^{سارۆ سادقزادە کە منداڵێکی تەمەن ۱۷ ساڵی خەڵکی شاری بانەیە، لە لایەن هێزەکانی ئیدارەی ئیتڵاعاتەوە دەستبەسەر کرا و چارەنووسی نادیارە.}

^{بەپێی زانیارییەکان، سارۆ سادقزادە کە منداڵیکی کوردە و تەمەنی ۱۷ ساڵە و خەڵکی شاری بانەی ڕۆژهەڵاتی کوردستانە، لە ئەنجامی هێرشی هێزەکانی ئیدارەی ئیتڵاعات بۆ سەر ماڵەکەیان، بەبێ نیشاندانی هیچ بەڵگەیەکی دادوەری دەستبەسەر کراوە.}

^{دوای دەستگیرکردنی دەستبەجێ بۆ ناوەندێکی ئەمنی لە شاری سنە گواستراوەتەوە، تا ئێستا هیچ زانیارییەک لەسەر هۆکارەکانی دەستبەسەرکردن و ئەو تۆمەتانەی دراونەتە پاڵی ئاشکرا نەکراوە، هەروەها نازانرێت بارودۆخی تەندروستی ناوبراو لە چی دۆخێکدایە.}

^{هەروەها ئەو منداڵە لە مافی پارێزەریی و چاوپێکەوتنی بنەماڵەکەی بێبەش کراوە.}

٢١/١٠/٢٠٢٦