^{لانیکەم ١٢ زیندانیی سیاسی و مەزهەبیی کوردی بەندکراو لە زیندانی بۆکاندا بە ناوەکانی ئەردەڵان مینە، بێهرووز براخاس، ئیسماعیل ئاتەشمەرد، کاوە ڕەحیمی، حامید مەعرووفی، عەلی موحەممەدی، مەحموود جەعفەری، عەلی فارووقی، ئەرسەلان مینایی، عەزیز بانەیی، قادر سەلیمی و مەلا داوود، لە بەرانبەر ڕێگریکردنی دامودەزگا ئەمنییەکان لە بەهرەمەندبوونیان لە مافە یاساییەکانیان، لەوانە مۆڵەتی پشووی کاتی و زیندانی کراوە، لە ڕۆژی دووشەممە ١٣ی ڕەزبەری ١٤٠٥ـەوە (٥ ئۆکتۆبەری ٢٠٢٦) مانیان لە خواردن گرتووە.}

^{بەپێی زانیارییەکانی تۆڕی مافەکانی مرۆڤی کوردستان، ئەم بەندکراوانە ڕۆژی دووشەممە نامەیەکیان ڕوو لە بەرپرسانی زیندانی بۆکان نووسیوە و مانگرتنەکەیان بە شێوەی فەرمی پێ ڕاگەیاندوون. لە نامەکەدا هۆکاری مانگرتنەکەیان گەڕاندووەتەوە بۆ ڕێگریکردنی دامودەزگا ئەمنییەکان لە پێدانی مۆڵەتی پشووی کاتی و زیندانی کراوە.}

^{ڕۆژی سێشەممە ١٤ی ڕەزبەر (٦ی ئۆکتۆبەر) لە دووەم ڕۆژی مانگرتنەکەدا، بە فەرمانی سەرۆکی زیندان، هەرهەموو مانگرتوان ڕەوانەی قەرەنتینەی زیندانەکە کراون.}

^{هەروەها لە کاتی دەسپێکردنی مانگرتنەکەوە، ئەم ١٢ بەندکراوە لە مافی پێوەندیی تەلەفۆنی و دیداری بنەماڵە بێبەش کراون. ئەم بەندکراوانە کە خەڵکی شارەکانی بۆکان و تیکابن، پێشتر لە هەندێ دۆسیەدا بە تۆمەتی سیاسی و مەزهەبی دەستبەسەر کرابوون و سزای بەندکرانیان بۆ دەر چووبوو.}

١١/١٠/٢٠٢٦