وەزیری دەرەوەی عێراق، هۆشیار زێباری ڕایگەیاند، قەیرانی سووریا وەك تۆپێكی ئاگر وایە و ئاشاكرای دەكات كە ترس هەیە ناوچە سوننەنشینەكانی سووریا ببن بە ئەفغانستانی دووەم. 

زێباری جەخت دەكاتەوە لەوەی كە بەو هۆیەوەی كە سنووری هاوبەش، تێكەلیی كۆمەڵایەتی، فەرهەنگی و جیۆگرافی وێكچوونی نەتەوەیی لە ینَوان سووریا و عێراقدا هەیە، قەیرانی سووریا كاریگەریی بەسەر ناوچە سنوورییە هاوبەشەكانیانەوە هەیە، بە تایبەت ناوچە سوننەنشینەكان كە چالاكیی گەورەی (جەبهەی نەسرە) و (دەوڵەتی ئیسلامی لە عێراق و شام)ـیان تێدا بەرجەستەیە و بە ناوی جیهادەوە خەڵك لە هەردوو وڵات دەكوژن.

زێباری هەكات ترسی خۆیشی نیشان دا لەوەی حكوومەتی سووریا نەتوانێ كۆنترۆڵی ئەیو ناوچانە بكات؛ عێراقیش بە هۆی توانای نەبوونی چەكی پێویست بۆ بەرەنگاربوونەوە، گرفتی ئەمنیی هەیە، هەر لەبەر ئەوەیش كە ترس هەیە لەوەی ئەو ناوچانە ببن بە ئەفغانستانی دووەم.

لەو دیمانەیەی كە لە ڕۆژنامەی شەرقولئەوسەتدا بڵاو كراوەتەوە، وەزیری دەرەوەی عێراق، سەردانی سەرۆكوەزیرانی عێراق بۆ ئەمەریكا بە باش و قووڵكردنەوەی پێوەندیی نێوان هەردوو لا ناو دەبات و دەشڵێت كە، ئەمەریكا بەڵێنی داوە ئەو جۆر لە چەك و پێداویستیانەی كە پێویستن بۆ بەرەنگاربوونەوە و بنەبڕكردنی تیرۆر و گرووپە توندڕۆكان بە عێراق بدات.

6/11/2013

له زرینگانه‌وه‌ی هه‌ڵاتنی خۆر و له ناڵه‌ی دایک، سروودی ئازادی ده‌ڵێمه‌وه‌

زۆرله مێژه که شه‌و بووه‌ته مۆڵگه‌ی نێچیرڤانه چاوبرسییه‌کان و زرینگانه‌وه‌ی شه‌‌و بانگه‌وازییه‌ بۆ نێچیری گرانبه‌ها و دووره ده‌ست. ئه‌رێ ڕاو و نێچیر له‌م وڵاته‌ بۆ که‌یف و خۆشی نییه ، به‌ڵکوو ته‌نیا بۆ زیاده‌ڕۆیی و تێنه‌گه‌یشتن و مه‌یله نابه‌جێکانه.

بۆ نێچیرڤانێکی بێ هه‌ست و بێ ئینساف هه‌ر جۆره نێچیرێک ده‌توانێ هه‌ڵخه‌ڵه‌تێنه‌ر بێت. گیره‌م نێچیره‌که‌ له شوێنێ ئه‌سته‌م بێت و خاوه‌ن ویژدان. جه‌وانێک که خۆی به شۆرشگێر، به‌رحه‌‌ق و خاوه‌ن درووشمی مرۆڤدۆستی ده‌‌زانێ، وه‌ک ئه‌و ئاسکه‌ ئه‌ندام ناسکه‌ وایه له چاوی چه‌قه‌ڵه‌ چاوچنۆکه‌‌کاندا.

چه‌کێک که له سه‌ر شانی جه‌وانێکی پارێزه‌ری یه‌کییه‌تی و مرۆڤایه‌تییه‌، به هه‌ڵکه‌وت ده‌توانێ پلاپیتکه‌ی تفه‌نگه‌که‌ی له خۆڕاوه‌ چەرکاندبێ.

به‌ڵێ من شێرکۆ مه‌عارفیم ، ئه‌و تێرۆریسته‌ی تۆمه‌تبار به دژایه‌تی له گه‌ڵ خوا کرام. که بێجگه‌له خۆشه‌ویستی مرۆڤه‌کان و لاواندنه‌وه‌ی منداڵان، دڵسۆزی ژینگه‌ و خه‌ونی ئاشتی ، ڕامانێکی بۆمب ئاسا له سه‌رمدا و خه‌یاڵی خۆش له سه‌رمدایه‌.ڕاوکردنی من بۆ چه‌قه‌ڵه‌ شه‌و په‌ره‌سته‌‌کان و دوژمنانی ڕووناکی و خۆشه‌ویستی دایک، وه‌ک ته‌پڵی سه‌رکه‌وتن وایه‌ بۆ ئه‌وان ، دیاره ناتوانن له تاریک ترین شه‌ویشدا به‌ر به هه‌ڵاتنی خۆر بگرن. من تێرۆریستترین ڕۆڵه‌ی ئاربابا ، ته‌نانه‌ت له‌و کاته‌ی به دیلیش گیرام مه‌یلی ته‌قه‌‌‌ی چه‌که‌م نه‌بوو،هیواکانم تێرۆرنه‌بوو و تووندووتیژیم به خه‌یاڵیشدا نه‌ده‌هات، ئه‌وه‌ی ئه‌‌و ڕۆژه له سه‌رشانم بوو، جانتایه‌کی پڕاوپڕ له خۆشه‌ویستی مرۆڤ و کۆڵێک هه‌ستی مرۆڤانه‌.

ئه‌و نامه‌یه‌ له لێڵترین شه‌وه‌کاندا ده‌نووسم که هاوکات هیوای هه‌ڵاتنی ڕۆژ سڵاوێکی گه‌رمم لێده‌کات و ئێستا نزیکترین ده‌نگ و ئاشنا ترین ڕووخسار، دایکمه‌ ، که ئێستاش هیوای ئه‌وه‌ له سه‌رمدایه‌ که بۆ جارێکی تر له باوه‌شی گرم ، به‌ڵام مه‌خابن خۆشه‌ویستی بۆ دایک و دایکی وڵات له‌و به‌ندیخانه‌یه‌دا هیچ ده‌رفه‌تێک نادا به‌ من بیانبینم.

دره‌وشاوه‌ترین خۆره‌تاو و ئه‌ستێره، به‌رین ترین ده‌ریا و سه‌رکه‌ش ترین کێوه‌کانی ژینگه‌، که باڵیان به سه‌ر چاره‌نووسمدا کیشاوه‌، واده‌کات نه هیواکانم له ئه‌ستێره و نه له ده‌ریای دایکم و نه له خۆڕاگری کێو ناتوان ده‌ست هه‌ڵگرم ، به‌ڵکوو به هیوای باوه‌شی دایک، عه‌شق به ئازادی و به‌ڵینی مرۆڤایه‌تی ، سه‌دان شه‌و و ڕۆژی تر تێپه‌ڕ ده‌که‌م و هه‌رده‌م من جه‌وانێکی کوردی زه‌حمه‌تکێش و شۆڕشگێری ده‌ڤه‌ری شه‌و بێداران ده‌مێنمه‌وه‌ و ئێستا ده‌بێ بڵێـم : ئه‌وه‌ی که ده‌بوو ئێمه‌ به ڕاستییه‌کان بگه‌یێنێت خۆی لێی بێ به‌رییه‌.

ته‌نیا ڕاستیێه که ئازادی مسۆگه‌ر ده‌کات.

من نه بۆ له‌بار بردنی ڕاستی و مرۆڤایه‌تی هه‌نگاو ده‌نێم به‌ڵکوو هه‌ر هه‌نگاوێک که ده‌پێوم، له ڕاستی نزیکتر و زیاتر بوومه‌ پێشمه‌رگه‌ی مرۆڤایه‌تی. ئه‌رێ من پێشمه‌رگه‌ی جاویدانی، پێشمه‌رگه‌ی دووربوونه‌وه‌ له وه‌حشیگه‌ری و هاوباوه‌شم له گه‌ڵ ئازادی و له ناو ئه‌و زاڵمانه‌دا که به خه‌یاڵی خۆیان ده‌توانن به له ناو بردنم له دارستان جیام که‌نه‌وه‌، به بێ هیچ ترس و دڵه‌راوکێیه‌ک ، بڵیند و به‌ژن ڕێک ، به دڵێکی پڕاو پڕ له هیوا و هۆمێد دێمه‌وه‌ و ده‌بمه‌ هاوڕێی ئه‌ستیێره‌کانی ئه‌و ئاسمانه خه‌م ڕه‌وێنه‌.
شێرکۆ مه‌عارفی
زیندانی سه‌قز

15.7.1392
که‌مپه‌ینی به‌رگری له‌ به‌ندکراوانی سیاسی و مه‌ده‌نی

05/10/2013

(ڕۆیتەرز)- وەزیری دەرەوەی سعودی ئەمیر سعود فەیسەل داوا لەئیران دەكات واز لەسوریا بهێنێت ،ووتی : تەهران یارمەتی بەشارئەسەد دەدات بۆلێدان لەگەلی سوری . 

لەكۆنگرەیەكی ڕۆژنامەوانیدا لەگەڵ نیردەی ئەمریكا جون كیری لەریاز ئەمیری سعودیە ووتی: ئیمە گفتوگۆدەكەین سەبارەت بە كۆتایی هێنان بەجەنگی سوریا  هەروەها نابێ‌ ڕێككەوتن بەبێ‌ بەشداری و هاوپەیمانیەت لەگەڵ ئۆپوزسیۆن بێت ،دەبێت هەرچی زووە ئەسەد ئەم كوشتارە ڕابگرێت.

و:ج.ع

^{وەزیری دەرەوەی ولایەتە یەکگرتووەکانی ئەمریکا بەمەبەستی تاووتوێکردنی دۆسییەی ئەتۆمی ئێران و قەیرانی سووریا و هەروەها دانوستانەکانی فەلەستین و ئیسرائیل گەشتێکی بۆ رۆژهەڵاتی ناوەراست و باکووری ئەفریقا دەستپێکرد و لە سەرەتای سەردانەکەشی گەیشتە میسر و دواتر بڕیارە روو بکاتە سعودییە. جۆن کیری کە لەلایەن ویلایەتە یەکگرتووەکانی ئەمریکا وەک ئەندازیاری پرسەکانی رۆژهەڵاتی ناوەڕاست ناسێنراوە و  مانگی رابردوو لە گەشتێکیدا بۆ ئەوروپا لەگەڵ بەرپرسانی ئێرانی  و سووری و ئیسرائیلیدا کۆبوونەوەی ئەنجامدا و بە هەماهەنگی لەگەڵ وڵاتانی ئەوروپا تاووتوێی کێشەکانی کرد، ئەمجارەیان راستەوخۆ سەردانی رۆژهەڵاتی ناوەڕاست دەکات. لە  گەشتەکەی بۆ سعودییە  بڕیارە لەگەڵ پاشای سعودیە کۆببێتەوە و گفتوگۆ لەسەر ئاڵۆزبوونی پەیوەندییەکانی سعودیە و ئەمریکا بکرێت، بەتایبەت دوای ئەوەی سعودیە نیگەرانی خۆی لە کشانەوەی بڕیاری کردەی سەربازی دژ بە سووریا لەلایەن ئەمریکاوە دەربڕی و  پاشان دانوستانەکانی ئەمریکا و رۆژئاوا لەگەڵ ئێران وایکرد سعودییە لە پەیوەندییەکانی لەگەڵ ئەمریکا پاسەکشە بکات، هەر لەبەر ئەم هۆیەش سعودییە پێشنیازی بوون بە ئەندامی لە ئەنجوومەنی ئاسایشی رەتکردەوە. یەکێکی دیکە لەو دۆسیانەی کیری لە گەشتەکەیدا بەدوایدا دەچێت، دەستپێکردنەوەی دانوستانەکانی فەلەستین و ئیسرائیلە، کە بەم دواییانە وەک سەرەتایەک بۆ دەستپێکردنەوەی دانوستانەکان، حکومەتی ئیسرائیل بڕیاری ئازادکردنی جەند بەندکراوێکی فەلەستنی دەرکرد، بڕیاریشە رۆژی سێشەممە سەردانی فەلەستین بکات و لەگەڵ مەحموود عەباس سەرۆکی فەلەستین کۆببێتەوە. هەرچی پەیوەندی بە دۆسیەی ئێرانەوە هەیە، خاڵی ناکۆکی نێوان ئیسرائیل و ئەمریکایە، بۆیە کیری لە سەردانیدا بۆ ئیسرائیل جگە لە پرسی ئاشتی فەلەستین- ئیسرائیل، گفتوگۆ لەسەر بەرنامە ئەتۆمییەکانی ئێران دەکرێت، ئەمە لەکاتێکدایە ئیسرائیل چەند جارێک داوای لە ئەمریکا و رۆژئاوا کردووە، سزا نێودەوڵەتییەکانی سەر ئێران کەم نەکەنەوە. بڕیاریشە ٧ و ٨ی ئەم مانگە جارێکی دیکە وەک قۆناخی دووەمی دانوستانەکان ئێران لەگەڵ ئەندامانی هەمیشەیی ئەنجوومەنی ئاسایش و ئەڵمانیا لە جنێف کۆببێتەوە.}

^4/11/2013

^{بەپێی زانیارییەكانی (رووداو) كە لەسەرچاوەیەكی ئاسایشەوە دەستیكەوتوون، ئەو پشتێنە بۆمبڕێژكراوەی كە بڕیاربوو خۆكوژێكی بەرەگەز سووری ئاسایشی ئاكرێی پێ بتەقێنێتەوە، بەر لە خۆكوژەكە هێنرابووە كوردستان و لە نزیك بەردەڕەش شاردرابووەوە، بەڵام هەرزوو ئاسایش ئاشكرای كردووە و پووچەڵی كردووەتەوە. رۆژی 3/11/2013 ئەنجوومەنی ئاسایشی هەرێمی كوردستان لە بەیاننامەیەكدا دەستگیركردن و دانپێدانانی دوو كەسی بڵاوكردەوە كە یەكێكیان بە نیازبوو بە پشتێنی بۆمبڕێژكراو خۆی بە ئاسایشی ئاكرێدا بتەقێنێتەوە، ئەوی دیكەش ئاسانكاری بۆ كردووە بۆ ئەنجامدانی كردەوەكە و گەیشتنی بە هەرێمی كوردستان. بەپێی راگەیەنراوەكەی ئاسایش، تۆمەتباری یەكەم بە رەگەز عەرەبی سوورییە بەناوی (قوتەیبە ئەحمەد قاسم خەتیب) ناسراو بە (ئەبو قەتادە موسلم) و لەدایكبووی 1996ە.  سەبارەت بە چۆنێتی هاتنی بۆ هەرێمی كوردستان، ئەنجوومەنی ئاسایش لە بەیاننامەكەدا روونیكردووەتەوە "لە رێگەی گرووپی دەوڵەتی ئیسلامی لە عێراق و شام رێكخراوەو دوای چەندین مانگ لە راهێنان لەگەڵ 9 تیرۆریستی دیكە رەوانەی عێراق كراون، پاش مانەوەی یەك مانگ لە مووسڵ لە رێگەی چەند تیرۆریستێكی دیكەوە ئامادەكراوە تاوەكو بارەگای ئاسایشی قەزای ئاكرێ سەر بە پارێزگای دهۆك لەڕێی پشتێنی بۆمبڕێژكراوەوە بتەقێنێتەوە".  لەبارەی دەستگیركردنی كەسی دووەم، راگەیەنراوەكە ئاماژەی بەوە كردووە "لە چالاكیەكی تایبەتدا توانرا تیرۆریستی دووەمیش كە ناوی تەواوی (مقداد عەبدولقادر ناسر خوزەیر)ەو ناسراوە بە (ئەبو عەبد) لە دایكبووی 1967ی شاری مووسڵ دەستگیر بكرێت".  ئەبو عەبد لە دانپێدانانەكەیدا دەڵێت لە ساڵی 2007 پەیوەندی بە قاعیدەوە كردووە و مانگێك لەمەوبەر پەیوەندی بە دوو كەسەوە كردووە بەناوەكانی حاجی و ئەبو ئەحمەد، دوو كەسی دیكەش لەوێ بوونە و رێككەوتوون كردەوەیەك دژی ئاسایشی ئاكرێ ئەنجام بدەن.  بەپێی دانپێدانانەكە، ئەبو عەبد لە رێگەیەكەوە ئەو خۆكوژە سوورییەی گەیاندووەتە نزیك رووبارێك و لەوێ پێیگوتووە بپەڕێتەوە ئەوبەر كەسێك چاوەڕێی دەكات، بەڵام دوای دەستگیركردنی خۆكوژەكە، ئەویش دەستگیر كراوە بەبێ ئەوەی ئاماژە بە شوێن و كاتی دەستگیركردنەكەی بدات. "كوردێك پشتێنەكەی بە دوو بازگەدا هێناوە" بەپێی زانیاری (رووداو) كە لەسەرچاوەیەكی ئاسایشەوە دەستیكەوتووە، سێ رۆژ دوای تەقینەوەكانی هەولێر واتە لە رۆژی 1/10/2013 ئاسایشی ئاكرێ زانیاری پێگەیشتووە كە بڕێك ماددەی تەقەمەنی وەكو پشتێنێكی بۆمڕێژكراو لە مووسڵەوە بەرەو ئاكرێ دێت و لەڕێی كەسێكی خۆكوژەوە لەنێو بارەگای ئاسایشی ئەو شارە دەتەقێنرێتەوە. ئەو سەرچاوەیەی ئاسایش گوتی "پشتێنەكە لەڕێی كەسێكی كورد بە دوو بازگەدا تێپەڕیوە و لە ناوچەیەكی دەوروبەری قەزای بەردەڕەش شاردبوویانەوە، دوای زانینی شوێنی شاردنەوەی تەقەمەنییەكە كە بڕی 4.5 كیلۆ بووە، تیمێكی ئەندازیاری ئاسایش چوونەتە ئەو شوێنەی تەقەمەنییەكەی لێبووە و دوای لەكارخستنی، پشتێنەكەیان لە شوێنی خۆی داناوەتەوە". ئەو سەرچاوەیە گوتیشی "رۆژی دواتر ئەو دوو كەسەی دەستگیركران، هاتوون پشتێنەكەیان بردووە، بەڵام لەكاتی گەیشتنیان بۆ بازگە لەلایەن كارمەندانی ئاسایشەوە داوای ناسنامەیان لێدەكرێت، لەوكاتەدا خۆكوژەكە هەوڵی تەقاندنەوەی پشتێنەكە دەدات، بەڵام نەتەقیوەتەوە و هەردوو كەسەكە لەوێدا دەستگیر كراون" .}

دڵدار هەركی رووداو - هەولێر

^4/11/2013

^{ئەمڕۆ ئەنجوومەنی ئاسایشی هەرێمی كوردستان دەستگیركردنی دوو تیرۆرستی ڕاگەیاند كە یەكێكیان پشتێنەی بۆمبڕێژكراوی لە خۆی بەستبوو و مەبەستیان بووە بەرێوەبەرایەتیی ئاسایشی قەزای ئاكرێ بكەنە ئامانج.} 

^{بەیانیی ئەمڕۆ ئەمڕۆ ئەنجوومەنی ئاسایشی هەرێمی كوردستان بەیاننامەیەكی بڵاو كردووەتەوە و دانەیەكی دەست ئاژانسی هەواڵی پەیامنێر كەوتووە، ئەمەی لای خوارەوە دەقەكەیەتی:}

^{هاووڵاتیانی خۆشەویست...}

^{بەچاوكراوەیی ڕۆڵە گیانفیداكانی گەلەكەمان لە هێزەكانی ئاسایش و پاراستن، توانرا شكست بە پیلانێكی دیكەی تیرۆرستان بهێنرێت و هەوڵەكانیان بۆ تێكدانی باری سەقامگیریی هەرێم پوچەڵ بكرێتەوە.}

^{لە ڕۆژانی ڕابردوو دەزگای پاراستن بە هاوكاری هێزەكانی ئاسایش توانیان دوو تیرۆرستی سەر بە گرووپی تیرۆرستیی دەوڵەتی ئیسلامیی عێراق و شام دەستگیر بكرێن كە بە نیاز بوون بارەگای ئاسایشی ئاكرێ بكەنە ئامانج، تیرۆرستی یەكەمیان خۆكوژێكی بە ڕەگەز عەرەبی سووریاییە بە ناوی (قتیبە احمد قاسم خگیب) ناسراو بە (ابو قتادە المسلم) لە دایكبووی ساڵی 1996 و نیشتەجێی (حی سوكەر) لە شاری حەلەب- سوریایە، ناوبراو لە ڕێگەی گرووپی تیرۆرستیی دەوڵەتی ئیسلامیی عێراق و شام ڕێك خراوە و دوای چەندین مانگ ڕاهێنان لەگەڵ نۆ تیرۆرستی دیكە ڕەوانەی عێراق كراون و پاش مانەوەی یەك مانگ لە مووسڵ لە ڕێگەی چەند تیرۆرستێكی دیكەوە ئامادە كراوە تاكو لە بارەگای ئاسایشی قەزای ئاكرێ سەربە پارێزگای دهۆك بە پشتێنەی بۆمب ڕێكراوەكەی خۆی بتەقێنێتەوە، بەڵام دوای ئەوەی بە هاوكاریی تیرۆرستی دووەم دێنە سنووری شاری ئاكرێ، لەلایەن هێزەكانی ئاسایشەوە تیرۆرستە خۆكوژەكە كە پشتێنەی بۆمبڕێژكراوی لە خۆی بەستبوو، دەستگیر كرا و دواتر لە چالاكییەكی تایبەتدا، توانرا تیرۆرستی دووەمیش كە ناوی تەواوی (مقداد عبدلقادر ناصر خزیر) ناسراو بە (ابوعبد) لە دایكبووی 1967ی شاری مووسڵە دەستگیر بكرێت و دان بە تاوانەكەیاندا بنێن و ڕادەستی دادگا بكرێن، لەگەڵ ئەم ڕاگەیەنراوەشدا دەقی دانپێدانانەكانیان دەخەینە بەردەمی هاووڵاتیانمان.}

^{لە كۆتایی بەیاننامەكەی ئەنجوومەنی ئاسایشی هەرێمدا هاووڵاتیانی كوردستان دڵنیا دەكەنەوە پشت بەخوا و بە پشتیوانی جەماوەری كوردستان بە هەموو توانایەك لە هەوڵەكانیان بۆ بەرپەرچدانەوە و شكستپێهێنانی تیرۆریستان بەردەوام دەبن}

^{بەپێی ئەو زانیارییانەی دەست ئاژانسی پەیامنێر كەوتوون جگە لەو تیرۆرستەی دەستگیركراوە تیرۆرستەكانی دیكە كە هاتوون بۆ عێراق، لە ناوچەكانی ناوەڕاست و خوارووی عێراق چالاكییان ئەنجام داوە و لایەنە ئەمنییەكانی حكومەتی عێراقی هیچ زانیارییەكی لەسەر دەستنەكەوتوون.}

^{سەعید عەبدوڵا}

^{ئەمڕۆ ئەنجوومەنی ئاسایشی هەرێمی كوردستان دەستگیركردنی دوو تیرۆرستی ڕاگەیاند كە یەكێكیان پشتێنەی بۆمبڕێژكراوی لە خۆی بەستبوو و مەبەستیان بووە بەرێوەبەرایەتیی ئاسایشی قەزای ئاكرێ بكەنە ئامانج.} 

^{بەیانیی ئەمڕۆ ئەمڕۆ ئەنجوومەنی ئاسایشی هەرێمی كوردستان بەیاننامەیەكی بڵاو كردووەتەوە و دانەیەكی دەست ئاژانسی هەواڵی پەیامنێر كەوتووە، ئەمەی لای خوارەوە دەقەكەیەتی:}

^{هاووڵاتیانی خۆشەویست...}

^{بەچاوكراوەیی ڕۆڵە گیانفیداكانی گەلەكەمان لە هێزەكانی ئاسایش و پاراستن، توانرا شكست بە پیلانێكی دیكەی تیرۆرستان بهێنرێت و هەوڵەكانیان بۆ تێكدانی باری سەقامگیریی هەرێم پوچەڵ بكرێتەوە.}

^{لە ڕۆژانی ڕابردوو دەزگای پاراستن بە هاوكاری هێزەكانی ئاسایش توانیان دوو تیرۆرستی سەر بە گرووپی تیرۆرستیی دەوڵەتی ئیسلامیی عێراق و شام دەستگیر بكرێن كە بە نیاز بوون بارەگای ئاسایشی ئاكرێ بكەنە ئامانج، تیرۆرستی یەكەمیان خۆكوژێكی بە ڕەگەز عەرەبی سووریاییە بە ناوی (قتیبە احمد قاسم خگیب) ناسراو بە (ابو قتادە المسلم) لە دایكبووی ساڵی 1996 و نیشتەجێی (حی سوكەر) لە شاری حەلەب- سوریایە، ناوبراو لە ڕێگەی گرووپی تیرۆرستیی دەوڵەتی ئیسلامیی عێراق و شام ڕێك خراوە و دوای چەندین مانگ ڕاهێنان لەگەڵ نۆ تیرۆرستی دیكە ڕەوانەی عێراق كراون و پاش مانەوەی یەك مانگ لە مووسڵ لە ڕێگەی چەند تیرۆرستێكی دیكەوە ئامادە كراوە تاكو لە بارەگای ئاسایشی قەزای ئاكرێ سەربە پارێزگای دهۆك بە پشتێنەی بۆمب ڕێكراوەكەی خۆی بتەقێنێتەوە، بەڵام دوای ئەوەی بە هاوكاریی تیرۆرستی دووەم دێنە سنووری شاری ئاكرێ، لەلایەن هێزەكانی ئاسایشەوە تیرۆرستە خۆكوژەكە كە پشتێنەی بۆمبڕێژكراوی لە خۆی بەستبوو، دەستگیر كرا و دواتر لە چالاكییەكی تایبەتدا، توانرا تیرۆرستی دووەمیش كە ناوی تەواوی (مقداد عبدلقادر ناصر خزیر) ناسراو بە (ابوعبد) لە دایكبووی 1967ی شاری مووسڵە دەستگیر بكرێت و دان بە تاوانەكەیاندا بنێن و ڕادەستی دادگا بكرێن، لەگەڵ ئەم ڕاگەیەنراوەشدا دەقی دانپێدانانەكانیان دەخەینە بەردەمی هاووڵاتیانمان.}

^{لە كۆتایی بەیاننامەكەی ئەنجوومەنی ئاسایشی هەرێمدا هاووڵاتیانی كوردستان دڵنیا دەكەنەوە پشت بەخوا و بە پشتیوانی جەماوەری كوردستان بە هەموو توانایەك لە هەوڵەكانیان بۆ بەرپەرچدانەوە و شكستپێهێنانی تیرۆریستان بەردەوام دەبن}

^{بەپێی ئەو زانیارییانەی دەست ئاژانسی پەیامنێر كەوتوون جگە لەو تیرۆرستەی دەستگیركراوە تیرۆرستەكانی دیكە كە هاتوون بۆ عێراق، لە ناوچەكانی ناوەڕاست و خوارووی عێراق چالاكییان ئەنجام داوە و لایەنە ئەمنییەكانی حكومەتی عێراقی هیچ زانیارییەكی لەسەر دەستنەكەوتوون.}

^{سەعید عەبدوڵا}

شارەزایان ئاشكرایان كردووە كە خاوێنكردنەوەی بەردەوامی ددان بە فڵچە ودەزوو دەبێتە هۆی رزگاركردنی مرۆڤ لە نەخۆشییەكانی دڵ. 

شارەزاكان گوتیان بەكتریای ناودەم دەچێتە ناو سووڕی خوێنەوە و لەوانەیە ببێتە هۆی جەڵتە و دەبێتە هۆی هەڵئاوسانی دیوارەكانی دڵ كە مەترسی مردن دروست دەكات و دەم چەندین جۆر بەكتریای تێدایە وەك ستربتۆكۆكۆس گۆردۆنی كە دەبێتە هۆی دروستكردنی پەڵە لەسەر دان و ئەگەر ئەو بەكتریایە بگاتە ناو سووڕی خوێن لە رێگەی پووكەوە كاتێك خوێنی بەردەبێت، دەبێتە هۆی زیانی زۆر لەبەرئەوەی شێوەی پرۆتین وەردەەگرێت و دەبێتە هۆی جەڵتە.

توێژینەوەكانی پێشوو ئاشكرایان كردووە بایەخ نەدان بە ددان و پوك، دەبێتە هۆی رێگەدان بە چوونی 700 جۆر لە بەكتریا بۆ ناو خوێن و ئەوەش مەترسی جەڵتەی دڵ زیاد دەكات بە چاوپۆشین لە ئاستی تەندروستی مرۆڤ.

زانراوە كە نەخۆشی پووك دەبێتە هۆی دروستبوونی بۆنی ناخۆش لە ناو دەمدا و ئەگەر ئەوە چارەسەر نەكرێت دەبێتە هۆی كلۆربوونی ددان و كەوتنی دانەكان.

پسپۆران دەڵێن مەترسی گەورە لەسەر تەندروستی ددان لە رێگەی ئەو هەزاران جۆرە بەكتریایەوەیە كە ناو دەمدان.

توێژەرانی زانكۆی نەشتەركارانی شاهانە لە ئێرلەندا و زانكۆی بریستۆلی بەریتانیا، گوتیان بەكتریای ستربۆتۆكۆكۆس توانای ئەوەی هەیە مادەیەك بەرهەم بهێنێت كە وەك پرۆتینی فایبرینۆجینی ناو لەشی مرۆڤ وایە كە دەبێتە هۆی جەڵتەی دڵ.

ئەو پرۆتینە خڕۆكەیەكی تایبەت دروست دەكات كە لە خوێنبەرەكاندا كەڵەكە دەبێت.

ئەم خڕۆكانە بەكتریا دەپارێزن و سیستمێكی بەرگریی لە بەرامبەر ئەو دەرمانانەدا بۆ دروست دەكەن كە بۆ نەهێشتنی هەڵئاوسان بەكاردێن.

سەرچاوە: میدڵ ئیست

ئا: زانیار نوری