانشار و خێزاندارە و ئیسلام مستەفاپوور تەمەن 26 ساڵ و دانیشتووی گوندی "چیانە"ی سەر بە نەغەدەیە.}

^{لە سەرەتای ساڵی نوێی هەتاوی و نەورۆزەوە شەپۆلێکی فراوانی گرتن و دەستگیرکردنی گەنجان و چالاکوانانی کورد دەستی پێکردووە و لە دوو هەفتەی رابردوودا لە شارەکانی میاندواو، بۆکان و مەریوان زیاتر لە 10 گەنجی کورد لەلایەن ناوەندە ئەمنییەکانی حکوومەتەوە دەستگیر کراون.}

^{بەپێی ئامار و داتای سەرچاوەکانی مافی مرۆڤ لە کوردستانی رۆژهەڵات ساڵی رابردوو 734 هاووڵاتیی کورد لەلایەن ناوەندە ئەمنییەکانی ئێرانەوە دەستگیر و زیندانی کراون.}

^21/4/2016

چاوپێکەوتن

داواکاری گشتیی کرماشان: لێکۆڵینەوە لەبارەی لێدانی قوتابیان دەکەین

ئێران و ئەمریکا!

گەشەی پەیوەندیەکانی ئێران و ئەمەریکا گەیشت بەکوێ؟

مەودای ناکۆکییەکان و دانوستانەکانی ئێران- ئەمریکا بەرەو کوی؟

هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد

فه‌رهه‌نگ‌ و هونه‌ر

داواکاری گشتیی کرماشان: لێکۆڵینەوە لەبارەی لێدانی قوتابیان دەکەین

ئێران و ئەمریکا!

گەشەی پەیوەندیەکانی ئێران و ئەمەریکا گەیشت بەکوێ؟

مەودای ناکۆکییەکان و دانوستانەکانی ئێران- ئەمریکا بەرەو کوی؟

هونەرمەندی نەتەوەیی کورد سەید عەلی سەردەشتی لەوڵاتی سوید کۆچیدوایی کرد

په‌یوه‌ندی راسته‌وخۆ

گه‌ڕان

داعش ناودارترین كڵێسای كاتۆلیكی لە جیهان تەقاندەوە

سبه‌ینێ ته‌رمی هه‌ڤاڵ وه‌سفیه‌ به‌نی وه‌یس به‌خاكده‌سپێردرێت

شه‌رقولئه‌وسه‌ت: چه‌كدارى ئێرانى و حزبوڵاى لوبنان له ‌شه‌ڕه‌كه‌ى خورماتوودا به‌شدار بوون

بەندەکانی رێککەوتنی نەجمەدین کەریم و هادی عامری ئاشکرا دەبێت

موتلەگ: ئێران هەوڵ دەدات سێ سەرۆكایەتییەكەی عێراق وەك خۆی بمێنێتەوە

ئێران داوای لە بەشار ئەسەد کردووە بنەماڵەکەی بگوازێتەوە بۆ تاران

ئەمڕۆ ساڵوەگەڕی شەهیدی زانکۆیە

ئەمەریكا: بە پشتیوانیكردن و یارمەتیدانی هێزی پێشمەرگە پابەندین

ئێران.. لە یەک ساڵدا 3003 کەس بەهۆی مادە هۆشبەرەکانەوە مردوون

لێكۆڵه‌رانی فه‌ره‌نسی: ڕه‌نگه‌ عه‌دنانی ڕابه‌ری ڕاسته‌قینه‌ی داعش بێت

پارتی و یەپەگە لە مۆسكۆ بەشداری كۆنفرانسێك دەكەن

به‌ فه‌رمانی بارزانی نه‌خۆشخانه‌كانی هه‌رێمی كوردستان برینداره‌كانی قامیشلۆ وه‌ردەگرن

دانیمارک.. پەرلەمان بڕیارێک لە دژی داعش دەردەکات

ورمێ.. دوو گەنجی کورد بە 17 ساڵ زیندان حوکم دران

به‌ فه‌رمانی بارزانی نه‌خۆشخانه‌كانی هه‌رێمی كوردستان برینداره‌كانی قامیشلۆ وه‌ردەگرن

دواین هه‌واڵ

به‌رنامه‌ی کۆماریخوازان

بەیاننامە و ڕاگه‌یه‌ندراوه‌کان

بەڵگەنامەکان

WWW.KOMARIXWAZ.COM