^{ڕێکخراوی هانا بڵاویکردەوە، لە چەند ڕۆژی ڕابردوودا دەسەڵاتی ئێران لە دەستبەسەرکردن و ڕفاندنی هاووڵاتییانی کورد لە ڕۆژهەڵاتی کوردستان بەردەوام بووە، لە کاتێکدا چارەنووسی هەندێک لە دەستبەسەرکراوان نادیارە.}

^{ڕێکخراوی مافی مرۆڤی هانا سەبارەت بە دەستبەسەرکردن و ڕفاندنی هاووڵاتییانی کورد لەلایەن ئێرانەوە ڕاپۆرتێکی بڵاوکردەوە.}

^{لە ڕاپۆرتەکەدا هاتووە، ئەمڕۆ دوو هاووڵاتیی بە ناوەکانی "دیاکۆ بایزیدی" و "مستەفا جۆشکر" خەڵکی شاری مەهاباد لەلایەن هێزەکانی ئیتلاعاتی سوپای پاسداران لەو شارە دەستبەسەرکران و بۆ شوێنێکی نادیار گوازرانەوە.}

^{ئاماژە بەوەشکراوە، ڕۆژی ڕابردوو ئیلیا لوتفی تۆرماکچی تەمەن ١٧ ساڵ خەڵکی شاری بانە لەلایەن هێزێکی دەمامکداری ئێران ڕفێندرا.}

^{ئەوەش خراوەتەڕوو، لە ١٩ـی تشرینی یەکەمی ئەمساڵدا، ئەحەد مەیهەنخاهـ تەمەن ١٩ ساڵ و خەڵکی شارۆچکەی شنۆ لە سنووری پارێزگای ورمێ، بە مەبەستی جێبەجێکردنی سزای پێنج ساڵ زیندانییکردن کە پێشتر بە سەریدا سەپابوو، دەستبەسەرکرا و بۆ گرتووخانەی نەغەدە گواسترایەوە.}

^{ناوبراو پێشتر لە ٢٤ـی کانوونی دووەمی ٢٠٢٦، بەبێ فەرمانی دادوەر لەلایەن دەزگای ئیتلاعاتی ئێرانەوە دەستبەسەر کرا و دوای نزیکەی مانگێک بە دانانی بارمتە ئازاد کرا، دواتر لەلایەن دادگای شۆڕشی شنۆوە به تۆمەتی "هاوکاری ئۆپۆزسیۆنێکی دژبەری ئێران" سزاکەی بەسەردا سەپێندرا.}

^{باس لەوەشکراوە، لە ١٦ـی تشرینی یەکەمی ئەمساڵدا، هێزەکانی ئیدارەی ئیتلاعات لە شاری سەقز بێ هیچ جۆرە بڕیارێکی دادوەری هەڵیانکوتاوەتە سەر ماڵی ئارام ئەمینی و ڕفاندوویانە، دوای تێپەڕبوونی پێنج ڕۆژ هیچ زانیارییەک لەسەر شوێنی ڕاگرتنی بەردەست نییە.}

٢١/١٠/٢٠٢٦