ڤیدیۆیەکە، فەرمانی پێویستم دەرکرد بۆ بەدواداچوون بۆ بابەتەکە." داواکاری گشتیی پارێزگای کرماشان گوتی، "بەمەبەستی لێکۆڵینەوەی زیاتر لە وردەکارییەکانی ئەم رووداوە، گفتوگۆ لەگەڵ بەرپرسانی پەروەردەش...
گۆڵۆباڵیزم ( کەئەوکات بەسیستەمی نوێی جیهان) پێناسە دەکرا.
ئەو ململانێ فکریەش لە نێوان (ساموئل هانتینگتون ) ی خاوەن تێزی (پێکدادانی شارستانیەکان) و فرەنسیس فۆکۆیامای خاوەن...
ساڵ و دەیان ملیار دۆلاری تێچووی بوو . بەتایبەتی دوای ئەوەی ئیسرائیل بە بەکار هێنانی جۆرە موشەکێکی ئەمەریکی توانیتی حەسەن نەسرولله کە لە قولای...
و بەشێوەی ناڕاستەوخۆ و تەنها لەسەر پرسی ئەتۆم، دانوستان لەگەڵ ئەمریكا ئەنجام بدات.
هەروەها لە بەرامبەریشدا، ترامپ بە كۆمەڵێك پێشمەرجی زۆر و قورسەوە، نامەیەك بۆ...
کۆچی دواییکرد و تەرمەکەی ناگەڕێندرێتەوە رۆژهەڵاتی کوردستان. رەنج پشدەری، چالاکڤانی کورد لە سوێد، ئەمڕۆ هەینی بە تۆڕی میدیایی رووداوی گوت: "سەید عەلی رەحیم پوور،...
دەوڵەتی سوێدیش هاتە ریزی ئەو وڵاتە ئەوروپیانەی کە پاڵپشتی خۆیان بۆ بارگرژییەکانی باشووری کوردستان دەربڕیوە، وڵاتانی فەرەنسا، ئەڵمانیا، بەریتانیا و دواتریش سوێد لە نزیکەوە سەردانی ئاوارەکانی شنگالیان کرد و لە دۆخی ئەوانیان کۆڵیەوە.
ئەمڕۆ سێشەممە شاندی باڵای وەزارەتی دەرەوەی سوێد و نوێنەری یەکێتی ئەوروپا لە بارەگای نوێنەرایەتی یەکێتی ئەوروپا لە هەولێر لەگەڵ نوێنەری ئاوارەکان گفتوگۆی ئەو رەوشە خراپەیان کرد کە تێیدان.
20/08/2014
هێزەكانی پێشمەرگە لە سنووری پارێزگای كەركووك لە حاڵەتی ئامادەباشیدان بۆ شەڕێكی قورس لە دژی چەكدارانی داعش، پێشمەرگە تاوەكو ئێستا تەواوی هێرشەكانی داعشی بەو چەك و تەقەمنیانە تێكشكاندووە كە پاشماوەی سوپای عێراقی سەردەمی بەعسن. دوای ئەوەی سوپای عێراق لە چەند مانگی رابردوو چەكی فڕێدا، رێژەیەك چەكی دیكەی ئەو سوپایەی بۆ ماوەتەوە، بەڵام ئێستا هێزەكانی پێشمەرگە ئاماژە بە گەیشتنی یەكەم كاروانی چەكی ئەمریكی و چەند وڵاتێكی ئەوروپی دەكەن بۆ بەرەكانی شەڕ لە كەركووك.
وەستا رەسوڵ، بەپرسی میحوەری باشووری كەركووكی هێزی پێشمەرگە بە (تۆڕی میدیایی رووداو)ی راگەیاند" كاروانێكی چەك گەیشتووە و چەكی قورس و مامناوەندی تێدایە، ئەو چەكانە گەیشتوونەتە لیواكان و چەكە قورسەكانیش گەیشتوونەتە هێزەكانی پشتیوانی، هیوامان وایە وەزارەتی پێشمەرگە لە داهاتوودا چەند كاروانێكی دیكەش بنێرێت، چونكە ئەو چەكانە راستەوخۆ لەلایەن وەزارەتی پێشمەرگەوە دابەشدەكرێن".
لەبەر هۆكاری ئەمنی هێزەكانی پێشمەرگە رێگەنادەن وێنەی چەك و تەقەمەنییە نوێیەكان بگیرێت، بەڵام ئاماژە بۆ هاتنی چەكی جۆری قەناس و M4 و ئۆتۆمبێلی گوللەنەبڕ و چەندین جۆر چەكی قورس دەكەن و تەواوی ئە و چەكانەش لە بەرەكانی شەڕ لە كەركووك خراونەتە ئامادەباشيیەوە و بەپێی گوتەی پێشمەرگەكان ئەو چەكانە بوونەتە مایەی بەرزكردنەوەی زیاتری ورەیان
20/08/2014
جێگری سەرۆكوەزیرانی توركیا ئاماژە بە فراوانكردنی شاندەكانی دانووستاندن بۆ چارەسەركردنی كێشەی كورد لە باكووری كوردستان دەكات و خوازیارە دەوڵەتی توركیا لەگەڵ قەندیلیش دابنیشێت.
بەشیر ئەتەڵای، جێگری سەرۆكوەزیرانی توركیا لە لێدوانێكیدا ئاشكرایكرد كە لە داهاتوودا شاندەكانی دانووستاندن فراوانتردەكەن و بێ لە دەزگای هەواڵگری MIT، دامودەزگاكانی دیكەی دەوڵەتیش لەگەڵ ئیمراڵی دانووستاندن دەكەن.
سەبارەت بە گفتوگۆ لەگەڵ قەندیل و رێكخستنەكانی پارتی كرێكارانی كوردستان لە ئەوروپا، ئەتەڵای گوتی "خوازیارە لەگەڵ قەندیلیش گفتۆگۆ بكەن و ئەگەر پێویست بكات لەگەڵ رێكخستنەكانی ئەوروپاش دادەنیشن". هاوكات باسی لەوەش كرد كە لە رووی سیاسییەوە ئەوان لەگەڵ نوێنەرانی پارتی دیموكراسی گەلان HDP دانووستاندن دەكەن.
جێگری سەرۆكوەزیرانی توركیا ئەوەشی خستەڕوو، گرنگترین هەنگاو ئەو یاسایە بوو كە مانگی حوزەیران بە دەنگی لەسەدا 80 ی پەرلەمانی وڵاتەكەی دەركرا. باسی لەو قۆناغانەش كرد كە لە كاتی دەسەڵاتی حیزبەكەی بڕدراون و گوتی "سیاسەتی ئەوەمان پەیڕەوكردووە بە ناوی دەوڵەتەوە داوای لێبووردن لە كورد بكەین بۆ ئەو ناحەقییانەی بەرامبەریان كراون و كار بۆ قەرەبووكردنەوەیان بكەین".
پێشتر ئەتەڵای رایگەیاندبوو تاوەكو مانگی ئەیلوولی ئەمساڵ نەخشەڕێگای قۆناغی داهاتوو بۆ بەرەوپێشبردنی پرۆسەی ئاشتی دیاریدەكرێت و دەخرێتە بەردەم لایەنە پەیوەندیدارەكان.
19/08/2014
سەرۆكی هەرێمی كوردستان پێكهێنانی حكومەتی نوێی عێراق بە دوا فرسەت دەزانێت و رایدەگەیەیەنێ نابێ ئامانج تەنیا دروستكردنی حكومەت بێ.
كارل بیڵت، وەزیری دەرەوەی سوێد و شاندێكی یاوەری كە پێكهاتبوون له ژمارەیەك پەرلەمانتاری یەكێتی ئەورووپا لەگەڵ مەسعود بارزانی، سەرۆكی هەرێمی كوردستان كۆبوونەوە .
له كۆبوونەوەكەدا وەزیری دەرەوەی سوێد ئاماژەی بەوە كرد كە لەگەڵ شاندێكی كۆمیسیۆنی هاوكاری مرۆیی یەكێتی ئەورووپا بۆ پشتیوانیكردنی كوردستان هاتوون و جەختی لە پاڵپشتیی سیاسی و مرۆیی وڵاتەكەی و یەكێتی ئەورووپا بۆ كوردستان لە ڕووبەربوونەوە دژ بە تیرۆریستان كردەوە.
كارل بیڵت، سوپاس و دەستخۆشی لە حكومەتی هەرێمی كوردستان و گەلی كوردستان كرد بۆ هاوكاری و پەنادانی سەدان هەزار ئاوارە و پاراستنی ژیانیان لە هەڕەشەی چەكدارانی داعش. جەختیشی لەوە كردەوە كە یەكێتی ئەورووپا ئامادەیە بە بەردەوامی تا كۆتاییهاتنی قەیرانی پەنابەران و هەڕەشەی تیرۆریستان هاوكار و پشتیوانی حكومەتی هەرێمی كوردستان بێت .
هەروەها بارزانی سەردانی وەزیری دەرەوەی سوێدو پەرلەمانتارەكانی بۆ كوردستان بە ئومێدبەخش وەسفكرد و ئاماژەی بەوە كرد كوردستان لە دۆخی ئێستایدا پێویستیی بە هاوكاری و یارمەتیدانی دۆستانی هەیە و ئەوەشی بۆ شاندی میوان خستەڕوو كە گەلی كوردستان رووبەڕووی دەوڵەتێكی تیرۆریستیی پڕچەكبووەتەوە كە پابەندی هیچ جۆرە بەها و پرەنسیپێك نییە.
بارزانی لەبارەی پرۆسەی سیاسیی عێراق، دامەزراندنی حكومەتی نوێی بە فرسەتێكی باش و دوا فرسەت زانی بۆ ئەوەی كێشە قووڵەكانی عێراق چارەسەر ببن، دووپاتیشكردەوە كە نابێ ئامانج تەنیا دروستكردنی حكومەت بێ، بەڵكو پێویستە نەهجێكی نوێی هەبێ و هەڵەكانی رابردوو دووبارە نەكەنەوە، ئەگەر هەمان رەفتار و هەڵەكانی پێشوو دووبارە بكرێنەوه و قەیران و گرفتەكان قووڵتر و فراوانتر دەبن.
19/08/2014
باراك ئۆباما، سەرۆكی ویلایەتە یەكگرتووەكانی ئەمریكا كۆنگرەیەكی رۆژنامەوانی لەسەر دۆخی عێراق سازكرد و رایگەیاند ستراتیژیەتێكی فراوانتر لە عێراق دەگرنەبەر و هەوڵی بچووكردنەوەی داعش دەدەن وەك ستراتیژیەتێكی درێژخایەن. راشیگەیاند سوپای عێراق و پێشمەرگە دەتوانن داعش لەناوببەن.
ئۆباما لە كۆنگرە رۆژنامەوانییەكەدا گوتی بە دەستلەكاركێشانەوەی نووری مالیكی و راسپاردنی حەیدەر پێشكەوتنمان لە پرۆسەی سیاسی عێراق بینوە، هیوادارین حكومەتێكی نیشتمانی پێكبهێندرێت ئەگەرنا ناتواندرێت پاشەكشە بە داعش بكرێت.
سەرۆكی ئەمریكا سەبارەت بە بۆردوومانكردنی داعش و هاوكاریكردنی ئاوارەكان گوتی : "وەك ئەركێكی سەرشانمان هێرشە ئاسمانییەكان بەردەوام دەبن، هەروەها ئێمە بە تەنیا نین و هاوپەیمانی نێودەوڵەتیمان هەن". ئاماژەی بەوەشكرد هەوڵیانداوە هاوكاری ئاوارە ئێزدییەكان بكەن لە چیای شنگال.
19/08/2014
سەرلەبەیانی ئەمڕۆ خالید شوانی سەرپەرشتیاری هێزی پێشمەرگە لە میحوەری دوبز، لە هەوڵێكی كوشتن رزگاری بوو.
خالید شوانی سەبارەت بەو رووداوە بە تۆڕی میدیایی رووداوی راگەیاند "سەرلەبەیانی ئەمڕۆ لە دوبز بەرەو كەركووك دەگەڕامەوەو لە گوندی باجوان كە گوندێكی عەرەبنشینە دەرچووین، سێ بۆمبی چێنراویان بە كاروانی ئۆتۆمبێلەكانی ئێمەدا تەقاندەوە كە خۆشبەختانە بە هۆی ئەوەی ئۆتۆمبیلەكانی ئێمە گولـلە نەبڕ بوو زیانی گیانیمان لێنەكەوەتەوە".
شوانی هەروەها گوتیشی"زیانی مادی بە ئۆتۆمبێلەكانمان گەیشتووە، بەڵام كەسمان لێ بریندار نەبوو".
19/08/2014
کارل بیلت، وەزیری دەرەوەی سوێد دوای سەردانكردنی بەغدا، كەمێك بەر لە ئێستا گەیشتە فڕۆكەخانەی نێودەوڵەتی هەولێر.
بڕیاروایە وەزیری دەرەوەی سوێد لەگەڵ بەرپرسانی باڵای هەرێمی كوردستان سەبارەت بە شەڕی هێزەكانی پێشمەرگە و چەكدارانی داعش و گەیاندنی هاوكاری مرۆیی بە ئاوارەكان كۆببێتەوە.
18/08/2014
سه‌رۆكی حكومه‌تی هه‌رێمی كوردستان داوا ده‌كات، كۆنفرانسێكی نێوده‌وڵه‌تی بۆ ئه‌و وڵات و لایه‌ن و ڕێكخراو و داموده‌زگا نێوده‌وڵه‌تییه كۆمه‌كبه‌خشانه ساز بكرێت كه كۆمه‌ك و هاوكاریی مرۆیی پێشكه‌ش به هه‌رێمی كوردستان ده‌كه‌ن.
دوای نیوه‌ڕۆی ئه‌مڕۆ دووشه‌ممه 18ی ئابی 2014، نێچیرڤان بارزانی سه‌رۆك وه‌زیرانی هه‌رێمی كوردستان پێشوازی له "دۆنی گۆیێر" باڵیۆزی فه‌ره‌نسا له عیراق كرد.
باڵیۆزی فه‌ره‌نسا ڕایگه‌یاند: فه‌ره‌نسا به ته‌واوی پشتگیریی ئه‌و هه‌ڵمه‌ته نێوده‌وڵه‌تییه ده‌كات كه له لایه‌ن كۆمه‌ڵگه‌ی نێوده‌وڵه‌تیه‌وه بۆ هاوكاری و پشتگیریی هه‌رێمی كوردستان له دژی چه‌كدارانی داعش هاتۆته كایه‌وه و تیشكی خسته سه‌ر ڕۆڵی فه‌ره‌نسا له هاندانی كۆمه‌ڵگه‌ی نێوده‌وڵه‌تی به تایبه‌تی ئه‌ورووپا بۆ پشتگیریی هه‌رێمی كوردستان و به‌هاناوه‌چوونی ئه‌و په‌نابه‌ر و ئاوارانه‌ی ڕوویان له ناوچه ئارامه‌كانی كوردستان كردووه.
نێچیرڤان بارزانی پوخته‌یه‌كی ده‌رباره‌ی پێشڕه‌ویكردنی پێشمه‌رگه له هه‌موو به‌ره‌كاندا له دژی داعش خسته ڕوو.
دووپاتیشی كرده‌وه كه هه‌رێمی كوردستان پێویستی به هاوكاریی زۆر زیاتری نێوده‌وڵه‌تی هه‌یه بۆ ئه‌وه‌ی وه‌ك پێویست به هانای ئه‌و سه‌دان هه‌زار ئاوارانه‌وه بچێت كه له ترسی داعش ماڵ و حاڵی خۆیان جێ هێشتووه، چونكه باره‌كه زۆر له‌وه قورستره كه به ته‌نیا له توانای حكوومه‌تی هه‌رێمی كوردستاندا بێت.
نێچیرڤان بارزانی هه‌روه‌ها داوای كرد كۆنفرانسێكی نێوده‌وڵه‌تی بۆ ئه‌و وڵات و لایه‌ن و ڕێكخراو و داموده‌زگا نێوده‌وڵه‌تییه كۆمه‌كبه‌خشانه ساز بكرێت كه كۆمه‌ك و هاوكاریی مرۆیی پێشكه‌ش به هه‌رێمی كوردستان ده‌كه‌ن بۆ ئه‌وه‌ی بتوانێت وه‌ك پێویست به هانای ئه‌و ژماره زۆری په‌نابه‌ران و ئاواره‌كانه‌وه بچێت كه ئێستا له زۆربه‌ی شاره گه‌وره‌كانی هه‌رێمی كوردستاندا گیرساونه‌ته‌وه و پێویستییان به‌وپه‌ڕی كۆمه‌ك و هاوكاریی مرۆیی هه‌یه و ئه‌گه‌ر هه‌ڵمه‌تێكی نێوده‌وڵه‌تی بۆ به‌هانه‌وه‌چوونیان نه‌كرێت، ڕووبه‌ڕووی كاره‌ساتێكی مرۆیی ده‌بنه‌وه.
18/08/2014
سه‌ربه‌ست تروانشی، به‌رپرسی لقی نۆی پارتی دیموكراتی كوردستان له میحوه‌ری ناوه‌ران تایبه‌ت به خه‌ندانی راگه‌یاند، "به‌ره‌به‌یانی ئه‌مرۆ هێزه‌كانی پێشمه‌رگه‌ی كوردستان توانیان چه‌ند ئامانجێكی دیاریكراو بپێكن له‌ناوچه‌ی ناوه‌ران " ، وتیشی : هێرشی هێزه‌كانی پێشمه‌رگه بۆ سه‌ر مۆڵگه‌كانی داعش له چه‌ند گوندێكی میحوه‌ری ناوه‌ران وایكردووه چه‌كدرانی داعش پێشتر ئه‌و گوندانه چوڵبكه‌ن.
سه‌ربه‌ست تروانشی ئه‌وه‌شی خسته‌روو، "ئه‌و گوندانه‌ی هێزه‌كانی پێشمه‌رگه خستوویاننه‌ته‌وه ژێركونتروڵی خۆیان، ده‌كه‌ونه نێوان ( تلكێف و باتنایا و ناوه‌ران ) كه پێگه‌یه‌كی گرنگیان هه‌یه له‌ناوچه‌كه‌دا.
ئاماژه به‌وه‌شكرد، "هێزه‌كانی پێشمه‌رگه بێزیان چوونه‌ته ناو ئه‌و گوندانه‌و له حاله‌تی ئاماده‌باشیدان بۆ هه‌ر رووبه‌ڕوو بوونه‌وه‌یه‌ك .
18/08/2014
سه‌رۆكی میرنشینه یه‌كگرتووه‌كانی ئیمارات فه‌رمان به پێشكه‌شكردنی هاوكاریی مرۆیی به‌په‌له بۆ ئاواره‌كانی هه‌رێمی كوردستان ده‌كات.
ئاژانسی هه‌واڵی ئیمارات بڵاویكرده‌وه كه شێح خه‌لیفه بن زاید ئال نهیان، سه‌رۆكی ده‌وڵه‌تی ئیماران فه‌رمانی به شێخ محه‌مه‌د بن زاید ال نهیان، جێگری فه‌رمانده‌ی باڵای هێزه چه‌كداره‌كانی وڵاته‌كه‌ی و سه‌رۆكی دامه‌زراوه‌ی خه‌لیفه بن زاید كردووه هاوكاریی مرۆیی به‌په‌له بگه‌یه‌نێته ئاواره‌كانی هه‌رێمی كوردستان.
سه‌رۆكی ده‌وڵه‌تی ئیمارات داواشیكردووه كه گه‌یاندنی ئه‌و هاوكارییانه به هه‌ماهه‌نگی له‌گه‌ڵ كونسوڵگه‌ریی وڵاته‌كه‌ی له هه‌ولێر ئه‌نجام بدات.
ئاژانسه‌كه ئاشكراشیكرد كه هاوكارییه‌كانی ئیمارات خۆراك و ده‌رمان و شیری منداڵان له‌خۆده‌گرێت
18/08/2014
بەریتانیا پەیوەندی بە جەنگی وەستاندنی پێشڕەوییەكانی داعشەوە كرد و وەزارەتی بەرگری ئەو وڵاتە ئاشكرای كردووە، فڕۆكە جەنگییەكانی بەریتانیا وەك یەكەمین هەنگاو لە بەشداریكردنیان لە جەنگی دژ بە چەكدارانی داعش دەستیان كردووە بە چاودێریكردنی ئاسمانی و دۆزینەوەی بنكە و پێگەكانی داعش لە ناوچەكانی باكووری عێراق و سنوورەكانی باشووری كوردستان.
ئەو فڕۆكانەی كە سەرەتا هاوكارییە مرۆییەكانیان گەیاندە كوردستان، ئێستا بوونەتە بەشێك لە كردەی سەربازی و فڕۆكەی تۆرنادۆی سەر بە هێزی شاهانەی بەریتانیا و فڕۆكەی چاودێری جۆینت ریڤێت وەك دەستپێكێك بۆ ئەو پرۆسەیە دەستیان بە چاودێریكردن كردووە.
مایكڵ فالۆن، وەزیری بەرگری بەریتانیا ئاشكرایكرد، كە ئەركی بەریتانیا لە عێراقدا بۆ ماوەی چەند مانگێكی بەردەوام دەبێت و فڕۆكەی چاودێری و فڕۆكەی تۆرنادۆی بەریتانی ئامادەكراون بۆ هاوكاریكردنی پرۆسەی وەستاندنی داعش.
ئەو پرۆسەیەی بەریتانیا باسی لێودەكات، پرۆسەیەك نییە بۆ كۆتاییهێنان بە دەوڵەتی ئیسلامی ناسراو بە داعش، بەڵكو وەك وەزیری بەرگری ئەو وڵاتە ئاماژەی پێكردووە ناوی پرۆسەكە بە پرۆسەی وەستاندنی داعش ناونراوە.
وەزارەتی بەرگری بەریتانیا ئاماژەی بەوەكردووە، فڕۆكەكانی بەریتانیا كۆتاییان بە هەڵمەتی گواستنەوەی هاوكارییە مرۆییەكان هێناوە و ئێستا كارەكانیان فڕینە بە ئاسمانی عێراق و پێدانی زانیارییە بە هێزی پێشمەرگە سەبارەت بە پێگە و بنكە سەربازییەكانی داعش.
هەروەها زانیارییەكان ئەوەشیان ئاشكراكردووە، كە یەكێكی دیكە لەكارەكانی فڕۆكە بەریتانییەكان گواستنەوەی تەقەمەنی و چەكە لە وڵاتانی سەر بە بلۆكی سۆڤیەتی جاران بۆ عێراق لەپێناو پێدانی هاوكاری سەربازی بە هێزی پێشمەرگە، هەروەها بەریتانیا خەریكی گواستنەوەی كەلوپەلی دیكەی سەربازییە وەك دووربینی شەوانە و درعی سەربازی بۆ هێزی پێشمەرگە.
وەزیری بەرگری بەریتانیا ئاماژەی بەوەش كردووە ، ئەمە ئەركی بەریتانیایە بەشداری لەو پرۆسەیەدا بكات، چونكە چەندین جیهادی لە خەڵكی بەریتانیا و وڵاتانی رۆژئاوای ئەوروپا لەناو ئەو گرووپەدا بوونیان هەیە و ئەگەری ئەوەش هەیە بگەڕێنەوە بۆ ئەوروپا چالاكی تووندڕەوی ئەنجام بدەن.
ئەم راگەیاندنەی وەزارەتی بەرگری بەریتانیا دوای ئەوە دێت، كە دەیڤید كامیرۆن سەرۆك وەزیرانی ئەو وڵاتە لە وتارێكدا ئەوەی ئاشكرا كردبوو بەریتانیا پێویستە هێزی سەربازی بەكاربهێنێت و هاوكارییە مرۆییەكان بە تەنها بەس نین بۆ بەشداربوون لە رووبەڕووبوونەوەی قەیرانەكانی عێراق.
18/08/2014
ناوەندی فەرماندەیی سەربازی سوپای ئەمریکا لە بەیاننامەیەکدا رایگەیاند، کە ئەمڕۆ یەکشەممە فڕۆکە جەنگییەکانی ئەمریکا 14 هێرشی ئاسمانی لە دژی چەکدارانی داعش ئەنجامداوە.
ناوەندەکە جەختیکردووەتەوە کە فڕۆکەکانی ئەمریکا لە چەند ئامانجێکی داعشیان داوە لە نزیک بەنداوی موسڵ.
بەگوێرەی ئەو بەیاننامەیەی سوپای ئەمریکا، جۆری فڕۆکەی جیاواز لەو هێرشانەدا بەکارهاتووە، لەوانەش فڕۆکەی بێ فڕۆکەوان ناسراو بە درۆنز و دەشڵێ "لە ئەنجامی هێرشەکان چەند مودەرەعەیەکی داعش، حەوت هەمەری درع و خاڵێکی پشکنینی داعش تێکشێنراوە".
بە گوێرەی ئەو بەیاننامەیە، یەکێک لە ئامانجە سەرەکییەکانی ئەو هێرشە ئاسمانییانەی ئەمریکا پشتگیریکردنە لە هێزەکانی پێشمەرگە.
وەزارەتی بەرگری ئەمریکا رایگەیاند کە رۆژی شەممەی رابردوو فڕۆکەیەکی بێ فڕۆکەوانی ئەمریکی هێرشی کردووەتە سەر چەکدارانی داعش لە نزیک چیای شنگال. بەگوێرەی ئاژانسی ئەسۆشیەتد پرێسی ئەمریکی، هێزەکانی پێشمەرگە زانیارییان داوەتە سوپای ئەمریکا کە چەکدارانی داعش لە گوندی کۆجۆ دەستیان کردووە بە کوشتنی خەڵکی مەدەنی. گوندی کۆجۆ دەکەوێتە باشووری چیای شنگال. بە گوێرەی راگەیەنراوێکی حکومەتی ئەمریکی، فرۆکە بێ فرۆکەوانەکە دوو ئۆتۆمبێلی درعی داعشی تێکشکاندووە.
18/08/2014
ئاسەواری مێژوویی، هێماکانی شوناسی نەتەوەیەک، کە لە رەوتی رۆژگاردا وەک سامانێکی نەتەوەیی بۆ نەوەکانی پاش خۆیان بەجێماون. ئەو دەستکەوتە مێژووییانە، بناغەی کولتوور و پشتیوانی ناسنامەو شوناسی نەتەوەی کوردن.
بە گوتەی مێژووناسەکان نەتەوەی کورد، خاوەن مێژوو و ئاسەوارگەلێکی بە نرخە، کە بەردەوام جێی سەرنجی ئاسەوارناسان و لایەنگرانی مێژوو بووە.
لە رۆژهەڵاتی کوردستان زیاتر لە هەزاران ناوچەی مێژوویی تا ئێستا دۆزراوەتەوە و ساڵانە هەزاران گەشتیار بۆلای خۆیان رادەکێشن.
لێرەدا پرسیارێک دێتە ئاراوە کە ئایا ئاسەوارە مێژووییەکانی نەتەوەی کورد، بە شێوەی دروست پارێزراون یان نا؟. بە گوتەی کارناسانی ئاسەوارناس دەسەڵات بەرپرسیاری سەرەکییە لە پاراستنی ئاسەوارە مێژووییەکان.
لە زۆربەی شار و گوندەکانی رۆژهەڵاتی کوردستان، ژێرخاکی و ئاسەواری مێژوویی بوونی هەیە. بەڵام بە تێپەڕبوونی کات، تێکدەڕوخێن و تاڵان دەکرێن. میدیاکان و کەسایەتییەکان و رێکخراوەکانی پاراستنی ئاسەوارە مێژووییەکان، باس لە پشتیوانیی دەستە شاراوەکان، بە مەبەستی نەمان و بێسەروشوێنکران و بازرگانی و راگواستنی ئەو ئاسەوارانە دەکەن.
تەنانەت شارام نازری ئاوازخوێن و هونەرمەندی بە ناوبانگی کورد سەبارەت بە پشتگوێخرانی ئاسەوارە مێژووییەکان هاتۆتە دەنگ و رایگەیاندووە: حکومەتی ئێران دەبێ پێش بە تاڵانکرانی ئاسەوارە مێژووییەکان بگرێت و نەهێڵێت ئاسەواری مێژوویی ببێتە کاڵا و بازرگانی پێوە بکرێت.
بە گوتەی چالاکڤانانی رۆژهەڵاتی کوردستان لە کاتی جێبەجێکردنی پلانی پرۆژەی هێڵی ئاسنی شەمەندەفەر، پارک، رێگەوبان و خانوو هۆتێلەکان ، ئاسەوارە مێژووییەکان و ژێرخاکیەکان ، لەلایەن ئیدارەی میراتی کولتورییەوە هەڵدەگیرێن و رادەگوازرێن ، بەڵام دواتر لە هیچکام لە مۆزەخانەکان و شوێنی پاراستنی ئاسەوارەکانی رۆژهەڵاتی کوردستان نمایش ناکرێن .
رێکخراوی مافی مرۆڤی کوردستان، لە بەیاننامەیەکدا سەبارەت بە ئاسەوارە مێژووییەکانی رۆژهەڵاتی کوردستان ، رایگەیاندووە کە چەندین نامە و سکاڵای بەدەست گەیشتووە، کە باسیان لە کۆمەڵێک کەس و گرووپی سەر بە حکومەت و دەسەڵات کردووە، کە لە ماوەی سێ دەیەی رابردوودا بە مەبەستی قاچاخ و فرۆشتنی ئاسەوارەکان، سەدان تەپۆڵکە و شوێنەواری مێژوویی ناوچە کوردستانییەکان هەڵداوەتەوە.
لەبەیاننامەی رێکخراوی مافی مرۆڤی کوردستاندا هاتووە ، کە ئاسەواری قەڵای زێوییەی شاری سەقز هەڵگیراون و رەوانەی شاری تاران کراون. ئەو رێکخراوەیە داوای لە حکومەت و تێکڕای لایەنە پەیوەندیدارەکان کردووە، کە مۆزەخانە و شوێنی گونجاو بۆ پارێزگاریکردن لە ئاسەوارە مێژووییەکان، کە هێمای فەرهەنگی و شارستانییەتی خەڵکی ئەو هەرێمەیە، دروستبکرێت و بردنە دەرەوەی ئاسەواری مێژوویی لە کوردستان رابگیرێت و هاوکات رێگری لە کەسان و گرووپەکانی سەربە حکومەت بکرێت تا چیدیکە ئاسەوارەکانی کوردستان بە تاڵان نەبەن.
17/08/2014
دوای ئەوەی كەناڵی سی ئێن ئێن-ی ئەمریكی بە پشتبەستن بە هەواڵێكی تۆڕی میدیایی رووداو هەواڵی هێرشە ئاسمانییەكانی ئەمریكای بڵاوكردەوە. ئەنا كۆرنی پەیامنێری كەناڵەكە لە سەرچاوەیەكی دیكەوە زانیاریی ئەوەی پێگەیشتووە كە ئامانج لەو هێرشە ئاسمانییەی ئەمریكا بۆ سەر بەنداوی موسڵ، دەركردنی چەكدارانی داعشە بە یارمەتی پێشمەرگە و سوپای عێراق.
رۆژی شەممەی رابردوو، رووداو لە راپۆرتێكدا هەواڵی هێرشی فڕۆكە جەنگییەكانی ئەمریكای بۆ سەر بەنداوی موسڵ بڵاوكردەوە. ئەم هەواڵەی رووداو لە میدیاكانی جیهان دەنگیدایەوە و كەناڵی ئەلجەزیرەی ئینگلیزی دەڵێت "هێرشە ئاسمانییەكە نزیكەی 15 چەكداری داعشی كوشتووە".
پێشمەرگە و هێزە عێراقییەكان لە زەوی و ئەمریكا لە ئاسمان
رۆژنامەی هائارێتزی ئیسرائیلی دەڵێت ئۆپەراسیۆنی كۆنترۆڵكردنی بەنداوەكە بە هاوبەشی هێزە عێراقی و كوردی و ئەمریكییەكان دەبێت. بەڵام بەگوێرەی وتارەكەی ئۆباما دەربارەی ئامانجەكانی ئەمریكا لە عێراق، پاراستنی بەنداوی موسڵ یەكێك نییە لە ئامانجەكانی هێرشە ئاسمانییەكانی ئەمریكا.
ئۆباما رایگەیاند كە پاراستنی گیانی دیپلۆماتكارە ئەمریكییەكان و رزگاركردنی خەڵكی سەر چیای شنگال ئامانجی ئۆپەراسیۆنە سنووردارەكەی ئەمریكا دەبێت لە عێراق.
كاتێك وۆڵ ستریت جۆرناڵی ئەمریكی پرسیبووی بەنداوی موسڵ چی پەیوەندی بەو دوو ئامانجەی ئۆباماوە هەیە، سەرچاوەیەكی حكومەتی ئەمریكی گوتبووی "رووخانی ئەو بەنداوە دەبێتە هەڕەشە بۆ دیپلۆماتكار و كارمەندە ئەمریكییەكان لە عێراق".
بەنداوەكە ئامانجێكی سەرەكییە
هێرشە ئاسمانییەكانی رۆژی شەممەی رابردوو یەكەم هێرشی ئەمریكا نەبوو بۆ سەر بەنداوی موسڵ.هەفتەی رابردوو، بەرپرسانی ئەمریكی رایانگەیاند كە ئەمریكا بە فڕۆكەی بێ فڕۆكەوان هێرشی كرد‌ووەتە سەر چەند ئامانجێكی چەكدارانی داعش لە نزیك بەنداوەكە.
بەگوێرەی وەزارەتی بەرگریی ئەمریكی،بەنداوی موسڵ گرنگییەكی ستراتیژی هەیە و ترسی ئەوە هەیە كە وەكو چەك لە لایەن چەكدارانی داعشەوە بەكاربهێنرێت.
ئەندازیارێكی پسپۆڕ لە بواری بەنداو بە رۆژنامەی وۆڵ ستریت جۆرناڵی گوتووە : "بەنداوەكە وەكو بۆمبێكی تەوقیتكراو وایە و تەقاندنەوەی كارەساتی لێ دەكەوێتەوە". پسپۆڕان دەڵێن ئەگەر بەنداوی موسڵ بتەقێتەوە، لەماوەی چەند كاژێرێك شاری موسڵ نوقم دەبێت و شەقام و باڵەخانەكانی بە قوڵی 20 مەتر دەكەونە ژێر ئاوەوە.
بۆ ئەوەی نەڕووخێ، پێویستی بە نۆژەنكردنەوەی بەردەوام هەیە
راپۆرتێكی سوپای ئەمریكی لە ساڵی 2006 دەڵێت بەنداوی موسڵ مەترسیدارترینە لە جیهاندا، چونكە بۆ ئەوەی نەڕووخێ پێویستی بە نۆژەنكردنەوەی زۆر و بەردەوام هەیە.
بەگوێرەی رۆژنامەی وۆڵ ستریت جۆرناڵ، لەماوەی ساڵانی 2006 بۆ 2010،حكومەتی ئەمریكی 30 ملیۆن دۆلاری لە بەنداوەكە خەرجكردووە، بەڵام بەهۆی "ئیدارەی خراپی عێراقییەكان" ئەو پارەیە بێسوود بووە.
ئەسیل نوجەیفی پارێزگای موسڵ دەڵێت، دوای ئەوەی بەنداوەكە لەلایەن داعشەوە كۆنترۆڵكراوە، بەڕێوەبەری بەنداوەكە راینەكردووە و بەردەوامە لە كارەكانی. ئەو بە تەلەفۆن لە كاتی نزیكبوونەوەی چەكدارانی داعش بە نوجەیفی گوتووە "ئەگەر من را بكەم ، ئەم بەنداوە دەڕو‌وخێ و چەند شارێك دەكەوێتە ژێر ئاوەوە".
بەگوێرەی هەمان سەرچاوە بەرێوبەری بەنداوەكە بە چەكدارانی داعشی گوتووە "ئەگەر دەتانەوێ بمكوژن، ئەوا من دەمەوێ لێرە لە بەنداوەكە بمرم".
17/08/2014
