<sup>دەوڵەتی پاکستان و رێکخراوی توندڕەوی قاعیدە چوار دیل دەگۆڕنەوە، کە دووانیان کچی سەرۆکی رێکخراوەن.

بەپێی زانیاریی میدیاکانی پاکستان، حکوومەتی پاکستان فاتیمە و ئومەیمی کچانی ئەریمەن زەواهیری، سەرۆکی رێکخراوی توندڕەوی قاعیدە و کچێکی دیکەی سەرکردەیەکی قاعیدەی بە ناوی سومەییە مەرجان سالم ئازاد کردووە.

لە بەرامبەر ئەو دەستپێشخەرییەی حکوومەتی پاکستان، رێکخراوی قاعیدە کوڕی ئەشفەق کەیانی، سوپاسالاری پێشووی پاکستانی ئازاد کردووە.

سوپای پاکستان لە بەیاننامەیەکدا رەتی کردووەتەوە، کە ئەو سێ دیلەی قاعیدەی ئازاد کردبێت.</sup>

^4/9/2016

<sup>سوپای تورکیا بە تانک و زرێپۆشەوە لە ناوچەیەکی کوردستان سنوور دەبەزێنێت و رایدەگەیەنێت، لە چوارچێوەی شەڕی دژی رێکخراوی توندڕەوی داعشە.

ئێوارەی رۆژی شەممە 3ـی ئەیلوولی 2016، سوپای تورکیا بە دەیان تانک و زرێپۆشەوە لە میانەی ئۆپەراسیۆنی قەڵغانی فورات، لە شاری کیلیس لە کوردستانی باکوورەوە چووە ناو خاکی کوردستانی رۆژئاوا.

هەروەک سوپای تورکیا رایگەیاندووە، پەڕینەوەی هێزەکە لە سنوورەوە بە مەبەستی ”پاک کردنەوەی ناوچە سنوورییەکانی باکووری سووریایە لە شەڕڤانانی یەکینەکانی پاراستنی گەل (یەپەگە) و داعش“.

پێشتریش لە رۆژی چوارشەممە 24ـی ئاب، سوپای تورکیا رایگەیاند، کە ئۆپەراسیۆنێکی سەربازییان بە ناوی قەڵغانی فورات بۆ “پاککردنەوەی باکووری سووریا لە هێزە کوردییەکان و رێکخراوی توندڕەوی داعش" دەست پێکرد.

ئۆپەراسیۆنەکە لە رۆژی سێشەممە 23ـی ئاب بە بۆردومان کردنی بنکە و بارەگاکانی داعش لە شاری جەڕابلوس لە باکووری سووریا، لەلایەن سوپا و فڕۆکە جەنگییەکانی تورکیا دەستی پێکرد.

لە میانەی ئۆپەراسیۆنەکەدا، سەدان سەربازی سوپای تورکیا بە یاوەریی 20 تانکی سەربازی، چوونەتە ناو خاکی سووریا و گەیشتوونەتە سنووری جەڕابلوس و پێکدادانی چەکداریی لە نیوان هێزەکانی سووریای دیموکراتی و سوپای ئازاد رووی دا.

هێزەکانی سووریای دیموکراتی بە پشتگیریی ئەمریکا و بۆ رزگار کردنەوەی شارەکانی رەققە، منبج و جەڕابلوس پێکهێنراوە، کە داعش داگیری کردوون.</sup>

^4/9/2016

^{بەپیی هەواڵی سەرچاوە خۆجێیەکانی کوردستانی ڕۆژهەڵات، لە یەکێک لە گوندەکانی ناوچەی "سەرشیو"ی سەر بە شاری سەقز، ژنێک کۆتایی بە ژیانی خۆی هێناوە.}

^{بەپێ سەرچاوەکان ئەو ژنانە ناوی "م.م" ە و خەڵکی گوندی "بۆخڵو" سەر بە ناوچەی "سەرشیو"ی سەقزە و دوو ڕۆژە لەمەوبەر بە هۆکارێکی نادیار خۆی کوشتووە.}

^{هەر لەم پەیوەندییەدا، چەند ڕۆژ پێش ئێستا، لە شارەدێی ساحێب، کچێکی تەمەن 19 ساڵ خۆی سووتاندووە و کۆتایی بە ژیانی خۆی هێناوە.}

^{جەستەی ئەم کچە 90% سووتاوە و دوای ئەم ڕووداوە بۆ چارەسەریی دەرمانی بۆ  شاری سنە بەڕێ کراوە و دواتر لە شاری سنەشەوە بۆ شاری تەورێز گوازراوەتەوە، بەڵام بەهۆی خراپیی بارودۆخی جەستەیی گیانی لەدەست داوە.}

^{تەرمی ئەم کچە تەمەن 19 ساڵە لە گوندی "کاکەسیاو" نێژراوە.}

^{ماوەیەکە ئاستی خۆکوژی لە شار و شارۆچکەکانی کوردستانی ڕۆژهەڵات بەتایبەت لە شاری سەقز ڕووی لە بەرزبوونەوە کردووە و ئەمش دەتوانێت بۆ بارودۆخی خراپی ئابووری و کێشەی کۆمەڵایەتیی و کوڵتووری پەیوەندیی هەبێت.}

^4/9/2016

^{بۆ یەکەمجار لە سەرەتای دەست پێکردنی شەڕەکانیدا، ئۆپۆزیسیۆنی سووریا سەربازانی رژێم لەرێگای فڕۆکەوە بۆردومان دەکات.}

^{گرووپەکانی ئۆپۆزیسیۆن و چالاکوانانی سووری گرتەیەکی ڤیدیۆییان لە تۆڕە کۆمەڵایەتییەکان بڵاو کردووەتەوە، کە تێیدا دەردەکەوێ، فڕۆکەیەکی بێ فڕۆکەوانی جۆری (درۆنز)، ژمارەیەک سەرباز بۆردومان دەکات.}

^{هەروەک چالاکوانە ئۆپۆزیسیۆنەکان بڵاویان کردووەتەوە، ئەو فڕۆکە بێ فڕۆکەوانە هی ئۆپۆزیسیۆنە و یەکەمجارە لە شەڕەکانیان لە دژی سوپا و میلیشیاکانی نزیک لە رژێمی سووریا بەکاری بهێنن.}

^{لە شەڕی ناوخۆیی سووریادا، کە لە مانگی ئاداری 2011ـەوە لە نێوان گرووپە چەکدارییەکانی ئۆپۆزیسیۆن و رژێمی سووریادا دروست بووە، سوپای سەر بە رژێم بە هەموو جۆرە چەکێکی قەدەغەکراو بۆردومانی بارەگاکانی ئۆپۆزیسیۆن و هاووڵاتییان دەکات، کە بوونەتە هۆی کوژرانی زیاتر لە 300 هەزار کەس و ئاوارەبوونی زیاتر لە پێنج ملیۆنی دیکە.}

https://youtu.be/7CS4L44--os

^3/9/2016

<sup>هاوسه‌رۆكی پارتی دیموكراتی گەلان (هەدەپە) رایدەگه‌یەنێت، کە تاوەکو ئێستا نازانن رێبەری زیندانیکراوی پارتی کرێکارانی کوردستان (پەکەکە) زیندووە یان مردووە.

سه‌ڵاحه‌دین ده‌میرتاش، هاوسەرۆکی هەدەپە و پەرلەمانتاری تورکیا له‌ گوته‌یه‌كدا له‌ شاری وان لە کوردستانی باکوور رایگه‌یاند، کە شەوی کودەتاکەی سوپا، هەلیکۆپتەرێک چووەتە دوورگەی ئیمڕالی و شەڕ و پێکدادان رووی داوە، بەڵام "هێشتا نازانین ئه‌نجامی شه‌ڕ و پێكدادانەکە چی بووە".

سەڵاحەدین ده‌میرتاش ئاماژەی بە مانگرتن تا زانینی هەواڵێک لەبارەی رەوشی تەندروستیی عەبدوڵڵا ئۆجەلان، رێبەری پەکەکە کردووە و رایگەیاند، کە لە رۆژی 5ـی ئەیلوول، مانگرتنێکی کراوە ئەنجام دەدەن.

هاوسەرۆکی هەدەپە گومانی هەیە لەوەی ئەو ژەنەڕالنی بە هەلیکۆپتەرێکەوە پەنایان بردە بەر یۆنان، هەمان ئەو کەسانە بن کە شەوی کودەتاکە چووبنە دوورگەی ئیمڕالی و هەوڵی کوشتنی عەبدوڵڵا ئۆجەلانیان دابێت.

سەڵاحەدین دەمیرتاش پێیوایەم رێبەری پەکەکە زیندانییەکی ئاسایی نییە و ئەگەر دەسەڵاتی تورکیا رێگا بە خێزان و پارێزەرەکانی نەدا سەردانی بکەن، ئەوا مانگرتنەکە بەردەوام دەبێت.

بڕیارە رۆژی دووشەممە 5ـی ئەیلوولی 2016، 50 چالاکوان و ئەندامی حزب و رێکخراوە کوردییەکانی کوردستانی باکوور مانگرتنێکی کراوە ئەنجام بدەن (مانگرتن لە خواردن) و تاوەکو زانینی چۆنێتیی رەوشی تەندروستیی عەبدوڵڵا ئۆجەلان، مانگرتنەکەیان کۆتایی پێ ناهێنن.

عەبدوڵڵا ئۆجەلان لە رۆژی 15ـی شوباتی 1999، دەزگای هەواڵگریی تورکیا لە وڵاتی کینیاوە عەبدوڵلا ئۆجەلانی دەستگیر کرد، دواتر دادگای تورکیا بڕیاری زیندانیکردنی هەتاهەتایی بەسەردا سەپاند و گوێزرایەوە زیندانێک لە دوورگەی ئیمڕالی.</sup>

^3/9/2016

<sup>پارتی کرێکارانی کوردستان (پەکەکە) لە ڕێگای میدیا فەرمی و نافەرمییەکانیەوە، بە ناوی شرۆڤەکردنی سیاسییەوە، دژایەتیی ناوەندی بڕیاری یەکێتیی نیشتمانیی کوردستان دەکەن.

بە گوێرەی بەدواداچوونێکی (باسنیوز) بۆ میدیا فەرمی و نافەرمییەکانی سەر بە پەکەکە، لەم دوو ڕۆژەدا بە گشتی، میدیاکانی سەر بەو پارتە، لەژێر ناوی شرۆڤەکردنی ڕووداوەکانی نێوخۆی یەکێتی، بە ئاشکرا دژایەتیی ناوەندی بڕیاری یەکێتیی نیشتمانیی کوردستان دەکەن کە لە لایەن هەردوو جێگری سکرتێری گشتی و ژمارەیەکی زۆر لە ئەندامانی مەکتەبی سیاسی و سەرکردایەتیی یەکێتی ڕایانگەیاندووە. تەنانەت میدیاکانی نزیک لە پەکەکە، تۆمەتی جۆراوجۆر ئاراستەی سەرکردەکانی ناوەندی بڕیار دەکەن. لە بەرامبەردا پشتیوانی لە باڵی هێرۆ ئیبراهیم ئەحمەد دەکەن و بە خاوەن شەرعیەتیان دەزانن.

لەمبارەیەوە چاودێرێکی سیاسیی شارەزا لە کاروباری پەکەکە کە نەیویست ناوەکەی ئاشکرا بکرێت، بە (باسنیوز)ی ڕاگەیاند: ”پەیوەندیی نێوان پەکەکە و بنەماڵەی تاڵەبانی، بە تایبەتیش پەیوەندیی خودی جەمیل بایک، هاوسەرۆکی پەکەکە لەگەڵ بنەماڵەی تاڵەبانی، پەیوەندییەکی پتەوە“. هاوکات ئەوەشی ڕوون کردەوە کە لە نێو یەکێتیدا، باڵی هێرۆ ئیبراهیم ئەحمەد زۆرتر لە کۆماری ئیسلامیی ئێرانەوە نزیکە و گوتی: ”پەکەکە و بزووتنەوەی گۆڕان و باڵی هێرۆ ئیبراهیم ئەحمەد، زۆر لە ئێرانەوە نزیکن، لە کاتێکدا سەرکردەکانی ناوەندی بڕیار، سەرەڕای ئەوەی بە پەیوەندییان لەگەڵ ئێران ڕازین، بەڵام لەگەڵ خواستە نەتەوەییەکانی کوردن“.

پەکەکە لە کاتێکدا باڵی هێرۆ ئیبراهیم ئەحمەد بە شەرعی دەزانێت کە پێشتر د. سەروەر عەبدولڕەحمان، پەرلەمانتاری پێشووی یەکێتی بە (باسنیوز)ی ڕاگەیاندووە: ”بەپێی پەیڕەوی ناوخۆی یەکێتی، لە حاڵەتی ئامادەنەبوونی سکرتێری گشتی، ڕاستەوخۆ دەسەڵاتەکانی بۆ جێگرانی دەگوازرێتەوە، بەڵام دەسەڵات بە جێگرانی سکرتێری گشتی نەدراوە و ڕێگرییان لێ کراوە، بۆیە ناوەندی بڕیاریان دامەزراندووە“.</sup>

^3/9/2016

^{بەهۆی رووبەڕوو بوونەوەی چەکداریی گەریلاکانی پارتی کرێکارانی کوردستان (پەکەکە) و سوپای تورکیا لە پارێزگای وان لە کوردستانی باکوور، سێ ئەفسەری سوپا کوژراون.}

^{بەپێی راگەیەندراوێکی پارێزگای وان، کە رۆژی شەممە 3ـی ئەیلوولی 2016 بڵاو کراوەتەوە، شەڕەکە کاتژمێر 8ـی ئێوارەی رۆژی هەینی 2ـی ئەیلوول لەسەر چیای تەندوورەک لە ناوچەی چاڵدێران رووی داوە.}

^{هەروەک پارێزگای وان رایگەیاندووە، بەهۆی شەڕەکەوە سێ ئەفسەر و پێنج سەربازی سوپای تورکیا کوژراون و 11 گەریلای پەکەکەش گیانیان لەدەست داوە، وێڕای کوژرانی دوو گوندپارێز (چەکدارە کوردەکانی سەر بە حکوومەتی تورکیا).}

^{بەهۆی کوشتنی پۆلیسێکی تورکیا لەلایەن پەکەکەوە لە شارۆچکەی سورووچ لە کوردستانی باکوور لە مانگی تەمموزی 2015، جارێکی دیکە شەڕ و پێکدادان لەنێوان گەریلاکانی پەکەکە و سوپا و هێزە ئەمنییەکانی تورکیا دروستبووەتەوە، کە بەهۆیەوە بەشێکی زۆری هاووڵاتییانی کوردستانی باکوور ماڵ و حاڵیان بەجێهێشتووە.}

^3/9/2016

^{لە باکووری بەغدا و بەهۆی هێرشێکی چەکدارانی رێکخراوی توندڕەوی داعش، 50 چەکداری میلیشیاکانی حەشدی شەعبی کوژران.}

^{بەپێی هەواڵی میدیا عێراقییەکان، بەرەبەیانی رۆژی هەینی 2ی ئەیلوولی 2016، چەکدارانی داعش هێرشیان کردە سەر ژمارەیەک ناوچەی باشووری پارێزگای سەڵاحەدین، کە دەکەوێتە باکووری پارێزگای بەغدا.}

^{بە گوتەی سەرچاوە ئەمنییەکان، زیاتر لە 50 چەکداری حەشدی شەعبی و هێزە عێراقییەکان لە ناوچەی موتەیبیجە کوژراون.}

^{دوای ئەو هێرشەی داعش، هێزێکی زۆری عێراقی بە پشتیوانیی فڕۆکە جەنگییە عێراقییەکان گەیشتووەتە ناوچەکە و شکستیان بە هێرشەکە هێناوە.}

^{دوای هێرشی رێکخراوی توندڕەوی داعش و داگیرکردنی پارێزگاکانی نەینەوا، سەڵاحەدین، دیالە و ئەنبار لە مانگی حوزەیرانی 2014 و شکستهێنانی سوپای عێراق، عەلی سیستانی، مەرجەعی باڵای شیعەکانی عێراق فەتوای دروستکردنی میلیشیای حەشدی شەعبی لە گەنجانی شیعە پێکهێنا.}

^2/9/2016

^{سەرۆکی فراکسیۆنی یەکێتیی نیشتیمانیی کوردستان لە پەرلەمانی عێراق رایدەگەیەنێت، کە جێگرانی سکرتێری گشتیی یەکێتی، لە پێناو پلە و پۆست کار دەکەن.}

^{ئاڵا تاڵەبانی، سەرۆکی فراکسیۆنی یەکێتی لە پۆستێکدا لە پەیجی تایبەتیی خۆی لە تۆڕی کۆمەڵایەتیی فەیسبووک رایگەیاندووە، کە ئەو سەرکردانەی ناوەندی بڕیاردانیان لە ناو یەکێتی دروست کردووە، "هەر جارەو بەناوێک" دێنەوە بەر باس.}

^{ئاڵا تاڵەبانی باس لەوە دەکات، کە ئەو سەرکردانەی ناوەندەکەیان راگەیاندووە، "خودی خۆیان سەرچاوەن بۆ نەمانی ناوەندی بریار لە یەکێتیدا" و پێیوایە وەفایان نەبووە بۆ جەلال تاڵەبانی، سکرتێری گشتیی یەکێتی.}

^{سەرۆکی فراکسیۆنی یەکێتی، کۆسرەت رەسوڵ عەلی و بەرهەم ساڵح، جێگرانی جەلال تاڵەبانی بەوە تۆمەتبار دەکات، کە "لە پێناو پلە و پۆست و ئیمتئازات" کار دەکەن و پێشیوایە خەڵکی کوردستانیش "هۆشیارە و باش دەزانێت".}

^{شەوی پێنجشەممە 1ـی ئەیلوولی 2016، کۆسرەت رەسوڵ عەلی و بەرهەم ساڵح و ژمارەیەک سەرکردەی سەربازی و سیاسیی یەکێتی، ناوەندی بڕیاردانی یەکێتییان راگەیاند.}

^{هەریەک لە شێخ جەعفەر شێخ مستەفا، فەرماندەی یەکەی 70ی هێزی پێشمەرگە و مەحموود سەنگاوی، فەرماندەی میحوەری گەرمەسێری هێزی پێشمەرگەی، لەگەڵ هەریەک لە حاکم قادر، حامید حاجی غالی، شاڵاو عەلی عەسکەری، عەدنانی حەمەی مینا و چەندین سەرکردەی سەربازیی دیکە پشتگیریی خۆیان بۆ ناوەندی بڕیار راگەیاندووە.}

^2/9/2016

^{له‌ ناو یه‌كێك له‌ فه‌وجه‌كانى هێزى پێشمه‌رگه‌ له‌ نزیك شارۆچكه‌ى كفرى سه‌ر به‌ ئیداره‌ى گه‌رمیان، ده‌بێته‌ شه‌ڕه‌ ته‌قه‌ و له‌ ئه‌نجامدا چه‌ند پێشمه‌رگه‌ بریندار ده‌بن و پاشان به‌هۆى سه‌ختى برینه‌كانییه‌وه‌، پێشمه‌رگه‌یه‌ك گیانى له‌ ده‌ست دا.}

^{سه‌رچاوه‌یه‌كی ئاگادار به‌ (باسنیوز)ى ڕا گه‌یاند :" شه‌وى ڕابردوو له‌ فه‌وجێكى هێزه‌كانى پێشمه‌رگه‌ له‌ شاره‌دێی جه‌باره‌ى نزیك كفرى، له‌ كاتى مووچه‌ وه‌رگرتندا، ده‌بێته‌ شه‌ڕ".}

^{به‌پێی زانیارییه‌كانى ئه‌و سه‌رچاوه‌یه‌، شه‌ڕه‌كه‌ گه‌وره‌ ده‌بێته‌وه‌ و ده‌ست ده‌درێته‌ چه‌ك، له‌ ئه‌نجامدا چه‌ند پێشمه‌رگه‌ بریندار ده‌بن كه‌ بارى ته‌ندرووستى سێیان زۆر خراپ ده‌بێت.}

^{دواتر یه‌كێك له‌ پێشمه‌رگه‌كان به‌ ناوى (ك. ز) كه‌ ته‌مه‌نى 22 ساڵه‌، گیانى له‌ده‌ست دا.}

 ^{به‌پێی زانیارییه‌كانى سه‌رچاوه‌كه‌، یه‌كێك له‌ پێشمه‌رگه‌كان هاتووه‌ مووچه‌كه‌ى وه‌ربگرێت، پاسه‌وانێكى باره‌گاكه‌ داواى چه‌كه‌كه‌ى لێ كردووه‌ و ئه‌ویش پێی نیگه‌ران بووه‌، دواى وه‌رگرتنى مووچه‌، چه‌كه‌كه‌ وه‌ر ده‌گرێته‌وه‌ و كاتێك دوور ده‌كه‌وێته‌وه‌ ده‌ستڕێژى گولـله‌ ده‌كاته‌ سه‌ر پاسه‌وانه‌كه‌ و له‌ ئه‌نجامدا چه‌ند پێشمه‌رگه‌یه‌ك بریندار ده‌بن و یه‌كێكیشیان دواتر گیانى له‌ده‌ست دا.}

^2/9/2016